tələbələr üçün sadə yemək reseptləri

4 ildir yalnız yaşayan biri kimi bir çox reseptim var bir neçəsini paylaşım bəlkə lazım olar kiməsə:
sulu xorək istəyirsinizsə bizim tarlanın ya da bağdanın "leço"sunu alırsınız,bir ədəd soğanın yarısını doğrayıb yağ qazanda əridikdən-qızdıqdan sonra qızardırsınız,sonra bu leçonu göz ölçüsü ilə töküb üstünə su əlavə edib içinə bir ədəd qalina blanka atırsınız istəyə görə xırda doğranmış kartof da atıla bilər amma kartof atılacaqsa ehtiyatlı olun suyun bir hissəsini kartof əmdiyi üçün suyu ona nəzərən ayarlayın nə çox sulu olmasın nə də püreyə dönməsin. artıq qalan leçonu səhər üstünə yumurta vurub qarışdıra qarışdıra pamidor yumurta və ya türk menemeninə döndərmək olar.
çörəkdən pizza-bir tava bəsdi bişirmək üçün.duxovkaya ehtiyac yoxdu nə də xəmirə.4 yumurta və 3-4 yemək qaşığı qatığı qarışdırın bir qabda.dilimli çörək alın aşaqdan.qabaqcadan yağladığınız tavaya boşluq maksimum az qalacaq şəkildə çörək dilimlərini qatıq-yumurta qarışığına batırıb bir-bir düzün.sonra çox az açın qazı ki,altı yanmasın qızarsın.altının qızardığın hiss etdinizsə tərs çevirin məndə evdə lapatka filan var o yoxdusa tələbə evidirsə iki vilka köməyi ilə çevirin sonra bişən üzün üstünə ketçup və mayonez sürtüb üstünə evdə nə varsa artıq pizzaya gedəsi xırdalıyıb tökün ağzını bağlıyın yenə az xodda o biri üzü qızarana kimi 10 dəq bişirin.maraqlı bir şey alınacaq alınmasa da ən azından qızarmış çörək kimi bir şey olacaq amma məndə çox vaxt bütöv şəkildə tavadan çıxır o da biraz bəxtdən asılıdı.

smackdown

uşaqlığımın ən sevdiyim proqramı.smackdovn və rav döyüşçülərinin şəkilləri və üstündə döyüş güclərini ifadə edən fərqli rəqəmlər yazılan kartları çıxırdı saqqızdan onları bibimuşaqları ilə yığıb döyüşdürürdük kimdə hansıdan yox idisə onu dəyişirdik öz aramızda kolleksiya yığırdıq deyə.kimin çox kartı var idisə ona vaau-miaau eliyirdik.ondan əlavə döyüşçülərin səhnəyə giriş treklərini televizorda eşidəndə qışqırıb bağır evdə matrasları üst-üstə yığıb "rko""kənt yu si mi" hərəkətləri eliyirdik bir birimizi döyüb sonra valideynlər döyürdü bizi evin halını görəndə o ayrı.mən balaca boy kök idim deyə "john cena", balaca bibim oğlu "kane" böyüyü "undertaker",qonşudaki uşağı da "rey mysterio" eliyirdik.döyüşçülərin giriş treklərinin arasında hələdə dinlədiklərim var :
cm punk-cult of personality
randy orton- voice
triple h-the game

unudulmaz uşaqlıq xatirələri

5ci sinifdə məktəbə gedərkən,məktəbdən qayıdanda yolumuz parkdan düşürdü.amma park və payız aylarında tamamilə boş olduğu üçün atraksiyonlar işləmir,parka da sadəcə sevgililər və bizim kimi bir iki uşaq muşaq gəlirdi.3 dost gəzirdik həmişə və ritualımız idi amma indidə həm utandığım həm də yadıma salanda güldüyüm ritual: küncdə bucaqda biraz daha yaxın yaxına oturub hətta öpüşməyə çalışan sevgililərə hər gün birimiz "kömək lazım?" deyib qaçmaq.çox utanc vericidi yada salanda ama 9-10 yaşımız var idi.yenə bu ritualımızı təkrar edirdik tam arxadan öpüşən cütlüyə bərkdən üçümüz birdən "kömək lazıııaağğam ahaha" deyib qaçdıq ama bu dəfə fərqli sonlandı.oğlan digər qurbanlarımızdan fərqli olaraq möhkəm qaçırdı və hərəmiz bir tərəfə qaçarkən oğlan məni hədəf seçərək dalımca qaçırdı.sanki ispanyada yaralı bir öküzdən qaçan matador kimi qaçıb işləməyən bir atraksiyona dırmanmışdım atraksiyon aşağıdan yuxarı doğru dairəvi orbit cızaraq qalxan bir atraksiyon idi üstü açıq idi və balaca bir oğlan uşağı rahatlıqla dırmana dırmana ən üstdəki oturacağına qədər dırmaşa bilərdi və dırmaşdım da.ancaq hesaba qatmadığım bir şey var idi: ordan necə düşəcəkdim? nəticə? 4 saat orda qalmağım və qışqırmağıma camaatın yığılması ilə atraksiyon sahibinin və valideynlərimin çağrılması daha sonra evdə it kimi çırpılmaq səhəri gün məktəbdə hamının bir ağızdan gülməsi.o yüksəkliyə necə çıxmağım isə züt qorxusunun nələrə qadir olmasını bir daha sübut etdi mənə.bir daha sevgililərə yaxın durmadım parkdaki

özgüvəni artıran şeylər

rədd cavabı almaqdan qorxmamaq.düzü özüm də özgüvəni tavanda olan birisi deyiləm amma haqqımı axtara bilməyəcək,kiminsə qabağında öz arqumentimi qoya bilməyəcək qədər də əzik deyiləm.belə də olmaq lazımdır.çirkinliyin özgüvənə qəti dəxli yoxdur,əgər qarşı cinslə olan münasibətə nəzərən özgüvəndən söhbət gedirsə əgər ilk növbədə mənfi cavab almaqdan qorxma və depressiyaya düşmək lazım deyil.bəs bunu necə praktika etmək lazım? əlbətdə ki rədd cavabı alaraq.unidə oxuyursan? get və hər gün görməyəcəyin amma sənə böyük ehtimal yox deyəcək bir qızın yanına yaxınlaş ona təklif et və yox cavabını alaraq geri qayıt nə dəyişdi? heç nə.nə o qız səni bir həftə sonra xatırlamayacaq əgər qızın ağlında qalmamısansa nə də başqası.qısası dünya bir nəfərin ətrafında dönmür əlini sallasan əllisi,sadəcə seçicilikdən və özünü zəif görməkdən vaz keçmək lazım.iş həyatında isə durum fərqlidi orda bu üsulu tətbiq etmək olmaz iş həyatında biraz söz götürməyi və özündən böyük vəzifəli şəxsdən təndiqə açıq olmaq lazım ən əsası vəzifəli şəxs ilə dialoqa girmək lazım yaltaqlanmaq və ya əksinə ona söz soxmaq yox,həm onun həm sənin üçün xoş olacaq dialoqlara girərək yaxınlaşmaq lazım.nəysə qısası haqqınızı yedirmədən yaşamaq lazım və özünə yetəri qədər dəyər verməyi unutmamaq

belomorkanal

ağdəniz ilə oneqa gölünü birləşdirən kanal və yaxın tarixin bilinməyən ən böyük qətliamlarından biri.sistematik şəkildə insan öldürməkdə dünya tarixində xüsusi adı olan stalinin əmri ilə hələ pyotr dövründə inşa edilməsi düşünülən lakin baş tutmayan bu kanalın tikintisi 1931-1933 illər arası rekord müddət ərzində başa çatdırıldı ki,bu kanalın tikintisinin əsas səbəbi kimi həbsxanalardaki məhkumların əlavə xərc təşkil etməsi və onları sistematik məhvetmə göstərilir."kulak"lar-stalinin xüsusi əmək düşərgələri siyasətinin bir hissəsi olan bu kanalın inşasında 250min məhkum işlədilmiş və 12800 məhkum elə oradaca ağır iş şəratinə dözməyərək həlak olmuşdur,rəvayətə görə də cəsədlərin çoxu basdırılmağa belə ehtiyac duyulmadan elə kanalın inşası zamanı betona qarışdırılmışdır.5 metr dərinliyə və 227 km uzunluğa malik kanal hal hazırda çox nadir hallarda istifadə olunur.

arxa-arxaya mənfi səs verən göt

var birisi kimdisə artıq necə nifrət oyatmışamsa özümə qarşı hər yazdığımı izləyərək "umbay"layır.təsəvvür eliyirəm ki,bu insan telefonunda axtarışa s ö yazır avtomatik söz6.com çıxır,sayta girir,şirokiconu tapır,yazılarını açır,sonra da umbayları düzərək üzündə "mission completed" ifadəsi ilə yorğanına bürütlənib yatır və ya səhər kofesindən-çayından bir udum alaraq dərin bir nəfəs alır.yəgin onun da,mənim qızlardan ,sevgidən,məhəbbətdən və sevib sevilməkdən zəhləm getdiyi kimi məndən zəhləsi gedir.gəl buna da umbay qoy əskik qalmasın

qızla danışarkən mövzu açmaq

ən çətin şeylərdən biri.bir qızla nə danışmaq olar ki? intellektual biri isə əgər sevgili də deyilsənsə o başqa məsələ cins ayrımı etmirəm o barədə söhbət etmək olar.amma sevgili olmaq məqsədi ilə və ya sevgili olduqdan sonra nə danışıla bilər?istənilən mövzunun axırı məni sevirsən səni sevirəmə gəlib çıxacağını bilə bilə.sadəcə məəttəl qalıram sevgililərin saatlarca nə danışdıqlarına səni sevirəm məni sevirsən məsələsini neçə saat uzatmaq mümkündür ki ən nəhayətində? sadəcə 10 saniyəlik bir dialoq...deyəsən buna görə sevgilim olmayıb heç vaxt,çünki qız ilə nə danışmaq lazım heç vaxt başa düşə bilməyəcəm.

tələbə olmaq

tələbəliyi yaxın keçmişdə bitmiş biri kimi tələbələrə məsləhətim,keyfini sürün tələbəliyin gəzin dolanın imkanlardan maksimum istifadə edin 4 saatlıq dərsə üsyan edib evə gəlib yatmayın tələbəlikdən sonra ən azı 8 saatlıq iş rejimi gözlüyür sizi.şablon söz olsada yenədə deyim özünüzü inkişaf elətdirin dil öyrənin və təcrübələrə qatılın.tələbə vaxtı 3 ilimi sərf edib öyrəndiyim rus və alman dilləri,öz özümə öyrəndiyim kompyuter-ofis proqramları iş həyatında indi indi köməyimə çatır boş vaxt varsa gəzib doymusuz "bekarçılıq"dırsa bunu gündə yarım saat şəxsi araşdırmalarınıza ayırın fərqi yoxdu hansı sahədə texnologiya,tarix,siyasət,psixologiya və s.dünya görüşünüzü artırın ki,gələcəkdə diplomlu işsiz olmayasınız ən azından bir ümid yeriniz olsun.