yazarların başına gələn maraqlı hadisələr

Bu gün nizami m/s tərəfdə imtahandan çıxdım, metroya düşürdüm evə gəlim deyə. Yolüstü keçid üçün yaşıl işığı gözləyəndə turist qadın rusca buralarda gürcü restoranının hansı tərəfdə olduğunu soruşdu. başa düşdüm, amma şübhəli qaldım deyə dedim rusca bilmirəm. Qayıtdı türkçə təkrar etdi, kırım türkü imiş. Mən də dedim bilmirəm, amma google map ilə baxıb taparıq. Mapdə ən yaxın "gürcü mətbəxi"ni tapdım, piyada 16 dəqiqəlik yol idi. onsuz bikar idim, həm də mənə həmişə maraqlı gəlib yad insanlarla nəsə macəra yaşamaq. Qadını yanıma saldım, gedirik xəritənin göstərdiyi yolla. Qadın da dil-ağız edir ki, bəs əziyyət çəkirsən, çox sağ ol. Mən də dedim eybi yox, onsuz bikaram da.
Yol getdikcə mərkəzdən uzaqlaşır, öz-özümə fikirləşdim ki, restoranı niyə bu qədər uzağa, ins-cins olmayan yerdə tikiblər. nəyinsə doğru olmadığını hiss edirdim içində, bir tərəfdən də ac idim deyə, düşünürdüm qadın xaçapuriyə qonaq edər bəlkə məni. Gəlib çatdıq xəritdə göstərilən yerə və... balaca pub, butka kimi antisanitar yer. nəinki gürcü mətbəxi, heç mətbəxlik görünüşü yoxdur. dilim tutulub, bu istidə yazıq qadını (55 yaşı olardı) yanıma salıb gətirdim, nəticə də bu. Qadını da gülmək tutub, amma ürəyində söyürdü yəqin mənə. Xaçapuri ümidiylə 28-ə gəlib çıxmışdıq. Kor-peşman qayıtdıq, mən də yolüstü metroya girdim sağollaşıb. başqa yerə gedək deyə təklif etdim, amma mənə inamı qırılmışdı, dedi narahat olma, taparam...
Həmişə filmlərdə görüb həsəd apardığım tanımadığın insanla macəraya çıxmaq şansım oldu, amma xəyallarımdakı bu deyildi...

elfen lied

izlədiyim animelər içində ən mükəmməl soundtracka malik, intorsu bol-bol *gustav klimt* referansları ilə dolu olan 13 bölümlük, 2004-cü il istehsalı anime.
dinləmədən keçməyin, məncə...

(youtube: )

(youtube: )

(youtube: )

bubble

2022-ci ildə netflixdə yayımlanan anime film. Rejissoru "*death note*" və "*attack on titan*" ilə tanınan *tetsuro araki*dir.

Mükəmməl vizuallığı, rəng çalarları və animasiya effektləri olan, amma bomboş, mənasız, sıxıcı və məntiqsiz hekayəsi olan animedir. Senarisi eləbil 5 yaşlı uşaq tərəfindən yazılıb.

bir gün tokyoya köpüklər yağmağa başlayır və partlayış olur. Şəhəri böyük balincuq mühasirəyə alır və su basır. Buna görə tərk edilir, amma evsiz uşaqlar burada məskunlaşır və parkur yarışları keçirir və s.

Treylerdə vizuallığa aşiq olub izlədim, gözləntilərimin çoox aşağısında qaldı. vaxt itkisi tamamən. vizuallığı gözəl, mənalı bir şey istəsəniz, "*princess mononoke*" izləyin məsələn.

jeanne dielman, 23, quai du commerce, 1080 bruxelles

Feminist və minimalist filmləri ilə tanınan chantal akermanın uzunmetrajlı filmi. Filmin müddəti həqiqətən də uzundur, 3 saat 21 dəqiqə.

Film fransanın feminist filmləri arasında ilk yerlərdə dayanır. Orta təbəqəyə məxsus evdar qadanın monoton, gündəlik rutinlərdən ibarət 3 günü təsvir edilib. Gənc oğlu ilə yaşayan dul qadının gündəlik həyatı ən kiçik, sadə detallara qədər göstərilir, heç nəyin üstündən keçilmir. Qadının etdiyi hər iş - təmizlik, ev işləri, yemək bişirmək, oğluna qayğı göstərmək və s. Detallı şəkildə göstərilir, hər şeyin necən əzbər rutinə çevrildiyi görünür. Film çox yavaş irəliləyir, amma keçən vaxt ərzində baş personajın psixologiyası da stabilliyini itirir və bir yerdə rutinlər qırılır. Filmin sonu mənim üçün gözlənilməz bitmişdi biraz.

Filmin çəkilişində heyət yalnız qadınlardan ibarət olub. Dul bir qadının üç gününü təsvir edən filmdə rejissor qadınların cəmiyyətdəki öhdəliyini, məsuliyyətlərini, gözardı edilmiş monoton gündəlik həyatlarını müzakirəyə açır. Bir növ qadınların bu həyat tərzini "kimə görə, nəyə görə?" deyə sorğulayır.

Filmi kiməsə məsləhət görərəm? Bilmirəm. Çünki izləyərkən sıxılmaq qaçınılmazdır, mən belə sıxılmışdım. Amma həqiqətən yaxşı filmdir. Bikarsınızsa və maraqlı gəldisə izləyin ancaq.
Alternativ olaraq hilal baydarovun "birthday" filmini önərə bilərəm, oxşar süjet xəttləridir yekunda.

Filmin treyleri:

(youtube: )

(youtube: )

sözaltı günlük

dear diary, i'm completely fucked up but not dead yet. it hurts living like this.

Mental, fiziki, zehni olaraq yorğunam və çöküşdəyəm. Bir müddət öncə yenidən antidepresant qəbuluna başladım. Həkim bərk-bərk tapşırdı özbaşıma dərmanı dayandırmayım deyə. But guess what? dərmanın verdiyi iyrənc hissizlik duyğusundan iyrəndim, yenə kəsdim özbaşıma. Özümü bomboş, hissiz, ot kimi hiss edirdim çünki. indi çəkdiyim əzab daha yaxşıdır. Heç olmasa nəsə hiss edirəm.

yemək və yuxu rejimim, əsəb sistemim tamam pozulub. Yediyimi qaytarırdım deyə günümü kofe və siqaretlə keçirirdim. o dəfə bacım bildi çəkdiyimi. əsəbiləşəcək deyə gözləyirdim amma dinlədi məni, hönkürüb ağlayanda qucaqladı. bir də çəkməyim deyə xahiş etdi. ondan bəri çəkməmişəm. Evdəkilər də durumun ciddiliyini görüb, deyəsən. O dəfə psixoloqa getməyimi məsləhət gördülər.

insanlara tab gətirə bilmirəm. 3-4 dostum xaric yazan hamı əsəbimə toxunur istəmsizcə. Hamını bloklasam da ayıb olar. Hər şey nə ara belə qarışıqlaşdı, ipin ucunu harada itirdim, bilmirəm. Çıxa bilmədiyim kordöngüdəyəm.

Entrini tamamlamağa da hal yoxdur, fikrimi də toparlaya bilmirəm zatən. Hər nəysə

(youtube: )

75-ci cannes film festivalı

bu il 17-28 may tarixləri arasında keçiriləcək.
Bu ilki poster "*the truman show*" əsasında dizayn edilib, çox bəyəndim mən, sadə və gözəldir.


əl-ayağımı titrədən *palme d'or* mükafatının gözəlliyi, zərifliyi oldu. ilahi! 75-ci ildönümə özəl çəhrayı kvars * hansı ki, sevgini simvolizə edir üzərində qızıl palma budaqlı mükafat hazırlayıblar. Gördükcə içim titrəyir, bir mükafat ancaq bu qədər gözəl ola bilər. Görəsən, hansı bəxtəvər qazanacaq o gözəlliyi...


Festivalın qaliblərini və gedişatını 4 gözlə gözləyirəm. "*crimes of the future*" və "*kurak günler*" festivalın ən çox haqqında danışılan filmlərindəndir.

teknofest

"“Teknofest Azərbaycan” tədbirinin 2022-ci ilin 26-29 may tarixlərində "Bakı Kristal Zalı" və Dənizkənarı bulvar ərazisində keçirilməsi planlaşdırılır. Festivalın təşkilatçıları “Türkiyə Texnologiya Komandası” - T3 Fondu, Azərbaycan Respublikasının Rəqəmsal inkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyidir.

“Teknofest” Türkiyənin ən böyük aviasiya, kosmos və texnologiya festivalıdır. Tədbir “Türkiyə Texnologiya Komandası” – T3 Fondu və Türkiyə Respublikasının Sənaye və Texnologiya Nazirliyi tərəfindən 2018-ci ildən etibarən hər il təşkil olunur.

Azərbaycan ilk dəfə 2021-ci ildə “Teknofest” Aviasiya, Kosmos və Texnologiya Festivalında iştirak edib. Festivalın sərgi hissəsində Rəqəmsal inkişaf və Nəqliyyat Nazirliyi tərəfindən qurulmuş Azərbaycan Milli Pavilyonunda 11 yerli şirkət və startapın məhsul və həlləri nümayiş olunub, həmçinin ölkəmizin yerli istehsalı olan pilotsuz uçuş aparatları sərgilənib. Tədbir çərçivəsində təşkil olunan hava şoularında Azərbaycan Hərbi Hava Qüvvələrinin peşəkar pilotları “MiQ-29” qırıcı təyyarələri ilə solo pilotaj uçuşları həyata keçiriblər.

“Teknofest” Aviasiya, Kosmos və Texnologiya Festivalının Türkiyədən kənarda ilk dəfə Azərbaycanda keçirilməsi iki ölkə arasındakı dostluq, qardaşlıq və strateji müttəfiqlik əlaqələrinin növbəti təzahürüdür.

“Teknofest Azərbaycan” çərçivəsində 8 kateqoriya üzrə texnologiya müsabiqələri, “Smart Qarabağ” Hakatonu, “Take Off” Azərbaycan Startap Sammiti və “Rocket League” video oyunu üzrə Avropa Kiber idman Kuboku təşkil olunacaq.

Tədbirin sərgi hissəsində tərəfdaş qurumların məhsul və həllərinin, eləcə də gənclərin hazırladıqları prototiplərin və STEM layihələrin nümayiş olunması, açıq səma altındakı statik ərazidə isə pilotsuz uçuş aparatları və vertolyotların sərgilənməsi nəzərdə tutulur.

Festivalın əyləncə proqramına Azərbaycan Hərbi Hava Qüvvələrinin, eləcə də Türkiyənin “Türk Ulduzları” və “Solo Türk” aerobatika komandalarının nümunəvi pilotaj uçuşları, böyük səhnədə incəsənət xadimlərinin çıxışları, şaquli külək tuneli, su attraksionları, uçuş simulyatorları, robotlar və s. daxildir."

©️ link

iticket saytından pulsuz bilet əldə edə bilərsiniz, maraqlı olacağa oxşayır. Tədbir müddətində şəhərdən festivala pulsuz avtobus xidməti işləyəcək.

katok i skripka

*andrey tarkovski*nin 1961-ci ildə film məktəbindən məzun olmaq üçün çəkdiyi 46 dəqiqəlik diplom işi filmi. şirin, qısa, sadə və gözəl filmdir.

7 yaşlı Saşanı valideynləri skripka öyrənmək üçün hazırlığa qoyub. Yaşıdları "musiqiçi" deyə lağa qoyur, bullinqə məruz qalır. Katok sürücüsü Sergei onu müdafiə edir və dostlaşırlar.

insanın içini isidən filmdir. Heç bir mürəkkəblik, qurğu yoxdur, hər şey çox sadədir. Tələbəlik filmi olsa da, kamera bucaqları çox qəşəngdir filmdə. Eləcə də acting. Dostluq və valideyn-uşaq münasibətləri gözəl nümayiş edilib. izləməyə dəyər.

(youtube: )

everything everywhere all at once

A24 studiyasının 2022-ci il istehsalı filmi. sci-fi, qara yumor, komediya, aksiyon - qısacası, nə janr desəz içində var.
Filmdə baş qəhraman çinli miqrant Evelyn Wang'dır. işlətdikləri çamaşırxana vergilər içində batır, əriylə münasibətləri korlanır, qızının lezbiyan olmasından şikayətçidir, hər işinə qarışan yaşlı atası var. anidən ərinin paralel kainatdan olan versiyası peyda olur, dünyanı xilas etməyin evelyndən asılı olduğunu deyir.

Filmin tərzi başda zövqümə xitab etməsə də, yarım saat çəkməmiş məni özünə bağladı. hər şey çox maraqlı, nəfəskəsən irəliləyir deyə adam sıxılmır. Filmdə boşluq, mənasız yerə senariyə daxil olan heç nə görmədim mən. o qədər absurd, sürreal səhnələr var idi ki, adam şok olub gülməkdən başqa heç nə düşünə bilmir. Paralel kainatlara keçdikcə rəng paletləri və tərzlər dəyişirdi ki, bu da ayrı qəşəng idi. Döyüş səhnələrindəki kamera aspektləri maraqlıydı. Film özündə çox janrı birləşdirsə də əsas xətti nihilizm kimi vurğulanır. izlədikdən sonra insana sorğuladır bəzi şeyləri. 2022-ci ildə çıxmış ən yaxşı filmlərdən deyə bilərik, məncə.

Fikrimcə, parallel kainat mövzusunda çəkilmiş ən yaxşı filmlərdən biridir. Hamı dörd gözlə eyni mövzulu " doctor strange: in the multiverse of madness"in çıxmasını gözləyir. "Everything, everywhere, all at once" onun qədər populyar olmayacaq çox güman, izləyək görək.

comptia a+

*Computing Technology Industry Association** Hesablama Texnologiyalarının Sənayesi Assosiasiyası ın sertifikasiya proqramı, ya da sertifikatı deyək. Nəhayət bu gün əldə etdim mən də, sevincimi sizlə bölüşüm jeje.

Qısaca məlumat versəm, CompTIA A+ sertifikatı namizədin kompüterin aparat və proqram təminatı üzrə ixtisaslaşdığının göstəricisidir. *iT* sahəsində olan beynəlxalq səviyyəli sertifikatlardan biridir. *Microsoft*, *Oracle*, *Cisco*, *Dell*, *HP* kimi şirkətlər də dəstəkləyir sertifikatı.

CompTIA A+-in ən son versiyası CompTIA A+ 2015 Edition sayılır. Sertifikatı əldə etmək üçün iki imtahandan keçmək lazımdır: CompTIA A+ 220-901 və CompTIA A+ 220-902.

CompTIA A+ imtahanları başlanğıc səviyyədə olan iT mütəxəssislərə lazım olan bacarıqları, ən azı 12 aylıq iş təcrübəsi və ya laboratoriya şəraitində iş bacarıqları nəticəsində əldə etdikləri bilikləri qiymətləndirir ümumən. Əsas olan müştərinin tələbləri əsasında komponentləri yığmaq bacarıqlarıdır. həmçinin, qurğuları, kompüterləri və proqram təminatını quraşdıra, konfiqurasiya edə və lazımı işləri bacarmaq lazımdır. Bir də şəbəkə və təhlükəsizlik texnologiyalarının əsaslarını başa düşülməlidir.

Sertifikatın yararlılıq müddəti 3 ildir. Sertifikatı təzədən təsdiq etmək üçün ən son A+ imtahanlarından keçmək və ya CompTIA-nın Davamlı Təhsil (Continuing Education, CE) proqramına qatılmaq lazımdır. CE proqramı müvafiq sənaye biliklərinin başa düşülməsini göstərən təsdiqlənmiş tapşırıqlara cəlb olunmaqla Continuing Education Units (CEU) qazanmaq imkanı verir. A+ sertifikatını yeniləmək üçün iyirmi CEU əldə etmək və CE proqramına illik 25 dollar ödəniş etmək lazımdır.

Cisco CCNA, CompTIA Network+ və Microsoft MCSE kimi sertifikatları A+ sertifikatından sonra alan zaman CEU-lar tam şəkildə əldə edilmiş olur. CE proqramı haqqında ətraflı məlumat da CompTIA-nın saytında var.

the spirit of the beehive

1973-cü ildə *victor erice* rejissorluğu ilə çəkilmiş tarixi dram janrında film.
Film 1940-cı illər *ispaniya vətəndaş müharibəsi*nin bitdiyi və xalqın general franconun tabeliyində olduğu ağır dönəmdə keçir.
6 yaşlı Ana sinemada *james whale* rejissorluğu ilə çəkilmiş "*frankenstein*" filmini izlədikdən sonra ağlına suallar ilişir, filmdəkilərin niyə öldüyünü 10 yaşlı bacısından soruşur. bacısı da bicliyinə salıb onların əslində ölmədiyini və ruh kimi qaldıqlarını, gözlərini bağlayıb çağırsa danışa biləcəyini deyir. Və tərkedilmiş, önündə quyu olan evi göstərib ruhun orada yaşadığını deyir. Ana ruha qarşı obsessiv maraq bəsləyir, ardınca isə hadisələr cərəyan edir.
Uşaqların anası xəyali sevgilisinə məktublar yazır, atası isə arıçıdır və "the spirit of the beehive" adlı əsəri üzərində çalışır.

Filmdə sarının isti tonnları çoxdur və olduqca gözəldir. Çəkilişlər zamanı vizualist Luis Cuadrado görmə qabiliyyətini itirirdi artıq. Filmin polaroidlərinə lupayla baxaraq rəng tənzimləmələri edib və ortaya möhtəşəm iş çıxarıb.
Filmdə obrazların adı heyətin real həyatdakı adıdır. Ana Torrent Ana rolunu canlandırarkən 6 yaşında olub və frankensteinin varlığına inanırmış. Filmdə obrazı tam makiyajlı halda görəndə ilk qorxmuş, daha sonra qızı (1931 istehsalı filmdə) niyə öldürdüyünü soruşub.

Gözəl filmdir, insanı kədərləndirir və gülümsədir eyni zamanda. izləməyinizi önərirəm.

the fool

(bax: durak)
*yury bykov* rejissorluğu ilə çəkilmiş 2014-cü il istehsalı film.
Film dürüst, vicdanla yaşayan sadə bir santexnik haqdadır və qısa bir period, təxminən 24 saatı əhatə edir. 800 sakini olan köhnə binanın çökəcəyini hesablayır, insanları xilas etmək üçün bütün qurumları ayağa qaldırmağa çalışır. Buna görə də "durak"* səhef dır. çünki korrupsiya qaynayır hər şey.
--spoiler--

senari birazca şablon, amma yenə də möhkəm idi. rüşvət, özbaşnalıq, sonu pis bitən vicdanlı elm adamı, bədbəxt aşağı təbəqə insanlar. son da gözlədiyim kimi oldu elə. amma yenə də sıxılmadan izlədim. özünəməxsus vibe vardı filmdə, ya da mənə elə gəldi. korrupsiya halları indiki rusiyanı yaxşı göstərib, elə azərbaycanı da görək olar filmdə.

filmin ab-havası soyuq idi, üşütdü. "spokoynaya noch" da yerinə düşmüşdü. vizuallıq olaraq rəng paletləri daha qəşəng ola bilərdi, məncə. biraz da məntiq xətaları vardı. nəsə boşluqlar hiss olunurdu, daha yaxşı ola bilərdi. sonluq filmdə göstərilməsə də, təxmin edə bilirik.

--spoiler--

insanların necə də qədirbilməz, yaxşılığa dəyər vermədikləri çox gözəl göstərilib. sən onlar üçün özünü həlak eləsən də, nafilə. bəzi insanlar cahillik bataqlığına məhkumdurlar.

"- heyvanlar kimi yaşayıb heyvanlar kimi ölürük, çünki bir-birimiz üçün heç kimik".

yenə də, filmi bəyəndim deyə bilərəm. 7/10 ola bilər yekun qiymətim.

Bu səhnə də burada qalsın

(youtube: )

the killers

(bax: Ubiytsy)
*andrey tarkovski*nin 1956-cı ildə üçüncü kursda oxuyarkən qrup yoldaşları Alexander Gordon və Marika Beiku ilə birgə çəkdiyi *debut* filmi. *Ernest Hemingway*in seçilmiş əsərlər toplusu ssri-də təzə yayımlanan vaxt tarkovski onun "The Killers" hekayəsi qısa film çəkməyi önərir. "Reaalıqla dolu trajik bir hekayə". Layihə rəsmi olaraq təsdiqlənir və ilk dəfə tələbələrin xarici bir material üzərində film çəkmələrinə icazə verilir. Film toplam 19 dəqiqədir və üç hissədən ibarətdir. Kafedəki ilk və son səhnələr Tarkovski, Andresen'in otağındakı orta səhnə isə Gordon rejissorluğu ilə çəkilib.

Bütün rollar tələbələr tərəfindən oynanıb - Gordon kafe sahibi, Tarkovsky "Voice of America" yayınlarınından eşitdikləri "Lullaby of Birdland" mahnısını fitlə oxuyan müştəri idi. Mahnı 1950-ci illərin azadlıq simvolu olaraq qəbul edilmişdi və 1920-ci ildə Hemingway tərəfindən yazılan hekayəyə daxil olması Tarkovskinin ideyası idi. Film çəkilib bitdikdən sonra müəllimləri tərəfindən bəyənilib.

--spoiler--

Film kafeyə gəlib öldürəcəkləri adamı gözləyən 2 qatil, kafe sahibi, kafedəki müştəri və aşpaz arasında keçən bir neçə gərgin dəqiqəni bizə göstərir. Tarkovski çəkib deyə tərifləməyəcəyəm, çünki film heç də yaxşı deyil. Noir və dark humor, birazca da thriller janrında deyə bilərik. kölgə, kamera bucağından filan biraz tarkovski vibe almaq olur, amma o deyil. Düzü, aşağı büdcə ilə çəkilmiş tələbə filmi olduğu üçün çox gözləntim də yox idi. Ona görə elə də böyük məyusluq yaşamadım.
ilk olaraq, kamera, işıqlar filan möhtəşəm deyildi. Aktyorluq da həmçinin. Hamısı həvəskar heyətdir, anlaşılandır bu.
Əsas boşluq senaridədir, hər şey çox absurd bitir. Bir insan öldürüləcəyi xəbərini eşidir və sadəcə uzanır, yerindən çıxmaq istəmədiyini deyir. Senari hemingway tərəfindən yazılmış qısa hekayəyə əsaslanıb, yenə də, boşluq hiss olunur.
Bir də təbii ki, irqçilik. Yəqin əsas hekayədə tənqidi olaraq göstərilib aşbaz (kölənin) zənci olması.

--spoiler--

izləməyə dəyməz, fikrimcə. Yekun qiymətləndirməm 4/10. Tarkovskinin qalan 7 tammetrajlı filmini izləmək bəs edər.

the adam project

*shawn levy* rejissorluğu ilə çəkilmiş və *ryan reynolds*un baş rolda olduğu, netflixdə yayımlanan *sci-fi* filmi.

Film bəzi şeyləri dəyişmək üçün keçmişə, özünün 12 yaşında olan halının yanına qayıdan 30 yaşlı adam reed və bu zaman ərzində yaşadığı macəralar haqqındadır.

netflixdə ən çox izlənən 4-cü filmdir hal-hazırda. lakin, film gülünc dərəcədə bərbaddır. izləyicini axmaq yerinəmi qoyublar, yoxsa bacardıqlarımı budur, bəlli deyil. bir sci-fi filmi belə olmamalıdır, fikrimcə.

ilk olaraq aktyorların işindən başlayaq. bərbad deyil, amma mükəmməl deyib heyran olunacaq işləri yoxdur ortada.
effektlər desən, o da bərbaddır. sanki həvəskar kimsə başdansovdu düzəldib.
Senaridə isə hədsiz boşluqlar var. *Zamanda səyahət* mövzusu biraz məsuliyyət istəyir, gərək detalları götür-qoy edəsən. məntiqi açıqlaması olmayan xətalarla film çəkmək, idk. tək sözlə, "trash".

film 12 yaş ətrafı auditoriya üçün maraqlı olub bəyənilə bilər, amma vaxt itirməyə dəyməz.
4/10 ilə qiymətləndirdim mən.