nihalny

140 0 0 0

3. nəsil partizan

Entry: 140

blok başlıqlarını gizlət

absinthe

beş il sonra özünüzü hard

euphorion

ovogenez

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

Üz baxımı və dəriyə qulluq

+51 əjdaha

üz baxımı və dəriyə qulluq istər qadın, istər kişi olsun hərkəsin müəyyən dərəcədə etməsi lazım olan birşeydir. hərənin bununla əldə etmək isədiyi nəticədən aslı olaraq isə dərəcəsi arta və azala bilir. ən önəmli faktorlardan biri isə büdcədir. almağa başlamadan öncə büdcənizi nəzərə almalı ona uyğun məhsullar və alternativlər tapmalısınız.
ilk öncə onu deyim ki, evdə məişət məhsullarının əksəriyyətinin (bax: limon) (bax: yumurta) üzə tətbiqinə qarşıyam və entrymdə bunlara demək olar ki, yer verilməyəcək. qarşı olmağımın da tutarlı səbəbləri var və xüsusi ilə problemli dəriniz varsa uzaq durulmalı olan şeylərdir. ilk öncə müsbət reaksiya verirmiş kimi görünsə də bilməm alma sirkəsi, soda, limon kimi şeyləri qarışdırıb tonik kimi istifadə etmək uzun vədədə daha da dərinizin qoruyucu bariyerini pozaraq, problemlərinizi əksər hallarda artıracaqdır. aloe məsələn birçox baxım məhsullarının tərkibində görmək olar. amma niyə evdə məsləhət görmürəm? çünki məhsulların tərkibində istifadə olunan aloe xüsusilə üz üçün qıcıqlandırıcı ola biləcək şeylərdən təmizlənir və beləliklə dərinizdə əks reaksiya vermə ehtimalı 0-a enir. (təbii ki, məhsulun keyfiyyəti və orijinallığından çox şey aslıdır) kimsə gəlib deyə bilər ki, mən üzümə bunları etdim evdə üzüm çox yaxşı oldu. ne mutlu sizə -* amma hər dəri individual olduğu kimi əksər problemli xüsusilə də səpgiyə meyilli və həssas dərilər üçün problemi birə beş artıran şeylərdi bunlar.
gəlin keçək qulluğa. ilk öncə hamının etməsi gərəkən iki bəsit addım var: üz yuma və nəmləndirmə. üz yuma yenə də problemdən və dəri tipindən asılı olaraq individual olmalıdır. tərkibi çox kəskin olduğu üçün dəridə bütün nəmi aşındıraraq dərinizi saharadan daha quru edəcəyi üçün sabunla üz yumaq qətiyyən məsləhət görülmür. aha yağlı dərim var, sabunla yusam balanslaşacaq deyə də düşünməyin çünki dərinizdəki bütün nəmi apardıqdan sonra sabun, bir müddət quruyan dəriniz bunu kompensasiya etmək üçün daha çox yağ ifraz etməyə başlayacaq. ona görə də məqsəd dərini qurutmaq deyil balanslaşdırmaq olmalıdı. hər dəri növünə uyğun, istənilən qiymətdə üz yuma gelləri, köpükləri var. kiçik bir axtarışla özünüzə uyğununu tapa bilərsiz. Səpgiyə meyilli dərilər tərkibində salisil turşu, benzoyl peroxide kimi aktiv inqredientlər olan məhsullara, quru dərilər isə daha yumuşaq və nəmləndirici üz yuma gellərinə üstünlük verə bilərlər.
ikinci hamı üçün önəmli olan etap isə nəmləndirmədi. yenə də üz yuma kimi burda da hər növ, çeşitbəçeşit məhsullar var. normal dərili insanlar üçün xüsusilə asan olan bir hissədir. lakin problemli dəriniz varsa arko kremlərindən uzaq olun tərkibinə baxsaz içi dərinizi daha da problemli edəcək inqredientlərlə zəngindir. ümumiyyətlə inqredientlər ilə müəyyən tanışlıq problemli dərili insanlar üçün önəmlidir. elə bunu nəzərə alaraq da işinizi rahatlatmaq üçün məhsulların tərkibini analiz edən xüsusi saytlar da yaradıblar -*
http://cosdna.com/eng/
https://incidecoder.com/
inqredientlərdən danışmışkən əksər məhsullarda qaçmalı olduğunuz alkohol denat və digər "pis alkoqollar" var məsələn. yuxarıdakı entrylərdən birində də bunun haqqında danışılıb deyə çox uzatmadan belə bir tips verə bilərəm ki cet"yl" alcohol, stear"yl" alcohol kimi sony "yl" ilə bitən spirtlərin əksəriyyəti(!) yaxşı alkoqol sayılır və əksərən problem yaratmır. Amma alcohol, alcohol denat, ethanol və s. kimi inqredientlər gördünüzsə işıq sürəti ilə uzaqlaşın. Digər problemli və həm də problemsiz sayıla biləcək inqredient ətir(fragnance, parfum) ola bilər. Əslində məhsullarda heçbir işə yaramayan bu tərkib hissəsinin tək məqsədi məhsula daha xoşagəlimli iy verməkdir. Yəni ki, olub olmamasının məhsulun effektliyinə qətiyyən təsiri yoxdu. Lakin birçox həssas dərili insanlar üçün əsl problem mənbəyidir və həssas dərili insanlar gördükləri yerdəcə qaçmalıdırlar. Normal dərili insanlarda da problem yaratma şansı var, lakin əksər insanlarda aşağı dozalarda istifadə olunduqda problem olmur. (aşağı deyirəm çünki özüm məsələn vichy ağ gil maskasındakı kəskin ətirdən çox narahat olsam da, elizaveccanın hyaluron turşusu tərkibli serumundakı cuzi miqdarda ətir problem yaratmadı). Xüsusilə üz yuma vasitələrində gördüyümüz və çalışdıqca üst sırada olduqda ikinci dəfə düşünməli olduğumuz bir tərkib hissəsi sodium laureth sulfate kimi sulfatlar ola bilər, çünki uzun müddətli istifadədə əksər hallarda dərinin lipid mantiyasını zədələyir. Xoşbəxt olmayan dəri isə özü ilə birlikdə problemləri də gətirir. Səpgiyə meyilli problemli dərilərin qaçmalı olduğu inqredientlər isə efir yağlarıdır. (bknz: essential oils) Bunlara məsələn ginger, jasmine, lemongrass əsasən nəmləndiricilərin tərkibində rast gəlinən yağlar aiddir. Lakin bütün yağlarmı pisdir səpgiyə meyilli insanlar üçün? xeyr, məsələn rosehip, squalane, grapeseed kimi yağlar əsasən "acne safe" sayılır və əksər hallarda problem yaratmır. hardasa kokos yağının isə səpgili dərilər üçün möcüzəvi inqredient olduğunu oxusaz, həmin yerdən və reklam olunan məhsuldan uzaqlaşın, çünki tam əksidir deyə bilərik. Daha çox su bazlı və hyaluron turşusu tərkibli nəmləndiricilər sizin dostunuz sayıla bilər. Bəs quru dərilər? onlar üçün təbii ki, daha ağır nəmləndiricilər lazım olacaq. Xüsusilə qışa nəmləndiricilərini qurşanaraq hazırlaşmalıdılar çünki bu onların ən ehtiyacı olacağı silahdır. Ümumilikdə, quru dərilər üçün nəmləndiricilərdə əksər ingredientlər problem yaratmasa da ən sevilənlər yenə də hyaluron turşusu və gliserindir deyə bilərəm.
Bu ikisini baza olaraq götürsək digər məhsulları problemə və məqsədinizə görə seçərək bu ikisinin arasında istifadə edə bilərsiz. istifadə etmə sırasına görə hər biri haqqında qısa yazacam.
üzümüzü yuduqdan sonra istifadə edə biləcəyimiz ilk məhsul tonik və ya essensiyadır. üz yuma vasitələrinin phi dərimizdən fərqləndiyinə görə əsasən üzün ph balansını tənzimləmək və üz yuyarkən dərinin itirilən nəmini qaytarmaq funksiyası daşıyır. o qədər də önəmli bir mərhələ deyil, olsa da olar olmasa da. çox quru dərilər nəmləndirici toniklərdən daha çox fayda görə bilərlər.
tonikdən sonra istifadə edə biləcəyimiz məhsul toner və ya lasyondur. yağlı və səpgiyə meyilli dərilər üçün önəmli olan tonerin məqsədi dərini dərindən təmizləməkdir deyək. əsasən tərkibində turşular olan tonerlər istifadə olunur və bu turşular özləri isə aha və bha olaraq iki yerə bölünür. Aha (baxma: alpha hydroxy acids) dərinin daha üst qatlarında işləyir və əsasən quru dərili insanlara məsləhət görülür. Dərinin üst qatındakı ölü dərini təmizləyərək, dərinin yenilənməsini sürətləndirir. Aha turşuların ən çox istifadə olunanlarına glycolic acid, mandelic acid, lactic acid misal göstərə bilərik. Bha (baxma: beta hydroxy acids) turşuların ən çox istifadə olunanı isə tez-tez gördüyümüz salisil tuşusudur. burda bir daha turşu sözünü vurğulamaq istəyirəm, spirt deyil salisil turşusu. salisil spirtinin tərkibində salisil turşusu olsa da əsas tərkibi etil spirtidir hansı ki əvvəldə də etil spirtindən uzaq durmalı olduğumuz demişdik. maksimum istifadə edəcəyiniz yer tutalım ki, nəyisə sıxdız üzünüzdə üzərindən dezinfeksiya etmək üçün vura bilərsiz. bunu da dərini daha az qurudan dəri üçün antiseptik məhlul olan xlorheksidinlə əvəz edə bilərsiz. qiyməti təxminən spirtlə eyni civarda olmalıdır. nəysə ki qayıdaq bha turşulara, bunlar dərinin aha turşularından daha dərin qatlarında da işləyərək məsamələri dərindən təmizləyir. ona görə də problemli dərilər üçün xüsusilə faydalıdır deyə bilərik. alarkən diqqət etməli olduğunuz nüans tərkibində salisil turşusunun miqdarının 2%dən çox olmamasıdır, çünki ondan çoxu evdə istifadə etmək üçün münasib deyil və dərinizi daha da zədələyə bilərsiz.
bundan sonra artıq serumları, boosterləri nə istifadə edirsinizsə əlavə edirsiz nəmləndiricidən öncə. bunlar isə yenə də problemə uyğun seçilir. məsələn yaşlanma əleyhinə retinol, collagen, CoQ10, piqmentasiya əleyhinə yenə də retinol, vitamin c, niacinamide tərkibli, səpgilər əleyhinə retinol, salisil turşu, azelaic acid, niacinamide kimi, quruluq üçün isə hyaluron turşusu tərkibli serumlar işlətmək olar. Əgər həkimin yazdığı və ya istifadə etdiyiniz topikal krem və ya maz varsa o da ya bu mərhələdən sonra, ya da nəmləndiricini dəriyə tətbiq etdikdən bir müddət sonra istifadə edə bilərsiz.
Səhərlər nəmləndiricidən sonra istifadə etməli olduğunuz və çox önəmli olan gündən qoruyucu kremi isə unutmayın. Xüsusilə də dəriniz həssasdırsa, və ya turşular, retinol, vitamin c, tretinoin, adapalene kimi məhsullar varsa rutininizdə günəşdən qorunmaq çox önəmlidir, çünki hər biri günəşə qarşı həssas edir dərini və piqmentasiya riskini artırır. Ümumiyətlə isə günün ultrabənəvşəyi şüaları dəri xərçənginin ən başlıca risk faktorlarındandır, ona görə də spf deyib keçməyin.
Digər də həftədə bir-iki dəfə gil, nəmləndirici maskalar və başqa məhsullar da əlavə edə bilərsiz. Gündəlik makyaj istifadə edirsizsə axşam misellar su, hirofil yağ və ya balm ilə iki mərhələli təmizləmək önəmlidir dərinin tam makyajdan təmizlənməsi üçün.
Evdə illa da nəsə etmək istəyirsinizsə ağlıma gələn, xüsusilə də quru dərilər üçün işə yaraya biləcək məhsul yəqin ki, baldır. təbii humektant sayıldığı üçün maska kimi istifadə etmək olar. Amma bunun üçün tərkibində şəkər qatılmamış təbii bal tapmaq önəmlidir. yəni ki, hər əlinizə gələn balı da üzünüzə sürtməyin. Problemli, səpgili dərilər isə işlədərkən daim ehtiyatlı olmağı unutmamalıdırlar.
Quru dərilər üçün isə nəmlədiricinin üzərindən vazelin(saf petrleum jelly amma) sürtmək qışda çox kömək edə bilər, lakin vazelinin özü okklusivdir, yəni nəmləndirici xüsusiyyəti yoxdur sadəcə dəridəki nəmi dəridə saxlamağa kömək edir. Yəni ki, nəmləndirici istifadə etmədiyiniz halda dərinizə çox da köməyi olmayacaq.

32 əjdaha! 02.02.2021 03:45, nihalny

#319102 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

blue period

+36 əjdaha

1901-1904cü illər arasında *Picasso*'nun göy tonların üstünlük təşkil etdiyi rəsmlər çəkdiyi dövrə verilən ad.
Fransada və ya ispaniyada başlayan bu dövrün başlamasının əsas səbəbi olaraq Picasso'nun yaxın dostu Casagemas'ın intiharı düşünülür. Onun ölümündən sonra depressiyaya girən Picasso'nun rəsmlərinin əsas mövzusu aşağı təbədəqən- əxlaqsız qadınlardan, dilənçilərdən, sərxoşlardan təşkil olunmağa başlayır. Dostunun ölümündən az sonra çəkdiyi "la mort de Casagemas"da (Casagemas'ın ölümü) hələ də isti tonlar olsa da, Bu əsər *blue period*un ilk nümunəsi sayılır.

1901ci ilə qədər Picasso çox uğurlu gənc rəssam kimi dəyərləndiriləsə də *The blue period*un başlanmasıyla insanların ona marağı itmiş və əksər insanlar melanxolik rəsmləri almaq və ya evində sərgiləmək istəməmişlər. Buna baxmayaraq bu dövrə aid əsərlərin bir çoxu hal-hazırda *Picasso*'nun ən məşhur əsərlərindən sayılır.

bu period Picasso'nun depressiyadan çıxmasıyla əsərlərində çəhrayı rənglərin üstünlük etməyə başladığı *rose Period* ilə davam etmişdir.

La vie(1903)

Femme Asisse 1902-03

Blue Nude (1902)

(baxma: periodo azul)

30 əjdaha! 24.04.2017 09:47, nihalny

#251573 şikayət

çoxları tərəfindən səhv bilinən məlumatlar

+26 əjdaha

zürafənin boynunun təbii seçmə nəticəsində uzanması.orta məktəb dərsliyində zürafənin boynunun uzanmasının səbəbinin 2versiyası verilir.bunun birincisi lamarkın versiyasıdır.geniş kütlənin mənimsəmiş olduğu bu versiyada zürafənin boynunun uzanmağının səbəbi olaraq qidaya çatmaq üçün fərdi məşq göstərilir ikinci versiya isə darvinə məxsusudur.bu versiyada isə zürafənin boynunun uzanmasının səbəbi olaraq təbii seçmə göstərilir.yəni daha uzun boylular qidanı daha çox əldə etdiyi üçün sağ qalmış və nəsillərini davam elətdirmişlər.uzunboyluluq geni isə faydalı əlamət kimi irsən keçmişdir. uzun illər bu versiya qəbul olunmuş və bizim hələ də köhnə kitabların tərcùməsi olan orta məktəb kitablarında bu versiya doğru olaraq öyrədilir.lakin zaman keçdikcə bu versiyanın da səhv olduğu ortaya çıxmışdır.çünki bu zaman zürafənin təkcə boynu deyil,ayaqları da uzanmalıydı.həm də qısa boyunlu fərdlər otla da qidalana bilərdilər.son üzərində durulan ,yəni müasir elmin qəbul etdiyi versiya isə zürafənin boynunun cinsi seçmə nəticəsində uzanmasıdır.belə ki,erkək zürafələr boyunlarını bir-birinə vuraraq döyüşər və daha güclü və uzun boyuna sahib olanlar isə qalib gələrlər.qalib gələn fərd dişilər tərəfindən seçilir və beləliklə çarpazlaşmadan uzun boyunlu erkək və ya dişi fərd doğulur. onu da əlavə edim ki,zürafələrin boynunda da digər məməlilərdə olduğu kimi 7fəqərə vardır.fəqərələr artmamışdır,sadəcə uzanmışdır

23 əjdaha! 01.03.2015 03:53, nihalny

#150577 şikayət

tüdorlar sülaləsi

+19 əjdaha

1485ci ildə al və ağ qızılgül müharibələrinin nəticəsində taxta keçmiş və həm ağ həm həm də al rəngli gülləri birləşdirərək yeni gül yəni tudor gülü yaratmış,bununlada ölkəni parçalanmaqdan və vətəndaş müharibələrindər qurtarmış sülalə.taxta çıxmış ilk nümayəndəsi olan vii henry ağ qızılgüllə təmsil olunan york sülaləsinin nümayəndəsi olan yorklu elizabethlə evlənir.(qeyd edim ki,henrynin taxta çıxmasında 5dəfə evlənmiş və evliliklərindən öz məqsədləri üçün mükəmməl şəkildə istifadə etmiş margaret beaufortun da rolunu qeyd etmək lazımdı.həmçinin oğlunun taxta çıxmasından sonra da o fəallığını itirməmiş və dövlət işlərinə daxil olmaqdan çəkinməmişdir.)evliliklərindən 2oğlu və 2qızı olur.və elizabeth 5ci uşağı dünyaya gətirdikdən tez bir zaman sonra ölür.uşaq da çox yaşamır.qızlarının hər ikisini məqsədyönlü şəkildə birini şotladiya kralı digərini isə fransa şəhzadəsi ilə evləndirir.böyük oğlu olan arthur tudoru ispanya şəhzadəsi aragonlu catherine ilə evlərir lakin,az sonra arthurun ölməsi ilə tax kiçik oğul olan henryə qalır.beləliklə viii henry olaraq tac geyən henry qardaşının dul arvadı olan aragonlu catherine ilə evlənir.ondan mary adlı bir qızı və saysız-hesabsız ölü övladları olur.lakin,henry varis istəyirdi.və bunu da catherine verə bilmirdi.qeyri-qanumi oğlu henry fitzroyu varis elan emək istəyir lakin alınmır.bu ərəfədə məşuqəsi olmuş mary boleynin bacısı anne boleynə aşiq olur.buna görədə evlilikdən qurtulması,həmçinin anne ilə evlənməsi üçün papanın icazəsi lazım idi(katolik qaydalarına görə boşanmaq günah idi və yalnız papanın icazəsi ilə boşanmaq mümkün idi).papa dövrünün ən güclü dövlətlərindən biri olan ispanıya ilə əlaqələri pozmamaq üçün təbii ki, icazə vermir.henry anne boleynin təsiri ilə artıq reform barədə düşünür və bunu edir.anglikan kilsəsini yaradır və özünü kilsənin başçısı elən edir.catherine ilə olan eviliklərini qanuni olmayan(o fikirləşirdi ki,qardaşının arvadı ilə evləndiyinə görə tanrı onu cəzalandırır),və qızı maryni qeyri-qanuni övlad elan edir.beləliklə 1533cü ildə anne ilə evlənir.evləndikləri zaman artıq anne boleyn hamilə idi və o bunun oğlan olacağı barədə vədlər verirdi.lakin sentyabr ayında dünyaya gələn körpə qız idi.bütün sənədlərdə düzəliş edərək prince sözünün ardına ss də artırılır.(rəsmi sənədlərdə mövcuddur).bu qıza həm anne ,həm də henrynin anasının şərəfinə elizabeth adı verilir.3illik evliliklərində 3dəfə anne uşaq salır və bildiyim qədəri ilə hamısı da oğlan olur.bu arada henry jane seymoura aşiq olmuş və yeni evlilik planları qurmuşdu.anne boleyn 2may həbs olunur,vətənə xəyanət və zinadan 5adam ilə birlikdə günahkar elan olunur.edam olunanların arasında qardaşı da var idi.5nəfər 17mayda edam olunur.18mayda gerçəkləşməli olan edam(kral ona istədiyi ölümü seçməyə icazə vermişdi və o da fransız cəllad tərəfindən qılıncla edam olunmaq istəmişdi) calaistən gələn cəlladın gecikməsi ilə 19maya qalır.bu ərəfədə anne boleyn məşhur "eşitmişəm ki,cəllad çox yaxşıdı və mənim də boynum incədir"ifadəsini işlədir(anne boleyn haqqında entry olmadığına görə uzatmayım)və 19mayda edam olunur.kral jane seymourla evlənir.və jane seymour ona oğlu edwardı verərkən vəfat edir.bundan sonra clevesli anne ilə evlənir lakin çox çirkin olduğunu söyləyərək ondan boşanır və onu bacısı elan edir.(arvadından bacı yaradan yeganə kral olmalıdı -* ).daha sonra nəvəsi yaşında olan katherine howardla evlənir.qey edim ki,katherine ilə anne boleyn qohum idi.və aqibətləri də eyni olur.bir çox tarixçilər anne boleynin günahı olmadığını fikirləşsə də katherine ilə bağlı fikriləri fərqlidir.daha sonra catherine parr ilə evlənir.catherine parrında reforma böyük xidmətləri olur.bu arada kralın təkcə evləndiyini hesab etməyin on minlərlə insan öldürtmüşdür.viii henry əsasən dəyişkən xarakteri ilə tanınırdı.o ölmədən əvvəl hər iki qızını qanuni elan etmişdi.ondan sonra taxta keçən edward çox zəyif idi və tez bir zamanda 15yaşında vəfat edir.lakin atasının vəsiyyətinə baxmayaraq o taxtı jane grayə buraxır(jane gray mary tudorun nəvəsi idi).lakin katoliklər marynin tərəfinə keçir və 9gün kraliça olmuş jane grayi devirirlər.jane ilə birlikdə bir neçə adam da edam oldunur.mary ispanya kralı ii phlipplə evlənir.800yaxın protestanı yandırması ilə qanlı mary ləqəbini alır.2dəfə hamilə qalan mary hər ikisində də ölü uşaq dünyaya gətirir.və ağciyər xərçəngindən ölür.taxt beləliklə elizabethə keçir.i elizabeth tudorlar sülaləsinin ən təsirli nümayəndəsidir.ona xəzinəsi boşaldılmış şəkkildə verilən ingiltərə o öləndə avropanın ən varlı ölkəsi idi.heç vaxt evlənməməyə söz vermiş(tarixçilər bunun iki səbəbi olduğunu fikirləşir:1)atasının etdiyi 6uğursuz evlilik 2)gənclik dönəmində sevdiyi robert dudleyin ona xəyanət etməsi.ölüm yatağında robertin məktubunun tapıldığını iddia edənlər də var.) elizabeth evliliyi mükəmməl şəkildə istifadə edir.ölkələrlə lazım olduqda sülh yaradırdı.ispanya kralının evlənmə təkliflərini dəfələrlə rədd edir.ispanya və bütün katolik ölkələrinin birliyi ilə "məğlubedilməz armada" toplanır.lakin elizabeth onların ordusunu məğlub edir.və ölkəsi bütün avropada ən güclü dövlətə çevrilir.onun hakimiyyəti dövrünü qızıl çağ adlandırılar.həmçinin "gloriana","good queen bess" və ən məşhuru "the virgin queen"(bakirə kraliça) adları ilə tanınır.hətta virginia adası onun şərəfinə adlandırılıb.1603cü ildə elizabethin ölümü ilə tudorlar sülaləsinin hakimiyyətinə son qoyulur

17 əjdaha! 21.06.2014 08:47, nihalny

#124592 şikayət

sol framedə görməyə ən çox nifrət edilən başlıqlar

+19 əjdaha

(bax: keçmiş sevgiliyə demək istənilənlər)
(bax: düşün ki o bunu oxuyur)

Əslində başlıqların özünün konseptindən çox, entrylərin əksəriyyətinin oxşar olan tərzini sevmirəm. Həmin başlıqlarda entry gördükdə yəqin ki, "Mən sənə görə bunu elədim, onu elədim, amma sən məni sevmirsən", "səni heçkim mənim qədər sevməyib, sevməyəcək", "məni niyə sevmirsən", "məni sevmədin, amma mən bax necə yaxşıyam indi. Peşmansandır indi" tərzli entrylər oxuyacağımı bildiyimə və bir çox halda da yanılmadığıma görə də ola bilər bu antipatiya.
Dostlar, həqiqətən heçkim sizi sevməyə nə məcbur, nə də borclu deyil. Sevmiş də ola bilər, sevməmiş də, sevdiyini düşünüb yanılmış da ola bilər, yəni biri üçünsə bitibsə burda həmin insanı nədəsə ittiham etməli bir vəziyyət yoxdur. (istisna hal olaraq məsələn sevdiyini söyləyən insanın mən səni heç vaxt sevmirdim deməsi ola bilər)
Kiməsə görə etdiyiniz hərəkətlərə, verdiyiniz qərarlara görə də həmin insanı ittiham etməyə haqqınız yoxdur. Yetişkin biri olaraq qərar vermədən öncə düşünmək azadlığınız və buna uyğun qərar vermək bacarığınız var. Heçkim də heçkimin boynuna bıçaq dayayıb nəyisə tələb edə bilməz. Buna görə də biri üçün nəsə edirsinizsə kor-koranə hərəkət etmək yerinə öncə hər tərəfli düşünün ki, sonra da gəlib kimisə günahlandırmayasınız.
"Səni heçkim mənim qədər sevməyəcək" məsələsinə gəldikdə isə, anlayıram hamıya elə gəlir ki, onun sevgisi ən böyükdür. Amma yəqin ki, sizin qədər, hətta sizdən də çox sevən olacaq. Onsuz da sizinlə xoşbəxt olsaydı, siz ona xoşbəxtlik versəydiniz, heçkim dəli deyil ki, öz xoşbəxtliyinin üstündən xətt çəksin oturduğu yerdə. Demək ki, sizinlə özünü xoşbəxt hiss etmir, sizinlə görmür özünü. (Öncədən hiss etmiş olması, həmişə eyni hiss etməli olduğu mənasına gəlmir)
Uzun sözün qısası, heçkimin kiməsə nəyisə etmək, va ya necəsə hiss etmək öhdəliyi yoxdur. "Niyə məni sevmirsən, sev" demək yerinə sevilməyən cəhətlərinizi və səbəbləri düşünüb düzəltməyə, daha yaxşı olmağa çalışsaz gələcək münasibətlərinizdə daha uğurlu olarsınız yəqin ki. Amma bunu edərkən məqsədiniz kiminsə peşman olmasıdırsa, məncə, üzr istəyirəm, lakin çox axmaq fikirdəsiniz.

17 əjdaha! 03.11.2022 03:19, nihalny

#362043 şikayət

enkefalin

+11 əjdaha

*endorfin*, *dinorfin*lə birlikdə bədənin üç əsas ağrıkəsici(opioid) effekti yaradan peptidlərindən biri. morfin, codein kimi maddələrin bədənimizdə ağrı kəsici effekti yaratdığına görə bədənimizdə onlara komplementar olan endogen maddələrin olması gərəkdiyini düşünən alimlər araşdırmalara başlamışlar. çünki bədənimizdə sırf bitkilərdən gələn maddələr üçün xüsusi reseptorlar ola bilməzdi. 1974-75 tapılan maddələrə isə enkefalinlər və endorfinlər adı verilmişdir. morfin kimi maddələrdəən fərqli olaraq bağımlılıq yaratmır çünki, bədənimizdə müəyyən müddətdən sonra onları reseptordan ayıracaq olan xüsusi fermentlər var. (hansı ki, yad substratlara təsir göstərə bilmir)
eyni zamanda enkefalinlərin peptid zəncirindəki sonuncu amin turşusuna görə iki növü tapılmışdır: *metionin* tərkibli və *leysin* tərkibli enkefalinlər.
(baxma: enkephalin)

10 əjdaha! 30.04.2017 14:03, nihalny

#251936 şikayət

twin peaks

+13 əjdaha

David lynch və mark frost imzalı 90ların və günümüzün ən yaxşılarından sayılan serial. 48 seriası, bir filmi, və bir kitabı ilə tam-tamına 4günümü almışdır.

Laura Palmer adlı 17 yaşında bir qızın gölün kənarında cəsədinin tapılması ilə başlayan serialın 1990-91-ci illərdə ilk iki sezonu çəkilir. ilk sezon reytinqləri yüksək olsa da, ikinci sezonda laura palmerin qatili bəlli olandan sonra reytinqlər düşməyə başlamış və serial ikinci sezonla final etməli olmuşdur. bir il yəni 1992-ci ildə lauranın qətldən öncəki bir neçə gününü anlatan twin peaks: fire walk with me filminin ardından 2017-ci ildə yenidən ekranlara dönür. Maraqlısı odur ki, final bölümündə laura palmer onun ölümünü araşdıran fbi agenti dale cooperə 25 il sonra görüşəcəklərini deyir və 92 ci ildəki filmin üzərindən tam 25 il keçəndən sonra da həqiqətən twin peaks geri dönür. Bundan başqa mark frost-un The Secret History of Twin Peaks və David lynch-in qızı Jennifer lynch-in yazdığı the secret diary of Laura Palmer kitabları da bütün məsələni tam olaraq anlamanıza köməkçi olacaqdır amma başa düşəcəyiniz anlamına gəlmir.
ilk sezonları 90-cı illəri və filmlərdəretro havanı sevənlər üçün xüsusilə həzz verə bilərdir. Düzü ikinci sezonun bir yerindən sonra məsələ çox uzanmışdı yəni ikinci sezonu 15seriya eləmək olardı çox rahat şəkildə. Amma vaxtınız varsa niyə də yox?
Maraqlı fakt olaraq onu deyim ki, serialın önəmli hissəsini daşıyan ikiləm və bunun bariz nümunəsi olan yaxşı və pisi təmsil edən White və black lodge adlı yerlərdən, black lodge birçox səhnələrdə qarşımıza çıxır. Və buradakı aktyorların replikaları aktyorların sözlərin tərsinə versiasını oxuyandan sonra, onların geri şəkildə lentə yazılması ilə ərsəyə gəlmişdir.

3-cü sezonun final bölümü ilə hamını mindfuck edən serialın 4-cü sezonu haqqında heçbir məlumat yoxdu hələ ki. 3-cü sezonu onsuz da 4 il yarıma yazdığını söyləyən David lynch 4 ildən tezə ümid etməməyimizi söyləyib. Adamın 72 yaşı olmasa ümidlənər də adam, ümidlənə də bilmir -* davamı gəlməsə nə beynimizdəki sualların cavabını tapa biləcəyik, nə də o suallara özümüzün verdiyi cavabların nə dərəcədə doğru olduğunu bilə biləcəyik. Ona görə də David lynch-ə uzun ömür, can sağlığı arzulamaqdan başqa çarə qalmır dəyəsən.
Hə bir də mahnılarına göz atmadan keçməyin. Xüsusilə 90 cı illərdən Angelo Badalamenti-nin işləri əvəz olunmazdı.

(youtube:

)

(youtube:

)

(youtube:

)

(youtube:

)

edit (11.04.2020 4:14am):

(youtube:

)

sheryl lee'nin özünün the secret diary of laura palmer-i səsləndirdiyi audiobook varmış youtubeda. Guess what are we gonna do for the rest of the night?

edit (28.08.2021 8:53pm):
Serialda işlənən istər ilk sezonlarda julee cruise-in ifasında olsun, istər 2017-ci ildə çəkilən davamında işlənən johhny jewel-in windswept albomundan olan və ya digər mahnılar olsun onlara credit verməyi unutmuşam. Hər dəfə deyirəm editləyim yadımdan da çıxır. (hələ 2020-ci ilin aprelindən anyone nicknameli yazara əlavə edəcəyimi söz verib indiyə qədər etməməyimdən danışmıram -* amma nə deyiblər better late than never)
Ən sevdiklərimi bura qoyacam davamına axtarıb da qulaq asa bilərsiz. Hamısı bir-birindən gözəldi -*
and there's always music in the air

(youtube:

)

(youtube:

)

(youtube:

)

(youtube:

)

7 əjdaha! 10.09.2018 04:00, nihalny

#277803 şikayət

a short film about killing

+10 əjdaha

1988ci ildə çəkilmiş Krzysztof Kieslowski filmi. Təzə imtahandan keçmiş bir vəkilin( Krzysztof Globisz ), taksi şoferinin ( Jan Tesarz) və bir gəncin ( Mirosław Baka) həyatlarının kəsişməsindən bəhs edir.
Həmin gəncin taksi şoferini öldürmədən öncə keçirdiyi hisləri, öldürən zaman yaşdığı tərəddüdü möhtəşəm şəkildə təsvir etmişdir. Taksiyə minmədən öncə oturduğu kafedə olan həmin vəkil isə həmçinin məhkəmədə onun vəkili olur və bu həm də onun ilk məhkəməsi olur. Filmdə həm də cinayət törədən hərkəsin tamamilə pis biri olmadığını və bəlkə də həyatın sadəcə həmişə gözlədiyimiz kimi olmamasını göstərməyə çalışmışdır, fikrimcə.

--spoiler--

Məsələn vəkillə edam olunmadan öncə etdiyi söhbətdə ölən bacısından danışır. Onun ölməyinin onda yaratdığı təsiri onsuzda film boyunca əlindəki şəklindən anlamaq olur,sadəcə sonda kimliyini öyrənirsən. Yəni bəlkə də həyatı tamamilə fərqli ola bilərdi. Təbii ki, bu onun etdiyinə haqq qazandırmır amma filmdə onsuz da daha çox edam cəzasının nə qədər ağır olduğunu göstərməyə çalışır .(həmçinin film Polşada edam cəzasının ləğv olunduğu il buraxılmışdır)

--spoiler--

Edam səhnəsi ayrıca üzmüşdür.

Eyni zamanda filmin kinematoqrafı * Slawomir Idziak* dünyanın hər gün daha çirkin bir hal aldığını çatdırmaq üçün filmdə daha çox yaşıl effektlər istifadə etmişdir ki, bu da filmə daha bir anlam qatmışdır.

Filmin musiqisinin bəstəkarı isə yenə də *Zbigniew Preisner*dir.

(youtube:

)

(baxma: krotki film o zabijaniu)

7 əjdaha! 04.02.2017 05:20, nihalny

#245030 şikayət

adele sindromu

+12 əjdaha

adını victor hugonun qızı olan adele hugodan alan sindrom. Daha çox obsessive love disorder adı ilə bilinən bu sindromdan əziyyət çəkən şəxslər digərlərinə patoloji şəkildə aşiq olur və belə deyək ki, obsessiv olurlar. Adele Hugonun da əziyyət çəkdiyi bu sindromun onda şizofreniyadan qaynaqlanan erotomaniyanın nəticəsi olduğu düşünülür. belə ki, gənc yaşda ingilis hərbiçi olan albert pinsonla olan münasibətinin sonunda pinson onu tərk etsə də, Adele evdən qaçaraq amerikaya onun xidmət etidiyi Halifaxa gedir. Burda durmadan onu izləyir, hətta atasına evləndiklərini də yazır. Bunun yalan olduğu üzə çıxandan sonra atasının dönməsini deməsinə baxmayaraq illərlə onu başqa yerlərdə də izləməkdən yorulmur, özünü Madam Pinson olaraq təqdim edir. Halbuki, onun artıq başqa qadınla da evləndiyi bilinir.
Bu sindromdan əziyyət çəkən insanlarda oxşar şəkildə biri haqqında obsessiv düşünmə, fantaziyalar qurmaq kimi simptomlar görünür. əsasən bu fantaziyalar öz xəyal dünyalarının nəticəsi olsa da özlərini həmin şəxsin də sevdiyinə inandırır və bəzən bu narahat edici hal alaraq onları izləmə, evlərinə daxil olmaq, durmadan zəng etmək kimi oxşar şeylər ilə görülür.

9 əjdaha! 19.06.2022 22:47, nihalny

#351941 şikayət

ganymede

+10 əjdaha

- yupiterin ölçülərinə görə merkuridən belə böyük olan peyki. qalileo qalileyin gördüyü 4 peykdən biridir həmçinin. kəşf olunduğu dönəmdə "yupiter iv" adlandırılmışdır. həmçinin bir neçə təbəqədə şəklində buzlu okeanlara malikdir. bundan əlavə orada maye şəklində duzlu suyun olması da kəşf olunmuşdur ki, bu da orada həyatın mövcud olması potensialının olduğunu göstərir.

-yunan miflərində gözəlliyinə görə ölümsüzlük qazanmış troyalı trosun oğlu. homerə görə ölümlü yaradılmışların ən gözəli. əfsanəyə görə zevsin o qədər xoşu gəlmişdir ki, atasına iki çaydan belə sürətli at rüşvət verərək oğlunu ölümsüz etməyə razı salmışdır. qartal formasına girərək (və ya qartal göndərərək) onu olimpə aparmış və burda onu tanrılara saqi daşıyan etmişdir. bütün tanrılar onun gözəlliyindən və gəncliyindən məmnun olsalar da, eyni zamanda zevsin sevgililərindən biri olan ganymedeni bir *hera* qısqanır. sonda zevs də ganymedeni səmaya dolça bürcü olaraq yerləşdirir. ganymede həm də yəqin ki, yunan mifologiyasında tək və ya çox az homoseksuallıq nümunələrindən biridi. demək ki, yunanların əsrlər öncə aşdığı bu homofobianı hələ də müzakirə edən də bizik. təkamül inkaşafa doğru getməli deyilmiydi?

(bax: ganymedes)

9 əjdaha! 20.03.2017 11:03, nihalny

#249122 şikayət

seems so long ago nancy

+9 əjdaha

(youtube:

)

*Leonard Cohen*in 1969cu ildə çıxan *songs from a room* albomundan 3dəqiqə 39saniyəlik 21illik həyatı özünə sığışdıran mahnısı.
Nancy Challies 1943cü ildə doğulmuş, gənc ikən 60ların və ailəsinin tələb etdiyi kimi ola bilməmiş, yeniyetməliyin böyük bir hissəsini psixiatrik xəstəxanalarda keçirmiş gənc qız idi. 1961ci ildə tur rəhbəri kimi işləməyə başlamış və elə bu ərəfələrdə də ortaq tanışları sayəsində leonard cohenlə tanış olmuşdur böyük ehtimalla. 1963cü ildə uşağı doğulandan bir neçə ay sonra başqalarına verməyə məcbur edilmiş, daha sonra 15yaşlı qardaşının silahi intihar etmişdir.
Ondan geriyə qalan hekayəsi isə sadəcə 3dəqiqə 39saniyədir, amma yenə də hər dəfə dinləyəndə insanın gözünü yaşardacaq qədər kədərli.

daha geniş oxumaq üçün link link

Sözləri:
It seems so long ago,
Nancy was alone,
looking at the Late Late show
through a semi-precious stone.
In the House of Honesty
her father was on trial,
in the House of Mystery
there was no one at all,
there was no one at all.

It seems so long ago,
none of us were strong;
Nancy wore green stockings
and she slept with everyone.
She never said she’d wait for us
although she was alone,
I think she fell in love for us
in nineteen sixty one,
in nineteen sixty one.

It seems so long ago,
Nancy was alone,
a forty five beside her head,
an open telephone.
We told her she was beautiful,
we told her she was free
but none of us would meet her in
the House of Mystery,
the House of Mystery.

And now you look around you,
see her everywhere,
many use her body,
many comb her hair.
In the hollow of the night
when you are cold and numb
you hear her talking freely then,
she’s happy that you’ve come,
she’s happy that you’ve come.

6 əjdaha! 11.04.2018 23:05, nihalny

#271342 şikayət

yggdrasill

+8 əjdaha

Şimal mifologiyasında inanca görə kainatın mərkəzində yerləşən, kökünü Urd yəni Tale bulağından alıb, ən hündür budaqları Asgarda çatan ağac. Əfanəyə görə gövdəsində taleydən xəbər verən Nornlar adlanan üç qadın otutur, ağacın gövdəsini oyaraq taleyi şəkilləndirir və kainatdakı bütün sirlər ağac vasitəsilə onlara bəlli olurdu. Kainatdakı hərşeyi görə bilmək üçün artıq gözünü qurban vermiş Odin isə onlara baxaraq həsəd aparır və ağacın, beləcə də kainatın bütün sirlərinə agah olmaq istəyirdi. Bunun üçün o, ağaca verə biləcəyi ən dəyərli qurbanı, yəni özünü verir. Özünü nizə ilə vurduqdan sonra, ağacın bir budağından özünü asır və bütün tanrılara kömək etməyi qadağan edir. 9 gün, 9 gecə ağacın budağında yeməksiz, susuz şəkildə asılı qaldıqdan sonra qurbanı qəbul olur beləliklə o, yenidən doğulur. Lakin bütün sirlər ona agah olduğu üçün bu dəfə kainatdakı ən qüdrətli varlıqlardan biri olaraq.

Həmçinin çox sevdiyim şimal folk mahnılarından biri də onun haqqındadır:

(youtube:

)

(baxma: dying-and-rising deity)

6 əjdaha! 01.02.2021 01:13, nihalny

#318988 şikayət

big in japan

+8 əjdaha

2014-cü il idi, 11-ci sinifdə oxuduğum üçün, demək olar hərkəs kimi, universitetə hazırlaşırdım. Düzü çox da hazırlaşmırdım, heç önəmsəmirdim də, sadəcə eləməli olduğum işlərdən biri kimi, məsuliyyət duyğusunun da verdiyi məcburiyyətlə axına uyub kütləyə ayaq uydururdum da demək olar. Təxminən bir-iki ay olmuşdu dərs başlayalı, @whodoctorwho (sorry not sorry) da sinifimizə təzə gəlmişdi. Normalda çox introvert və çəkingən biri olduğum üçün insanlarla dostluq, ümumiyyətlə münasibət qurmağım çooox uzun müddət alır. Bilmirəm necə oldusa bir neçə həftənin içində artıq məktəbdən elmlərə qədər olan bütün yolu birlikdə danışaraq düşürdük. Hətta hesab açıb bir neçə entry yazıb, hərşey kimi unutduğum sözlüyü də o yadıma salmışdı -* nəysə ki, ən çox danışdığımız mövzu mahnılar idi, bu mahnını da ondan öyrənmişdim. Ane brun verisyasına qulaq asırdıq o vaxt daha çox, daha sonra alphaville-yə keçid elədik. Bu başlığı açanda da mənə əsəbləşmişdi lol gəlib mahnının linkini paylaşdığım hissəni silmişdim mən də. indi nə vaxt bu mahnı çalsa yadıma düşür, gülmək tutur məni
Bugün də istisna deyil -*
Bu arada, hi -*

8 əjdaha! 22.08.2021 22:10, nihalny

#334633 şikayət

unudulmaz film replikaları

+9 əjdaha

"güc öldürmək üçün səbəbimizin olduğu halda bunu etməməyimizdir" (bax: schindler's list )

9 əjdaha! 23.06.2014 02:14, nihalny

#124870 şikayət

nisei

+7 əjdaha

ilk nəsil yapon immiqrantların (bax: issei) amerikada dünyaya gəlmiş uşaqlarına verilən ad. mənası yaponcadan tərcümədə "ikinci generasiya" deməkdi.

3 əjdaha! 22.11.2017 21:44, nihalny

#263233 şikayət

l'appel du vide

+7 əjdaha

ingilis dilinə "the call of the void", azərbacan dilinə isə "boşluğun çağırışı" deyə tərcümə oluna biləcək fransız termi.
hani hündür bir yerdə dayananda adamaın ordan atlayası gəlir ya həmin o instinkə verilmiş addı. elmi dildə *high place phenomenon* adlanan bu instink heç də həmişə intihara meyilliliklə bağlı deyil, əksinə beynimizin bizi qorumaq üçün yaratdığı bir fenomen də ola bilərmiş. yəni beynimiz vəziyyəti indi bu özünü atar deyə algılayıb, qoruma mexanizmi ilə geri çəkilək deyə də bunu inkşaf etdirmiş ola bilər. çünki anxietysi yüksək olan insanlarda daha çox rast gəlinsə də, heç də həmişə intihara meyilli insanlarda baş vermir. heç vaxt intihar haqqında düşünməmiş bir qrup insanlarla tədqiqat zamanı, onların yarısı bu fenomeni əvvəl hiss etdiklərini söyləmişdir məsələn.
o deyil də ya birgün geri addım atmasaq onda necə?
Edit (28.08.2021): axırıncı cümləni geri alıram lol

5 əjdaha! 01.01.2018 21:15, nihalny

#265327 şikayət

thomas more

+6 əjdaha

utopiyanın yazarı. 16-cı əsrdə viii henrynin hakimiyyəti zamanı yaşayıb. vııı henrynin yaxın adamlarından biri olmaqla sarayda böyük nüfuza malik olub. dürüstlüyü ilə məşhur idi. henrynin sarayında yaşamağı rədd edib. bir müddət arxiyepiskop vəzifəsində də çalışıb lakin bu vəzifəni sadəcə kralın evlilik məsələsinə qarışması tələb olunmayacağı təqdirdə qəbul edəcəyini bildirib və kral da bununla razılaşıb. lakin sonda henry'ni kilsənin başçısı olaraq və kralın aragonlu catherine ilə evliliyinin qeyri-qanuni olduğunu qəbul etmədiyinə görə edam olunub. arxiyepiskopluğu dönəmində lüterin dəstəkçilərinə və qanunsuz anti-katolik kitabları saxlayanlara amansızlığı ilə bilinib və buna görə insanları *inkvizisiya* etməyi dəstəkləyib. yəqin ki, gələcəkdə birinci mariyanın ən böyük ilham mənbələrindən biri olub -*
haqqında çəkilmiş 6 oskarlı *a man of all seasons* filminə baxa bilərsiz. yaxşı filmdi amma biraz birtərəfli yanaşılıb məncə. dönəmi haqqında və onunda olduğu filmlər və bəzi kitablardan məlumatınızı olmasa insanda məsələyə bir tərəfli yanaşmanız qaçınılmazdır. filmdə paul scofield tərəfindən canlandırılıb.
bundan başqa:
*the tudors* - ilk iki sezonda jeremy northam tərəfindən canlandırılıb.
*wolf hall* - anton lesser tərəfindən canlandırılıb. həmçinin eyni adlı kitabda da bir çox yerdə rast gələ bilərsiz. mənfiyə doğru bir tərəfli yanaşma əldə etməniz demək olar ki, qaçınılmazdır.

5 əjdaha! 23.06.2014 02:02, nihalny

#124866 şikayət

richard ııı

+6 əjdaha

shakespeare sayəsində əksəriyyətin qaniçən gözüylə baxdığı tarixi şəxs. j.meyer'in the tudors kitabında dediyi kimi 'tarixlə əlaqəsi olmayan' yazıçının əsərini tarixi fakt kimi dəyərləndirmək də olmaz. dönəminin tələbiylə (nəzərə alaq ki,tüdorlardan elizabeth i'in hakimiyyəti dönəmində yaşamışdır) richardı pisləməyə məcbur idi. lakin o həqiqətən onun dediyi qədər pis idimi? mübahisə edliəcək mövzudu. üç york oğlundan ən kiçiyidir. edward'ın hakimiyyəti boyunca sadiq qalmışdır. amma əksəriyyət kimi onun da kraliça elizabeth woodville'lə arası o qədər də yaxşı deyildi. ümumiyyətlə istənməyən bir kraliçaydı elizabeth. elə yorkların tərəfdarları da bu evliliyə qarşı çıxmış sonra krallarının iradəsinə boyun əyməli olmuşdular. ortancıl qardaşları george'nin da woodville ilə arası heç yaxşı deyildi və onun kralın başını doldurduğunu iddia edirdi (+ taxt istəyi) onu üsyan etməyə məcbur edir. saysız üsyanların,həbsin qayıdışın, əhvin sonunda yenidən edam olunması qərara alınır. yəni burda richard'ın rolunun olması biraz absurddur. bu arada kral edward xəstələnir və yatağa düşür. kralın ölümü o qədər də problem olmamamlıydı əslində. çünki elizabeth'dən iki varisi var idi. amma di gəl ki, hələ dövləti idarə etmək üçün çox balacaydılar. bu da kralın naibi söhbətini meydana gətirir. iki şans var idi varisin dayısı antony woodville və richard. əslində varis edward (kral iv edwardın oğlu) dayısını daha çox tanıyırdı. və demək olar zamanının böyük qismi onunla keçmişdi. riçardı isə neçə dəfə görmüşdü ki? kral ölməmişdən öncə naib olaraq təbii ki,qardaşını seçir. amma bu bəs eləmirdi. varis edward böyüyəndə böyük olaraq onu potensial rəqib elan edəcəkdi. üstəlik anası ilə də arası yaxşı deyildi. o da oğlunun başını dolduracaq və richarda edam taxtasının yolu görünəcəkdi. buna görə v edward tac geydikdən sonra onu qardaşıyla birlikdə zindana saldırır. philippa gregory'nin iddiasına görə bunda arvadı anne neville'nin də böyük rolu olmuşdur.( anne neville 'kral yaradıcısı' olaraq bilinən warvick'in qızı idi. demək olar ki, ingiltərənin şimal hissəsi onun əlindəydi. bəziləri bu evliliyə siyasi məqsədlərlə edilmiş,bəziləriysə sevgi evliliyi kimi baxır) amma nəticə olaraq tarixə 'zindandakı şəhzadələr' olaraq keçəcək iki azyaşlı şəhzadənin taleyi naməlum idi. bu arada isə riçard onların bastard olduğunu elan edərək özünün kral olması gərəkdiyini söyləyir. və belə də edir iii richard olaraq tacı geyir və naiblikdən krallığa yüksəlir. amma hələ əsas məsələ qalırdı xalq narahat idi. şəhzadələr hardadı deyə düşünürdü hərkəs,elə də rahat-rahat həzm etmirdi bu bastard söhbətini. bundan narahat olan richard elizabeth woodville'nin qardaşını,atasını,birinci evliliyindən olan oğullarından birini edam etdirir. amma xalq hələ də təşviş içindəydi. bu anda qaladakı şəhzadələrin ölün xəbəri yayılır. hamı bunu richard'ın etdiyini düşünür ( mən də həmçinin. amma məsələn philippa gregory burda vii henry'nin anası margaret beaufort'un rolunun olduğunu iddia edir). elə o zamanlarda tudorlardan henry taxta iddiasını irəli sürür. başqa şəraitdə bu iddiaya gülərdilər çünki o qədər uzaqdı kı taxta. amma vəziyət kritik idi. henry'nin anası margaret beaufort elizabethə məktub yazaraq henry'lə iv edward'ın böyük qızı şəhzadə elizabeth'in evlilik işini həll etməyə çalışırdı. bu arada richardın da elizabeth'lə evlənmək istədiyi fikri yauılır. bədbəxtlikdən bu arada richard'ın arvadı anne neville də ölür. hamı bu ölümü də richard'ın üzərinə atır və beləliklə o şimal xalqının əksəriyyətinin dəstəyini itirir.henry tudor'un yaxınlaşmasıyla müharibə vəziyəti elan edilir. bosworth meydanında olacaqdı həll edici döyüş. ordu baxımından richard öndəydi. amma döyüşün nəticəsini elan edəcək olanlar stanley'lər idi. stanley qardaşları bütün bu zaman ərzində krala sadiq qalmışdı ama onalara inanmaq da axmaqlıq olardı. çünki qardaşlardan böyüyü eyni zamanda henry'nin ögey atası idi. richard hər ehtimala qarşı onun öz oğlunu əsir almış və ölümlə təhdidlənişdi. bosworth meydanındakı döyüşdə hər şey gözlənildiyi kimi getmir və stanley'lər tudorlara qoşulur. döyüşə zirehində tacla qatılan richardı isə tapıb öldürmək o qədər də çətin olmur. richard həmin döyüşdə öldürülür və tacı elə stanley tərəfindən henry'ə təqdim olunur.

-philippa gregory'nin eyniadlı əsəri əsası da çəkilən the white queen serialında aneurin bernard tərəfindən canlandırılmışdır
-qozbel və eynəcər olması isə şekspir'in uydurmasıdı böyük ehtimal
-kral vi henry'nin öldürülməsində bizzat iştirak etdiyi deyilir

5 əjdaha! 14.12.2015 04:16, nihalny

#190312 şikayət

club kids

+7 əjdaha

1980lərin axrı başlayan 1900lərdə də davam edən, qəribə geyim tərzi və partiləri ilə məşhurlaşan axım. Bu axım Michael Alig tərəfindən başladılmış və idarə edilmişdi. Axmın digər məşhur üzvü isə James St. Jamesdir, hansı ki Michael Alig'i bu həyatla tanış edən də o olmuşdur. Lakin Michael Alig öz ideaları ilə üstə çıxmış və axımının əsasını qoymuşdur. Çox vaxt ona club kidlərin kralı( king of the club kids) deyə də referans edirlər. Bu insanlar qeyri-adi geyinərək klublara insanlar cəzb edir və bunun görə də klub rəhbərləri tərəfindən pulla təmin edilirdilər. Amma zənnimcə onları buna sürükləyən pul deyil, daha çox idealları idi. Əsas ilham mənbələri Andy Warhol olmuşdur və həyatın önəmini əylənməkdə görmüşdülər. Öz geyimlərini hazırlayır və bacarıqları qədər yaradıcı olmağa çalışırdılar. Anladığım qədəri ilə mövzular işləndikcə yeniləri lazım olmuş və getdikcə daha da qəribə və deyərdim ki, xoşa gəlməz hal almışdır- partilər də artıq daha çox narkotik yönümlü olmağa başlayır . Klubun bağlanması ilə sonları yaxınlaşmış və Michael Alig'in axımın digər üzvü və narkotik alveri ilə məşğul olan Angel Melendezi öldürməsiylə sonlanmışdır.
Əlavə məlumat üçün James St James'in disco bloodbath kitabı əsasında çəkilmiş party monster filminə baxa bilərsiz. Baş rolda Macaulay Culkinin oynadığı film bioqrafik xarakterdə olub əsasən Michael Aligdən bəhs edir. Filmdə çox da önəmli olmayan rolların birində Marilyn Manson da oynayır.
Bundan əlavə elə həmin filmin rejissorunun çəkdiyi eyniadlı sənədli film də var(baxma: party monster: the shockumentary)

(youtube:

)

5 əjdaha! 25.01.2017 06:57, nihalny

#243814 şikayət

the picture of dorian gray

+7 əjdaha

sonuncu fəslində dorian grayin bilinməyən pərəstişkarı tərəfindən yazılan möhtəşəmüstü bir məktuba sahib olan oscar wilde romanı. bəhsi keçən məktubun mətni:

--spoiler--

"the world is changed because you are made of ivory and gold. the curves of your lips rewrite history"
-
"dünya dəyişdi, çünki sən fil sümüyü və qızıldan düzəldilmisən. dodağının qıvrımları tarixi yenidən yazır"

--spoiler--

eyni zamanda bu hissə, onsuz da oscar wilda çoxlu göndərmələr edən *velvet goldmine* filmində də işlədilmişdir.

5 əjdaha! 06.03.2017 01:30, nihalny

#247978 şikayət

barmaq izi

+7 əjdaha

normalda bildiyimiz kimi dərimizin 2 əsas təbəqəsi var epiderma və derma(hypodermis deyilən bir təbəqədə var amma əsas sayılmırdır). derma ilə epidermanın arasında epidermal hündürlüklər(epidermal ridges) və dermal məməciklər(dermal papillae) olur ki, bunlar da bir-birini tamamlayan bir görünüş yaradaraq barmaq izlərinin əsasını qoyurlar. bildiyim qədəriylə bunun tam formalaşması hamiləliyin 16cı həftəsində olur. qalın dəridə(əl və ya ayağın səthləri kimi) dermada məməciklərlə yanaşı dermal hündürlüklər də olur və bu da hər insanda özünə məxsus olur,üstəlik genetik olaraq demək olar ki,təkrar edilməzdi. bu təkrar edilməzlik barmaq izlərinin günümüzdə bir çox məqsədlərlə istifadə olunmasına şərait yaradır. məsələn cinayətkarların təyinində, barmaq iziylə işləyən açarların düzəldilməsində və sairə.
barmaq izlərinin öyrənilməsi ilə məşğul olan elm isə dermatoqlifiya (dermatoglyphics) adlanır.

6 əjdaha! 07.01.2017 15:12, nihalny

#241612 şikayət

big in japan

+5 əjdaha

qərbdə uğur qazanmayıbda yaponiyada məşhurlaşmış qərbli musiqiçilər üçün işlədilən ifadə.
mr.big scorpions. queen və bon jovi kimi qruplar daha sonra öz ölkələrində də məşhurlaşdıqları üçün bu titulu itirmişlər.

5 əjdaha! 28.02.2015 13:43, nihalny

#150410 şikayət

kinoteatrda izlənən ilk film

+6 əjdaha

(baxma: Twilight: eclipse)
il 2010, 12 yaşım vardı amma hep ətrafımda rus dilli, bir neçə yaş böyük qızlarla takıldığımdan təbii ki, mən də "sumerki" ilə vampirləri kəşf etmiş ərgən havalarındaydım. Özü də jacob daha çox xoşuma gəlirdi, amma yenə də team Edward olmamaq olmazdı. Düzü o vaxtkı zövqüm də tartışılır, çünki Robert pattison da tanrı kimi adamdı belə baxanda. Nəysə ki, yay idi qızlar da həyətdə dedi ki, gedək sumerkiyə. bacımla mən də qonşudan qalma geri prinsipi ilə neçə gün atadan xahiş edəndən sonra icazə almışdıq. icazəni aldıq da sonra bilet ala bilmirdik. Bakıdakı tək ərgən biz olmadığımızdan və kinoteatrların da o zaman sayının məhdudluğundan olacaq ki, bir neçə uğursuz cəhd sonrasındakı yenə biletlər tükənirdi. Axırda qonşudakı qızlardan birinin atası səhər yürüşünə gedəndə gedib hamıya almışdı səhər tezdən. (Nə sumerkiymiş amma) Beləliklə dəqiq tarix yadımda olmasa da 2010-cu ilin yay aylarında Azərbaycan kinoteatrında ilk dəfə kinoya getmişdim. Şansımızdan olsa ki, eclipse də sanki twilightın ən maraqsız bölümü idi. Sonra da təbii ki, bir neçə gün həyətə düşülüb mütləq şəkildə müzakirə olunmuşdur, bella Edward jacob üçlüsünün belə desək umbaylıqları -*

6 əjdaha! 24.06.2022 00:43, nihalny

#352238 şikayət

jackson c. frank

+5 əjdaha

uzun müddət unudulmuş 1943cü ildə anadan olmuş folk musiqiçisi.
yəqin ki, həyatı talehsiz hadisələrin ardıcıl baş verməsindən ibarət idi də deyə bilərik. 11 yaşındaykən oxuduğu məktəbdə başlayan yanğınla başlayıb hər halda ilk dəfə. özü bədənin 50%nin yanması ilə xilas olsa da, 15 ölən tələbədən biri Frankın ilk sevgisi Marlene idi, hansı ki, illər sonra belə onu unutmayacaq, və ona elə marlene adlı mahnını yazacaqdı.

(youtube:

)

Xəstəxanada olarkən musiqi müəllimi ona ilk gitarasını alır hədiyyə kimi. 21 yaşında ikən isə aldığı təzminatla musiqi ilə məşğul olmaq üçün ingiltərəyə gedir. səhnədə o qədər utancaq idi ki, Paul Simon, Art Garfunkel, və Al Stewart ona baxarkən çala bilmədiyini demişdi. Hərşey ilk öncə yaxşı başlasa da travmadan sonra davam edən depressiya zaman keçdikcə daha da böyüyür və oğlunun *cystic fibrosis* nəticəsində ölməsi üzərinə ruhi xəstəxanaya yatırılır və paranoid şizofreniya diaqnozu qoyulur.
Bir müddət anası ilə yaşasa da sonradan yenidən musiqiyə başlamaq ümidi ilə evi tərk edir, evsiz, küçələrdə yaşamağa başlayır. yanğın nəticəsində yaranan tiroid vəzi disfunksyası nəticəsində tanınmayacaq dərəcədə kilo alır və təsadüf nəticəsində gözündən vurulur və sol gözü artıq görmür. sonradan bir albom daha çıxara bilsə də yəqin ki, heç vaxt həyatını istədiyi kimi yaşaya bilmir və 56yaşında ikən pnevmonia və kardiak arrestdən vəfat edir. ondan geriyə qalan uzun müddət unudulmuş mahnılardı. bütün mahnılarındakı melanxolik ruhu hiss etməmək mümkünsüz olsa da *milk and honey* bir ayrı üzür.

(youtube:

)

(youtube:

)

(youtube:

)

4 əjdaha! 30.09.2018 21:16, nihalny

#278329 şikayət

dissosiativ şəxsiyyət pozğunluğu

+6 əjdaha

şəxsiyyətin bir neçə yerə bölünməsi yəni, bir insanın müxtəlif şəxsiyyətlərinin olması olaraq tərif edilə biləcək psixi pozğunluq. *chris costner sizemore*un nümunəsində görə bilərsiz:

(youtube:

)

5 əjdaha! 04.12.2018 23:57, nihalny

#280136 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

nihalny

son bəyənilənlər:

oxuyucuların bəyəndikləri: