london

yuxarıdaki entrylərdən həvəsə gəlib, xatırlayıb yazmaq istəyi oyandıran şəhər.illər keçsə də, qəlbiniz başqasını sevsə də unudulmayandır., london hər an başınıza gözlənilməyəcək şeylər gətirən yerdi, bəlkə də buna görə insan o sehirdən heç vaxt çıxa bilmir.görməzdən əvvəl çox önyargılıydım, boşuna şişirildiyini düşünüb və istəməyərək minnətlə yola düşmüşdüm, ama mənə görə london heç vaxt yadıma nə qırmızı avtobus, nə telefon budkaları, nə də london eye zad salacaq.çünki ruhu başqa bu şəhəri belə küçümsəmək haqsızlıqdı.2014dəki 1 aylıq təcrübəmdən xatırladıqlarım:
mən yayın sonlarındaki səyahətim zamanı belə üşüyürdüm, hər an hava dəyişir, qalın paltar aparmağa diqqət edin, jaket zad yox, kurtka nəzərdə tuturam. ama hava elə olur ki, altınıza şortik geyə biləndə üstdən kurtka geyirsiz, mod üçün zad da yox, havanın işləridi. parka, yaşıllığa doymağa çalışln, biz mərmərli bakı sakinlərinin məhrum olduqlarınnan.parklarda baxdığınız seriallardan, dinlədiyiniz qruplardan kimlərisə görəciz, təcrübəylə sabitdir.
-metro, avtobus, tram üçün oyster cardı limitsiz 2 həftəlik də almaq olur, nəqliyyat çox baha idi, 2 həftəsi 200 pound səhv xatırlamıramsa.kartı zonalara görə alırsız onsuz. zonalar arası məsafə artdıqca pul da artır. yazdığım qiymət 2 zona üçün idi, oxford streetdəki metronun qabağında durub big issue deyə çığıran dayının səsi o vaxt nə qədər qıcıqlandırırdısa, indi ona da həsrətsən
-muzeylərə gedəcəksizsə biletləri online alın əvvəldən, sherlock muzeyinin qabağında o sıranı gözləməyə dəymir çünki, elə yanında beatles muzeyi də var, eynisi onun üçün də keçərlidi.bütün muzeyləri gəzin boğazınızdan kəsməli belə olsaz, mənim zövqümə görə indiyə kimi gördüyüm ən maraqlı muzeylər orada idi.
-yemək məsələsində tesco,waitrose kimi marketlərin sendviç, salat, meyvələri, hazır yeməkləri 3-10 pound arası dəyişirdi, hətta vaxtından 1 gün ötmüş 10 poundluq salat gəlib olurdu 3 pound, bas ye də qaam, öz evimizdəki 3-4 gün qalmış yemək qutarsın deyə yeyən biz deyilik elə bil. digər balaca və fast food tərzi yerlərdə aksiyalarla da ucuza doymaq olurdu.böyük marketlərdə 250 ml-si 2-3 pound olan suyu,aksiyaynan 6 dənəsini o qiymətə almaq mümkün idi həmçinin, yaxşı eşələyin, tapassız.
axırıncı günlərə biraz pul saxlamısızsa və bu ingilislər nə yeyir, bir dadına baxağ moduna girmisizsə fish and chips, traditional breakfast üçün çox dərin araaşdırmalar və yoxlamalar nəticəsində: səhər yeməyi üçün məsləhətim hampstead heathdə bir lordun malikanəsi idi, 10 pounda eşşək boyda tarelkada səhər yeməyi verirdilər, gün ərzində başqa heç nə yeyə bilməmişdim, çox doyurucu idi, həm də oraları gəzib elirsiz pulsuz, fish and chips üçün isə çox yer yoxladıqdan sonra poppies adlı balaca restoran, çox dadlı idi, camden tovvnda. fərqlilik üçünsə thai, karib mətbəxini yoxlamağ olar, ama bir zada dəymirdi açığı.
-bazar sevənlər üçün hər cürə bazar var, rokçu* bazarından tutmuş çin bazarına qədər, day hər şey, camden town-a mütləq gedin. brit, indie musiqisinin nədən və haradan bəsləndiyini görmək üçün, hər cürə adam var çünki orada.
-insanlarla münasibətə gələndə isə, hamısı özləri demiş kind və gentle davranırlar, ama ki bu personal space söhbəti çox aktivdi,xüsusilə yerlilərdə. mal-mal harasa baxanda belə kimsə yaxınlaşıb köməyə ehtiyacınız olduğunu da soruşurlar. ağzındı satıcıya good morning. hovv are you today zad demədinsə, o dqə başlayır saydırmağa, metroda eskalatorda solda durmusansa, velosiped yoluyla keçirsənsə söyüş yiyəsisən, evdə qalırsansa ev yiyəsi elektrik, su mövzularında mazgi eliyəcək, çox bahaymış. və ən böyük dərd, kondisioner. heç harada kondisioner yoxdu, nə köhnə, nə təzə binalarda.eşşək boyda şirkət, məktəb olasan, ventilyatorla gün keçirəsən, pəh.
-gördüz bekarsız, gedin harrodsa. fakirliquedən zövq alın.
uzaq da olsa, nothing hill-ə gedin, aurası başqadı, gangster ab-havasını hiss eləmək üçün brixton və ətrafı, məşə kimi yerdə zindanda olmayan zürafə görmək üçün richmonda.biraz da pul yığın 1 saat məsafədəki sahil şəhər brightona gedin, brighton gaylərin paytaxtı olaraq adlandırılır, dənizdə çimmək olmaz, çox çirklidi, oranı tamam gəzməyə 1 gün bəs edir, qatar bileti 20-30 pound arası idi, ama əvvəldən daha ucuza almaq olar, ukdəki digər girə biləcəyiniz yerlərə isə gecə avtobusları çox uyğun qiymətə aparır, ama zülmü çəkməyə hazır olmalısız, çünki gecə 11də gəlməli olan avtobusunuz 3-4ə qədər gəlməyə bilər, belə bir şeyə girişməyə hazırsızsa cəld olun, rahatlıqla tərpəşsəz ən axıra qalacaqsız, mənim kimi. xatırladıqca əlavə edərəm. dünyanın hər yerini bir məkanda yaşamaq şansı. london şadlıq sarayı hər zaman xidmətinzdə.və təbii ki, "mind the gap please"

az-çox gəzib hələ də ruhumun ilişib qaldığı bu insanı udan şəhər üçün çox darıxıram, gələcəm, dosi,
az qalib

the last shadow puppets

son albomları everything you've come to expect ilə aprel ayını gözəl qılan qrup. albomda sevmədiyim heç bir mahnı yoxdu , ama yenə də ilk albomlarının yeri, yaşanmışlığı ayrı idi. alex turnerin təzə imicini bəyənmədiyimnən klipləri də bəyənə bilmirəm.bu albomun replaylik mahnısı aviation. əyləncə üçün arctic monkeys, lomkaya düşməyə tlsp deyərək entrymi tamamlayıram.

chet faker

yeni nəsildən canlı dinləmək istədiyim tək-tüklərdən.bütün albomlarını sevdiyim hipsterimsi qaqa. less is more mottosu deyiləndə bu insan yadıma gəlir, bu qədər sadə, mənasız musiqi necə belə gözəl ola bilir.mahnı sözlərini də sevirəm. canlı izlənilməlidi, o qədər istəyirəm ki təkrar-təkrar-təkrar eyni şeyi təkrar..
thinking in textures
built on glass

aytac babayeva

qırğınam, əsəbiyəm, məyusam. azərbaycanda yaşayan qadın, qadın oldunsa səənki öldü, qız uşağı,hə sən azərbaycandaki qız uşağısan, o qız uşağı ki, sənə qadın deyəndə diksinirsən, küçədə sənə yan baxanda, söz atanda bundan narahat olmursan, metroda sənə əl atanda susub durursan, doğulduğun andan etibarən qəbrə qədər neçə dəfə cinsi istismara məruz qaldın? qorxdun, susdun.təsəvvür elə ki, qızsan, axşamçağı evə qayıdırsan, lap deyək hava qaralır, sənin yaşadığın yer əhmədlidi, yaşadığın yer vosmoydu, tələsməyə başlayırsan, dalınca düşən, tindən baxan, qorxduğunu görüb bunnan zövq alan canlılar özlərinə insan adı qoydular, kurtlar vadisinə baxan totu lotular, burdan qıza sevirəm deyib axşamı özünü qəhbə altında tapıb özlərini kişi hesab elədilər. bugün bir can daha yox oldu.blatnoy ali bu hadisəyə "düz elyib" kommentini bildirdi. kayfarik rufet profiline aytacin şeklini qoymaqla öz etirazını bildirən birinə "salam xanım" mesajını göndərdi. bir can yoxdu, burada insanlıx da yoxdu ama, insan olmax nə çətiniymiş

itzhak perlman

bakı konsertindəki performansından çox da həzz ala bilmədiyimiz musiqiçi. bakı kütləsinin hazır olmadığı musiqiçi olmağı da ayrı bi mövzudu zatən.konsert boyu əsər bitimini anlamadan çalınan alqışlar, bundan pisikib əsər bitsə belə çalınmayan alqışlar, konsertə dəvətnaməylə gəlib söhbəti tuta bilməyənlər, konsertə sırf mərkəzi görmək üçün "dedih görəh bura nolan şeydi" deyib gələnlər, toya gələnlər, ər tapmağa gələnlər, şpilkada salondan çıxıb gələnlər,instagrama video qoyub "soo amazing", "real music" yazıb layk yığmağa gələnlər, əsəri ifa edəndə səhnəyə gül verməyə fırlamış uşaxlar və narazı itzhak perlman. hətta o qədər narazı ki, ifasını yarıda kəsib salondaki bütün mobil və kameraları yığışdırmağı xahiş edib, aztv kameralarını salondan mədəni şəkildə qoylayıb , "mən qoca adamam, mənim şəklimi neyniyirsiz, yutubda onsuz da var, musiqidən zövq almağa çalışın" deyib qaldığı yerdən işinə davam etmiş adam.

yayda metrodan istifadə etmək

dönərçidən çıxanda külək dalğası üzünüzə toxunanda yaşanan o sərinləmə hissinin eynisini dərnəgül,28 mayda qatar boşalanda yaşamaq mümkündü.2 oturacağı işğal eləyən dekolteli xalalar,günün vurub qaraltdığı qarınları qarpızdan şişmiş dayılar, "raasim o günnərim xalaşka mmmm cigə efir şeydi" eliyən şəpitli, köynəyi düymələri diafraqmasına kimi açılmış, "xanım, eyləşin men düşücem" diyib bayaxdan orada ayaq üstə dayanan dayıya yox, 40 dərəcə istidə toto çatalına qədər uzun saçını ukladka eliyən,uzun qırmızı yubka geyinmiş, yenə 40 dərəcədə tonalnı yaxmış, göz makiyajı axmış ( yaman qafiyə oldu ) "nəmiş, ver sumkanı tutum" , iki dəyqədən bir saçını düzəltmək kimi algılanan əl hərəkətləriylə qıllarını camaatın üzünə toxundurub narahatçılıq verən xanım qızlar.bu vurhavurda da telefonları əllərində ya o tupoy oyunları oynuyurlar, ya da köhnə mesajlar oxunur. bu dəmdə 3-4 uşaqla qatara doluşan gəlinlər.dezodorant problemi həll olub deyəsən ama, hamı vurur, vurmamış halları daha yaxşıydı deyəsən. yayda metroda kütləvi "tenim tenine,terim terine" aktı yaşanır, tutacaxdan tutmuş birinin qoltuğaltı tər damcıları müxtəlif bədən hissələrinizə dəyərək ondan sizə bir xatirə qoya bilər, nəticədə birlikdə o boyda çətinliyə sinə gərirsiz, sinəni çox gərmiyin, tər damcısı ora düşər. yayda metrodan istifadədən daha pis bir şey qışda səhər tezdən 8ə 10 dəyqə qalmışdan sonra metroya minməkdi,artıq sözə ehtiyac yoxdu.

soap kills

qrupun adı qarşıma çox çıxsa da ilk dəfə only lovers left alivedaki yasminenin hal səhnəsini gördükdən sonra tıkladım və gerisi gəldi. melodiyalar qəşəydi, minusları həqiqətən də bir çox replərdə filan istifadə edirlər. ərəb dilində bu stildəki ən yaxşı qrupdu sözsüz ki. heç nəyiylə narahat etmir qulağı, ərəb dili onsuz da musiqiyə çox uyğundu, melodikdi, musiqilərdəki gah melanxolik, gah muzip hava bir anda modunuzu dəyişə bilir. aranis ilk başda familiyalarını eyni görəndə meg white ın jackin gah bacısı, gah arvadı olmağı nı yada salsa da zeidla yasmine eyni ildə doğulublar, familiyaları da eyni olmağı tamamilə təsadüf imiş, bacı-qardaş deyillər. qrup hal-hazırda dağılıb, yasmine y.a.s adlı qrupda fəaliyyət göstərir. necə deyəllər şeftak ya şefta şiftak kaşaftak

sankt peterburq

adı dəfələrlə dəyişərək petroqrad, leninqrad, peterburq olmuş,1703-cü ildə qurulmuş, istiqanlı olmasına baxmayaraq özündənrazı moskvadan fərqli olaraq soyuqanlı və özündənrazı, aristokrat şəhər. arxitekturası ilk görüşdən aşiq edən yer, dostoyevskinin əsərlərindəki təsvirinin xəyal qırıqlığı yox, sevindirəcəyi yer, ilham verir piter hər nöqtəsiylə, nevskiy prospektdə gecə gəzmələri və təbii ki məşhur bəyaz gecələri.(baxma: yazarın özünü aztv aparıcısı kimi hiss etməyi) deyilənə görə ermitajdaki hər əsərə bir neçə saniyə tamaşa eləsəz hamsına baxmağınız üçün 3-4 il vaxt lazımdır. həmçinin şəhərdə dostoyevski kafesi də var, sevənləri üçün, içərisi tamamilə romanlara uyğun şəkildə qurulub, menuda da əsərlərdə adı gedən yeməklər var. skinheadlərin həddən çox olduğu şəhər, əgər sizdə əsl qafqazlı tipi varsa çətinlik çəkəcəyiniz dəqiqdir, ama çox gözə girmirsənsə dəyib dolaşmazlar da, piterdə krışaları kirayə də verirlər. yaşayanların qədrini həqiqətən bilmədiyi şəhər, bir tanış bakıya 2ci dəfə gəlişində bakının piterdən çox müasir və gözəl olduğunu demişdi göz almalarının orbitdən fırlamağına səbəb idi. rahatca finlandiyaya da getməy mümkündü yaxındı deyə.qısacası, haqqında roman yazırmış kimi danışmaq istəniləndi, açıx havadaki muzeydi, unudulmayandı, həmişə özlənəndi

venesiya

önümüzdəki 10 il ərzində batacax olan,rəngləriylə,balacalığıyla adama ilham verən,yayda adamı qrip elyəcək qədər od tökülən, italiya şəhəri. çox isti,çox nəmiş və basabas olur,gözəlliydən,tarixdən heçnə qammırsan.məsləhətlisi qışda getməkdir fikrimcə.ən məhşur meydanı san marcodur, restoran, cafe, dükanlar zad da oradadı elə. mərkəz meydan olduğu üçün çox bahalı olan yer.ofisiant sizə göz vurub həddən artıx nəvaziş göstərirsə, 100 euronuzun su və balığa gedəcəyini ağlınızdan keçirin.qondola minməyin də minənlərin loxlandığını düşündüyüm yer, onnansa şəhərdəki yeganə nəqliyyat vasitəsi olan vapurlarla adaları gəzməy daha qəşəydi, özünə məxsus iyisi olan yerdir, o iyi də suya atılmış zibillərdən gəlir,poxsaxxanadı. xəritədə belə tapılmayan damdar küçələriylə hər bucağı kəşf olunmasa sevilmiyəcək yerdi.