moody's

başlıqda yazıldığı kimi tanınıb bilinsə də tam olaraq moody's investors service adlanan şirkət. bu şirkət maliyyə sahəsi ilə bağlı-(xüsusən istiqrazların, depozitlərin) taleyi ilə bağlı analizlər apararaq bunla bağlı rapor edərlər adətən və ən əsası uyğun olaraq dərəcələndirmə aparırlar. bu baxımdan investorların daim diqqətlə izlədikləri bir hesabat sahibidirlər. yeri gəlmişkən bugün azərbaycan beynəlxalq bankın depozit reytinqi ilə bağlı öz analizlərini açıqlayıblar və onu belə dərəcələndiriblər. ba3 dən b1 ə enmə. bu isə neqativ proqnozdur. və qeyd edim ki heç bir investorun dəqiq yatırım eləmək istəməyəcəyi göstəricidir. cədvəldə b1- judged as being speculative and a high credit risk kimi qeyd olunub.

kənd təsərrüfatı xaric məşğulluq

hər ayın ilk cümə günü abş da açıqlanan bir göstəricidir. bu göstərici abş dakı kənd təsərrüfatı və qeyri hölumət çalışanları, dövlət məmurları istisna olmaqla bütün pul qarşılığında işləyən işçilər haqqındadır. məsələn, adını çəkdiyim istisna sahələrdən başqa digər sahələrdə işçi sayı nə qədər dəyişməsini, işsizlik səviyyəsini, orta həftəlik çalışma vaxtını, ortalama saata və həftəyə nə qədər qazanıldığını göstərir bu göstərici. çox əhəmiyyətli, və dünya tərəfindən 4 gözlə gözlənilən datadır. çünki həm bu abş dakı iqtisadi aktivlik göstəricisidir, həmdəki ölkənin pul vahidinə təsir edir. və ən əsası fedin yeni veriləcək qərarlarına təsir edə bilir.
göstəricilər açıqlanmamışdan əvvəl hər zaman gözləntilər verilir sahə üzrə bilgələr tərəfindən. əgər göstəricilər gözləntilərdən yuxarı və ya bərabərliyində olarsa bu yaxşıdır, çünki düşünün, deyək ki gözlənti 156 min idi amma oldu 175 min. bu o deməkdir ki daha çox insan qazanır, iş yerləri çoxdur müvafiq olaraq da istehlak da artır bu da üdm nin artması deməkdir. əksi isə əks təsirə malikdir.

sakral turizm

turizm sahəsinə aid bir qol. əmin dəyiləm termin olaraq bizim dildə qarşılığı necə olur ama tərcümədə müqəddəs turizm kimi tərcümə olunur. bəlkə də termin kimi turizm sahəsində də elə işlədilir bilmirəm, bunu o sahəni bilənlər bilər.
məğzi isə adının verdiyi ilkin işarələrdə olduğu kimi dinlə bağlı sayahətdi bu. yəni məsələn müsəlmanların həcc ziyarəti sakral səyahət, sakral turizmə aiddir. yəni onlar bağlı olduqları dinlə bağlı dünyanın müxtəlif yerlərindəki yerləri, məkanları gəzirlər. qeyd edim ki, mütləq aid olduğun dinlə bağlı yeri gəzməlisən deyə bir şey yoxdu, istənilən dinə aid dünyadakı müqəddəs yerləri gəzə bilərsən. maraq üçün müsəlman xristianlara aid yerləri də gəzə bilər məsələn.

kiməsə vurulmaq

sabah imtahanım olmağına baxmayaraq son bir neçə saatımı bunu fikirləşməyə sərf edib axır ki, məni qane edən cavabı aldığımı düşündürən başlıq.
deyir, insan təcrübələri qədər formalaşır. ona görə də fikrimin əminliyində sinəmə döymürəm. amma təcrübələrim göstərir ki, insan əslində özünün xəbəri olaraq və ya heç olmadan sevgini arzuladığı zaman, iç dünyasında qurduğu modelə oxşar birini xarici dünyada görərsə ona vurular. bədəni dəyişdirən bu hislər o qədər möhtəşəm olar ki, insanlıq hələ də bu təsiri şüursuz yaşamağa özünü təslim edib. bəlkə də lazım olan odu, bilmirəm.
və bəziləri zamanla vurulduqları adamın əslində qurulan o modelə uyğun olmadığını kəşf edərlər, bax o zaman artıq münasibət ölüm dirim savaşı verməyə düçar olur. ya modelinə uymadığını bilən o insan yaşananlara xatir bir insana sadiq qalmaq və s fikirlərinə özünü inandırıb məsələləri axarına buraxmaz(yəni ayrılmaz) və münasibətə davam edər. hansı hislərlə və fikirlərlə davam etdiyinə dair fikrim yoxdur, çünki heç zaman bu seçimi seçməmişəm.
bəziləri isə nə olur olsun qarşındakının göz yaşına baxmaz və ona ayrılma zamanı gəlmişdir deyər. amma məsələ burasındadır ki səbəb tapmaz ayrılmağa. hə, bəs mən o vaxt sevirdim amma indi yox? soruşarlar axı adamdan əgər mən və sən dəyişməmişiksə necə ola bilər bu. mən də həmişə
bu anlarda ağlıma gələn ilk səbəbləri deyərdim nə qədər əlaqəsiz olsalar da. hər şeyi indi başa düşürəm.
sevgini müqəddəs ya da ali bir şey görmürəm sırf bunlara görə. hər şey mənlə bağlıdı əslində. sevgini arzulayan mənəm.
bu fərqindəliklərə baxmayaq yəqin ki yenə vurulacam. yenə onu beynimdə möhtəşəm, fərqli görəcəm yəqin. bax budur mənim adamım deyəcəm. çünki o yaşananlar dəhşət hislərdi. o hisləri yenə istəyəcəm. bir dəfə dadına baxmışlığım artıq məni növbəti baş dönmələrinə aparan asılılıq olacaq. bir də ki adam niyə də yox da, niyə də bu baş dönməsini, bu möhtəşəm hisləri yaşamayayım ki deyir özü-özünə.
sabah imtahan verən bütün insanlığa uğurlar, əgər bu imtahanı keçmək insanlığa nə zamansa zərər verməyəcəksə.

baxışmaq

bəzən də qarşı cinslər arası aldadıcı tələ.
ən əsası unutmamaq lazımdıki hər sizin baxışınıza baxışıyla cavab verən və baxışma prosesində iştirak edən hər qarşı cins sizə maraq duyur deyə şey yoxdu.
normalda baxışma vəziyyəti qarşılıqlı olaraq bir birinə maraq duyan cütlüklər arasında olur.
amma istəmədən bu prosesin içinə düşən və aləmi bir-birinə qatan adamlar da var. beləki, bəzən mövcud olduğumuz məkanlarda kimlərəsə biz maraqlı gələ bilirik, hansıki o adam bizi tanımaq istəyir. və bu vəziyyətdə biz onun nəzəri altına düşmüş oluruq və mütəmadi gözləri bizə baxır. biz isə bir müddət sonra bu halla tanış oluruq və təbiki bu hal adamı məmnun etmir deyil. insanıq, canlıyıq, təsirlərlə böyümüşük. nəysə, və biz də müəyyən zamanlar bu nəzəri üzərimizdə hiss edəndə kontrol etmək üçün(görüm doğurdan da baxır?) baxan tərəfə az zamanlıq da olsa yoldaşlıq edir və baxışma vəziyyətini yaradırıq. bu hal mütamadi davam edir. biz bundan kayf alsaq da(qarşı tərəfin nəzərinin bizdə olmasını görmək) qarşı tərəfə əlava yük yəni ümid vermiş oluruq.o isə sizin də ona marağınızın olduğunu düşünür, müəyyən müddət bunun eyforiyasında, get-gəlində(əmindimi qərarında ya yox), xəyallarında, sizə yaxınlaşma metodları, üsulları fikirləşməklə məşğul olur. əlavə iş də. və bütün bu şeylərdən sonra o sizə açılanda və siz onu cavabınızla məmnun etməyəndə o pis olur.
lazımdı buna diqqət eləmək. doğurdan da bir məqsədiniz varsa əgər bu baxışmada iştirak edin. özünüzü tatmin etmək biraz eqoistlik olur və bu eqoistlikdən yayınmaq gözəl olardı. qarşı tərəfi bir dağa zamanla qaldırıb sonra zart deyə yerə atmaqdansa, əvvəlcədən o dağa qaldırmamaq daha gözəl yanaşmadı məncə.

hüzünlü musiqilərin sevilməsi

ümumiyyətlə istər hüzün istərsə də sevinc hissi verən duyğu yüklü musiqilərin yemək, seks, narkotiklər kimi beyindəki həzz mərkəzinə təsir etməsi aydındır. musiqinin də bu işi bilən adamlar tərəfindən ritminin xüsusi olaraq enməsi, qalxması, melodiyası buna uyğun olaraq yaradılır.
hüzünlü musiqi doğurdan da adamın özünü yaxşı hiss eləməsinə səbəb ola bilir. musiqinin sözlərində və melodiyalarında ifadə edilən duyğuları bəzən özümüzdə təcrübə edirik yəni ki guya o hüzn bizim başımıza gəlmiş kimi davranırıq amma baxmayaraq ki realda belə bir hadisəynən qarşılaşıb bu təcrübəni yaşamamışıq. bu da beynimizin işə saldığı kimyasallarla göz yaşı, artan ürək döyüntüsü yaradaraq bizi bir növ boşaldır. bu səbəblə də bu cür musiqilər sevilir və dinlənilir. yəni əslində pis bir hiss yaratmır adamda.