the devil all the time

Netflix filmi olduğunu bildiyim üçün o qədər də həvəslə yanaşmamışdım, amma filmdə rol alan aktyorlara baxanda bir şans vermək qərarına gəldim. Axır ki, netflix götlü-başlı bir film ortaya çıxarda bilib. Film tarantinodan bildiyimiz bir neçə ayrı hekayəni sonda birləşdirmək kimi bir yol izləyib. Hekayələrin bəziləri bir-biri ilə əlaqəli, bir qismi isə tamamilə əlaqəsizdir. Amma film sonda zorlama da olsa bir əlaqə qura bilir. (Spoilersiz danışmaq çox çətindi lol).
Elə ilk səhnələrdən brutal bir film izləyəcəyimizi öyrənmiş oluruq. Filmin sevmədiyim tərəfi bir neçə mövzunu eyni anda işləməyə çalışmalarıdır. irqçilik, dinin insan üstündəki təsiri, rüşvətxorluq, vəzifə hirsi, intiqam falan filan. Hər hekayənin özündə bir mövzusu və süjet xətti var, amma ortaq bir mövzudan danışmaq çətin gəlir. Mənə görə film, bu nöqtədə biraz havada qalırmış kimi hiss etdirir. Hə bir də, bir cənub aksenti var ki, müəyyən zaman sonra artıq sıxıcı olmağa başlıyır. Sözdə cənub aksentidi amma hərə bir cür danışır.
bill skardsgard və robert pattison mənə görə filmdə rolunu ən gözəl oynayan aktyorlardır. Əsas da robert pattison şərəfsiz roluna çox gözəl oturub. Adamın tipi insana güvən vermir.
(baxma: delllluuusionsss)

müharibə vaxtı humanizm istəmək

Sadəcə mənasızdır. Hələ də deyirlər diplomatik yolla məsələni həll edək, hansı ki artıq 30 ildir ki, hər yola əl atıblar. Soruşsan hər kəs qarabağı geri istəyir, amma görmürsüz ki, artıq diplomatiya işləmir, beynəlxalq hüquq güclünün hüququdu.

Təsəvvür edin yolda gedirsiz, kimsə əl atıb cibinizdən pulu oğurluyur, qayıdıb nə qədər geri qaytar desəniz də sırtıqlığına vurub vermir hələ başlıyıb özünü acındırır. Qarşında 2 seçimin var: ya pulunu alsın deyə yoldan keçənlərə yalvaracaqsan, ya da qapazı başından vurub özün öz hesabına alacaqsan.

Hələ də qarabağın danışıqlarla alına biləcəyinə inanan romantiklər var. Qarabağı keçdim, hələ son zamanlarda az qala naxçıvana da iddia irəli sürürlər. Gör bunlar nə qədər qudurublar. indi oturaq bir 30 il də gözləyək ki, nə vaxtsa bunların məramı yaranacaq.

O həsəd apardığınız avropa, yaponiya, amerika hətta türkiyə neçə insanın cansız bədəni üzərinə qurulmuş dövlətlərdi. O insanlar vaxtilə özlərini fəda etməsəydi indi bu dövlətlər yox idi. Çernobildə minlərlə insan radiasiyanın qarşısını almaq üçün özünü fəda etməsəydi indi ukrayna yox idi.
Yəni demək istədiyim odur ki, bəzən edilməli olan edilməlidi və bu yolda təbii ki, fədakarlıq da etmək lazımdı.
Və hə, humanist deyiləm, daha doğrusu gərəksiz humanistlik etmirəm.

Əlavə : bir məsələni aydınlaşdırmaq istəyirəm, fədakarlıq deyəndə sadəcə ölümü nəzərdə tutmuram. Dövlət üçün pulunu da, vaxtını da, qüvvəni də fəda edə bilərsən.

oğlanlardan oğlanlara tövsiyələr

Hesab edirəm ki, başlıqda yazılan tövsiyyələr (əksəriyyəti) normal mədəni insanın etməli olduqlarıdı. Meşədə yaşamırsınızsa, oğlan-qız, kişi-qadın ayırd etmədən hər kəs ən azından baxımlı olmalıdı. Yəni şorbanı qaşıqla içirlər, yeməkdən sonra dişləri fırçalıyırlar, toya adidasdan geyinib getmirlər. məsləhətim bundan ibarətdi.
Sosial normlara gələndə, bunlar onsuzda daşlaşmış fikirlərdi, yaxcı oğlan elə eləməz belə eliyər filan. Bu cür normlara uyğunlaşan hər bir yetkin "oğlan" öz oğlanlığının təsdiqi üçün mədəniyyət və turizm nazirliyinə yazılı surətdə müraciət edə bilər.

bəzi qızların özünüinkişafa ehtiyac hiss etməməsi

Müasir qızların özünü inkişaf etdirməməsinin tək və yeganə səbəbi tənbəllikdir. Yox qızlara imkan tanınmır, yox kişilər qabağımızı kəsir, bunlar sadəcə nağıldı. Hələ dirəşsələr lap özlərini kişilərdən daha da yaxşı inkişaf etdirə bilərlər. 2 seçim var : ya özünü inkişaf etdirib özün həyatda nəsə əldə edəcəksən, ya da həmin vaxtı quru bir gözəlliklə özünü kiməsə sırımaq üçün istifadə edəcəksən. Ümumi mentalitetə görə ikinci fikir hegemonluq təşkil edir, ona görə də qadın jurnalistin biri çıxıb, "qadınını yaxşı saxlamaq kişinin borcudur, kişi qazanıb qadını saxlamalıdır" deyə bilir.
Sonra da bunlara kezban deyəndə xətirlərinə dəyir. Nəysə, mən heçnə demiyim, siz də oturun ağ atlı şəhzadənizi gözləyin.

ruslar

Rusların xristianlığa (pravoslav) keçmələri ilə bağlı maraqlı bir məqam var. Demək, tarixçi nestora görə 10-cu əsrdə kiev-rus dövlətinin başçısı böyük vladimir o zamana qədər mövcud olan paqanizmdən imtina edir və yeni bir dinə keçmək üçün 3 böyük dinin təmsilçilərinə elçi heyətləri göndərir. ilk başlarda Elçi heyətinin və vladimirin islam dininə qarşı bir simpatiyası yaranır, amma daha sonra islam dininin içkiyə və donuz ətinə qarşı olması, 4 qadından artıq evlənməyi qadağan etməsini öyrəndikdən sonra islamı qəbul etməkdən imtina edir, çünki vladimirin onlarla arvadı və 800-ə yaxın cariyəsi var idi və təbii ki, içki içməyi çox sevirdi.
Daha sonra katolik almanlara elçi heyəti göndərən vladimir yalnız 1 qadınla evli qala biləcəyini öyrəndikdən və qatı katolik qaydaları səbəbindən bu məzhəbi də seçmir.
Pravoslav bizans dövlətinə elçi heyəti göndərən vladimir bizans imperatorundan pravoslaslığı seçəcəyi təqdirdə rusların yaşam tərzlərinə qarışılmayacağı sözünü aldıqdan sonra bu məzhəbi seçməyi qərara alır. Daha sonra paytaxtı kiev olan rus dövləti müxtəlif kiçik slav dövlətlərinə parçalansa belə hakim din sabit qalır. O zamandan bəri ruslar xristian dininə ibadət edirlər.
Camaat dinini daşıdığı dəyərlərə filan görə yox, içki içib içə bilməyəcəyinə görə seçir. biz eləsək daşlıyarlar, adamdakı rahatlığa bax.

kaş ki ölməyəydi deyilən məşhurlar

(bax: barış akarsu)

yazarların paralel dünyadaki mövqeləri

Demək paralel dünyaların birində hitler müttəfiqlərə qalib gəlir və azərbaycanın da tərkibində olduğu böyük almaniya nasist imperiyasını yaratmağa nail olur. ( o necə olur mən də bilmirəm). Lenin baba-hitler babaya çevrilir, bütün yer üzündəki yəhudilərin kökü qurudulur və təbii ki bu allahın vecinə belə olmur.
Xristianlıqdan başqa bütün dinlər sıxışdırılır, ibadət qadağan edilir. Alman dili dünya dilinə çevrilir.
Mən isə 4-cü böyük dünya dininin qurucusuna çevrilirəm, bunun üçün allahdan tapşırıq alıram. Soruşula bilər ki, məhz niyə mən? Çünki bu mənim xəyalımdı, istədiyimi yazaram.
Ancaq din 1 günə qurulmur. ilk başda osho bənzəri insanlara ilham verən bir kultun əsasını qoyuram, sonra isə məşəqqətli yollardan keçib kafirlərlə vuruşuram filan. islamdakı 4 qadın limitini 5 ə qaldırıram. Hətta Müqəddəs kitabımız belə olur. Birdənə qalır təzə dinin adını qoymaq, onun üçün də təkliflərə açığam.
Nəysə boş boş danışıram.