la soledad se adueña de toda emoción

320 0 0 0

6. nəsil yazar

Entry: 320

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xarici qızlar vs azərbaycanlı qızlar

+67 əjdaha

içimdən "salam yanıqlar və şəhərimizin qonaqları" deyə bir giriş etmək istəyi doğuran göyçək sözaltı başlığıdır. Əvvəlcə onu deyək ki, insanların tükləri var, kişilərin pox götürsün varıdır, qadınların isə ondan daha az, xarici olanların da Azərbaycanlı olanların da varıdır, tüklər var, tük deyə adlandırılan kiçik qıllar mövcuddur və istəyən qadın alar, istəməyən də almaz çünki hədsiz ağrılı, yaralayıcı alma üsulları var, epilyasiya isə odu bahasınadır, üstəgəl sonrasında xərçəng müalicəsinə bədənin cavab verməmə təhlükəsi var. Axır əvvəl o tükləri görəcəksiniz, çünki özünün öz tüklərini görməkdən iyrəndiyi bir qadının belə həyatının nə qədər vaxtını tüklərini almağa xərclədiyini fikirləşəndə dəhşətə gəlib, "məndən bu qədər" deyə biləcəyi bir prosesdir tük almaq. Könlünüz anna nataşa çəkəndə və onlar sizi kübarca geri çevirəndə yenə Azərbaycanlı qızlara yönəlmək məcburiyyətində qalanda onlar da sizi kobudca geri çevirəndə (çünki Azərbaycanlı qızı qınayacağınız ən son şey belə olmamalıdır bu. Azərbaycanlı qız sizin kimi hələ tanımadığı birinə hə cavabı versə ağzını bir düzünə, bir tərsinə cıracaq anası, qardaşları, atası, adını bir nəsil uzunu çıxaracaq qohumları, ətrafında da çıxaracaq pıçıldama vəziyyətində hazır duran rəfiqələri var) kiçik penislərinizi yad gözlərdən qoruyan dəyərli tumanlarınızı başınıza çəkməyin. (Məqsədli və eyni dərəcədə qəddar bir insultdur bu) Sizi tükəzbanlıq etmədən geri çevirə bilməsi üçün müəyyən bir intellektə sahib olmalıdır o qızcığaz. Hansı ki, çoxluq gənclərimizin başda təklif edən oğlanlar olmaqla sonrasında da şüvənlə namusuna sataşılmış kimi acınası bir reaksiya verən qızlarda o y o x d u r. Təhsil səviyyəmiz və ümumiyyətlə səviyyəmiz məlumdur, bir neçə Azərbaycanca Facebook postunun ya da YouTube videosunun rəylərinə baxmaq belə bəs edir. Xaricdəki azadlıq içərisində böyümüş komplekssiz bir rus ya da avropalı qız ilə bizim yazıq, fağır, komplekslərinin əlindən tərs təpib özünü gözəllik kraliçası kimi aparan azərbaycan qızını hansı ədalət, vicdan ilə müqayisə edərsiniz. Bədəninin tükləri bir yana qalsın, bu insanların qaşlarını almağına belə təzə-təzə icazə verildiyini, bəzilərinə isə hələ də icazə verilmədiyini niyə unudursunuz axı. insafdandır bu? Entry-lərinizdəki Azərbaycanlı qız kriteriyalarına uyan bir qız bunları oxusa necə qəlbinin qırıla biləcəyini fikirləşmək istəmirəm. Coğrafiya qəzabu-qədərdir. Azərbaycanlı qızlar isə qurban olduqları qədər də günahsızdırlar. Məncə böyüdükləri şərtləri nəzərə alanda davranışları haqqındakı haqlı şikayətlərinizi dilə gətirməyiniz belə qəddarlıq sayılar.
Edit: hələ yuxarıda azərbaycanlı qızlar yataqda pis performans göstərdiyi üçün qınanılıb. Ala? Bakirəlik? Azərbaycan reallığı? Mentalitet? Üzr istəyirəm?

53 əjdaha! 06.08.2019 11:27, la soledad se adueña de toda emoción

#289153 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

insanı sevindirən şeylər

+27 əjdaha

Elə də bir şey deyil belə baxanda, amma adam yadırğanmamağa həqiqətən sevinir. Mən dünyadakı ən dəxlisiz adamlardanam, söhbətlərə qoşulanda mütləq nəyisə ya eşitmirəm ya anlamıram ya da söhbəti tutmuram. Olmur da, olmur, mütləq bir sual verməli oluram, çünki anlamıram. "Nəyi aparmaq?" , "Hansı qız?" , "Sıranı nə eləmək?" , "Hara qoyum dedin?". Konkret qulağı ağır eşidən ya da gec çatan adam tipləməsiyəm, boranını qoyub qabağınıza söhbət eləsəniz, daha çox zövq alarsınız. Ən böyük qorxum da ünsiyyətdə olduğum və ondan nəsə soruşmaq cəsarətini mənə verməyən adamla danışanda nəyisə anlamamaqdır. ipin ucunu itirdimsə, işlər ümumiyyətlə zibilə dönür. Amma bu gün çox sevimli bir şey oldu. Mən yenə nəyisə başa düşmədim. Yanımızdakı oğlan "Ala bu həmişə niyə belədir?" dedi. Qız da "Mən artıq öyrəşmişəm ona bir şeyləri izah eləməyə." kimi nəsə dedi. Amma əlbəttə təsadüfdən mən temanı yenə tutmadım və dedim ki, nəyi izah etməyə? Onda bir uğunuşma düşdü. "Sənə izah etməyə deyirəm, adam öyrəşir." cavabını allahdan "mənə nəyi izah etməyə?" deyə bir sual zad daha verib beyinini sikmədən anladım. Ancaq hədsiz utandım yenə fikrimin ayrı yerə gedib məni qanmaz vəziyyətinə salmağına. Dedi "Həqqi o niyə elə olur ki? Fikrin hardadır?". Dedim "Əslində hələ fikrimin tamamilə sizdə olduğu halı budur, deyəsən. Yəqin zəka geriliyim var.". Bilirəm, qız elə-beləsinə demişdi onu, ancaq həqiqətən, həmişə suallarımı cavablayır və sadəcə bir dəfə o ağlayanda vəziyyəti aydınlaşdırmaq üçün suallar verməyimə gic olub əliylə "sus." işarəsi eləmişdi. Buna fikir verəndə qəlbim əridi, çünki həqiqətən məni cavablamağa öyrəşib. Hədsiz şirindir bu, insanlardan hər gün bu qədər tolerantlıq görmək olmur, ona görə də o dialoq haqqında fikirləşmək məni sevindirir. Pis bir gündə yenə oxuyub azca sevinərəm deyə qeyd etməli olduğum dərəcədə sevimlidir.

17 əjdaha! 30.05.2019 01:55, la soledad se adueña de toda emoción

#287024 şikayət

qışın gəldiyinin anlaşıldığı anlar

+24 əjdaha

Güclü yağış yağıb havalar əvvəlki günə nisbətən hədsiz dərəcədə soyuyanda anam şkafları töküb yay paltarlarının, o gözəl, çiyələkli qırmızı şortiklərin, köynəklərin yerinə birbaşa qış paltarlarını yığardı yavaşdan-yavaşdan. Normalda arada payızlıq bir sezon da olur, amma biz Oğuzda qalırdıq deyə havalar elə o çönən çönürdü. Hələ bir həftə əvvəl həyətda şlankla özümüzü islatmağımız artıq çox uzaq və adamı üşüdən bir xatirə olaraq yada gəlirdi. Amma anam arada hava çaşıb, yenidən isti olarsa deyə də bir dəst çox da nazik olmayan yay paltarlarımızdan da qoyardı əldə bir yerə. Əynimizə keçən qışdan artıq balaca olanları varmı deyə bizə çox da boş görünməyənlərini bir-bir yoxladardı. Nə maraqlıdır ki, guya o boxçalardan yeni nəsə çıxırmış kimi davranıb heç ərinmədən yoxlayardım bir-bir geyinib. Xoşuma gəlirdi o proses, həyəcanlı idi rəsmi olaraq yeni fəsilə keçmək, halbuki mağazalarda yoxlamadan almaq üçün nə davalar qoparar, çimdiklər yeyirdim. O qış paltarları isə elə deyildi. Bez boxçaları anamdan əvvəl qarışdırırdım, üstlərində yumbalanırdım, üstümə on dəfədən qışqırdırdım yazıq qadını. Atamın paltarları, formaları töküləndə onları da geyinib yoxlayardım. Hələ ki, onun ya da qardaşımın papaqlarını başıma qoyanda atamın sanki mən onların mərtəbəsinə layiq deyilmişəm kimi "adam kişinin papağını qoymaz başına, qız uşağısan" demədiyi vaxtlar idi, işdən gələndə maşınının səsini eşdib, pilləkənin yanına qaçıb onu qarşılayanda özü papağını başıma qoyardı sonra da göyə qaldırıb öpərdi. Amma paltar dəyişməylə bağlı xoşuma gəlməyən tək şey o idi ki, qardaşımın əyninə artıq balaca olanlar geyinib yoxlamağım üzrə mənə verilirdi. Mən də bəyənmədiyim üçün deyirdim ayağı uzun oldu ya da nə isə bir bəhanə. Anam isə yaxşıca bir baxıb ölçüb-biçəndən sonra deyirdi "heç nə olmaz, ayağını kəsdirərik, əsas odur beli yaxşı oldu?". Ən sevdiyim qış koftamın qolları Viktoriya dövrü donlarınınkı tipli, mavi, ipləri isə tünd mavi olan bir kofta idi, çox gözəl idi, istəyirdim tez gedib çimim ki, onu geyinim. Kirli canıma qoymurdular çünki. Sonra nəsə ləkə saldım ona ya artıq qolları qısa oldu deyə anam geyinməyə qoymadı, yadımda deyil, amma gördüyüm ən qəşəng kofta idi. Kaş yenə olaydı, geyinəydim. ilk məktəb donumu anam saxlayıb hərçənd ki, iki qolumu belə sığışdırammıram içərisinə. Hamısı gözəl idi, isti idi, səy-səy şeylərlə gözüm, ürəyim dolurdu, başım qarışırdı. Bu il qaldığım şəhərə sadəcə bir dəfə qar yağdı, heç çölə də çıxmadım, ən son nə vaxt qartopu oynamışam yadımda da deyil. Artıq qışın heç bir əhəmiyyəti yoxdur. Elə palçıq ki, palçıq.

17 əjdaha! 22.07.2019 23:40, la soledad se adueña de toda emoción

#288753 şikayət

çirkin olmaq

+16 əjdaha

əslində olmayan bir şeydir. gözəl insan yoxdur. çirkin insan da yoxdur. ya da belə izah edim : konkret olaraq çirkin və ya gözəl olan biri yoxdur. bu nisbidir. insandan insana, nəzərdən nəzərə dəyişir. mənim çox sevimli, qəşəng hesab etdiyim bir qızın şəklini telefonumda gördükdə iyrənc və qorxulu olduğunu deyən biri olmuşdu. bunun kimi başqa da vəziyyətlər olur. hər kəsin gözəl gördüyü birinin sizə heç xoş gəlməməsi də az baş vermir. simpatiya və antipatiya çox böyük rol oynayır bu mövzuda. bəlkə də bu sadəcə mənim üçün belədir, amma çirkin hesab etdiyim kimisə görməyim həqiqətən çox nadir olur. çünki hər kəsin özünə məxsus fərqli bir gözəlliyi var.

16 əjdaha! 18.12.2017 13:24, la soledad se adueña de toda emoción

#264428 şikayət

hörümçək

+10 əjdaha

Bir dəfə yaşım on üç filan olanda o qazı yandırmaq üçün olan uzun alışqanlardan biriylə küncdəki bir hörümçəyi yandırmışdım. Çünki niiffrətt edirdim hər keçəndə ona toxuna biləcək olma ehtimalımdan. Yandırdım, vecimə də olmadan getdim işimin dalınca. Yadımda olduğunu belə unutdum. Amma üstündən bir neçə il keçəndən sonra bunu etdiyimi heç yaddan çıxarmamış olduğuma fikir verdim, birdən yadıma düşdü. Yeniyetməlikdən olmağı lazımdır ki, anormal həssaslıq dövrlərimdən birində etdiyim bu işin xatirəsi gəlib, lənət kimi tutdu məni. Günahkar hiss etməyə zad başladım, "ala hamı edir də, böcək öldürmüsən." desəm də, xeyir etmirdi. Haradasa görəndə kimdənsə öldürməsini xahiş edərdim o günə qədər. Tək həmin istisna xaric. Çünki əzilərkən çıxardıqları xırçıltı (eynilə milçəklərdəki kimi) məni dəli eləyir iyrənməkdən, qorxudan. Amma sonradan artıq əgər özümün öldürməyə əlim gəlmirsə, başqalarından etməyini xahiş etməyəcəyim qərarına gəldim. Nəticədə indi evdə yaşaya biləcək bütün hörümçək çeşidlərini, anatomiyalarını, davranış xarakterlərini əzbər bilirəm. Harada görürdümsə, yerindən hərəkət etməsi halında üstümə tullanmadığından əmin olmaq üçün hara getdiyini görüm deyə diqqətlə izləyirdim. Əlbəttə o vaxt çiynimi, ayaqlarımı, boynumun arxasını da saniyədə bir qaşınma tuturdu. Beynimin ssenarilərinə əsasən həmişə nə isə ayaqlarıma dırmaşır, tavandan boynuma düşür və çiynimdə yeriyir axı, (hamısını azı bir dəfə yaşamışam deyədir) işləri gücləri yoxdur. Hörümçəyi tərk edib getməli olanda da başım uzun müddət qaçır, qolumdakı kiçik xalı hörümçək bilib qığılcım sürətli, anında kəsilən bir şüvən salmaq kimi. Nə qədər yararlı olduqları vecimə də deyil, istəyirəm hamısı ölsün ya da məndən uzaq olsunlar. Əslində yazığım da gəlmir onlara, öldürmüş olmaq istəmirəm, elə bu. Ətim ürpəşir hər şeylərindən. Yenə də hər yerdə qabağıma çıxırlar. Anamdan olsa dərsimi alım deyə məni tarantulalarla bir otağa kilidləyər. Deyir ki, bu qədəri mümkün ola bilməz, mən özüm getdiyim hər yerdə qəsdən hörümçək axtarıram ətrafda olub-olmadıqlarından əmin olum deyə ya da qorxan gözə çöp düşər məsələsinə görədir. Ancaq son aylar gözümə nadirən hörümçək dəyir, həyət evində qalmamaq həqiqətən işə yarayıb. Bəlkə də hörümçək maqniti lənətim effektivliyini itirib. Lakin yenə də, məni yay aylarında əlində bir plastik stəkan və vərəqlə evdəkilər öldürmədən canlı yaxalayıb, çölə buraxmaq üçün otağın içində vızıldayan milçəyi tutmağa çalışan görə bilərsiniz. Heç birini də təmiz qəlblilikdən etmirəm. Elə olsa, dərd yarıydı.

5 əjdaha! 30.12.2018 16:39, la soledad se adueña de toda emoción

#280859 şikayət

you touch my tralala

+8 əjdaha

you touch my tralala kim nə deyirsə, desin, sözlüyün (illərdən bəridir gələn) duzu-bibəridir, çox vacib bir hissəsidir, bir çox vaxt tv-dəki reklam arası qədər əsəbpozucu və istənilməyən ola bilir, lakin o ki, reklam arasında qaçıb bir neçə işimizi həll edirik ya da tualetə yüyürürük e, o şəkildə də bezdirici bir ehtiyacdır sözlük üçün. You touch my tralala sevimli deyil, you touch my tralala yaxşı hiss etdirmir, you touch my tralala əsasən mədə bulandıran şeylər deyə bilir, amma bunu beyni ağzından axan birinin bayağı şəkildə sayıqlaması kimi və sırf dingişlik olsun deyə də etmir, müəyyən bir intellektuallıq səviyyəsi, ağlı, əsasən haqlı bir mövqeyi və hətta bir az da etikləri var. Mən isə bunları yazarkən niyəsə hamısını daha əvvəl demişəm kimi hiss edirəm. Ya kimləsə sözlükdə danışanda eyni sözləri sərf etmişəm, ya məsləhətxanada (ki inanmıram elə də) ya bəlkə mesaj qutusu tərəflərdə ya da ikinci profilimdən filan. Bəlkə də oxşar ifadələri başqa birisi üçün işlətmişəm, biləmmədim.

4 əjdaha! 08.04.2019 16:57, la soledad se adueña de toda emoción

#285090 şikayət

penis

+9 əjdaha

Diqqətlə baxanda sizi imana gətirə biləcək orqan.

7 əjdaha! 23.06.2019 11:41, la soledad se adueña de toda emoción

#287589 şikayət

mystery of love

+8 əjdaha

Amerikalı müğənni və mahnı sözü yazarı olan Sufjan Stevens tərəfindən yazılıb, bəstələnən və 90. academy awards-da ən yaxşı orijinal mahnı mükafatına layiq görülən Call me by your name soundtrack-idir.

Ah, bu mahnının verdiyi hiss, sözlük, bu mahnı, bu film.. Keçən il ilk dəfə baxmağımı xatırlayıram. Bir fransız filmi filan kimi başlamışdı, çox təbii idi. Lakin hələ lap əvvəllərində də həyatın, günlük işlərin axışına qatılmış olmaqları dəxlisizcə içimə işləmişdi. ilərlədikcə isə artıq heyranlıqdan özümü itirmişdim, atmosferinin gözəlliyindən sifətimdən şəlalələr axaraq böyük bir xoşbəxtlik dalğasının güclü zərbəsiylə ekranı izləyirdim. Obrazları bütün canlılığıyla hiss edə bilirdim, axıra yaxın əməllicə məhv olmuşdum, mənim də qəlbim qırılmışdı. Özümə uzun bir müddət gələ bilməyəcəyim bir film idi əslində, ancaq mən səhəri günü də gözləmədən bir-iki gün ard-arda on dənə zad filmə baxmışdım yenə elə möhtəşəm bir şeylər duyumsayım deyə. Ancaq meeh, olmadı bu cür başqası. Hətta feels-i keçmədən izlədiyim o şeylərə layiq olduğu dəyərini verəmməyərək haqsızlıq etmiş oldum yəqin ki. Bu mahnı arada yenə o soyuq yay axşamüstünə aparır məni, iki otaq o tərəfdə atamla-anam yüksək səslə nələrsə danışır lakin isidicinin vurduğu hava səsinin də sayəsində mənə sadəcə səliqəsiz bir gurultu kimi çatırdılar, kimsə çağırıb bir iş deyərək də bölməmişdi o saatları və mən darıxdırıcı af, gözəl heç nə olmayan evimizin içindən qoparaq özümü o cringy momentlərlə, reallıqla, həqiqi duyğularla dolu sevginin, cazibənin içərisində tapmışdım, bitəndə gün artıq getmişdi, otağımın işıqları çöl qaranlıqlaşdığı halda hələ də sönülü idi və açıq pərdələrdən ağacların siluetləri görünürdü. Özümü yenidən çarpayımda uzanan tapmışdım, söndürmək üçün isidicinin düyməsinə basanda otaqdan gələn danışıqların da kəsildiyini gördüm. Evdə tək imişəm kimi gəldi. Dikəlib "Papa?" deyə həyəcanla çağırdım, o dəqiqə cavab gəldi. Necə çağırmışamsa, o da narahat olmuşdu, ürəyi xəstədir, özü də paranoyalı kimidir onsuz, elə bilib nəsə olub. "Heç nə, elə belə soruşdum görüm hardasınız." dedim, ancaq səsim elə də çıxmamağa başlamışdı. Deyəsən, səssizliyi pozmağıma peşman olmuşdum. Buna baxmayaraq təbii ki, nə dediyimi eşitdi. Yenə də "Niyə o şəkildə çağırdığını detallı olaraq bilmək istəyirəm, gəlib danış." mənasına gələn "Eşitmirəm, gəl burda de."lərdən birini mənə tərəf vızıldatdı, mən də qalxdım yerimdən hədsiz bir boşluqda, aldığım narkotik zad var imiş, təsiri keçibmiş və yenisini istəyirmişəmcəsinə bir məyusluqla anamın digərini salmağında israr etməyimə baxmayaraq ən eybəcərini otağıma saldığı xalçamıza basaraq televizor olan otağa getdim. O xalçadan zəhləm gedir. Həqiqətən, gedir. Bu mahnını sevirəm, bu filmi də. Xoş günlər.

5 əjdaha! 02.04.2019 20:26, la soledad se adueña de toda emoción

#284938 şikayət

qadınlarda prefrontal korteksin 25 yaşına kimi inkişaf etməməsi

+7 əjdaha

Qısa və konkret tərifi dünyanın ən qəhbə, əclaf cümlələrindən (cümlə deyil tho) biri olduğudur. Çünki "kişi və qadınlarda prefrontal korteksin 25 yaşına kimi inkişaf etməməsi" reallığını bu şəkildə ifadə etməyiniz üçün gizli ya da açıq bir qadın düşmənliyi propaqandasına könül verəcək şarlatanlıqda olmağınız lazımdır. Bütün sağlam insanlarda prefrontal korteks 25 yaşına kimi tamamilə inkişaf etmir. Kişilərdə inkişaf etdiyi halda, təkcə qadınlarda 25 yaşına kimi etmədiyini kim iddia eləyirsə, poxdur, yeyir. Bunun bir də qadınlarda 20 yaşlarında tam inkişaf etdiyi halda kişilərdə 25 yaşlarında hələ də tam etmədiyini deyən versiyaları var. ikisi də yalandır. Yəni sizcanı, beyindir bu, şitləşməyin. Belə mədəni (https://www.reddit.com/r/askscience/comments/1v3vsl/frontal_lobe_development_by_gender_and_age/) sualınızı versəniz, öyrənməyə çalışsanız nəysə, amma yanan yerlərinizdən bilgi uydurmayın, benzin tökməyimiz gəlir sonra.
Mənbə 1: gözüm (t ilə deyil bəlkə, but it is a honest work)
mənbə 2: https://www.urmc.rochester.edu/encyclopedia/content.aspx?ContentTypeID=1&ContentID=3051
mənbə 3: https://en.wikipedia.org/wiki/Frontal_lobe

7 əjdaha! 01.06.2019 04:45, la soledad se adueña de toda emoción

#287076 şikayət

heç nə oxumamışam deyib 100 alan insan modeli

+9 əjdaha

Şkalanın çox üstündə bir qəhbəlik dərəcələrinin olduğunu fikirləşdiyim insanlardırlar, çünki əsasən dərs oxumamağın cool olduğunu fikirləşmək qəflətinə düşmüş olurlar. Çox oxuyanlar inəkləyirmiş düşüncəsi. Gədə 80 alıb. Deyir "yataraq keçdim.". Yalansa, imtahan sənə keçsin, a götlək, oxuduğunu etiraf etsən nə olacaq ki? "Mən heç effort xərcləmədən də möhtəşəm nəticələr əldə edə bilirəm." kimi çıxsın deyə gizlədirsənsə, onda daha da pis. Boynunu yerə soxalar da, nə deyə bilərəm ki. Uzaq başı bir "halaldır, nə zor." deyəcəyik də, desən nə olar? Bir də bunların kimsə "imtahanda kağızını mənə də göstər imkan düşsə/dərsdən qeydlər çıxarmısansa mənə də ver də."lər eşitməkdən qorxaraq yalan deyənləri var, yenə onlar da cəhənnəm. Amma səbəbsizcə heç oxumadığını iddia etməkdən kayf tutanlar çatmır mənə. O "səhər dördə qədər movzulara baxmışam." deyib 87 alanların azarı ciyərinizə, onlar 100 alsa da paxıllıq eləmirik, haqlarıdır çünki. Cin atına mindirməyin camaatı.

8 əjdaha! 18.05.2019 12:51, la soledad se adueña de toda emoción

#286723 şikayət

unudulmaz kitab cümlələri

+6 əjdaha

"otağın qapısını açdım. böyük bir məyusluqla rezin ayaqqabılarımın bomboş olduğunu gördüm. totoco gözlərini ovuşduraraq yaxınlaşdı :
- sənə deməmişdim?
içimdə nifrət, başqaldırma və kədər qarışıq bir hiss yüksəldi. özünü saxlaya bilməyib, çığırdım :
- insanın kasıb bir atasının olmağı nə pisdir!
baxışlarımı rezin ayaqqabılarımdan ayırdım və qarşımda duran qaloşları gördüm. atam ayaq üstəydi. bizə baxırdı. gözləri sərhədsiz bir kədərlə doluydu və elə böyümüş, elə bir böyümüşdü ki, haradasa, bangu kinozalının pərdəsini doldura bilərdi. və elə qorxunc bir əzab var idi ki bu gözlərdə, ağlamaq istəsə də ağlaya bilməzdi. bitib-tükənmək bilməyən bir dəqiqə uzunu orada durub bizə baxdı, sonra da səsini çıxarmadan önümüzdən keçdi."
- my sweet orange tree (josé mauro de vasconcelos)

5 əjdaha! 19.12.2017 00:49, la soledad se adueña de toda emoción

#264463 şikayət

edgar allan poe

+8 əjdaha

qorxunc, iti, qaranlıq zəkasına aşiq olduğum yazıçı/şair və də zənnimcə, filosof. elmi-fantastika (bir az mübahisəli olsa da) ilə dedektiv janrına ilk nümunələr onun tərəfindən verilmişdir.

həmişə bir poe-ya, bir də mişel de montenə (bax: michel de montaigne) izah edə bilməyəcəyim qədər böyük bir heyranlıq duymuşam. sanki ikisi də mənim bu günə qədər və bu gündən sonra deyə biləcəyim bütün hər şeyi deyiblər, amma bu mənim də o dahi sözləri deyə biləcəyim mənasına gəlmir. işlətdikləri cümlələrin içindəki yüzlərcəsi ağlımdan keçənlərə tərcüməçi olub deməkdir, sanki varlığımın lazımsız olduğunu deməyə çalışıblar. kədərlidir ki, onlar öz zamanlarını nə qədər çox ötmüşdülərsə, elə o qədər də dəyərsiz görülmüşdülər.

tanış olduqdan bəri istisnasız olaraq ayda bir dəfə "berenice" (baxma: berenice) hekayəsini oxumasam, canlı biri üçün darıxırmışam kimi darıxıram. ruhum o hekayəylə bəslənir.
"sabahın alatoranlığında, günorta günəşinin altında, meşədəki kölgələrin həbsində və gecə vaxtı kitabxanamın səssizliyində gözümün qarşısından sürətlə keçərkən gördüm onu. yaşayan və nəfəs alan berenis deyil, daha çox bir xəyalın berenisi kimi... bu dünyaya aid olan bir varlıq kimi deyil, belə bir varlığın mücərrəd halı olaraq... "

"qırmızı ölümün maskası" (baxma: the masque of the red death) hekayəsi isə ən çox sevdiyim ikinci hekayəsidir.
ardından isə qara bir pişik və başqaları gəlir :
(baxma: the black cat)
(baxma: ligeia)
(bax: a descent into the maelström)
(bax: the murders in the rue morgue)
(baxma: manuscript found in a bottle)
axırıncı entry-m ancaq bu başlıqda möhtəşəm ola bilərdi.

7 əjdaha! 26.12.2017 22:57, la soledad se adueña de toda emoción

#265005 şikayət

mad girl's love song

+5 əjdaha

Smith kollecində tələbə olduğu 1951-ci ildə Sylvia Plath tərəfindən yazılmış şeirdir. Şeir oxumaq heç adətim deyil, bu da təsadüfən qarşıma çıxdı onsuz da. "I fancied you'd return the way you said,
But I grow old and I forget your name.
I think I made you up inside my head." hissəsi bir miqdar toxundu. Məktəblilərin kitab-dəftərlərinə aşiq olduqları adamın adını yazmağını çox məntiqli hesab etməyə başladım, "nə ağıllıdırlar, tərgitməkləri nə pis olacaq" deməyim gəldi. Amma bilirəm, hələ də uşaqca bir axmaqlıqdır, adlar isə elə asan unudulmur. Oxuyandan bir az sonra, şeirin bu yuxu kimi həzin olan bəstəsini tapdım:

(youtube:

)

Tam mətni belədir:
I shut my eyes and all the world drops dead;
I lift my lids and all is born again.
(I think I made you up inside my head.)
The stars go waltzing out in blue and red,
And arbitrary blackness gallops in:
I shut my eyes and all the world drops dead.
I dreamed that you bewitched me into bed
And sung me moon-struck, kissed me quite insane.
(I think I made you up inside my head.)
God topples from the sky, hell's fires fade:
Exit seraphim and Satan's men:
I shut my eyes and all the world drops dead.
I fancied you'd return the way you said,
But I grow old and I forget your name.
(I think I made you up inside my head.)
I should have loved a thunderbird instead;
At least when spring comes they roar back again.
I shut my eyes and all the world drops dead.
(I think I made you up inside my head.)"

4 əjdaha! 04.04.2019 19:35, la soledad se adueña de toda emoción

#284978 şikayət

big big world

+6 əjdaha

(youtube:

)

Belə sadə, dərinliyi olmayan, birbaşa öz dərdindən bəhs eləməyə girişən mahnıları sevirəm. Hansı ki, bir neçə cümlə ətrafında dönür, nəqarəti olur 2-3 dənə və bitir. Sevimli gəlir. Bir yoldaş var, bu və iki yaponca mahnı, bir də nebula, qallaktika, astranomiya filan kimi xeylidir mənə antipatik gələn mövzular haqqında nəsə qabağıma çıxanda ya da qalareyadakı uşaqlıq şəklini görəndə yadıma düşür. Oturub danışmaq, olan şeyləri aydınlaşdırmaq, balaca bir izah istəyirəm, çünki ən son mən uzunca nələrsə deyib "heç kəlmə də yazma."mağını tələb edib, bloka atmışdım. Vecinə də olmamışdı, onsuz da tıncıxdırmışdım uzunca mesajlar yazaraq, onsuz da cavablamayacaqdı. Demişdi özünü çox uzun ifadə edirsən, cümlənin sonuna gələnə qədər başını unuduram. ikimiz də bilirik ki, yazan da, cümləsi də ordaydı, anlamaq istəsə ikinci dəfə oxuyar, olmadı, soruşardı. Mən də barı özümü onda qoymamışdım, acığımı, əsəbimi uzun-uzun tökəndən sonra, demişdim bir də cavab yazmasın. Hansı ki, acınası bir şeydir və gülməlidir. Çünki onsuz da yazmırdı. Sizi ən çox sevən bir insanın artıq marağını itirməyini izləmək dəhşət vericidir. Elə bil əksilirsən göz görə-görə, qocalırsan, parıltını ya da gəncliyini, onun səndə bəyəndiyi şey hər nədirsə onu itirirsən. Özümü havası boşalmış, köhnəlmiş şar kimi hiss eləmişdim. Hələ də bilmək istəyirəm niyə mənə çatmaq üçün o qədər çox çalışmışdı, axtarmışdı və axırda bacarandan sonra da birdən qram sikləməmişdi. Elə bil o çox arzulanan şeyləri əldə edəndə, əslində bir qəpiyə dəymədiyini gördüyümüz anlardan birini yaşamışdı. Həqiqətən peşman olmuş olmalıydı ki, bunun üçünmü özümü xırpalamışam, ağlımı məşğul etmişəm, narahat qalmışam o qədər? Özgüvən zədələyici bir şey kimi yadımda qalıb. Aramızın yaxşı olduğunu deməyə lütf etsə də, o qədər diqqətdən sonra heç nə görməməyə dözmək çox çətindir, işgəncə kimidir, qəbul edilə bilməz bir şeydir. Ancaq ümumiyyətlə, bilirəm, insanlar bunu arada edirlər. Oynamadığı oyuncaqlarını da özündə istəyən simic uşaqlar kimi məni də rəfə düzürlər ya da yataqlarının altına soxurlar elə bil. Bir gün itsəm, gic olurlar ki, hara itdi bu. Daha deyəmmirsən ki, sən heç mənlə oynamırdın da, boğulurdum orada, qoy yaşayım da. Ya əlaqəni kəs ya da davam etdir. Amma yox, onlar deyirlər ki, dur elə orda, aramız da yaxşı olsun, heç yana da getmə, mən də başqalarıyla oyunlar oynayacam sən tək qalarkən. Elə möhtəşəm zad da deyiləm barı ki, mən də başqa insanlarla zaman keçirərək kimisə qısqandırım, özümü o şəkildə arzuladım. Xeyr, kimsənin vecinə də olmaram və kimsə başqalarıyla yalandan əylənməyimə baxıb ətrafımdakılara paxıllıq etməz. Özümü birdən bir dəfə bəhs etdiyi o narıncı insan kaş azca da mən olaydım deyə diləyən tapıram indi. Çünki çox gözəl idi onu sevməyi, qibtə eləmişdim, məlumu olsun.

4 əjdaha! 27.06.2019 02:32, la soledad se adueña de toda emoción

#287712 şikayət

həyatdan bir anda soyudan şeylər

+6 əjdaha

.

5 əjdaha! 10.12.2018 19:49, la soledad se adueña de toda emoción

#280223 şikayət

oğlanları cazibədar edən xüsusiyyətlər

+5 əjdaha

eyni zamanda da oğlanları qayçısı, baltası, mişarı və dırmığı edən xüsusiyyətlərdir.

[tr] çekici - [aze] cazibədar

4 əjdaha! 30.10.2018 00:25, la soledad se adueña de toda emoción

#279078 şikayət

eva green

+5 əjdaha

hər ötən saniyənin onun ilahi gözəlliyini soldurub, qocaltdığını düşünəndə pis olduğum qadındır. ondan daha möhtəşəm gördüyüm biri hələ ki olmayıb. ən məşhurlarından çox franklyn filmində ifa etdiyi roluyla bəyəndiyim aktrisanın "baş" qəhrəmanı canlandırdığı perfect sense cracks miss peregrine's home for peculiar children adlı filmlərinin izlənilməyi məsləhətlidir. bir də dark shadows filmi var ki, buradakı performansı həqiqətən, tim burton-un fetiş aktyoru johnny depp-inkini kölgələyib.
və qeyd etməkdən də bir zərər gəlməz ki, eva-nın evli, adi həyat yaşayan bir ekiz bacısı var.

4 əjdaha! 19.12.2017 19:19, la soledad se adueña de toda emoción

#264533 şikayət

hande yener

+5 əjdaha

2006-cı ildə elektronik pop musiqisinə keçid etdiyi, sonrasında rəğbət görmədiyi üçün yenidən əvvəlki stilinə qayıtdığı qısa erada yaratdığı "Romeo" adlı mahnısı ilə xatırladığım türk müğənnidir. Yeniyetmə vaxtı çox dinləyərdim bunu:

(youtube:

)

Digər üç epic mahnısı:

(youtube:

)

"Bodrum"

(youtube:

)

"Rüya"

(youtube:

)

"Sebastian"
Bir də ki, hələ 2008-də belə orijinal və keyfiyyətli bir stili var imiş, mən day belə də bilməzdim bunu.

(youtube:

)

4 əjdaha! 23.05.2019 02:38, la soledad se adueña de toda emoción

#286833 şikayət

24 saatın insana yetməməsi

+7 əjdaha

bilmirəm, günün neçəsə saatını "bir gün niyə 48 ya da 32 saat deyil axı?" deyə zarımaqla keçirirəm deyədirmi, amma o 24 saat heç nəyimə çatmır. tez oyanmaq, gec yatmaq, yox e yox. fərqi yoxdur. iyirmi dördünü də oyaq qalıram ve yenə çatmır. bilmirəm, eyni üçcə dəqiqəlik (!) mahnıları bir-iki dəfə dinləməyimdənmi ixtisar edim, çimməyimdənmi, yeməyimdənmi? ç a t m ı r . özü də son vaxtlar vaxt elə bil ki, uçub gedir. on gün sonraya "dədənin ad günü" deyə zəngli saat qurursan, bir də baxırsan, səhəri günü dədənin ad günüdür. müəllim deyir ki, bəs çərşəmbə axşamı imtahan var, bütün mövzulara hazırlaşın, gəlin. bir də baxırsan, sabah imtahandır. filmin çıxmağına hələ bir ay qalıb deyə səbrsizlikdən ölürsən, amma bir də görürsən beş gün sonra kinoteatrlardadır. məncə, dünyada nələrsə, olur. (baxma: konspirasiya teoriyaları) məncə o içinə tüpürdüyüm momo kitabındakı kimi bir alçaq təşkilat vaxtımızı oğurlayır. oğurlamırsa da, mən bezdim bu maratonu qaçmaqdan. kaş bir sonu gələydi. iyirmi yaşımda olmaqdan da qorxuram və elə hey buna doğru irəlilədiyimi fikirləşməkdən heç nə bacarmıram. bir il və iki ay sonra olacaq, amma bəs əgər o da sabah gözlərimi açanda gəlmiş olsa?

5 əjdaha! 28.10.2018 10:04, la soledad se adueña de toda emoción

#279007 şikayət

trollanmaq

+5 əjdaha

bir dəfəsində mənə qəşəng mahnı məsləhət görməklərini, amma hansı janrda olursa olsun, təkcə rock olmamasını xahiş edən tvit atmışdım. yoldaşın biri də o dəqiqə üç link yolladı. həvəslə açanda üçü də rock çıxdı. gülməli də orasıydı ki, üçünü də sevmişdim. hələ də playlist-imdə var. bir də, böyük anime məsləhəti trollanması olan boku no pico-ya da iki dəfə məruz qalmışam. birində tutub.

3 əjdaha! 23.12.2017 00:01, la soledad se adueña de toda emoción

#264723 şikayət

fantastik janr sevməyənlər

+4 əjdaha

Bir yaxşı filmdən bəhs edəndə ya da kitabdan, belə bir kiçik görməylə "fantastikadır?" deyə soruşan, sonra da "əşşi boş-boş şeylərdir" deyən adamlardırlar. Bir də eyni insanlara xas bir nifrət elədiyim xüsusiyyət var ki, gijdıllağın biri ayaq barmağını birinin dişləməsi üzərinə roman yazsın ya da kiminsə poxumtıraq həyat hekayəsini eşitsinlər, o dəqiqə "olmuş şeydir e" deyə mazammatlandırıb, maraq duyarlar. Mənə qram çatmır bu söhbət və əzəldən bəridir cin atına minirəm ki, yaşanmış şey olmağı niyə bu qədər əhəmiyyətlidir. Onlar hər yerdədir, amma fiction, olmamış şeylər isə yox. Hansı ki, onları bizə göstərməkləri normal olaraq daha maraqlıdır. Barı götləriylə fısıldayaraq fantastikaya "gopologiyadır dana" deməsələr ağızlarının qatığını axıda-axıda, daha az əzəbiləşəcəm. Guya bunlar çox ağıllı, ciddi adamlardırlar da indi. Həqiqətən zövqünə uymaz, sevməzsən, okay, başa düşməyən və dil uzatan fanatik qələt edər bu halda, heç özüm də əsasən sevmirəm klassiklərindən başqa, o ayrı şeydir. Bir də bu var: (baxma: fiction əsərlərə uydurma deyən insan tipi)

2 əjdaha! 05.08.2019 13:39, la soledad se adueña de toda emoción

#289086 şikayət

şit

+6 əjdaha

(bax: bambılı)
(baxma: duzsuz)
(baxma: dingiş)
(bax: mən)
Bir dəfəsində üç-dörd il əvvəl əgər anam ölsə necə darıxacağımı fikirləşmişdim, özümü əməllicə yersiz pis etmişdim bütün peşmanlıq və kədər təsəvvürləriylə, gözlərim dolu-doluydu. Əvvəlcə keçmələrini gözlədim. Sonra da qalxıb mətbəxə getdim, taxta qapının yanında durub azca gözlədim. O olur e belə, için dolur, istəyirsən nəsə deyəsən, nə bilim çox istədiyini zad məsələn. Anam mənə baxanda bir dəfə "nə olub?"/"nəsə olub?" ya da daha da az əziyyət tələb edən bir şey desə hamısını danışacaqdım. Ancaq eləcə bir nəzər saldı və işinə davam elədi. Simamda dərin, mənalı, adama toxunan nələrsə olduğunu iddia eləmirəm, hell no, lapatka kimi üzüm var, lakin niyə isə həmişə mənə baxanda açıqda olan, dostlarımdan bəzilərinin seçə bildiyi nəyisə seçməyə onun da qadir olmağını diləmişəm. Baxışları üzümü cızıb, keçir, üstündə heç dayanmır. Diqqətlə baxdığı dəfələrdə məndə ancaq düzəldilməsi lazım olan şeyləri görür. Çox gülürəm, qarnım sanki elə bil yaman çıxıbmış son aylar, yaman arıqlamalıymışam, güləndə çiyinlərimi çəkirmişəm, üzüm yenə səpibmiş əlimi çox vururmuşam, dişlərimi gündə iki dəfə sürtdüyümdən əmin imişəm? Adamın üstə allahı olar da indi, hamısını da düz deyir, bütün analizləri doğru olur, qar bəyazı dişlərim yoxdur məsələn ya da o elə deyəndə həqiqətən kökəlmiş oluram son ay hər şeyi yeyib. Mənə baxanda o qədər çox qüsur görür ki, məni istəsə də görə bilmir. Həm sənallah, birinin simasından əhvalını necə anlayasınız axı? Çox şey istəmirəm? Baxırsınız, bir burun, iki göz, iki yanaq. Adama deyərlər nə də, nə? Nə etməlidir ki? Evdə də işdə də tonla işi var, hamısını da bizim üçün edir. Nə istəyirəm axı ki, ağlımdakı ideyasını dayanmadan tutub-silkələyib nə ona nə də özümə rahat vermirəm. Bilmirəm. Amma otağa qayıdanda olduqca şit bir şəkildə jaketinin yanına oturduğuma fikir verdim. Özümü də utandıran və indi belə cringe-dən sarsıdan bir şəkildə aldım onu, qucaqladım və kimsə görmədən də tez yerinə qoydum. Əlbəttə bilirəm, onun günahı deyil və əlbəttə, böyük ehtimalla həmişə bir-birimizi səhv başa düşürük. Yəqin ki, heyif edirik bütün vaxtımızı, yəqin ki, bilsə, o da pis olar belə olmağımıza. Ancaq istəmirəm bilsin, belə şeylərə əziyyətsiz çatmaq ədəbsizlikdir, vulqar bir şeydir kimi gəlir, ətimi tökür haqqında fikirləşmək, yeniyetmələr kimi acığına nələrsə etmək də iyrənc görünür. Ancaq axır-əvvəl haqqında ciddiliklə fikirləşmək məcburiyyətində qalası olmağım necə pisdir. Dramatik, sentimental, həssas şeylər əzəldən ətimi ürpəşdirib. Ancaq indi-indi fikir verirəm ki, elə başdan-ayağa o cür xırdalıqlardan ibarətəm mən, indi daha da yapışqan ilbiz kimi gəlirəm özümə. Bambılı, cheesy bir şeyəm, biri üstümə duz töksəydi, dincələrdim.

5 əjdaha! 18.06.2019 03:34, la soledad se adueña de toda emoción

#287412 şikayət

öldürən yaxçı oğlan sözləri

+7 əjdaha

niyədir bilmirəm, amma onlar və o zümrədən məxluqlar hərarətli mübahisələrdə "yeri gəlsə"dən çox istifadə edirlər. bir də şey var : "bəlkə hansısa yaxşı kişinin bacısıdır/qızıdır/arvadıdır?" yəni yoxsa qadına dəyər verməyəcək də, mütləq bir kişi qohum olmalıdır. yəni kişi yaxşı olmasa bu bəhsi keçən qadının narahat edilmə şkalasında enməyə səbəbiyyət verəcək. mütləq gərək öz cinsiylə empatiya qura, insanlarla edəmmir çünki, idbar, mənfur bir canlıdır. kaş heyvan olaydı, o da deyil. hamısıı sonsuz olsunlar, törəməsinlər. fikirləşdikcə, iki barmağımı boğazıma aparıb, qusmaq istəyirəm.

7 əjdaha! 03.11.2018 12:57, la soledad se adueña de toda emoción

#279228 şikayət

asosiallıq

+5 əjdaha

Bu da bunun kimi bir şeydir.
https://i.imgur.com/bpdk2pW.jpg

3 əjdaha! 25.12.2017 15:46, la soledad se adueña de toda emoción

#264930 şikayət

shutter island

+5 əjdaha

ən yaxşı martin scorsese filmi və leonardo dicaprio-nun rolunu ən yaxşı ifa etdiyi filmlərindən biri.

--spoiler--

filmə baxdıqca teddy ilə birlikdə biz də adada çox pis işlərin olduğu, itən xəstənin öldürülmüş ola biləcəyi və hər kəsin bunu gizlətdiyi şübhəsinə düşürük, lakin mağara səhnəsində itən qadının onu tanımadan necə "teddy" deyə bildiyinə fikir vermirik.
çünki həqiqət belədir ki, həmin qadın sadəcə bir xülyadır və 67-ci xəstə də teddy-dir. bunu filmin bir çox yerində (məsələn, xəstəxananın müdürü olan həkimlə chuck-ın arasında keçən bəzi baxışmalarda) görürük, lakin kameranı tamamilə oraya çevirərək gözümüzə "tutduqları" o ilk dəqiqələrdə bir dedektiv polis olan chuck-ın silahını çıxarmaqda çətinlik çəkməsini yenə unuduruq.

hələ də filmin anlaşılmaz olduğunu, "adadakıların teddy-yə etdiyi kimi" insanı dəli edib, onu sonla bağlı aldatdığını deyən izləyicilər ancaq diqqətsiz olanlardır. film heç kimi dəli etmir, sadəcə möhtəşəmdir. "dəlilik yoluxucudur." cümləsi isə zənnimcə, teddy-nin həyat yoldaşındakı dəliliyinin ona da keçməsinə görə işlədilmişdir. axı sonda teddy özü deyir, "məni çevirdiyiniz məqsədsiz bir bədheybət olaraq yaşamaqdansa, yaxşı bir insan olaraq ölməyi seçərəm.". o, işdən qayıtdıqda, həyat yoldaşını üç uşağını göldə boğmuş, (hansı ki, suyun mədəsini bulandırması da bununla bağlıdır.) yelləncəkdə yellənən gördükdə, onun sağalmasına kömək etmək yerinə öldürən bir insan olaraq yaşamaqdansa, özünə seçdiyi başqa bir şəxsiyyət olan teddy kimi yaşamağı seçir. bütün bu qurma dedektivlik - itən xəstə oyununu onu sağaltmaq üçün edən həkimlər yenə müvəffəqiyyətsizliklə qarşılaşırlar. çünki teddy-ninki xəstəlik yox, seçim və şüurlu şəkildə özünü aldatmadır.

--spoiler--

4 əjdaha! 25.12.2017 16:53, la soledad se adueña de toda emoción

#264932 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

la soledad se adueña de toda emoción

son bəyənilənlər:

oxuyucuların bəyəndikləri: