neue deutsche harte

Hərfi tərcümədə "yeni nəsil alman sərtliyi" (o mənada yox) mənasına gələn nisbətən gotik üsluba sahib yeni nəsil alman metal janrıdır. industrial metaldan Əsas fərqi vokalın alman dilində olmasıdı. Skandinaviya ölkələrində və almaniyada daha məşhurdu. Əsas etibarı ilə electronic musiqi və metal janrlarının bir qarışığıdı. Ən məşhur və mənim də sevdiyim qruplar :
rammstein, megaherz , eisbrecher, unheilig və başqaları.
Mənbə : https://en.m.wikipedia.org/wiki/List_of_Neue_Deutsche_Harte_bands

industrial metal

içərisində Heavy metal və thrash metal növlərindən cizgilər olan bir alt metal janrı. Daha çox içərisində birdən artıq sayda gitar çalınır və sintizatordan istifadə edilir. Gitar tonları ya çox sərt ya da melodik ola bilər. Gitarlar synth ilə dəstəklənir. Səslənən bir çox mahnının eyni melodiyalara sahib olduğu düşünülə bilər.
Almaniyada rammstein, eisbrecher kimi qruplar bu metal janrının yeni bir alt qrupu olan Neue Deutsche Härte adlı formasını əmələ gətiriblər.
Ən çox bilinən industrial metal qruplarından biri də marilyn mansondur. Ümumiyyətlə metal sevməyən birinin yanında bu qrupun adını çəkmirəm. Sonra tərs-tərs baxıb "bu dəliyə qulaq asırsan?" Deyirlər.

(youtube: )

(youtube: )

(youtube: )

yazarları düşündürən suallar

Dini qurumların büdcəsini təşkil etmək üçün sadəcə dinə inanan vətəndaşlara münasibətdə "din vergisi" adı altında yeni vergi haqqında qərar verilsəydi, "mən dinə elə inanıram, belə inanıram" deyən və dinin şərtlərinin demək olar ki, heç birini yerinə yetirməyən insanların neçə faizi hələ də yalandan inanıram deyərdi. Belə baxanda əslində dini qurumların büdcəsi sənin, mənim vergilərimizdən toplanan dövlət büdcəsi əsasında təşkil olunur. Yəni heç bir dinə inanmasam belə dolayı yolla da olsa həmin büdcənin yaranmasında mən də iştirak etmiş oluram. Amma Məsələn katolik kilsəsinə dövlət büdcəsindən pul ayrılmır, inanclı şəxslərin etdiyi pul yardımları ilə (arada çak çuk işlər də olur) katolik kilsəsinin və dini qurumların büdcəsi dolur. Bizdə də hər il dövlət büdcəsi haqqında qanuna baxırsan neçə milyonlarla manat dini qurumlar üçün pul ayrılıb. Bu pullar hara gedir? Nə ehtiyac var bu qədər pul ayırmağa? Bəlkə allaha göndərirlər həmin ayrılan pulu? Guya dini qurumlarla iş üzrə dövlət komitəsi nə işə baxır ki? Bu və bunun kimi qurumların ümumiyyətlə ölkə üçün hər hansı bir faydası olduğunu düşünmürəm.

linç mədəniyyəti

(baxma: hakan günday - daha)
-sitat-

Linç, sadece birden fazla insanın yan yana gelip yumruklarını sıkması değildi. Toplumsal bir gerçekti! Sosyal antropolojide yeri olan bir hareket biçimiydi! Hatta bir biçimlendiriciydi! Toplum ve birey, çoğunluk ve azınlık ilişkilerinin düzenleyicilerinden biriydi. Kolektif bir haktı! Rousseau'nun doğrudan demokrasi dediği şeydi! Her şeydi! Sayesinde bütün bunlara bir ad verebilmemizi sağlamış olan Charles Lynch denilen o Amerikalı, bir dahiydi! Bugün belki bir barbar olarak tanınıyordu ama, Amerika Birleşik Devletleri dünyayı onun kanunuyla yönetiyordu: Lynch Kanunuyla!

- sitat-

sözlük yazarlarının qorxuları

Törətmədiyim ağır bir cinayətə görə həbs olunmaq və ya yersiz bir səbəbə görə siyasi məhbus adını almaq. Nəzərə alsaq ki, bu hallar ölkəmizdə tez-tez yaşanır. Fikirləşin, Hər hansı bir mənasız səbəbə görə və ya cinayət istintaqını aparan şəxsin səhvi ucbatından ömrünüzü 4 divar arasında keçirməyə məcbur olursuz. Həqiqətən də qorxuducu haldı. Birdə ki, belə məsələlərlə uzaqdan-yaxından heç bir əlaqəm yoxdu, yəni "vor aləminin qızıl qaydaları" və ya "həbsxana raconu" barədə demək olar ki, heçnə bilmirəm. Gedib oralara düşsəm böyük ehtimal kiminsə çumosu olub qalacam.

tarixin ən böyük umbaylamaları

1840-cı ildə amerika birləşmiş ştatlarına yeni prezident seçilən köhnə hərbçi william henry harrison vaşinqtonda açıq havada keçirilən yığıncaqda, hava soyuq olmasına baxmayaraq qalın paltosunu geyinmədən çıxış edir və uzun-uzadı bir nitq söyləyir. Həmin hadisədən qısa müddət sonra sətəlcəm (ağciyər iltihabı, pnevmaniya) olan yeni prezident cəmi 1 ay vəzifə başında qaldıqdan sonra ölür.
mənbə - https://en.m.wikipedia.org/wiki/William_Henry_Harrison_1840_presidential_campaign
(baxma: tərli-tərli su içmə, bala, sətəlcəm olarsan)

qızların alicənab yerinə avara adam seçməsi

Ümumi qəbul olunmuş belə bir anlayış var ki "qızlar avara oğlanla gəzər, alicənab oğlanla evlənər" . Nə qədər doğru və ya nə qədər yanlış olduğu barədə danışmıram, amma onu da deyim ki, oğlanlar üçün də vəziyyət eynidi.
16-20 yaş aralıqlarında olan qızın fikri onsuzda gəzmək, əylənmək, "cavanlığını yaşamaqdı". Bu yaşlarda hələ də sevgilisi ilə karavan kirayələyib avropa səyahətinə çıxmaq fikrindədi (çıxacaqsan heç narahat olma). Və buna görə də ətraflarında "güc timsalı" kimi gördükləri oğlanlarla gəzirlər. Bu yaşda olan bir qız üçün bütün günü orda burda mənasını bilmədiyi halda "aye jizn voram, simu sirdeçni salam" sədaları altında, ağ güllü ya da damalı köynək geyinib avaralanan birinin nə üçün alicənab tipli birinə görə daha üstün göründüyünü izah etmək belə mənasız gəlir. Çünki bu qaqaşlar öz çevrələrində hörmət, izzət sahibidi.
Yaş artdıqca, həyata baxışı dəyişdikcə isə qız artıq universitet məzunu, işi-gücü ağlı yerində, özü-özünü saxlaya bilən bir partnyor axtarmağa başlayır. Yəni dostlar qızlar sadəcə avara oğlanı seçir demək, bir növ ərgən düşüncəsi kimi gəlir mənə.
Təkamül deyə bir gerçəyin olduğunu da unutmayaq. Qızlar yalnız və yalnız gücü sevərlər. Zəka, pul, vəzifə, başqa insanlar tətəfindən duyulan hörmət - bunlar hamısı da bir növ gücün simvoludu. Gücün simvolu olan fəzilətlər dəyişdikcə, yönəlim də buna müvafiq həmin istiqamətdə dəyişir.
Özünü ifadə etməyi, normal ünsiyyət qurmağı bacaran, dünyagörüşü yüksək, intellektual - qısacası güc sahibi alicənab birinə münasibətdə avara qaqaşın partnyor seçimində üstün rola malik olacağını düşünmürəm. Əgər buna baxmayaraq qız seçim şansını yenə də həmin avara oğlandan yana işlədirsə, onda bu həmin qızın özünün də səviyyəsindən xəbər verir.

amerikan jarqonu

Bir növ küçə sözləri və ya "urban language"
(Hardan gəldi yazıram)
beer me - pivələ məni
duck face - əsas da ağzını dodağını büzüb şəkil çəkdirən qızlara ithaf edilən söz
dude - brat ya da qaqa, əsas da yaxın adamlara deyilir.
hot mess - əsas etibarilə gözəl və ya yaraşıqlı olan amma bunu göstərə bilməyən tiplərə deyilir. Amerikada filan çox var elələrindən.
lol - açması "laugh out loud" bizdə - səsli güldüm.
man cave - bir erkəyin evi onun mağarası kimidir.
milf - özüz bilirsiz.
cougar - puma deməkdi. Amma jarqonda yaşını başını almış amma cavan görünən qadın üçün istifadə edilir.
said no one ever - bir növ özündən əvvəlki cümləni səhv çıxardır. Misal üçün - "mən yazı yazmağı sevirəm" sözündən sonra said no one ever desəm belə bir sözü heç kim heç vaxt demiyib demiş oluram, yəni "zəhləm gedir" bir növ. Bilmirəm başa sala bildim ya yox.
salmon - qızılbalıq. Özündən çox kiçik yaşda olan qadınlarla gəzən kişilərə verilən addı. (baxma: salman kişi)
fanboy(girl) - məhşur bir şeyi və ya birini öz malı imiş kimi qoruyan müdafiə edən kimsə
askhole - mal-mal və ya şit suallar verən birini adlandırmaq üçün istifadə edilir.
virgin ears - saf , "mamauşağı", anasının quzusu.
(bax: urban dictionary)

uşağını başqa uşaqlarla müqayisə edən valideyn

Hər kəsin ən azı 1 dəfə də olsa başına gəlmiş olacağını təxmin edirəm. Amma mütəmadi olaraq başqaları ilə müqayisə edilmək sonda 2 nəticəyə gətirib çıxarar, ya uşaq "ən mükəmməli mən olmalıyam" deyib öz həyatını başqalarından üstün olmağa sərf edər, bacarmayanda isə paxıllıq, depressiya... ya da uşaq özündə həmişə bir əksikliyin olduğuna inanar və bununla böyüyər, bir növ looser olar. 1 ci növ dediyim insanlar böyüdükdən sonra da öz həyatlarını başqaları ilə müqayisə etməkdən əl çəkməz, hər zaman daha yaxşısını istəyər, başqalarının həyatına qiptə edər, paxıllanar. Daha yaxşısını istəyib onu əldə etmək üçün çalışmaq gözəldi, əgər duracağın yeri bilirsənsə. Başqalarını öz səviyyənə çəkməyib, özün onların səviyyəsinə qalxmaq üçün əziyyət çəkirsənsə. Nədənsə məktəbdə oxuduğum illərdə müəllimlərin bu sözü nə üçün işlətdiyini heç vaxt anlamamışam : "qiymət üstündə paxıllıq etmək, bir növ müsbət rəqabət aparmaq yaxşıdı" . Nədənsə hamının dərdi bir başqası ilə yarışa girməkdi. Xusüsən də kiçik yaşda uşaqlar bir-biri ilə yardımlaşmaq əvəzinə rəqabətə girirlər. Mənə görə bu cür rəqabət də elə sonda paxılllığı doğurur. Ona görə də nəsə kiçik bir nailiyyət qazanan kimi başqasının gözünə soxuruq, amma sabah o nailiyyəti qazanan başqası olanda həmin insanın adına sevinmək əvəzinə paxıllıq edirik. Ətrafımda özünə güvənməyən, çəkingən, looser bir tip və ya mənəm-mənəm deyib alçaq dağları bu yaradıbmış kimi gəzən birini görəndə aha -deyirəm - bu da hansısa bacarıqsız valideynlərin ərsəyə gətirdiyi bir kimsədi. Çünki bizim ölkədə valideynlik bir vəzifə kimi yox, bir hüquq kimi görünür. Heç kim "mən ana ya da ata ola bilərəmmi?" Deyə soruşmur. Valideyn öz üzərində olan məsuliyyəti başa düşmür. Həmişə demişəm məncə uşağın valideynə yox valideynin uşağa borcu var. Heç kəsi dünyaya gətirəndə özündən soruşmurlar çünki. bizim mentalitetə görə uşaq 18 yaşında evləndirilir, evlənəndən 1 il sonra da mütləq uşağı olmalıdı, yoxsa camaat nə deyər? Sizin valideyn olmağa Hazır olub olmamağınız heç kimin vecinə də deyil.
Sonda xüsusən də yaşca gənc olanlara tövsiyyə edərdim ki, valideynlərin bu cür müqayisələrini heç vecinizə də almayın. Çünki öz təcrübəmdən deyirəm, ağzınızla quş da tutsanız "camaatın oğlu(qızı) qartal tutur" deyəcəklər

yazarların istifadə etdikləri azərbaycan dilli veb saytlar

(bax: e-qanun.az )
nəki qanun, qərar, fərman, sərəncam zırt pırt hamısının toplandığı yer
(baxma: hüquqşünasın əli-ayağı)
(bax: Anl.az) və ya (baxma: ek.anl.az)
elektron kitabxana portalı

johann wolfgang von goethe

indi başlayacaqlar ki, bu söhbəti necə rammstein'a bağladın. Qrupun dalai lama mahnısı goethenin erlkönig şeirindən ilham alınaraq yazılıb. Demək olar ki, hekayəsi eynidir. Şeirin məzmunu belədir :
--spoiler--

Gecə vaxtı ata oğlu ilə atın üstündə qaranlıq meşənin içərisinə doğru gedir. Oğlunu qucağına möhkəmcə sıxıb. Elə bu zaman erl kralı yəni erlkönig onların arxasından peyda olaraq oğlanın qulağına özü ilə gəlməsi üçün fısıldayır. Əgər oğlan öz xoşu ilə gəlməzsə kral güc tətbiq edəcəkdir. Atası bundan qorxaraq atını daha sürətli sürür və bir daxmaya çatır. Amma hər şey üçün artıq gecdir, çünki oğlan atasının qolları arasında çoxdan keçinmişdir.

--spoiler--
Burada erlkönig ölümü təmsil edir. Ata atını nə qədər də sürətli çaparsa çapsın oğlunu ölümün əlindən xilas edə bilmir. Mahnıda da demək olar ki, eyni mövzudu sadəcə biraz dəyişdirilmiş formada, yəni hadisələr təyyarənin içərisində cərəyan edir. Bəs mahnının adı niyə dalai lamadır? Elə də bir hekayəsi yoxdu, sadəcə dalai lama təyyarəyə minməkdən qorxduğu üçün bu ad verilib mahnıya, qəribə mizah anlayışları var.

(youtube: )