leon

hal-hazırda bu başlığa yazıram. çünki diqqət pozuqluğu mənim həyatımın böyük bir hissəsini təşkil edir. hal-hazırda bu başlığa yazıram, çünki imtahan suallarının yarısını belə öyrənməmişkən, suallardan birini oxuyaraq nə yazacağımı, necə yazacağımı, ümumiyyətlə, yaza bilib-bilməyəcəyimi düşünürdüm. daha sonra həyatın ədalətli olmadığı barədə düşünmyə başladım. tapşırılan insanların necə utanmadıqlarını və istədiklərini elədiklərini, elətdirdiklərini. daha sonra həmin uşaqların boş vaxtlarda nə işlə məşğul olduğu barədə düşündüm və öz-özümə dedim ki, mən onların yerində olsaydım, indi nə qədər kitab var hamısını oxuyurdum, onsuzda boşam amk. amma indiki vəziyyətimi xatırlayaraq mövcud vəziyyətdə 2 ay pul yığaraq (yığmağa çalışaraq) 2 kitab aldığımı, "karamazov qardaşları" hələ təzə yarılamışkən, hələ "cinayət və cəza"nın qıraqdan mənə necə məsumca və istəklicə baxdığına fikir verdim və öz-özümə dedim. "bəli, kitablar barədə entry girəcəm. onların bahalılığı barədə." çünki yadıma kitab bahalılığı, ələxsus da "2-ci əl" adlandırılan kitabların bahalılığı gəlmişdi. 2-ci əli 1-ci əldən bahalı olan kitab görmüşdü bu gözlər ünki bu həftə. daha sonra əvvəl düşündüklərim barədə bir daha düşündüm və istəsəm də, əvvəlki nəsillər qədər uzun və gözəl bir entry yaza bilməyəcəyəm dedim. və bu haqda entry girmək həvəsi yarandı. hər dəfə yazmaq istədiyim, ancaq yaza bilmədiyim o uzun, bitmək bilməyən entry-lər. ancaq bu günə qədər heç vaxt uzun, çox uzun bir entry yaza bilməzdim. çünki o entry-ni yazarkən belə bir neçə fikir ağlımdan keçirdi. bax, budur əsl səbəbi uzun entry-lər yaza bilməməyimin. hələ 2-ci cümlədə başqa bir şey fikirləşirəm və puf... uçdu-getdi bayaq ağlımda olan sonsuz dastan. və diqqət pozuqluğunun ən böyük isbatı hələ oxunacaq bir ton material var ikən necə bitirəcəyimi və hətta nə üçün belə yazdığımı bilmədiyim bir entry-ni yazmağa təşəbbüs etməkdir. hə, yadıma düşmüşkən, bir gündə nə qədər sözaltı etiraf barədə düşünər insan. bilmirəm sözlük. o qədər diqqətim pozuqdu ki, bura əsas yazmaq istədiyim şeyləri yenə unutdum və yəqin ki, yenə dərs oxumaq adıyla boş-boş şeylər düşünməyə və vaxtı gəldikdə yerimə uzanaraq "ay blə, sabah nağaracam?! heç nə də oxumadım!!!bir!11!" deyəcəyəm səssiz bir şəkildə. evdəkilər yatıb. necə qışqırım axı amk. mənə uğurlar arzula, sözlük. çox böyük ehtimalla, sıçdım.

bakı dövlət universiteti

+25 əjdaha

bura daxil olarkən nə böyük xəyallarım varıydı. ağlım getmişdi, amerikadakı, ingiltərədəki və ya ən müasir təhsil ocaqlarına. super dərslər, ağıllı müəllim, akademiklər... getdiyim ilk həftədə yaşadığım xəyal qırıqlığını izah edə bilmərəm. sadəcə bir şey ilə ifadə edirdim gördüyüm hər şeyi. köhnə hamam, köhnə tas. uşaqlar eyni, müəllimlər eyni, dərs sistemi oxuduğum məktəbinkindən daha bərbad.

adamın üstündə allah, bəzisində tanrı, bəzisində budda, bəzisində sonsuz kainat var. indi yaxşı keçdiyimiz dərslər olurdu. həmin dərslərdə 10 almadığım gün olmurdu. istədiyim kimi keçirdi. amma elə dərslər var idi ki, qurtarsın bu semestr, nə müəllimin üzünü görüm, nə də dərsinin. bəzi müəllimlər çox hörmətimi saxladı, oxumasam da 7-mi əksik etmədilər. bəziləri isə bütün gecə hazırlaşdığım imtahana sırf ibnəlik olsun deyə, səhvini tutdum deyə 6 yazdı.

xəyallarım varıydı. ətrafımdakı hamı ilə xaricə gedəcəkdim, onlarla bilik mübadiləsi aparacaqdım. ancaq gördüyüm uşaq tipləri: qurtarım, rusetə gedəcəm, dədəmin mağazasında işdiyəcəm, dədəmi şirkətində müdür olacam, mən bura niyə girmişəm.

müəllimlər də qəribədir. elə tiplər var ki, burda nə gəzirlər heç anlamıram. bu günə kimi o qədər müəllim tanıdım, rüşvət istəyəni də gördüm, hörmət görmək istəyəni də. bəzən dərsi elə boş-boş yola verib (vəzifəsinə görə dərsə girməyənlər), imtahan günü keçmədiyimiz sualları qoyurdular qabağımıza ki, tələbə deyilsən? get 2 həftəyə hazırlaş.

nəsə, hər şey yaxşı olacaq deyə-deyə *oxa keçmişik. bundan sonraki tək məqsədim birbaşa xarici universitetlər. inşallah, allah mənim bu istəyimi yerinə yetirər, mən də təcrübələrimi azərbaycandan rədd olub getmək, xaricdə oxumaq, hansısa bir ölkədə yaşamaq kimi başlıqlara yazaram.

son bəyənilənlər:

oxuyucuların bəyəndikləri: