unudulmaz futbolçular

-mənim öz qənaətimə görə top 1o siyahım:
beckham-sürəti,driblinqi o qədər də güclü olmasa da ən kritik məqamlarda səhnəyə çıxar,90-a cərimə zərbəsindən yapışdırar,80 metrdən filan millimetrik paslar atar,meydanda olmasıyla komanda yoldaşlarına güvən verərdi.xarizması da ki öz yerində.
batistuta-fiorentinanı fiorentina edən adam,daha sonra romada da əjdaha performans sərgiləyirdi.millidə həmişə qurtarıcı o olurdu.
bergkamp-soyuqqanlı hərəkətləri,möhtəşəm qolları,henry ilə arsenalda yaratdığı əla tondem hələ də futbolsevərlərin hafizəsindədir.
ronaldo (fenomen)-biz 90-ların uşaqları onun oyunlarını izləyərək futbolu sevdik.hamımızın demək olar ki,ilk aldığı forma "9" nömrəli sarı braziliya forması idi.məhlədə futbol oynayarkən hər kəs onu yamsılayardı.kilosuna baxmayaraq,öz driblinqləri ilə hər zaman rəqib müdafiəçilərin və qapıçıların qorxulu kabusu olub.təəssüf ki,belə bir əfsanə çempionlar liqası kubokunu qazana bilməyib heç vaxt.2000-ci ildə latsio ilə oyunda təkrar zədələnərək,acılar içində xərəklə meydandan çıxarılanda hamını dərin hüznə boğmuşdu əfsanə.
shevchenko-2000 -ci illərin fırtına kimi əsən klubu milanın qol maşını.o zamanlar həm milan,həm də şeva qarşısı alınmaz idi.rəqib müdafiəçilərin ani diqqətsizliyi onun qol vurmasıyla nəticələnirdi. qol duyumu və fürsətçiliyi ilə hər zaman rəqiblərini cəzalandırırdı.mənə görə post sovet məkanının ən böyük və tanınmış futbolçusudur
ronaldinho-tez parlayan və tez sönən daha bir əfsanə.rəqiblərinin belə qibtə və hörmətlə yanaşdığı ustad.qısa müddətdə öz dövrünün ən böyük futbolçusuna çevrildi.meydanda etdiyi hərəkətləri çətin ki,bir də hansısa oyunçu təkrarlaya bilsin.dərslik kimi gələcək nəsillərə ötürülməlidir onun oyun fəlsəfəsi.oynaya-oynaya çelsiyə vurduğu qol hamımızın yadındadır.hər yeriylə qol vururdu bu adam.başı,sinəsi,topuğu,arxasıyla.təəssüf ki,barcelonadakı baş gicəlləndirici şöhrət onun sonunu hazırladı.o artıq komanda yoldaşlarıyla yola getmir,gecə klublarından çıxmır,məşqlərə əvvəlki ciddiyətlə qatılmırdı.reklam və marketinq işlərinə başı qarışmışdı.bütün bunlar onun əsas heyətdəki yerini laxlatdı.milana keçidi artıq labüd idi.keçdi də.lakin o əvvəlki ronaldinho deyildi.milanda bir neçə illik çıxışından sonra vətəni braziliyaya geri döndü.və beləliklə yavaş-yavaş bir ulduz daha sönməyə üz tutdu.bir neçə gün əvvəl futbolçu karyerasını bitirdiyini elan etdi.oynadığı dövrdə öz adını futbol tarixinə qızıl hərflərlə yazdırmağı bacardı
zidane-qaçmadan gəzə-gəzə oynayan adam.top ayağına yapışırdı elə bil oyun zamanı.istəsələr də ala bilmirdilər rəqiblər topu ondan...əsl oyun qurucu,dağıdıcı idi.pasları mükəmməl idi.cərimə zərbələrinin mahir ifaçısı idi.başla da möhtəşəm oynayırdı.özünə məxsus "zidane keçidini" də sonrakı nəsillərə miras qoydu.yuventusda öz parlaq oyunuyla diqqət çəkərək reala transfer oldu.burada da adına layiq oyun sərgilədi.2002-ci ildə çl-in finalında bayer leverkusenə vurduğu qol indi də bu turnirin arxa fonunda göstərilir həmişə.2006-cı ilin dünya çempinatının finalında materassiyə vurduğu kəllə ilə milli komanda karyerasına son qoydu.hər zaman bütün dövrlərin ən yaxşı 10 futbolçusu arasında göstərilir.
maradona-bir futbolçu tək başına həm ölkəsinin millisini,həm də oynadığı klubu çempion edə bilərmi?sualının cavabıdır maradona.o argentinanı və napolini tək başına çempion edən,bəzilərinə görə peledən sonra ən yaxşı futbolçudur,bəzilərinə görə isə bütün dövrlərin ən yaxşı futbolçusudur.üsyankar təbiəti ilə hər zaman meydanda seçilib.komandasını bəzən qırmızı vərəqə alaraq tək qoyub.amma heç kəs ona hirslənməyib,ona aqressiyayla yanaşmayıb.çünki onun dilinə görə dilçəyi olub.yeri gələndə fantastik oyun oynayaraq oynadığı komandaları çempion edib tək başına,ingiltərəyə əllə vurduğu qol.almaniyaya 60 metr qaçdıqdan sonra bütün oyunçuları aldadaraq topu qapıdan keçirməsi,dopinq qalmaqalları ilə hər zaman diqqət mərkəzində olmağı bacarıb.yaşayan əfsanədir.
cristiano ronaldo-rekordların adamı.avropa çempionatlarında ən çox oyun keçirən futbolçu,portuqliya yığmasının ən məhsuldar oyunçusu,çempionlar liqasında ən çox qol vuran oyunçu bu rekorlardan bəziləridir.3 dəfə ballondor mükafatını qazanıb.ən hündürə tullana bilən futbolçudur.yorulmadan etdiyi məşqlərin nəticəsində bir yüngül atlet qədər sürətli qaça bilir.etdiyi insani yardımlarla gündəmə gəlir daima.nə içki içir,nə də tatu etdirir.indidən adını futbol tarixinə qızıl hərflərlə yazdırıb
messi-onun haqqında günlərlə danışmaq olar.futbol tarixini dəyişən adamlardan biridir.anadangəlmə istedaddır.onu hələ də izləyə biliriksə çox şanslıyıq.çünki belə bir dahi çətin ki, bir də gəlsin.gələcəkdə övladlarımıza sevə-sevə haqqında danışacağımız oyunçudur messi.5 dəfə ballondoru qazanıb.inanmıram bir də hansısa futbolçu bu sayda mükafat qazansın.