sözaltı günlük

1 ay həbsxana, 2 ay da özümü evə təcrid etməmin ardından bu gün nəhayət ki, göy üzü ilə barışdıq. 2 gün əvvəl vizam təsdiqləndi və bu gün artıq polşadayam. 2 ay əvvəl türkiyədəki hava limanında giriş qadağımın olduğunu öyrəndim və 3 gün heçkimlə əlaqə saxlaya bilmədən geri göndərmə mərkəzində qaldım. ona görə də, varşavaya daxil olana qədər hələ də eyni şeyləri yaşaya biləcəyimə dair qırıq hiss var idi içimdə. passport kontroldan tezliklə keçib hava limanından çölə çıxdıqda rahat nəfəs aldım artıq. aylar çəkən əziyyət, sıxıntılar, dilxorçuluq, əzab, təzyiq geridə qaldı. iləridə daha çətin, daha əziyyətli yol var. 1 il sonra bu vaxtlarda ümid edirəm ki, universität bielefeld- soziologie qəbul olduğumu yazaram bu başlıq altında.

iclal dağcı

18 yaşında 9 dildə səlis danışabilən türkiyəli şirin mi şirin poliqlot.
ana dili olan türk dilindən başqa, fransızca, almanca, rusca, italyanca, ispanca, ingiliscə, holland dilində (dutch) və isveç dillərində üst səviyyə dil biliyinə malikdir. youtubeda öyrəndiyi dilləri necə öyrəndiyinə dair, istifadə etdiyi resurslar və metodlar haqqında maraqlı videolar paylaşır.

buradan izləmək olar:

(youtube: )

afiəddin məmmədov

hal-hazırda xətai rayon məhkəməsində işi görülən ictimai-fəal, işçi masası həmkərlar ittifaqının sədri.
Afiəddin Məmmədova Cinayət Məcəlləsinin 221.3-cü (xuliqanlıqla silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi açılıb. bu maddə ilə də minimum 2 il, maksimum 5 il düşür.
həbs olunması isə dəhşətdir. evdən çıxanda bir şəxs qabağına çıxaraq özünə zərbə yetirib və bıçağı afiəddinin üstünə atıb. afiəddin çarəsizlikdən qışqırmağa başlayıb, atası səs-küyə aşağı düşüb. elə həmin dəqiqəcə pusquda dayanan polislər afiəddini qandallayıb bölməyə aparıblar.

keçən həftə danışmışdım afiəddinlə. binəqədidə yerləşən inzibati həbsxanada da birlikdə idik. ayrı kameralardaydıq, amma siqaret çəkmək üçün çıxardıqları "qapalı gəzinti sahəsində" görəndə göz qırparaq və mimiklərlə necəsən, necə gedir tərzi söhbətləşmişdik. allah qapısını açsın.

edit: cinayət işinə 126.1 maddəsi (Qəsdən sağlamlığa ağır zərər vurma) də əlavə edilib. 2 ay da həbs qəti-imkan tədbiri seçilib. 2 ay kürdəxanı türməsində qalacaq, sonra da zona göndərəcəklər yəqin ki. təkrardan allah qapısını açsın.

sözaltı günlük

ciddi anlamda bezmişəm, yorulmuşam sözlük. hər anamın yanına gedib ondan təsəlli dolu sözlər gözlədiyimdə mənə "niyə etdin?", "niyə hər şeyi məhv etdin?", "hər şey çox gözəl gedirdi, hamısını əlinin ucu ilə atdın" deməsi ağır gəlir. bəzən analar mübarizədən çətin olur.

türkiyəyə giriş qadağamdan sonra vizaya müraciət etmişdim, ona da rədd gəldi. indi də hər gün intensiv alman dili ilə məşğul oluram. dünyanın harasına getsəm mübarizə aparacaq bir kanal tapacağımı bilirəm.

trotskinin həyatım avtobiyoqrafiyasını 2-ci dəfə oxumağa başlamışam. əvvəlkinə nəzərən çox daha canlı, çox daha içdən gəlir. bir ölkəyə gedir, oradakı marksistlərlə birlikdə işləyir, oranın gündəlik siyasəti ilə maraqlanmaq üçün dili öyrənir, oranın yerli qəzetlərində yazır, sonra o ölkədən deportasiya edilir. başqa ölkəyə gedir, yenə oranın dilini öyrənir, oradakı marksistlərlə işləyir. miqrant kampına düşür, burada da miqrantların ölkələrindəki siyasi həyat haqqında öyrənir, onların sevgisini qazanır. həbs olunur, həbsdə nəzəri çalışmalarını sıxlaşdırır. möhtəşəmdir, sadəcə.

anama gəldikdə isə, anamı çox sevirəm. mənə həbsdən sonra buradan çıxış yollarını axtarmaqda çox kömək oldu, maddi olaraq da hər cür dəstəyi əsirgəmir. amma, bircə bu "hər şeyi məhv etdin!" cümlələri olmasa. bilirəm, anlayıram onu. qorxur, bir daha eyni hadisələrin daha böyüyünü yaşamaq istəmir. əsla bir "qarşı çıxış" kimi də hiss etmirəm. sadəcə istəmirəm artıq bunları eşitmək. əgər hər şey yolunda getsə burada olmayacağam 3-4 həftəyə.

d18 hərəkatı

bugün etibarilə fəaliyyətinə xitam verən hərəkat. hərəkat öz sosial şəbəkələrində 10 sentyabr tarixində keçirilən növbədənkənar qurultayın nəticələri ilə bağlı belə yazıb:
"Demokratiya 1918 Hərəkatının 10 sentyabr 2023-cü ildə keçirilən növbədənkənar qurultayında səs çoxluğu ilə hərəkatın fəaliyyətinə xitam verilməsi qərara alınıb.
Ölkədəki anti-demokratik sistem və onun yaratdığı siyasətsizlik mühiti hər hansı bir formada siyasi fəaliyyəti mümkünsüz edir. Bunun qarşısında isə resurs məhdudluğu müsbət dəyişikliklər edilməsi üçün adekvat cavab imkanını məhdudlaşdırır. Bütün bu səbəblərdən ötrü artıq siyasi səhnədə hər hansı bir qurumun siyasi iddia irəli sürməsi və təşkilatlanması öz əhəmiyyətini itirir.
inanırıq ki, obyektiv və subyektiv səbəblər yetişdikdən sonra siyasi dəyişikliklərin rəhni olacaq təşkilatlar yenidən ortaya çıxacaqdır"

azərbaycanda fəaliyyət göstərən təşkilatın istiqrarlı olması çox çətindir. ya öndərlik mərkəzini xaricə, güvənli sahəyə çəkməlisən. ya da azərbaycandakı həbs-işkəncə döngüsünün içinə sıxışıb qalasan. d18-i ideoloji olaraq heç sevməsəm də, əhməd məmmədlinin sədrliyindən sonra təşkilatın sola meyilliyi önəmli idi. etdikləri strateji səhvlərə baxmayaraq, işçi masası həmkərlar ittifaqı fəaliyyətləri də azərbaycan işçi sinfi üçün əhəmiyyətli addım idi. hal-hazırda işçi masası həmkərlar ittifaqının idarə heyyəti üzvləri kürdəxanı istintaq təcridxanasındadır, külli miqdar narkotik vəsaitin satışı ittihamı ilə saxlanılırlar. iş kəsilsə yəqin ki, 8-12 il arası iş alacaqlar. bu təzyiq dalğası d18-i daha da çətin vəziyyətə saldı. amma düşünürəm ki, nida * nida vətəndaş hərəkatı -nın etdiyi bənzər səhvləri d18 də etdi. bu ümidsizliklə dolu ayrılıq mesajını da buna bağlayıram.

sözaltı etiraf

#350110
ona hələ də deyə bilməmişəm vizadan rədd cavabı gəldiyini. bəlkə heç bir zaman, bəlkə də uzun müddət görüşə bilməyəcəyimizi deməkdən qorxuram. çox ümidli idi vizanın gələcəyindən, yaxın zamanda yenə birlikdə olacağımızdan. bakıya gəlməyimi istəmirdi iyulda. düzü, mən də istəmirdim. ancaq, həbsimə səbəb olan aktımı etmək lazım olduğunu düşünürdüm. əməliyyatçılar tutmamışdan 1 dəqiqə qabaq ona izləndiyimi düşündüyümü yazmışdım. nəbilim e, bir çox gəncin xəyalları ilə oynamaqda mahirdir hakim siniflər.

imagine dragons

dünəndən etibarən başlayan "konsert sonrası müzakirələr"də "analiz işini azaltalım çocuklar" deməyin tərəfdarıyam. amma, imagine dragons konsertinin azərbaycan milli dövlət maraqları üçün önəmli propoqanda vasitəsi olduğunu düşünürəm. dağlıq qarabağ ermənilərinin azərbaycan vətəndaşlığına qəbulu, yəni inteqrasiya prosessi üçün azərbaycanın demokratik ölkə olduğunu tamaşa etdirməsi lazımdır.

soyuq müharibə ərəfəsində istehsal edilən "demokratik-totalitar" dikotomiyası öz cazibəsini hələ də saxlayır. berlin divarı dağılmamışdan qabaq qərbi almaniyanın rock-pop-techno musiqiləri ilə öz vətəndaşlarına sərbəstlik tanımağı da bu propoqanda növlərindən biridir. 1980 12 sentyabr hərbi çevrilişindən sonra türkiyədə metallica konsertlərinin olması neoliberal apolitikliyin meyvəsi kimi təqdim edilmişdi.

hal-hazırda da, totalitar qonşu ölkələrə baxdığımızda azərbaycanda vətəndaşlara sərbəstlik verilməsi, "ictimai əxlaq kodlarının dövlət səviyyəsində qanuni olmadığı" görüntüsü verilməsi planlanır.

tanım: heç vaxt dinləmədiyim, solistinin soyunduğu videolarının qarşıma çıxmasıyla tanıdığım qrup

afiəddin məmmədov

30 günlük inzibati həbsdən sonra dünən azadlığa çıxmış ictimai-fəal, işçi masası həmkərlar ittifaqının sədri. azadlığa çıxdığına dair yazdığı tweetdəki bənzətmə isə çox yerində olub: "30 günlük "kars"dan sonra həbsxanaya geri döndüm."
qeyd: kars, zonlarda cərimə kamerasıdır. incitmək istədikləri dustaqları karsa salıb əllərini çarpayıya bağlayırlar. bir neçə gün tualetə belə getməyə icazə vermirlər. bəzən isə digər dustağı dustağın üzərinə bağlayaraq məcburi olaraq onun üzərinə öz təbii ehtiyyatlarını etməyini gözləyirlər. çimməyə, gəzməyə belə qoymurlar. yəni, azadlığın 2 dəfə əlindən alınmış olur. həbsxananın içində daha çox həbsxanada olmuş olursan.

həbsxana jarqonu

polis əməkdaşlarını başa düşməsin deyə dustaqların sözlərə fərqli məna yükləyərək işlətdikləri jarqon. amma, artıq o qədər gündəlikləşib ki, polis və ya ədliyyənin başqa əməkdaşları da eyni jarqondan istifadə edir.

sadəcə rus sözləri deyil bunlar, azərbaycan dilində bəzi ifadələr də bu jarqona daxildir. məsələn, xataya ilk girdiyim zaman man məni severə göndərdilər. 5 litrlik su baçoklarına su doldurub başımı yudular ki, təzə etapsan rahatlan elə gir içəri. çiməndəndən sonra dustaqlar hamısı "həmişə çöldə-bayırda" dedilər. anlamadığımdan bir neçə dəfə nəə? deyə soruşdum. sonda birisi, "yəni ki -həmişə təmizlikdə-, burada başqa cür deyilir" dedi. ilk öyrəndiyim həbsxana jarqonu bu oldu.

yuxarıda izahını vermədiyim sözlərə gəldikdə isə,
xata- kamera, otaq. xata orada qalan dustaqların, müvəqqəti də olsa, evi kimidir. yəni, evində təmizliyə necə önəm verirsənsə xatanı da elə təmiz saxlamalısan. yerə çörək qırıntısı tökdünsə sən süpürməlisən. hər yer tozdursa silmək üçün dustaqlarla birlikdə cəhd göstərməlisən.

sever- tualet. həbsxana içində belə bir anlayış var ki, yaşayış severdən başlayır. hətta bu paradiqmalarına dəlil gətirmək üçün əvvəllər yaşanmış bir hadisəni misal çəkirlər. günlərin bir günü həbsxanaya xəbər gəlir ki bu zona oğru gəlir. hamı təşvişə düşür. oğru xataya girir, ilk olaraq heçkimlə danışmadan severə girir. severin çirkli olduğunu görüb başlayır təmizləməyə. dustaqlar təəccüblə baxır ki, bu neyləyir. görürlər ki, oğrudu. hamısı deyir ki, ver biz təmizləyək. oğru da, cavabında "mən təmizləyib çıxana kimi hamınız elə edin ki bu xatadan çıxın. kimi görsəm vuracağam. öz yaşayışınızı qura bilməmisiniz hələ."

etap- kameraya təzə gəlmiş dustaq. əgər ilk dəfədir həbsxanaya düşübsə, etapçılıq olaraq ona 5 gün heçnə işlətmirlər. yəni, 5 gün qabları yumur, təmizlikdə iştirak etmir və sairə.

zalatoy- söhbət həll etmək üçün stol. hər hansı bir söhbət düşəndə, aydınlıq verilməli məqamlar olanda zalatoy qurulur. zalatoyda ciddi söhbətdə söz bildirmə haqqı olan hamı qatıla bilər. yəni sındırılmış insanlar, nadzora və ya rəisə yaltaqlananlar daxil ola bilməz (və ya başqa yolla sındırılanlar). əsasən adboydan qabaq qurulur.

nadzor- mühafizəçi. dustaqlara nəzarət edən ədliyyə və ya din əməkdaşı.

adboy- yat komandası. kürdəxanı türməsində fərqli, zonlarda fərqli, mənim qaldığım yerdə fərqli saatlarda olur. bizdə saat 23.00-da idi. adboydan sonra söhbət eləmək, yerindən qalxmaq olmaz.

hay-huy- aşağıdakı xata ilə danışmaq. severdə əl-üz yuyanın xortumunu çıxardıb, unitazda əyilib aşağı tutaraq danışırsan aşağıdakılarla. hay-huy zamanı digər dustaqlar səssiz olmalıdır ki, səs eşidilsin. hay-huya çıxmamışdan qabaq əlaqə saxlamaq istəyən kamera divara 3 dəfə vurur. o zaman başa düşürsən ki sənlə nəyəsə görə danışmaq istəyir. xatada vəziyyətə baxan dustaq hay-huya çıxır.

malyava- məktub. digər xatadakı dustaqlar hər hansı bir şeyi aydınlaşdırmaq və ya nəyəsə ehtiyacları olduğunu bildirmək üçün malyava yazır.

proqul- gəzinti. həm gəzinti, həm də siqaret çəkmək üçün lazımi məkan. kürdəxanıda proqul otağın içindədir, yəni kameradan bayıra çıxmırsan. zonda isə açıq havadadır. mənim olduğum yerdə isə kameradan çöldə, amma binanın içindədir. gündə 7 dəfə hər biri 5-6 dəqiqə olmaqla proqula çıxırdıq. 1 proqula maksimum 2 siqaret çəkmək mümkün olur. bəzən nadzorlar prinsipə düşüb 1 dəqiqə də saxlayırlar. proqul sahəsi isə 8 addım şaquli, 7 addım üfüqi ölçüsündə olan yerdir. sadəcə pəncərələri daha böyükdür deyə hava gəlir. həm də, azadlığın qoxusunu hiss edirsən.

kormuşka- kameranın qapısında yeməkləri vermək üçün istifadə olunan dördbucaq formasında boşluq.

balandyor- dustaqlar arasında bəziləri həm vaxtlarını keçirmək üçün, həm daha çox siqaretə çıxmaq üçün, həm də daha çox yemək üçün balandyor işləyir. yəni, yeməkləri paylayır, çayları süzür, çöldə rəisin maşınlarını yuyur, təmizlik işlərinə baxır və sairə. balandyorlar sındırılmış hesab olunmur, amma ciddi söhbətdə iştirak etmək hüquqları olmur. balandyorların ayrı kamerası olur və hamısı birlikdə qalırlar.

it, ment- polislər üçün istifadə olunan sözlər. məsələn, "tutulanda itlər qaçırdı dalımca" deyilir polis əvəzinə. və ya, "mentlər elə vurdu ki, lap böyrəyim çıxdı yerindən".

naroq- dükan. hər axşam nadzor gəlib naroqda nə yazdıracağını soruşur. dustağa peredaça gələndə ailəsi pul da gətirirsə o pul dustağın balansına yazılır. o balansa uyğun olaraq dustaq dükandan nəsə istəyə bilər. kürdəxanıda, zonda fərqli məzmunlar var. mənim olduğum yerdə naroqdan sadəcə su, çörək, qənd, duz, şor, sarımsaq, soğan, meyvə suyu, sabun, diş fırçası sifariş edə bilirdin. 1 manatlıq suyu 3 manata, 2 manatlıq meyvə suyunu 5 manata satırdılar.

peredaça- sovqat. ailənin sənə göndərdiyi piçenye, su, alt paltarı, kitab və sairə.

smenka- tuman.

mujik- sadə dustaq. mujik oğru yolunu getmir, heç ora marağı da yoxdur. ancaq yaşayışını bilir, hörmətini saxlayır, öz işindədir. mujikin ciddi söhbətdə iştirak etmə hüququ var.

strimlyaqa- oğru yolunu getməyə başlamış, o yolu davam etdirmək istəyi olan insan. yəni ki, artıq həyatını buna uyğun olaraq formalaşdırır.

avara- oğrudan bir pillə aşağı rütbə. oğru olmamışdan qabaq avara adını almalısan.

malış- xatadakı ən kiçik yaşlı dustaq.

hələlik yadıma düşənlər, ağlımda qalanlar bunlardır. yadıma düşdükcə yeniləyərəm -*

çerxa şoreşe

ritmi, dinamikası ilə insanın ürəyini ovudan, yumuşacıq edən kürd musiqisi.

(youtube: )