Son yazılanlar
3 mujeres filmindəki roluyla məni heyran qoyan, ancaq ən çox məhşur the shining filmindəki roluyla tanınan aktrisadır. Çox gözəldir məncə. Film uzunu incəliyinə, duruluğuna qibtə elədim, belə ki, az əvvəl yaşlılıq halını görəndə hədsiz məyus oldum. illərin ona etdiyi şey qəddarca, barbarca gəldi mənə.
Rejissorluğu robert altman tərəfindən edilən 1977 amerika istehsalı psixolojik-drama filmidir. persona ilhamını filmdə aydınca hiss edirsiniz və onu sevmişdinizsə, bunu da sevmə ehtimalınız böyükdür. Sonlara doğru həddindən artıq yuxu kimi olmağa başlayır film, rəngləri qəşəngdir, gedişatı sağlamdır, amma ən möhtəşəmi bunlar deyil, baş rol aktrisalarından Shelley Duvall-dır.
Rahmətlik Babək demişkən, azadlıq istər acı olsun istər şirin - yalnız o idi məni döyüşdən döyüşə aparan. Since heç nə məni həqiqətən xoşbəxt etmir, can atdığım yeganə şeyə bir gün tamamilə nail olanda o da etməyəcək deyə hürkürəm. Şablon, özünü nəsə hiss etməməklə xarakterizə edən bir depresiyya zad deyil bu əlbəttə, qətiyyən. Məsələn keçirilən hansısa xoş gəzinti ya da alış-verişlə başımı qata bilirəm, yaxşı bir yemək yeyirəm, ancaq sonra baxıram pulumu boş şeylərə xərcləmişəm və yediyim şeylərin vicdan əzabı da bütün ağırlığıyla landırını sallayıb oturub o məmnuniyyətin düz üstünə. Yaxşı bir söhbət edirəm, sevilirəm, əzizlənirəm, lap qüvvətlidirsə, bir neçə saat içimdə xoş hiss qalır, amma sonra yenə boşalır. Özümü nankor hiss edirəm, çirkin, qəlbsiz, doyumsuz, vəfasız, kobud görürəm. Uğunub gedirəm nələrəsə, qarnım ağrıyana qədər gülürəm, sonra da deyirəm, hə, nolsun, serotoninin artdı? Bilmirəm niyə nələrsə heç vaxt bəs eləmir. indi dilədiyim şeylər mənim olanda onlardan da bezəcəyimi qavramaq ürəyimi ağrıdır. Çox keçmədən hər şey adiliyin, öyrəşilmişliyin iyrənc ruhuna bürünür. Görmədiyim şeyləri görmək, dadmadığım şeyləri dadmaq istəyirəm, yeni nələrəsə can atıram, axmaq risklərə girirəm, axmaq şeylər sınayıram, mənə gələn hər şeyi qəbul edirəm, mənə verilən hər şeyi götürürəm, biri qolumdan tutub harasa çəkəndə yox demirəm. Özümü kiminsə məni yönləndirməyinə də qoz qoymayacaq bir hala gətirirəm ara-bir, çünki bacarmıram və xeyli də boğaza yığılmışam. Özümü izah eləməkdir, belə pathetic murdar iyrənc hislərimi ifadə edən yazılar yazmaqdır, öz sözlərimi danışmaqdır, ağlımdan keçənləri deməkdir hamısı ürəyimi bulandırır, nifrət eləyirəm, nifrət kimi qüvvətli kəlmələri işlətməkdən də zəhləm gedir. Normalda planlı olmağı belə sevmirəm, amma indilərdə biri mənim yerimə hər şeyi etsin istəyirəm. Ssenari yazıb, əlimə tutuşdursunlar, ona görə hərəkət edim istəyirəm. Heç bir fürsəti qaçırmıram bu mövzudakı. Yenə də qorxunc dərəcədə öz qərarlarımı verirəm. Baş verənlərə icazə verən mənəm, heç bir şey öz-özlüyünə olmayıb. inanılmaz dərəcədə qadirəm nələrəsə, hadisələrin gedişatina mən qərar verirəm əslində. Hamısının məsuliyyəti mənimdir və nəticələrinə də özüm cavabdehəm, istəmirəm olum. Azad olmaq fikrinə çox düşkünəm, dəli oluram kiminsə ona toxunmağına, amma azadlığınla nə edəcəyini bilmirsənsə nə mənası var ki? Arada lap tək, özbaşına qalanda elə hiss edirəm ki, kimsə məni qapının çölünə qoyub və kürəyimdən bir dəfə zərblə itələyib ki, di get, bu sən, bu da azadlığın, sox indi gözünə! Edəcək nəyimsə yoxdur. Otlar da azaddır ona qalsa. Belə baxanda azad da deyiləm heç, burdan-bura evə qayıdammıram ki, ailəm tək gəlməyimə icazə vermir, deyirlər gözlə bir neçə gün orada, söhbət ondan da getmir, gedən bir söhbət də yoxdur əslində. Bilmirəm. Yaydır, havalar darıxdırıcı və boğucudur, yaz bitib, belə şeylər fikirləşməyimiz anormal deyil, tək mən fikirləşmirəm ki. Heç olmasa bu yaxşıdır.
(bax: bambılı)
Bilinənin əksinə heç də sağda-solda sinir krizi keçirib, ruhi xəstə kimi sizi gah sevib gah da öldürəcək səviyyədə gözü dönəcək nevrotik, psixoloji sağlam olmayan varlıqlar deyillər, yoxsa indiyə hamımız ölmüşdük. Qadın - sadəcə insandır. Necə ki, bir kişinin nə istədiyi bilinməz, bir qadınınkı da bilinməz. Qadın nə çox sirli, möhtəşəm, anlaşılmaz, qeyri-adi bir varlıq, tanrıçadır nə də ayaqqabı şotkası, düşük, aşağı irq olan bir növdür. Qadın insandır, sadəcə bir insandır. Hər kəs kimidir. Onun da yaxşısı var, pisi var. Onun da pis hiss etdiyi, yaxşı hiss etdiyi vaxtlar var və yox, aybaşı, pms dövrü onu göz altları qızarmış, saçı-başı dağılmış bir mad woman filan eləmir, xeyr, səhv başa düşmüsünüz, mitdir o, bir daha xeyr. Əsəbi olduğumuz hər vaxt "aybaşısan?" sualını eşitmək lazımınca yorucudur, bəsdirin də, həqiqətən. Qadınları ucaltmaq və alçaltmaqdan yorulmadınız? Çünki ən yaxınımdakı kəsici-dəlici aləti gicgahıma soxmağım gəlir və yenə xeyr, aybaşı deyiləm, bir gün üçün hədsiz çox gələn gijdıllaxca fikirlər oxumuşam. Bir orta yolu tapmaq olmur da, bir dənə insan yerinə sözün həqiqi mənasında qoyan yoxdur da. Ala birlikdə böyüdüyünüz bacınız, qohumunuz, sinif yoldaşınız, qonşunuz bir qız heç olmayıb? insan görməmisiniz? Qadın cinsinə mənsub adam görməmisiniz? Nədir axı bu yerəmi, göyəmi qoyacağını bilməmək. Sadəcə qoyun, qalsın, özü yerini tapacaq, əl dəyməyin.
Bir tərəfləri od tutan yazarların ara-bir sağ əlləri yorulduqda sol ilə birləşdirib klavişlərin üstünə salaraq diriltdiyi sözaltı sözlük başlığı və ondan əlavə dünyadakı fağır iki insan cinsindən biridir. Kişilər də ən az əks cinsdən olan yoldaşları qədər yazıqdırlar. Müharibələrdə ölməli, güclü olmalı, ağlamamalı olan, köməyə möhtac olması "qadağan edilmiş", təcavüzə uğraması belə gülməli hesab edilən insanlardırlar. Amma siz bütün qadınların, mənim ölmüşüm, mənə deyin, müharibələr qadınlar tərəfindən yaradılıb və bu güclülük tələbləri qadınlar tərəfindən qoyulub ki? Kimdən (sözün gəlişi) soruşursan, soruş, müharibələr kişilərin işidir deyər, bir baxıma əlbəttə və əlbəttə haqlıdır, ancaq mən bunu deyəmmərəm, dilim quruyar, çünki kişini cəbhəyə yollayan ən böyük səbəb ailəsini qorumaq olub əzəldən bəri, çünki təbiət onu daha güclü əzələ lifləriylə yaradıb deyə bunu onun vəzifəsi elan ediblər özlərindən əvvəlki kişilər. Amma biri durub arsızca, utanmazca kişilərin başına gələn bu haqsızlıqların (first of all, bunu dəqiqləşdirək, qadın yaşamın qədrini daha yaxşı bilir və daha az öldürür, çünki o əziyyətlə uşaq doğub, daşıyır. Bir zəhmət heyifi gəlsin o boyda həngaməylə ərsəyə gətirdiyi möhtəşəm canlının ot kimi qırılıb qanının axıdılmağına.) qadınların günahı olduğunu desə və mızıldansa, bir nifrətdən, yanıqlıqdan, xəyanət qurbanlığından, bütün bunların səbəbini də qadınların hamısına yönləndirdiyinə görə bir cahillikdən şübhə eləyərəm. Qadınlar sədaqətsiz imiş, ən güclünü seçirmiş, daha yaxşısını görən kimi onun üstünə tullanırmış, onurğasız imiş, xəyanətkar qəhbələr imiş. Sikdirin də. Yox, sözün həqiqi mənasında edin bunu. Həyatınızdakı qadınlardan diliniz yanıb deyə bütün qadınları qınayacaq qədər empatiyasız olacaqsınızsa, gedin birləşin bir-birinizi sikin, bir beynimiz dincəlsin, rahat vermirsiniz çünki. Məsələ burasındadır ki, belə məntiqsiz danışan adamlara ən pis qadın da verəsi olsa, nəfəssiz alasıdır. indi "elə ancaq salfetka kimi istifadəyə yarayarsınız da hmpfss." zad da deməyin sırf sizi düzəməlli sevən olmayıb deyə, kim sizi niyə sevsin bu qəlbsiz, anlayışsız, dəxlisiz düşüncə tərzinizlə. Qadınlar normal və ədalətli düşünə bilən kişilərin dərdinə də pis olur, haqlarını da qorumağa çalışır, başına da dönür. Çünki qadınlar böyüdür kişiləri də, əlbəttə edəcək. Feminazi olmayan qadınlar nəinki yalan bir təcavüz iddiasının kişini həbsə qədər yollaya biləcəyinə, yalan bir "mənə uzun-uzun yaman pis baxdı" cümləsinin belə sosial mühitində bir kişini necə asan zədələyə biləcəyinə pis olarlar. (bu yadıma düşdü:
)
Qısa və konkret tərifi dünyanın ən qəhbə, əclaf cümlələrindən (cümlə deyil tho) biri olduğudur. Çünki "kişi və qadınlarda prefrontal korteksin 25 yaşına kimi inkişaf etməməsi" reallığını bu şəkildə ifadə etməyiniz üçün gizli ya da açıq bir qadın düşmənliyi propaqandasına könül verəcək şarlatanlıqda olmağınız lazımdır. Bütün sağlam insanlarda prefrontal korteks 25 yaşına kimi tamamilə inkişaf etmir. Kişilərdə inkişaf etdiyi halda, təkcə qadınlarda 25 yaşına kimi etmədiyini kim iddia eləyirsə, poxdur, yeyir. Bunun bir də qadınlarda 20 yaşlarında tam inkişaf etdiyi halda kişilərdə 25 yaşlarında hələ də tam etmədiyini deyən versiyaları var. ikisi də yalandır. Yəni sizcanı, beyindir bu, şitləşməyin. Belə mədəni (https://www.reddit.com/r/askscience/comments/1v3vsl/frontal_lobe_development_by_gender_and_age/) sualınızı versəniz, öyrənməyə çalışsanız nəysə, amma yanan yerlərinizdən bilgi uydurmayın, benzin tökməyimiz gəlir sonra.
Mənbə 1: gözüm (t ilə deyil bəlkə, but it is a honest work)
mənbə 2: https://www.urmc.rochester.edu/encyclopedia/content.aspx?ContentTypeID=1&ContentID=3051
mənbə 3: https://en.wikipedia.org/wiki/Frontal_lobe
Elə də bir şey deyil belə baxanda, amma adam yadırğanmamağa həqiqətən sevinir. Mən dünyadakı ən dəxlisiz adamlardanam, söhbətlərə qoşulanda mütləq nəyisə ya eşitmirəm ya anlamıram ya da söhbəti tutmuram. Olmur da, olmur, mütləq bir sual verməli oluram, çünki anlamıram. "Nəyi aparmaq?" , "Hansı qız?" , "Sıranı nə eləmək?" , "Hara qoyum dedin?". Konkret qulağı ağır eşidən ya da gec çatan adam tipləməsiyəm, boranını qoyub qabağınıza söhbət eləsəniz, daha çox zövq alarsınız. Ən böyük qorxum da ünsiyyətdə olduğum və ondan nəsə soruşmaq cəsarətini mənə verməyən adamla danışanda nəyisə anlamamaqdır. ipin ucunu itirdimsə, işlər ümumiyyətlə zibilə dönür. Amma bu gün çox sevimli bir şey oldu. Mən yenə nəyisə başa düşmədim. Yanımızdakı oğlan "Ala bu həmişə niyə belədir?" dedi. Qız da "Mən artıq öyrəşmişəm ona bir şeyləri izah eləməyə." kimi nəsə dedi. Amma əlbəttə təsadüfdən mən temanı yenə tutmadım və dedim ki, nəyi izah etməyə? Onda bir uğunuşma düşdü. "Sənə izah etməyə deyirəm, adam öyrəşir." cavabını allahdan "mənə nəyi izah etməyə?" deyə bir sual zad daha verib beyinini sikmədən anladım. Ancaq hədsiz utandım yenə fikrimin ayrı yerə gedib məni qanmaz vəziyyətinə salmağına. Dedi "Həqqi o niyə elə olur ki? Fikrin hardadır?". Dedim "Əslində hələ fikrimin tamamilə sizdə olduğu halı budur, deyəsən. Yəqin zəka geriliyim var.". Bilirəm, qız elə-beləsinə demişdi onu, ancaq həqiqətən, həmişə suallarımı cavablayır və sadəcə bir dəfə o ağlayanda vəziyyəti aydınlaşdırmaq üçün suallar verməyimə gic olub əliylə "sus." işarəsi eləmişdi. Buna fikir verəndə qəlbim əridi, çünki həqiqətən məni cavablamağa öyrəşib. Hədsiz şirindir bu, insanlardan hər gün bu qədər tolerantlıq görmək olmur, ona görə də o dialoq haqqında fikirləşmək məni sevindirir. Pis bir gündə yenə oxuyub azca sevinərəm deyə qeyd etməli olduğum dərəcədə sevimlidir.
david lynch filmlərinin birindən çıxmış kimi duran 1978 təvəllüdlü model, aktrisa, mahnı sözü yazarı və müğənnidir. Əvvəl sadəcə bir mahnısını və klipini (
))
" Oh, please don't drop me home
Because it's not my home, it's their
home, and I'm welcome no more " deməsiylə adamın ürəyini cızz elətdirən the smiths mahnısıdır.
2006-cı ildə elektronik pop musiqisinə keçid etdiyi, sonrasında rəğbət görmədiyi üçün yenidən əvvəlki stilinə qayıtdığı qısa erada yaratdığı "Romeo" adlı mahnısı ilə xatırladığım türk müğənnidir. Yeniyetmə vaxtı çox dinləyərdim bunu:
)))))
Keçən imtahan həftəsində az qala hamısını izləyib bitirdiyim möhtəşəm videoları hazırlayan kanaldır. https://www.youtube.com/user/rebelliouspixels
Hədsiz heyranlıq duyuram seçdiyi mövzulara və necə inanılmaz dərəcədə doğru, haqlı mövqeydən çıxış etdiyinə. Hər cümləsindən sonra "amma çox haqlısan səəən!" deməyim gəlir. Bir gün "Ruhi xəstəliklərin romantikləşdirilməyi" mövzusunu da ələ almasını dilədikdən sonra, seçdiyi mövzulardan ən sevdiklərimi buraya qoyuram.
Kişilərin cinsi istismarının ən çox istifadə olunan komediya ünsürlərindən olması və gülüş doğurması:
))))))
Qadın cinsiyyət orqanındakı (vagina de keç də) iç və çöl dodaqların dəyişdirilməyinə yarayan estetik əməliyyatdır. Həqiqətən anormallıq olarsa, nəysə, amma gənc qızlar sırf bildiyimiz o porno star fotolarındakı kimi bir orqana sahib olmaq üçün bıçaq altına yatır. Hansı ki, az qala heç kəs anadangəlmə elə doğulmur, normal insan bədəninin bir qismidir həmin nahiyə və o starlar da ya labioplastikalıdır ya da photoshop-lanıb iç dodaqlarının artıqlığı. Hər şeyi standartlaşdırmağa olan qorxunc meyilliliyimizin nəticəsidir bu əməliyyat. Deformasiya olmadığı halda belə bir əziyyətli, xərcli işə niyə girsin axı insan? Həqiqətən də, "normal vagina necə görünür?" deyə bir şey yoxdur. Hamısı normaldır əsasən və əməliyyatın dəyişdirdiyi hissə də elə hər kəsdə o şəkildə olur. Kəsilən yerdə hissiyyatın azalmasına belə səbəb ola bilirmiş həm. izlədiyim bir videoda iç dodaqları kimsənin görmək istəməməyi haqqında belə bir cümlə var idi:
"They basically consider labia minora "too offensive" for soft porn."
Kişilərin zövqünə xidmət edən və ona görə şəkillənən sektor vaginamızın əslində necə göründüyünü o qədər gizlədib, "dar, kiçik, balaca" (çünki eləsi çox daha qəbul ediləndir axı onlar üçün, aa) olmağına fokuslanıb ki, qadınlar artıq normal olanın özlərindəki olduğuna inanmayıb düzgün görünmədikləri kompleksinə düşürlər. Döşləri, sifətləri sonrasında bir dərd daha tapıblar özlərinə. Hətta bir növ belə də demək olar: mən daha az zövq alsam da olar, gözə xoş gəlsin, kişilərə xoş gəlsin. Qəddarca bir şeydir bu.
Çəkdiyim quote-un keçdiyi video:
https://vimeo.com/9924049
Vaginanın yaradılması ya da yenidən yaradılması üçün həyata keçirilən cərrahi əməliyyatdır. Keçən gün imtahan gecəsi oturub haqqında videolara baxmışdım, çox maraqlıdır bütün bu cinsiyyət related mövzular. Bu video çox bilgi verir adamına görə:
))
The Travelling Band tərəfindən 2008-ci ildə Under The Pavement albomunda yayınlanan möhtəşəm mahnıdır. Çox şən olduğu üçün adamın mood-unu qaldıra-qaldıra anormal şəkildə kədərləndirir.
)Şkalanın çox üstündə bir qəhbəlik dərəcələrinin olduğunu fikirləşdiyim insanlardırlar, çünki əsasən dərs oxumamağın cool olduğunu fikirləşmək qəflətinə düşmüş olurlar. Çox oxuyanlar inəkləyirmiş düşüncəsi. Gədə 80 alıb. Deyir "yataraq keçdim.". Yalansa, imtahan sənə keçsin, a götlək, oxuduğunu etiraf etsən nə olacaq ki? "Mən heç effort xərcləmədən də möhtəşəm nəticələr əldə edə bilirəm." kimi çıxsın deyə gizlədirsənsə, onda daha da pis. Boynunu yerə soxalar da, nə deyə bilərəm ki. Uzaq başı bir "halaldır, nə zor." deyəcəyik də, desən nə olar? Bir də bunların kimsə "imtahanda kağızını mənə də göstər imkan düşsə/dərsdən qeydlər çıxarmısansa mənə də ver də."lər eşitməkdən qorxaraq yalan deyənləri var, yenə onlar da cəhənnəm. Amma səbəbsizcə heç oxumadığını iddia etməkdən kayf tutanlar çatmır mənə. O "səhər dördə qədər movzulara baxmışam." deyib 87 alanların azarı ciyərinizə, onlar 100 alsa da paxıllıq eləmirik, haqlarıdır çünki. Cin atına mindirməyin camaatı.
Bir gün palais garnier də eyni şəkildə toz olacaq deyə qorxudan, paranoyadan gic olmağıma səbəb olan yanğın hadisəsini yaşamış tarixi abidə və kilsədir. Yəqin ki, eynisi olacaq qədər olmasa çox bənzərini yenidən tikəcəklər deyə ümid edirəm, lakin o həqiqətən illərdir yaşamış tikili olmayacaq artıq və hər kəs də bunu biləcək. Həqiqətən, kədərlidir.
(baxma: Yaşamağın qaldırılammaz çətinliyi)
(baxma: Belə demişdi timidus)
Əvvəl həqiqətən olduğuna inanmadığım hadisədir. indi inandıqdan sonra isə üstünə iri hərflərlə yazılmış "Burda sizin sperminiz ola bilərdi."ni görər kimiyəm, qəribə bir vəziyyətdir. Dilimə "Allah ikinci yubileydən saxlasın." filan gəlir.
you touch my tralala kim nə deyirsə, desin, sözlüyün (illərdən bəridir gələn) duzu-bibəridir, çox vacib bir hissəsidir, bir çox vaxt tv-dəki reklam arası qədər əsəbpozucu və istənilməyən ola bilir, lakin o ki, reklam arasında qaçıb bir neçə işimizi həll edirik ya da tualetə yüyürürük e, o şəkildə də bezdirici bir ehtiyacdır sözlük üçün. You touch my tralala sevimli deyil, you touch my tralala yaxşı hiss etdirmir, you touch my tralala əsasən mədə bulandıran şeylər deyə bilir, amma bunu beyni ağzından axan birinin bayağı şəkildə sayıqlaması kimi və sırf dingişlik olsun deyə də etmir, müəyyən bir intellektuallıq səviyyəsi, ağlı, əsasən haqlı bir mövqeyi və hətta bir az da etikləri var. Mən isə bunları yazarkən niyəsə hamısını daha əvvəl demişəm kimi hiss edirəm. Ya kimləsə sözlükdə danışanda eyni sözləri sərf etmişəm, ya məsləhətxanada (ki inanmıram elə də) ya bəlkə mesaj qutusu tərəflərdə ya da ikinci profilimdən filan. Bəlkə də oxşar ifadələri başqa birisi üçün işlətmişəm, biləmmədim.
Son bəyənilənlər
