adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ilk mesaj yazanın həmişə sən olması whatsapp-da, facebook-da tanışların səni qozlamamasının nəticəsidir. bəlkə də günah mesaj yazılmayan şəxsdədir, sıxıcıdır, maraqsızdır və s, amma hər-halda arabir axtarılmaq, sən nəsə yazmadan kiminsə sənə "salam, necəsən" yazmağı ən azından bu çətin günlərdə insanın əhvalını nisbətən yaxşılaşdıra bilir.
12 angry men-də gözəl deyilib: "dəyərsiz, axtarılmayan bir insan olmaq çox kədərli bir şeydir. insanlar axtarılmaq, dinlənilmək və həyatda qısa bir zaman üçün belə olsa lazımlı, mühüm olmaq istəyər."
(bax: whatsapp-da yazışmağa adamın olmaması)
toplum içində olduqda qəfil gələn təkliyə çəkilmək istəyi əsgərlikdən gəldiyim hələ bir gün deyildi ki, küçədə gəzəndə qabağıma elə mənlə bir gündə ehtiyata buraxılan əsgər yoldaşımı gördüm. biraz söhbət elədik sonra dedi ki bəs "r." (bu da əsgər yoldaşımdı ancaq biraz yaxın idik özü ilə) gəlir gedirik restorana. nəsə paz oldum, elə bilirdim ki, hərbi xidmətdən sonra dəyişilmişəm, artıq sosial birisiyəm. deyib güləcəm, hər şey normal olacaq. ancaq yox! belə olmadı. "r." ladası ilə gəldi getdik restorana yanında bir iki tanış da var idi. yol boyu güya zarafat elədik bir iki dənə, olmadı yerinə düşmədi desək olar. çatdıq, oturduq sifariş verdik. bunlar söhbət edir ora bura, və mən isə söhbətdən qıraqda qalırdım, biraz sıxıldım. və həmin an gəldi çatdı: "sən niyə danışmırsan bəs?". çox eşitmişəm bu sualı həyatım boyunca. məhz həmin andan oradan getmək istəyi daha da gücləndi, başa düşdüm ki sosial məkanlar mənlik deyil. camaatın yığıncağını da korluyuram həm də.
nə isə sən demə bunlar içəcəkmiş (təbii olaraq). mən də heç vaxt içməmişəm axı, belə olan halda qəribə vəziyyət yarandı. bizim millətin də xasiyyətidir axı, içməyəni içməyə vadar etmək. yalandan bir iki qurtum alıb yola verdim. sonra isə artıq başa düşdüm ki bəs mənim varlığım burada çoxluq yaradır.
bu da sonuncu dəfə oldu ki, mən hansısa çağrılmadığım bir yerə paz olaraq getdim. əslində sonuncu dəfə hansısa yerə getməyim oldu çünki heç hara çağrılmamışam, çağrılmayacam da.
sözaltı günlük sevgili günlük, mülki həyata geri dönüşüm şərəfilə sənə bir iki kəlmə yazacam.
əsgərlik çətin keçdi amma dostlar, yoldaşlar qazandım, ən azından telefonun kontaktına əlavə etməyə adamlar tapıldı axır ki. ilk dəfə olaraq asosiallığa zidd gedərək 4-5 nəfərə restorana getdik, hətta biraz da içdim (ilk dəfə spirtli içki qəbul etdim). amma deyim ki, bu dostluqlar uzun sürməyəcək kimi görünür çünki danışmağa bir şey tapa bilmirəm, çox zaman səssiz qalanda da həmin qrupdan xaric olunursan yavaş yavaş. görünür heç vaxt dost tanışım olmayacaq daimi.
digər tərəfdən qarşı cinslə əlaqə imkanlarım həmişəki kimi sıfır olaraq qalır. özgüvənsizlik davam edir. köhnə qız tanışım vardı unidən əlaqə yaratmaq istədim amma sonra düşündüm ki, deyəcək əsgərlikdən gəlib "yanıxdı". ona görə "r"ya atdım. əşi günlük yazılası çox şey var amma mən gedirəm bir iki film izləyib sonra da gələcək barədə düşünməyə. salamat qal canım günlük.
adtapabilmedim 2019-ci il iyulun 8-i ordu sıralarına daxil olmuş, bugün səhər saatlarında naxçıvan muxtar respublikasının kəngərli rayonunda yerləşən "n" hərbi hissəsindən ehtiyata buraxılmış yazar.
asosiallıq Asosiallıq bəziləri üçün bir seçim bəziləri üçün isə bir məcburiyyətdir. Asosiallığı seçim olaraq qəbul etmək müvəqqəti olur adətən, ətrafındakı mühitdən, insanlardan bezib qeyri müəyyən müddətə ətraf mühitdən təcrid edirsən, bu hər insanın həyatında olur. Amma asosiallıq məcburiyyət halındadırsa hər zaman cəmiyyətdən təcrid vəziyyətində olursan. Bu o demək deyil ki, qapını örtüb sonsuza qədər evin içində oturursan; bu bəlkə də müəyyən müddətə mümkün olar amma insan cəmiyyətin bir parçasıdır, yaşama davam etmək üçün cəmiyyətə "soxulmalıdır". Asosiallar cəmiyyətə qarışa bilmir, "soxulur" məcburən. Çünki cəmiyyət onları qəbul etmir. Məktəbdən başlanır hər şey, içinə qapanan, ünsiyyət problemi yaşayan məktəbli bəlkə də bir neçə yoldaş qazanır amma həmişə "mama uşağı" adlandırılır sinifin "bandası" tərəfindən. Pis yaxşı məktəb başa çatır, məktəbli asosial ona qarşı edilən lağlağılıqları, səviyyəsiz zarafatları unutmağa hazır olur amma hələ çox şey qabaqdadır. Məktəbli asosial bilmir ki hələ onu çox çətin sınaqlar gözləyir. Universitetə həvəslə daxil olur məktəbli asosial; hər şeyin fərqli olacağı ümidi var içində, öz xəyalında ağ səhifə açacaqdır. Lakin hər şey fərqli olur, ilk vaxtlar müəyyən qədər qrupla ünsiyyət yaradan tələbə asosial vaxt keçdikcə istər istəməz qrupda təklənir. ilk vaxtlar kafeyə, kinoya getmə təklifi alırdısa belə bir müddət sonra artıq özü də dərk edir ki, təklənib yenə də. Özündən asılı deyildi, digər tələbələrə görə o "sıxıcı" birisi idi. Tələbə asosiala yenə də ara sıra xətri qalmasın deyə kafeyə, kinoya, və ya gəzintiyə getmə təklifi gəlirdisə belə bu dəfə özü gözlənildiyi kimi "sağolun amma işim var" deyirdi. Tələbə asosial məktəb vaxtı tanıdığı bir neçə yoldaşı ilə əlaqə saxlaya bildisə belə sonda yola verildiyini anladı; çünki o yazmasa heç kim onu xatırlamırdı. Məktəb yoldaşları artıq yeni bir həyata atılıb sevgili, dost qazanaraq yola uğurla davam edir. Bu mərhələdən sonra artıq qrup üzvləri və tanışlarla əlaqə üçün açılmış whatsapp silinir; hansı ki sadəcə qrup üzvləri ona "deyərsən qayıb yazmasınlar"dan başqa bir şey yazmırdı. Artıq tələbə asosial dərk edir ki, o cəmiyyətə qarışa bilməz sadəcə yaşama davam etmək üçün məcburiyyətlə onun bir parçası kimi görünməlidir. Tez tez intiharı düşünür, çünki axı həyatın nə mənası var? Digərləri əylənir, sevişir, dostları ilə gəzir dolanır; amma o isə kompyuter qarşısında digər insanların uğurlarını seyr edir. Amma asosialımız ümidlidir, çünki məlumat bazası hər gün böyüyür. Vaxtını oxumağa, bilgi qazanmağa həsr edir. Ancaq cəmiyyətin bir parçası deyilsənsə o qədər məlumatın dəyəri nədir? istifadə edə bilmədikdən sonra nəyə gərəkdir o qədər bilgi? Bəlkə də əksəriyyətdən daha savadlı bilgilisən amma onlar kimi yaşaya bilmirsən. Onlar səndən daha yaxşı işə girir, çünki özlərini səndən daha yaxşı təqdim edir. Sənin savadın daha artıqdır amma özünü lap savadsız kimi göstərirsən. Ünsiyyət qura bilməyən adam necə işləyə bilər axı. Nəticədə yaşamaq üçün məcburiyyətlə sürünürsən; içindəki ümid qoymur özünü öldürməyə. "Hər şey yaxşı olacaq gələcəkdə" yalanınına inanırsan. içində hələ də ümid var ki, bir gün cəmiyyətdən asılı olmadan sevdiyi qadın ilə bərabər xoşbəxt bir ömür sürərək keçmişdəki uğursuzluqlarını unudacaq.

Qeyd: əsgərlikdən sağ salamat qayıda bilsəm, asosiallıqdan bəhs edən bütün fikirlərimi cəmləyib yarı bədii-yarı biyoqrafiq kitab yazacam.
əsgərlik iyulun 8-i gedib, hal-hazırda andiçmə mərasimindən sonra buraxılışda olduğum üçün bu entry'ni yaza bilirəm.
Hələ 1 ayın əsgəri olsam da sanki 1 il keçmiş kimi gəlir. öz evimdə deyiləm hələ də, naxçıvandayam. Buraxılışda kəndə getdim. Özümü qəribə hiss edirəm, sanki nəsə çatışmır. Bu buraxılış deyilən şey yarımçıq azadlıqdır. Çünki bilirsən ki geri dönəcəksən bir neçə gün sonra. ona görə də özünə yer tapa bilmirsən. Buraxılışdan qabaq düşünürsən ki mülkiyə çıxsam onu edəcəm bunu edəcəm amma heç nəyin dadı yoxdur, ümumiyyətlə heç həvəs yoxdur nəsə etməyə. Çox pis haldır bu.
6-7 il bundan qabaq bibioğlum əsgərlikdən təzə gələndə ondan soruşmuşdum ki, bəs əsgərliyin mənası nədir; "mülki həyatın qədrini bilirsən" cavabını vermişdi mənə.
Kim deyirsə ki, əsgərlik vətəni qorumaq üçün təşkil edilmiş bir şeydir, yalan deyir. Burda ancaq rütbəlilərə xidmət edirsən.
Düşünürəm ki şablon və çox bilinən məlumatları yazmağın mənası yoxdur.
1 aydır telefonum sönülü idi, həvəslə açıb mesaj zad gəlməsini gözlədim amma heç azercelldən belə mesaj gəlmədi. dost tanışım yoxdur, bunu qəbul etmişəm amma adam yenə də gözləyir nəsə. Anama zəng etdim, ağlayırdım ara sıra ancaq mümkün qədər səsimi normal saxladım. indiyənə kimi 10 dəqiqədən artıq telefon ilə danışmayan mən 40 dəqiqə danışdım. insan sevdiklərinin dəyərini anlayır ay canım gözüm sözlük. Bəzən olurdu anam zəng edəndə açmırdım ya da tez bazar danışırdım, ancaq indi günlərlə danışmaq istəyirəm.
Kaş insanlarla daha yaxşı münasibət qura biləydim, universitetdə dostluqlar yarada bilərdim; indi tək qalmazdım bəlkə də. Ancaq özümdən asılı deyil, bacarmıram.
Adama qoyan şey sadəcə səndən aşağı səviyyəli ancaq rütbəcə üstün şəxslərdən gic gic əmrlər almaqdır. Höte'nin bir sözü var: "dəyəri yüksək olan şey heç vaxt dəyəri az olanın mərhəmətinə sığınmamalıdır." Zabitlərin əksəriyyəti cahildir, sanki cahillik burada kök salıb, meyvə verib elə bil. Elə əsgərlər var ki oxuma yazma bilmir. Əşi nəsə boş verin hərbi xidməti, əgər nə vaxtsa xidmət etmək fikriniz varsa, eləməyin yazıqsınız.
Sonda mənimlə maraqlanan bütün yazarlara təşəkkür edirəm, sağ olun. Çalışıb yola verib sağ salamat geri qayıdacam. Yaman günün ömrü az olur nədə olsa.
sözaltı günlük Sevgili günlük, Səhər saat 9-da hərbi xidmətə yola salınacam. Məcburən gedirəm, çünkü başqa yol yoxdur. Kaş ki olardı. Seriallardan, filmlərdən ayrı olmaq çətin olacaq 1 il. Amma çətinliyə dözəcəm və daha güclü bir insan olaraq geri dönəcəm. və bəli bu şablon cümləni də yazdım ironiya olaraq. Daha güclü insan zad olmayacam necə gedirəm elə də qayıdacam; asosial əzik (loser) olaraq. Ancaq game of thrones finalı ilə ürəyimdə yara açıb, bəlkə o yara sağalar bir ilə.
Bu entryni də yazdım ki güya maraqlanan olsa bilsin ki hərbidəyəm. (bax: no one cares)
masturbasiya porno izləyərək edilirsə zərərlidir, ümumiyyətlə porno izləmək zərərlidir və insanın bütün motivasiyasını, beynin normal fəaliyyətini alt-üst edir. masturbasiyanın porno olmadan edilməsi məsləhətdir. masturbasiya tamamilə ziyansızdır. müntəzəm masturbasiya etmək prostat xərçəngi riskini azaldır. gənc yaşlarda gündə bir dəfə edilsə belə ziyanı yoxdur, amma mütləq axşam və ya gecə edilməsi gərəklidir. sabah və ya gün ortasında edilən masturbasiya insanı yorğun hala salar.
Masturbasiya stressi azaldır, yuxu keyfiyyətini artırır, əhvalı yaxşılaşdırır, əsəbləri sakitləşdirir. yəni qeyd edilməlidir ki, masturbasiya yox, porno ziyandır. Masturbasiya utanılası bir şey deyil, təbii bir ehtiyacdır. ölkəmizdə hətta masturbasiya belə bir tabu halına gəlib.
qaynaq: https://www.medicalnewstoday.com/articles/320265.php
porno olmadan masturbasiya etmək üçün sevdiyin aktrisanın şəkillərinə, videolarına baxmaq olar.
reddit'dəki "jerkofftocelebs" subredditindən də istifadə etmək olar.
aztv xXx (2002) filminin adını "3x-1" şəklində yazmış kanal. elə bildim riyaziyyatla bağlı nəsə sənədli filmdir.
above suspicion emilia clarkejack huston'un baş rolda olduğu real hadisələrə əsaslanan film. Filmdə bir fbi agentinə işləyən narkotik aludəçisi bir qadının hekayəsi əks olunur.
Film 3 il əvvəl çəkilsə də hələ ki, nümayiş olunmamışdır. Keçən il türkcə dublajlı versiyası türk film izləmə saytlarına düşmüşdür. Mən də həmin saytların birindən izlədim, video keyfiyyəti orta idi; ancaq maraqlıdır görəsən hələ heç film nümayiş olunmamış haradan tapıb saytlara atıblar.
naxçıvan dövlət universiteti Bugün (11 iyun) nəhayət ki, canımı qurtararaq bitirdiyim "universitet"dir. Bəli, "universitet"dir, çünki tələbələrinin əksəriyyəti (95%-i) savadsızdır və buranı bitirəndən sonra da savadsız olaraq qalırlar. Yüksək bal ilə daxil olanların əksəriyyəti birinci kursdan sonra bakı'dakı universitetlərə üz tutur. Oxuduğum qrupda da bir nəfər məhz bu cür getdi.
Bir çoxları ailə zoruna imtahandan imtahana pul tökərək oxuyur... zad... klassik şeyləri yazaraq vaxt itirməyək onsuz hamı bilir.
Müəllimlərin 90%-i savadsızdır; öz oxuduğum fakültə üzrə deyirəm amma digər fakültələrdə də vəziyyət demək olar ki, eynidir. Yaxşı, az-çox biliyi, dünyagörüşü olan müəllimlərə də rast gəlmək olur.
Mənim üçün bu universitetdə keçən dörd ilin qısa xülasəsi belədir: kənd - avtobus - universitet - avtobus - kənd. Baxmayaraq ki, birinci semestrdə əmimgildə qaldım, ancaq 6-bazar kənddə olurdum yenə də. Bu haqda ayrıca entrim var: #233076
Bu illərdə mənə kömək olan dost kompyuterim oldu. Seriallar, filmlər, animasiyalar, youtube, oyunlar və s. şeylər bu dörd ili kənddə keçirməyimə böyük ölçüdə kömək etdi. insan şəhərdən kənarda, ucqar kənddə qalanda kompyuterin nə qədər vacib olduğunu dərk edir. Kompyuter olmasaydı yəqin ki, özümü öldürərdim. Elə bil ki, dərsdən gəlirsən, qaçırsan heyvan otarmağa, inək suvarmağa və s. bu kimi pox işləri görürsən adamın bütün əsəbi korlanır; ən azından axşam friends'ə, the big bang theory'yə, game of thrones'a baxaraq bir neçə saatlığına başqa adam ola bilirsən.
Mövzudan kənara çıxdım bağışlayın; qrupda əksəriyyət qız idi, 2 oğlan var idi məndən başqa. Həmin bir oğlan ilə ilk ilimizdə yoldaş olduq biraz, amma sonra yavaş-yavaş uzaqlaşdı. Deyəsən çox sıxıcı biri olduğum üçün idi. Hətta bəzən qrupda mənə iynələyici sözlər deyib, mırt tuturdu, qızlar da gülürdü filan; amma çox da necə deyim, şərəfsiz birisi deyildi. Ancaq o birinci kursdan sonra getdi.
Digər oğlan isə savadız idi, çox yaxın olmasaq da ikinci il və sonraki kurslarda tənəffüslərdə tək qalmamaq üçün danışırdıq. Ətrafı çox cahil tiplər olduğuna görə uzaq tuturdum.
Qızlar da klassik tipləmələr idi, bir qız həqiqətən gözəl idi, fakültəyə girəndə bütün oğlanlar ona baxırdı, qısa geyinirdi çox vaxt. Təbii ki, heç bir qız ilə yaxınlığım olmadı; dörd ildə "salam-sağol" münasibəti oldu ancaq.
Bir dənə sürtük tipləməsi var idi, əlbəttə ki, hərdən mənə də ilişirdi: "az buna bax gör buna hansı qız gələr?"; "sən niyə qəribəsən axı," kimi gic gic danışırdı. Hamıya, hətta müəllimlərə də qəribə görünürdüm, çünki çox vaxt sakit idim. Qrupdakilərlə heç bir ortaq nöqtəmiz yox idi, axı nədən söhbət açardım, çoxusu film-serialdan xəbərsiz idi.
Nə isə, uzun sözün qısası; 4 ilin mənə xeyri o oldu ki, serial film izləməyə bol-bol vaxt tapdım. Çünki dərslər asan idi, imtahanlar isə çox asan. Qış vaxtı saat 7-də başlayar, gecə yarısına kimi film, serial izləyərdim, otaq soyuq olurdu titrəyə-titrəyə izləyirdim.
Ağlı olan burada oxumaz. Mən peşman deyiləm çünki loser'ın, qorxaqın biriyəm, layiq olduğum budur. Birisi mənə ucadan söz deyəndə elə bil ki, məni ox ilə vururlar gözüm sulanır.
Reallığı qəbul etməyərək film-serial ilə saxta reallığımda çürüyürəm; məni örnək almayın. Gələcəyə dair heç bir planım da yoxdur; diyirlənən qaya kimiyəm. Əslində heç "gələcəyim" yoxdur. Həyatı yaşamıram, kənardan izləyirəm ancaq; dost yox, tanış yox... mənim kimi olmayın risk alın, yaxşı təhsil alın, sevişin...
drop the dog emilia clarke'ın tələbə olarkən çəkildiyi qısa film. eyni zamanda bu film emilia'nın rol aldığı ilk filmdir. 2009-cu ildə university of london tələbəsi (tam olaraq bilinmir) tərəfindən çəkilib. filmdə julie adlı qız telefonda əsəbləşərək daha sonra qarşı tərəfi söyməyə başlayır.
kim o vaxtı deyərdi ki, həmin filmdəki qız cəmi bir il sonra, 2010-da, daenerys targaryen rolunu əldə edəcək.
(youtube: )
sophie turner qonaq olduğu verilişdə ultra seksi geyimi ilə conan'a çətin anlar yaşatmışdır.
(youtube: )
25-31 may 2019 tarixlərində küçələrə girişin məhdudlaşdırılması əslində düzgün qərardır, həmin günlərdə sıxlıq azaldılsa yaxşı olar. hər-hansı bir dini radikalın "kafir" xristianlara hücumu bütün ölkəni dünyada biabır edər. eyni zamanda sıxlıq olan zaman oğurluq, cibgirlik, turistlərə qarşı mənfi bir aktın qarşısı da alınmış olar.
batwoman Trailer:
(youtube: )

200 min dislike alıb artıq. 2-ci sezonu olmayacaq yəqin ki.
1 2 3 4 5 6 7 8 9 10 11 12 13 14 15 16 17 18 19 20