elmə olan münasibətimi bəziləriniz bilir deyə düşünürəm. yenə də bildirim ki, elmin gücünə ən az sizin qədər inanıram (ilahi qüvvəyə inamla qarışdırmayasınız bunu. sadəcə, başqa cür ifadə etmək mümkün deyil). və bir çoxları kimi də hansısa bir qrup insanın oturub kütləni elm yolu ilə nələrəsə inandırdığını düşünmürəm, əksinə mənasız bir yanaşmadır bu. burada nəzərdə tutduğum şey, məsələn, yerin kürə formasında olmasının guya "masonların" bizə zorla (sadə insanlar tərəfindən anlaşılması çətin elmi açıqlamalar yolu ilə) yeritdiyi kimi bir fikir olduğu tipli konspiroloji iddialardır (cümlə bir qarışıq ola bilər, amma təxminən nə demək istədiyimi başa düşərsiniz). yəni mən o cür paranoyak fikirli biri deyiləm.
di gəl ki, bu homoseksuallıq mövzusunda razılaşa bilmirəm. burada həqiqətən də qəsdli bir hərəkət olduğu düşüncəsindəyəm.
durumu ən yumşaq şəkildə bunun insan tərəfindən şüurlu bir seçim olub olmaması kimi dəyərləndirmək olar.
1. şüurlu seçimdir. bunu nə dərəcədə "məsum" hesab etmək olar? cinsi əlaqənin nəsil artırmaq üçün həyata keçirilməsini atıram bir kənara. insan növü bunu zövq üçün edir artıq. arada əsas məqsədə də yönəlmiş olur, bu ayrı. əgər insan təbii (normal erkək və dişi cins arasında olan) cinsi əlaqədən bezib daha "fərqli" zövqlər dalınca gedib homoseksuallığı seçirsə, bu, psixi pozulmanın xəbərçisidir. ki bundan sonrası psixi xəstəlik sinfinə girir.
2. doğuşdan gələn bir haldır, fərdin şüurlu seçimi deyil. bu da gendəki bir anormallıq və hormonal pozulmadan qaynaqlana bilən bir durumdur. ortada yenə normal olmayan bir hal var.
insanın özündən asılı olmaması və doğuşdan gəlməsi son qəbul olunmuş versiyadır. bir şeyin anadangəlmə olması onun xəstəlik olmadığı mənasına gəlmir. əksinə, o qədər anadangəlmə xəstəliklər var ki. bu da onlardan biri. sadəcə, bu, insanların həyat tərzinə çevrildiyi üçün bunun düzəlməsi istiqamətində aktiv fəaliyyət aparmaq insanlara çətin gəlir, bu cür qəbul olunmalarını istəyirlər. qəbul edənlər də var, etməyənlər də. amma bizim qəbul etməyimizdən asılı olmayaraq, xəstəlik, ya da anormallıq bir vəziyyət olaaq qalmaqda davam edəcək. necə ki, təkamül bizim nə düşündüyümüzdən asılı olmayaraq mövcuddur.
blok başlıqlarını gizlət
5 saniyə qanunu
yazarların spotify xülasəl�
Notice: Undefined variable: thisuser in /var/www/soz6/profilson.php on line 166
seçimdir, yönəlimdir, xəstəlikdir, hər nədirsə, normal qarşılaya bilmədiyim bir vəziyyət. insanların bir-birilə çox yaxın münasibəti ya ailə bağlılığı, ya dostluq, ya da əsasında cinsi əlaqənin dayandığı sevgi, məhəbbət.
sonuncudan başlayım. çoxlarının ilahiləşdirdiyi sevgi məfhumu nəsilartırma instinktinin günümüz insanı tərəfindən daha obrazlı ifadəsidir. nəsilartırma isə insan növü üçün yalnız və yalnız əks cinsdən olan iki normal fərdin əlaqəsi ilə mümkündür. burada normal fərd dedikdə fiziki, bioloji və psixi cəhətdən normal cinsi əlaqəni həyata keçirə bilən və bunu normal şəkildə gələcək nəslə ötürə bilən fərdlər nəzərdə tutulur. yəni bunun bizim normal anlayışını necə qəbul etməyimizlə əlaqəsi yoxdur. təbiətin tələbi belədir. başqa heyvanlarda homoseksuallıq varsa, bu ya onların nəsilartırma bacarığının bunu da dəstəkləməsi deməkdir, ya da yenə başqa bir anormallıqdır. nəticə olaraq, kişi görünüşlü biri özünü qadın kimi hiss edib kişilərlə münasibətə üstünlük verirsə, bunu normalmış kimi qələmə vermək doğru gəlmir. əks vəziyyət üçün də eyni hökm keçərlidir.
yox, əgər desəniz ki, hər şey cinsi münasibət demək deyil, onda yaxınlıq formaları üçün də bunun normal olduğunu deyə bilmərəm. dostluq iki insanın bir-birini yaxından tanıyıb, bir-birinə kömək olub dərdlərini və sevincini paylaşması falan filan kimi şeylərdir. homoseksual davranışın buraya qarışacağı yoxdur.
ailə bağlılığından isə danışmağa belə dəyməz.
əgər arada qaçırtdığım bir yer varsa, bilgiləndirin, zəhmət olmasa.
(baxma: camaat nə deyər)
milli mentalitetə uyğun bir çox reaksiyaları bazaya toplayıb, edəcəyin bir hərəkətə görə nə reaksiya veriləcəyini əvvəldən göstərən bir proqram. beləcə, camaat qarşısında biabır olmadan edəcəyimiz hərəkətləri əvvəldən formalaşdıra bilərik.
bəlkə çox depressiv və pessimist bir yanaşmadır, amma bir an gəlir ki, ətrafındakı insanların bir-birinə uzun ömür, xoşbəxtlik və sağlamlıq arzulaması belə bir iyrənməyə səbəb olur içəridən bir qışqırma istəyi yaranır: "bəsdir artıq, illərdir eyni sözləri işlətməkdən bezmədinizmi?". ayda ən azı bir nəfərin doğum günü olur-eyni şablon cümlələr, birinin uşağı olur-yenə bu sözlər, toy olur, sünnət olur və s. və s...
bundan başqa, biri ilə söhbət edirsən. tutaq ki, evlənib, uşağı filan da olub. hörmətsizlik olmasın deyə qısaca bir təbrik edirsən (bayaqki şablona özümü də daxil edirəm. nə də olsa, bu cəmiyyətin "məhsuluyam"). qayıdıb deyir ki, sənə də qismət olsun. burda qayış qopur. bir insan niyə öz başına gələn və yaxşı hesab etdiyi hər şeyi başqasına da arzulamaq istəsin? hadi, xoşbəxtlik arzulamasını başa düşdüm də, konkret bir həyat hadisəsini arzulaması çox absurd görünür. hamının xoşbəxtlik anlayışı eyni ola bilməz ki.
nə bilim. hamı bir qəlibdən çıxmış kimi eyni şeyləri etməyə can atır. hara üz tutursan, eyni davranışlar, eyni mentalitet, eyni düşüncə tərzi. bütün bunlar yetməzmiş kimi, sənin də həyatına qarışmaları və yönləndirməyə çalışmaları bezdirib artıq. bir insanın yol gedərkən qulaqlıa taxmasına belə qarışan bir cəmiyyətdən heç ümidim qalmayıb.
(baxma: san qril)
iqtidarın xalqı idarə etmək üçün ən çox istifadə etdiyi prinsip. normal vaxtlarda müxalifətin və etirazçı xalqın tənqidinə məruz qalan iqtidar hökumət onun öz ucbatından ölkədə bir gərginlik yarandıqda kütləvi etirazın qarşısını almaq üçün bu yola əl atır. çünki düşünür ki, millət bunun təsirinə tez düşəcək və etirazını dayandıracaq. indi türkiyədə də bu vəziyyətdir. akp-nin bacarıqsızlığı nəticəsində türk lirəsi son günlərdə sürətlə dəyərdən düşdü. hökumət də xalqa bu prinsiplə müraciət edərək onlardan "yastıq altındakı" dollar və yurolarını çıxarmalarını istəyir. akp əleyhdarları da təbii ki buna getmir və heç də eyni gəmidə olmadıqlarını, vaxtında akp-yə səs verib başa gətirənlərin öz cəzalarını çəkməli olduqlarını bildirir. məncə haqlıdırlar da.
belə baxanda bizim də durumumuz bundan fərqli deyil. amma bizim xalq daha tez təsir altına düşür, deyəsən.
ermənistan məhsulu olduğunu zənn edib guya protesto edirlər. hətta içində zərərli maddələr olduğunu deyənlər də var. ermənistan bizi zəhərləmək üçün hazırlayıb bizə göndərirmiş. məntiqə bax ee. bilgi olsun deyə qeyd edim ki, bu məhsullar nə ermənistan istehsalıdır, nə də zəhərlidir. istehsalçı ölkə bu zonaya məhsul göndərərkən yaxın ölkələrin yazılarını bir qruplaşdırır. ölkələrin düsmən olub olmamasına baxacaq deyil hər halda.
filmdəki adlar belə insana gəl gəl deyir
(bax: nebuchadnezzar)
(baxma: niobe)
(bax: oracle)
(bax: morpheus)
(baxma: cypher)
(bax: trinity)
(bax: osiris) - bu, animatrix'dəndir
museo rosenbach qrupunun 1973 tarixli albomu.
1. zarathustra
2. il tempio delle clessidre
3. degli uomini
4. della natura
5. dell'eterno ritorno
1973-də çıxardıqları zarathustra albomu ilə ad qazanmış italyan prog qrupu. daha sonra exit (2000) və barbarica (2013) albomlarını çıxarırlar. exit albomu digər ikisindən biraz daha zəifdir. zarathustra isə əfsanədir.
başına dərd açmaq istəməyən insandır. az aşım ağrımaz başım.
qohumlarla görüşməmək səbəbi.
abov, ölkə xanaya çevrilib deyəndə bu qədərini təxmin etməmişdim. adamlar iddianı reallığa çevirib. halal olsun. belə baxanda qınamaq da olmur. il ərzində cəmi 2 dəfə (novruz bayramı və ramazan ayı) işə yarayan bir məkanda sıxıntıdan partlayırmışlar çox güman.
az rastlanan bir şey olduğunu düşünürəm. yalnızlıq əhalinin həddən çox artdığı bir zamanda olduqca lüks bir məfhumdur. hara getsən, insanla qarşılaşırsan. evdə, işdə, yolda, hər yerdə. insan özü ilə baş başa qala bilmir. buna ehtiyac olduğu halda onu ödəyə bilməmək digər bir çox ehtiyacdan daha çox sıxır insanı. ən çox yalnız olduğunu düşündüyün yolda belə biri çıxıb bütün kefinə soğan doğraya bilir.
#275036
(baxma: şaxta baba yoxdur)
(baxma: zevs yoxdur)
(baxma: ra yoxdur)
və s. uzanıb gedir bu.
70-ci illərdə qurulmuş hollandiyalı prog qrupu. əksər qruplardan fərqli olaraq əvvəlki dövrlərdə daha standart musiqi icra etmiş, lakin 1981-də çıxardıqları merlin albomundan sonra prog və rok opera janrına daha çox girişmişlər. see see the sun adlı ilk albomları da diqqətəlayiqdir.
türkiyədə bizdəkindən beş betər qondarma tarix yazırlar, adını da 15 temmuz destanı qoyurlar. düşüncələri həyətdə yağış suyundan yaranmış gölməçələrdən də dayaz olan bəzi insanlar da bu nağıllara inanır. hələ bir bəh bəh də deyirlər.
üslub olaraq bir neçə fərqli tiplərə bölünsələr də, eyni bezdiricilik dərəcəsinə malik insanlardır. ən çox qarşılaşılan tiplər ailə qurmaqla bağlı məsləhət verənlərdir. "yaşın keçir, valideynlərinə yazığın gəlsin, bir toy elə toyunda oynayaq" falan filan. elə bil oynamaq üçün ancaq toy eləmək lazımdır. kimsə oynayacaq deyə mənim həyatım məhv olmalıdır, filmdə deyildiyi kimi.
digər tip biznes ruhlu olanlardır. hər dəfə yeni bir orijinal ideya ilə başlayırlar. ay nə bilim filan növ qoyun var, ildə iki dəfə bala doğur, belə xeyirli, belə rahat və s. ya da bizim bağa baxıb burda filan şey saxlasan, yaxşı olar zad. deyən lazımdır, elə həvəsin varsa, gəl özün qur o dediyini. uşaqlığım o dərədə təpədə heyvan dalınca qaçmaqda keçib. indi indi ayağım dincə çıxıb. bir də ora qayıtmağa heç həvəsli deyiləm. adamdan soruşmurlar da ki, başqa bir planın filan olar haa birdən. elə bir ucdan məsləhət yağdırırlar. ona görə də mümkün qədər uzağa qaçmaq istəyirsən. ta ki səni tanıyacaq bir insan olmasın.
2 günlük istanbul konsertləri çox möhtəşəm keçib. biz də burdan video parçalar izləməklə barmağımızı sovurduq. alın siz də sovurun.
camel qrupunun dinləməyə doyulmayan möhtəşəm instrumental albomu. paul gallico'nun eyni adlı qısa hekayəsi əsasında yazılıb. əslində, albomun adı müəllif hüquqları səbəbindən music inspired by the snow goose olaraq dəyişdirilmişdir sonradan və tam adı da belə gedir. amma daha çox bilinən adı başlıqdakı kimi qısa olandır. buyurun, dadını çıxarın:
https://www.youtube.com/watch?v=NoiBtAXRnIo&list=PLGFfX89dROQWw4Ufo8gACwty1gjetQbyZ
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343