rasim öztekin

g.o.r.a.-nın bob marley faruk-u, türkiyəli aktyor. infarktdan vəfat edib bir neçə saat bundan qabaq. geniş aile, seksenler serialından və mandıra filozofu filmindən də tanıya bilər bəziləriniz

dəmiryolunu keçərkən relsin üstünə çıxmayan insan

"axı niyə çıxmayasan" kimi düşüncələrə qərq olmağıma səbəb olan insan. dəmiryoluna yaxınlaşırsan, səndən qabaqda da başqa biri gedir. gözləyirsən ki, indi ayağını relsin üstünə qoyub rahat keçəcək, amma yox. bu adam ayağını bir metr açır və dəmiryolunun ortasına qoyur. axı niyə? bu, relsin üstünə çıxmaqdan dahamı asandır? həm də ki, ora çıxmağın ləzzətini bir tək mənmi bilirəm, və ya bundan həzz alan tək mənəmmi? yoxsa başlığı beləmi açmalıydım? (baxma: dəmiryolunu keçərkən relsin üstünə çıxan insan)

sevil atakişiyeva

böyüdüyü ailə mühiti ilə bağlı yazısını görəndə mən də kiçik bir məsləhət vermək istəmişdim o vaxt. kənardan məsləhət vermək çox asandır. normalda məsləhət verməyi də xoşlamıram, amma o an kömək etmək istəmişdim həqiqətən. görünür, vəziyyət elə də sadə deyilmiş ki, ən sonda intihar yolunu seçib. təbii ki, intahara qədər keçdiyi vaxt, keçirdiyi hisslər, intihar anında da yaşadıqları sözlərlə və ya təsəvvür etməklə anlaşılmaz, bütün bunları yaşamış olmaq lazımdır başa düşmək üçün. intiharı seçmiş olmasına da təəssüf edirəm, amma digər tərəfdən ölümü çox da dəhşətli bir hal kimi görmədiyim üçün "bəlkə də belə rahatlıq əldə edib" deyə yaxşı tərəfini düşünməyə çalışıram.

çox da mühüm olmayan düzəltmə: sözü gedən entri sözaltı etirafda yazdığı idi: #302143

perseverance rover

nasa-nın marsa göndərdiyi və bu gün təxminən saat 00:48-də planetə enməsi gözlənilən araşdırma robotu. əgər hər şey yolunda gedərsə, bundan 7 dəqiqə sonra təsdiq cavabı yerə çatacaq. bu missiyanın əsas məqsədi marsda həyat izlərinin axtarışıdır. aylar əvvəl nasa-nın saytında hər kəsin öz adını, soyadını, ölkəsini yaza bildiyi bir form da yaradılmışdı. bu adlar həmin robotla marsa göndərilməliydi. mən də öz adımı qeyd etmişdim. özüm getmirəm, heç olmasa, adım getsin -*

burdan canlı izləyə bilərsiniz

(youtube: )

big big train

1990-cı ildə qurulmuş ingilis proqressiv rok qrupu. dinləyənə qədər də maraqlı gəlirdi. dinlədikdən sonra da, əslində, gözlədiyimdən biraz daha fərqli olduğunu gördükdə daha da maraqlı olmağa başladı. the underfall yard, english electric (1, 2), folklore albomları israrla məsləhət görülür.

sözaltı music

(bax: procol harum)

(youtube: )

yazmaq istədiyin entryni artıq yazmış olman

insanın sevinc və pərt olmaq arasında bir hiss yaşamasına səbəb olan durum. bir həvəslə girirsən ki, bu "möhtəşəm" bilgini və ya təəssuratı sözlükdə paylaşasan. açırsan başlığı və o da ne, yengesi, o entri artıq yazılıb və özü də yazan sənsən. dəfələrlə başıma gəlib və biri də indicə oldu: #283139. başlığın ilk entrisini facebook-da görəndə istədim yazım, girib gördüm ki, yazmışam, özü də düz 2 il əvvəl (bir gün fərqə dözmək olar, plus 2020-də fevral 29-dan idi)

qeyd: kimsə də demir ki, fevralın 29 gün olmasının mövzuya nə dəxli var. hələ üstəlik normal olanın guya 28 gün olduğunu nəzərdə tutsaq, fərq 2 günə çıxır -*

unudulmaz serial replikaları

star trek: the next generation serialının davamı olan generations filmində gəmi (baxma: enterprise) planetə doğru düşərkən datanın ağzından çıxan bu ifadə hər dəfə yadıma düşdükcə gülmək tutur
(baxma: ooooooh shit)

(youtube: )

kral lütdü

Əhvalat, qısaca, belə olur ki, iki nəfər dolandırıcı krala deyir ki, biz elə bir materialdan paltar tikirik ki, onu ancaq sənə çox sadiq olanlar görə bilər. Bu, krala çox maraqlı gəlir və razılaşır. Fikirləşir ki, bu yolla ölkəmdə kimin mənə sadiq olub olmadığını bilərəm. Dolandırıcılar guya paltar tikirmş kimi iş görürlər və axırda hazır olduğunu bildirib kralı "geyindirirlər". təbii ki, söhbət hamıya yayılmış olur artıq. Kim krala baxsa, çılpaq görür, amma heç kim qorxusundan bunu deyə bilmir. Yalandan çox gözəl paltar olduğunu deyir saraydakı hamı. Bundan cəsarət alan kral xalqın içinə çıxır. Yenə heç kim həqiqəti dilinə gətirə bilmir. Ta ki bunu bir dəli görənə qədər..


Əhvalatın axırı necə olur, dəqiq bilmirəm

deadlock victim

bu sifarişi verən: luna sql server-də deadlock halına səbəb olmuş tranzaksiyalardan biri. deadlock isə o haldır ki, eyni resurs üzərində iki ayrı proses başlayır və ikisi də bir-birini gözləyir ki, resursu sərbəst buraxsın. bu zaman baş vermiş dəyişiklik başlanğıc vəziyyətinə qaytarılır (baxma: rollback) və hər iki proses dayandırılır. qurban (victim) kimi də geri qaytarma əməliyyatı ən tez olacaq, yəni ən az dəyişiklik etmiş olan proses seçilir.

qamma vs lad

bu sifarişi verən: naümid
vikipediyadan:
lad ( məqam) (rus. lad, ing. mode) – müxtəlif yüksəklikdə yerləşən səslərin bir birinə tərəf meyl edərək, eyni zamanda bir sabit səs tonika ətrafında birləşməsi; o cümlədən, həmin səsdən qurulan interval və ya akkord (adətən tonika üçsəslisi) ətrafında cəmlənməsi.
ladı əmələ gətirən səslər pillə adlanır və tonikadan (I pillə) başlayaraq, yuxarıya doğru artan sıra ilə rum rəqəmləri ilə işarə olunur. Ladın hər bir pilləsi müəyyən funksiya (vəzifə) daşıyır. ladlar bir-birindən səssırasının quruluşuna görə fərqlənir, yəni səslər arasındakı intervalın kəmiyyəti və keyfiyyəti, həmçinin ayrı-ayrı pillələr arasındakı qarşılıqlı münasibət ladın səssırasının quruluşunu müəyyən edən amildir - bu, ladın quruluş formulu adlanır.

tonika ladın sabit, baş pilləsi olub, digər pillələri öz ətrafında cəmləşdirir. qısa yazılış şəkli: T (böyük hərf). şərq musiqisində tonikaya "mayə" deyilir. ladı təşkil edən səslərin yüksəklik üzrə tonikadan sonrakı oktavanın tonikasına qədər düzülüşü qamma (ladın səs sırası) adlanır.

https://az.wikipedia.org/wiki/M%C9%99qam_(musiqi)

sözaltı etiraf

eternal sunshine of the spotless mind filmindəki kimi beynimdə olan bəzi xatirələri, tamamilə, yox etmək istəyirəm. Həyatda çətinlik də, sıxıntı da, pis günlər də olar filan, amma elə anlar var ki, onlar yadına düşdükcə utanc hissi keçirirsən. "Kaş bunu eləməmiş olaydım", "yer yarılsın, yox olum" deyirsən öz-özünə. Məndən sizə məsləhət, şəbəkə biznesinə girmədən əvvəl yüz dəfə, min dəfə düşünün. 7 il əvvəl etdiyim bu ağılsızlığın peşmanlığını hələ də yaşayıram yadıma düşdükcə. Başqa səhv qərarlarım da olub, yanlış yönləndirildiyim də olub, amma heç biri bu qədər yandırmayıb məni. Kimsə zarafatla o dövr haqqında söhbət açanda tez bağlayıram ki, yada salma onu, xatırlamaq istəmirəm.