lucifermorningstar

321 0 0 0

10. nəsil partizan

Entry: 321

əməldə sosialist, etiqadda marksist, kəlamda trotskist

blok başlıqlarını gizlət

14 fevral

sözaltı fotoqrafiya

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+39 əjdaha

bu gün doğum günümdür, sözlük. sabah ölkəni bəlkə də bir dəfəlik tərk edəcəyəm. bir söz deməliyəmsə, "rədd olsun istibdad, yaşasın hürriyət!"

30 əjdaha! 18.08.2023 13:28, lucifermorningstar

#377775 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı meme

+26 əjdaha

23 əjdaha! 15.02.2021 22:14, lucifermorningstar

#320040 şikayət

azərbaycanda narkomaniya

+28 əjdaha

narkotik satış və alışının əlçatanlığının çox asan olması ilə birlikdə leqal olmamasının ciddi fəsadlara gətirdiyi və gətirə biləcəyi fenomen, hadisə.

adətən, 1 ildən artıq mütəmadi narkotik qəbul edən şəxs fiziki, psixoloji vəziyyəti ilə əlaqədar olaraq işini itirir. Lakin, hər gün yenidən narkotik vasitə əldə etməsi üçün pul lazım olduğundan, edə biləcəyi tək işi, narkotik satışını etməyə başlayır. ilk zamanlar kuryer kimi, daha sonra xarici ölkələr ilə əlaqələri təmin edən koordinator kimi fəaliyyət göstərməyə başlayır. son zamanlar əsas alış-verişi gedən narkotik vasitə patıdır. çox keyfiyyətsiz quruluşa malik olan patı əvvəllər yalnız iran vasitəsilə azərbaycana gəlirdi. gömrük, nəqliyyat ödənişləri ilə birlikdə nisbətən baha, 100-120 manat arası satılırdı. lakin, son zamanlar gömrük ödənişi ləğv edildiyi, və artıq azərbaycanda da istehsalı başladığı üçün 30-35 manata tapmaq olur. ucuz olduğuna və əlçatan olduğuna görə patı azərbaycan ərazisində çox yayılıb. patının əsas təsirləri isə bədənin quruması, dişlərin, barmaqların, dırnaqların, saçların çürüməsi, həddindən artıq arıqlama, gecə yatanda gələn əsmə, bioloji cinsi təmsil edən orqanın fəaliyyətini itirməsi və s.-dir.

cinayət məcəlləsinə əsasən, külli miqdarda narkotik maddələrin satışı 5 ildən 12 ilə qədər azadlıqdan məhrum edilmə ilə nəticələnir. məhkumun ailəsi, dostları, yaxınları 12 saat ərzində 20.000 manat verərək onu birbaşa evə gətirə bilər. Lakin, 12 saat sonra rəisin xəbəri olduqdan sonra bu keçərli deyil. Rəisin tutulmadan xəbəri olduqdan sonra məhkəmə üzvlərinə, hakimə, vəkilə ümumilikdə 40-50 min manat təqdim etməklə həll oluna bilər. narkotik maddələrin satıcılarının saxlanılması dövlət işçilərinə bu qədər pul təmin etdiyi üçün, narkotik maddələrin satışı ilə ən yaxından azərbaycan polisi maraqlanır. adətən çox yüksək vəzifəsi olmayan polis işçisi müəyyən miqdar pul qarşılığında narkotik vasitələrin satışı ilə məşğul olanların arasına daxil olur. özünün güvənilirliyini qrupa sübut etdirdikdən sonra o da, onlarla rayona gedərək narkotik vasitələri götürür, istifadə edir və s. lakin, polisin özü ilə birlikdə əsas bariqa da, kuryerlərin və koordinatorların polisə təqdim edilməsində iştirak edir. polis həmin kuryer və koordinatorun ailə üzvləri haqqında da məlumat əldə edir, ailəsinin kuryer saxlanılsa o pulu verə biləcəyindən əmin olur. bir müddət sonra, qrupa daxil olan polis işçisi qrupda olan kuryer və koordinatorları iş başında saxlamaq üçün polisə məlumatları təqdim edir. saxlanılanın ailəsindən əldə edə edilən pul isə polis işçiləri, qrupa daxil olan polis, və bariqa arasında bölüşdürülür.

yəni, azərbaycan polisinin əsas işi azərbaycanda narkomaniyanın təsirlərini azaltmaq, son vermək yox artırmaq və daha çox insanın buna mübtəla olmasını təmin etməkdir.

buradan həmin işlər ilə məşğul olan, kuryer və koordinatorların saxlanılmasında iştirak edən kamran adlı polisə demək istəyirəm ki, sən çox şərəfsiz adamsan.

23 əjdaha! 29.06.2021 15:04, lucifermorningstar

#330962 şikayət

həyatın nə qədər cındır olduğunun anlaşıldığı anlar

+30 əjdaha

dayımoğlunun bir neçə aydır flirt etdiyi bir qız var idi. dayımoğlu bir neçə dəfə binalarının qabağına getsə də, anası qızı evdən bayıra tək buraxmadığı üçün heç vaxt görüşə bilməyiblər. ancaq arada whatsapp call-da danışanda görürdülər bir birilərini. demək olar ki, bütün günü danışırdılar; dayımoğlu onun dərslərinə kömək edir, o da dayımoğluna kömək edirdi. 1 ay əvvəl qızın anası telefonu götürüb, dayımoğluyla mesajları görüb və yazıb ki bir də qızıma yazma, unut onu. bir neçə həftə danışa bilməyiblər. bir gün qız gecə twitterda mənə yazdı ki, sizi instagramdan tapa bilmədim, burda hesabınızı tapdım, nolar dayınoğlunu oyat, onunla danışmağım üçün son fürsətdir. mən də zəng etdim bir neçə dəfə, oyanmadı. yenə də danışa bilmədilər. ancaq dayımoğlu hər gecə ona instagramda musiqi atırdı. bir həftə əvvəl qızla aylardır əlaqə saxlaya bilməyən dostu qızın instagramına girib (yaxın dost olduqları üçün parolları vardı). dayımoğluyla mesajlara girib və dayımoğluna yazıb. danışıblar və qərara gəliblər ki dostu qızın məktəbinə getsin, ona mənəvi dəstək olmağa çalışsın. dayımoğlu da deyib ki, "ona deyərsən ki, mən hələ də inanıram". dostu məktəbinə gedib, onunla danışıb. dayımoğlunun adını çəkəndə və deyəndə ki o hələ də inanır, qız divara söykənib ağlanmağa başlayıb. deyib ki, mən onu çox sevirəm.
dostuyla dayımoğlu isə qız haqqında hər gün danışırdılar. dostu dayana bilməyib və qızın bir sirrini açıb: qıza təcavüz ediblər.
qız gecə telefonu götürüb dayımoğluyla danışır. yazdıqlarından nə qədər güclü olduğu, dayımoğluna güc verdiyi anlaşılır. dayımoğlu kimin etdiyini soruşanda isə cavab vermədi.
dayımoğlu bunu biləndən sonra dözə bilmir, tab gətirə bilmir artıq. məktəbdə anidən gözləri dolur, müəllimləri və sinif yoldaşları hər dəfə soruşsalar da heç nə deyə bilmir. evdə anası bu halına dözə bilməyib dünən psixoterapistə göndərib dayım oğlunu. əvvəl danışmaq istəməsə də, bəlkə kömək olar deyə danışıb. hələ də elmi zehnə sahib olmayan, mentalitet limitlərindən kənara çıxa bilməyən psixoterapist isə dayımoğluna ondan uzaq durmasını, onların saxtakar və fırıldaqçı olduğunu deyib. dayımoğlu isə qışqıraraq çıxıb oradan.

25 əjdaha! 02.02.2022 22:21, lucifermorningstar

#344872 şikayət

yagasha

+22 əjdaha

yolunun üstü olmamaqdan əlavə, getməli olduğu yerdən çox uzaq məkana gələrək pulsuz kitab verən yazar. var olasan.

19 əjdaha! 19.04.2021 16:12, lucifermorningstar

#324946 şikayət

sözlük yazarlarının uşaqlıq şəkilləri

+23 əjdaha

tarixin ilk mulleti

silinmiş entry.

22 əjdaha! 16.01.2022 16:37, lucifermorningstar

#343485 şikayət

sözaltı fotoqrafiya

+21 əjdaha

17 əjdaha! 23.10.2021 22:50, lucifermorningstar

#338371 şikayət

metal dinləmənin önəmi

+21 əjdaha

Metal musiqisi daxilində "üsyan," "qarşıdurma," "dayanmamaq" kimi əlamətləri ehtiva etdiyindən, insanı ətalət halından hərəkətəkeçmə halına gətirib çıxarır və bu səbəbdən də xüsusi önəm daşıyır.

Bilmənin səbəb olduğu xoşbəxt olmama insanı "həqiqəti öyrənmək" və "tərəqqi" kimi əməllərdən az da olsa, uzaqlaşdırır. Lakin, metal dinləyərkən gələn "qəflət və cəhalətə qarşı üsyan" hissi insanı öyrənməyə, idrak etməyə tətikləyir. Metal dinləyərkən insan John Stuart Millin ifadəsiylə "Xoşbəxt bir donuz olmaqdansa, xoşbəxt olmayan Sokrat olmağı üstün bilirəm"in keçərliliyini anlayır.

Lakin, hər bir əməldə olduğu kimi, metal dinləmədə də həddi aşma insanı sağlam düşüncə ilə analizdən məhrum edə bilər. Çünki, analiz diqqət və zehni nizam tələb edir. Metal isə özü etibarilə nizamı yox, xaosu təmsil edir.

19 əjdaha! 08.05.2021 14:15, lucifermorningstar

#327100 şikayət

ən bəyənilən ekşi sözlük entryləri

+23 əjdaha

başlıq: yatakta bana kant diye bağır diyen hegelci kız
entry:
dirty talking seven kadınlara bayılırım. hayatı sınırlarında yaşamayı, farklı deneyimleri tatmayı ve yeni ufuklara yelken açmayı düstur edinmişimdir.

odtü sosyoloji bölümünü bu yaz bitirmiş, limon memeli ve tahta popolu da olsa entelektüel birikimyle beni etkilemiş, narin, kemik gözlüklü, kıvırcık saçlı sempatik hatun ile geçen hafta sözlükte tanıştım.

hatun sevimli, seksi değil. ama hegel konuşabiliyoruz, wittgenstein'ın zırvaları hakkında hem fikiriz, engels ile ilgili çatışmalarımız olsa da yapıcı bir bağlamda tutabiliyoruz.

vegan mutfağına hakim olduğumu söyleyip, "sana vegan burger yapmamı ister misin evde, bol nohutlu" diye bir öneride bulundum. dün eve geldik, vegan menümüzü bitirdik, tuvaletlere gittik tabii o kadar lifli gıda boşaltımı hızlandırıyor. kız tam bir hegel hastası, ben de müdahale etmiyorum. henüz genç ve heyecanlı.

bir centilmen olduğum için detayları vermeyeceğim ama gecenin sonunda onu o 45 kg ağırlığı ile kucağımda buldum, öpüşüyoruz. ayıp olmasın diye memelerini de okşuyorum ama sanki harun abinin memeleri gibi. hatta harun abinin daha büyük.

yatağa geçişimizle hatunun gözleri belerdi, göz bebeği küçüldü ve:

"saçlarımdan çek ve "kant" diye bağır bana" dedi. inanılmaz bir kan akışı ve heyecan eşliğinde ona defalarca "sen kantçısın" "sen aslında tam bir kant perversin" "hegel'in diyalektiği tam bir çöp ve bunu sen de biliyorsun seni küçük adi gizli kantçı" diye bağırdım.

çığlıklar, multiple orgazmlar eşliğinde yatağa yığıldık. bir süre tavanı izledik sessizce.

hegel ve kant büyük adamlar.

21 əjdaha! 17.02.2021 23:29, lucifermorningstar

#320165 şikayət

bakı avropa liseyi

+26 əjdaha

orta-yüksək və orta sinif təbəqələri ailələrin uşaqlarının təhsil aldığı lisey.

liseyin görünən uğurlarının səbəbini təkcə ekonomik sərmayədə axtarmaq düzgün olmaz; bakı avropa liseyinin şagirdlərinin anotomiyasını etmək üçün bourdieunun cultural və social sərmayə növlərindən istifadə etmək olar. qısaca, sosial sərmayə fərdin sahib olduğu networklar, tanıdığı insanlardır. hər tanıdığın insan da sosial sərmayəyə aid etmək olmaz. hər hansı bir şeyi elətdirə bilmə, xaişini və ya dediyini yerinə yetirmə potensialı olan insan networku. sosial sərmayədə, nəyi bildiyin deyil, kimi bildiyin önəmlidir. cultural sərmayə isə daha kapsamlıdır: istifadə etdiyin dil üslubu, nəzakət qaydalarından istifadə edib-etməmən, oxuduğun kitab janrları, hobbilərin, tutduğun futbol komandası, izlədiyin film növləri, sevdiyin rejissorlardan tutmuş kültürel həyatda edindiyin zehni və davranış növlərini ələ alır.

direktoru zülfiyyə veysova böyük şarlatanlardandır. çıxışlarında liseyin cəmiyyətdə yeniliklər apardığını deyir. halbuki başdan ayağa yalandır. etdiyi şey sosial sinifin və habitusun * ekonomik sərmayə ilə bərabər cultural, social və simvolik sərmayəni də kapsayan sinif tanımı yenidən istehsalından başqa bir şey deyil. işçi ailəsində doğulan, sovetskinin küçələrində dilənən insanların məktəbə girişi ən başdan tələb olunan imtahan ilə qadağan edilir. məktəbə başlamaq üçün belə ailəndən gələn "düzgün" sərmayənin olması lazımdır. bu ekonomik sərmayə deyil, liseydə təhsil ödənişsizdir. ailənin təhsilə müsbət və iş-mərkəzli baxışı, yeniliklərə açıq olması, dijital vasitələrlə təmin etmə bacarığı tələb olunur. bunlarla təmin oluna bilməsən kəsrlərin artacaq və məktəbdən qovulacaqsan.

ağ şəhərdə yeni binaya köçdükdən sonra bərabərsizliklərin artışına nəqliyyat faktoru da əlavə edildi. ağ şəhərdə mənzil qiymətlərinin baha olması səbəbiylə orada qalanların əksəriyyəti orta-yüksək sinif təbəqələridir. ağ şəhərin şəhərin sıxlıq təşkil edən bölgələrindən uzaq olması gediş-gəlişi çətinləşdirir. maşını olan, hər səhər övladını maşınla məktəbə gətirə bilmə şəraitləri olanlar üçün bu çətinlik nisbətən azalsa da, avtobusla gələnlər üçün aradan qalxmır.

direktor zülfiyyə rəsulova bütün vəchləriylə "modern ilhamçılar" sinifi yaratmağa təşəbbüs göstərir. vətənini sevən, qarabağ azərbaycandır şüarlarıyla gəzən, bayrağını, himnini sevən, azərbaycanlı olmasıyla qürur duyan və həmçinin irəli səviyyədə ingilis dili bilən, informasiya texnologiyaları üzrə yüksək biliyə sahib, intellektual gənclər bu tanımlama altına girə bilər.

vəlhasılkəlam, bakı avropa liseyi sinif sisteminin yenidən istehsalında orta sinif təbəqəsi üçün yaradılmış məktəbdir.

18 əjdaha! 24.04.2022 01:01, lucifermorningstar

#349034 şikayət

sözaltı günlük

+18 əjdaha

1 ay həbsxana, 2 ay da özümü evə təcrid etməmin ardından bu gün nəhayət ki, göy üzü ilə barışdıq. 2 gün əvvəl vizam təsdiqləndi və bu gün artıq polşadayam. 2 ay əvvəl türkiyədəki hava limanında giriş qadağımın olduğunu öyrəndim və 3 gün heçkimlə əlaqə saxlaya bilmədən geri göndərmə mərkəzində qaldım. ona görə də, varşavaya daxil olana qədər hələ də eyni şeyləri yaşaya biləcəyimə dair qırıq hiss var idi içimdə. passport kontroldan tezliklə keçib hava limanından çölə çıxdıqda rahat nəfəs aldım artıq. aylar çəkən əziyyət, sıxıntılar, dilxorçuluq, əzab, təzyiq geridə qaldı. iləridə daha çətin, daha əziyyətli yol var. 1 il sonra bu vaxtlarda ümid edirəm ki, universität bielefeld- soziologie qəbul olduğumu yazaram bu başlıq altında.

16 əjdaha! 04.11.2023 21:15, lucifermorningstar

#380044 şikayət

mərhum sözlük yazarları

+21 əjdaha

(bax: adsız dəyirmandaki xoruz)
sözlər artıq qalar, tanımasam da, bir sözlükdə olmağımız hissinə görə qəribə hiss edirəm. Eləbilirəm, sözlük ruhundan bir parça ayrıldı.

"Ayrılıq saatı gəldi. Hərkəs öz yoluna gedəcək, mən ölümə və siz həyata. Hansının daha yaxşı olduğunu yalnız tanrı bilir."

16 əjdaha! 19.02.2021 21:16, lucifermorningstar

#320282 şikayət

sözaltı günlük

+18 əjdaha

bezdiyimi, tükəndiyimi, hər şey olaraq heç nə olmadığımı, ağla gələn tələskən fikirlərin lüzumsuzluğunu hiss etdiyim günlərdən daha biri. artıq fikirlər belə fikrimdə fikir mahiyyətini itirib yadlaşırlar. imtahan, ananın əziyyətini yerə qoymamaq, çalışmaq, qazanmaq, maksimum bal toplamaq səyləri məni postmodern zamanın köləsi edərək cihazları artıq bədənimin üzvü etdi. imtahan stressi çəkməmək üçün düşüncəmi hər şey ilə məşğul edirəm. bu həryerdə olmaq məni yaşama yadlaşdırır, mahiyyətimi itirirəm. arada gələn marksistvari inqilabın çılğın düşüncələri məni burjuaz və kapitalistin imperalizminə olan nifrətinə, arada gələn tənhalıq hissinin tətikləyici qüvvələri sözlüyə, arada gələn anlama səylərim fəlsəfə və pozitiv elmə sürükləyir. bir yerdə qərar tuta bilməyən dəniz dalğasının çırpıldığı qayadan daha aciz hiss edirəm özümü.

bitkinlik ölməyin ikinci adıdır.

12 əjdaha! 27.05.2021 16:08, lucifermorningstar

#328475 şikayət

sevgili

+22 əjdaha

sevdiyi insanla danışanları, söhbət edənləri qısqanıram; əlimdən susmaqdan və baxmaqdan başqa heçnə gəlmir, danışılacaq çox şey olsa da, danışa bilmirəm, sadəcə susub izləmək və olanları daxilimdə danışmaq vərdişimə çevrilib. artıq kiminləsə birləşə bilmirəm: nə cəmiyyətlə, nə xalqla, nə ailə ilə, nə dostlarla. artıq sadəcə müşahidə etməkdən yorulmuşam; mən də çox danışmaq istəyərəm, xalqla olmaq istəyərəm, futbol maçında azərkeşlərlə birlikdə qışqırmaq istəyərəm, ailəmlə səmimi olmaq istəyərəm. amma olmur, müşahidə edirəm ancaq, susuram, baxıram, izləyirəm. mənim danışıq vasitəm də susmaqdır.
bəlkə də, siqaretə buna görə bağlanmışam: susmağı asanlaşdırdığı üçün

wittgenstein hocamın dediyi kimi, "Wowon man nicht scprechen kann, daruber muss mann schweben"

17 əjdaha! 03.12.2021 15:39, lucifermorningstar

#340920 şikayət

azərbaycanda qiymət artışları

+19 əjdaha

son 1 ayda:
500 qram çörək 25 % artaraq 50 qəpik,
650 qram çörək 30% artaraq 65 qəpik,
Mal əti 18-27% artaraq 13-14 manat,
Qoyun əti 23-30% artaraq 16-17 manat,
Toyuq əti 12.5-25% artaraq 4.5-5 manat,
Toyuq filesi isə 7-7.30 manat olub.

17 əjdaha! 16.01.2022 16:56, lucifermorningstar

#343490 şikayət

həyatın nə qədər cındır olduğunun anlaşıldığı anlar

+17 əjdaha

sən öz əzab-əziyyətinlə, imtahandan 24 saat öncə ərzində 10 dəqiqə yuxu yataraq gedib 1400 yığarsan, ancaq ana-ata pulu ilə imtahanın suallarını alıb, cavabları əzbərləyən gedər 1550 yığar. bir insan nə qədər şərəfsiz, namussuz * nə qədər də var olan şərəf, namus anlayışım olmasa da və olmasına inanmasam da həmin insanlara ən pis sözləri lütf edirəm olar ki, başa düşməsin ki bunun adı imtahandır və imtahan öz təbiəti etibarilə insanların biliyini ölçür, cavabları əzbərləmə gücünü yox. əsas nöqsan sualları əzbərləyən tələbələrdə deyil, əsas nöqsan sualları satan məktəb nümayəndəlikləri və kurs müəllimləridir.
ingilis dili dil və ədəbiyyatı fakültəsində oxuyan ingiltərəli bir qız * demək istəyirəm ki nativedir imtahandan 1340 bal yığıb:

(youtube:

)

. Ancaq bu ilin təkcə may ayında 20-ə yaxın 1570, 30-a yaxın 1550, 50-60 arası isə ümumilikdə 1500 yığan tələbə var. how the fuck is this thing real?

mən imtahan verdiyim ay cavablar satılmadı və 1450dən yuxarı yığan çox az şagird oldu. ancaq may ayında ingilis dilində "however" sözünün mənasını bilməyənlər gəldi 1550 yığdı.

imtahanın biliyin nə qədər az göstəricisi olduğunu, universitet diplomunun biliyə ticari dəyər qazandırmaqdan başqa bir işə yaramadığını bilirəm. zatən istədiyim ixtisasa düşürəm. (əlavə math level 1 və math level 2 scorelarım var). ancaq anamı qane edə bilmirəm, onu çox üzürəm. o da fərqindədir ki, mən 1570 yığanlardan qat-qat çox bilirəm və bunu haqq etmirəm və haqq etmirlər.

kaş ki, mən də #320671-dakı dostum ilə birlikdə imtahana girməmişdən öncə ölərdim, life is pain and unfair.

(youtube:

)

edit: bu gün bu qədər aqressiv olmağımın səbəbi odtu applicationun başlaması və keçid ballarında dəhşətli artışı müşahidə eləməyimdir.

edit: 1500+ yığan 300-400 tələbə imiş.

15 əjdaha! 01.07.2021 16:54, lucifermorningstar

#331161 şikayət

unudulmaz albert camus cümlələri

+17 əjdaha

bir ölkəni tanımaq istəyirsinizsə, orada insanların necə öldüklərinə baxın

15 əjdaha! 22.02.2021 13:37, lucifermorningstar

#320547 şikayət

bakı avropa liseyi

+16 əjdaha

gün etibarilə məzunu olduğum lisey

silinmiş entry.

16 əjdaha! 14.06.2021 06:42, lucifermorningstar

#329689 şikayət

aidolma ehtiyacı

+20 əjdaha

bu sifarişi verən: dasein
insanın, və ya hərəkətlər edərək özünə yaşam inşa etməyə çalışan varlıqların, təbiətində, ruhunda, özündə olmayan, lakin iqtidar mexanizmalarının inkişafı ilə birlikdə varmış kimi görünən ehtiyac.

bir insan galatasaraylı, fenerbahçeli, beşiktaşlı, manchester cityli, real madridli, yuventuslu olmadan da futbol təcrübəsini yaşaya bilər. bir insan #sözaltı artist, " karma canavarı" olmadan da sözaltı sözlükdə yazma təcrübəsində ola bilər.

dediklərimiz, müdafiə etdiklərimiz, qarşı çıxdıqlarımız bizi cəmiyyətin hər hansı yerində bir məkana oturdur və qrupa aid edir. o qrupda tək olsaq da, biz artıq fərd olmuruq. deyilən sözlər əvəzinə aid olduğu qrup üzərindən hökm edilir. hamımız toplumda hər hansı kimliyə aid edilirik: feminist-mizoginist, queer-eşşəksikən, qadın-kişi, böyük-uşaq, marjinal-qaqa və s. bunlar adlandırmadan başqa bir şey deyildirlər. başqasının gözündən olan hökmümüzdən əlavə bir məkana sahib deyildirlər. bu passiv, edilgen durumun üstünə keçmək üçün hər bir adlandırmanı parçalamaq lazımdır.

"Təbiət xalqlar, qəbilələr yox, yalnız fərdlər yaradar"- benedict de spinoza

17 əjdaha! 30.08.2021 21:37, lucifermorningstar

#335191 şikayət

sözaltı günlük

+16 əjdaha

ciddi anlamda bezmişəm, yorulmuşam sözlük. hər anamın yanına gedib ondan təsəlli dolu sözlər gözlədiyimdə mənə "niyə etdin?", "niyə hər şeyi məhv etdin?", "hər şey çox gözəl gedirdi, hamısını əlinin ucu ilə atdın" deməsi ağır gəlir. bəzən analar mübarizədən çətin olur.

türkiyəyə giriş qadağamdan sonra vizaya müraciət etmişdim, ona da rədd gəldi. indi də hər gün intensiv alman dili ilə məşğul oluram. dünyanın harasına getsəm mübarizə aparacaq bir kanal tapacağımı bilirəm.

trotskinin həyatım avtobiyoqrafiyasını 2-ci dəfə oxumağa başlamışam. əvvəlkinə nəzərən çox daha canlı, çox daha içdən gəlir. bir ölkəyə gedir, oradakı marksistlərlə birlikdə işləyir, oranın gündəlik siyasəti ilə maraqlanmaq üçün dili öyrənir, oranın yerli qəzetlərində yazır, sonra o ölkədən deportasiya edilir. başqa ölkəyə gedir, yenə oranın dilini öyrənir, oradakı marksistlərlə işləyir. miqrant kampına düşür, burada da miqrantların ölkələrindəki siyasi həyat haqqında öyrənir, onların sevgisini qazanır. həbs olunur, həbsdə nəzəri çalışmalarını sıxlaşdırır. möhtəşəmdir, sadəcə.

anama gəldikdə isə, anamı çox sevirəm. mənə həbsdən sonra buradan çıxış yollarını axtarmaqda çox kömək oldu, maddi olaraq da hər cür dəstəyi əsirgəmir. amma, bircə bu "hər şeyi məhv etdin!" cümlələri olmasa. bilirəm, anlayıram onu. qorxur, bir daha eyni hadisələrin daha böyüyünü yaşamaq istəmir. əsla bir "qarşı çıxış" kimi də hiss etmirəm. sadəcə istəmirəm artıq bunları eşitmək. əgər hər şey yolunda getsə burada olmayacağam 3-4 həftəyə.

12 əjdaha! 14.09.2023 22:10, lucifermorningstar

#378574 şikayət

aşiq olmaq

+17 əjdaha

insanı axmaqlaşdıran bir prosesdir. doğurdan da, insan artıq tənqidi baxmağı unudar aşiq olanda. hələ bir də məşuqun xətalarına qarşı tənqidi olmağı da. onun baxdığı hər baxışa yerləşmək istəyir. neşeli bir xəstəlikdir. insan sağalmaq istəmir.

16 əjdaha! 21.05.2022 01:08, lucifermorningstar

#350110 şikayət

#sözaltı şeir

+14 əjdaha

Ey zülfü aydan işıqlım, tellərinin ətrinə qurban
Məhrum etmisən məni ləhzəndən, olub halım pərişan.

Riqqətə gətirən qəlbimi, varlığının təcəllüsüdür.
Səndən özgə yoxdur bu könül məmləkətində sultan.

Nəinki mən olmuşam aşiq sənin o gözəl çöhrənə,
Sənin eşqinlə vəcdə gəlir bütün bu mülki-cahan.

Yoxdur göylərdə bir zərrə işıq, sənin nurunladır ki,
Aydınlanır təsiri ilə hər sübh çağı bütün asiman.

Kim ki, məhrumdur yarın bənzərsiz eşqindən, laməkandır.
Ey Lucifer, sən bil o yarın eşqini özünə məkan.

10 əjdaha! 06.06.2021 14:51, lucifermorningstar

#329284 şikayət

sözaltı etiraf

+17 əjdaha

özümdən çox narazıyam sözlük. çox dayazlaşmışam və mən öyrənmək istədiyim çox sahə var. bəlkə də, istədiyim onları bilməyimin fərqindəliyidir sahənin özü yox. amma bu halımla heçnə edə bilmirəm. rasional şəkildə arqument yürüdə bilmirəm, beynimdə ancaq heçbir işə yaramayan math formulalar fırlanır. imtahanlar məni harry potterdəki dementorlar kimi sovurur, xoşbəxt anlarımı özünə çəkir, məni heçliyə sürükləyir. bir müddət əvvəl, fikir fokusum sadəcə 1 yerə olduğu üçün düşüncələrimi və özümlə səmimiliyimi qoruya bilirdim. ancaq indi fikirlərim dağılıb, mən isə fikirlərimin dağıldığı məntəqələrdən tamam ayrı sahələrlə maraqlanıram. etməli olduğum ilə etmək istədiyim şeylər fərqlidir. ancaq etməli olduğum məntəqəyə çatsam anam sevinəcək. bəlkə də, hər şeyə tüpürüb qaçmaqdan məni saxlayan varlıq anamdır. bəlkə mən ona çox məna yükləmişəm bilmirəm, ancaq onda elə bir qüvvə var ki məni atın cilovu kimi saxlayır. əvvəl düşüncə dənizindən sədəflər çıxarırdım, indi heç dayaza da enə bilmirəm. ancaq öyrənmək istəyirəm, hərşeyi bilmək istəyirəm. sonra isə bunun mümkünsüzlüyü və anamın əziyyətləri yadıma düşür, vicdan əzabı çəkirəm. gün ərzində mənasız imtahanlara hazırlaşmaq üçün yoruluram və artıq bu yorğunluğu bastırmak üçün əziyyət tələb etməyən işlərə, sözlükdə, instagramda vaxt keçirməyə baş vururam. və bu o qədər rutin şəklində olub ki artıq devicedən uzaq dura bilmirəm. voldemort öz ruhunu horcruxlarda saxladığı kimi, mənim də ruhumun bir parçası telefon və kompyuterdədir. onlar məhv olsa, mən də olaram. ancaq mənim olmaq istədiyim situasiya bu deyil. yorulmağımın bir faydasının olmasını istəyirəm. imtahandan yaxşı bal toplamaq mənim üçün fövqəl fayda deyil. bütün bunları fikirləşdikdə yenə gözümün qabağına anamın səhər 8dən axşam 11ə kimi işləməyi gəlir və vicdan əzabı çəkirəm.
özümə yadlaşıram, sözlük. həm də çox. tamamilə bulantıdan ibarətəm artıq. özümlə səmimi belə ola bilmirəm. tanrı sözünü eşidəndə, görəndə artıq tahamülüm qalmır. həmin şeydən soyuyuram. bilmirəm, niyə bu qədər soyumuşam tanrı kavramından. ancaq tanrı fikrinin gətirdiyi huzura ehtiyacım var. sevgini, kədərlənməyi, empatiya qurmağı, hiss etməyi itirmişəm artıq. sevgini sevməyə ehtiyacım var, gözəlliyi sevməyə ehtiyacım var. bunu yazanda fərqinə vardım ki, dostum belə yoxdur. son səslə qışqırmaq istəyirəm, daxilimdəki fazlalıkları atmaq istəyirəm. sokratın tələbəsi var idi deyir yaşam üçün həzz lazımdır. gündəlik həzzlər bitdiyi və özündən sonra boşluq gətirdiyi üçün acı ilə qarışıqdır. sürekli hazz ancaq bilgelikdədir. əks halda yaşamın mənası yoxdur və insan özünü öldürməlidir bu mənasızlıqdansa. mən də özümü mənasızlıqda hiss edirəm. yaşamım çox boş dəyərlər üzünə gedir. hamısı pula görədir. azərbaycanda elm də pula görədir. hərşey. pulmərkəzciyik. pul tanrıdır bizim üçün. istəmirəm pul, mən həyata mənasız kağız parçası üçün yaşamaq üçün gəlməmişəm. bezmişəm, sözlük. bezmişəm. bitkinlik var. bitmək ölməyin ikinci adıdır. mən pulmərkəzci həyatı istəmirəm. tanrı, birşey elə. pulu yığışdır, dəyərini azalt. dərinləşmək istəyirəm. çox dayazam. sözlükdə yazmaq bir növ azaldır içində qarışıb getdiyim bu vicdan əzabını, ancaq bəlkə də bunları başqalarının oxuması üçün yazıram düşüncəsi məni yenə vicdan əzabına boğur.

14 əjdaha! 18.03.2021 11:17, lucifermorningstar

#322393 şikayət

yeni il təbriki

+14 əjdaha

deməli, 1-2 gün əvvəl səhər saat 8-də anam zəng etdi. * azərbaycanda saat 11 idi. normalda anam bu saatda mənim yatdığımı bildiyi üçün zəng etməz, axı, deyə düşündüm. o gecə səhərə qədər yatmadığım gecələrdən idi. biraz gec açdım, biraz da səsimi dəyişdirib yuxuluymuşam kimi etdim ki, sabahladığımı bilməsin.
açan kimi yuxulu səslə, "həə mama, nolub?" dedim. o da, "lucifer, papa zəng edib, səni təbrik etmək istəyir yeni il üçün".

birdən birə səsim dəyişdi, "həə, ver danışım." dedim. çox sevinmişdim, gözləmirdim.

"lucifer, balam, necəsən, orada necə keçir günlərin? dostların var orada? dərslərə gəlib-gedirsən? mən elə bilirdim, türkiyəyə qayıtmısan, bayaq maman dedi ki bəs polşadasan. həə eybi yox canım mənim, əsas odu olduğun yerdə xoşbəxt olasan. sənin yeni ilini təbrik edirəm. inşallah bu yeni ildə bütün arzularını gerçəkləşdirəsən, bütün yaşananları geridə buraxasan. sənin üçün çox darıxıram, lucifer. burada elə bütün günü səni fikirləşirəm. diqqətli ol, özünə yaxşı bax. hamıya güvənmə. öpürəm səni çoxlu-çoxlu. sağol lucifer."

ən sona qədər ağlamamaq üçün özümü sıxdım. ən sonda "çox sağ ol papa. mən də sənin yeni ilini təbrik edirəm. bilirəm, orada, ailənin yanında olmadan yeni ili keçirmək çox çətindir. inşallah bu yeni il səni azadlığa çıxardar. 2024-dəki bütün bayramları ailənin yanında, azadlıqda olarsan ümid edirəm. mən də səni çox sevirəm papa. çox sağ ol." deyib sağollaşdım. özümü tez bayıra atdım. yarım paçka qalan siqaret yarım saata bitdi.

eh, nəysə. allah bütün dustaqların qapısını açsın.

11 əjdaha! 31.12.2023 18:18, lucifermorningstar

#381539 şikayət

yazarların paylaşmaq istədikləri şeirlər

+13 əjdaha

Məsələn,bir uşaq düşün
Anasının gözlərindən axan yaşa əlini sürtür,
Silmir,sadəcə,gəldiyi yerə qaytarmaq istəyir.
Bu qədər bəsitdir.
Çox yersizəm, Çox aidiyyatsızam
Eynilə-Flora Kərimovanın klipindən sonra
Serdar Ortaçın klipini yayımlanan televiziya kanalı kimi.
Bir az da bəxtsizəm
Eynilə-intihar cəhdindən sağ qurtulan insan kimi.
Azacıq da sevincliyəm,azacıq,
Eynilə-dilənçinin əlinə 20 qəpik qoyulduğu anda
sevindiyi qədər.
Bilirsən?
Bu,nə axmaq sualdır?
Kim nəyi bilir ki?
Məsələn,Hers hardan bilə bilərdi ki,
dünyadakı bütün səslərin ölçü vahidi kimi
onun adı istifadə ediləcək?
Zadəgan ailəsində doğulmuş yəhudi hardan biləydi ki,bir gün
atası çəkməçi olan Hitler adlı alman tərəfindən yandırılacaq?
Kim nəyi bilir ki?
Heç tanrı da tanrı olacağını bilmirdi,bir zamanlar.

Ah,Marşes!
O qədərdirlər ki,heç bilmirəm hansından başlayım.
Bəzən empatik duyğularım çox qəribə şəkildə qabarır.
Məsələn,oturduğum stulun nə hiss etdiyini bilmək istəyirəm,
Görəsən,
quzunun ona tərəf gəldiyini görən ot həmin an nə düşünür?
Deyirlər ki,insanın ölmədən əvvəlki son anında
bütün həyatı bir kino lenti kimi gözünün önündən keçir.
Yadımdan çıxmaz dənizə tökülüb ölən neftçilər,
O lentləri yuyub-yuyub,təkrar-təkrar neçə dəfələrlə baxıblar,allah da bilmir.

Ahh,Marşes!
Çox narahatedicidir hər şey.
Rahat ölə də bilmirsən.
Məsələn,istəyərəm ki,mən ölsəm kimsə üzülməsin,
kimsə bunu önəmsəməsin,
kimsə ağlamasın.
Ən pisi də odur ki,insanların gedəcəyi yerləri az imiş kimi
O siyahıya bir ünvanı da əlavə edirsən-məzarını.
Qayıda da bilmirsən ki,ayaqlarından üzr istəyəsən.
Çox bədbin danışıram,deyəsən,
Edəcək bir şey yox,reallıq budur.
Ən böyük bədbəxtliyimiz geri qayıda bilməməyimizdir.
O qədər önəmsizik ki, bizi dünyaya gətirərkən belə razılığımızı almayıblar.

Ağcaqanadlar niyə yaşayır,Marşes?
Bizim qanımızı içmək üçün mü?
Bəs biz,Marşes?
Yəqin biz də ağcaqanadlar ac qalmasın deyə yaşayırıq. Anlamırsan,Marşes.

Uzun müddətdir,yazışdığım kəsin
ilk görüşümüzdən sonra xəstəlikdən öləcəyini öyrənmişəm.
Filarmoniya bağında tanımadığım bir şəxslə söhbətləşmək istədim,
O qədər ac idi ki,
mədəsinin qoxusundan söhbətə davam edə bilmədim,Marşes.
Bu,belə olmamalıdır.
Bəlkə də elə belə də olmalıdır.
Bilmirəm.
Sənə də deyəcəyim çox şey yoxdur.
Bircə,onu bil ki,Marşes
Çox narahat edicidir,hər şey.

Kursorun da dərdi götürüb məni,
Yanır-sönür,yanır-sönür. Yorulmur?

Ahh,Marşes, Ehtiyacsızlığa ehtiyacım var.

inqilab Quliyev- Gestapo Tənliyi

(youtube:

)

11 əjdaha! 04.02.2022 02:46, lucifermorningstar

#344966 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

lucifermorningstar

son bəyənilənlər:

oxuyucuların bəyəndikləri: