Son yazılanlar
vəziyyət elədi ki, pulum olsaydı düşünmədən edəcəyim şeylər siyahısı hazırlamışam. hamısının da qabağında tələb olunan məbləği yazmışam. görəsən ölmədən əvvəl o siyahıdakı bəndlərin qabağına quş qoya biləcəmmi? məzun olandan sonra da "nə işləyirsən" sualları lap bezdirib. cem yılmaz demişkən "kölə, kölənin fransızcası" deməyim gəlir. bu qədər çalış ortada bir şey yoxdu.adama təsir eliyir e. * inqəəə
sözlük, deyəsən mən çox bekaram e. mənə lazım olmayan, məni tanımayan insanlar haqqında lazımsız bilgilərlə doludu beynim. özümü kəşfiyyatçı kimi hiss edirəm bəzən. mtn-də işləyəsi adamam. hər hansısa bir xüsusiyyətilə diqqətimi çəkən adamların kimliyini tapa bilmə bacarığım var. arasında sözlük yazarları da var. bu gün dayanacaqda 3-4 dəfə gördüyüm, xarici görünüşü maraqlı gələn, adını bilmədiyim, haqqında heç bir bilgiyə sahib olmadığım bir nəfərin facebook hesabını tapdım, təsadüfən yox ha 5-6 dəqiqəyə axtarıb tapdım özü də.bunu necə elədiyim özümə də qəribə gəlir. profilində bir az eşələnib çıxdım, necə biri olduğu haqqında məlumatları topladım, rahatladım.mission completed. təzə-təzə maraqlı gəlib, "neymişim lan ben" dedizdirsə də sonra bezdirir, elə bilirəm ki həyatıma artıq adamlar girib. oysa ki bu bacarıqlarımı dərsə falan istiqamətləndirsəydim kim bilir indi hardaydım. keşke sizi də tanımasaydım.* :d beynim yorulur.sayqılar. * : )
uşaq vaxtı isti yay günlərinin birində həyətdən evə gəlirdim. lift də işləmirdi həmişəki kimi. 8 mərtəbəni tələsə-tələsə qalxandan sonra gələn susuzluq hissi bir yandan, depolanmış sidik də bir yandan əzab verirdi. vaxta qənaət eləmək istədim.fikirləşdim ki, birinci suyu içim, sonra hamısını birlikdə işəyərəm. nə bilərdim ki bədənimizdə nefron, qıvrım borucuqlar, henle ilgəyi, sidik kanalı,böyrək ləyəni falan filan var. suyu başıma çəkməyimlə altıma yapmam eyni vaxtda oldu, oysa ki mən məntiqli iş görmək istiyirdim. iş-işdən keçdiyini görüb su içməyimi də dayandırmadım heç. * :d eyni anda şəffaf su sarı suya çevrilirdi. * :d (baxma: sehir) (bax: uşaq ağlı ilə inandıqlarımız)
the album leaf. sıradakı musiqilər də bekarçılıqdan ölənlər üçün gəlsin.
)aprelin birində edilməsi daha da zövq verən ibnəliklərdi. -* bu dəfə ortasında krem olan peçenyeni 2 yerə bölüb, kremin yerinə diş pastasını sıxıb işdəkilərə ikram etdim. elə bildilər nanəli peçenyedi. təəccüblənmiş, çaşmış üz ifadələrini görəndə ibnəliyimdən ləzzət aldım. * :d
(baxma: anastasia)
)
kimliyini kəşf etməyimlə sevinc və özümlə qürur duyma hissini yaşatmış yazar. -* ifşa yox ha, kəşf. *
ifşa suç üstü yakalanmak kimi çıxır.
ayrıca, hər dəfə bildirişlər arasında yeni entry yazdığını görmək sevindirir. -*
(baxma: sözlüyün ən ürək yazarı )
)
yaşamaq uğrunda sonuna qədər mübarizə aparan , akvariumda tək qalan xəstə balıqdı. pulcuqları əvvəlki kimi parıldamır, akvariuma yaxınlaşanda üstünə-üstünə üzmür, yemə yaxın durmur. akvariumun dibinə çöküb sakitcə ölümünü gözləyir. əlindən bir şey gəlməz. " bir dənəm, sən bacararsan,quyruğunu tərpət, sənin daha görmədiyin dənizlər var" kimi yalanlarla qaz verməyə çalışsan da boşunadır. balaca canı ilə sevindirməyi bacaran birinin bir daha olmayacağı fikri adamı kədərləndirir.
edit: bu entryni yazandan sonra kənardan umbaylama kimi görünsə də 1 saat balığımı dilə tutmuşam. artıq yanı üstə idi və ölməzdən qabaq mahnıya qulaq asmasını istədim.amma gözləmədiyim 1 şey oldu, balığım dikəlib üzməyə başladı. sevincimdəm ağladım. həyatdan var gücü ilə yapışması adamın içini titrədirdi. amma səhər oyananda yenə də vəziyyəti xarab idi. onun həyatına aid olduğunu düşündüyüm bu
)televizorun künc-bucağında heydər əliyevin şəklini görmədiyimiz yeganə bayramdır.
darıxdığım və arzuladığım hissdi.
aşiq olmağın dövriyyəsi bu cürdü çox güman ki: qarında kəpənəklər uçuşar, bu kəpənəklərin ömrü qısa olduğuna görə yumurta qoyub ölər, yumurtadan tırtıl formasında bağırsağa düşər və pup halında bədəndən xaric olar. sonra çirkli qidadan yenidən mədəyə düşüb daha çox insanı yoluxdurar. * :d odur ki, nə yediyinizə fikir verin. -*
stromae - formidable
))(bax: twice born)
baş rollarda penelope crus, emile hirsch , saadet aksoy olan bosniya müharibəsi illərindən bəhs edən mükəmməl bir film.
model- sen ona aşıksın
)
qrupun musiqilərini ilk eşitdiyimdə arxa fon musiqisi kimi yaxşı işə yaradığını fikirləşmişdim. amma bu gün qrupu yenidən kəşf elədim. musiqisi yol üçün əla imiş, hələ yol uzun, boz boşluqdan ibarətdirsə. sözlər yoxdu, amma musiqi tam mənim istədiyim kimi danışır, ya da mənə elə gəlir. adamlar bütün hissləri qarışdırıb musiqi yaradıblar elə bil. -*
)səhər- səhər arxa-arxaya mənfi səs verən göt başlığındakı "göt" sözü ilə sevindirən sözlük. -*
bu gün məni öpməy istəyəndə marşrutu qaçırtmayım deyə "tələsirəm ata" dedim. sonra dözmədim mesaj yazdım ki "öpürəm". *
ya bi daha öpə bilməzsəm
cavab zad gözləmirdim, çünki mesaj oxuyan, oxusa da cavab yazan deyil bilirəm ki. bir də gördüm cavab yazıb, həm də azərbaycan şriftləriylə. -* sözlükdə yazar kimi görsəm də şaşmaram artıq. *
:d
çox abartıram, amma 3 saata hərf axtarıb mənə elə bir cavab yazması bütün gün boyu üzümün gülümsəməsinə səbəb oldu. sözümün canı odu ki, bu dünyada ən sevdiyim adamsan, amma üzünə deyə bilmirəm, atacan. nolar həmişə yanımda ol.
illər sonra gələn edit: istədiyim kimi həmişə yanımdasan, Ata. Amma təkcə ruhən. Artıq ağlamıram da heç. Sənə səni nə qədər çox sevdiyimi səni yavaş-yavaş itirdiyimi hiss edəndə deyə bildim. Amma bunu bir-birimizə deməsək də olardı. Səndən ötrü çox darıxıram, bilirsən yəqin.. Yerini heç kim doldura bilmir.
ilk editdən 2 il sonra gələn 1 edit daha: Canım çox sıxıldı. Öhdəsindən gəlməkdə çətinlik çəkdiyim işlə uğraşıram bu aralar. Əlimi telefona atıb nömrəni yığmaq ehtiyacını iliklərimə qədər hiss elədim, əzbər bildiyim yeganə nömrə, öz nömrəmi də unuduram arada. Sənə 1 zəng qədər yaxın olmaq istəyirdim. Qucaqlaya bilməsəm də, görməsəm də digər ailə üzvlərim kimi. Sonra şükür elədim ən azından onlara 1 zəng qədər yaxınam, barı. Sənsə, Ata, bəlkə paralel dünyalardan falan bu entryni oxuyarsan. Çox darıxmışam axı. Bu gün Ata adında 1 balaca uşaqla tanış oldum. Uzun zamandan sonra Ata sözü çıxdı dilimdən. Ruhunu şad etməyə çalışacam, Ata..
sevgili sözlük, sənin yazarların arxa-arxaya mənfi səs verənə belə "petux" deyir təhqir olaraq. * homoseksuallığı nəzərdə tutmasalar belə indi loqondakı o bayraq nəyisə dəyişəcəkmi?
adı keçəl idi. nənəm tikmişdi, bütün nəvələrinə keçəl tikirdi. qucaqlamaq üçün ideal oyuncaq idi. -* bir az köhnələndən sonra mamam bizdən xəbərsiz sökmüşdü. amma içinin yunları bədəninin formasını saxlamışdı. içalatına yeni örtük tikdik bacımla. * :d bir neçə il yaşadı. heç bir alınma oyuncaq onun qədər sevimli olmadı. cəmi 1 şəkli qalıb. -*
Son bəyənilənlər
