adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

11 aprel 2018 azərbaycanda növbədənkənar prezident seçkiləri növbəti dəfə prezident öz səlahiyyətlərini aşdı. banan respublikasında yaşadığımız bir daha təsdiqləndi. adam yuxudan durur, referendum keçirir, arvadını vitse-prezident təyin edir, indi də seçkiləri qabağa çəkib. təbii ki, də müxalif qüvvənin olmadığı yerdə nə desən olar.
maraqlısı budur ki, prezident istədiyin edir, nə milli məclis qərarın icrasını təxirə salır, nə də konstitusiya məhkəməsi qərarı qanunsuz sayır. əşi, boş verin ya da onsuz diktaturada yaşayırıq.
the world is not enough 1999'cu il ingiltərə istehsalı 19'cu james bond filmi. rejissoru michael apted olan film, ingiltərə, azərbaycan, ispaniya, fransa və türkiyə'də çəkilmişdir. bond rolunda pierce brosnan var. bu filmdə bond'un qadınları rolunda sophie marceaudenise richards çıxış edib.
filmin sujet xəttinin əsas hissəsi azərbaycan'da, bakı'da cərəyan edir. amma bakı'da sadəcə hövsan yolu və neft daşları'nı görmək mümkün olur. geridə qalan hissələr qapalı məkanda keçdiyinə görə hara olduğunu anlamaq olmur. bond'u öz bmw'si ilə hövsan yolunda görmək gözəl idi. eyni zamanda, filmdə azərbaycan bayrağını da görmək olur.
türkiyə'də olan hissələr də sadəcə kız kulesi'ndə çəkilmişdir.
ssenari cəhətdən zəif, aksiyon cəhətdən isə nisbətən yaxşı bir filmdir. bond'un insanların içini göstərən mavi eynəyi ya da raket atan qayığı eləcə də saatdan çıxan nazik ipin bond'u havaya qaldırması kimi yersiz şeylər olmasa daha yaxşı olardı.
kaş daniel craig'in james bond'unu da bakı'da görə biləydik.
3 manata qidalanmaq 1 manat - 'doymak' makaron 500 qr.
60 qəpik - pepsi max və ya coca-cola zero 500 ml
40 qəpik - 250 qr. kartof (2 ədəd lazım olacaq)
1 manat - balaca boy acılı ketçup.
doyumlu, ləzzətli və həm də ucuz üstəlik, sağlamlığa xeyirli qidalanmaq dediyim üsulla sadəcə 3 manata başa gəlir və tez bişir:

balaca qazanda su qaynadın. su qaynayanda kartofu suya atın. kartof qaynamaqda olsun, siz isə başqa bir qazanda su qaynadın və suya duz və azca kərə yağı əlavə edin. su qaynayanda makaron paketinin yarısını əlavə edin. 8-9 dəqiqə makaronu bişirin, tövsiyəm budur ki, artıq bişirməyin yoxsa xəmir kimi olacaq.
bu arada kartofu sudan çıxarın əgər bişibsə. soyun və əzin. püre halına gətirin.
makaron bişəndən sonra suyunu süzün amma soyuq su ilə yumayın. çünki dadı yox olur o zaman.
makaronu boşqaba qoyun, üzərinə kartof püresini əlavə edin. istəyə uyğun ketçup da əlavə edin.
kolanızı içərək yeməyi yeyin.
nuş olsun.
ilham əliyev 17 oktyabr 2018'ci ildəki seçkilərdə 4'cü dəfə prezidentliyə namizədliyini açıqlayan 2003'cü ildən prezident postunu zəbt edən şəxs.
görünür, heç cürə prezidentliyi əldən vermək niyyətində deyil, belə bir vəziyyətdə əldən verməsi üçün axmaq olması lazımdır yəqin ki. haqqında çıxan xəbərlərə, (ofşor hesablar, panama papers) eləcə də açıq-aşkar hakimiyyət balansını pozan 26 sentyabr 2016 referendumundan sonra hələ bir də 21 fevral 2017 mehriban əliyevanın vitse prezident təyin edilməsindən sonra əməlli-başlı etirazın olmaması adamda ciddi özünə güvən yaradıb. lağ etdiyimiz, trump'ın "pox çuxuru" dediyi afrika ölkələrindən tək fərqimiz yerdən çıxan neftdir ki, o da xaricə axır.
black hawk down real hadisələr əsasında - 1991'ci ildə başlanmış və hələ də stabilliyin mümkün olmadığı somali vətəndaş müharibəsində, 1992'ci il etibarilə 350 mindən çox insanın aclıqdan ölməsi səbəbindən bmt sülh qüvvələrinin və abş'ın somali hökümətinə hərbi müdaxiləsi zamanı, abş xüsusi hərbi qüvvələrinin 1993'cü ilin oktyabr ayındakı hərbi əməliyyatı əsasında 2001'ci ildə çəkilmişdir.
hərbi əməliyyat, somali hökümətinin idarə etdiyi ərazidəki hərbi dəstələrə zərbə vurmaq və hökümət rəsmilərini məhv etməyə yönəlmişdir. əməliyyat zamanı 'qara şahin' adlı helikopterlərin vurulması əsgərlərin işini çətinləşdirir və onlar şiddətli döyüşə girişməli olurlar.
film, müharibə temalı filmlər arasında ən yaxşısı olaraq bilinir. döyüş səhnələri bir az da saving private ryan'a bənzəyir.
the one with rachel's book 12 oktyabr 2000'ci ildə yayımlanmış friends'in 7'ci sezonunun 2'ci bölümüdür. bu bölümdə joey, rachel'in oxuduğu erotik kitabı tapır və rachel ilə aralarında belə bir dialoq olur:
əvvəlcə joey, rachel'ın otağına uzanmaq üçün girir, və orada kitabı tapır. kitabın təsadüfi səhifəsini açır və oxumağa başlayır:
"zelda, baca təmizləyən oğlana baxdı, papaz olan atasının evə gəlməsinə çox var idi. bədəni alov-alov yanırdı. dərin nəfəs alaraq oğlanın şeyini..." (burada joey: nə qədər ayıp kitabdı ala bu! - deyir)
(rachel evə gəlir və bu arada joey əlində süpürgə ilə süpürür)
- rachel: salam, joey. nə edirsən?
- joey: süpürürəm, niyə ki, səni ehtirasa gətirdim?
- yox.
- bəs əgər baca təmizləsəydim necə?
- joey, üz kremimi yeməmisən təsadüfən?
(rachel otağına gedərkən joey arxadan deyir)
- joey: hara gedirsən? papazın gəlməsinə çox var hələ.
(rachel təəccüblənir)
- joey, 'papaz' sözünü haradan öyrənmisən?
- səncə haradan, zelda?
(rachel şoka düşür)
- kitabımı tapdın?! axı niyə yataq otağıma girdin?
- bağışla, amma sən porno kitab oxuyurmuşsan!
- hə, ancaq utanmıram, qadının erotik kitab oxumasında qəribə heç nə yoxdur!
(rachel gedir)
operation olive branch (bax: zeytin dalı harekatı)
türkiyə ordusunun suriya'nın afrin bölgəsinə ypg terror qruplaşmasını məhv etmək üçün etdiyi əməliyyatın kod adıdır.
gələcəkdə bu adda türkiyə istehsalı film görməyimizin mümkün olması ehtimal edilir. yəqin ki, film çıxan kimi türklər imdb'də 10 xal verəcək. (bax: dağ)
love happens 2009'cu il abş istehsalı romantik-dram filmi. baş rolda aaron eckhartjennifer aniston'un olması filmi izlənməyə dəyər edib. imdb xalının 5.6 olması insanı 'love happens'ın sadəcə jennifer aniston'un olduğu bərbad bir film olduğuna inandırır. düşünürəm ki, film şablon adına görə itirib.
ryan (aaron) özünüinkişaf kitabları yazan və mühazirələr təşkil edən birisidir. təsadüfən mühazirə verdiyi oteldə eloise (aniston) ilə tanış olaraq ona aşiq olur. lakin, ryan, arvadını qəzada 3 il əvvəl itirmişdir və bu normal əlaqə qurmasına mane olur.
fikrimcə bu film, aniston'un the good girl'dən sonraki ən yaxşı filmidir.
filmin girişində belə bir söz deyilir:
'həyat sənə bütün çabalarına baxmayaraq yenə də limon verirsə, sənə sadəcə limonu yemək ya da ondan limonad hazırlamaq qalır.'
adsızinsan friends'dəki joey'nin naxçıvan'da oxuyan yazar versiyası (idi).
derailed (bax: az bilinən mükəmməl filmlər)
2005'ci il abş istehsalı eyni adlı james siegel romanı əsasında çəkilən kriminal-dram filmi. baş rollarda jennifer aniston, clive owenvincent cassel var.
charles (clive owen) sıradan bir həyat yaşayan evli bir kişidir. günlərin birində qatarda lucinda (aniston) adlı çox gözəl və cazibədar bir qadınla tanış olur. ikilinin tanışlığı bərabər yeməklə və bir otel otağında sevişmə ilə davam edir. lakin, işlər qaydasından çıxır. zəif xarakterli charles, özünü və ailəsini qorumaq məcburiyyətində qalır. hələ charles'in, xəstə bir qızının olması işləri daha da çətinləşdirir.
filmin yaratdığı abu-hava həqiqətən mükəmməldir, fikrimcə kənarda qalan mükəmməl filmlərdən biridir.
tövsiyəm budur ki, filmi izləməzdən qabaq film haqqında heç nə oxumayın, məyus olmayacağınızdan əmin edə bilərəm sizi.

--spoiler--

deyim ki, elə də yaxşı bir film gözləmirdim. sadəcə jennifer aniston olduğu üçün izləyəcəktim amma fikrim dəyişdi.
hər şey elə bir anda başlayır ki, insan həyəcanlanır. charles'in zəifliyi, qadınını qorumaqda acizliyi insanı dəli edir. aniston'un mükəmməl aktrisalığı lucinda xarakterinə əvvəlcə dərin kədər hissi yarada bilir və bu filmi çox fərqli edir. amma ssenaridəki boşluqlar, aristokrat charles'in bir anda peşəkar qatil ovçusuna çevrilməsi məntiqi zorlayırdı. ssenaridəki boşluqları belə izah edim; qatil, charles'dən yüz min dollar alır və yenə də ortalıqda dolanmağa davam edir? heç olmasa başqa bir ştata gedər adam! hələ yenə də həmin oteldə, həmin otaqda işinə davam edir?! yaxşı, bunlar lox varlıları tapır, anladıq, amma axı yəni düşünmürlər ki, bu adam yüz mindən sonra gedib lucinda'nı iş yerində soruşmayacaq?! saxta ad vermişdi, düzdü, ancaq bunu orada görənlər olmamışdı ki?
hələ lucinda'nın yenə həmin yerdə başqa kişilərlə yemək yeməsi?! ən məntiqsiz səhnə charles'in oteldə lucinda'nı tutması və hər şeyi açıqlaması idi, lox kimi yüz min dollar verən, həyatında silah görməyən charles, bir anda qatilin silahını alır və bütün pis adamları vurur. silahı əlinə alan kimi 007'yə dönən charles headshot atır.
bir də charles'in qatili həbsxanada bıçaqla öldürdüyü səhnə var idi, ala adam həbsxanaya bıçağı necə soxdu?
bütün bunlara baxmayaraq, yenə də izlənməyə dəyər bir film olduğunu düşünürəm.

--spoiler--
wanderlust 2012'ci il abş istehsalı jennifer anistonpaul rudd'un baş rolda olduğu komediya filmi. filmi izləməzdən qabaq imdb xalının 5.6 olması sadəcə aniston'un olduğu bərbad bir film hissiyatı yaratdı, əvvəlki the bounty hunter filmi kimi. amma bu film çərəzlik bir komediya filmindən daha çox idi. eynilə aniston'un baş rolda olduğu the break-up filmi kimi.
linda (aniston) ilə george (rudd) evli bir cütlük olaraq yeni ev alırlar. lakin, george'un işindən atılması və linda'nın iş tapa bilməməsi, george'u eqolu, varlı qardaşının evinə daşınmağa məcbur edir. cütlük, yolda gedərkən hippie evinə rast gələrək orada bir gecəlik qaldıqdan sonra george'un qardaşının evinə çatır. lakin george'un qardaşının iynəli zarafatları, eqolu hərəkətləri nəticəsində ikili yenidən hippie evinə qayıdır. ancaq burada cütlük çox fərqli hadisələr yaşayacaqdır.
bəzi iyrənc zarafatların, səhnələrin olmasına baxmayaraq insanı güldürməyi bacaran bir filmdir. aniston isə hələ də 'daş' kimidir. imdb xalına baxmayın, izləyin, izləttirin.
enes batur hayal mi gerçek mi türk youtuber enes batur'un beyinsiz az yaşlı kütləsindən istifadə edərək pul qazanmaq üçün çəkdiyi "film". film demək yəqin ki, filmlərə haqqsızlıq olar. ancaq yenə də enes'in az yaşına baxmayaraq, beyinsiz kütlədən istifadə edərək pul qazanmağı bacarması təqdirə layiqdir. təkcə bu film deyil, türk youtube kanalı olan 'oha diyorum'un da filmi çıxmışdı bu yaxınlarda. adamlar film boyunca osturur, axmaqlıq edir və pul qazanır. türkiyə'nin film sektorunun bu hala düşməsi çox pisdir.
qışda izlənməsi ayrıca zövq verən filmlər wind river - amerika'da hinduların yaşadığı "wind river" bölgəsində törədilən cinayəti araşdırmaq üçün gələn təcrübəsiz fbi agenti, yerli bir ovçu ilə qarlı-şaxtalı havada cinayəti araşdıracaq, dəhşətli faktları üzə çıxaracaqdır. yaşanmış hadisələrdən ilhamlanılmışdır.

office christmas party - jennifer aniston ilə jason bateman'ın olduğu baş rolda olduğu komediya filmidir.

batman returns - qarlı bir milad bayramında keçən klassik batman filmlərindən biridir. amma nolan'ın batman'ı kimi şahəsər gözləməyin.
friends with money 2006'cı il abş istehsalı jennifer aniston'un baş rolda olduğu dram filmi. daha çox komediya üzrə aktrisalığını nümayiş etdirən aniston'un, the good girl'dən sonra çəkildiyi növbəti dram filmidir.
film, həyatında uğursuz olmuş, müəllimliyi atmış, varlı dostları olan olivia'nın (aniston) həyatı üzərinə cəmlənib. varlı kasıb təbəqələşməsinin acı tərəfləri filmdə xüsusilə vurğulanıb. bir tərəfdə xidmətçilik edərək çətinliklə minumum yaşam standartlarını qarşılayan olivia, digər tərəfdə isə bir yeməyə minlərlə dollar xərcləyən olivia'nın varlı dostları. əslində "dostlar" demək doğru olmaz, sadəcə yoldaşları deyək. çünki, dost dedikləri şəxsin çətin həyatını bilə-bilə, məcburən xidmətçilik etdiyini eşitdikdə hətta ona evlərini təmizlətməyi belə düşünürlər. olivia bir səhnədə belə deyir:
"başa düşə bilmirəm, axı niyə varlılar kasıblara birbaşa yardım etmək əvəzinə bahalı, dəbdəbəli tədbirlər təşkil edərək hansısa 'yardım fondu' üçün pul toplayır? heç o pulların hara getdiyi bilinmir!
cavabında varlı dost belə deyir:
"bilmirəm, belədir də. birbaşa yardım etmirik, dəbdəbəli gecələr təşkil edirik və pul yığırıq.
hələ altında bmw'si ola-ola güya olivia'ya kömək üçün ev təmziliyinə gedən, əslində məqsədi olivia'nı sikmək olan mike'ın olivia'nın qazandığı cüzi puldan utanmadan 'axı sənə kömək elədim,' deyərək payını istəməsi ürəkbulandırıcı idi.
əlbəttə ki, heç kim pulu asan qazanmır, amma daha ən adi şeylərə yüzlərlə dollar xərcləyən varlı bir ev sahibinin olivia'nın ehtiyacı olduğuna görə oğurladığı 75 dollarlıq kremə görə olivia'nı xidmətçi kimi tövsiyə edən dostuna zəng edərək şivənlik qoparması gülünc idi. ya da olivia'nın mağazaları gəzərək nümunə paketi ilə aldığı kremi, varlı dostunun asanlıqla alacaq imkanı olmasına baxmayaraq, yenə də heç nə etməməsi üzücü idi. hələ ora bura, boş-boş yardım fondlarına minlərlə dollar tökən olivia'nın varlı bir dostu, olivia'nın borc pul istəməsinə baxmayaraq verməməkdə israrı sadəcə iyrənc idi. halbuki həmin pul onun üçün qəpik-quruş idi.
film, jennifer aniston olmasa idi, yəqin ki, filmin heç adını belə eşitməzdik, halbuki çox dərin mövzulara toxunulur.
1 2 3 4 5 6 7 8 9 10 11 12 13 14 15 16 17 18 19 20