zövq verən kiçik çılğınlıqlar

2 qardaşı alkaşlıq səbəbindən ölən adam niyə içkini dilinə vurur axı hələ də. niyə içkini ən böyük düşməni kimi görmür. az öncə 1 butulka arağı tualetə boşaltdım. butulka boşaldıqca aqressiyam da azaldı. içim huzurla doldu.

qohum-əqraba

əksəriyyətini sevə bilmədiyim, yad adamlardan da yad və süni gələn insan topluluğu. qonaq gələndə evdən çörək almaq bəhanəsiylə yaxındakı dükanı qoyub ən uzaqdakı marketə gedirəm.

dizi cırıq şalvar

poxunu çıxarmasaydılar yaxşı şalvar idi.

30 aprel 2009 adnada terror hadisəsi

bütün detalları ilə yadımdadı həmin gün. üstündən 6 il keçməyinə adam inanmır. bu qədər il ərzində doğru-düzgün səbəbin tapılmaması və ya gerçəyin açıqlanmaması adamı yandırıb yaxır. o gündən bəri təcili yardım sirenasını eşidəndə ürpənirəm.

valideynlərə ehtiyac duyulan yerlər və anlar

xüsusi bir yerə və ana ehtiyac yoxdu ki. qayıtmağını təkrar-təkrar xəyal etməkdən yoruldum, ata. hər səhər evdən özünlə götürməyi yadından çıxartdığın ətri ciyərlərimə çəkib elə çıxıram. it kimi darıxmışam. səni təkrar qucaqlamaq ümidi ilə yaşayıram.

dindar qızı tərbiyəli saymaq

az öncə avtobusda ayaq üstə dayanan bir qız var idi. səhərdən onu görüb yer vermək ağlından belə keçməyən, heç yaş cəhətdən də yer vermə səbəbi olmayan bir kişi məscidin yanından keçəndə qızın salavat çevirdiyini görəndən sonra qıza yer verdi. dedim ön yarğılı olmuyum,yəqin qabaqda düşəcək, amma yarım saat sonra düşdü. bu əqidə söhbətidimi nədisə baş açmaqda çətinlik çəkirəm.

güldürən dialoqlar

bayaq bacım 4 dənə qoğal yeyib, köpüb tərpənə bilmir. hələ vəziyyətindən şikayət də edir. mamam yerindəcə qapağı qoydu. deyir camaat qarnında 4-5 kiloluq uşaq daşıyır, bu 4 dənə qoğalı daşıya bilmir. -*

5 aydır kitab oxumamaq

məktəb vaxtından son 1 ilə qədər bədii kitab həvəskarı olmuşam. imtahanım ola-ola dərs kitabının arasında gizlin bədii kitab oxuyan mən, 1 qalın kitabı 1 günə bitirə bilən mən indi yarımçıq qalmış kitablar kolleksiyası yığıram. halbuki, əvvəllər sevmədiyim kitabı da tamamlanmamış əlimdən qoymazdım. bu artıq dozadan ölmüş sevgimin yenidən dirilməsini istərdim.

sözaltı etiraf

qəbul edə bilmədiyim gerçəklə üz-üzəyəm, sözlük. heç gözləmədiyim anda ən qorxduğum şey başıma gəlib. beynim dumanlanıb. qorxulu yuxu kimi gəlir olanlar. hayqırmaq istiyirəm. bacarmıram. bütün bunları atlata bilsəydim kaş. ən zəif nöqtəmdən vuruldum..ümid edirəm bu kabusdan da oyadar məni tanrı.

ata

bu 3cə hərf bəsdi ki kövrəlim. başına nəsə bir iş gəlməsindən, itirməkdən ən çox qorxduğum adamdı. bu qədər uzağa getməsi çoxdandı olmurdu. gündüzlər başımı işlə birtəhər qatıram. amma elə ki özümlə tək qalıram boğazım düyünlənir, səssiz göz yaşları axır, gözümə yuxu getmir. yanımda olması, varlığı belə yetər xoşbəxt olmağımçün. bir zamanlar dinləyəndə hər sözünü platonik sevgilərə həsr etdiyim mahnılara indi qulaq asanda atam yadıma düşür. heç darıxmadığım qədər darıxıram.

qızı üçün çay gətirən ata

yarım saatdı başlığın adına baxıb dalmışam. hər axşam adətən atam çay dəmləyib gətirir. 2 gündür evdən uzaqdadı, qaynar çayı üstümə dağıdıb yandım. bu saatda öz tökdüyüm çaya öyrəşməmişəm. ya da ki kütəm.

illər sonra köhnə sinif yoldaşını görmək

neçə ildən sonra 1 sinif yoldaşım facebookda məni tapıb dostluq göndərib. şəkillərinə baxıram. adam o vaxtdan maşın xəstəsi idi, indi də heç dəyişməyib. 07-yə o qədər çox dəyər verir ki şəkil çəkdirmək üçün ayağını təkərin üstünə qoyanda da 1 ayaqqabısını çıxardıb. bu şəklin müxtəlif maşınlarla yayda, qışda corablı və corabsız versiyaları var idi.

entryniz bir oxucu tərəfindən bəyənilib

əvvəllər sözlüyə giriş etmədən oxuduğum entrylərə səs verə bilmirdim, ürəyimdə əjdaha, umbay zad deyirdim. -* indi mümkündü, rahatdı. giriş etməmə səbəbi də tənbəllikdi, keşke ölsəm.

seksenler

ekrandan girib içində yaşamaq istədiyim 1 serial. doğmadır.

shakira

əvvəl offside nədi bilməyən, futbolu sevən sevgili tapandan sonra qatı futbol azarkeşi olan qızların bir üst modeli.

öldürən dil sürüşmələri

bir dəfə işə gecikəndə iş yoldaşımdan soruşmuşdum ki "müdir mənə zamıkaniya eləməyib? "guya zameçaniya demək istəmişdim.

timehop

keçmiş xatirələri yenidən canlandıran proqram. adam vaxtilə necə ərgən olduğunu görüb yüngülvari utancaqlıq keçirir. şəkillərdə əvvəllər yanında olan insanlarla yolların ayrılması da kədərləndirir. ümumilikdə keçmişlə indiki zamanın müqayisəsi üçün yaxşı proqramdır. inkişaf olduğunu, yoxsa yerində saydığını göstərir.