cavid ağa

burda başlıq açılmasını qınayanlar da var, çox meşhurdur deyib destek olanlar da. cavid ağa tebii ki meşhur bir adam deyil, her hansı bir rayonda yaxınlaşıb cavid ağa kimdi deye soruşsan yeqin ki, serkerde deye filan cavab vererler. xoş ümumiyyetle küçe reportyajlarında hacıbeyovu tanımır xalqımız. neyse, qayıdaq meseleye. burda bezi adamlar yazıb ki, bes meşhur olmasa nece bu qeder adam entry yazıb başlığa. söz6'nın yazarları ne yazık ki, bütün azerbaycanı temsil ede bilmir ki. hamımız azdan-çoxdan internete giren, buranın fenomenlerini tanıyan adamlarıq, ve cavid ağa da fenomendir. özü isteyerek ya yox, deye bilmerem bunu. yani ki, onu tanıyan bizik, azerbaycan xalqı yox. amma bu o demek deyil ki, onun adına başlıq açılmamalıdır, ümumiyyetle maraqlı olan her şey haqqında müzakire olunsun deye başlıq açılması normaldır, mence. bu adam da bize maraqlı olmasa bu başlığa bu qeder entry girilmezdi yeqin.
ask.fm'deki cavablarını men de beyenmirem, amma orda bele onu follow edirikse demeli adam bize maraqlıdır da. hem beyenmesen de, beyensen de adamın düşüncesi budur. o kimise mecbur etmir ki, swinger barede. yazır, xoşuna gelmir oxuma. düşünceye göre teqib edeceksense de söz6'da ne işin var demezler adama? deyerler. yani ki, men cavidi sevmirem bele, burda da hamı bilir tenqid elemişem babat, amma haqsız tenqidin de yeri yoxdur axı. saygılar.

istəşmək

adətən rayon kəndlərində oğlanla qızın bir-birini qarşılıqlı sevməsinə verilən ad.
keçmiş zamanlarda (söhbət ata və analarımızın vaxtından gedir.) bu sözün yerinə sevişmək deyirlərmiş, yəni qarşılıqlı şəkildə sevmək. lakin daha sonra türklərin həyatımıza daxil olması və sevişmək sözünün potensial seks olaraq başa düşülməsindən sonra kənd camaatı alternativ vasitələr axtarışına çıxır və istəşmək sözünün üstündə dayanır. istəşmək kənddə necə işləyir, nümunə göstərim.

- o qızı həsən istəyir, ondan uzaq dur.
- istəyir istəsin də.
- elə yox! onlar istəşirlər!
- hə, başa düşdüm. allah xoşbəxt eləsin.

istəşmək o deməkdir, qızın da razılığı var, nə vaxtsa oğlana "hə" deyib, indi mesajlaşırlar, arada qız bulağa ya mağazaya gedəndə yolda oğlanı görür, danışıb eləyirlər. məsələn evlənən oğlan kənddən qız almaq istəyəndə sevgilisi olan qız haqda deyirlər ki, "onun istəşdiyi var".
(baxma: sevişməyin, istəşin)

göyəzən pfk

qazaxın futbol klubu. hal-hazırda ikinci divizionda çıxış edir. ən uğurlu günlərini heç vaxt yaşamamışdır. ikinci divizionda hər komandadan 5-6 qol yeməklə bizə rayonda san marino azarkeşi olmaq hissini yaşadır. bir ara bizim kənddə söz-söhbət var idi ki, göyəzəndə oynayan qaradərili xaricdə tum satan olub, ordan tutub gətiriblər. bu söhbət komandamızın şanlə günlərində idi, birinci liqaya yüksəlmiş idik, və transferlərə ehtiyacımız olduğundan klub rəhbərliyi əlini cibinə atmışdı, necə deyərlər.

--spoiler--


kimdi futboldan bezən?
göyəzən! göyəzən! göyəzən!
qalib gəlirik bəzən
göyəzən! göyəzən! göyəzən!


--spoiler--

aka the one

virtual da olsa əlaqəm olduğu insan. əslində əhatə dairəsinə bir çox məşhurlar da daxildir deyə məsələ qəlizləşir, məsələn dj fateh, mirsalam və eldarla şəkillərini filan görmüşəm. özünün isə hələ heç bir videosuna baxanda üzümdə təbəssüm yaranmayıb, ümumiyyətlə azərbaycanda yaxşı yumor yoxdur, bu qız da yəni bacarmayanlar arasındadır. amma ki, şəxsiyyətinə təhqir edən adamlar məncə özləri çox cılız insanlardır, xüsusilə ask.fm-də anonimcəsinə həyata keçirənlər. bu qız qeyrətlidir, yəni ən azından elə təsir bağışlayır, gündə birinin altında yatandan deyil, gizli yazana da deyir ki, belə kişisən açıq yaz. kommentləri də yəqin ki, vecinə almır.
amma məşhurluq söhbətində razıyam. belə videolarla məşhur olmağı istəməzdim mən, ümumiyyətlə məşhur olmağı istəmirəm o ayrı. əvvəlki, heç kim tanımayan aynur daha yaxşı idi elə bil. indi bir az yüksəklərə qapılıb, amma düşəcək, onda pis təsir edəcək ona.
bir də ki heç də gözəl deyilsən, türk dilində pis danışırsan, rus dilində davam eləsən, daha yaxşı olar.

rəsulzadə olmasaydı

rəsulzadə olmasaydı repressiya olmayacaqdı deyirlər. başdan deyim ki, nə heydərçiyəm, nə də rəsulzadəçi, ümumiyyətlə şəxsiyyətə pərəştisin əleyhinəyəm. amma tarixdə bəzi şəxslər var ki, onların etdikləri doğrudan qiymətləndirilməlidir. ümumiyyətlə hal-hazırda heydər əliyevə olan sevgi tamam yaltaqlıq kimi qəbul edildiyindən və ona nifrətin çox normal qarşılandığından bəzi marjinal gənclər rəsulzadəni bəyənməməklə özlərini fərqli göstərməyə çalışırlar. bu tiplər "azərbaycanda hakimiyyət dəyişsinmi" sualı gələndə "yenilər də köhnələr kimi bir şeydi" deyənlərdi. yəni guya çox qayğısızdılar və çox bombadılar. ola bilər rəsulzadəni bəyənməyəsən, bunu qəbul edərəm, amma bəyənmədikdə belə gərək ilk əvvəl şəxsiyyətə təhqir etməyəsən, daha sonra düzgün arqumentlər gətirəsən. rəsulzadənin azərbaycanda olduğu zamanlar elə bir vaxtlar idi ki, bu zaman onun ideal bir lider olması imkansız idi onsuz. ümumiyyətlə ideal lider anlayışı yoxdur, yaxşı lider öz xalqı üçün çalışarkən başqalarını güdaza verməyi bacarmalıdır. rəsulzadəni tənqid edənlər əsasən repressiya və irəvan söhbətini ortaya gətirirlər. repressiya məsələsində repressiyanı tək nəfər etmir, sistem edir. yəni necə ki sən məsələn rte-ni öldürməklə türkiyədə hakimiyyəti dəyişəmməzsən, stalin ölsə də repressiya olmayacaqdı deyəmməzsən. bilənlər bilir ki, çox şəxsin repressiyası stalindən xəbərsiz həyata keçirilib, stalin olmasaydı da beriya, mikoyan öz işlərini həyata keçirəcəkdi və hətta ölən şair sayı daha artıq olacaqdı.
irəvanın verilməsi məsələsinə gələndə isə bunu da konkret tarixi aspektdən dəyərləndirmək lazımdır. dövrün şəraitində ermənilərin çox güclü müttəfiqləri var idi, ən azından din onlara bu baxımdan yardım edirdi, və irəvanın ermənilərə verilməməsi digər bölgələrin də əldən çıxmasına səbəb ola bilərdi. mən demirəm ki, bu doğru qərardır, amma tarix səhv qərarlarla doludur. əgər rəsulzadəni bu qərarına görə tənqid edirsənsə nəyə görə daha uzaq keçmişdə şah abbası və ya xətayini tənqid etmirsən? çünki rəsulzadə sevilir və sən də sevilən şəxsi tənqid etməklə fərqli olmalısan.
kiməsə ulu öndər demək, qurucu kimi qəbul edib onu bütə çevirib ideallaşdırmaq ağılsızlıqdır. bunu edən insanın millətçi damarları qabarıb deməkdir. amma hər hansı bir şəxsi marjinal görünmək üçün əsassız iddialarla tənqid etmək, millətçilikdən daha pisdir. ona görə ki, millətçilikdə öz millətinin başqa millətdən üstün olduğunu qəbul edirsən və bu açıq-aşkar digər millətlərə qarşı alçaldıcı mövqedir. əsassız tənqiddə isə sən artıq individuala qarşı təhqir xarakterli hərəkət həyata keçirirsən, hüquqlar isə bütün deklarasiyalarda, konvensiyalarda, xartiyalarda millətlərə verilmir, fərdlərə verilir. belə.

atanın sevimli oyuncağı

ataların çox dəyər verdiyi hər hansı bir əşya.
mənim atamda bu təzyiq aparatıdır. elə bil kasıb, oyuncaqsız keçən uşaqlığının heyfini çıxarır bu aparatla. həmişə otaqda, jurnal stolunun üzərində olur. heç vaxt onun yanlış göstərdiyini qəbul etmir, ən həvəslə bazardan aldığı şey o təzyiq aparatına aldığı batareya daşıdır. bəzən məclislərdə filan qayıdıb mənə deyir ki, get gətir təzyiq aparatını, bir əmin təzyiqini ölçsün. (halbuki əmim həkimdir özü.) bir dəfə əmim demişdi ki, sənin aparatın çox səhv göstərir, onda atamın gözlərində bir kədər olmuşdu ki. yeni aparata zorla öyrəşmişdi. amma indi artıq yenisinə də alışıb. bacım özü həkimdir, amma bacım onun təzyiqini ölçəndən sonra hər dəfə bir də aparatla yoxlayır öz təzyiqini.