sözaltı music

Metallica - the day that never comes

əsgərlik əfsanələri

Atam murovda xidmət eləyən vaxtlar yaman yayılmışdı bu, orada bütün hərbçilər bunu danışıb gülürdülər. Düzdü balaca idim o vaxtlar amma yadımda qalıb.
Novruz ərəfələri imiş, bir əsgərə evdən pay göndərirlər, şəkərbura paxlava filan. Əsgər pay pürüşünü alıb qalxırmış posta amma necəsə azıb, keçir erməni tərəfə. Ermənilər bunu saxlayırlar ki, hara gedirsən. Əsgər də özünü itirmir, əlindəkini gösrtərib deyir ki "bizdə bayramdı indi, bunu bizim komandir sizin komandirə göndərib." Ermənilər də bunun bağlamasını alır, onlar da bizimkilərə pay qoyub deyirlər ki "al bunu da bizim adımızdan öz komandirinə apar, denən sağolsun."
Bəlkə də doğrudu e -*

sifarişi verən: Derek

yazarların başına gələn maraqlı hadisələr

Mən lap balaca olanda, 3 ya 4 yaşım olardı yəqin ki, itmişdim bulvarda. itirmişdilər daha doğrusu, anamla xalam -*. Çox kölgəli də olsa xatırlayıram, biraz da hiss edirəm o vaxtkı narahatlığımı. Bir qadınla kişi tapmışdı məni, daha doğrusu diqqət etmişdilər ki, təkəm və axtarıram kimisə. Qadın soruşmuşdu ki, "niyə ağlayırsan?"
Sonra onlar da mənlə axtarmışdılar bizimkiləri. Amma tapa bilməmişdik. Aparmışdılar məni polis idarəsinə. Polisin məndən telefon nömrəsi istəməyini də xatırlayıram. Soruşmuşdu ki "bilirsən kiminsə telefon nömrəsini?". "Hə" deyib bildiyim rəqəmləri demişdim -*. Məni ora gətirən cütlük polis idarəsindən ayrılandan sonra bizimkilərlə qarşılaşırlar. Anlayırlar ki, bunlar da kimisə axtarır.
izah edirlər ki, "biz də bir uşaq tapmışdıq, polis idarəsinə verdik". Eləcə mən tapılıram.
Daha da maraqlısı budur ki, bizim ailə hərbi şəhərciyə köçəndən sonra üst qonşumuz atamdan soruşmuşdu ki, "kafka balaca olanda itirməmisiz onu bulvarda?"

uşaq vaxtı atanın iş yerinə getmək

Uşaq vaxtı(4-5) tez-tez səhər yuxuma haram qatan şey. Atam müşfiq tərəflərdəki hərbi hissədə işləyirdi o vaxtlar. Uaz gəlib götürürdü atamı, qardaşımla mən də arxaya minib tullana-tullana gedirdik. Oradakı kompüterdə bir oyun var idi onu oynayırdıq xeyli, çox heyf ki, adını unutmuşam, nostalgiya olardı.
Bir dəfə də zabitlərdən kimsə bizə gəzdirirdi hərbi hissəni, yaxınlıqdan keçən qadın zabitə demişdim ki "mənim atam bütün qəşəng qızları alır, sən qəşəng olsaydın səni də alardı". Deyən də yoxdu ki, ə xiyar durduğun yerdə nə əlaqə, haradan çıxdı bu, dədəm də yaraşıqlı ola dərd yarı aq. Yaxşı ki, qapazı ilişdirmədi alnımın ortasına.
Bir dənə də kaska(dəbilqə deməliyəm yoxsa) var idi atamın kabinetində, içəri otaqda. Gedən kimi əsgərin zəhləsini tökürdüm ki, onu ver taxım başıma. Bütün gün başımda olurdu. Deyəsən ona görə başıma qan getmirmiş. Kimsə də şəklimizi çəkib əsgərlə, ölümsüzləşdirib o anı.

sözaltı music

Ömrü qısa çəkən, adsız qrupumuzdan geri qalan bir neçə səs yazısından biri, onları da sadəcə məşq edəndə record etmişdik. Kəllə də o biri otaqda bassline-larını öyrənirdi mahnının. * :"/
19.05.2021

güldürən dialoqlar

Bayaq bacımla oturmuşuq, bu da əlimi masaj edir. Soruşur ki, "dostlarını çox istəyirsən?". Deyirəm "hə, niyə çox istəməyim, sən çox istəmirsən?". Deyir "mən özümü onları çox istəyirmiş kimi aparıramdkfndjdjssksk
Niyəsini soruşuram, deyir "hədiyyə ilə turnikdən sallaşırdıq, üz üstə yapışdı yerə durdu ayağa ki, sən niyə turniki yellədirsən, şər atır mənə. Mən də bilirəm ki o birilər də şər atacaq mənə gələcəkdə, ona görə özümü onları çox istəyirmişəm kimi aparıram". Soruşuram "bizə də elə edirsən?(yəni ailədəki fərdlərə)" deyir hə nfjdjdkddkdks
Bircə mamamı çox istəyirəm deyir. Bir balaca şər bir ailəni beləcə dağıtdı aq.

brian may

Queen qrupunun əfsanəvi gitaristi. Rolling stones-a görə ən yaxşı 100 rock gitaristindən 26-cısı.
Çox maraqlı bir tarixçəsi var Brianın daim əlində gördüyümüz "red special" adlı gitarının. Buna keçməzdən əvvəl qeyd edim ki, gənc brian ilk təcrübəsini atasının banjo-ukulelesindən qazanır. Ardınca isə egmond model akustik gitara çalmağa başlayır. Elə ilk experimentini də bu gitar üstündə aparır. Adam götürür adi akustik gitarını electric akustikə çevirir.
1960ların əvvəli brianın yeniyetməliyinin çağlayan vaxtları gəlir çatır, o da deyir ki, artıq normal electro zamanı gəldi. Artıq qızlar banjo tınlamır -*
Lakin ailənin maddi vəziyyət aşağı, habelə o vaxtkı gitarlar da baha olduğundan gitar ala bilmirlər. Bu zaman elektrik mühəndisi atası Harold Mayin ağlına evdəki imkanlarla gitar düzəltmək fikri gəlir(Atası bu tip işlərdə olduqca təcrübəli olub, hətta evdəki radio, tv və bir çox mebel əyşasını özü 0-dan düzəltmişdir). Ata-bala başlayırlar 2 il çəkəcək işə. Köhnə bir stoldan əldə etdikləri taxtadan gitarın gövdəsini hazırlayırlar. Gitar üstündə aparılan bütün kəsimlər, oymalar, şəkilləndirmələr hamısı sadə əl alətləri ilə aparılır. Brian taxta qurdlarının açdığı deşikləri kibrit çöpləri ilə bir-bir doldurur. Gitarın qolunu(boğazını) polad çubuqla bərkidirlər. Qolun taxtadan hazırlanın hissəsi isə viktoriya dövründən qalma 120 illik bir komoddan çıxarılan maun ağacındandır.



Tremolo qolunu motosikletdən çıxardıqları iki dəmir purjindən(vafl yayı) düzəldirlər. Lakin gitarın tremolo(vibrato) sistemi istənilən qədər yaxşı işləmir, simlər kökdən düşürmüş. Uzun əməklər sonrası ata-bala bunun da öhdəsindən gəlirlər.



Gitarın switchləri isə bir başqa aləmdi. Adi bir gitarın əsasən 2 və yaxud 3 switch pozisiyası olur. Bizim məşhur red specialda isə 6 switch pozisiyası var. Bu da öz növbəsində olduqca müxtəlif tonlar əldə etməyə imkan verir.



Ən çətin hissələrdən biri də gitarın pick up-ları olub. Dəfələrlə sınaqdan sonra Harold və Brian may gitardan səs çıxarmağı bacarıblar. Brianın fizika biliyi burada ona olduqca kömək edib. Yaxınlıqda yerləşən hardware mağazasından aldığı eclips magnit düymlərini atasının köməyi ilə gitara yerləşdirib. Lakin brianın amplifier da yox imiş. O da atasının düzəltdiyi radionu amp olaraq istifadə edib -*. Adam əsl alfa.



Bunu da qeyd edim ki, studio parçalarının 90%-da brian elə öz hazırladığı gitarından istifadə etmişdir.