adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

aprel azərbaycan'da növbəti prezident "seçkisi"nin olacağı aydır.
leprechaun jennifer aniston'un rol aldığı ilk filmdir. 1993'cü il istehsalıdır. 1 milyon dollarlıq büdcə əsasında çəkilib.
bərbad bir film olmasına baxmayaraq, bundan əlavə 5 davam filmi və bir remake ilə seriya halına gələ bilmişdir. bu film seriyasının çəkilişinə hansı ağılla pul ayrılıb başa düşmək olmur.
bu film, aniston'un rol aldığı ən bərbad film hesab edilir. sonralar aniston da bu filmdəki rolu ilə bağlı heç bir fikir bildirməmişdir, yəqin belə bir filmdə rol aldığına görə utanırmış.
loser olmaq asosial olmaqla qarışdırılmamalıdır. yuxarıda yazılıb ki, bayıra çıxmağa adamın olmaması, heç kimin səni bir yerə dəvət etməməsi və s. loser olmaqdır. amma xeyr, dostunun olmaması, bir növü "gözəgörünməz" adam olmaq daha çox asosial insan tipinə aid edilməlidir. yəni, asosial insanı bir yerə dəvət etsələr də o, getmək istəməz. hamı ilə arasına məsafə qoyar asosial insan, və buna görə də dostu olmaz. əslində, asosial olmaq bir çoxları tərəfindən loser olmaq kimi qəbul edilir amma əslində, asosiallar özləri təkliyi seçir. loser olanlar isə cəmiyyət tərəfindən təklənir. sinemaya kimsləsə getmək istəyir amma dəvət edəni olmur. təkliyi seçmir amma tək qalmağa məcbur olur. asosial birisi özü insanlardan uzaq qalmağı seçirsə, loser olan şəxs isə insanlar tərəfindən kənarlaşdırılır.
loser olanlar cəmiyyətdə özünə yer tapa bilmir. dost tapmağa cəhd edir lakin uğursuzluqla nəticələnir. həyatdan istədiklərini ala bilmir, bu vəziyyətə ortada qalmaq desək daha doğru olar.
biraz daha dəqiqləşdirərək demək olar ki, asosiallıq sonradan loser olmağı da gətirir. asosial birisi həyatdan təcrid olunaraq uğursuz bir insana çevrilə bilir. bu da loser olmaqla nəticələnə bilir. amma yenə də asosial olaraq həyatda uğurlu ola bilən insanlar da var. loser olmaq isə mütləq uğursuzluqla nəticələnir.
fast and furious 2009'cu ildə çəkilən 4'cü the fast and the furious filmidir. bu filmdə, ilk the fast and the furious filmində çəkilən heyət geri gəlmişdir.
həmçinin; gal gadot'un hollywood'a giriş filmidir. ilk dəfə bu filmdə gisele xarakteri ilə amerika filmlərində rol almağa başlamışdır.
azərbaycan demokratik respublikası 1918-ci ildə yaranmış azərbaycan dövlətinin əsl adı nə olub - azərbaycan xalq cümhuriyyəti, yoxsa azərbaycan demokratik respublikası?
bəzi tarixçilər adr, bəziləri axc yazır. bəs bunların hansı düzdür?
bbc azərbaycanca bunu o dövrü tədqiq edənlərdən soruşub.
altay göyüşov (tarixçi alim):
hər ikisi düzdür. əslində, o dövrün sənədlərində "azərbaycan cümhuriyyəti" kimi qeyd edilib. ancaq respublikanın demokratik olması "istiqlal" bəyannaməsində xüsusi olaraq qeyd edilir.
bəyannamənin 2-ci maddəsində göstərilir ki: "müstəqil azərbaycan dövlətinin şəkili-idarəsi xalq cümhuriyyəti olaraq təqərrür ediyor."
sonrakı maddələrdə də "azərbaycan xalq cümhuriyyəti" deyə təkrar olunub.
rus dilinə isə "azerbaydjanskaya demokratiçeskaya respublika" kimi tərcümə edildi və qısadılmış adr yazıldı. o dövrdə bəzi sənədlər, yazışmalar rus dilində aparılırdı. onda axc-ni adr kimi qeyd edirdilər. "cumhuriyyət" sözünü "respublika", "xalq" sözünü isə "demokratiya" kimi tərcümə etmişdilər.
istiqlal bəyannaməsinin fransızca mətnində axc demokratik respublika kimi tərcümə olunur
cəmil həsənli (tarixçi alim):
"respublika" sözü kimi o dövrdəki azərbaycan-türk dilində "cümhuriyyət" işlənirdi. sovet dövründə cümhuriyyət sözü leksikondan çıxdı.
o cümlədən, sovet dövründə azərbaycan xalq cümhuriyyəti haqqında yazılan kitabların, məqalələrin əksəriyyəti rus dilindədir.
rus dilində yazıldığı üçün axc də adr kimi qeyd edildi və beləcə, ictimai fikirdə daha çox qaldı.
amma cümhuriyyətin ərəb əlifbası ilə yazılmış ilk sənədində dövlətin adı azərbaycan xalq cümhuriyyəti kimi göstərilib.
azərbaycanın nümayəndə heyətinin prezidenti əlimərdan topçubaşovun paris sülh konfransına ünvanladığı məktublarda azərbaycanın adı fransızca azərbaycan respublikası olaraq yazılıb.
şirməmməd hüseynov(jurnalist-tədqiqatçı):
dövlətin adı azərbaycan xalq cümhuriyyətdir, sənədlərdə bu cür göstərilib. vaxtilə rus dilinə düzğün tərcümə edilməyib.
indi təsəvvür edin, çin xalq respublikası var, kim onu "kitayskaya demokraticeskaya respublika" adlandıra bilər? tərcümə edilir: "kitayskaya narodnyaya respublika".
heydər əliyevin vaxtında televiziya ilə çıxış elədim, dedim ki, azərbaycanda adr adında dövlət olmayıb.
heydər əliyev milli arxiv idarəsinin o vaxtkı rəhbəri ataxan paşayevi yanına çağırıb ki, orijinalı mənə gətirin. istiqlal bəyannaməsini ona aparıblar, oxudub ki, orda dövlət azərbaycan xalq cümhuriyyəti adlandırılır.
ondan sonra dedi ki, bəs niyə demokratik respublika adlandırırsız. bundan sonra onun axc ilə bağlı sərəncamlarında azərbaycan xalq cümhuriyyəti yazıldı.
hesab edirəm, dövlətə nə ad veriblərsə, o adla da adlandırılmalıdır.
(c) bbc azərbaycanca
danny boyle daniel craig'in baş rolda olacağı 25'ci james bond filmi üçün rejissorluğa gətirilmiş ingiltərəli rejissor.
25'ci bond filmi, daniel craig'in sonuncu dəfə james bond rolunda olacağı filmdir. 8 noyabr 2019'da yayımlanmağı gözlənilir. hələlik, filmin tam adı məlum deyil.
amerikan filmlərindən şablon hadisələr qovhaqov zamanı arxadakı maşının digər yoldan qəfil çıxan yük maşını ilə toqquşması. belə hadisədə pis adamın köməkcisi həlak olur ancaq əsas pis adam sürətini artıraraq yaxşı adama çatmağa çalışır. ən sonda pis adam qəzaya düşür, yaxşı adam xilas olur.
480mkv.com 1 saatlıq serialı 480p keyfiyyətində 150 mb olaraq ripləyib google drive vasitəsilə paylaşan sayt. internet sürəti zəif və limitli olanların mütləq istifadə etməsi tövsiyə edilir. torrent'də aşağı keyfiyyətli riplərə asanlıqla seeder tapılmır, həm də ki, artıq yeni çıxan seriallar ümumiyyətlə sadəcə hd olaraq seed edilir, aşağı keyfiyyətdə seriala baxmaq istəyənlər bu saytdan istifadə edə bilər.
ara-sıra google, müəllif hüquqlarına görə serialları silir, ancaq komentə linkin silindiyini yazarsanız həmən yeniləyə bilirlər.
coca cola türkiyə'də "coca-cola light" və "coca-cola zero" markalarını "coca-cola şekersiz" ilə əvəz edən firma. türk insanı "zero" və "light" sözünü başa düşməyəcək qədər mi cahildir yoxsa marketinq taktikasıdır mı başa düşmək olmur. azərbaycan'da da "coca-cola light" uzun müddətdir ki, ləğv edilib. 2016'cı ildə coca-cola'nın satışları 11% aşağı düşdükdən sonra firma, marketinq taktikasını dəyişərək "zero" markasını yeniləmişdi. türkiyə bazarındakı bu addım da coca-cola'nın satışını artırmaq məqsədi güdür.
the layover rotten tomatoes xalı 0 (sıfır) olan alexandra daddariokate upton'un döşlərinin baş rolda olduğu seks-komediya filmi.
filmdə görüləcək bir şey yoxdur, kate upton'un məmələrini görmək üçün məlum icloud fotolarına baxa bilərsiniz. alexandra daddario isə onsuz true detective'də bütün orqanlarını sərgiləmişdi. yəni, filmə baxmaq üçün səbəb yoxdur.
ortada qalmaq nə uğurlu nə də uğursuz bir insan olmaqdır. həyatda bir yol seçə bilməməkdir. təhsil almayan insanlar işləyir, peşəyə yiyələnir, təhsil alanlar da mükəmməl təhsil alaraq öz həyatların qurmağa çalışır. amma ortada qalan insanlar nə çalışa bilir, nə də mükəmməl təhsil ala bilir. aşağı səviyyəli bir universitetə daxil olur, dərslərə çalışır amma yenə də sözün əsl mənasında təhsil almaqdan çox uzaqdadır.
tanıdıqlarımdan bir çoxu səviyyəli universitetlərə daxil oldu, bir çoxu xaricdə təhsillərini davam etdirir, bəziləri də xaricə getməyə hazırlaşır. bir çoxundan daha dünyagörüşlü, savadlı olsam da ortada qaldım, nə oxuyan kimi oxudum nə də oxumağın daşın atdım. bir sahə üzrə ustalaşa bilmədim. zirvəyə çıxmağa başladım amma zirvənin təpəsinə çata bilmədim, zirvənin ortasında ilişib qaldım.
cəsur olub həyatdan istədiklərimi ala bilmədim. indi xəyallar qururam ara-sıra ancaq onları həyata keçirəcək nə imkan var nə də güc. əslində ortada qalmağa real vəziyyət də səbəb ola bilər amma dərin düşünsək insanın özü ən böyük səbəbdir.
varlı olmağın mənfi tərəfi əvvəlki kasıb həyatından tanıdığın şəxslərin yalançı bayram təbrikləri, hal-əhval tutmaqları, yalançı yaxşılıq etmək cəhdləri; hamısının nəticəsi axırda həmin şəxs və ya şəxslərin borc pul ya da iş istəməsi olur.
britt robertson ilə əhmədli kafesində söhbət 132 nömrəli avtobusda gördüyüm yuxudan 5 ildən artıq zaman keçmişdir. abş'ın "cənubi kaliforniya universiteti"ndə magistr təhsilimi başa vurmağıma az qalırdı. iyul ayının ortaları idi. amerika'dakı universitet həyatımın bitməsinə cəmi iki həftə qalırdı. sonradan yenidən azərbaycan'a dönərək hərbi xidmətə getməli olmağım, məni qəhərləndirirdi. amerika'dan, naxçıvan'ın adsız yüksəkliyinə...
otaq yoldaşım mike yuxudan oyatdı.
- hə... vəziyyət necədi, cavan oğlan.
- belə də mike, sağol. bəlkə gedək starbucks'a kofe içək? sonra da dərsə gedərik.
yataqxanadan çıxaraq yaxınlıqdakı starbucks'a getdik. yolda mike soruşdu:
- yoxe, indi iki həftə sonra qayıdırsan azərbaycan'a?! mırtdaşma!
- məcburam, hərhalda tələbə vizası iki həftə 3 gün sonra bitir. əmin ol mən də getməzdim.
mike başını yellədi. bu arada starbucks'a girərək hərəmiz bir dənə "latte" aldıq. mike yenə başladı çərənləməyə:
- soxalar belə işə. sən bir çox amerikalıdan daha faydalısan ölkəmizə. ala, illik ödənişi "james' coffee"də işləyərək çıxartdın, nəm ala. amerikaya sənin kimi çalışqan insan lazımdı. yoxsa ki, cips yeyib kola içən gombullar yox.
qəhərlənmişdim. bilmirdim ki, nə edim. mike isə susmurdu:
- heçnə yox, bu boyda amerika'dan bir qız ilə belə sevişmədən gedirsən haa, adamı yandırır. indi o azərbaycan'dı nədi orda soruşandaki neçə qızla yatdın nə deyəcəksən?! tfu.
- görəndə elə biləcək ki, verən oldu almadıq. xarici görünüşüm izin vermədi, sağolsun.
mike bir az düşündü və dedi:
- sənin dərmanın məndədi. deməli, əlavə üç gün boş vaxt verilib də hə?
- hə. üçüncü gün axşam saat 12'yə kimi abş'ı mütləq tərk etməliyəm.
mike gülümsündü. "həə, onda, hazırlaş, iki həftə sonra gedirik 'hollywood'a."
amerika'nı xüsusilə los-angeles'i gəzməyə vaxtım olmamışdı. keçən yayda təcili bakı'ya qayıtmağım bunun qabağını almışdı. mike'ın "ford focus"unda saatda 120 km sürətlə hollywood'a doğru gedirdik. sonuncu dərsdən erkən çıxaraq, səyahətə başlamışdıq. universitetdən hollywood'a 20 mil məsafə var idi. bu da təxminən 50 km edir. mike bol-bol cipa və coca-cola zero almışdı. özü klassik şəkərli kolaya nifrət edirdi. cipsdən yedik, koladan içdik. mike birdən dedi:
- bilirsən, hollywood'a sırf sən oranı sevdiyinə görə gedirik. yoxsa mən, hollywood filmlərinə nifrət edirəm. olmayan bir amerika'nı dünyaya çatdırırlar. baxanda elə bir bilir ki, amerika'da hamı kef çəkir. bir baxıma elədir ancaq... nəm.
- insanlar həmişə bir ümid yeri axtarır, mike. üçüncü dünya ölkəsində yaşayırsansa sənə mütləq bir ümid lazımdır. məhz amerikan filmləri də bu ümidi təmin edir. mən də amerika'ya böyük ümidlərlə gəldim, istədiyimi də əldə etdim...
mike kolasından içərək sürəti daha da artırdı.
"welcome to hollywood"
saat 2'də hollywood'a giriş elədik. girişdən bir az irəlidə "motel 6"da bir otaq tutduq, hərhalda gecə yatmağa yer lazım idi. mike ilə ayrı iki otaq tutmuşduq, əvvəlcə mike'a tək otaq tutaraq daha az ödəməmizi tövsiyə etmişdim amma mənə gey kimi görünmək istəmədiyini bildirdi. deyəsən, otağa qız zad gətirəcəkdi.
2 saatlıq istirahətdən sonra mike ilə nahar elədik. saat 6'ya işləmişdi. hava isti idi. "ford"a minərək şəhəri gəzməyə çıxdıq. elit insanlar, bahalı maşınlar olan bir şəhər idi hollywood. "hall of fame"ə gedərək məşhurların adlarına baxdıq. hava qaralmışdı. mən də biraz dilxorçuluq var idi. düşünən də ki, amerika'dan 72 saat sonra gedəcəm, dilxor olurdum. mike qolumdan tutub məni zorla "the brother's bar"a apardı. içərisi dumanlı, hamının içki içdiyi bir yer idi. gözəl qızlar var idi. amma gözüm dumana görə qızarmışdı, ona görə də heç nə içmədən bayıra çıxdım. mike da arxamca gəldi. məni motel'ə aparmağı təklif etsə də piyada motel'ə yeridim. mike gecəni bar'da keçirdi deyəsən. sabah yuxudan gec oyandım.
gedişimə 59 saat 47 dəqiqə qalırdı. mike'ın otağını döydüm amma açan olmadı. yəqin hansısa qızın evində gecələmişdi. deməli son günlərim belə keçəcəkdi. şəhəri piyada turlamağa başladım, pulum da azalmışdı. yolda qarşıma "qərbi hollywood'da yaşayan məşhurların ev ünvanları" kimi xəritələr satan yaşlı bir qoca var idi. başqa işim yox idi və 5 dollar ödəyərək məşhurların evinə getmək də yaxşı idi. xəritədə mila kunis, katy perry, johnny deep kimi şəxslərin adı var idi. mila kunis'in evi yaxın idi mənə, ora doğru 2 saata yaxın yeridim. əslində ora çatanda gördüm ki sən demə görülməli heç nə yox imiş. uzun hasarlar bir şey görməyə imkan vermirdi. nəhəng darvaza var idi, istədim oradan içəri baxım, birdən yekəpər bir qaqaş çıxaraq "cənab burası özəl mülkdür, dərhal buranı tərk edin!" dedi. kor-peşman motel'ə kimi piyada qayıtdım. yolda ağlamağım gəldi, hirsimi xəritədən çıxdım. saat 7'yə qalmış motel'ə çatdım. yaxşı ki, noutbukum yanımda idi, kola və cipsdən yeyərək friends'i izlədim. saat 11'ə qalırdı ki, mike'dan mesaj gəldi: "məni bağışla, bugün də gələ bilməyəcəm motel'ə, amma söz sabah səni super bir yerə aparacam. super!"
mike'ın yalan dediyini düşünürdüm. elə bilirdim ki, hollywood'a mənə görə gəlmişdik amma o, qızlarla gəzirdi bütün gün. gecə, friends'i izləyərək yatdım. yatarkən azərbaycan'dakı həyatımı da düşündüm, çətinlik, hərbi xidmət, ailəvi problemlər...
gedişimə 37 saat qalmışdı.
saat 11'də yuxudan ayıldım. mike stulda oturub kofe içirdi. oyandığımı görəndə dedi:
- oyandın, gözəlçə? tez elə geyin, gedirik!
- hara? yenə qız tutacağın hansısa bara?!
- dəlisən? nə bar? gedəndə görərsən, indi geyin, bayırda maşında səni gözləyəcəm.
"ford focus"a əyləşdim. hara gedəcəyimiz haqqında bir fikrim yox idi. dolaşıq yollardan 30 dəqiqəyə yaxın yol getdik. nəhayət ki, mike maşını bir evin qarşısında saxladı. ikimərtəbəli həyət ev idi. xeyli maşın park edilmişdi. mike mühərriki söndürmüşdü ki, iri-yarı bir nəfər cəld bizə yaxınlaşdı: "cənab, burada maşın saxlamağa sadəcə xüsusi şəxslərə icazə var," dedi. mike cibindən iki dənə vəsiqə çıxardı: "film setinə izləyici olaraq girişə icazəmiz var." vəsiqələrə baxan şəxs, bizə telefonları maşında qoymağı söylədi. setə telefonla girişə icazə tox imiş.
maşından endik. mike'a bunu təşkil etdiyi üçün təşəkkür elədim. sən demə, vəsiqələri almaq üçün köhnə sinif yoldaşı ilə yatmalı olub, dünən. həm də qız çirkin imiş.
bizi bir xanım qarşıladı. mini set turunda bizə rəhbərlik edəcəkmiş.
xanımdan filmin adını soruşanda "mother's day" olduğunu dedi. setə, yəni turun başladığı yerə çatanda bizdən savayı üç nəfərin də olduğunu gördük. xanım filmin çəkiliş qaydalarından, rejissorun, texniki heyətin işindən danışmağa başladı. elə bu arada mike işi olduğunu deyərək getdi. hərhalda ona əngəl ola bilməzdim.
"filmdə, jennifer aniston, julia roberts, jason sudeikis, shay mitchell, timothy olyphant və britt robertson olacaq..." deyəndə xanımın son dediyi adı təkrar soruşdum. "britt robertson," deyə təkrarladı. təsadüfə bax, 5 il əvvəl yuxuma girən, ən sevdiyim aktrisanın çəkiləcəyi filmin setindəyəm. lakin təəssüf ki, səhnələrin çəkiliş anında baxmağa icazə yox imiş. turda sadəcə texniki heyəti görmək mümkün olurmuş.
tur cəmi 45 dəqiqə çəkdi. sonda tur hədiyyəsi olaraq filmin blu-ray diskini göndərmək üçün ünvanımızı götürdülər. təxminən bu disk, film kinoteatrlarda yayımlandıqdan 3 ay sonra çıxır.
turdan sonra setdən çıxandan sonra 'uber' çağırmaq istəsəm də telefonumun mike'ın maşınında qaldığını xatırladım. məcburən yolda ünvan soruşa-soruşa motel'ə qayıtdım. haradasa 2 saata yaxın vaxt itirdim yolda. motel'ə çatan kimi yatdım. axşam saat 9'da ayıldım. ac idim. mike'ın qapısını döydüm, qapını bir qız açdı. "salam, mike yox idi?" dedim. "hamamdadır," dedi. qapının ağzında 10 dəqiqə gözləyəndən sonra mike gəldi:
- dostum, necəsən?
- sağol, telefonumu və "ford"un açarını verə bilərsən?
- telefonunu al, bəs sənin sürücülük vəsiqən var ki?
- sürə bilərəm.
açarı alaraq "ford"a mindim. əslində, sürücülük vəsiqəm var idi, amma azərbaycan'da almışdım. gps'də şəhərdən kənarda ucuz bir kafe tapdım, şəhərdən 3 mil aralıda yolun kənarında yerləşirdi.
yolun sürət həddinə ciddi əməl edirdim, amma arxamda gələn maşın məni narahat edirdi. yol birtərəfli olduğuna görə ötə bilmirdi. sürətli sürə də bilmirdim. ancaq problem olmadı o "nissan juke" məni izlədi. nəhayət ki, kafe'yə çatdım, maşını kafe'nin həyətində saxladım. "nissan juke" öz yolunda davam etdi.
kafe'nin girişində böyük hərflərlə "madly'ha" yazılmışdı. yol kənarındakı kafe'yə görə uyğun bir adı idi. içəridə adam seyrək idi. bir neçə stolda adam var idi. qıraqdakı stula oturub makaron ilə kola sifariş verdim. başım yeməyə qarışmışdı ki, içəriyə kovboy papaqlı bir qız daxil oldu. içərisi yarı-qaranlıq olduğuna görə çox da diqqətimi cəlb etmədi.
yeməyimi yeyərkən birdən birisi stoluma yaxınlaşaraq əyləşdi. başında kovboy papağı olan həmin qız idi. papağını çıxaranda tanıdım, bu, britt robertson idi.
- səssiz ol, yandakı kişi bura gələndən məni izləyir. ona görə oturdum ki, bəlkə sevgilim olduğunu görüb əl çəkər.
- yaxşı...
yan masadakı kişi gözünü britt'ə zilləmişdi. britt gülərək əlimi tutdu. həyəcanlanmışdım. əlləri o qədər yumşaq və zərif idi ki, yastıq əvəzinə baş qoyub yatmaq olardı.
- bilirsən, əslində səni bugünki turda görmüşdüm. yəqin elədim ki, məni tanıyarsan.
- əlbəttə ki tanıdım. "the longest ride"ın gözəlçəsi deyilsən?
- həə...
- bilirsən, bir dəfəsində yuxuma girmişdin. nə bilim, gəzdik, sonra kafedə kola zad içmişdik...
qəribə-qəribə mənə baxdı. sonra gülməyə başladı.
yanda oturan kişi məni tərs-tərs süzərək çıxıb getdi. britt başladı danışmağa:
- aksentin var, hansı ölkədənsən?
- azərbaycan.
- ora haradı?
- cənubi qafqazda post-sovet ölkəsidir.
- həə... buralarda nə işin var?
- oxuyurdum ancaq sabah gecə saat 12'yə kimi abş'ı tərk etməliyəm.
- onda burda niyə vaxt itiririk?
kafe'dən bayıra çıxanda gördük ki, mənim də britt'in də maşınının təkərinə bıçaq soxulub. britt, "nissan juke"una batırılan bıçaq üçün yaman əsəbləşdi.
içəri yenidən daxil olduq. britt pivə sifariş verərək içməyə başladı. lakin mən ona sadəcə kola ilə yoldaşlıq etdim.
- sevgilin var o azərbaycan'da?
- hə desəm inanmazsan onsuz.
- niyə?! bilirsən, bu həyatda hər şey xarici görünüş, pul deyil. əlbəttə ki, kasıb və çirkin adama heç kim baxmaz, amma o, kasıb və çirkin adam özünü inkişaf etdirib çox yüksək yerlərə gələ bilər ki, orada ona heç qadın lazım olmaz. qulağa şablon gəlir bilirəm...
- o kasıb və çirkin adam, üçüncü dünya ölkəsində yaşayırsa, zirvəyə doğru yolu çox çətin olacaq...
- üçüncü dünya, ikinci dünya, zad dünya... boş ver bunları. bir söz var; true detective'də eşitmişəm: "layiq olduğun həyatı yaşayarsan," həyatın pox kimidirsə özündən başqa günahkar yoxdur, əgər dərin düşünsən...
britt iki bardaq pivəni bitirdi. "bəlkə yavaş-yavaş gedək?" dedi. razılaşdım. uber ilə taksi çağırdıq. maşınları sabah götürməyi qərara almışdıq. britt taksiyə şəhərə sürməsini dedi. 35 dəqiqəyə şəhərə çatdıq. taksidən hollywood mərkəzində endik. britt gecəni motel'də keçirmək istədi. və mən də onu öz otağına aparmağı təklif etdim. qəbul elədi. otağa doğru gedəndə mike qabağımı kəsdi ancaq yanımda britt'i görəndə az qaldı ki, dili tutulsun. otağa girdik və "almost beauty" filmini izlədik britt ilə bərabər. lakin filmin ortasında britt yatdı, onsuz çox içmişdi. mən də başımı onun çiyninə qoyaraq yatdım.
gözümü "bölük qalx!" sözünü eşidərək əsgər yataqxanasında açdım. axı nə baş verirdi?!
1 2 3 4 5 6 7 8 9 10 11 12 13 14 15 16 17 18 19 20