hamiləlik əleyhinə tabletlər

əksəriyyəti süni estrogen vasitəsi ilə adət döngüsünü dəyişdirir və bədəni bir növ hamilə olduğuna inandıraraq yumurtaların yenidən mayalanmasının qarşısı alınır. xırda detalları mütəxəssislərimizə buraxıram. deyilənə görə qəbuluna başlamaq və ya uzun müddətdən sonra saxlamaq qadınların partnyorlarına qarşı olan hisslərində nəzərə çarpacaq dəyişikliklər yaradır. evliliyə qədər istifadə edən qadınlar evlilikdən sonra saxladıqda bir müddət sonra partnyorlarını kifayət qədər cazibədar saymırlar. və ya əksinə.
ağır təkamül travması ilə yaşadığım üçün aşağıdakı izahatı ağla-batan sayıram. qadınlar normalda testosteronu çox olan, risk edən, cəsarətli və güclü erkəkləri sevirlər. hamilə olandan sonra isə nisbətən ehtiyatlı və qayğıkeş erkək lazımdır. çünki, çox risk edən erkəyin sağ qalmaq şansı azdır və daha az sadiqdir. dişiyə isə onun və uşağının qeydinə qalacaq biri lazımdır. məhz bu səbəbdən düşünülür ki, başlıqda söhbəti gedən dərmanlar qadınlarda partnyorlara qarşı hisslərin dəyişməsinə səbəb olur.
p.s. hər şey bir yana. düşünəndə ki, sevgi, bağlılıq, sədaqət kimi ali, ideal qavramlar bioloji cəhətdən nə qədər əsassızdırlar, adam həyatdan soyuyur. əlimizdəki tək silah primitiv instinktlərimizi üstələyən güclü şüurumuzdur. bunun nəticəsində inanmaq. güvənmək, ümid etmək bacarığımızdır. qətiyyən təbiətin ədalətsiz olduğunu düşünməyin. təbiət ifrat dərəcədə ədalətli və obyektivdir. bu da onu rəhmsiz edir. amma məncə biz yuxarıda sadaladıqlarım ilə onu ram etmək iqtidarındayıq.

sharelatex.com

latex mətn yığma dilində fayllarınızı yaza, saxlaya, bölüşə biləcəyiniz online cloud. əgər latex çox işlədirsinizsə, onda vaz keçilməz bir səhifədir. latexin paketlərini, editorunu, compilerini və s. yükləmək zülümdür. həm də ilk həmlədə əməliyyat sisteminizə uyğunlaşdırmaq heç də hər kəsdə alınmaya bilər. sharelatex.com-da əksər paketlər, dil dəstəyi, simvollar və s. artıq serverə yüklənib. siz sadəcə lazım olan paketi faylınızın başına əlavə edirsiniz. bundan başqa evdə yazdığınız faylı universitetdə, ya da kitabxanada işlədə bilmək üçün hər dəfə clouda yükləməkdən bezmisinizsə, onda sharelatex köməyinizə çatacaq. belə ki, editor brauzerinizdə açılır və bütün fayllarınız online saxlanılır. bundan başqa ola bilər hər hansısa səbəbdən bir neçə nəfər bir sənədin üzərində işləmək istəsin. məsələn komanda şəklində uzun referat hazırlamaq lazımdır, ya da bir kitab ya iri məqalə tərcümə etmək istəyirsiniz və iş bölünməlidir. sharelatexdə bu asanlıqla edilə bilər. sadəcə mətninizi bir neçə fayla bölüb dostlarınızla live düzəlişlər edə bilərsiniz mətndə. bundan başqa düzəlişlərin xronoloji ardıcıllıqları da yaddaşda saxlanılır. həmişə istədiyiniz tarixdə, saatda olan versiyaya qayıtmaq mümkündür. yoxlayın, işləmək həvəsiniz artacaq.
uğurlar ola!
yeni adres

gözəl qızlar

acı və ədalətsiz səslənsə də, kişi onlara istər-istəməz layiq olduqlarından daha çox şey verməyə hazır olur. həm də sosial statusları yüksək olan qızlardır. cavanlıq və gözəllik qadının sosial statusuna təsir edən ən böyük faktorlardır.
bayaq işdən gələndən sonra çantamı dəyişib mağazaya getməyə qərar verdim. velosipedlə gəlmişdim, elə mağazaya da velosipedlə gedəcəkdim. əynimdə də velosiped kostyumum var, elə bil tour de francedan indicə çıxıb gəlmişəm, yetim. özgüvən cırır dağıdır. bir dar yolda kənarda maşınlar park edib deyə, öndən gələn maşına yol verdim, bəli avropada da belə şeylər olur. yavaş-yavaş yaxınlaşıram maşına, bu vaxtı da özümü orta əsirlərin süvarisi kimi hiss edirəm, beynimdə kingdom of heaven filminin soundtracki səslənir. amma işdə nə isə tərslik var, öndəki maşın da keçməyə cəhd etmir, yavaşlayır. mənim dayanmağımı gözləyir sanki. üzbəüz gələndə gördüm polis maşınıdı. 150 metr qabaqda polis idarəsi var, elə indicə patrula çıxıblar. mənə yaxınlaşanda kənarda dayandım, yan şüşəsi açıq idi. sarışın bir qadın vardı. tünd mavi uniforma, sapsarı saçlar, açıq gözlər, açıq dəri. çox gözəl idi. tutuldum qaldım. heç salam verə bilmədim. mehribancasına dedi "zəhmət olmasa işıqsız sürməyin, əgər gedəsi yeriniz varsa, düşün əlinizlə sürüyün velosipedi, ancaq işıqsız yola çıxmayın.". elə bu vaxt əlimi atıb işıqlarımı yandırdım. "oh, belə əla görünür ki. çox sağolun, gecəniz xeyirə" dedi, gülümsədi. mən də bircə "siz də sağolun" dedim mk.

iri şirkətlərdəki gizli qəhrəmanlar

etdikləri qəhrəmanlıqlar ilk baxışda nəzərə çarpmayan orta və aşağı vəzifəli şəxslərdir. adətən çox nəhəng yavaş reaksiya verən şirkətlərdə işləyirlər. şirkətin adətən bütün işçiləri sözdə iş çoxluğundan şikayətlənməklə, əlavə iş saatlarına qalaraq şirkət üçün fədakarlıq etdiklərini hamının gözünə soxmağa çalışarlar. ancaq ümumilikdə görülən işə baxdıqda adamın "sən mənim canım, artıq işləyib poxu poxa qatma" deyəsi gəlir. lakin entrymin mövzusu olan gizli fədakarlar heç də diqqət mərkəzində olmurlar. heç də şikayət etmirlər. səliqəli sərrast işləri digər işçilərin görəcəyi işin miqdarını nəzərə çarpacaq qədər azaldır. məsələn bir neçə sənədi skanerdən keçirib pdf-faylı şəklində başqa bölməyə göndərmək lazımdır. bəzi mühəndislər sənədləri topa şəklində skanerə qoyur bir başa email adresimə göndərir. bəziləri isə hissə-hissə bölür. hər bir sənədin adını başa düşüləcək bir şeyə çevirir. lazımdırsa açıqlayıcı mail yazır və s. ardınca da xoş gün arzulayır. ilk variant mənə əlavə yarım saat iş yaradır. ancaq ikinci variantda hər şeyi birbaşa işlətməyə başlaya bilərəm. mənə elə gəlir ki, eyni şeyi kodunu bolca şərhlərlə dolduran proqramçı haqda da demək olar. təmbəl olmayaq, dostlar.
hörmətlə, qatıq.

sözlük yazarlarının etdiyi kiçik çılğınlıqlar

(baxma: içkili vəziyyətdə işə getmək)
pox olsun heç gəlməzdim bu gün, sadəcə tətildən gələn bir iş yoldaşıma, o tətildə olanda nə pox yediyimi xəbər verməli idim. gecəni içib, yatmadan gəlmişəm bura. amma bir yandan da yaxşıdır, hələ ki, heç kimin diqqətini cəlb etməyib içkili olduğum. amma artıq bir neçə dəfə iş yoldaşlarımdan "bu gün kefiniz yaman kökdür deyəsən." eşitmişəm. dəhşət kökdür blin, qulağımda leningradın jopa mahnısı səslənir bayaqdan. səsli oxumamaq üçün özümü güclə saxlayıram. gərək 1-2 saat sonra rədd olum evə.
p.s. bir də indi-indi yadıma düşür, deyəsən yaş çəmənliyin üstündə uşaqlarla güləşmişəm gecə.

fantastik qiymətə malik sadə proqramlar

adətən biznes üçün lazım olan proqramlardır. yəni işin içində gəlir varsa, hamı anasının qiymətini qoyur malın üzərinə.
konkret hansı proqramlardan danışdığımı deməyəcəm. ancaq nə işə yaradıqlarını yazmaqla dərdimi açıb tökmək istəyirəm.
deməli bir proqram var, tikintilərin idarə edilməsi üçün nəzərdə tutulub. prinsipcə bir məlumat bazasından fərqi yoxdur. yazacağım bütün funksiyalarını excel və ya lap tez-bazar qurulmuş sql məlumat bazası ilə də əldə etmək olar. nə edir bu proqram. deməli ilk öncə mühəndis, arxitektor binanın planını hazırlayır. planda görüləcək işlərin bir siyahısı olur. məsələn 5 t beton, 100m armatur, 200m boru və 1km kabel. indi bu məlumatlar təbii ki, bir neçə cədvələ bölünür, məsələn elektronika, havalandırma, qapı-pəncərə, mebel falan. bu siyahılar xüsusi bir formatda yazılmış fayl ilə bizim bu proqrama daxil edilir. idarə edici şirkət tikintiyə başlamamışdan əvvəl işi görə biləcək şəxslər və ya şirkətlər axtarır. məsələn mebel üçün 10-15 dənə mebel sexi axtarır. hər birinə də bizim bu siyahını göndərir ki, ordakı mallar üçün öz qiymətlərini yazıb geri göndərsinlər. bu prosesdə şirkətlərə gedən və qayıdan məlumatlar da xüsusi formatlı fayllar sayəsində olur ki, bunları da bizim proqramımız oxuya bilir ancaq. sonra yalnız bir təklif bəyənilib seçilir və işə başlamaq əmri verilir. bu vaxtı işçi şirkət hər ay gördüyü işlərin siyahısını, hansı ki, birinci siyahıdan ayrı-ayrı elementlər olmalıdır, göndərir hesab olaraq tikintinin sahibinə. yenə xüsusi formatlı fayl ilə. nəticədə tikintinin sahibi də pulu ödəyir və bütün tərəflər razı qalır. məni qıcıqlandıran şey odur ki, bu lənətə gəlmiş məlumat bazasının 20-25 lisenziyası üçün yeddi rəqəmli bir məbləğ ödənilib. lənətə gələsiniz hər şeyi excel ilə edərdiniz də, sonra da mənim kimi klaviaturada yazmaqdan başqa heçnə bacarmayan tələbəni də həftədə 20 saat işlədirsiniz ki, sizin üçün excel cədvəllərini qaydada saxlasın. ki, təəssüflə deməliyəm ki, onsuz da hər şeyi əl ilə yazıram mk. yuxarıda ağız suyu ilə danışdığım "xüsusi fayllar" işə yaramır.
bundan başqa bir proqram var ki, elədiyi tək iş gələn emailləri dəstələmək və onlarda olan məlumatları məlumat bazasına qeyd etməkdir. məsələn bir mühəndis bizə avqust ayı üçün hesab göndərəndə, proqram məlumat bazasına hesabdakı məbləği, mühəndisin adını, tarixi hesabın nömrəsini və s. qeyd edir. bunun kimi poxdan bir şey üçün də altı rəqəmli bir məbləq ödənilib.

şirkətlərdə minimum 30 faiz qadın işçi məcburiyyəti

məntiqsizdir. almaniyada hətta belə bir şey də var. tutalım ki, şirkətdə bir vəzifə boşdur və işçi axtarılır və şirkətin qadın hissəsinin tam olması üçün bir qadın çatışmır. əgər həmin yerə sadəcə bir qadın müraciət etsə, peşəkarlığından asılı olmayaraq şirkət onu qəbul etmək məcburiyyətindədir. əgər siz kişisinizsə, şirkət yuxarıdakı şərtlərə baxmayaraq sizi qəbul edirsə və sizin də bundan xəbəriniz varsa, onda sizi qəbul edən şirkəti qadın haqlarını tapdaladığı üçün məhkəməyə verib xeyli pul götürə bilərsiniz. bu dərəcədə absurddur bu qanun, amma etiraf etməliyəm ki, yuxarıdakı vəziyyət çox az ehtimal oluna bilər. indi işlədiyim şirkətə müqavilə üçün təklif göndərən şirkətlərin hamısından bu qanunu nəzərə aldıqlarına dair yazılı izahat tələb olunur.

latex

imkanları ilə məni heyrətləndirməyən davam edən mətn yığma proqramıdır. microsoftun mətn yığma proqramından və ya onun analoqlarından əsas fərqi odur ki, mətn visual deyil də kodlar üzərindən format olunur. nəticədə yazı sürətiniz və iri mətnlərlə işləmə bacarığınız əhəmiyyətli dərəcədə artır. #121339 nömrəli entrymdə əsas xüsusiyyətlərini daha detallı sadalamışam. bu dəfə məni heyrətləndirən xüsusiyyəti isə, kodla qrafik çəkmək imkanıdır. belə ki, hər hansı bir diaqramı başqa bir proqramda hazırlayıb buraya ötürməyə ehtiyac yoxdur. tikz paketi sayəsində 2d, 3d diaqramlar, qrafiklər və hətta animasiyalar hazırlaya bilərsiniz. sadəcə hər şey kod üzərindən hazırlanacaq deyə, uzun müddətli məşğuliyyətdən sonra ağır inək olmaq ehtimalınız yüksəkdir. amma nerds are cool * yazar burda göz vurur . google-da tikz latex yazıb şəkillər axtarın nələrə qadir olduğuna özünüz əmin olun.

rapport

psixologiyada iki insan arasında etibar və empatik diqqətcilliyə dayalı əlaqəyə deyilir. ən azından vikipedia belə deyir. iki insan arasında rapport yarananda bədən dili əks olunmağa başlayır. yəni qarşı tərəfin əl-qol hərəkətləri, mimikaları kopyalanır. söhbət zamanı səs tonu, danışıq sürəti və hətta söz bazası eyniləşir. bütün bunların baş verməsi üçün illər aylar lazım deyil, ilk 5-10 dəqiqədə özünü göstərməyə başlayır bunlar. aralarında rapport olan iki insan bir-birinin fikirlərini daha az tənqidi qarşılayır və bir-birinin mənfi, zəif cəhətlərini görməzdən gəlirlər. satış mütəxəssisləri adətən potensial müştəri ilə rapport qurmağa çalışırlar ki, bunun üçün hələ effekti sübut olunmamış müxtəlif metodlardan istifadə olunur. müəyyən ortaq özəllik tapmaq, bədən dilini, danışıq tonunu, sürətini, söz bazasını bilərəkdən yamsılamaq və s. məsələn bir satıcı sizdən ixtisasınızı soruşub, "ah nə gözəl mən də o ixtisası oxumuşam. ancaq çətin idi deyə atdım" deyərək sizinlə rapport qurmağa çalışa bilər. amma bu metodların nə dərəcədə həqiqətə uyğun olduğu çox da yoxlanıla bilmir.
rapport qurmaq qabiliyyəti bütün insanlarda var. hətta bəziləri daha da irəli gedərək beynin bunun üçün doğuşdan əvvəl proqramlanmış xüsusi hissələri olduğunu deyirlər. sübut kimi ana ilə körpə arasındakı qarşılıqlı gülümsəmə göstərilə bilər.
yazmaq səbəbim, məlumat verməkdən daha çox etiraf məqsədi güdür. çox uzun müddətdir bunu hiss etmirəm, əzizlərim. heç kimə qarşı doğmalıq hissi keçirmirəm. öz ailəmə belə. qətiyyən şikayət etdiyimi düşünməyin. ağlayası başqa dərdlərim var. sadəcə bu barədə fikirləşəndə həyəcan siqnalı çalınır beynimdə. yenidən o hissə qovuşmaq çox gözəl olardı, bunun üçün nələri isə dəyişməliyəm. deyirlər kommunikasiyada səhv və ya çatışmazlıq yoxdur, sadəcə feedback var.
hörmətlər.

charite

(baxma: şarite)
berlinin ən qədim xəstəxanası olub, avropanın ən böyük klinikalarından biridir. 1710-cu ildə qurulmuşdur. eyni zamanda həm də universitet klinikasıdır ki, berlinin humboldt və free universitetlərinin tibb fakultələri buradadır. sözlükdə almaniyada tibb təhsili almaq istəyən tələbələrimiz varsa, müraciət edə bilərlər. ancaq xəbərdarlıq edim ki, qəbul olmaq çox çətindir.
--------------------
yeri gəlmişkən icazənizlə almaniyanın tibb sisteminin varyoxunu söymək istəyirəm. bu lənətə gəlmişin ambulant yardım bölməsinə iyun ayında "ürəyim ağrıyır, ürək qüsuru var məndə. ildə iki dəfə yoxlanmalıyam" xahişi ilə müraciət etsəm də, dekabr ayına boş günlər var gələ bilərsiniz cavabını almışam.
------------------
entry yazmağıma başqa bir səbəb isə, işlədiyim şirkətin keçən həftə charite üçün yeni əməliyat binası tikib təhvil verməsindən duyduğum fərəh hissidir. proyektin maliyyə və idarə etmə bölməsində işlədiyim müddətcə binadakı hər stuldan tutmuş nəhəng soyutma aparatlarına, qapıların elektron açar sistemindən tutmuş, lampalara, hər xırda kabelə qədər hər şey barmaqlarımın altından keçib. könül istərdi ki, o stulların birinin altına "söz6 was here" yazım, ancaq götüm çatmadı. dekabrda da digər nəhəng binanı təhvil verəcəyik chariteyə. vətənə millətə xeyirli uğurlu olsun.
daha bir fərəh hiss ilə gələn edit: bu proyekt almaniyada son 10 ildə vaxtında bitən yeganə ictimai proyektdir. ictimai tikintilər dövlət tərəfindən maliyələşdirilir və ona görə də az pul olur deyə tikinti bərbad gedir, yəni vəziyyət təkcə bizim ölkədə belə deyil * yazar burda göz vurur . bu bina isə dəqiqəsinə kimi dəqiqliklə vaxtında sahibinə təhvil verilib. bir müxbirin bu barədə sualına charite-nin prezidenti "berlin bacarır da..." deyərək özündən razı cavab vermişdi. ümumiyyətlə bizim alman deyəndə dəqiqlik gəlir ağlımıza, ancaq o dəqiqliyi ilə fəxr edənlər əslində prussiyalılardır, yəni berlin və onun ətrafı brandenburg. berlinin icra başçısı isə cənab prezidentə yarı zarafatla "diqqətli olun yoxsa sizi aeroportdakı proyektin başına keçirərəm" deyə söz atmışdı. berlinin schönefeld hava limanındakı təmir işləri 7-8 il bundan əvvəl bitməli imiş, ancaq hələ də uzanır.

audible

amazon şirkətinin audio kitab satışına baxan qoludur. eyni zamanda eyni adlı programdır. müxtəlif ölkələrdə müxtəlif təklifləri ola bilər, ancaq mənim qaldığım yerdə ayda 10 avro ödəməklə abunə olmaq mümkündür. nəticədə kitabları olduqlarından daha ucuz qiymətə yükləmək olur. bundan əlavə hər ay bir pulsuz kitab hədiyyə verilir ki, hədiyyənizi də özünüz seçə bilərsiniz. şəxsən mənə çox sərfəli gəlir. sanki hər ay ucuza bir kitab alırsınız və digər bütün kitablar da sizin üçün endirimdə olur. əgər siz kitabları alıb kitabxanama düzmək istəyirəm deyənlərdən deyilsəniz kitab oxumaq üçün mükəmməl bir layihədir. belə ki, ortalama bir kitab 10-12 saatdır. universitetə, işə gedəndə və ya düşünməyinizi gərəkdirməyən istənilən işi gördükdə audible proqramını qoşursunuz və kitabınızı dinləyirsiniz. beləcə bir həftəyə bir kitab bitirmək mümkündür. bir ilə yaxındır dinləyirəm, 20-dən çox kitab bitirmişəm. kitab seçiminə gəldikdə isə, təkcə romanlar bədii əsərlər yoxdur. həm də başqa sahədən kitablar da tapmaq mümkündür. bir amması var ki, ingiliscə kitablar tapmaq rahatdır digər dillərdə baza hələ geniş deyil. azərbaycanda bu layihəni nə dərəcədə işlətmək mümkündür bilmirəm. təcrübələrini bölüşən olsa idi sevinərdim.
uğurlar ola.

sağlam özgüvən

məntiqsiz səbəblərə görə utanmağınızın, lazımsız insanlardan çəkinməyinizin qarşısını alan və verilən situasiyada yalnız layiq olan insanların məsləhətinə, əmrinə əməl etməyinizə kömək edən zad. çox möhtəşəm şeydir. şefimin gijdıllaq olduğunu çox yazarımıza danışmışam. amma adamda inanılmaz dərəcədə sağlam öz güvən var. deməli bunun içdiyi sadəcə bir növ su var ki, bu da iki aydan bir yaxınlıqdakı supermarketdə təklif olunur. adam bu periodda eləmə ərincəklik, supermarketdən bir araba su alır, araba ilə yolları keçir, gəlir binada liftə minir. ofisin ortası ilə sürür gəlib büroya yığır su butulkalarını. butulkalardan ibarət 3x2 bir divar hörənə qədər gedib gəlir. işin maraqlı tərəfi, burda utanılacaq heçnə yoxdur. ancaq çox az adam bunu edəcək qədər rahatdır bu həyatda. bir marketin bir günlük gətirdiyi bütün su stoklarını bitirəcək qədər üz olmalıdır adamda. ikincisi də ki, öz sahəsi üzrə avropada birinci olan şirkətin 10 ən yuxarı statuslu adamlarından biridir. hələ də şok içindəyəm.

boşaldıqdan sonra gələn yorğunluq hissi

tarix boyu istər elm adamları olsun, istərsə də müxtəlif din və ya təlim müəllimləri arasında bir çox konspirasiyalara yol açmış fenomendir. ay nə bilim, kişinin həyat enerjisi boşalmaqla itir. yox qadınlar bu həyat enerjisinin kişinin belindən sorurlar. və ya boşalma gücün belində qalsın və s. müəyyən mənada haqlıdırlar. amma necə ola bilər? bu bir faktdır ki, kişilər boşaldıqdan sonra ifrat yorğunluq hiss edirlər. yəni ki, xanımlar partnyorunuz sizinlə sevişdikdən sonra götünü dönüb yatsa, tez məni sevmir yəqin iddiasına qapılmayın. ortada başqa bir şey var. bunu başa düşmək üçün məncə əvvəl necə olur da yatmaq istədiyimizi başa salım. yuxusu gəlmək heç də enerjiniz yoxdur, yatıb enerji yığmalısınız kimi yozulmamalıdır. bunu ən sadə dillə belə başa düşə bilərsiniz ki, bədəninizdə hər an iki qrup hormon bir-biri ilə mübarizə aparır. birinci qrup sizi oyaq saxlamağa, ikinci qrup isə sizi yatırmağa çalışır. hansı qrup daha çox fəaliyyətdə olursa, axırda yorulur və üstünlük digər qrupa keçir. yəni çox oyaq qaldıqda sizi oyaq saxlayan hormonlar üstünlüyü yavaş-yavaş əldən verməyə başlayırlar və nəzarət yuxu hormonlarının əlinə keçir və ya tərsinə. bədəninizin fiziki yorğunluğunun bura birbaşa təsiri yoxdur. indi qayıdaq boşalandan sonrakı yuxu hissinə. aydındır ki, bir ovuc maye ilə bədəninizin enerjisini itirə bilməzsiniz. yəni sizin hiss etdiyiniz sadəcə yuxu hormonlarının üstünlüyü ələ keçirməsidir. indi sual yaranır ki, əgər enerji itkisi yoxdursa, bəs bədənimiz nəyə görə seksdən sonra yatmaq istəsin ki? bunun cavabı təkamüldədir. cənablar, bir penisinizə göz atın. başı göbələk kimidir elə deyilmi? bu göbələyə bənzər strukturun əsas vəzifəsi dişinin vaginasında ilişib qalan digər erkəklərə məxsus spermləri süpürüb çölə atmaqdır. bu struktur yəqin ki, çox köhnədən qalma bir şeydir, çünki insan populyasiyasında dişilərin belə sıxlıqla fərqli erkəklərlə cütləşməsi az ehtimal olunur. insan sosial bir varlıqdır və qurduğu cütlüklər orta müddətli monoqam cütlüklərdir. indi bir seksdən sonra növbəti 7-8 saat ərzində öz partnyorundan başqasının dişinin vaginasına girməsi ehtimal olunmur. məhz bu səbəbdən belə bir adaptasiya etmişik ki, kişilər öz spermlərinin qalıqlarını vaginadan süpürüb çıxarmasınlar. seksdən sonrakı həvəssizlik uzaq başı yarım saat çəkər, ancaq yuxu 7-8 saat kişinin bir də ora girməməsini təmin edir. nəticədə hamiləlik şansı artır.
gecə-gecə nələr gəlir ağlıma mk.
gecəniz xeyirə.

beyin

sinir sistemimizin mərkəzidir. qədimdə vəzifəsinin sadəcə içindən keçən qanı soyutmaq olduğuna inanılırdı. sonradan idarə etmə, informasiyanın işlədilməsi, yaddaş və s. funksiyaları olduğu kəşf olunub. beynin funksiyasını mənə indiyə kimi ən yaxşı ingiliscə pattern matching machine ifadəsi başa salıb. mənası qəlib, düzülüş, forma müqayisə edib, bir-birinə bənzədən maşın deməkdir. məsələn yəqin ki, gecə səmada bürcləri tapmağa çalışmısınız və ya bürclərin əslində hansı ulduzları birləşdirdikdə göründüyünü görmüsünüz necəsə. fikir verin, əslində bu figurların məsələn xərçənglə və ya oxatanla uzaqdan yaxından heç bir əlaqəsi yoxdur. sadəcə insan beyni hər gördüyü informasiyada yaddaşındakı bir bilgi ilə bənzərlik axtarır, informasiyanı müqayisə edir, qəliblər tapır və s. eyni şeyi bakı metrosunda divarda həzrəti əlinin surətini görənlərin və zooparkdakı şirin nəriltisində allah sözünü eşidənlərin beyinləri də edir. beyin eyni anda birdən çox mənbədən informasiyanı alır müqayisə edir qəlibləri tapır. daha doğrusu qəliblər özü yaranır, çünki bənzər informasiyalar beyində bənzər bölgələrə siqnal ötürülməsinə gətirib çıxarır. nəticədə o bölgədəki yollar qalınlaşır və növbəti dəfə o informasiyanın əldə olunması asanlaşır.
əgər bu informasiya müəyyən davranış qəlibidirsə, bir açar siqnaldan sonra o qəlib asanlıqla işə düşür. ingiliscə buna trigger deyilir. məsələn içki içərkən siqaret çəkməyə alışmış isəniz, siqareti tərgitmək istədikdə hər içki məclisində siqaret çəkməmək üçün çox əziyyət çəkə bilərsiniz.
bənzər bir problem bakıya bu dəfəki gəlişimdə qarşıma çıxdı. həmişə arzulamışam ki, dəyişərək xarakterimə yeni özəlliklər qatım. son dönəm ünsiyyət bacarığımı, səbrimi və s. kifayət qədər inkişaf etdirib, yeni alışqanlıqlar əldə etdiyimi düşünürdüm. ancaq bakıda ailəmlə və çox köhnə dostlarla keçirdiyim vaxtda bir vaxtlar çox tez-tez etdiyim ancaq sonradan təkidlə tərgitmək istədiyim davranış nümunələrini yenidən etməyə başlamışam. sanki köhnə triggerlərin yenidən ortaya çıxması mənim əvvəlki xasiyyətimi canlandırıb. mənim özümə qatdığım yeni bacarıqlar, davranışlar falan isə sadəcə yeni triggerlər hakim ikən ortaya çıxırlar. ailəmə qarşı səbrsiz, yeniyetmə davranışım əslində heç bir məntiqə sığmır. düzdür indiki anda belə qətiyyən haqlı olduqlarını qəbul etmək istəmirəm. ancaq ətrafımdakı insanlara ailəmə göstərdiyim tolerantlığın on qatını göstərmək sadəcə mənim ailəmə olan hörmətsizliyimdir. görünür ailəmə qarşı davranışımı düzəltmək yorucu və zaman tələb edən bir iş olacaq. ki, qeyri mümkün də ola bilər.