ədalət və intiqam arasındakı fərq

"Əgər günahkar olduğun doğrulansa, "Red Rock"dakı insanları səni Şəhər mərkəzində asacaqlar. Mən, cəllad kimi bunu edəcəyəm. Əgər bütün bunlar baş versə, sivil cəmiyyət bunu "ədalət" adlandıracaq. Amma, əgər öldürdüyün insanın qohumları indi o qapının arxasında olsalar və o qapını qırsalar... Səni qarın içində sürükləyib, boynundan asacaqlar, və bu özbaşına ədalət olacaq.
Mənə görə sənin nə etdiyinin fərqi yoxdur. Səni asmağım mənə həzz verməyəcək. Bu, mənim işimdir. Səni "Red rock"da, başqasını başqa yerdə asacam. Səni asan adam soyuqqanlı bir adam olacaq. Və bu soyuqqanlılıq, ədalətin ən əsas tərkibidir. Soyuqqanlılıqla yerinə yetirilməyən ədalət, həmişə ədalət olmamaq təhlükəsi altındadır."

(bax: the hateful eight )

toni collette

bu sifarişi verən: luna Avstraliyalı, 1972ci ildə doğulmuş istedadlı aktrisa.
Bəzi oynadığı filmlər :
(bax: the sixth sense )
(baxma: Muriel's wedding )
(baxma: hereditary)
(baxma: about a boy)
(baxma: little miss sunshine)
(bax: knives out)

broken mirror theory

bu sifarişi verən: benedictus
elmi mühitdə tam qəbul almayan teoriyalardan biridir. teoriyanın autizmin səbəbini göstərdiyi düşünülürdü.
1990cı illərdə professor giacomo rizzolatti, meymunlar üzərində araşdırmalar nəticəsində meymunların hər hansısa bir hərəkəti edərkən və ya həmin hərəkətin digər meymun tərəfindən edildiyini görərkən beyinlərində eyni neyronların aktivləşməsi müşahidə edir. həmin neyronlar "mirror neurons" adlanır, bizim dildə desək güzgü neyronları. broken mirror theory isə autizmin səbəbini bu neyronların öz funksiyalarını yetirməməsinə bağlayır. sonralar isə edilən araşdırmalarda autizmli insanlarda belə bir disfunksiya olduğu sübut edilməyib. amma teoriya hələ də aktualdır.

yazarların sözaltı ilə tanışlıq hekayələri

Səhv etmirəmsə 2015 in sonraları ya da 2016nın əvvəlləri hansısa bir dərman haqqında Azərbaycan dilində məlumat oxumağa çalışanda buranı tapmışdım, "aaa ekşinin bizdəki versiyası"reaksiyasını vermişdim. Qısa müddət oxucu kimi izləmişdim.
ilk dəfə yazarkən 15 yaşım belə tamam olmamışdı. Buna görə də hal hazırkı dünyagörüşümün formalaşmağında ciddi təsiri olub. ilk öncələr milliyətçi hisslərindən təzə təzə qurtulan biri kimi yazırdım, sonra "sjw"liyin qapısına qədər gedib ordan dönən biri kimi yazırdım, indi isə nə siyasi görüş nə "sjw"lik hərləyən biri kimi yazıram (qəbul edirəm ingilis bayrağı olmuşam biraz).
ilk entrymdən tutmuş 100 neçə entryə qədər yazdığım hər şeyi , dəqiq xatırlamıram, 3-4 il qabaq bir dəfəyə sildim. Elə onun səbəbini də yadıma düşmür. Çox Heyf ki, ilk entrymi və ya o vaxtkı hər hansısa bir mövzu barəsində belə fikrimin(entry olaraq yazdığım ) nə olduğunu xatırlamıram.

fatalistic suicide

Emile Durkheima görə 4 intihar tipindən biridir.
Sıx idarəetmə rejiminə məruz qalan insanların bu səbəbdən intiharı fatalistic suicide adlanır. Buna misal olaraq kölələrin və həbsxanada yaşayanların intiharını misal gətirmək olar.
Həmçinin Durkheima görə bu intihar anomic suicideın əksi sayılır.
Digər 3 intihar tipi:
(bax: altruistic suicide)
(bax: anomic suicide )
(bax: egoistic suicide)

altruistic suicide

emile Durkheima görə 4 intihar növündən biri.
Şəxs əgər özününün intiharının cəmiyyətin və ya bir qrup insanın xeyrinə olacağını düşünüb intihar edirsə, bu altruistic suicide adlanır. Bu tip intihara, 2-ci dünya müharibəsindəki Yapon kamikadze pilotlarını misal gətirmək olar.
digər 3 intihar tipi:
(bax: anomic suicide)
(bax: fatalistic suicide )
(bax: egoistic suicide)

adam's apples

2005ci il tarixli danimarka istehsalı film. original adı: adams æbler.
baş rollardan biri mad mikkelsendir.

mövzusu:
neo-nazi adam kilsədə rehabilitasiya proqramına qatılmaq şərti ilə həbsdən çıxarılır və kilsənin rahibi ivanla tanış olur. adam burda rahibin tanrıya olan inancını sarsmağa çalışır.
imdb: 7.8




--spoiler--

hadisələr samanyolu filmi məntiqi ilə getsə də, keyfiyyət və anlam baxımdan çox üstündür. izləməyə dəyər.

--spoiler--

anomic suicide

emile durkheima görə 4 intihar növündən biri.
şəxs cəmiyyətdə baş verən dəyişikliklərlə (iqtisadi, sosial və ya siyasi) başa çıxa bilmədiyi üçün intihar edirsə "anomic suicide" adlanır
digər 3 tip isə bunlardır:
(bax: altruistic suicide)

ailə

Son 2 həftə ərzində Azərbaycan xalqının (ən azından tanıdığım insanlar və sosial mediadakı insanlar) orta statistik azərbaycanlı ailəsi kimi davrandığını gördüm. Müxalif duruşunu dəyişməyən insanlar dəfələrlə dedilər, ölkənin içindəki vəziyyəti qənaətbəxş deyil, onsuz da Qarabağı geri almaq heç nəyi, insanların durumu dəyişməyəcək. Amma qarşı tərəf statistik ailələrimiz kimi davrandılar, amandı çöldən yaxşı görünək, ailənin içində nə zibil dönürsə dönsün,bircə ətraf bizi yaxşı bilsin. Adam deyir ölkə batır, diktatura, iqtisadi vəziyyət, pandemiya, bitmək bilməyən karantin qarşı tərəfin həmin adamlara dediyi "sən vətən xainisən", "bunu ictimaiyyət ilə niyə bölüşürsən"dir. Günahkarların dövlətlər olduğunu görmək bu qədər çətin deyildi amma.

Mövzudan kənara:
Bu gün qrup yoldaşlarıma sülhün tərəfdarı olduğumu dediyim zaman aldığım reaksiyalar inanılmaz idi. 7-8 nəfərə eyni anda izah etməyə çalışıram fikirlərimi, psixoloji təzyiqlər, rişxəndlər, keçmişdə baş verən hadisələrə yönəlik göndərmələr də üstünə bonus idi. Özü də dost dediyim insan tərəfindən hamının içində aldığım cavab qol qanadımı tamamən qırdı, bizə düşmən lazım deyil, imkan versələr,iki dəqiqədə bir birimizi məhv etmək dərəcəsinə gələ bilərik.