can sungur

geekyaparın qurucularından biri, son zamanlar comfort zone-ma çevrilmiş youtuber. Kanalının adı isə can sungur ve yakın evrendir. Fəaliyyətini bəyənmə səbəblərimdən biri mümkün olduqca politically correct olması və azlıq qruplar üçün öz community-sində safespace yaratmağa çalışmasıdır.

Bir də əfsanə wattpad seriyası var ki, yeniyetməlik vaxtı yolu wattpad-dan keçmiş insanların çox sevəcəyinə əminəm.
link

Havelsan videosundan sonra gələn edit: maşallah dediyimiz 3 gün yaşamır.

sözlük təlimatı

Sözlükdə bəzən məsləhətxanadakı başlıqlara kliklədikdə aşağıdakı kimi halla qarşılaşmaq olur. Hərçənd başlıq açarkən sadəcə böyük i hərfindən istifadə etməsəz, problem olmayacaq, amma bu tipdəki məsləhətləri görüntüləmək üçün "workaround" da var.

1. Məsləhətin linkinə kliklədikdə onu editləyə bilərsiz.

2. linki .../meslehetxana/nomre/-ə qədər təmizləyin.

3. Yeni linklə axtarış vurun.

yazarların 2023-cü ildə izlədiyi filmlərin siyahısı

öncəki il: #364884
ilin əvvəlini çox yaxşı gətirmişdim, 3 aydan sonra işlər korlandı. yenə də adəti pozmayacam. bu il az film izləməyimə baxmayaraq illərdi siyahımda olan "the godfather" trilogiyası və "the bridges of madison county" filmlərinə sonunda baxa bildim, sağ əli titanikin başına.
(baxma: clue) 1985
(baxma: murder by death)
(baxma: the last of sheila)
(bax: deathtrap)

ielts

Adətdəndir, gəldim bu başlığa yazım nəticələr çıxandan sonra.

Overall: 8.0 (L: 9.0, R: 7.5, w: 6.5, s: 8.0)

Öncədən deyim ki, Hazırlığa upper-intermediate olaraq başlamışam. Və Vaxtında Ən çox nədən narahat olub üzərinə düşdümsə onlardan yüksək score almışam (listening və speaking).

Listening üçün cambridge testlərini işləsəniz bəsdir, məncə. Hər Testi bitirdikdən sonra analiz edin, əsasən hansı sectionda, nə tip suallarda səhviniz çıxırsa onların üstünə düşün. Misal üçün, hazırlığa təzə başlayanda spelling suallarında səhvlər edirdim, onların üzərinə düşdüm. Həmçinin, section 2 və 3-də mcq tipli testlərdə çox zaman itirdiyimə fikir verdim. Bunun üçün belə bir taktika "icad" elədim. sectionın sonunda sectionı yoxlamaq üçün verilən 30 saniyəni növbəti sectionun mcq suallarını oxumağa sərf edirdim, bu mcq sualları sectionun sonunda və ya əvvəlində gələ bilər, harda olmasından asılı olmayaraq həmin 30 saniyəni orda istifadə etmək məntiqlidi. Təbii ki, bu hamıya uyğun olmaya bilər, Əsas məsələ testi işləyərkən sizə rahat olan patternləri kəşf eləyə bilməkdi.
Təcili şəkildə imtahana hazırlaşmırsızsa, vaxtınız olduqca maraqlandığınız mövzularda youtube vs.-də ingilis dilindəki podcast, videoessaylərə baxmağı tövsiyə edirəm, native speaker-lərin danışığını anlamaqda çox kömək olacaq. Bu, həmçinin, speaking-də də köməyinizə çata bilər.

Reading-də, məncə, hər hansısa bir taktika yoxdu, oxuduğunuz mətni başa düşməlisiz, vəssalam. Və, təbii ki, vaxt limitini də nəzərə almaq lazımdır. 1 saatlıq taymer qoyub hər sectiona ortalama nə qədər vaxt sərf etdiyinizi analiz edin. Fikrimcə, ideal 15/20/25 dəqiqədir. Hə bir də burda əlavə vaxt verilmir cavabları kağıza köçürmək üçün, ona görə internetdən cavab kağızlarını tapıb çap edin, və hər section-un sonunda cavabları kağıza köçürməyə çalışın.

Writing haqqında özümün etmədiyi məsləhəti verə bilərəm, çoxlu inşa nümunələri oxuyun və yazın. Çox vaxt apardığı üçün edə bilmədiyim bir şeydi, amma boş vaxtınız varsa etməyiniz yaxşı olardı. Və bir də Band descriptorları oxuyun və araşdırın.

Speaking mənim üçün ən çətin görünən hissə idi, ən çox da part 2. Çünki 2 dəqiqə kiminsə qarşısında monoloq danışmaq qədər qorxuducu bir şey yoxdu lol.
Sualları "ielts speaking assistant" applikasiyasında tapa bilərsiz. Mən hər hansısa mətni əzbərləmək yerinə hər mövzunun sualına özümə uyğun cavab hazırlamaq yolunu seçdim. Yetərincə yorucu prossesdi nə qədər tez başlasanız o qədər yaxşıdı. Danışığınızın təbii alınması üçün phrase, idiom filan öyrənməyiniz məsləhətdi, amma çalışın kənarda küncdə qalmış, sonuncu dəfə 1950-də işlənənlər yerinə native speakerlərin də gündəlik istifadə etdiyi idiomları və s. istifadə edin. bu kanal speaking üçün çox yardımçı ola bilər.


Və son olaraq, hazırlığa getmək yaxşı olar deyə düşünürəm əgər imtahanı ilk dəfə verəcəksizsə və disiplinli hazırlaşmaqda çətinlik çəkirsizsə. imtahanla bağlı peşman olduğum iki şey var. Birincisi, mock imtahana getməməyimdi. çalışın ən azından bir dəfə gedib özünüzü imtahanın şəraitinə alışdırın və vaxtı necə idarə etdiyinizi test edin. Digəri isə writing üçün yetərincə yaxşı hazırlaşmamaqdı, mən olmayan writing skillərimlə 6.5 almışamsa, çox adam bir az daha ciddi hazırlaşmaqla 7.0 və s. Ala bilər, yəqin ki.

düşün ki o bunu oxuyur

Bu gün hər şeyin üstündən 2 həftə keçir. Keçən həftə yadıma salmamağa çalışdım səni. Çünki sən hər yadıma düşəndə gözlərim dolur və insanların gözlərimin dolduğunu, səsimin titrədiyini görməsini istəmirəm. Bəzən çaydanın altını yandıranda bunu tez-tez etdiyim üçün şikayətlənməyin, divanda oturub səssiz-səssiz televizora baxmağın yadıma düşür. Danışdığın nağıllar, bəzən bişirdiyin yeməklər, oynadığımız oyunlar, danışdığın cavanlıq xatirələrin hamısı yadıma düşür bir-bir. Nə qədər mənasız və ya xırda xatirələr kimi görünsə də, bunları bir daha edə bilməyəcəyini bilmək qəribə hiss etdirir. Dinlədiyim mahnıların sözləri də başqa mənalar qazanır gün keçdikcə.

(youtube: )

deathtrap

Sidney lumetin* 12 angry menin rejissoru 1982-ci il yayımlanan filmi.

Baş rollarda michael Caine və Christopher reeve çıxış edirlər.
Film, əsasən, bir evin içərisində keçir, "murder mystery" olaraq kateqoriyalaşdırılsa da daha çox thriller filmidir.
Mövzusu: məşhur dramaturq Sidney Bruhl tələbəsinin yazdığı pyesi ələ keçirmək üçün onu öldürməyi planlayır və onu evinə dəvət edir. Hekayənin qalan hissəsi Bruhlın evində keçir.

Tək məkanda keçən filmləri sevirsinizsə, mütləq izləməli olduğunuz filmlərdən biridir.

yazarların 2022-ci ildə izlədiyi filmlərin siyahısı

son 7-8 ilin ən kasad film listinə sahibəm bu il (müqayisə üçün, #342414, #315032) . ümid edirəm, 2023-də köhnə rejimimə qayıda bilərəm.
(bax: titane)
(bax: shrek forever after)
(bax: american psycho)
(bax: three colors: blue)
(baxma: the cider house rules)
(bax: sleepy hollow)
(baxma: frenzy)
(bax: brick)
(baxma: encanto)
(bax: knives out)
(bax: gone baby gone)
(baxma: legally blonde)
(baxma: decision to leave)
(baxma: the banshees of inisherin)
(baxma: glass onion: a knives out mystery)
(bax: the seventh seal)
(bax: cries and whispers)
(baxma: licorice pizza)

yazarların linçə səbəb olacaq fikirləri

"Kiçik sahibkarlığa dəstək" kimi fikirlərə qıcıq oluram. Baxırsan ki, kimsə sosial media hesabında paylaşıb nəyisə reklam edir, yazır ki, "kiçik sahibkarlara dəstək olmaq lazımdır ", görən də elə zənn edir ki, bu "kiçik sahibkar" yoldaşımız "underprivileged" bir insandı, özünə biznes qurub, indi də reklamı gedir kiçik sahibkarlıq adı ilə. Girirsən reklam olunan sayta ya da satış səhifəsinə ki, overpriced məhsullardır satdıqları. Əsasən, sahibləri də Bakının qlamur, varlı və bikar kəsimi olur, nə təsadüfdürsə. Çox zaman, bu "sahibkarlıq" müəssisələrinin adı arxaik sözlər olur, misal üçün, "başmaqçı", "çəkələkçi", "palançı" və s.

the true repairman will repair man

community sitkomunda troyu (baxma: Donald Glover) "air conditioning" məktəbinə qatılmağa razı salmağa çalışan müdirin işlətdiyi ifadə. Hərfi və kobud tərcüməsi: gerçək təmirçi insanları təmir edəcək.

(youtube: )