lənətə gəlmiş zənci

319 0 0 0

9. nəsil yazar

Entry: 319

Among thousands of comrades and ten thousand enemies, only you made me forget my dream.

blok başlıqlarını gizlət

yaran türkcə karikaturalar

yazarların çəkdikləri piş

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı meme

+64 əjdaha

60 əjdaha! 18.09.2021 01:53, lənətə gəlmiş zənci

#336694 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qaqa

+46 əjdaha

(baxma: qaqaları tanıyaq)
təkamül nəzəriyyəsinə görə "qaqa" modern homo sapiens və neandertal insanı arasında qalan bir keçid fəsiləsidir. Bəzilərinin soyları getdikcə tükənmək təhlükəsi altında qalsa da, bəzi növləri texnologiyanın inkişafına ayaq uyduraraq həyatda qalıb nəsillərini davam etdirə bilirlər. bəs qaqa fəsiləsinə aid olan bir insanı necə ayırd etmək olar? bu fəsilənin nümayəndəsi çılpaq gözlə ayırd edilə bilir, bəzi xüsusi növləri isə yalnız müəyyən bir dialoq qurularsa özünü büruzə verir. qaqa fəsiləsinə aid olan geyim və aksesuarlar onları ayırd etməyə imkan verir. bunlar : makasin, qara-dar şalvar, istəyə görə saroşka və ya jilet, kepka, zondan gəldiyi iddia edilən təsbeh və "çeçenka" adlandırılan saç düzümü. yay və qış geyimləri arasında müəyyən qədər fərq ola bilər. bəzi təhlükəli növlərində bıçaq, xəncər, beşbarmaq kimi soyuq silah növlərinə də rast gəlinə bilər.
qaqalar öz təbii şəraitlərindən asılı olaraq əksərən sürü halında ya da, 2li 3lü qruplar şəklində gəzməyə üstünlük verirlər. bir qaqa ilə uzun müddət göz təması qurmaq, səssizcə bölgələrinə yaxınlaşmaq, söz atmaq qısacası onların dilində desək "çaşmaq" sizin üçün ölümcül ola bilər. belə olan halda üzr istəyib, "ağıllı olub" öz yolunuzda davam etməyiniz sizin üçün daha məsləhətlidir. bir qaqa ilə dava etmək sizin xeyrinizə olmaz, çox zaman təklənə bilərsiniz. qaqalar öz bölgələrini "palajeniya" adlandırılan xüsusi hissələrə bölmüşdür ki, bu da həmin ərazininin idarə edilməsini asanlaşdırır. bu insanlarla qarşılaşdığınız zaman brat kimi gözlüyürsən burda? , brat siqeetin olmaz? və ya yandıranın olmaz? Tipli suallarla qarşılaşa bilərsiniz. bu zaman özünüzü sıxmadan sadə (onların dilində) cavablar verərək həyatınızı xilas edə bilərsiniz. Onlarla biraz söhbət etsəniz "qızın birini necə fırratmaları", "polisləri təkərə salmaları , "çaşan birini necə şoşqalamaqları" haqda uzun-uzadı hekayələrini dinləyə bilərsiniz
qaqaların ən sevdiyi məşğuliyyət kriminalni həyat sürür sadə avtoritetlər tipli mahnı sözlərini yüksək səslə oxumaq, qəlyan çəkmək və ya nol7-ni 2 təkərə qaldırıb sürməkdir və ya onların dili ilə desək avtoşluq etməkdir. qeyd edim ki, qaqaların xüsusi terminlər lüğəti var və əksəriyyəti jizn , pabraski, dvijeniya , krutoy tipli rus mənşəli sözlərdən ibarətdir. qaqalar fərqli coğrafiyalarda fərqli adlarla adlandırılsalar da mənşələri ortaqdır və çoxluğu eyni bir məqsədə xidmət edir.

35 əjdaha! 06.05.2020 17:43, lənətə gəlmiş zənci

#295161 şikayət

azərbaycanda təhsilin geri qalma səbəbləri

+32 əjdaha

Əslində problem sadəcə azərbaycanın təhsil sistemində deyil, bütün dünyada nəsə bir problem var. Amma görünür heç kimin vecinə deyil, çünki mən öz oxuduğum dövrü və indiki dövrü qarşılaşdıranda, demək olar ki, heç bir fərq görmürəm. Yenə də ənənəyə sadiq qalaraq harada boş, mənasız məlumat var doldururlar gənclərin beyninə. ilk və orta təhsil pox günündədi, ali təhsilə keçməyəcəyəm, orada məsələ biraz qarışıqdı.
Baxırsan adam 11 illik orta təhsili bitirir, amma bank nədir, nəyə lazımdır, kredit, əmanət sistemi necə işləyir, vergi nədir, nə üçün və necə ödənilir, maliyyə nədir? Bəs hüquq nədir, işçinin və işəgötürənin hüquq və vəzifələri nədir, alıcının hüquqları nələrdir, seçki nədir, necə və nəyə əsasən keçirilir və s. Barədə heç nə bilmir. Səhv etmirəmsə gündəlik həyatda bu məlumatlar bizə mendeleyevin dövri cədvəlindən, ya da ki, inteqraldan, paxlakimilər fəsiləsinə aid olan bitkilərdən daha vacibdir. Səhv anlaşılmasın, bu cür məlumatlar da yəqin ki, kiminsə nə vaxtsa işinə yaraya bilər. Amma əsas prioritet bunlar mı olmalıdır? Misal üçün qoşmanın 7 bənd olduğunu öyrədiblər ki, nə vaxtsa qoşma yazsam, fikir verim, sonra səhv olmasın.
Uşaqlara, gənclərə buğumayaqlılar fəsiləsinin həzm və ifrazat sistemini öyrədə bilirik, amma ən vacib məsələ olan cinsi əlaqə (və ya birləşmə), bu cür yollarla yayıla bilən xəstəliklər və s. kimi məsələlər öyrədilmir, sonra da camaat gedib danaya, ata, eşşəyə filan kərkinir. Hüseyn cavidin hansı əsərləri neçənci ildə yazdığını öyrənirik, amma o əsərləri nə üçün yazması, motivasiyası kimi məsələlər ikinci plana atılır. Heç bir yerdə dostoyevski, nietzsche filan oxudulmur, onların psixologiyası, əsərlərini yaratmalarının ardındakı səbəb, dövrün siyasi ab-havası təsvir edilmir. Hansı döyüşün nə vaxt baş verdiyini soruşsanız sizə vcavab verərlər, amma demokratiya nədir, kommunizm əslində nədir, işci hüquqları, haqqları nələrdi, sağ nədir, sol nədir, dövlətlər hansı sistemlərə əsasən idarə olunurlar, niyə bizdə prezident, milli məclis, məhkəmə bölgüsü var? Bunlar nə iş görürlər? Neçəsi Bu sualların cavabını verə biləcək? Bəs bizim üçün əsas olan nədir? Nəyi bilməkdir?
Doğulandan etibarən, dinin budur sitayiş et, hakimiyyətin budur itaət et deyə-deyə, məktəblərdə heç kimə lazım olmayan axmaq-axmaq məlumatları beynə yeritməklə, ancaq və ancaq heç bir baltaya sap ola bilməyəcək bir gələcək nəsil yetişdirilə bilər. Gənclər mənəviyyatın, fəlsəfənin, azad düşüncənin nə olduğunu bilmədən, cəmiyyət içində necə davranacağını bilmədən çoxda ki, triqonometriyanı, döyüşlərin tarixlərini filan əzbərə bilsin.
Amma ağzın nədir bunları öyrənməyəsən? Əgər universitetə girmək, iş tapmaq istəyirsənsə məcbursan öyrənməyə. Məcbursan beynini doldurmağa. Sənə əsas lazım olacaq məlumatları da bir yerdən tapıb, oxuyub, təcrübə edib öyrənərsən. O Bizim çox da vecimizə deyil.

Plus : məktəb həqiqətən də nə isə öyrənmək üçün doğru yer deyil. Hər kəsin oxuyan və oxumayan deyə, oliqarx və demos misalı qruplaşdırıldığı, oxuyana yüksək zümrə, oxumayana "qara camaat" gözü ilə baxılan, müəllimlərin səbirsizliyi və ya səhv yönləndirməsi nəticəsində əlini qaldırıb sual verməyə, səhv bildiyinin doğrusunu öyrənməyə çəkinənlərin olduğu, güclünün zəifi əzdiyi yarı-həsbxana tipli "cəzaçəkmə" müəssisəsidi məktəb.

22 əjdaha! 22.08.2020 04:43, lənətə gəlmiş zənci

#303371 şikayət

qızların alicənab yerinə avara adam seçməsi

+27 əjdaha

Mənə çox "ərgən dərdi" kimi gələn fikirdir.
Qızlar bizə baxmazlar ki qaqaş
iş güc sahibi, müəyyən həyat standartına və təcrübəsinə sahib qadının "avara adamı" özünə partnyor seçməsi mənə heç inandırıcı gəlmir, ha beyin olaraq ərgənlikdən çıxa bilməyibsə o başqa məsələ. Əks halda, Bu saydığım kriteriyalarda bir qızın avara adamla yola gedə bilməsi belə mümkün olan şey deyil. Bu cür seçimlər yalnız Tiktok-türk serialları-wattpad bermuda üçbucağında gəmisi batmış qızlar üçün keçərli ola bilər.

Mütləq bir qız tərəfindən seçiləcəmsə, onun müəyyən zövqə(hər mövzuda), dünyagörüşə və sağlam düşüncəyə malik olmasını istəyərəm. Yuxarıda bəhsi keçənlər isə istədiyi qədər avara adam seçsin, hətta mümkünsə məndən bir işıq ili qədər uzaqda olsunlar.

21 əjdaha! 22.01.2023 05:50, lənətə gəlmiş zənci

#366224 şikayət

nikol paşinyan

+26 əjdaha

Paşinyan dığası rəisimizin "dəmir yumruğu"nu bir dəfə yedi, hələ də özünə gələ bilmir. Eşq olsun azərbaycan xalqına ! Biz o yumruğu illərdir yeyirik, hələ də dağ kimi ayaqdayıq.

23 əjdaha! 12.11.2020 23:52, lənətə gəlmiş zənci

#310317 şikayət

hər universitetdə mövcud olan tiplər

+23 əjdaha

həyatdakı tək idealı yaxşı qiymət almaq olan, bir əli havada ön sıra tipləri. Hər dərsə, hər mövzuya hazır gələn, imtahan sessiyası boyunca da ağlayan tiplərdi.

dibinə kimi sosial olanlar. Bu tiplər oxuduğu universitdə hamı ilə ünsiyyət qurar, bütün tədbirlərdə iştirak edər, üzv ola bildiyi hər kluba üzv olar.

"qız tutmaq" üçün hər cür taktikaya əl atanlar toya gəlirmiş kimi geyinən, ətirlə duş aldığını düşündüyüm, sosial şəbəkələrdə gördüyü hər dişiyə yazan tip. Maşınla universitəte gəlib diqqət çəkmək üçün siqnala basıb saxlayar, baş beyninizi aparar bu mallar. Bu tiplərin qız versiyası da sanki podyuma çıxırmış kimi geyinib gələrlər.
bir-birinin yanından ayrılmayan sevgililər, hələ bunun oxuduğu müddətdə evlənən versiyaları da var. Evlənin e başa düşdüm amma nolub? Qaçhaqaçdı?

işi peşəsi bədən yığmaq olanlar. Söhbət edərsən salonda hansı proqram üzrə hansı idmanı elədiyindən, hansı proteinləri içdiyindən danışar, bir yerdə yeməyə oturarsan "bunda mayonez var? Varsa yemərəm" , "qaqa şəkər istifadə eləmə e başdan ayağa ziyandı", deyib həkimlik edər, hər fürsətdə də bədənini göstərər, yay-qış qolu qısa köynəklə gəzər. Qısaca belə söhbətlər maraqlı gəlmirsə, yola getmək çətin məsələdi.

domino, nərd xəstələri. Getdiyi hər çay evində "nərddən, dominodan nə var?"deyə soruşar, "yoxe qaqa şahmat bacarmıram, gəl dominoya" deyər.
(baxma: dominoya dəmino deyənlər).

qeybət qrupu. Aztv-nin universitet filialı

hər yay tur, hər yeni ildə şənlik təşkil edənlər.

smestr ərzində qayıb limitindən dibinə kimi istifadə edənlər. respect

bütün oğlanlara "qardaş", bütün qızlara "bacı" deyə müraciət edən tiplər .

4 il oxumasına baxmayaraq hələ də imtahan-qiymətləndirmə sistemindən başı çıxmayan qaqaş .

5-6 nəfər eyni evdə qalanlar .

şəxsi inkişaf kitabları xəstəsi. " müvəffəqiyyət əldə etmək istəyirsənsə, gərək 4 saat yuxu yatasan", "bütün dahi insanlar universiteti atıb gediblər qaqaş"
Nəysə, ağlıma gələnlər bunlardı hələki.

20 əjdaha! 17.06.2020 01:05, lənətə gəlmiş zənci

#297659 şikayət

yazarların linçə səbəb olacaq fikirləri

+29 əjdaha

bu sifarişi verən: zazoza
dünya üzərində yaşayan insanların əksəriyyətinin yaşamağa layiq olduğunu düşünmürəm. (misal üçün ortalama tiktok istifadəçiləri)
şəxsən yolda qurumuş bir ağac görəndə və ya ölüb yol ortasında qalan it/pişik cəsədi görəndə, afrikada susuzluqdan ölən, yaxud əfqanıstanda müharibədə ölən insanları gördüyümdə olduğundan daha pis hiss edirəm özümü. irqçilik və ya başqa bir şey deyə bilərsiniz, əlaqəsi yoxdur. yaxud joker bənzəri bir cəmiyyətdən təcrid də yaşamamışam, belə hiss etməyimə səbəb ola biləcək spesifik bir hadisə də olmayıb. nəyə görə olduğunu bilmirəm, ancaq bəzən sevdiyim insanlar ölsə belə vecimə olmayacaqmış kimi hiss edirəm. səbəbi nədir görəsən?
onda bəs sən özün yaşamağa layiqsən? açığı bilmirəm və maraqlı da deyil.
love, death and robotsun ikinci sezonunda pop squad deyə bir bölüm var. spoiler olsun istəmərəm ancaq, həmin bölümdə insanlar ölümsüz olur və artan nüfuz problemini həll etmək üçün təzə doğulan uşaqları öldürən polis tipli bir təşkilat formalaşdırılır. çoxları üçün dəhşətli görünə bilər, ancaq mən izləyəndə tüküm belə ürpəşmir. şəxsən gələcəkdə belə bir təşkilatın formalaşmasını dəstəkləyən azlığın içərisində ola bilərəm və ya maaşlı çalışmaq üçün müraciət də edə bilərəm. "bəs sənin və ya sevdiklərinin başına gəlsə???" deyə ağıllılıq etməyə ehtiyac yoxdu, dediyim kimi sevdiklərimin başına belə hadisələr gəlsə belə, vecimə olmayacaqmış kimi hiss edirəm. bəzən görəsən psixopat və ya sosiopatam mı? deyə düşünürəm həqiqətən də. əksər zamanlar "insanlar acından ölür, yeməyə çörək tapmır" və yaxud "mövcud hakimiyyət xalqa zülm edir" şəklində çıxışsam da, sözün açığı bunlar çox da vecimə deyil.
mənə görə insanların yaradılmasında ilahi bir məqsəd yoxdur, özümüzə biçdiyimiz dəyərə layiq deyilik. məqsədsizcə çoxalıb, törəyən bakteriyalarla, insan fərdi arasında bir fərq görə bilmirəm. necə ki, bakteriya öləndə heç kimin vecinə də olmur, niyə insanın ölümü bu qədər böyük bir problem olmalıdır ki?
nəysə, belə, xəstəlikli fikirlərimi sözlüklə bölüşmək istədim sadəcə.

22 əjdaha! 08.07.2021 09:49, lənətə gəlmiş zənci

#331628 şikayət

ikinci qarabağ müharibəsi

+23 əjdaha

Müharibənin tez bir şəkildə qələbə ilə nəticələnməsini, artıq bu mövzunun adının bir daha çəkilməməsini ən çox istəyənlərdən biriyəm. Çünki mənəvi olaraq çox yorulmuşam. Gündə bir şəhid xəbəri, gündə ayrı bir şəhər bombalanır. Belə yaşamaq olar? Hər kəsdə gərəkli-gərəksiz bir aqressivlik var, elə bil şəhərin üzərinə qara buludlar çöküb. Artıq gəzdiyim hər yerdə polis-əsgər görməkdən bezmişəm, şübhə altında yaşamaqdan az qala başıma hava gələcək. Torpaqların işğaldan azad olunması nə qədər seviniləsi olsa da, bu, buruq bir sevinc, yarımçıq bir təbəssüm kimi hiss etdirir. Covid barədə heç danışmıram belə.
Deyirsən, axı xalq olaraq illərdir bu anı gözləyirdik? Bəs noldu indi?

Artıq mənasız hadisələrin gündəm olduğu, 3 qızın lüt şəkildə "bugün yenə yarə namə yazdım" deyə oxuduğu videonun viral olub ortalıqda gəzdiyi, manpası kimi kanalların ətrafda gəzib gic-gic suallar verdiyi, faiq ağayevin bıçaqlandığı xəbərini eşitdiyimiz o gözəl günlərə geri qayıtmaq istəyirəm. Hətta bu şəhərdəyə belə razıyam.

Millətin tək dərdinin "payblə yenə siqaretin qiymətini qaldırıblar" olduğu vaxtların geri qayıtması diləyi ilə.

23 əjdaha! 03.11.2020 13:52, lənətə gəlmiş zənci

#309099 şikayət

müharibədən çıxarılacaq dərslər

+20 əjdaha

Əgər nə vaxtsa diktator olmağa qərar versəniz, bunu yadınızdan çıxarmayın:
əhalinin qanını içib, canını da alsanız tək bir hərəkətiniz və yə qərarınızla 1 gün içində xalq qəhrəmanına çevrilə bilərsiniz. Əvvəlcədən etmiş olduğunuz bütün mənfiləri bir müsbətlə (o da nə qədər müsbətdirsə) örtə bilərsiniz. Unudulub gedər.

Ən azından mənim bu müharibədən anladığım budur.

16 əjdaha! 10.10.2020 18:04, lənətə gəlmiş zənci

#306003 şikayət

intihar edənlərin 80% kişi olması

+23 əjdaha

80% olmasa belə, kişilərin qadınlardan daha çox, daha doğrusu, ölümlə nəticələnən daha çox intihar cəhdi olduğuna mən də inanıram. Təbii ki, arxasında bir çox faktor var.

Kişilərin ailəvi, sosial yükü, artıq duyğusallığın zəiflik hesab edilməsi kimi məsələlər artıq səslənib, təkrarlamayacam, amma ən yaxın ailəmdən bir örnək verim. Anamın nə zaman mənəvi köməyə ehtiyacı olsa, psixi olaraq çökdüyünü hiss etsə, istisnasız atam həmişə fiziki və mənəvi olaraq yanında olmağa çalışıb. Amma atamda bu belə deyil, səbəb o deyil ki, ona mənəvi olaraq heç kim dəstək olmaq istəmir, xeyr, ata mənəvi əzablar da çəksə sən bunu anlaya bilmirsən. Uzağı təxmin edə bilərsən, çünki içinə soxduğumun bu dünyasında kişiyə ağlamaq, mənəvi problemlərindən danışmaq, mənəvi yardım istəmək zəiflikdir. Kişi deyilsən? Ya özün həll elə, ya da get bir qıraqda öl.
Başqa bir misal, bir dəfə müsahibələrin birində, azərbaycanın dırnaqarası sənətkarlarından birindən " kişilər evinə, qadınına baxa bilmirsə, ölüb yerə girsinlər" tərzi bir cümlə eşitmişdim. Adı yadımda deyil, amma araşdırsanız mütləq bənzər şeylər taparsız. indi bu lənətə gəlmiş ölkədə bu düşüncədə yüzlərlə başqa insan olduğunu təsəvvür edin.
louie serialında sevdiyim bir epizod var, luis ck tanış olduğu bir qadınla kafedə oturur, bir qrup qaqa-ərgən bunları narahat edir, içlərindən biri luisi döyməklə hədələyir, o da hər yetkin insanın etməli olduğu kimi uşağı başa salmağa çalışır, dava dalaş salmadan söhbəti bağlıyır. Qadın isə əvəzində "bilirəm əslində sən düzgün olanı etdin, amma yenə də gözümdəki imicin düşdü biraz, özümə mane ola bilmirəm" deyir və ondan ayrılır. Əlbəttə bu ekstrim bir misaldı və sadəcə komediya olsun deyə qoyulub. Amma az da olsa gerçəklik payı var. Bəzi qadınlar üçün kişi vurub yıxan olmalıdır, duyğusal yox, hətta bu belə deyilsə o "əsl kişi" belə sayılmır.

Bir digər səbəb isə, kişilərin daha sərt intihar üsulları seçməsidir. Ona görə başda "cəhd" sözünü işlətdim. Statistikaya görə intihar cəhdlərinin əksəriyyətində qadınlar sağ qurtulurlar, sonra da bir çoxu peşman olur təbii ki. Ancaq kişinin sonrakı peşmançılığı yaşamaq kimi bir alternativi olmur. Çünki dərman ataraq və ya qollarını kəsərək intihar edən kişi tək tük tapılar, onlar əksərən ya özünü qatarın altına atır, ya asır, ya da güllələyirlər. Bununla məqsədim əsla "kişilər kişi kimi intihar edər" demək deyil, belə bir şeyi ağlımdan belə keçirmərəm, sadəcə rast gəlinən intihar hadisələrindəki balans bu formadadır, mən neyliyim?

Digər bir faktor, cinayət mi yoxsa intihar mı? Əminəm ki, bir sıra cinayət işlərində, ya tənbəllikdən, ya qorxudan, ya da başqa faktorlardan, açılan cinayət işləri "intihar" nəticəsi ilə bağlanır, sonra da altını çox eşələmirlər və nəticədə bu da ümumi statistikaya təsir edir.
Özüm də bu kimi bir hadisənin şahidi olmuşam, şəxsən yaxından tanımadığım, amma bir neçə dəfə görüb salam-sağol etdiyim birini "qız məsələsi" üstündə asıb öldürmüşdülər, ancaq həmən hadisə mediaya intihar adı ilə əks olunmuşdu, sonradan arxasınca gedənlər isə bir nəticə əldə etmədilər. Bu kimi hadisələrin də, əsas da azərbaycanda sayı heç də az deyil.

Digər məsələ, əsgərlik faktoru. Sadəcə azərbaycan üçün deyil, ümumən məcburi əsgərliyin olduğu və ya müharibə şəraitinin hökm sürdüyü ölkələrdə, həmin dövrdə olmasa belə post-müharibə dövründə köhnə əsgərlər arasında intihar hallarının sayı nisbətən çox olur. Yəqin ki, "qazi və ya ordu əsgəri intihar etdi" kimi başlıqlara tez tez rast gəlmisiniz. Səbəb isə müharibənin gətirdiyi qeyri-insani həyat şəraiti və ya əsgərliyin bəzi insanların üçün dözülməz olması və ya dözülməz edilməsi ola bilər. Bir çox insan çox sonralar belə psixologiyadan çıxa bilmir, çarəni intiharda görür.

Daha bir faktor, ailəvi zəmində yaşanan problemlərlə bağlıdır. Təkrar təkrar qeyd edirəm, məqsədim kiməsə bəraət qazandırmaq deyil, sadəcə faktlar daxilində görüş bildirməkdir. Kişi üçün qadının xəyanət etməsi əksərən qəbul edilməz bir hadisə kimi görünür, mediada tez-tez "arvadını (sevgilisini) öldürdü, sonra intihar etdi" tərzi xəbərlər eşidirik. Xəyanət edilən kişiyə ətrafı da fərqli münasibət bəsləyir, nəticə ya intihar ya da cinayət olur. Ya da lap xəyanəti qoyduq qırağa, sırf ayrılmaq istəyən qadına qarşı da bu cür hadisələr törədilir, ya da kişi cinsi, ayrılığı həzm edə bilmir, yenə intihar, yenə cinayət. Nə deyim, Kaş ki, belə olmasa, amma mənasız romatikaya ehtiyac yoxdu, belə bir dünyada yaşayırıq təəssüf ki.

Tanım : ən böyük faktor məhz sosial olsa da, bu kimi kiçik faktorları da əlavə edəndə, doğru olduğunu düşündüyüm məlumatdır

18 əjdaha! 30.11.2022 11:22, lənətə gəlmiş zənci

#363360 şikayət

sözaltı etiraf

+21 əjdaha

Etiraf edim ki, bəzən sırf dostlar arasında söhbətlərdən uzaq qalmamaq üçün, heç izləmədiyim bir film, oxumadığım bir kitab, heç bir anlayışım olmayan mövzu haqqında yalandan atıb-tuta bilirəm. Məktəb vaxtı yadımdadır, ən sevdiyim filmin nə olduğunu soruşanda godfather demişdim (ki, indi də elə ən sevdiyim filmdi, yalan demiş sayılmaram) halbuki, qram da anlayışım yox idi, xaç atasını oynayan aktyorun al paçino olduğunu zənn edirdim, o dərəcə. Amma " ay da o nə səhnəydi elə?", "aktyor yaradıbe" tərzində pafosla çıxışlar edirdim. Ən sevdiyin səhnə nədir? Soruşanda, "gədəni vururdulare bax o səhnə" demişdim (mafia filmidir, yəqin ki, kimsə vurulmalıdır). Vaxtılə lotr üçün də eynisini etmişdim.

Və yaxud hələ də game of thrones izləməməyimə baxmayaraq, "o nə zibil finalıydı elə?" Şəklində çoxbilmişlik edirəm, ancaq konseptin nə olması xaricində elə də bir anlayışım yoxdur. Qısası ordan burdan eşitdiyimi başqalarına satıram. Ola bilər ki, nə vaxtsa, dələduzluq maddəsi ilə məsuliyyətə cəlb olunaram, amma nə edim, mən də bu formada bir xəstəyəm.

18 əjdaha! 06.09.2021 23:36, lənətə gəlmiş zənci

#335757 şikayət

bədii ədəbiyyat oxuyan bikar insan

+16 əjdaha

bədii ədəbiyyatın azərbaycan xalq nağıllarından ibarət olduğunu düşünənlərin, bu insanları "bikar" adlandırması normaldır. mən də nağıl oxumaqla keçən vaxtı boş vaxt hesab edirəm məsələn. dərd orasındadır ki, bəzi insanlar heç dolu vaxtında da faydalı, faydalını keçdim, mənalı bir işlə məşğul olmurlar ki, kaş elə hər bikar bədii ədəbiyyat oxuyardı, nəysə.

mənim üçün əsas olan bədii ədəbiyyatdan nə aldığındır, bunu biləndən sonra onu oxuduğun boşmu yoxsa dolu mu olduğunu anlayırsan. mən sosial elmləri sevirəm, məsələn tarixlə bağlı elmi kitablar, məqalələr oxuyuram, bu öz yerində, ancaq ilk dəfə animal farmı oxuyanda "hassiktir mən bunun bənzərini dəfələrlə görmüşdüm" deyə düşünmüşdüm. düzdür, tarix oxuduqca, bütün o despot rejimlərin fəaliyyətini, yüksəlişini və sonunu birinci əldən görə bilirsən. ancaq heç bir tarix kitabında, heç bir professor, bunu george orwell kimi təsvir edə bilməz. ən azından mən şahidi olmamışam. və yaxud dostoyevskinin "cinayət və cəza"sını oxuyanda, kafkanın "məhkəmə"sini oxuyanda hüquqla bağlı fikirlərim tamam dəyişmişdi, ən azından fərqli bir formaya çevrilmişdi. lap sosial elmləri qoydum bir kənara, tutaq ki, sən "dəqiq" elmləri xoşluyursan, yüz faiz əminəm ki, stanislaw lem və ya isaac asimov bir çox elm adamına ilham olmuşdur. inanmıram ki, bir "solaris" və ya bir "aden" sənə nəsə qatmış olmasın. Çünki, farenheit 451də də görmüşük, kor-koranə, bədii ədəbiyyatdan yoxsun inkişaf xoşbəxtliyə gətirib çıxarmır.

ola bilər ki, bəzən gerçəyi bildiyini zənn edərsən, ancaq bir zaman gəlir ki, gərək biri qarşına keçsin və o "gerçəyi" bir sillə kimi üzünə vursun. mən də bilirəm, bütün kitabların funksiyası da sənə həyatın sirrini bəxş etmək deyil, məsələn heç vaxt "nə vaxtsa bir aydınlanma yaşayaram" məntiqi ilə stephen king və ya random bir dedektiv əsəri oxumaram, çünki burada məqsəd sadəcə mənəvi zövq almaqdır, onları sadəcə, "xoşuma gəlir ona görə də oxuyuram".
bir tərəfdən o da düzdür ki, minlərlə mənasız, boş, həqiqətən də vaxt itkisi olan "ədəbi" əsərlər də var və olacaq da. onun da həlli sadədir, oxumazsan keçib gedər.

12 əjdaha! 22.07.2021 10:37, lənətə gəlmiş zənci

#332562 şikayət

səmimi insanın mövcud olmaması

+16 əjdaha

bu sifarişi verən: benedictus
bu barədə çox düşünürdüm, həqiqətən səmimiyyət nə deməkdir? məsələn birini təqdir etmədiyim halda özümü edirmiş kimi göstərirəmsə mən səmimi sayılırammı? yox əgər səni və ya gördüyün işi sevmirəm deyə bilirəmsə o zaman səmimi mi olmuş oluram? söylədiyim doğrular insanların qəlbini qırsa belə və ya onlarla düşmən olmağıma səbəb olacaqsa belə, yenə də doğrunu söyləyirəmsə, saxta emosiyalarla nə qarşıdakını, nə də özümü aldatmıramsa o zaman səmimi bir insan kimi sayıla bilərəmmi?
səmimiyyətin hər zaman, nə olursa olsun doğrunu söyləməklə əlaqəli olduğuna inanıram. bu subyektiv fikirdir əlbəttə. amma hər birimizin üzümüzə qarşı yalan söylənilməsinə ehtiyacımız var. təzə aldığımız ayaqqabıya münasibətdə "necədi yaraşır?" tərzində verdiyimiz suala "hə bomba kimi" cavabını eşitməyə ehtiyacımız var. və yaxud səsimiz gözəl olmasa belə oxuduğumuz mahnıya " babat oxudun öz aramızdı " tipli cavab eşitməyə ehtiyacımız var. bəzən həqiqətən də yalan eşitməyə, həmin yalana inanmağa ehtiyacımız var.

hər mövzuda səmimi olmamaq elə uşaq vaxtından bizə öyrədilib. uşaq vaxtı mənə ev telefonuna zəng gələndə götürüb, qarşı tərəfdə anamın danışmaq istəmədiyi biri olduğunu anlayanda "de ki mama evdə yoxdu" cavabını vermək öyrədilmişdi. qarşı tərəfə "mama evdədi, amma sənlə danışmaq istəmir, çünki səndən zəhləsi gedir " də deyə bilərdim, bu da bir seçimdir. amma qəlb qırmamaq, düşmənçilik yaratmamaq üçün yalan söyləmək öyrədilib bir kərə. elə uşaq vaxtından insanlara qarşı tam səmimi olmamaq öyrədilib və məktəb şəraiti, daha sonrasında gələn karyera falan filan bunu daha da körükləyib. buna görə hər birimiz gündəlik həyatda minlərlə maska gəzdiririk, lazım gələndə birini çıxarıb, o birini taxırıq. içimizdən neçəsi sözlükdə yazdığı kimi gündəlik həyatda da davrana, danışa bilər?

bəzən mən də insanlara qarşı tam səmimi olmaq istəyərdim. "kefli isgəndər" olmaq istəyərdim misal üçün, adam hər zaman doğrunu söyləyir, amma ayyaşdır deyə heç kim vecinə belə almır. əslində insanların onu vecinə almamasının əsas səbəbi doğruları eşitmək istəməmələridir. isgəndərin çalışıb-vuruşmasına rəğmən ailə fərdləri, kənd camaatı heç bir halda gözlərinin önünə çəkdiyi pərdəni endirmək istəmir və nə olur? komediya kimi başlayan əsər, faciə ilə bitir.

bəli sevmədiyim insana dönüb "səndən zəhləm gedir, görünmə gözümə" deyə bilərəm və ya o an ağlımdan nə keçirsə şak deyə üzünə söyləyərəm, bəlkə bu məni daha səmimi bir insan edər, amma eyni zamanda cəmiyyətin qəbul etmək istəmədiyi birinə də. çünki toplum olaraq gerçəyin acı dadındansa, yalanın şirinini dadmaq istəyirik. heç kəsə öz fikrini söyləməyə imkan vermirik, elə şablon cümlələr və şablon insanlar. özümüzə nəyə görə "robot" yerinə "insan" deyirik onu da bilmirəm.

qısaca səmimiyyətsiz bir cəmiyyət formalaşdırmağı biz özümüz seçmişik. ona görə də dünən aldığımız ayaqqabı bugün cırılır, səsi olmayan manıslar 5 qəpiklik singlelar çıxardır. "kefli isgəndər"in faciəsi kimi, deyəsən bu da bizim faciəmizdir. hətta "palaza bürün, elnən sürün" deyə atalar sözümüz belə var bizim. hə və bundan sonra çıxıb " niyə ətrafımda səmimi insan yoxdur" demək sadəcə mənasızdır. çünki əslində səmimiyyətsizlik hər birimizə sərf edir.

13 əjdaha! 03.09.2020 04:26, lənətə gəlmiş zənci

#303831 şikayət

azərbaycanda çəkilə biləcək porno film üçün ad təklifləri

+16 əjdaha

(bax: babək) - parody
Qəhrəmanımız ərəb xəlifəsi tərəfindən xüsusi olaraq yaradılmış və qadınlardan ibarət ordu ilə təkbaşına mübarizə aparır.

(bax: tütək səsi) - blowjob

(bax: uşaqlığın son gecəsi) - əmisi tərəfindən əlindən tutulub bazdığa aparılan rüstəm və murad artıq həyatın sərt üzü ilə qarşılaşmalı olur və uşaqlığın daşını atırlar.

(bax: ölsəm bağışla) - submissive/ fetish

(baxma: o olmasın, bu olsun) - biseksual bir gəncin özünü cəmiyyətə qəbul etdirmək mübarizəsi

(bax: kəndlilər) - orgy

(bax: bir qalanın sirri) - brazzers house
Qalada keçən çətin mübarizənin sonunda yalnız bir nəfər qalib olacaq.

(bax: yaramaz) - naughty america sponsorluğunda

(bax: axırıncı aşırım) - köhnə pornstar olan abbasqulu bəy pensiyaya çıxmadan qabaq son bir filmdə oynamağı qəbul edir və hadisələr cərəyan edir.

(bax: sevil) - lesbian
Sevil adında məktəbli qız barda tanış olduğu mavi saçlı qadınla sevgili olur və onu ailəsinə qəbul etdirməyə çalışır.

(bax: ölülər) - zombie porn

(bax: arşın mal alan) - tacir əsgər bəyin malı çox uzun olduğu üçün 1 nəfərə bəs eləmir.

11 əjdaha! 24.07.2020 16:08, lənətə gəlmiş zənci

#301121 şikayət

yazarların çəkdikləri pişik şəkilləri

+16 əjdaha

Bir dəfə səhər, saat 6 radələrində olardı, oturub fikirli fikirli siqaret çəkirdim, gəldi üstümə dırmanmağa çalışdı, götürüb qoydum qucağıma, fürsətdən istifadə xəbərsiz çəkdim şəklini, o gün evə qədər dalımca gəlmişdi.

Bu balaca ilə də veterinarda tanış olmuşduq, qızımı aparmışdım, gəldi, oturdu çantamın üstündə güc-bəla ilə razı salıb yerindən qaldıra bildim.

Universitet vaxtı, gecə smenində işlədiyim yerə tez tez it- pişik gəlib baş çəkirdi, bəzən qış vaxtı içəri girib isinib gedirdilər, bir qədər şəkillərim vardı, tapa bilmədim heç, bircə bu qalıb o günlərdən.

14 əjdaha! 10.05.2023 14:43, lənətə gəlmiş zənci

#372157 şikayət

bürclər

+18 əjdaha

Bürclərin çin uydurması olduğunu sübut etmək üçün sadə bir təcrübə apara bilərsiniz. sizi az da olsa tanıyan və astrologiya (astronomiya yox) ilə maraqlanan birinə bürcünüz haqqında yalan deyin. Misal üçün əgər qoç bürcüsünüzsə, " mən buğayam" deyin. Həmin özünü ağıllı hesab edən yoldaş piç gülüşü ilə buğa bürcünü sizin xarakterinizlə uyğunlaşdırmağa çalışacaq. Sən təvazökarsan, tez əsəbləşirsən filan falan deyəcək. Və daha sonra beti biraz da artırın. " yox əslində yalan dedim mən tərəzi bürcüyəm" filan deyə yenə yalan sıxın. Amma diqqət edin ki, anlaşılmasın. Sonra yoldaşınız " hə əslində sənin bu kimi xüsusiyyətlərin tərəzi bürcü olduğunu büruzə verir bunu bilməli idim" kimi axmaq-axmaq danışmağa davam edəcək. Onun sözünü işarət barmağınızı havaya qaldıraraq kəsin və əsl bürcünüzü deyin. Həmin "ağıllı" yoldaşın bayaqdan bəri atıb-tutduğu ifadə etməyi də unutmayın. Və nəticə : bürclər sadəcə bir uydurmadan ibarətdir. Yəqin çinli kəndlilərin o vaxt ağa torpağında muzdla işləməkdən ya da çin səddi 'ni tikməkdən o qədər ürəkləri sıxılıb ki, bir tərəflərindən bürc uydurublar.

9 əjdaha! 27.05.2020 03:05, lənətə gəlmiş zənci

#296108 şikayət

tanrıya veriləcək tək sual

+18 əjdaha

Tanrıya verə biləcəyim tək bir sual var - "sən bacararsanmı?".
Uşağına 1 velosiped belə ala bilmədiyi üçün "mən nəyə lazımam onda?" deyib intihar edən atanın qəhrini çəkə bilərsənmi? Səngərdə gözlərinin önündə öldürülən əsgər yoldaşının qisasını almaq üçün düşmənə atəş açan, sonra isə prikaz verilmədən atəş açdığı üçün eşşək balası kimi döyülən, şərəfi, namusu ayaqlar altına alınan əsgərin çəkdiyi əzabı sən çəkə bilərsənmi? 3 uşağına baxmaq üçün gecə gündüz işləyən, işlədiyi yerdə də alçaldılan, xor görülən ananın göz yaşlarına cavab verə bilərsənmi? Böyük dövlətlər silahlarını sata bilsinlər deyə çıxan müharibələrin, öldürülən minlərlə insanın, başsız qalmış ailələrin cavabını verə bilərsənmi? Kimi günahlandıraq indi, mükəmməl bir dünya yaratdığını iddia edən tanrını mı? Və yaxud yaratdığı "ən mükəmməl varlıq" olan insanı mı? Günahkar kimdir?

Hakan gündayın çox sevdiyim bir sözü var : bizlər yaxşı insanlar deyilik, yaxşı insanlar çoxdan öldülər, müharibələrdə şəhid oldular, azadlıqları üçün öldürüldülər. Bizlər namussuzların, təcavüzkarların, zəif və iradəsiz insanların, savaşdan qaçanların övladlarıyıq.
Yer üzündəki bütün dinlər sadəcə və sadəcə insanların gözlərini boyamağa, onlara heç bir zaman gerçəkləşməyəcək xəyalları satmaqla məşğuldur. Niyə mənim insan kimi yaşamağa haqqım yoxdur deyən bir fəhləyə, uşağı şikəst doğulan anaya bu sənin imtahanındır, biraz səbr et cənnətə gedəcəksən deyər, amma özünü öldürüb eləməyəsən ha, bu ən böyük günahdır. bu dünyanın sənə ehtiyacı var, yoxsa biz kimə xəyal satarıq?

Keçən il elmlərdə bir çay evinə getmişdik, oturub domino filan oynayıb, çay içəcəkdik. Yerimizə keçəndən sonra ofisiantı çağırdıq, qoca xalanın biri gəldi, heç yeriyə də bilmirdi, utana sıxıla bir çaynik çay və şokolad istədik. Biraz sonra gətirdi, "xala bütün bu stollara sən təkbaşına baxırsan?" Deyə soruşduq. Hə bala dedi, üstəlik sadəcə stollara baxmırdı, hər yerin təmizliyindən, qab-qacaqların yuyulmasına qədər bütün işlərə o baxırdı, səhərdən axşama qədər, bir tikə çörək üçün. Bunu eşidəndən sonra hamımız sus-pus olduq, içdiyim çayın dadı da mənə acı gəlməyə başlamışdı. "Gəl sən otur, dincəl biraz, mən baxım sənin yerinə" demək istədim. Kim bilir nə əziyyətlər çəkirdi. Bu dünya belə insanlarla doludu, özümüzü aldadıb, ucu mənə çatmır onsuz kimə nə olur olsun deyə bilərik, instagramda, whatsapda ya əli ya məhəmməd deyə status paylaşıb özümüzü həqiqi dindar kimi göstərə bilərik, amma bunun kimə nə faydası var? Bir tərəfdə acından insanlar ölürsə, bir tərəfdə də varlının biri bir yeməyə dünyanın pulunu sayırsa dinin, tanrının kimə nə faydası olacaq? Bizi yaradan bir tanrı varsa belə əminəm ki, əli sikində gəzir, zövq alır əzab çəkdirməkdən, yaratdığı xaosa tamaşa etməkdən. Bu qədər əzab verdiyi bəs deyilmiş kimi bir də cəhənnəmə göndərməklə təhdid edir, əgər həqiqətən də belədirsə, göndərsin cəhənnəmə məni, bütün bunlara bais olan insanın necə əzab çəkdiyini görmək istəyirəm. Lazım deyil cənnəti də, hurisi də.

14 əjdaha! 24.07.2020 02:31, lənətə gəlmiş zənci

#301062 şikayət

yaşamaq üçün səbəblər

+13 əjdaha

bu sifarişi verən: michaelangelo
Bir gün gəlir ətrafındakı hər şey öz mənasını itirir. Ətrafındakı insanlar sənə sənimiyyətsiz gəlməyə başlayır. Birini sevirsən, gözlərinin içinə baxıb, əllərini tutub "səni sevirəm" deyirsən, amma onun gözlərində həmin işıltını görə bilmirsən, ən sevdiyin, ən güvəndiyin insanlar gün gəlir düşmənə çevrilir. Hətta uşaqlıqdan etibarən inandığın, istədiyin olsun deyə dua etdiyin allaha belə inanmamağa başlayırsan. Ətrafımdakı dünya yalandan ibarətdir deyirsən. mən ölsəm kimə nə olacaq ki? 7 milyard insan, biri əksik, biri artıq nə fərqi var?

Əminliklə deyə bilərəm ki, hər bir insan ən azından bir dəfə də olsun intihar etməyi düşünüb, mənim kimi. Belə zamanlarda çalışıram ki, öz motivasiyamı xatırlayam. Və sonra düşünürəm, mən ölə bilmərəm. görmək istədiyim yüzlərlə yer varkən, hələ də dinləmədiyim milyonlarla mahnı , hələ tanımadığım insanlar, oxuyub da yarımçıq qoyduğum kitablar, gəzmədiyim məkanlar, dadmadığım yeməklər, öyrənmək istədiyim dillər varkən, yaşamağa borclu olduğum bir həyat, yarımçıq bir hekayəm varkən. Hələ qələmimi yerə qoymaq üçün çox tezdir. Əlimdəki vərəqə istədiyim hər şeyi yaza bilərəm : istər dram, istər komediya, istərsə də faciə. Bütün bunları bir sevgiyə, bir çətinliyə, bir təhqirə, ən əsası da insanlara görə qurban verə bilmərəm. istəyirlərsə mənə nifrət etsinlər, dəyərimi bilməsinlər, özəl biri deyiləm və buna ehtiyacım da yoxdur.

Etmək istədiyim çox şey var, birinə dəli kimi aşiq olmaq istəyirəm misal üçün, bütün günü onu düşünmək, xəyalını qurmaq istəyirəm, avstraliyaya getmək istəyirəm misal üçün, məndən minlərlə kilometr uzaqda yaşayan insanlar nə edir, nəyə inanır, nələr hiss edirlər öyrənmək istəyirəm. Amerikaya gedib maşın kirayəyə götürüb, filmlərdəki kimi kaliforniyanın o ucsuz-bucaqsız yollarında gəzmək istəyirəm. Ola bilər ki, bütün bunlar heç bir zaman gerçək olmasın, amma xəyalı belə gözəldi. Sabah başıma nə gələcək bilmirəm, ya da yatdığım yuxudan oyana biləcəyimin qarantiyasını verə bilmirəm.

Ad günü olan birinə "ömrün uzun olsun", "100 il yaşayasan" demək adətdəndir, mən isə sadəcə "motivasiyan heç vaxt itməsin" deyirəm.

Yağışlı günləri, heyvanları, dostlarla içməyi, deyib-gülməyi, dava edib bərabər eşşək balası kimi döyülməyi sevirəm. Xoşbəxtlik sadəcə bir andır. Mənim isə qarşıda hələ xoşbəxt olacağım nə qədər anlar var. Bütün bunları düşünmək belə yaşamaq üçün bir səbəb verir insana. Çətinliklər olacaq əlbəttə, həyatın qanunu budur. Amma məni sevindirən, əvvəllər çətinlik dediyim şeylərə indi gülüb keçərək reaksiya verə bilməyimdir.

9 əjdaha! 24.08.2020 03:43, lənətə gəlmiş zənci

#303473 şikayət

ərəblərin azərbaycana gəlmə səbəbləri

+13 əjdaha

universitetdə oxuduğum ilk illərdə pula ehtiyacım olduğu üçün, şəhərin içində müxtəlif kafe və restoranlarda ofisiant olaraq işlədiyimdən və first person olaraq şahidi olduğum hadisələrdən ötrü "ərəb" adının çəkilməsi belə məni qıcıqlandırmağa kifayət edir. əvvəlcə onu deyim ki, bu millətin yaxşısı çox yaxşı, pisi isə nəysə... yəni bu millətin bir ortası yoxdu, yaxşı dediyim də ancaq misir və ya tunis tərəfdən gələnlərdi. işlədiyim müddətdə məni insan yerinə qoymayanları da görmüşəm, sifariş götürməyə gedəndə qırıq ingilis dili ilə i don't want you, call that girl over there deyəni də. işimi itirməmək üçün yumruğumu sıxıb sakitcə girl is busy now, but i will serve you deyə bilmişəm sadəcə. qabağına gələn ətin halal olub olmadığını soruşan, ancaq sonrasında içib-içib başqa müştərilərə sataşan, camaatln sevgilisinə söz atanı da görmüşəm, 3 qadınla evli olub 4-cünü bakıda axtarmağa gələni də. Bu da buların dindarlıq anlayışı. müqayisə eləmək nə qədər doğru olar bilmirəm amma avropalı ilə ərəb arasında real fərqi görə bilirsən orada. istər istəməz fikirləşirəm ki, a kişi sizin qızdan başqa dərdiniz yoxdu?
başqa görüb də deyə bilməyəcəyim çox şey amma nəysə...
Qısası sevmirəm bu insanları. yazıma görə mənə irqçi deyənlər də ola bilər, vecimə də deyil. mənə görə hər kəs öz nifrətini özü qazanır. indi də tez-tez rast gəlirəm şəhərdə, özlərini aparmağı bacarmırlar, imkanım olsa rədd eliyərəm hamısını burdan ya da ümid eliyirəm ki, pandemiyaya görə bir də gəlməzlər

silinmiş entry.

11 əjdaha! 08.05.2020 15:28, lənətə gəlmiş zənci

#295267 şikayət

sözlüyün yazarlara qazandırdıqları

+12 əjdaha

Sözlüyün mənə əsas qazandırdıqları əjdaha və umbay sözləridir. Nəsə maraqlı bir hadisə olanda "əjdaha kimi" və ya hər hansı bir jest edən dosta "əjdahasan" deməyə başlamışam. Yəni bu iki söz gündəlik həyatda da tez tez istifadə edilir.
Kimsə nəsə mənasız bir söz deyəndə və ya gicgicə hərəkətlər edəndə isə belə bir dialoq keçir:
+ bəsdi də umbaylıq eləmə və ya umbay kimi danışdıne lap.
- necə? Başa düşmədim. Umbay nədi?
+ heçnə boş ver.
Ətrafımdakı insanlara sözlükdən bəhs etmirəm, onsuz həyatıma paz olublar, bir də bura gəlməsinlər. Maraqlısı odur ki, mənasını bilmədikləri halda onlar da yavaş-yavaş umbay sözünü işlətməyə başlıyırlar. Qorxuram ki, bu gedişlə umbay sözü azərbaycan dilinin izahlı lüğətində öz yerini tapa.

7 əjdaha! 12.09.2020 17:37, lənətə gəlmiş zənci

#304375 şikayət

oxuduqca dünyagörüşü iki qatına çıxaran kitablar

+11 əjdaha

(baxma: eric berkowitz - sex and punishment)
ilk toplumlardan günümüzə qədər olan dövrdə insanların cinsəlliyə baxışını, həmçinin din, siyasət, tarix dövlətçilik, hüquq kimi mövzuları əhatə edən əjdaha kitab. Həmçinin qədim dövrlərdə şəhvət cinayətkarlarına (daha doğrusu onların ailə üzvlərinə) tətbiq edilən dəhşətli cəzalar barədə də məlumat verilir.

--spoiler--

Aşşur dövlətində başqasını arvadına təcavüz edən adamın cəza olaraq öz arvadına təcavüz edilməsi cəzası geniş yayılmışdı. Əgər şəxs bakirə bir qadına təcavüz etmişsə o zaman həmin adamın qadını və uşaqları eşşəklərə təcavüz edilmək üçün verilirdi. ( bunlar həqiqətən də təsdiq olunmuş faktlardı) heyvanlara təcavüz edənləri isə ölüm cəzası gözləyirdi.

Qədim yunanıstanda homoseksuallıq qadağan deyildi, hətta döyüşçüləri yetişdirən müəllimlərin bir çoxu onlarla əlaqədə olurdular. (Birə-bir alıntı deyil Tərcümə variantıdı)

--spoiler--

Bu kitabda keçən faktlardan sadəcə bəziləridi. Hələ ilk və orta əsrlərdə dini görüşlərə uyğun dövlətin verdiyi qərarlara baxanda insan istər-istəməz dinləri də sorğulamağa başlayır.

--spoiler--

isanın ölümündən sonra onun tez bir zamanda diriləcəyinə inanan tərəfdarları sırf ibadətlə daha çox məşğul ola bilmək üçün və digər məşğuliyyətləri günah hesab etdikləri üçün öz cinsi orqanlarını kəsirdilər.
12-ci əsrdə bəzi xristian toplumlarında cütlüklərə ayda yalnız bir dəfə və ya 3 dəfə cinsi əlaqəyə girmək üçün icazə verilirdi.

--spoiler--

Kitabın bəzi hissələrini oxuyan zaman "hass.. bu da varmış? Nə əlaqə? Belə qanun olar?" Filan deyirsən.

6 əjdaha! 16.06.2020 04:34, lənətə gəlmiş zənci

#297589 şikayət

qulaqlıqla musiqi dinləmək

+13 əjdaha

Qulaqlıq baby driver filmindəki baby kimi artıq mənim bir orqanım halına gəlib, çölə çıxanda qulaqlıq götürməməyi ağlıma belə gətirə bilmirəm. avtobusda, metroda tanış birini görmək istəmirəm ki, qulaqlığımı çıxardıb söhbət etmək məcburiyyətində qalacam. belə söhbətləri olduqca qısa kəsməyə çalışıram. Mahnının ən gözəl yerində biri məndən söz soruşmağa cəhd edəndə xaç görmüş vampir kimi tıslamaq gəlir içimdən. Birdə əli ilə qulaqlığı çıxart söz deyirəm hərəkəti edənlər var ki, onlara da qıcıq oluram. dünya sənin ətrafında dönmür əzizim, sənə qulaq asmaq məcburiyyətində deyiləm.

12 əjdaha! 21.05.2020 02:21, lənətə gəlmiş zənci

#295831 şikayət

toy etmək istəməyən qadın

+12 əjdaha

(baxma: qadınların sevgili olanda toy zad istəmirəm deməsi, ancaq nişanlanandan sonra özlərini kezbanlığa qoyub toy, toy deyə tutdurmaları)
(baxma: aman, aman nereye geldik)

9 əjdaha! 29.07.2020 14:25, lənətə gəlmiş zənci

#301711 şikayət

eynək taxmağın mənfi cəhətləri

+14 əjdaha

10 ildir professional şəkildə eynək taxmış və bu sənətdə ustalaşıb , hachidan səviyyəsinə çatmış biri olaraq deyə bilərəm ki, eynək taxan bizləri ən çox narahat edən bu əşyanı icad edən Salvinio delli armatinin dövründən başlayan və il 2020 olmasına baxmayaraq hələ də öz köhnə ənənələrindən əl çəkə bilməyib, eynək və eynəyin işləmə prinsipi barədə gij-gij ( gic-gic yox lap elə gij-gij) suallar verən insan yığınıdır.
əgər aranızda belə insanlar varsa, mənə ən çox verilən suallara cavab verərək bu ölməyən marağınızı bir nəbzə olsun söndürməyə çalışacağam.
1 bəli dostum, yatanda eynəyi çıxardıram, çünki narahat edir, məqsəd rahat olmaqdı.
2 bəli, bu eynəyi çıxardanda heçnə görmürəm, yoxsa bu boyda şeyi niyə gözümə taxım?
3 sualın tərsi - hə eynəyi gözümə taxanda uzaqdakı obyektləri aydın şəkildə seçə bilirəm.
4 neçəyə almısan? - niyə eynək biznesinə girişmək fikrin var?
5 olar bidənə baxım? - yox olmaz, baxma. mən sənə şalvarını çıxart bir geyinim baxım deyirəm?
6 bax gör bu neçədi görürsən? - sənin mən.....
7 moda göstərmək üçün taxırsan ? - normalda qızlardan soruşulur, ancaq məruz qalmışam. verilə biləcək ən gözəl cavab sualı verən şəxsə şiddət tətbiq etməkdir.
8 nömrəsi neçədi?
- (müəyyən bir nömrə)
yox əşi yalan deyirsən o qədər olmaz
- yaxşı sən deyən olsun
9 gözlük taxmaq istəyirəm amma gözlərimdə bir problem yoxdur nə edə bilərəm - dyan mən sənin üçün bir problem yaradım
10 raybandı bu? - dünyada raybandan başqa markalar da var amma hə raybandı
11 dava eliyəndə, qaçanda filan çıxardırsan? - yox çıxartmıram, mənə xüsusi bir güc verir.
12 bunu çıxardanda daha yaxşı eşidirsən?
(baxma: yoh amına)
bu suallardan əlavə olaraq "yaxını görmək üçündü yoxsa uzağı?" və ya " eynək taxanda başın ağrıyır?" kimi suallar nisbətən normal suallardı və içiniz rahat bir şəkildə belə suallar verə bilərsiniz.

12 əjdaha! 06.05.2020 00:53, lənətə gəlmiş zənci

#295109 şikayət

yazarların həyatdan çıxardığı dərslər

+11 əjdaha

Yaxın zamanda acı bir təcrübə ilə çıxardığım dərsdir. insan başına gəlməyənə qədər anlaya bilmir, ayrı vaxt olsa "belə vuraram, belə soxaram, heç kim məni lox yerinə qoya bilməz" deyirsən, amma həmin an gələndə "mən niyə bu mallığı etdim axı? Ağlım harada idi" deyə başına başına döyürsən. Nəysə keçək mətləbə...

Universitetin son ili olmasından qaynaqlanan "yaxşı, bəs, bundan sonra nə edəcəm" depressiyasının başladığı bir dövrdə , həm biraz pul qazanmaq, həm də evdə boş-boş oturmağın yaratdığı sıxıntını boğa bilmək üçün ixtisasımla uzaqdan-yaxından heç bir əlaqəsi olmayan, amma nə də olsa bu da bir təcrübədir, deyərəkdən gecə smenində satıcı kimi işə başladım. (Bu arada hələ də davam edirəm). Dükanda gecələr təkcə mən oluram, bütün malların məsuliyyəti də məndə olduğuna görə maksimum diqqətli olmağa çalışıram (ya da mənə elə gəlirmiş). Həmin hadisənin yaşandığı gün, saat 4 radələrində, smenimi dəyişməyə 3 saat qalmış, boş-boş oturub, bir tərəfdən qaranlığı seyr edib, bir tərəfdən həyatın məni haralara aparacağı barədə düşünürdüm. Elə bu dəqiqə içəri bir nəfər girdi, telefonda qoca bir kişi ilə danışırdı (səsindən elə anlaşılırdı). Telefonda danışa-danışa bir tərəfdən də "onu ver bunu qoy" deyə mal yığdırırdı. Təxmini bir 50 manata yaxın mal yığmışdım. Telefonu bağlayıb başladı söhbət eləməyə. Normalda heç kimə üz vermirəm, söhbəti də qısa tutmağa çalışıram. Amma bu qaqaşı 1-2 dəfə görmüşdüm, atası-ailəsi barədə danışırdı, çox səmimi və xoşsöhbət olduğu üçün mən də söhbəti uzatdım. 10 dəqiqəlik söhbətdən sonra, "bu malları evə daşımağa kömək edə bilərsən? Atam xəstədir, mən də maşına minib getməliyəm, tələsirəm, sənə zəhmət blokun qabağından yuxarı qaldırarsan" dedi. Atası prokurormuş guya, indi ağciyər xərçəngindən əziyyət çəkirmiş, evdən çölə çıxa bilmirmiş. Normalda dükanı qoyub heç yerə çıxmamalıyam, qayda belədi. Amma nə mallıq ettimsə, "10 dəqiqəyə verib qayıdaram, biraz da havam dəyişər" deyib razılaşdım. Cibindən pul çıxardıb, ucunu göstərib, "atamda pul olmayacaq, məndə də xırda yoxdu, 200 manatdı, kassadan götür, blokun qabağında verərəm deyib dükandan çıxdı. Beynimi zikim, pulu götürüb, qapını bağlıyıb çıxdım. Ara yollara girdik, " gələ indi sışdıqki" dedim özü-özümə, amma malların yarısı onda idi. Geri dönə bilməzdim. Blokun qabağına gəldik, zil qaranlıq idi. Pulu çıxardıb verdi, baxmadan cibimə qoydum, baxsam da qaranlıqdan heçnə anlamazdım. 150 manatı sayıb verdim bu kəlpeysərə. Maşına oturdu, "4cü mərtəbəyə qalx, soldakı qapını yüngülcə döy, özü açacaq deyib" aranı cırdı. Qapının qabağına gəlib, döyməyə başladım, nə açan var nə bir şey, qoca adamdır, bəlkə eşitməz deyib, biraz da sərt döydüm qapını. "Hə yaxşı, bu nə hoqqa idi axı?" Deyə fikirləşirdim ki, pul yadıma düşdü. Cibimdən çıxarıb baxdım, qapının üstündəki işıq yanmırdı, başqa qapıya yaxınlaşdım. Pulu görməyimlə, şok keçirməyim bir oldu. Saxta idi, nə nişan, nə bir şey. Bir anlıq özümə gələ bilmədim, "mən kiməm, burda nə işim var? Həyatın mənası nədir? Görəsən tanrı varmı? Atam belə tort bişirməyi haradan öyrənib?". Yıxılmamaq üçün dəmirlərə tutundum. Əlimdə mallar, Özümü gücnən mağazaya çatdırdım. Gündə 3 siqaretdən artığını çəkməyən mə, o gün 1 paçkanı əzdim. Müdürə nə deyəcəkdim, necə başa salacaqdım? Ayrı vaxt intellektualam, əjdahayam, hayvan adamam deyə gəzirəm ortalıqda, götverənin biri 150 manat soxub getdi, heçnə də edə bilmədim. Pul önəmli deyildi, yerinə qoya bilərdim, amma əsas bu qədər asan loxlana bilməyim idi məni yandıran və təbii ki, işdəki reputasiyam. Sonradan öyrəndim ki, o evdə də heç kim yaşamırmış.
insan təcrübələrlə zənginləşir, hər zaman buna inanıram, ən əsası da acı təcrübələr insanı daha da gücləndirir. Bu hadisədən 2 əsas dərs çıxartmışam : kim olursa olsun, heç kəsə kor-koranə inanmamaq, insanları tanıya bilmirik, nə qədər əclaf və şərəfsiz ola biləcəkləri barədə heç bir anlayışımız yoxdur. Bundan sonra kimliyindən asılı olmayaraq, heç kəsə, mənə mənfəət gətirməyəcəyi təqdirdə, yaxşılıq etməyəcəyəm.
Digər tərəfdən, heç zaman "mən oldum, tam hazıram" deməmək lazım imiş, yəni bir növ çox da göylə getməmək. Mənim başıma gəlməz, mənə olmaz deyib, diqqəti, tədbiri əldən verməmək lazımdı. Bu gün pulum bata bilər, eybiyox, ancaq tədbirli olmasam sabah daha ağır bir bədəl ödəməyə məcbur qala bilərəm. Sonra başına döyməklə də heçnə düzələsi deyil, yoxlamışam.

silinmiş entry.

9 əjdaha! 16.01.2021 06:06, lənətə gəlmiş zənci

#317397 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

lənətə gəlmiş zənci

son bəyənilənlər:

oxuyucuların bəyəndikləri: