azərbaycanın avropa hüdudlarına düşən əraziləri

azərbaycan ərazisinin on altıda bir hissəsi avropanın hüdudlarına düşür.

azərbaycanın avropaya düşən hissələri:

- qusar rayonu;
- quba rayonu ərazisinin çox hissəsi;
- xaçmaz rayonu ərazisinin bir hissəsi;
- şabran rayonu ərazisinin bir hissəsi;
- xızı rayonu ərazisinin yarıdan çoxu;
- sumqayıt şəhəri;
- novxanı qəsəbəsi.

qitənin sərhədləri fatmayi ilə mehdiabadın arasından keçir və buradan keçdikdən sonra şüvəlanın ərazisinin də çox hissəsi avropaya daxil olur. azərbaycanda avropanın sərhədinin hüdudları təxminən abşeron rayonun zirə qəsəbəsində tamamlanır.

zirənin yarısı asiya, yarısı isə avropa hüdudlarına daxildir. bakı tam olaraq avropanın hüdudlarına daxil olmur. bakıda şüvəlanın çox hissəsi, binəqədi rayonu, mərdəkan qəsəbəsinin bir hissəsi avropanın hüdudlarına daxildir. ümumilikdə, bakının mərkəzi hissəsi asiya, şimal-qərb hissəsi isə avropaya aid olur. (c)

qısaca desək, avropa şəhərinə getmək istəyənlər sumqayıta gələ bilər.

memarliq.com

memarlıq haqqında azərbaycandilli bloq. bloq 2010-cu ildən bəri fəaliyyət göstərir.

sayta ilk dəfədir daxil oluram, ilk baxışda adama müsbət təsir bağışlayır; müəllifin yazı üslubundan tutmuş, mövzularına, kimi xoşagələndir.

bloqun 2010-cu ildəki ilk yazısı saytla tanışlıq haqqındadır:

salam.
mən məmmədov urfan, azərbaycan dövlət rəssamlıq akademiyasının memarlıq və dizayn fakultəsinin 2-ci kurs tələbəsiyəm.


memarlıq haqda azərbaycan dilində bloq olmadığını amma buna olan ehtiyacı görüb, bu bloqu yaratdım. bloqda azərbaycan və dünya memarlığı haqda öz şəxsi fikirlərimi, yeni xəbər və faktları yerləşdirəcəyəm.

eyni zamanda azərbaycanın görkəmli memarlarının mühazirələrini, bakıdakı araşdırdığım memarlıq obyektləri haqda tənqidi fikirlərimi də yerləşdirəcəm.


mənimlə əlaqə üçün:

e-mail: [email protected]

tel: +99450 7930301

rock am ring

sumqayıt şəhəri, nəriman nərimanov küçəsi, 2-ci mikrorayon ərazisində yerləşmiş dükanın adı.


hardasa 2008-2009-cu illərdə həmin dükanınmı, yoxsa yanındakı dükanın (burası yadımdan çıxıb) üstündəki evin qadın sahibi balkona çıxıb dükanın çardağını, reklam lövhəsini baltayla qırmağa çalışırdı. camaat (içində mən də var idim) yığışmışdı, polis gəlmişdi, hətta, hətta sumqayıtın dünya tv-sinin yeganə kamerası da çəkilişə gəlmişdi. deyilənə görə qadın evdə tək yaşayırdı deyə, və birinci mərtəbədə yerləşən dükandan qadının yaşadığı ikinci mərtəbədəki mənzilə çıxmaq asan olduğuna görə bu etiraz aksiyasını keçirmişdi; oğrudan, pis niyyətli adamlardan qorxurdu.

(baxma: xatirə dəftərini vərəqləmək)

əsgər payı

müdafiə nazirliyi üçün istehsal olunmuş ərzaqların (konserva, yağ, pendir, povidla, toyuq, çay və s.) qablaşdırılmasının üzərində olan bir növü qoloqrama.


əsgər payı loqosu vurulmuş məhsulların üzərində " müdafiə nazirliyinə məxsusdur", " satışı qadağandır" və s. bu kimi ifadələr də yer alır.

hələki mən gördüyüm qədəriylə əsgər payılarının çoxusu azersun holding istehsalıdır;


- 20 qramlıq qutularda olan yağ, pendir; ( kürdəmir süd emalı zavodu)
- 20 qramlıq qablaşdırmada povidla; ( qafqaz konserv zavodu)
- tomat pastası; ( qafqaz konserv zavodu)
- 2 litrlik pet şüşə qablaşdırmada salute günəbaxan yağı; ( bakı qida və yağ fabriki)
- 950 qramlıq dəmir qablarda qatılaşdırılmış şəkərli üzlü süd (baxma: skuşonnu); ( kürdəmir süd emalı zavodu)
- 1 litrlik qablaşdırmada azərsüd südləri; ( kürdəmir süd emalı zavodu)

və s. (əlavələr olsa, editləyəcəm)

balıq konservaları ( sardina və skumbriya, yağlı və tomatlı olmaqla) isə rusiya istehsalı olub roskon mmc-ə məxsusdur.

axır vaxtlar 20 qramlıq pendirləri türkiyə istehsalı olan tat konserve sanayii a.ş. sek işletmesinə məxsus olanlardan verirlər.

hava hədəflərinin sürətə görə bölünməsi

- 100 m/san-ə qədər olanlar aşağı sürətli;
- 100 m/san-dən 300 m/san-ə qədər olanlar səs sürətinə qədər sürətlilər;
- 300 m/san-dən 640 m/san-ə qədər olanlar sürətlilər;
- 600 m/san-dən çox olanlar yüksək sürətlilər.

hava hədəflərinin hündürlüyə görə bölünməsi

- 200 metrə qədər ən aşağı hündürlük
- 200 metrdən 1.000 metrə qədər aşağı hündürlük;
- 1.000 metrdən 4.000 metrə qədər yuxarı hündürlük;
- 12.000 metrdən çox stratosfer hündürlük;

stratosferdə uçan hədəflərə hündürlüklü hədəf deyilir.

sap

söyüş söymək//qoymaq mənasına da gəlir.

məsəlçün biri yalan danışanda, yaxud bir şeyi (oğurluğu, filan hərəkəti eləməyi və s.) dananda müvafiq olaraq " saplıyım?", yaxud " sap gələcək ha indi sözlərindən istifadə edilir. bəzən qısaca elə "sap" (yəni söyüş söyəcəm ha) demək bəs eləyir.

(baxma: hərbi lüğət)

qonaq evi

mehmanxana sözünün hərfi tərcüməsi (mehman>qonaq, xana>ev).

sumqayıtda 5-ci mikrorayonda, sahilə yaxın küçədə-səməd vurğun küçəsinə paralel yataqxananın birinci mərtəbəsində kimyaçılar qonaq evi adlı qostinça (baxma: qastinsa) görmüşəm. qapısı açıq olsa da, işlək yerə oxşamırdı. elə bil 90-cı illərdən qalma bir obyekt idi. ola bilsin, yiyəsi doxsanların milli əhval-ruhiyyəsindən təsirlənib qostinça, mehmanxana sözünü "qonaq evi" söz birləşməsi ilə əvəz edib.

sözümü ona gətirirəm ki, sumqayıtdakı həmin obyektə əsaslanıb demək olar ki, qonaq evi təkcə bir nəfərlik həyət evi kimi bir şey sayılmır əslində, biraz hostel, biraz hotel sayağı bir yerdir.

cənubi azərbaycan ləhcəsi

elmi ədəbiyyatda belə bir ləhcə yoxdur. dəqiqləşdirib desək, "cənubi azərbaycan ləhcələri" deyə bilərik ki, bu da "talış ləhcəsi" (bu mövzuya burada da toxunulub: #78476) kimi qeyri-adi bir termin yaradan azərbaycanlıların dilinə yatmayacaq. gərək "cənubi azərbaycan ləhcəsi" deyilsin.


halbuki cənubi azərbaycanda azərbaycan dilinin 9 ləhcəsi var:

1- təbriz ləhcəsi
2- qaradağ ləhcəsi
3- yamçı ləhcəsi
4- uyğur ləhcəsi
5- marağa ləhcəsi
6- ərdəbil ləhcəsi
7- zəncan ləhcələri
8- həmədan ləhcəsi
9- xələc ləhcəsi

uzun sözün kəsəsi; təbriz ləhcəsini, yaxud da ərdəbil ləhcəsini (adətən, bu iki ləhcə nəzərdə tutulur) nəzərdə tutub "aa cənubi azərbaycan ləhcəsi nə wirindi. can qardaşlarımız" demək səhv söhbətdir, qaqam. cənubi azərbaycanda danışılan qalan 7-8 ləhcəni, onlardakı fərqləri nəzərə almamaq allaha da xoş getməz.

elə bil, güney azərbaycanlı biri deyir ki, şimali azərbaycan ləhcəsi nə zordu e. bunu deyərkən də qazax dialektikini nəzərdə tutur, amma bakı (şəki/lənkəran/quba və s.) dialektini nəzərə almır.

azerikino.com

youtube'da tanınan, az tanınan, heç tanınmayan azərbaycan filmlərini, seriallarını öz kanalına ( vusal 1981 kanalına) yerləşdirməklə məşhurlaşan sumqayıt şəhər sakini vüsal ağayev ad, soyadlı kinosevərin sözügedən youtube kanalının bağlanmasından sonra açdığı yeni (2015-in aprelindən fəaliyyət göstərir) kino saytı. hər dəfə bir youtube kanalı bağlanınca elə bir dəfəlik bir sayt olması yaxşıdır.

saytda azərbaycan filmləriylə yanaşı azərbaycan dilinə dublaj olunmuş xarici filmləri də tapmaq olar.

"olar"ı elə dedim ki, elə bil saytın reklam işləri mənlikdir. hərçənd ki, bayaqları təsadüfən qarşıma çıxıb sayt. saytın ümumi aurası və tutduğu yol xoşuma gəldiyindən bu tərzdə danışıram.

saytın "haqqımızda" bölməsində bunlar yazılıb:

"azərbaycan kinosunun video arxivini özündə cəmləşdirən sayt kinomuzun virtual təbliğatı ilə məşğuldur. təmənnasız xidmət göstərən saytın məqsədi azərbaycan kinosu tarixini saytdan istifadə edənlərin diqqətinə çatdırmaqdır.

diqqət: filminin bu saytda yayımlanmasını istəməyən müəllif facebook və ya email vasitəsilə mənimlə əlaqə saxlasın.
(vüsal ağayev)"

görünür "haqqımızda" bölməsinin "diqqət" hissəsi saytın bu kimi film saytlarının başına tez-tez gələn müəllif hüquqları ilə bağlı cərimə, qapadılma söhbətlərinin qarşısını almaq məqsədi daşıyır.

qeyd edim ki, vüsal bəy azərbaycan filmləriylə bağlı wikipedia məqalələrinin əksəriyyətinin müəllifidir. əgər bir gün təsadüfən bu etry'ni oxusa, saytın daha yeni funksiyalarla təkmilləşdirilməsi təklifini nəzərə almağı xahiş edirik; biraz imdb, biraz wikipediasayağı, hətta xəbər saytı formatında əlavələr olunması ilə; istifadəçi qeydiyyatı, "şərh" funksiyası və s. və i.a bu kimi xırdalıqlar. bir sözlə hamısı da, qaqa. çünki bu şeyləri, ancaq həvəsi olan adam eləyə bilər, o da ki youtube'a o qədər kino yükləyən adam ola bilər, yaxşı mənada.