time of the gypsies

emir kustirikanın 1989-cu ildə çəkdiyi və özündə dram, komediya, fantastika, cinayət kimi janrları birləşdirən bu film kinomatoqrafiyada qaraçı-roman xalqı ilə bağlı çəkilmiş azsaylı filmlərdən biridir. elə buna görədir ki, bu film bizi tamamilə yeni və qeyri-adi bir dünyaya aparır.

mövzusu etibarilə dram hesab olunsa da, qaraçıların rəngbərəng və dəyişkən həyatının təsiri ilə filmdə komik, kriminal və fantastik səhnələrə özəl olaraq yer verilib. xüsusilə, qəhrəmanların emosional keçidləri və məhəllə həyatının real təsviri sayəsində sosial çətinliklərlə yaşamağı öyrənmiş qaraçı xalqının harmoniyalı həyatını daha yaxından tanıya bilirik.

mənbə: muza- ıv buraxılış

my left foot

irlandiyalı yazar christy brownun avtobioqrafiyasıdır.

beyin iflici ilə anadan olan brown-un sol ayağı istisna olmaqla, bədən üzvlərinə nəzarət edə bilməməsi onun istedadlı və uğurlu şair, rəssam və yazar olmağına mane olmamışdır. 1989-cu ildə rejissoru jim sheridan olan, daniel-day lewis-in brown-u canlandırdığı avtobioqrafik film ən yaxşı aktyor və aktrisa nominasiyalarında akademiya mükafatına layiq görülüb.

mənbə: muza- ııı buraxılış

oldboy

chan wook parkın " vengeance" trilogiyasının 2-ci və ən məşhur filmi.

film garon tsuchiya tərəfindən yazılan və nobuaki minegishi tərəfindən rəsmləri çəkilən "oldboy" adlı yapon mangasından ilhamlanaraq ekranlaşdırılıb.

2004-cü ildə film cannes-da "grand prix" mükafatını qazanır. həmin il jüri heyətinin başçısı olan quentin tarantino filmi çox bəyənmişdi və filmin böyük dəstəkçisi idi.

--spoiler--

otaqda qaldığı müddətdə onu kimin dustaq etdiyini tapmaq üçün o de su etdiyi bütün pis əməlləri və incitdiyi bütün insanların adlarını dəftərlərə qeyd edir. bir müddət sonra qaldığı otağın divarını qazımağa başlayır. 15 ildən sonra dəlik açır, lakin valium qazı səbəbi ilə huşunu itirir. səhəri gün hipnoz edilib qara bir çantanın içinə yerləşdirilərək bir binanın damına qoyulur. çantanın içindən çıxdıqda isə artıq baş qəhrəmanın bütün bədəni intiqam hissi ilə alışıb-yanır...

--spoiler--

mənbə: muza- ııı buraxılış

agnes martin

"dünyaya üz çevirən rəssam" olaraq bilinən Agnes Martin 1931-ci ildə abş-a köçdükdən sonra tədrislə bərabər rəsm kurslarına da yazılır və rəsm müəllimliyində dərəcə əldə edir. 1950-ci ildə abş vətəndaşı olduqdan sonra həyatını amerikan sənətçisi kimi inkişaf etdirməyə başlayır.

rəssamın əsərlərinə baxdıqda zolaqlar, torlar, xətlər, yuyulmuş pastel rənglərini görsən də, oxuya bilmirsən, çünki bu rəsmlər oxumağın üçün deyil, hislərinlə cavab verməyin üçün yaradılıb.

solğun rənglərlə boyanmış, karandaşla üzərində torlar çəkilmiş rəsmlər bəzən nə görünür, nə də danışırlar. onlar olduqca sakitdirlər.

"insanlar musiqidən xalis duyğunu qəbul edirlər, amma rəsmdən izahat tələb edirlər".

mənbə: muza- ıv buraxılış

sympathy for lady vengeance

Film işləmədiyi cinayəti məcburi şəkildə boynuna alaraq həbsxanaya düşən və orada 13 il qalan qadının elə həmin həbsxanadan çıxış səhnəsi ilə başlayır. məhkum olduğu illər ərzində bu obraz törətmədiyi cinayəti boynuna almasına və doğma qızından ayrı qalmasına səbəb olan şəxsdən alacağı intiqamın planını qurur.

intiqam trilogiyasının sonuncusu olan bu film digər 2 filmə nəzərən tamaşaçını daha çox empatiya qurmağa sövq edir. bu səbəblə tamaşaçını baş qəhrəmanla eyniləşdirən rejissor həm vizual, həm də hekayə nöqteyi-nəzərindən bizi də bir intiqamçı olmağa dəvət edir.

mənbə: muza- ıv buraxılış

colors show

Təsəvvür edin ki, dinlədiyiniz hər musiqi parçasının öz rəngi və çaları var və həmin əsərləri sizə xatırladan ifaçı, mövzu, bəstə və səslərlə yanaşı, həm də məhz o rənglərdir. bu, eşitdiyimiz və hiss etdiklərimizin sadə formada rənglərlə ifadəsi də sayıla bilər. əslində, bu sadə və maraqlı konsept "colors" adlı platformaya məxsusdur. belə ki, qısaca, "colors - dünyanın hər yerindən özünəməxsus istedadlar nümayiş etdirən, üslub baxımından fərqli yeni sənətçilərin və orijinal səslərin təbliğinə yönəlmiş unikal estetikası olan musiqi platformasıdır" deyə bilərik.
ən azından bu, onların cəmiyyətə özləri haqqında təqdim etdikləri informasiyadır.

"hər rəng var, janr yoxdur".

mənbə: muza- ıı buraxılış.

camille claudel

incəsənət tarixində az xatırlanan, illər keçməsinə baxmayaraq adı yenə də usta heykəltəraş ogüst rodenlə bir yerdə hallanan qadın heykəltəraşdır.

ömrü boyu özünü bir heykəltəraş kimi təsdiq etməyə, istedadının tanınmasına çalışan, "cəmiyyət və qadın" problemi ilə mübarizədə ağlını itirən virtuoz sənətkardır həmçinin.

klodelin əl işlərini nəzərdən keçirən alfred buşe onun heç bir təhsil almadan yaratdığı əsərlərə baxanda dostu rodenin üslubuna bənzərlik görür və qızı onunla tanış etmək qərarı alır. hər şey elə o görüşdən sonra başlayır...

Mənbə: muza- I buraxılış.

blade runner

1982-ci ildə rejissor Ridley Scott tərəfindən yaradılan, philip k. dickin " do androids dream of electric sheep?" adlı distopik əsərindən adaptasiya olunan filmdir.

filmin əsas hekayəsi 2019-cu ilin noyabrında gecənin hökm sürdüyü, yağışın səngimədiyi post-apokaliptik los ancelesdə keçir. rik dikard adında təqaüdə çıxmış detektiv yenidən işinə qayıtmalı olur. onun missiyası isə dünya koloniyalarının birindən qaçmış, los ancelesdə yoxa çıxan 4 replikantı (insanabənzər robot) tapmaq və onların yaşamına son verməkdir.

Mənbə: muza- I buraxılış.