kevin macleod

Youtube videolarının, podcast'lərin intro, outro və ya background'da istifadə olunan musiqilərinin bəlkə də, 90 faizini yaradan şəxsdir. Hər youtube istifadəçisi onun bəstələdiyi mahnılardan heç olmasa birini belə olsa, mütləq dinləmişdir. Mən kompyuterdə hər hansı bir iş görərkən arxa fonda mütləq horror/thriller story tərzi podcast dinləyirəm, istifadə olunan musiqilər diqqətimi cəlb etdiyi üçün mentioned hissəsindən baxıb bu şəxsin adını görəndə, onu biraz araşdırmaq qərarına gəldim, bəlkə də milyonlarla soundtrack deyə biləcəyimiz əsərin yaradıcısı olub da, bu qədər arxa planda qalması isə məni çox təəccübləndirdi.

Ən gözəl tərəfi isə, musiqinin mənbəyi göstərildiyi təqdirdə, hər kəs bu soundtracklərdən pulsuz istifadə edə bilər.

(youtube: )

(youtube: )

(youtube: )

sünbülzadə vəhbi

Osmanlı dövründə yaşamış (1718-1809), ı əbdülhəmid və ııı səlimin vaxtında, onlar üçün yazdığı mədhiyyələrlə məhşurlaşmış saray şairidir. Həmçinin osmanlı dövlətində müxtəlif inzibati vəzifələr tutmuşdur.

Amma onu əsas məhşurlaşdıran, rəvayətə görə, ııı səlimlə arasında olan bir dialoqdan sonra yazdığı "mükafat" şeiridir. Sultan şairə elə bir şeir yazmasını tapşırır ki, şeirin birinci misrasında onu öldürtmək, ikinci misrasında isə əksinə mükafatlandırmaq istəsin. Əgər bacararsa, mükafat alacaq, yox yarıtmazsa, onda kəlləsi alınacaqdır. Tapşırığı alandan sonra, rəvayətə görə, sultana bu məzmunda bir şeir yazmışdır. Şeiri orijinal dilində, osmanlı türkcəsi ilə paylaşıram :

azm-i hamam edelim sürtüştürem ben sana
kise ile sabunu, rahat etsin cism-ü can.

lal-ü şarap içirem ve ıslatıp geçirem
parmağına yüzüğü, hatem-i zer drahşan.

eyil eyil sokayım iki tutam azmıdır?
lale ile sümbülü kakülüne nevcivan.

diz çökerek önüne ılık ılık akıtam,
bir gümüş ibrik ile destine ab-i revan.

salınarak giderken arkandan ben sokayım,
ard eteğin beline, olmasın çamur aman.

kulaklarından tutam, dibine kadar sokam,
sahtiyenden çizmeyi, olasın yola revan.

öyle bir sokayım ki kalmasın dışarda hiç
düşmanın bağrına hançerimi nagıhan.

herkese vermektesin bir de bana versene,
avuç avuç altını, olsun kulun şaduman.

eğer arzu edersen ben ağzına vereyim,
yeter ki sen kulundan lokum iste her zaman.

sen her zaman gelesin, ben vehbi'ye veresin,
esselamun aleyküm ve aleykümesselam.

regular show vs adventure time

Hər ikisi də, bir vaxtlar həvəslə izlədiyim, guilty pleasure'ım deyə biləcəyim çizgi filmlərdir. Əgər ilk sezonları nəzərə alıb cavab verməli olsaydım, heç düşünmədən regular show deyərdim. Zənnimcə, vaxt keçdikcə hər iki çizgi film də öz dünyasını daha da ciddiyə almağa və o absurdluqdan çıxmağa çalışdı. Məncə, bu regular showda alınmadı, yəni ilk sezonlarla, son sezonları qarşılaşdıranda fərq bariz görünür. Çizgi filmin keyfiyyətindəki düşüş aşkardır. Digər tərəfdən adventure time bu formulu hekayəyə çox gözəl yedirə bildi. Paralel dünyalar, kosmik səyahətlər, time travelling, tanrı bənzəri varlıqların işlənməsi, hekayədəki rolları (lich və cosmic owl kimi nə qədər möhtəşəm obraz var a kişi) və s. Çox dərin mövzulara girdilər. Öz yaratdıqları dünyanın absurdluğunu belə, ciddi bir hekayəyə oturtdular. Əvvəlki sezonlarda sadəcə gülüş obyekti olması üçün var olduğunu düşündüyümüz obrazların (misal üçün ice king) demək olar ki, hər biri üçün, film olsa 2 saat oturub izləyəcəyim backstorylər yazdılar. Finn və jackin keçmişlərini araşdırmaq üçün çıxdığı səyahət, həyatlarını kökündən dəyişəcək olan sonrakı hadisələr, obrazların dəyişimi və epic sezon finalları - bir sözlə adventure time uçdu getdi, regular showa fərq atdı.
Elə bütün bunları nəzərə alaraq da, adventure time bu aşıq atışmasının qalibi olmalıdır.

ən cəlbedici film personajları

(bax: charlie cox)

yevgenika

Bir neçə müddətdir ki, böyrək daşı səbəbi ilə sarsıntılı günlər keçirdiyim bir dövrü geridə qoymuşam. Böyrək daşı deyilən illət elə bir şeydir ki, əgər sənin nəslində bu zibil varsa, gec-tez səndə də peyda olacaq (başqa faktorlar da var əlbəttə, amma genetika da mühüm rol oynayır). Yenə dəhşətli ağrılardan əlimə silah versələr, 1 saniyə belə düşünmədən lazım olan aktı yerinə yetirəcəyim günlərdən birində, "kaş babamın babasına vaxtilə yevgenika tətbiq etsəydilər də, bu günləri görməsəydim" deyə keçirdim içimdən. Üzərində biraz düşünəndə, həqiqətən də boş bir teoriya olmadığı qənaətinə gəlirəm. Amma burada bəhs etdiyim, "bütöv bir irqi götürək və ağına-bozuna baxmadan hamısını sonsuz edək" kimi deyil, (təəssüf ki, insan hüquqları kimi gic-gic konsepsiyalar burda da qarşımızı kəsir) bəhs etdiyim daha çox self-yevgenikadır (Belə bir anlayış varmı bilmirəm). Yəni hər insan özündə, yaşamağa və nəslini artırmağa layiqdirmi? Əsas da son dövrlərdə nə qədər axmaq, fiziki və ya psixi qüsurlu insanlara, hətta sözün əsl mənasında manyaklara rast gəlirik. Təkcə genetika yox, eləcə də yetişdirmə tərzindən asılı olaraq bu problemlər ortaya çıxır. Ata-analıq serfitikatla verilmir ki, bas getsin. Məhz elə problem də burada meydana gəlir. Minlərlə, hətta milyonlarla xəstə, mental və fiziki problemli uşaqlar doğulur, "allahın hədiyyəsi" adı ilə hər birini yaşatmağa çalışırlar. Bəs o insan həqiqətən də bu formada yaşamaq istəyir mi? Mövcud dövrün gətirdiyi şərait, eləcə də tibbin inkişafı bu cür insanların hər birinə yaşamaq, çoxalmaq, nəslini artırmaq imkanı verir. Məncə insan belə yerdə özünə sual verməlidir, mən həqiqətən də öz genimi gələcək nəsillərə ötürmək istəyirəm mi? Artıq təbiət bizə qarışa bilmir, seleksiyanın içindən keçmişik, əvvəl doğulan 10 uşaqdan 8-i ölürdüsə, indi hamısı yaşaya bilir. Nəticədə də, bu insanların əksəriyyəti genetik zibilliyə çevrilir. Kiçik bir daş insanı irqçi əclafın birinə çevirə bilirmiş, yəqin ki, mənə baxıb, " yenə nə gic-gic danışır" deyənlər olacaqdır, tək təsəllim odur ki, vaxtilə rəhmətlik kopernik də günəş sisteminin holisentrik modeli ilə bağlı fikrini irəli sürəndə, bir qrup cahil çıxıb, "bəsdi gij-gij danışdın, sikdir get burdan" deyiblər. Mütləq deyiblər...

something in the way

Nirvananın underrated qalmış mahnısıdır. eyni zamanda cover'ının 2022-ci ilin 4 martında yayımlanacaq the batman filminin əsas soundtrack'ı olması ilə, filmə olan marağımı 1'ə 5 artdırmışdır. Tək sözlə, atmosferə uyğun, mükəmməl seçim ediblər.

(youtube: )

en passant

Şahmat terminidir. Fransız sözü olub, "Keçərkən almaq" anlamına gəlir.
Əgər Piyada ilk açılışında, iki addım irəli hərəkət edərsə, yanbayan duran rəqib piyada, onu düz formada vurub, çarpaz keçə bilər. Burada əsas məsələ, normalda bir addım hərəkət etməli olan piyadanın iki addım irəli getməklə, qaçmasının qarşısını almaqdır.
Daha dəqiq anlaşılması üçün

(youtube: )

ən yaxşı film soundtrackları

Əlbəttə full metal jacketin outrosunda çalan paint it black

(youtube: )

batman the long halloween

Dc-nin eyniadlı komiksindən, animasiyalaşdırılan (iki hissəli) daha bir əsərdir. Original komiksdəki hadisələrin bir qismi dəyişdirilsə də, gözə batmır, onsuz da hekayəni oxuyub bilənlər, sadəcə onun animasiyaya necə çevrildiyini görmək üçün izləyirlər. Düzdür, hekayə tam formada iki saata sığdırıla bilməzdi, amma nəticədə alınan əsər, dc-nin film işində batırsa da, animasiyada nə qədər bacarıqlı olduğunu bir daha sübut edir. Ona görə də, ssenariyə artıq heç bir sözüm yoxdur. Sadəcə olaraq, onu deyim ki, komiski oxumayanlar, birbaşa animasiyaya keçə bilər, arada heç nə itmir. Halloween obrazının kim olmasından daha çox, nə üçün belə bir obrazın formalaşdırılması və nəyə görə sırf mafianı hədəf alması qısaca əsas motivasiyası, son monoloqa qədər maraqlı olmuşdu, elə animasiya da bu sirli atmosferi axıra qədər saxlaya bilir.
Nə deyim, əl birliyi ilə harvy dent kimi, canlara dəyən oğlanın quyusunu qazdız, yeriniz cəhənnəmlikdi.

Səsləndirmələr, toxunmaq istədiyim bir digər məsələdi, batman (jensen ackles) xaric digərləri çox yaxşı səsləndirilmişdi, əsas da two face və joker. Troy bakerın işi, Mark hamilldan sonra ən gözəl joker səsləndirməsi idi. Voice actorlar haqqında araşdırma apararkən, catwomanı səsləndirən naya riveranın 2020-ci ildə, 33 yaşında öldüyünü öyrənmək qəribə hiss etdirdi.

Qaynaq aldığı materialın keyfiyyəti, elə özünü animasiyada da büruzə verir. Maraqlı dialoqları və süjeti ilə the dark knight returnsdən sonra izlədiyim ən gözəl batman animasiyası olmağa namizəddi. Hər zaman ayrıca olaraq, diqqət etməyə və bəhs etməyə çalışdığım musiqilər isə, bu səfər elə də diqqətimi cəlb etmədi, heç var idimi, onu belə anlamadım.

the long halloween is done

saturn devouring his son

ispan rəssam francisco goyanın çəkdiyi rəsm əsəridir. (Original adı : saturno devorando a su hijo)

Əfsanəyə görə saturn (yunan mifologiyasında kronus) öz atasını devirib, dünyanın idarəsini ələ keçirəndə, öz oğullarından birinin də eyni taleyi ona yaşadacağını öyrənir. Nəticədə doğulan bütün uşaqlarını udurmuş, ancaq anası kiçik oğlu yupiteri gizlədə bilir. saturnun qorxduğu başına gəlir, yupiter (zevs)
Öz atasını devirib taxtın sahibi olur.
Goyanın əsəri yaradarkən peter paul rubensin eyniadlı rəsmindən ilhamlanması düşünülür :
Rubens

Goya



Ancaq iki rəsmə də baxanda bariz fərqlərin olduğu görünür. Rubens də, hər nə qədər, dəhşətli bir səhnəni təsvir etsə də, ən azından öz dövrünün saray incəsət nümunələrinə bənzəyən tərzdə bir iş ortaya çıxarıb. Amma goyanın rəsmi elə deyil, ən kiçik bir incəlikdən məhrumdur. Rəsmə baxarkən, hiss etdiyim tək şey "narahatlıq" ola bilər. Bəzən hər nə qədər əksi iddia edilsə də, açıq-aşkar goyanın daha vəhşi, insanlıqdan uzaq, öz gücünün gətirdiyi təkəbbürə təslim olmuş bir tanrı obrazı yarada bildiyi aşkardı. Hətta buna tanrı demək nə qədər düzgündü? Təsvir tanrıdan daha çox bir bədheybəti və ya divi xatırladır. Yazının başında, Saturn öz oğullarını udurmuş deyirdim, ancaq əsərdə bunun fərqli bir tərzdə əks etdirildiyi görünür, rəsmdə, saturn öz oğlunu çeynəyərək, əzab verə-verə öldürür.
Rəsmin yaradılmasının arxa planını öyrənəndə, verdiyi narahatlıq bir anda ikiyə qatlanır.

Goya onu kar edən xəstəliyindən sonra quinta del sordo'ya (və ya villa of the deaf man) köçür və orada yaşadığı dövrdə, həmin evin divarlarına, yağlı boya ilə, black paintings adını alan, 14 fərqli rəsm əsəri çəkir. Saturnun öz oğlunu yediyi rəsm isə, evin mətbəxinin divarına çəkilmişdir. Hər yemək yeyəndə, oturub bu rəsmə baxmaq, çox da gözəl bir təcrübə deyil məncə (bəlkə də yeməyini gətirib salonda yeyirmiş, idk). Goya, bu rəsmlərində, öz həyatı, gördüyü yuxular, halusinasiyaları təsvir edib, buradan da, onun öz ağlını yavaş-yavaş itirməyə başladığı bəlli olur. Bir zamanlar xidmət etdiyi, iç-içə olduğu insanlardan, saray mühitindən tamamilə uzaqlaşır, yalnızlaşır.

Rəsmin originalı divar üzərində çəkilsə, də sonradan kağıza köçürülüb, hal hazırda madriddə, prado muzeyində sərgilənir.

susumu hirasawa

Paprika və berserk kimi əfsanələrin musiqilərini bəstələmiş, əjdaha bəstəkar.
Təkbaşına, texnologiyanın da köməyilə, bütöv bir orkestrın çala biləcəyi musiqiləri canlı ifa edir. Onun tərzini nə tekno, nə də elektro-rok adlandırmaq olur, hətta özü də bunu etiraf edir ki, onun sənətini qərbin musiqi anlayışı ilə tanımlamaq çətindir.

Nəticədə ortaya həm adı, həm də hiss etdirdiyi duyğuların tanımı qoyula bilməyəcək əsərlər çıxır.

(youtube: )

(youtube: )

(youtube: )

hüquqi ingiliscə

Öldürməyib süründürən şeylərdən biridir. Əsasən də özəl sektorda, müxtəlif sahələr üzrə xidmət göstərən şirkətlərdə (alqı-satqı, kredit, faktorinq, siğorta, daşıma və s.) çalışan şəxslərin əksəriyyətinin yolu müqavilələrlə kəsişdiyi üçün, bu zibillə tanışdırlar. Hüquqi terminlərin anlamını öyrənib, üstünə birdə əlavə olaraq ingilis dilində öyrənmək, haradasa yeni bir dil öyrənməyə bərabərdir. Üstəlik müqavilələrin tərcüməsi ekstra dəqiq olmalıdır, diqqətli olmasanız respondent'i "cavab verən" şəklində tərcümə edə bilərsiniz.
ilk iş müsahibələrimin birində, genələ-genələ ingilis dilini yaxşı səviyyədə bildiyimi demişdim. Belə zor Bilirsənsə, gələ tərcümə elə deyə (şaak), qabağıma daşıma müqaviləsinin bir nümunəsini qoymuşdular. hıqqına-hıqqına elədiyim "tərcümədən" sonra nəticə : "biz sizi ararız".
Xarici Müqavilə terminlərinin əsası ingilis (parties, liability, warranty, royality, will) və latın dilində (vice versa, ab inito, inter alia) olan sözlərin qarışığından ibarətdir. Xüsusilə bu sahədə çalışmağa marağı və istəyi olanların, əvvəlcədən bu terminlər və göz yaşları ilə dolu müqavilə dilini öyrənməsini tövsiyyə edərdim. Bunun üçün əsas, əzbər və çoxlu praktika lazımdır. Maraqlısına, rauf qarayevin ingiliscə-azərbaycanca hüquq lüğətini (rus dili üçün olan da var) tövsiyyə edirəm. Həmçinin, internet üzərindən də, çoxlu sayda material tapıla bilər. Müqavilə nümunələri üzərindən praktika etsəniz, qısa zaman kəsiyində daha effektiv nəticələr ala bilərsiniz. Hələ gavur dövlətlərdə, sırf bunun üçün əlavə kurslar da mövcuddur.
Əlavə : səhf etmirəmsə, bakıda britishacademy'nin də, bənzər bir kursu var.

26 sentyabr 2021 almaniya seçkiləri

Sdp-nin qalibiyyəti ilə nəticələnən seçkilərdir (25.7). Merkelin partiyası isə son zamanlarda topladığı ən aşağı səsi toplayaraq ikinci oldu (24.1). Bu səs faizi sdp'yə nisbətən az görünməyə bilər, ancaq cdu/csu koalisiyası merkel dövründə 30 faizdən aşağı düşməmişdi. Qışa qədər qurulacaq yeni hökümətdə hansı partiyaların koalisiyada olacağı maraqlıdır, spd-yaşıllar-fdp koalisiyası mümkün görünür. Afd-nin sağçı ləlöyünlərini, heç bir partiya koalisiyaya daxil etməyəcəyini açıqlamışdır.
Bəs hansı partiya parlamentdə (bundestag) neçə yerə sahib olub? Əvvəlcə onu deyim ki, parlamentdə ümumi yerlərin sayının 598 (minimum) olmasına baxmayaraq, hər dövrdə sekçi bariyerini aşan partiyalar öz seçicilərini təmsil etmək üçün əlavə yerlərə sahib ola bilirlər. Keçən dəfəki hökümət 709 yerə sahib idi, gələcək hökümət isə 735 yerə sahib olacaq. Let's go :
(əvvəlki hökümət - hazırkı hökümət)
1) sdp : 152 - 206
2) koalisiya(cdu/csu).
cdu : 200 - 151 / csu : 45 - 45
3) yaşıllar (grüne) : 67 - 118
4) fdp : 80 - 92
5) afd : 88 - 83
6) sol partiya (die linke) : 69 - 39
7) qalan yerlər də digər partiyalar üçün.

Digər məsələlər :
30 yaş altı seçici statistikaya əsasən yaşıllara, nisbətən yaşlı seçici isə sdp'yə və koalisiyaya səs verib. Cavanların yaşıllara yönəlməsi başa düşüləndi, çox ütopik və həyata keçirilməsi qeyri-mümkün vədlərlə çıxış etmişdilər, ki mən belə ciddiyə almamışdım.
Sol partiya (die linke) az qala sekçi bariyerini aşa bilməyəcəkdi, amma son nəticələrə görə 39 yerlə bundestagda təmsil oluna biləcəklər.

Belə, olaf scholzun kansler vəzifəsini yerinə yetirəcəyi gələcək hökümətin almaniyanı necə idarə edəcəyi, ümumilikdə avropanının gələcək taleyinin necə olacağı maraqlıdır. merkelsiz bir almaniya görmək həqiqətən də qəribə olacaq.

zion clark

iki ayağı da olmadan doğulan, buna rəğmən, 2 yaşından etibarən güləş idmanı ilə məşğul olan (sonralar professional şəkildə), həmçinin guinnes rekordlar kitabına daxil olmağı bacaran (the fastest man on two hands), bir də üstünə, tuscarawas county university'də təhsil almış übermensch.
Maraqlısına netflixdə, öz adı ilə adlandırılmış, qısa bir documentary də mövcuddur.

(youtube: )