funt sterlinq

Hər britaniyalı yazıçılardan nəsə oxuyanda düz gəlir durur gözümün qabağında. Mənim kimi araşdırmağa ərinənlər üçün də problem triologiyası sanki...
Peni - şilinq - sterlinq üçlüsü.
Bir peni britaniya krallığında tədavüldə olan ən kiçik pul vahididir. Hal-hazırda bir peni bir sterlinqin yüzdə birinə bərabərdir.
Amma burada diqqət ediləsi bir məqam var. "Şilinq".
Şilinq 1971-ci ilə qədər tədavüldə olmuşdur və onda on iki peniyə bərabər idi. iyirmi şilinq isə bir sterlinqə. Yəni bu hesabla 1971-dən əvvəl bir sterlinq yüz yox, 240 peniyə bərabər imiş.
1971-dən əvvəl:
12 peni = 1 şilinq
240 peni = 1 sterlinq
Yəni kitabı oxuyanda baxın görün hansı dövrü əhatə edir. qiymətləri, pulun dəyərini anlamağa kömək olsun:
Bir parça ət və iki tərəvəz - bir şilinq iki peni
Bir böyük pivə - 9 peni
20 Gold Flakes(siqaret) - bir şilinq
Ravenscorft otelində - iki pors "soyuq ət" və ən ucuz şərab altı şilinq üç peni..
Orwellin "aspidistrasından".

sözaltı music

The Half - Mavi solo
Qulaqdan çıxarılma version

(youtube: )

sözlük hekayələri

(qeyd. kafkanın uşaqlığında nənəsindən məlikməmmədin nağlını yüzlərcə dəfə dinləyib aldığı travmanın təzahürüdür)

Bir gün timidus yolla gedirmiş. Dərəyə çatanda görür ağ qayanın qaraya çatan yerində bir qızıl quyruq kosa quşu oturub, sevinclə timidusa baxır. Timidus yaxınlaşır quşa deyir "ay qızıl quyruq niyə belə sevinclisən, xeyirdimi?" Quş deyir "yaradan sağolsun, umbay elində toy-bayramdı, köhnə moderator gedib, təzəsi gəlib. Deyir 41 gün sonra günəşin çıxdığı yerdə ay batanda hamını yazar edəcək. Dağlardan sel gəlib dərəni basanda umbay verənlər görünəcək. Səni də çağırırlar bu məclisə, onlara biraz söhbət agah edəsən. Amma nəbadə orada nellie barədə söz açasan.
Timidus düşür yola düşünə-düşünə ki sel dərəni basar amma günəşin çıxdığı yerdə aymı batar? az gedir, düz gedir, 20dağ aşır, 30dərə keçir, 40cı cığırın sonunda görür məclis qurulub. Çatır məclisin qapısının ağzına görür kafka ağlayır orada. Deyir "ay kafka niyə kədərlisən?" Kafka cavab verir ki bəs "yaradan sağolsun, məni məclisə buraxmadılar".
Timidus biraz da qabağa gedir, görür heçözüdəbilmir ağlayır. Soruşur "niyə ağlayırsan ay canım?" Cavab gəlir ki, "məni də məclisə buraxmadılar". Timidus girir məclisdən içəri, bir də görür nə?! içəridə 1001 cür ləziz təamlar, 1 damıcısı 1 qızıldan baha şərablar, canım sənə desin cocolar, bonglar nə bilim kef, damaq. Görür ən təzələrdən də təzə bir umbay oturub süfrənin başında, hamı da ondan söz gözləyir. Bircə nelli görmür. Umbay loxmasını udur deyir, "yaradan sağolsun, yığışdıq bu məclisə qeyd etməyə ki, bu gün sabah hamımız yazar olacağıq, şad firavan yaşayacağıq". Yazarlar, umbaylar alqışlayır.
Timidus keçir süfrəyə, 100 eldən ozan çağırır, kasıba, füqəraya sədəqə verir, ağsaqqallardan xeyir dua alıb keçir sözə". Deyir " dostlar sağolsun, bu məclisin səbəbi mənə o müqəddəs gün kimi aydındı. Bəs nellie haradadır?
Birdən ildırımlar çaxır, göy guruldayır, külək sağdan sola hücuma keçir, dağ yarılır içindən qızıl atın belində kosa quşu yetir məclisə. Deyir "div yuxudan oyandı, gəlib su istəyəcək, onu aparın dərəyə, suyu oradan içsin". Divi aparırlar dərəyə, div də 40gün dərənin dibində oturub bütün suyu içir. 41-ci gün gəlib çatanda günəş çıxdığı yerdə ay batır ama nə sel gəlir nə də dərə var. O gündən sonra bütün umbaylar yazar olur amma heç vaxt umbay verənlər görünmür.

copie conforme

Abbas Kiarostaminin yazıb, rejisorluğunu etdiyi 2010-cu il tarixli 3 dilli(ingilis, fransız və italiyan) film. Rejisorun xarici dilli ilk filmi imiş, o da necə həvəsli imişsə 3 dili birdən vuruşdurub. Adam ingiliscə nəsə deyir, qadın italiyanca cavab verir arada da fransızca gözəlləyirlər qulaqlarımızı.

Film başda sənət və kopya arasındakı oxşarlıq və ziddiyyətlərlə başlayır, oradan keçir həyata, evliliyə, xoşbəxtliyə və yenidən original olana və kopyaya...

içində düşündürücü bir sürü replika var idi, tam elə instagramda film səhifəsi işlədən dosta, qardaşa qismət olası replikalar:
"Hamımız öləcəyik. Heç bir şey sonsuz deyil. Məzarlıqlar vazkeçilməz insanlarla doludur."

"Qorxuram ki, sadə olmaq o qədər də sadə bir şey deyil". məsələ həm də bu replikaları dedirdəcək situasiyaları yaratmaqdı biraz da.

Film italiyanın toscana şəhərində keçir. Gün işığının torpağı sığalladığı, ağacların bənzərsiz, qayaların müdrikləşdiyi şəhər bir növ. Necə də doğma gəlirdi gün işığı.

Yuxarıdakı sözlükdaşımın əksinə mən elle və jamesin münasibətlərinin olmadığını düşünürəm ki, film dəfələrlə bunu vurğuladı. istər jamesin unutqanlıqları olsun, istərsə də ellenin rəngarəng fantaziyası ilə boşluqları doldurma cəhdi. Həm də film elə öz başlıdığı fikrə qayıdırdı sonda. hər kəsin evlənmək üçün gəldiyi yerdə "evli imiş" rolunu aparmaq. Yəni original olan və onun kopyası.

Rejisor dialoqlar zamanı yaxın plan portret texnikasından qəşəngcə istifadə edib, sanki aktyorlar bir başa sənlə danışır. Elle gözlərimin içinə baxan yerdə yanağından aşağı iz qoyub düşən damcılar qəlbimi necə parçaladı... əsas da baxışlarındakı "bütün bunlara səbəb sənsən və bir cavab borclusan" eyhamı.

əfsanəvi albom qapaqları

1997-ci ildə metallicanın 7-ci işıq üzü görən albomu: reload.
Tərz olaraq Load albomunun davamı da deyə bilərik azcana. Köhnə dinləyicilərinə bir növ "thrash erası bitdi, imkan verin pul qazanaq" növündən bir cavab kimi albom. Qapaq şəkli də load albomuna(#314927) bənzərdi: Sidik və qanın birləşməsi.
Əslində load albomu ilə birlikdə çıxmağı planlaşdırılıb amma bəzi səbəblərə görə 1 il gecikdirilib.
Fuel, Unforgiven II, fixxxer, the memory remains, where the wild things are kimi qəşəng parçaları özündə birləşdirən qəşəng albom.

sözlük hekayələri

fikirləş də iki köhnə yazar olur sözlükdə, bir qız bir oğlan. oğlanın qızdan xoşu gəlir amma açıla bilmir heç cür. yavaş-yavaş qızla yaxınlaşmağa başlayanda sözlük səviyyəni get-gedə elzanın şeirlərinə doğru salırmış deyə qız sözlüyü tərk edir. oğlan da heç vaxt qızın real kimliyini öyrənə bilmir. o gündən başlayır sözlükdə elza şeiri yazanlarla dostluq yaradıb görüş təşkil etməyə, sonra da onları öldürüb gizlədirmiş ki, bəlkə düzələr sözlük. Və sevdiyi qayıdar.

amma bu random itkin düşən adamlar fbi nın diqqətini çəkir. onlar da itkin düşənlər barədə nəticə çıxara bilmək üçün ortaq xüsusiyyət axtarıb tapırlar ki hamısı sözlüyün elzalarıdı. fbi nın rəisi də girib içəri deyir elə zor sikiblər onları. tamam elə olmur, onlar timi tapırlar sonra başlayırlar birgə işləməyə ki, sonrakı qurbanlar kimlər olacaq zad. Bu arada bəzi ipucları həmin oğlanı göstərir. Amma əllərində tam bir dəlil olmadığından oğlanı həbs etmək barədə qərar çıxara bilmirlər. Tim girir oğlanın ümumi sözlük keçmişini araşdırıb öyrənir və görür ki oğlanın uğruna cinayət törətdiyi qız əslində kafkanın yanıqlarla məzələnmək üçün açdığı fake hesabı imiş.
Sonra ekran açılır, fbi-nın new-yorkdakı mərkəzi, tim və fbi kafkaya deyir o oğlan serial qatildi, onu tutmaq üçün sənin fake profilinə ehtiyyacımız var. Kafkanın "sirinqiz_" hesabı sözlüyə qayıdır. Başlayırlar oğlanla danışmağa dəlil ola biləcək nəsə axtarmağa. Amma kafka həm də gizlicə razıdı elzanlarln dırmıxlanmağına. Nəysə bu gecəlik bu qədər.
sezon finalı skffkdkkds

sözlükdə seleksiya

Dişi Dəniz tısbağaları yumurtlama sezonunda hər birində 65-180 olmaqla iki altı arası yuvaya yumurta qoyurlar. Çox görünə bilər təbii ki, amma bu sürünənlər arasında təəccübləndirici bir say deyil. Ümumi isə dəniz tısbağası həyatı boyunca 1900-2300 arası yumurta qoyur. Lakin o qədər yumurtadan sadəcə, əgər çox şanslıdılarsa, 2-3 bala çıxıb dənizə çatacaq, təbii instinklə qida tapacaq, böyüyəcək, ardınca növündən asılı olaraq 5-10 il ərzində həyatda qala biləcək ki, yetkinliyə çatıb növünün çoxalmasında iştirak etsin.

Bir də fillər var. Qurudakı ən böyük və 4 dizi olan məməli. Fillər isə balalarını təxminən 2 il ərzində qarınlarında gəzdirirlər. Bir dişi həyatı boyunca təxminən 12bala verə bilir. Bütün hallar nəzərə alınanda bala fillərin bir yaşına çatmamış ölüm faizi isə təxminən 30/100dür. Fillərin ən həssas dövrünün də elə ilk ili olduğunu nəzərə alsaq demək olar ki, təxminən 70% yeni doğulan fil yetkinliyə çata bilir. Vəhşi təbiət üçün çox yüksək bir saydı bu. Yetkinlik üçün isə bir filin 15-20 ilə ehtiyacı var.

Təkamül hər bir canlını başqa bir şeyə məcbur edib, birisi 2-3 yetkinliyə çatacaq bala üçün minlərlə yumurta qoymalıdır... kefiyyəti çatmırsa kəmiyyəti ortaya atmalıdır.
Bir digərinə isə 2 bala da bəs edir.

Sözlükdə də təkamülün bir çox prinsipi öz işini görür. Yüzlərlə gərəksiz, mənasız entridən sadəcə 1-2sini yaxşı yaza bilən dəniz tısbağaları və əksinə entrisini beyin bətnində bişirən, yetəri qədər onu düşünüb daşınan, təslifatlandıran, sözlərini dəfələrlə yazıb, pozub, dəyişən fillər. Bütün demək istədiyim budur.