toy

2 gündür qaldırılan başlığa ən çox entry alan başlıq olmağından azərbaycan xalqı üçün nə qədər önəmli olduğu göz önünə çıxan mərasim.fikrimcə hər bir insanın yaşamaq istəyəcəyi ömürdə bir dəfə olan şeylərdən birisi (istisnalar xaric but istisnalar qaydanı pozmaz).oğlanlar üçün sünnət olmaq necə bir şeydirsə,qızlar üçün gəlinlik geymək elə bir şeydi.oğlanlar sünnət olarkən kişiliyə ilk addımı atır bir növ ölkəmizdə,qızlar da qadın olmaq yolunda ilk addımı məncə gəlinlik geyinməkdir.bütün mənalı-mənasız toy adətləri bir kənara insan həyatının ən unudulmaz günlərinin başında gəlir.

sevgi

söhbət qarşı cinsə duyulan sevgidən gedirsə,təbii cinsi instinktdən başqa bir şey deyil insan oğluna çoxalmaq hissi üstün gələndə şüuraltında özünə partnyor axtarır və seçir ancaq bu partnyor heç kəs üçün əvəzedilməz deyil sadəcə bu çoxalmaq instinktinə vəfa,sadəqət,zamanla öyrəşmək,hörmət,mentalitet,ailə qavramı kimi faktorlar əlavə olunanda buna sevgi-məhəbbət adı verilir.bunun nə olduğu başa düşməyən insan qarşısındaki insanı əvəzedilməz görür,sevgi yoxdu deyəm adama "sən yaşamamısan da ona görə yoxdu deyirsən" deyə cavab verir ortastatistik şəkildə.əslində sevgi adlı şey bir neçə faktorun özündə cəmlənməsindən ibarət bir şeydi yəni törəmə bir hissdi.heç kəs həyatının sonuna qədər sevmir sadəcə ya öyrəşir ya da məcbur qalır yaşayır bir yerdə.leyla məcnun şirin fərhad kimi cütlüklər isə əslində psixolojik xəstəlikdən əziyyət çəkən insanlar olublar mənə görə həyatda əvəzedilməz partnyor yoxdur təbii ki partnyorlardan birinin başına bir iş gələrək vəfat edərsə onu əvəz etməyə bilər qarşı tərəf başqa ilə buna ehtiyac duymaz yəni ki,amma qarşılıqsız sevən bir oğlanın "tükəzban məni niyə sevmədieeəən" deyib özünü lezvalaması situasiyasına əsasən demək olar ki,əvəzedilməz partnyor yoxdu sadəcə əvəz etmək istəməyən partnyor var.

rəşid mahmudov

adam azərbaycanın ağsaqqalı olmaqdan da əlavə azərbaycanın bir insanda əks etdirilmiş üzü kimidir elə bil.ağsaqqallar çox vaxt cəmiyyətin çatışmazlıqlarından danışdığı zaman insan haqq verir ki,"hə də düz deyir" bəs görəsən özləri əməl edir mi bunlara maraqlıdı.köhnə nəsilin sevmədiyim cəhətlərindən biri də budur ki,bir şeyin düzgün olmadığını deyirlər məsələn rüşvət,savadsızlıq kimi amma özləri bunları edir və ya bunlara dəstək verən hərəkətlər edirlər soruşanda ki bəs niyə sən özün etdin "bala azərbaycandı daaa indi sən mən dəyişən döyülükküü" buna görə də ağsaqqalların məsləhətlərinə bəzən çox da fikir vermək lazım deyil

xəyanət

azərbaycanda açıq aşkar təbliğatı gedən və ya mənə elə gələn olay.youtube trendlərinə baxmaq kifayət edir əslində amma dahası televiziya və internet açıq aşkar insanlara şüur altı təsir edir sanki mesaj verməklə "xəyanət artıq adi bir şeydi,hər kəs edir" şüarı ilə.əsasəndə evlilər arasında get gedə çoxalır sanki seksizm kimi alqılanmasın amma daha çox qadınlara yönəldilən bir kompaniyadır sanki bu istənilən qadınların izlədiyi səhifələr və televiziya proqramlarında 7-24 qadının evliliyindən narazılığı,özünə ərindən adətən cavan sevgili axtarışı,cavan oğlanlar arasında "gəlin" temaları.bunlar artıq gündəlik gözə çarpan nüanslardı amma bu gedişin hara getməsi görəsən sadəcə məni maraqlanırır? mentalitetdən bəzi narazılıqları başa düşdük ailə içi zorakılığı,uşaq yaşda evləndirilmə,savadsızlıq kimi problemlərin həll olunması yaxşı bir şeydi amma bəs bu da mentalitetlə bağlı problemdi? mentalitetdən uzaqlaşmaq cəmiyyətin ailə anlayışının pozulmasına niyə gətirib çıxarmalıdı? sadəcə öz ətrafımda tanıdığım 50 faiz uşaqlar yarımçıq ailələrdəndir və yarımçıq ailə- psixologiyası zədəli insan deməkdir.

uşaqlığı xatırladan şeylər

(bax: kurtlar vadisi)

oğlanlardan qızlara tövsiyələr

bu mövzunu çox sevirəm deyə bir entry də əlavə edim.başa düşürəm,ölkədə tanış olmaq prosesi faciəvi vəziyyətdədi,amma qarşınızda sizinlə söhbət etmək,tanış olmaq istəyən oğlana özünü tanıtmasına imkan verin,normal insan deyilsə sadəcə yox deyin əgər özünə hörmət edən insandırsa onsuzda "yox"dan sonra özünə başqa birisini axtaracaq.hansısa oğlan sizinlə söhbət etmək istəyirsə ola bilər xoşuna gəlmisiniz onun bu təbiidir,amma bu o demək deyil ki ona güləsiz, onu ələ salasız,mənasız söz soxmaq cəhdləri edəsiz.dünya heç kəsin ətrafında dönmür heç kəs də əvəzedilməz deyil ana-atadan başqa.necə ki,oğlanlarda avara tipli olmaq mədəniyyətsizlik sayılırsa,qızlarda da həddən artıq eqolu olmaq o qədər pis və vulqar görünür.statın sonu

qızqulu

qızqulu,öz fikri olmayan qız-qadının hər istədiyini edən oğlan tipi.rus dilindən "бабораб" sözünü ancaq bu cür tərcümə edə bildim.bu oğlan tipinin əlamətləri:
1) özünü inkişaf elətdirməkdə məqsədi özünə daha yaxşı bir həyat qurmaq yox,qıza yaxşı görünmək onun gözünə girmək üçündür.məsələn,idman zalında sağlamlığa görə yox qıza gözəl görünmək üçün idman etmək,maşını varsa onu ancaq qıza göstərmək üçün istifadə etmək.
2) qızın yanında qız ona üz verməsə belə həmişə yaltaqlanmaq,başqalarının yanında olduğu kimi,qızın yanında başqa cür,mələkvari şəkildə özünü aparmaq.hətta oğlan dostunu qızın bir işarəsinə alçaltmaq dərəcəsinə qədər özünə hörmət etməmək
3) hər yerdə qızın hesabını ödəmək,ona gül almaq,qızın xoşuna gələn şeyləri etmək,onun istədiyi yerlərə getmək
4) qızın səhvində özünü günahlandırmaq,qıza görə hər şeyi etmək hətta qürur tapdalansa belə
5) qızdan hətta qız səhv belə olsa üzür istəmək,qızın kaprizlərinə dözmək.
bu tip tanışlarınız varsa ondan sadəcə uzaq durun bu tip oğlanların həyatda heç özünə xeyri dəyməz nəinki sizə.

sevgilisi olmayan insan

yanlış insanla sevgili olmaqdansa, tək olmağı seçmişdir. ideal insan axtarmaq mənasızdır təbii ki, amma özünə uyğun insan axtarmaq və tapmaq mümkündür. sadəcə səbr və əhatə dairəsini genişləndirmək lazım və ən əsası sevgili olmadığı müddət ərzində inkişaf etmək. əgər inkişaf edərsə onsuz da qarşı cins özü maraq göstərəcək və böyük ehtimal onların içindən birisi ilə yaşanacaq. düzdür, 19-22 yaş arası illərdə olan sevgi başqa olar hər halda amma əldən gəlmirsə heçnə bəlkə də baş tutması xeyirlidir insan üçün kim bilir amma bu əsla bir itki kimi hesab edilməməlidir. həyat sevgilidən ibarət deyil.