kütlə dəyişmədiyi müddətcə heç bir şeyin dəyişməyəcəyi vaxt. istəyirsən demokratiyanın atasını, babasını gətir prezident qoy, bu millət "allah mənim ömrümdən alıb onun ömrünə calasın" fikri ilə nəfəs alırsa, heç bir mənası yoxdur.
blok başlıqlarını gizlət
5 saniyə qanunu
yazarların spotify xülasəl�
Notice: Undefined variable: thisuser in /var/www/soz6/profilson.php on line 166
oracle database qurmaq məqsədilə yüklədiyim, amma isinə bilmədiyim linux distrosu. yum apt-get'dən daha yavaş işləyir sanki. ya da mənə elə gəlir. debian və ununtu'ya öyrəşmiş biri olaraq əlim hər dəfə "sudo apt-get" yazmağa meyl edir. diskin bir kənarında durur. bir gün ona da vaxt ayırmağa başlayacam yavaş yavaş.
database sistemini heç cür işə sala bilmədiyim firma. əvvəl, debianda qurmağa cəhd etdim, amma tələblərə baxanda debian'ın dəstəkləmədiyini görüb centos yüklədim. amma bunda da uğur əldə edə bilmədim. əslində, əsas problem lazımı diqqəti ayıra bilməməyimdir. bunu qurmaqda əsas məqsədim jdbc'dir. fikirləşdim ki, eyni firmanın məhsulları daha uyumlu nəticə verər. oracle database'lə uğur əldə edə bilmədikdə isə quraşdırılması daha rahat olan mysql ilə davam etməli oldum. çünki vaxtımı buna sərf etmək istəmirəm hələ ki. ancaq fikrim yenə də oracle'da qalıb. hazırda bu sahədə (proqramlaşdırma) keçməli olduğum ilk mərhələni keçdikdən sonra bunun üstünə düşəcəm. başqa yolu yoxdur.
(bax: belə pis çıxmasın)
(bax: qız bürcü kişisi)
1981-ci ildə gitarist mike holmes və pianist martin orford tərəfindən qurulmuş ingilis neo-proqressiv rok qrupu. tales from the lush attic, the wake, dark matter, the road of bones kimi bir sıra maraqlı albomları var.
(baxma: harvest of souls)
(youtube: 
)
)
70-ci illərdə hans lundin və roine stolt öndərliyində qurulmuş isveçli prog qrupu. ilk 3 albomu klassik prog tərzini özündə əks etdirir. skenet bedrar adlı 22 dəqiqəlik musiqi o dövr yaradıcılığının zirvəsi sayılır. təbii ki, digər musiqilər də olduqca maraqlıdır.
(youtube: )
)80-ci illərdə çıxan 2 albom o qədər də uğurlu deyil. lakin 20 il sonra qrup yeni tərkibdə təkrar geri qayıdır. 2002-ci ildə çıxardıqları notes from the past albomu qrupun yeni tərzindən xəbər verir. daha sərt, daha oturaqlı və konseptual musiqilərlə davam etdikləri bu yeni dövrdə öz cizgisini qoruyan bir qrup var artıq qarşımızda. qrupun əsas beyni isə yenə də hans lundindir. dinləməyə doymadığm leaving the horizon
(youtube: )
)
bir növ şəxsiyyətə pərəstiş, daha doğrusu, ən yüksək halı. bir əvvəlki entridə qeyd edildiyi kimi, kraldan çox kralçı olmaqdır. bu proses həmin şəxsin sağlığında olarsa, o da bu vəziyyət qarşısında heç bir şey etməyib buna inana və özünü, həqiqətən də, peyğəmbər zənn edə bilər.
əgər bir cəmiyyət buna meyllidirsə, heç vaxt öz müqəddəratını həll etmək səviyyəsinə çata bilməyəcək. başda duran istənilən şəxs özünün də azca təşəbbüsü ilə peyğəmbər pilləsinə qalxacaq. o cəmiyyət də həmişə başdakına sitayiş edəcək. beləcə, monarxiya.
ubuntunun son dövrlər ağırlaşmasından sonra istifadə etmək üçün distro axtarışları nəticəsində rahat nəfəs ala bildiyim linux distrosu. cinnamon masaüstü mühiti rəngi və dizaynı ilə gözə xitab etdiyi kimi yüngüllüyü ilə də insanı yormur.
daha çox uşaq vaxtı yaşadığımız, qorxu və stressin həndəsi silsilə ilə artdığı anlardır. tapa bilmədikcə stress artır, stress artdıqca əlin ayağın bir birinə qarışır, nə axtardığını belə unudursan. və birdən o səs gəlir: 'n'ooldu, tapa bilmədinmi poxu? götürdüyünüzü yerinə qoysanız'. artıq bütün bədən boşalıb, amma son bir ümidlə axtarmağa davam edirsən. eyni zamanda dilindən qırıq qırıq, zorla eşidilə biləcək bir səslə bunu deyirsən: bur...da ...lm...lıyd.... ata gəlir və səhərdən bəri eşələndiyin yerdən özünə lazım olanı götürüb deyir: ' bədbaxtın balası elə bil kordu. sizin axırınız nə olacaq, bilmirəm'. wtf üz ifadəsi ilə baxa baxa qalırsan.
ilk albomdan 39 il sonra, 2012-də çıxmış olan ikinci alphataurus albomu. ən az ilki qədər təqdirəlayiq bir albomdur
1. progressiva mente
2. gocce
3. ripensando e...
4. claudette
5. valigie di terra
https://www.youtube.com/playlist?list=PLxq0NvHXVd_CE5qIX-Q_3sJW_pPLyKTe5
məktəb illərində lazımsız olaraq gördüyüm, amma indi, əgər normal tədris edilsə, şüur səviyyəsi daha yüksək bir nəsil formalaşdırma potensialı olduğunu düşündüyüm bir fənn. ən azı fəlsəfənin əsas anlayışları öyrədilir o kitabda. indi isə belə bir fənn yoxdur, bildiyim qədərilə. onun əvəzinəmi, yoxsa tam dəxlisiz olaraqmı, həyat bilgisi dərsi var. biraz göz gəzdirdim. bir vaxtlar keçdiyimiz təbiətşünaslıqdan mövzularla birlikdə hökumətin təbliği və sonda da əsl bomba dinimiz və mənəviyyatımız mövzusu var. özü də 5-ci sinif. yəni dinə əsaslanan bir mənəviyyat və əxlaq aşılanır uşaqlara (baxma: dinin əxlaq monopoliyası). 'insan və cəmiyyət' isə 9, 10, 11-də keçilirdi, səhv etmirəmsə. azdan-çoxdan müəllimlə kainatın yaranması ilə bağlı müzakirələr edirdik. onda indiki kimi dinə meyl yox idi. hətta bir sinif yoldaşım deyəndə ki, 'kainatı allah yaradıb', müəllim onun sözünü kəsib demişdi ki, bizim mövzumuz allah deyil. o vaxt qatı bir ateist kimi bu, çox xoşuma gəlmişdi. müəllim gözümdə bir xeyli yüksəlmişdi. bu dərsdən əsas yadımda qalan epizod bu olub.
qrupun 1973 tarixli sefltitled ilk albomu.
1. peccato d'orgoglio
2. dopo l'uragano
3. croma
4. la mente vola
5. ombra muta
(youtube: )
)
1973-cü ildə yaranmış və cəmi 2 albom (alphataurus-1973, attosecondo-2012) çıxarmış italyan prog qrupu.
elə indicə yaşadığım bir vəziyyət. buna pərt olmaq demək olarmı, onu da bilmirəm. türkcə "dumur olmaq" ifadəsi daha yaxşı ifadə edir. bəlkə, o da eyni şeydir elə. nəysə, keçim mətləbə.
sintezator adlı elektrikli musiqi alətini bilməyənimiz yoxdur, hər halda. hər bir orta statistik azərbaycanlı ömründə ən azı bir dəfə toyda olub və bu aləti tanıyır. biraz böyüyüb dünya gördükcə, xarici musiqi qruplarını tanıdıqca synth və ya synthesizer adını da görmüş oldum. təbii olaraq da bu söz dilimizə sintezator kimi keçib, çox güman ki, ruscadan. o vaxtdan sonra özümü bir dartmaq dartıram ki, bəs deməzsənmi, biz bu alətin adını səhv bilirmişik, əslində synthesizer olmalı imiş. tələffüzdə dəyişklik olubmuş. ancaq bu iki sözün eyni şeyi ifadə etdiyi ehtimalını heç düşünmürəm. elə hesab edirəm ki, bunlar ayrı-ayrı şeylərdir. hələ üstəlik bu adı tapıb qoyduqlarına görə bizim millətin "yaradıcılığına" gülürəm də içdən içə. birdən nədənsə bu sözü araşdırmaq fikrinə düşdüm. araşdırmaq dediyim də "google translate"də yazıb tərcüməsinə baxmaq. sintez sözünün synthesis-dən gəlmiş olduğunu indi öyrəndim. düzdür, buna görə utanc hissi keçirdim. mənim durumumda bunu bilməmək, həqiqətən, böyük ayıb hesab olunmalıdır. ancaq "heç vaxt gec deyil" deyib özümə təsəlli verdim və bu bilgini sözlüyə yazmaq fikrinə düşdüm. sən demə, hələ əsas məsələ burada imiş. "sintezator" başlığına girdim və yuxarıdan aşağı baxa baxa getdim ki, görüm məndən qabaq bunu yazan olubmu. ahan da biri yazmış: (#112105). lan bu mənəm ki. 4 il bundan qabaq yazmışam özü də. amma heç cür xatırlaya bilmirəm ki, hansı düşüncə və bilgi vəziyyətində yazmışam. bu da böyle bir anımdır.
mənasız keçilmiş iqtisadi mövzulu universitet dərslərinin insanda yaratdığı travma. hər nə qədər müasir dövrün reallığı pul və iqtisadiyyat ətrafında olsa da, bu cür söhbətlər açılanda istər istəməz allergiya tutur məni. hər rastıma çıxanda maliyyə-kredit, vergi, mühasibat sahəsində məsləhət verir. mühasibatlıq belə gəlirli işdir, vergilərdə qəşəng pul var, filankəs maliyyə-kredit oxuyub indi bankda işləyir falan filan. bəsdir də "mazgi" elədiyiniz. hələ şəxsi biznesdən danışanlar da olur ki bu, onlar da ayrı bir dərddir. gündəlik tələbatı ödəyəcək qədər pul qazanıramsa, əlavə nəyə görə başımı ağrıtmalıyam ki? olmaz olsun o əlavə pula ki, insanın rahatlığını pozur.
heydər əliyev desə, yenə başa düşmək olar. ilham əliyev nə edib ki, bu qədər poçt yolu açıb arxa tərəfdən?
qeyd: heydər əliyevin də nəsə etmiş olduğunu iddia edirəm kimi bir şey anlaşılmasın burdan.
tək gitara yox, keyboard solosu da əfsanədir.
eloy-poseidon's creation
(youtube: )
)ürək istər ki, başdan sona dinləyəsiniz, amma hövsələsi və vaxtı olmayanlar üçün sözü gedən hissə https://youtu.be/NIeO4IAhpGM?t=7m40s
qəribə, qarışıq yuxular görməyə səbəb olan durum. ümumiyyətlə, çalışıram ki, yuxuya getməmiş musiqini dayandırım. amma istəmədən də olsa, yuxu tutur və qulağındakı "səs küyün" təsirilə narahat bir halda yuxular görürsən. birdən oyanırsan ki, qulağında gurultular filan. düşdüyün vəziyyətə lənətlər yağdıraraq boğazına dolaşmış kabeli açırsan və daha sakit bir yuxu üçün yatmağa davam edirsən.
tələbə dövrünü boş boş dərsləri oxumaqla hədər etmə. indidən özünə bir gün ağla. dil öyrən, daha həvəsli olduğun sahəyə aid biliklərini artır. bir səhvdir edibsən. heç olmasa, bundan sonra düzəltməyə çalış. imkan tapan kimi də cəhənnəm ol bu ölkədən.
daha artığını tanımaq istəmədiyim insanlar. qohumluq mənim üçün formal xarakter daşıyır artıq. sadəcə qan bağımız var deyə niyə mütləq kimisə tanımaq məcburiyyətindəyəm? həm də heç bir ortaq yönümüz olmadığı halda. tanımaq bəs etmir. gərək arada bir əlaqə də saxlayasan. təsadüfən hardasa qarşılaşsanız, "belə də qohum olar, niyə zəng edib əlaqə saxlamırsan" filan, başlayacaq sünilik etməyə. sən də ondan beş betər süniliklə "başım qarışıq olur zad" deyib yola verirsən. hamısının da ortaq bir xüsusiyyəti var: toy elə, gələk.
zorla qohum çıxmağa çalışanları da var hələ. onlar da ayrı bir dərddir
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343