sözaltı etiraf

özümdən çox narahatam.
gələcəyimdən çox narahatam.
artıq həyatımın ipləri əlimdən çıxırmış kimi hiss edirəm və necə toparlayacağımı da bilmirəm.
maddi və mənəvi tükənmişlik də bir tərəfdən.

Yeniyetməlik vaxtlardan baş qaldırıb uni vaxtlarında birtəhər öhdəsindən gəldiyim anger issues, əsəbilik, aqressivliyim yenidən baş qaldırır. qonaq getdiyimiz yerdə ağzını marçıldadanlara görə süfrədə hirsimdən çəngəli əlimə batırmaq, sırf insanlara əsəbiləşirəm deyə günlərlə evdən çıxmamaq, qab-qacaq sındırmaq, dərman içib yataqda gün keçirməklər bir-birini izləyir son 1 həftədir. it kimi qapıram hamını. Arada özümü sosiallaşmağa məcbur edib planlar qururam, amma son dəqiqə cancel edirəm. Canımı sıxır hər şey. Bayaq da otaqdakı ağcaqanada əsəbiləşib hirsimdən ağladım. Tab gətirə bildiyim sayılı insan var.
həmişə nifrət etmişəm deyingən insanlara. Bu aralar mən də deyinirəm hər şeydən, öz-özümə olsa da əsəblərimi pozur. Kassada sıra gözləmək əvəzinə ağzımın içinə girən xalanın başına çırpmaq istəyirəm aldığım makaronu. Eskalatorda sol tərəfdə dayananları dartıb aşağı itələmək istəyirəm. Ağzını marçıldadanların sifətinə boşqab çırpmaq istəyirəm. Kafedə hörpüldədib nəsə içənlərin sifətinə qaynar kofe atmaq istəyirəm. Səsim tutulana qədər çığırıb içimdəki əsəbi, nifrəti, aqressiyanı tökmək istəyirəm.

yorulmuşam. və normal bir insan olub sakit həyat yaşamaq istəyirəm.

six moral tales

Fransız dilində "Six contes moraux" kimi də tanınan, eric rohmer rejissorluğu ilə çəkilmiş, hər biri mənəvi dilemmaları və mürəkkəb münasibətləri ələ alan altı filmdən ibarət film seriyası. Seriyadakı filmlərin mərkəzi mövzusu fərdlərin sevgi, münasibətlər və əxlaqi dilemmalar məsələlərində etdikləri seçimlər ətrafında fırlanır. Hər bir film insan istəklərinin mürəkkəbliklərini, hərəkətlərin nəticələrini və personajların üzləşdiyi daxili ziddiyyətləri araşdırır.
Seriyadakı filmlər:
1. " The Bakery Girl of Monceau" (1963)
2. " Suzanne's Career" (1963)
3. " My Night at Maud's" (1969)
4. "La Collectionneuse" (1967)
5. " Claire's Knee" (1970)
6. " Love in the Afternoon" (1972)
Filmlər senari olaraq bir-biri ilə əlaqəli olmasa da, sevgi, sədaqət, istək və şəxsi etikanın müxtəlif variasiyalarını araşdıraraq, mövzu olaraq bağlıdırlar. Bu filmlər Eric Rohmerin fərqli rejissorluq üslubunu, insan davranışı və əxlaqi dilemmaların tematik tədqiqini nümayiş etdirir və fransız yeni dalğasının əsaslarından sayılır.

travma ildönümü

Şəxsin həyatında baş verən travmatik hadisənin ildönümləri vaxtı bədəndə fiziki, emosional, psixoloji və mənəvi reaksiyaların tətiklənməsidir. Xüsusən sağalmamış travmalar üçün keçərlidir.

Hüceyrələr və bədənin yaddaşı olduğu üçün ilin travma yaşanan zamanı bədən bəzi əlamətlər göstərir. Səbəbsiz yerə mənəvi və fiziki yorğunluq, ağrı, təşviş, ürək bulanması, xüsusən yuxu pozuntuları və kabuslar, əsəbilik, intihar düşüncələri, aqressiya, depressiya əsas əlamətlərdir.
Bu travmalara ayrılıq, boşanma, təcavüz, müharibə, yaxud insana vaxtilə emosional olaraq təsir edən istənilən hadisə ola bilər. Hətta insanın unutduğu, lakin şüuraltında qalmış travmalar belə "ildönümlərində" özünü göstərə bilər.

Səhv xatırlamıramsa bir stephen king kitabında oxumuşdum bu barədə, sonra hipnoz ilə səbəbini yapırdılar * səhv də xatırlaya bilərəm yazıçını . O vaxt oxuyub keçmişdim, sonra özümdə də əlamətləri görəndə araşdırmağa başladım.

10 il qədər öncəsində yay aylarında hallüsinasiya görüb möhkəm qorxmuşdum bir dəfə. Ondan bəri hər il yay aylarında kabus və qarabasmalarım olur. Zehnin və şüuraltının travmanı üzə çıxarmasıdır yəni.

bu haqda ətraflı məqalə

sözlük yazarlarının səyahət xatirələri

ev yoldaşlarımdan biri ləzgidir, bayram tətilində istirahət üçün qusara, evlərinə dəvət elədi bizi (mən və bir qız).
dünən gəlib çatdıq, məndə də biraz narahatlıq və anxiety var həmişəki kimi. 3 qız böyük taxt yatağı bölüşürük gecə, sağ tərəf kənarda mən, ortada ləzgi qız yatır, sol kənarda da digəri.

gecə qarabasan görüb titrəmə tutub məni, birdən möhkəm qışqırdım. Yanımdakı qız da ləzgi dilində soruşur "nodu, nell, nədən qorxdun?". evə gələn kimi default settingsə keçib fjjdksh mən də onsuz qorxmuşam, üstəlik də bilmədiyim qəribə dil lap gic oldum. Məni ağlamaq tutub, yanımdakıları da qışqırtım qorxudub. 1 dəq keçməmiş əzan da başladı oxumağa, vahimə üstünə vahimə gəlir. Nəysə ki, axırda birtəhər yuxuya getdik.

Entrini necə bitirim bilmədim, bu da belə bir anımdır.

benching

Münasibətdə tərəflərindən birinin digərini ehtiyat olaraq cibdə görüb eyni zamanda başqa insanlarla da görüşməsi, flörtləşməsinə deyilir. Yəni qarşı tərəfə ümid verib date təyin edir, maraq göstərir, eyni zamanda ciddi münasibətdən qaçır.
Adətən şəxs duyğularından əmin olmaqda belə davranır. Yəni xoşlantı hiss edir(bəzən), vaxt keçirir, amma ciddi münasibətə başlamağa əmin deyil. Nəticədə başqa insanlarla da flört edir, amma bu partnyoru da qeyri-müəyyənlik içində saxlayır.
Nəticə etibarilə qarşı tərəfdə, yəni "benching" olunan şəxsdə emosional gərginlik, qəzəb, özünü dəyərsiz hiss etmə, güvənsizlik yaranır. Xüsusən də əgər o şəxsə qarşı sevgi duyğusu varsa.

Fikrimcə, səbəbindən asılı olmayaraq qeyri-etik davranışdır və qarşı tərəfə böyük hörmətsizlikdir. Sağlam münasibət üçün istənilən halda dürüstlük önəmlidir.

ikebana

Yapon çiçək aranjimanı sənətidir və yaponiyada əsrlər boyu tətbiq edilən çiçək sənətinin nizamlı formasıdır.


"ikebana" sözü "çiçəkləri canlandırmaq" və ya "çiçək düzmək" mənasına gəlir. Burada məqsəd təkcə gözəl çiçək nümayişi yaratmaq deyil, həm də təbiətin mahiyyətini və harmoniyasını göstərməkdir. iş güldan içərisində çiçək düzməkdən kənara çıxır və balans, rəng, forma və düzülüş kimi motivləri əhatə edir. Ənənəvi olaraq, ikebana müəyyən prinsiplərə və üslublara, xüsusi qaydalara riayət edir. Ən məşhur ikebana məktəblərindən biri 15-ci əsrdə qurulan ikenobonudur.
ikebana tənzimləmələri minimalizm və asimmetriyanı özündə birləşdirir. bunlara budaqlar, yarpaqlar və digər təbii materiallar daxil ola bilər. Hətta yaponiyada alternativ meditasiya üsulu sayılır.
Bir neçə nümunə:

4-7-8 nəfəs texnikası

Meditasiyadakı əsas nəfəs metodlarından biridir. Sakitləşdirici, rahatladıcı nəfəs təlimi olaraq bilinir. Əsas məqsədi rahatlıq yaratmaq, stresi azaldmaq və yuxuya getməyə kömək etməkdir.
Prinsipcə sadədir, 4 saniyə nəfəs almaq, 7 saniyə nəfəs tutmaq və 8 saniyədə nəfəsi vermək.

Metodu yoxlamaq üşün rahat bir vəziyyət tapın, oturaraq, uzanaraq ya da rahat bir vəziyyətdə dayanın.
Gözlərinizi bağlayın və 4 saniyə burnunuzdan dərin nəfəs alaraq başlayın, nəfəs zamanı havanın ağciyərə dolduğunu hiss edirsiniz və qarın, sinə bölgəsi şişir.
7 saniyə nəfəsi belə saxlayın.
Daha sonra 8 saniyə ərzində nəfəsi ağzınızdan verin.

Bir neçə set şəklində təkrarlaya bilərsiniz. Sinir sisteminə yaxşı təsir etdiyinə inanılır.

Digər texnikalar da mövcuddur:

(baxma: 4-6 nəfəs texnikası)
(baxma: 4-4-4-4 nəfəs texnikası)
(baxma: 4-2 nəfəs texnikası)
sifarişi verən: Derek

aftersun

Charlotte wells tərəfindən çəkilib 2022-ci ildə mubi.com-da yayınlanmış film. Rejissorun ilk uzunmetrajlı filmidir eyni zamanda. coming of age, dram janrında deyə bilərik.

Filmin əsasən 11 yaşlı qızı ilə türkiyədə tətildə olan 30 yaşlı atanın türkiyədə istirahət xatirələrini göstərir. Hər şey kameraya lentə alınıb. Film sofinin atasının xəyalını görüb onu xatırlaması ilə başlayır deyə bilərik.
gedişat boyunca qeyri-adi bir şey baş verməsə də, filmin monotonluğu belə emosiyalar, sevgi, melanxoliya ilə doludur. Ən azından mənə elə gəldi.
Spoiler xəbərdarlığı:

Səyahət büdcələrinin azlığı və maddi sıxıntı filmin başlanğıcında görünür. Depressiv, kədərli bir ata və ondakı kədəri sezən, amma uşaq ağlı ilə heç nə edə bilməyib tətildə əylənməyə çalışan qızı. Filmin rəng paletində də vurğulanıb bu, coel olan səhnələr tünd-mavi, Sofi olan səhnələr isə adətən açıq sarı rəngdə çəkilib.

Filmdə bəlli olur ki, ata bu səyahət bitəndən sonra vəfat edib, çox güman intihar ilə.
Film mənə çox dərin təsir etmişdi izləyəndə. Uşaq vaxtı həmişə düçünürdüm valideynlər niyə belə əsəbi, gərgin, ya kədərli olur. insan böyüyüb həyat məsuliyyətlərini dərk edəndə onlara bənzədiyinin fərqinə varır. Sofi də böyüdükcə anlayır sanki.
2022-ci ilin ən yaxşı filmlərindən biridir mənə görə. Üstəlik yay ab-havalıdır, izləməyə dəyər.

Bir də restoran səhnəsindəki "gamsız hayat" mahnısının sözləri o qədər yerinə düşür ki...

(youtube: )

isfar sarabski

Gecəki eventdə çıxışı ilə vip zona daxil hamını ayağa qaldırıb rəqs etdirən əjdaha musiqiçi. Çıxış edən 5 artist içində demək olar ən yaxşı idi.
Neçə il əvvəl "var-yox" kanalındakı videosunu izləyib tanıyaraq heyran olmuşdum. Ağlıma gəlməzdi bir gün canlı dinləməyin qismət olacağı. Telefonumun zaryadkası söndüyü üçün çəkə bilmədim çıxışından, amma beynimə həkk olub detallar. Adam çox əjdahadır, yoldaşlar.
Edit: insta storilərdən topladığım bir neçə video:

(youtube: )

body horror

Digər adı ilə "biological horror" filmdə qorxu janrının altjanrıdır. Əsasən 1980-ci illərə dayanır.
insan bədəninin mutasiya, deformasiya və digər narahatedici çevrilmələrini ələ alır. Bu tip filmlərdə qeyri-adi seksual maraqlar, qan, texnologiya ilə insan arasında əlaqə, digər fiziki və psixoloji narahatedici səhnələr çox olur.
Bu janrda özünü tanıdan əsas rejissor david cronenbergdir ki, janrın adı çəkiləndə yada o düşür. Ötən illərdə julia ducournau "titane" ilə janra daxil oldu bir növ. Yenə də, bəzilərinə görə janr "frankenstein"(1931) və " the cabinet of dr.caligari" (1920) filmlərindən başlayıb.

(baxma: shivers)
(baxma: crash)
(bax: videodrome)

həyatın nə qədər gözəl olduğunun anlaşıldığı anlar

sıxılıb depressiyanın dibində hiss edərkən tanımadığın, güman ki ilk və son dəfə görəcəyin yad insanlarla həyatının ən maraqlı gecələrindən birini yaşadığın andır.

Formulaya görə hardwell və don diablo bu gün çıxış edirdi sahildə. Vaxtilə çox sevidyim dj-lər olduğu üçün canlı dinləmək istəyərdim amma 150m biletə verəcək pulum olmadığı üçün uzaqdan dinləmək ümidi ilə sahilə çıxdım. Yollar bağlı idi deyə çox bir şey eşirmədən evə qayıtmağa məcbur idim. Yolüstü sıxıldığlmdan publardan birindən pivə götürəndə bir qrup insan gözümə sataşdı və "I'm sorry for disturbing but I'm exterenely bored, would you.mind if I join you?" ilə aralarına qatıldım və həyatımın ən yaxşı gecələrin birinə imkan yaratdım. Tanımadığım yad insanlar * farid, chris, leyla, zaur, eto, ceyla, michael ilə başlanğıc 2 pivə, formula və sahilə giriş üçün qolbaq, panik atak keçirən turist qadına kömək, dj show bitdiyi üçün sahilə girişə məhdudiyyət, 20 dəq taksi gözləmək, ayaqüstə edulən xoş söhbət, ardəcıl içiln pivələr, rooma gedib yenə pivə içib söhbətləşmək, taksi ilə evə qayıdanda maraqlı söhbətlər, sevgi dolu qucaqlaşmalar və s. bir-birini izlədi. Evə qayıtsam çox güman sıxıntı və kədər ilə yatacaqdımsa, indi özümü çox xoşbəxt hiss edirəm. Həyat gözəl görünür. Əyləncəli, drunk, maraqlı bir gecə keçirdim, ani qərar və bir cümləlik sual ilə. Bəzən lazım olar kiçik bir addımdır bir gecəlik də olsa xoşbəxt hiss etmək üçün.

depressiya

yaş, təcrübə, məsuliyyət, işlər artdıqca öyrəşilən, önəmini itirib həyatının bir parçasına çevrilən şey. ən azndan məndə belə oldu.
Ayaqqabının altına yapışan saqqız kimidir. Orada olur, amma tapdayıb hər yerə özünlə aparırsan. Qopmur ki qopmur. gündəlik öhdənə düşən məsuliyyətlər var və bunları etməlisən. depressiya belə ləngitmə səbəbi ola bilməz. günə 2 imtahan verib mental yorğunluq, tükənmişlik ilə duş qəbul edə bilərsən. amma hamamdan çıxdıqda yenə hazırlaşıb başqa işinin ardınca getməlisən. yemək yeməyib 3 dəfə ardıcıl double shot espresso ilə hərlənmək, olsun. yenə çatdırmalı olduğun tərcümə işləri var.
çox ironikdir həyat. Vaxtilə depressiyada olanda bu məni sıxırdı, çözüm axtarırdım, oturub niyə beləyəm deyə dərd çəkirdim. indi isə çox adiləşib, vecimə deyil. Zülüm çəksəm də vecimə deyil. Çünki insanövladının təbiətində var öyrəşmək.
Hərdən bpd simptomlarımla birləşib çöküş yaşadır mənə. Amma yenə də toparlanmaq məsuliyyəti üstün gəlir. Həyatdı da, sözlük. Harada qopar, qopar.

black opium

Yves Saint Laurent istehsalı, uzun zaman sonra yeni favori parfümüm.
parfüm notları ortaya çox qəşənq qoxu çıxarır, hər istifadədə özümə aşiq olub özümü yeməyim gəlir -* həm də özümə libidom qalxır lol. Parfüm düşkünü olanlar anlayar bu fetişimi.

Üst notlarında armud, çəhrayı istiot, portağal çiçəyi, ürək notlarda jasmin və qəhvə, alt notlarda isə ağ sidr, vanil, paçuli var. bir aylıq stipimi verməyə dəyəcək qalıcılığı var, #341791 entirimdəki kimi duşda ortaya alt notdan vanilli çiçək qoxusu gəlir.

Son vaxtlar ürəyimcə ətir tapa bilmirdim deyə victoria's secret və yves rocher bədən spreyləri ilə hərlənirdim. indi isə çox xoşbəxtəm (söz6 günlük mode on). Başda şirintəhər armud qoxusu olur, notlar açıldıqca qəşəngləşir. Hot, sensual, party girl vibeı var. Gecə və soyuq havalarda daha yaxşıdır fikrimcə, amma tenimə çox yaraşdırdığım üçün gündüz də istifadə edirəm, onsuz gecə çox da çöldə olmuram lol.
Parfümə olan eşqimdən biraz tərifləmiş kimi oldum, xoşbəxtlikdəndir hamısı. -*

Cüzeppe verdi

1813-1901-ci illərdə yaşamış italyan bəstəkar.
19-cu əsrin ən nüfuzlu bəstəkarlarından sayılır və bütün zamanların ən böyük opera bəstəkarlarından biri hesab olunur. Ən məşhur əsərlərinə " Rigoletto", "Troubadour", " Traviata", "Aida" və " Otello" daxildir. musiqiləri fərqli melodiyaları, dramatik tağları və güclü xorları ilə tanınır və operaları günümüzdə də məşhurluğunu saxlayır. Son operası "Falstaff" ı səksən yaşında yazıb.

relativizm

Relativizm, mütləq həqiqətin olmadığını, həqiqətin fərd və ya mədəniyyətə nisbi olduğunu iddia edən fəlsəfi yanaşmadır. Yəni, doğru, yaxşı və ya dəyərli hesab olunan şey insanın mədəniyyəti, inancları və ya təcrübələri kimi xüsusi kontekstdən asılıdır.

Əxlaqi həqiqətlərin fərdlərə və ya mədəniyyətlərə nisbi olduğunu iddia edən əxlaqi relativizm, bilik və anlayışın fərd və ya mədəniyyətə nisbi olduğunu iddia edən epistemoloji relativizm də daxil olmaqla bir neçə fərqli relativizm növü var.

Relativizm və fərdlərin, mədəniyyətlərin hüdudlarından kənara çıxan obyektiv və mütləq bir həqiqətin olduğunu iddia edən mütləqiyyət (bax: absolutizm) ziddiyyət təşkil edir. Relativizm və mütləqiyyət arasındakı mübahisə fəlsəfə tarixində mübahisəli bir mövzu olub və bu gün də əhəmiyyətli bir araşdırma sahəsi olaraq qalır. Relativizmi dəstəkləyənlər bunun digər insanlar və mədəniyyətlər haqqında daha incə və hörmətli bir anlayış təmin etdiyini, tənqidçilər isə bunun obyektiv bilik və mənəvi tərəqqi ehtimalını pozduğunu iddia edirlər.

sifarişi verən: fövqəl insan

banditizm

Oğurluq, soyğunçuluq və ya ümumiyyətlə güc və ya məcburiyyət yolu ilə qanunsuz mülk sahibi olmağı əhatə edəm cinayət fəaliyyətidir. Yol soyğunçuluğu, quldurluq, qarət, müəssisələrin, bankların və şəxslərin silahlı soyğunçuluğu da daxil olmaqla müxtəlif formalarda ola bilər. Ümumiyyətlə banditlər, yəni quldurlar əsrlər boyu insan cəmiyyətinin bir hissəsi olublar və hərəkətləri tez-tez folklorda, əfsanələrdə və populyar mədəniyyətdə romantikləşdirilmişdir.

Tarixən quldurluq cinayətə şərait yaradan sosial, iqtisadi və siyasi şərtlərə reaksiya idi. Məsələn, iqtisadi çətinliklər dövründə insanların dolanışıqlarını təmin etməkdə çətinlik çəkdikləri zaman bəziləri sağ qalma vasitəsi olaraq banditizmə yönəlirdilər. Quldurlar qanunun aliliyinin zəif və ya ümumiyyətlə olmadığı və ya dövlət hakimiyyətinin məhdud olduğu bölgələrdə də görünür.

Dövrümüzdə banditizm adətən peşəkar cinayətkar qruplar və ya sindikatlar tərəfindən təşkil edilir və həyata keçirilir. Burada artıq qruplar cinayətlərini törətmək üçün qabaqcıl texnologiya və taktikalardan istifadə edirlər. Hədəfləri əsasən varlı insanlar, müəssisələri və maliyyə qurumları olur və məqsədlərinə çatmaq üçün şiddət və ya təhdidindən istifadə edirlər.

Banditizm cəmiyyətlərə və iqtisadiyyata əhəmiyyətli dərəcədə təsir göstərir, fərdlər, müəssisələr və hökumətlər üçün qorxu, məhv və maliyyə itkisinə səbəb olur. Quldurluqla mübarizə aparmaq üçün hüquq-mühafizə orqanları nəzarət, kəşfiyyat toplama və təqib daxil olmaqla müxtəlif strategiyalardan istifadə edirlər. Bəzi ölkələr, cinayətkar davranış ehtimalını azaltmaq üçün yoxsulluq, bərabərsizlik və zəif idarəetmə kimi banditizmin əsas səbəblərini aradan qaldırmaq üzərində çalışırlar.

sifarişi verən: hyperborean