azərbaycanlı super qəhrəman adları

hazırkı dünyada tüğyan edən komiks personajları və filmlərin nəzdində, "saga" dedikləri anlayış bizim "dastan" janrıyla üst-üstə düşür. işin içində fantastika olunca, bizim dastan və nağıllar həmin komiks motivlərini diri-diri çeynəyər. amerikada roman yaza bilməyən, yazıçı kimi uğur qazana bilməyən adamlar komiks (şəkilli hekayələr) yazmağa üz tuturlar. beləcə, həm azyaşlılara daha çox xitab edirlər, həm də zamanın nəbzini tuturlar ("snack" tipli yemək olaraq düşünün).

di gəl ki, azərbaycan kimi ölkədə komiks və komiks motivli film standartlarına cavab verən onlarla nağıl və dastanlar kimi nəhəng sərvət yatır. hər hansı birini senariləşdirib (və ya mətni ingiliscəyə çevirib hollivud senaristlərinə yazdıraraq) mükəmməl super-qəhrəman hekayələri yaratmaq olardı.
"bərkgedən" super-qəhrəman filmlərinə baxsaq, bir çoxunda mifologiyaya istinadlar görə bilərik. hind-çin-afrika-yunan-skandinaviya mifologiyaları. indi bunu bizim mifik nağıl və hekayələrlə müqayisə etsək, dişə dəyəsi qəhrəmanlar az deyil.
(bax: məlikməmməd)

marvel cinematic universe 4th phase

(bax: marvel cinematic universe)
avengers: endgame və spiderman: far from home filmləri ilə bitən 3-cü fazadan sonra marvel sinematik kainatı yeni bir mərhələyə keçid etdi.
yeni mərhələ (4-cü faza) black widow solo filmi ilə başlamalı olduğu halda covid pandemiyası səbəbiylə kinoteatr kultunun silkələnməsinə görə marvel disney+ platformasına keçid etdi və keçən 6-7 ayda izləyiciləri öz kainatından çox da qoparmamaq məqsədiylə disney+da 3 mini serial yayımladı: wandavision, the falcon and the winter soldier və loki.
wandavision - 9 seriya,
the falcon and the winter soldier - 6 seriya
və loki (1-ci sezon) - 6 seriya olmaqla 4-cü faza başlamış oldu. ardınca da black widow filmi 9 iyul tarixində kinoteatrlarda yayıma girdi.

4-cü faza tam şəkildə loki serialı ilə başladı və sezon finalı ilə (14 iyul 2021) "uşş thanos, şirin titan" dedirtdi.
11 avqustda marvel sinematik kainatına məxsus ilk animasiya olaraq "what if...?" serialı disney+da yayımlanmağa başlayacaq. loki-nin sezon finalı ilə başlayan paralel kainatlar macərası bu animasiya ilə davam edərək, spiderman: no way home və dr.strange in the multiverse of the madness filmləri ilə inkişaf etməyə başlayacaq. bu arada dc sinematik kainatı tetris oynamağa davam edəcək.

wandavision

wanda maximoff (komikslərdə scarlet witch adı ilə də tanınır, elisabeth olsen canlandırır) və vision (daha əvvəl tony starkın yaratdığı süni intellekt jarvisin age of ultron filmində mind stone (zehin daşı) ilə təkmilləşdirilmiş versiyası, paul bettany canlandırır) obrazlarının müəyyən zaman kəsimində birlikdə keçirdiyi həyatı əks etdirən, marvelin yeni super-qəhrəman serialı. dekabr 2020-də "disney+"da yayıma başlayacaq.
wanda-pietro maximoff əkiz bacı-qardaş ilk dəfə captain america: the winder soldier filminin post-credit səhnəsində göstərilmişdi. hər iki obraza zehin daşı sayəsində xüsusi güclər verilmişdi. pietro maximoff "quicksilver" adı ilə də tanınır, eksta sürətli hərəkət edə bilən bir adamdır (dc comicsin flash obrazı kimi), hansı ki quicksilver obrazı həm də x-men seriyasının 3 filmində göstərilmişdi. age of ultron filmində quicksilverin ölümündən sonra tək qalan wanda ilə həmin filmdə ortaya çıxan vision arasında xüsusi münasibətlər formalaşır. captain america: civil war filmində cütlüyün birlikdə yaşadığını görürük, filmin ortalarında qarşı tərəflərdə yer alsalar da, infinity war filminin başlanğıcında cütlüyün şotlandiyada yenə birgə yaşadığını görürük. daha sonra məlum olduğu kimi, vision thanos tərəfindən öldürülür.
wandavision serialının ilk treylerindən sonra cütlüyün birgə fantastik macəralarına şahid oluruq. böyük ehtimalla, serial infinity war-a qədərki müddəti əhatə edən macəralar periodudur.

edit: yanvarın 15-də yayımlanmasına qərar verildi.
edit: serial infinity war-a qədərki periodu deyil, endgame-dən birbaşa sonrakı dövrü, yəni 2023-cü ildə hulk-ın gauntleti taxıb qeyb olan hər kəsi geri qaytardığı andan sonra baş verənləri əhatə edir. serial 9 bölümdən ibarətdir, 2-ci sezonun çəkiləcəyi barədə hələ ki bir fikir yoxdur. son seriya 5 mart tarixində yayımlanacaq. serialda wanda-nın əslində mcu-da indiyə qədər gördüyümüzdən dəfələrlə artıq dərəcədə güclü bir varlıq (cadugər) olduğuna şahid oluruq. wanda içinə düşdüyü sonsuz tənhalıqdan çıxış yolu olaraq "xaos" adlı cadudan istifadə etməklə alternativ bir reallıq (simulyasiya) yaradır və özünü burada xoşbəxt hiss edir. bu serialda thanos qətliamından sonra nick fury-nin rəhbərlik etdiyi "s.h.i.e.l.d" agentliyi ilə paralel fəaliyyət göstərən "s.w.o.r.d" agentliyinin yaradıldığını da görürük. mcu-nun ilk serialıdır və 4-cü fazada olacaq bir çox kilidin açarı məhz bu serialdadır. mcu həvəskarlarının mütləq izləməsi vacib olan serialdır.

porno aludəçiliyi

"sex sells"
paranoyakca səslənsə də, hal-hazırda dünyaya (bəşəriyyətə) yön verən axındır porno kulturası. artıq barmaq qatlayıb "bax, bu erotizmdi, bu isə pornoqrafiya" deyə biləcəyimiz məzmunlar və məhsullar yoxdu. hər şey pornoqrafikləşir. filmlər, cizgi filmləri, mahnı sözləri, kliplər, reklam çarxları, reklam posterləri və s.
yuxarıdakı "entry"yə istinadən, cinsəllik və cinsəlliklə qazanılan, doydurulan hisslərin, hormon vəzilərinin standartları pornoqrafiya sayəsində o qədər yüksəkdə saxlanılır ki, bu hədəfə gündəlik yaşayışı və performansları ilə nail ola bilməyən nəhəng bir quduzlar (quduzlaşdırılmışlar) ordusu yetişir. libido hissini təmin edə bilməyən fərdlər tək-tək azğına çevrilir. məsələn, umberto eko nəvəsinə tövsiyə məktubunda porno izləməməsini məsləhət görmüşdü:
"əgər təsədüfən ipad-ində iki insan övladı arasındakı və yaxud bir insan övladı ilə bir heyvan arasındakı əlaqəni göstərən yüzlərlə porno saytlardan birinə daxil olsan, çalış, seksin yalnız bundan ibarət olduğuna inanmayasan. bundan əlavə kifayət qədər monoton olan bu səhnəciklər, sənin çölə çıxıb həqiqi qızları görməməyin üçün təşkil olunub. diqqətini məktəbdəki və yaxud oynadığın yerdəki qızlara yönəlt, çünki həqiqi qızlar tv-də gördüyün qızlardan daha yaxşıdırlar və bir gün internetdəki qızlardan daha çox həqiqi qızlardan məmnun qalacağının şahidi olacaqsan. səndən daha təcrübəli birinin sözlərinə inan (əgər mən ancaq kompyuterdə seksə baxsaydım, sənin atan doğulmazdı, sən də kim bilir harda olacaq, hətta bəlkə heç olmayacaqdın)"
yaranmış (və ya yaradılmış) aqressiv azğınlar ordusu bir gün həqiqətən istəklərini təmin edə bilməyib böyük bir partlayışa səbəb olacaq.