daima ikinci planda olmaq

salamlar mən gəldim, sözlük əhli axırıncı dəfə burdan necə nə halda çıxmışam heç yadımda deyil. dastan tökmüşdüm bura səhifə yeniləndi getdi hamısı eybi yox. rahatladım biraz sözlük

daima ikinci planda olmaq insana,həyatı sorğuladar. məktəb, ailəm, dostlarım bilmirəm. həmişə uşaq,olanda başqalarına göstərilən qayğıya qısqanıb xəyallar qurtardım bilirdim haçansa kimisə tanıyacam həyatında onun üçün ən vacib mən olacam, kimsə dostum olacaq mənə bütün dostlarından çox dəyər verəcək bir gün olacaqdı görəcəkdir məni həyat drama deyil ola bilməz. böyüdüm insanlarla tanış oldum. insanlar çoxdan yerini tapmışdı sözlük çoxdan dostları var çoxdan 1. ləri var idi. heç kimin arasına girə bilmərəm mən çox,peşmançılıqlarım var mən peşman olan deyiləm heç. bilirsən, deyiləm. insanlar deyirəm yerlərini tapıbmış mənn gözləyəndə amma nə yalan deyim ümidlərim sönməz mənim. kimsə var olacaq lap narkoman da lap tində bucaqda ruhsuz biri də olsa biri olacaq dəyər verəcək mənə hər şey 8 yaşındaki qız üçün hər şey 8 yaşındakı uşaq üçün. 8 yaşındakı uşaq ağlamasın. ağlamasın ümidlərim sönmədi neçə illik günü təkrarladım bu gün çox pis imiş. eyni şeylri hiss elədim ama bu gün daha çox qoydu sözlük bu gün gözləmirdim. bilirdim sənə niyə yazıram bunları çünki heç kim özüm acındırmağa çalışdığını fikirləşməsin lap elə nizəki burda məni qınayan olmayacaq üzümə deyən olmayacaq. çox inanmışdım bu səfər ikinci planda olmayacaqdım. olsun həyat davam edir əllrim yaza bilmir daha sözlük. yoruldum sözlük amma inanıram bir gün bu yazını oxuyacam, gələcəm. yaşxı olacaq hər şey. dünyanın axırı deyil bir gün olacaq

müsəlman feminist

islamın qadına vermədiyi haqları feminizmdə axtaran şəxslərdir. Soruşsan islam belə mükəmməl, belə tolerant, belə doğru... O zaman niyə öz dininlə kifayətlənməyib feminist olasan? Axı islam qadınlara verə biləcəyi bütün hüquqları verib. Deməli, Əksik olan nəsə var. Deməli, ayağının altına cənnət sərməklə olmurmuş o işlər. Hər nə qədər dəstəkləsəm də heç səmimi gəlmirlər mənə. Necə olur ki, saçlarını, bədənini sırf qarşı cins görüb ehtiraslanmasın, günaha batmasın deyə bağla deyən dinə sitayiş edib qadın-kişi bərabərliyindən danışasan? Nə olsa da özü bilər, təki hər insan istədiyi həyatı yaşasın.

ölkədə bitməyən drel səsi

Gic eləyən səsdir. Səhərin gözü açılmamış Sağ tərəfdən küçədəki drel səsi, sol tərəfdən yan qonşumuzdaki drel səsi qulaqlarım qan ağlayır. Harada və nə vəziyyətdə olmağımdan asılı deyil, o gün qızıl dükanına getdik orada belə drel səsi. Tualetə getsən orada da drel səsi. Qonaq gedirik drel səsi, qonaq gəlirlər drel səsi. Deş-deş Saatlarla bitmir. gecə-gündüz, səhər-axşam. nəyi oyurlar bu qədər. Nədir bu ökədəki drel sevdası?
(baxma: bakı - küləkləri deyil, drellər şəhəri )

chiropractic müalicə metodu

bu sifarişi verən: daxili heyecan Kayropraktik - yunanca cheir-əl barmağı, proxis- hərəkət etdirmək deməkdir. Kayropraktik müalicə metodu onurğanın, oynaqların və daxili orqanların manipulyasiya vasitəsilə bərpası ən qədim müalicə metodudur.

Bu sistem ABŞ-da 1895-ci ildə Devid Daniel Palmer tərəfindən kəşf olunmuşdur. Palmer çox istedadlı həkim olmaqla bərabər, vertebral terapiyanın nə qədər əhəmiyyətli olduğunu müəyyən etmişdir. Onurğa fəqərələrinin patoloji vəziyyətini düzəltməklə xəstələri bir çox xəstəliklərdən o cümlədən karlıqdan, ürək xəstəliklərindən müalicə etmişdir.

Baş beynin davamı olan onurğa beyni fəqərələrinin arxasında yer alır. Onurğa beyni vücudumuza gedən sinirlərin baş beyinlə əlaqəsini tənzimləyir. Fəqərələrdə hər hansı bir səbəbdən əmələ gələn dəyişikliklər (travma, yırtıq, stress, duruş pozğunluqları), yerdəyişmələr tədrizən onurğa beyninə təsir edir. Belə bir vəziyyətdə beyinlə vücud arasındakı əlaqələrdə əksikliklər yaranır. Bunlar çox zaman özünü ağrı və funksional (qəbizlik, tərləmə, yuxusuzluq) pozğunliqlar kimi büruzə verir. Kayropraktik müalicə yöntəmi onurğadakı bu problemləri dərmansız, əl vasitəsilə manipulyasiya edərək aradan qaldırır və beləcə beyinlə vücud arasında sağlıqlı əlaqəni bərpa edir.

Kayropraktik müalicə Dünya Səhiyyə Təşkilatı tərəfindən tanınmış bir müalicə metodudur. Amerika Səhiyyə təşkilatı bel və boyun ağrılarının müalicəsində kayropraktik müalicə metodunu daha önəmli sayır.

mənbə - reabilitasiya.az

anidən gələn hələ çox vaxtım var hissi

(bax: Procrastination )

passive voice

bu sifarişi verən: lucifermorningstar
(baxma: məchul növ )
ingilis dilində feillər 2 növdə işlənə bilir:
1. məlum növ (active voice)
2. məchul növ (passive voice)

dilimizdə olduğu kimi, məlum növdən işi icra edən şəxsi, məchul növdən isə icra edilən işi vurğulamaq üçün istifadə olunur:

the cat drank The milk - active v.
the milk was drunk - passive v.

məlum növün məchul növə çevrilməsi :
1. məlum növü məchul növə çevirdiKdə ilk olaraq cümlənin tamamlığını tapmaq lazımdır, çünki bu tamamlıq cümlənin mübtədası olacaq:
Lion ate mouse (şir siçanı yedi)
mouse was eaten by lion (siçan şir tərəfindən yeyildi)

2. məlum növün mübtədası ya tamamilə cümlədən silinir, ya da by (canlılara),
with (cansızlarla) sözönləri ilə birləşərək obyekt formada cümlənin sonunda işlənir.
mother feeds the baby- ana uşağı yedirdir
The baby is fed by mother (canlı)

qeyd: tamamlığı olmayan cümlə passive voice-ə çevrilə bilməz

3. məlum növdə olan cümlənin xəbərini müəyyən etmək lazımdır. Çünki bu xəbərin zamanına uyğun olaraq məchul növün xəbərinin forması müəyyən edilir:
Active voice: melody writes the article
Passive voice: the article is written by melody.

ingilis dilində 10 zaman forması passive voice-ə çevrilə bilər. Yəni bütün zaman formalarının məchul növü yoxdur.

future continues, present perfect continues, past perfect continues - bu zamanların passive forması yoxdur.

zamanların məchul növdə işlədilməsi:

present simple - indiki qeyri-müəyyən zaman forması:
am, is, are və p2 (feilin 3-cü forması)
•
Past simple - Keçmiş qeyri-müəyyən zaman forması:
was, were və p2
•
Future simple - gələcək qeyri-müəyyən zaman forması:
will be, shall be və p2
•
Future in the past - Keçmişə nəzərən gələcək zaman forması:
would be, should be və p2
•
Present continues - indiki davamedici zaman forması:
am being, is being, are being və p2
•
Past continues - Keçmiş davamedici zaman forması:
was being, were being və p2
•
Present perfect - indiki bitmiş zaman forması:
have been, has been və p2
•
Past perfect - Keçmiş bitmiş zaman forması:
had been və p2
•
Future perfect - gələcək bitmiş zaman forması:
shall have been, will have been və p2
•
Future perfect in the past - Keçmişə nəzərən gələcək bitmiş zaman forması: should have been, would have been və p2

sözaltı etiraf

Bu gün, nəhayət, dərs oxuma qərarına gəldim. Riyaziyyat dəftərimi açdım, səliqəli qalmışdı. 9-cu sinifə başlayanda təzələmişdim bütün məktəb əşyalarımı. Hər şey yenidən başlayacaqdı, böyüyürdüm -* imtahanlarım olacaqdı, dostlarım var idi. Heç olmasa, o vaxt elə düşünürdüm

Dəftərə göz gəzdirdim həvəslə yazılmış ilk səhifələr, ev tapşırıqları, ay tarixləri, "sinifdə" yazıları və daha sonra axırıncı sinifdə yazdığım tapşırığım: 03.02.2020 , çalışma 3 sadəcə adı. özünü Köçürməmişəm. Yəqin lövhəni görmədiyim üçün bilsəydim sinifdə axırıncı günümdür yazardım, əlbəttə

Sonrası isə onlayn dərslərdən yazılan həvəssiz qaydalar, üzdən Köçürülmüş çalışmalar, boş səhifələr, boşa keçən günlər

Bir il öncəki həyatm yadıma düşdü, o vaxt da çox xoşbəxt deyildim, bilirəm. Ancaq bu gündən daha həyacanlı və həyat eşqim var idi. Məktəblərin bağlandığını eşitdiyim vaxtı xatırladım. Məktəbdən çıxıb evdə telefondan elanı görmüşdüm marketə gedirdiM xəbərin sevinciylə birgə. Yolda sinif yoldaşım Yusiflə elnuru gördüm, onlar da bilirdilər, sevinib xəbəri verdilər. mən də həmçinin, Bir-birimizi görməyəcəyimiz üçün sevinirdik o vaxt, nə qəribədir. Bəlkə onlar üçün hələ də yaxşıdır -* amma mən isə Sadəcə həyatımın mənasızlıĞı ilə baş-başayam, hər şeyin bu cür yarımçıq qalması əsəblərimi pozur, "ən gözəl yaş" dedikləri dövrdə evdə ilişib bədbinliklə mübarizə aparmaq necə də mənasızdır, sözlük