adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

google drive google, 1 iyun 2021-ci ildən etibarən 2 il müddətində heç bir aktivliyin olmadığı hesablarda olan faylların silinəcəyini açıqlamışdır. Əlavə olaraq 2 il müddətində 15 gb-lik limiti aşmış olsanız hesabınızdaki fayllar silinəcəkdir.
Bu sadəcə drive-a aid deyil, gmail, google photos da bu qaydalara tabedir.
Google bununla serverlərində istifadə edilməyən hesablarda olan faylları silməyi hədəfləyir.
12 dekabr 2020 atəşkəsin pozulması
Məsələ hadrut-un köhnə tağlar (Khin Taher) və çaylaqqala (Khtsaberd) kəndləridir. Bu kəndlərin atəşkəsdən sonra ermənilərdə (kiçik erməni silahlı birləşmələri qeyd olunur burada) qaldığı məlum olmuşdur. Qeyd edilir ki, kəndlərin ətrafındaki yüksəkliklərə Azərbaycan nəzarət edir. Və laçın şəhəri Azərbaycana veriləndən sonra ora gedən yol bağlanmalı idi amma şəhər yeni kolidorun inşasından sonra bizə qaytarılacaq. Görək müdafiə nazirliyi nə məlumat verəcək.
Dekabrın 1-i bu haqda məqalə turan.az saytında yazılıb: https://bit.ly/2WbjPYC
Edit: ruslar hadisə yerinə gəlib və atəşkəs təmin olunub. Müdafiə nazirliyi də təsdiqləyir.
18 dekabr: iki kənd də Azərbaycanın tam nəzarəti altındadır.
ilham əliyev Bugün ikinci qarabağ müharibəsindən sonra ilk dəfə atət'in Minsk qrupunun həmsədrləri ilə görüşüb.
əliyev "sizə demişdim axı", "bəs deyirdiniz müharibə ilə həll yolu yoxdur"a bənzər ifadələrlə həmsədrləri danlamışdır.
Mənbə: https://oxu.az/politics/448444
songbird Covid-19 pandemiyası əsasında çəkilən amerikan elmi-fantastika, triller filmi. Hadisələr 2024-cü ildə, pandemiyanın 4-cü ilində cərəyan edir. Artıq dünyada həyat tamamilə dəyişmişdir. Virus mutasiya nəticəsində güclənmişdir. hökümət, virusa yoluxan kəsləri birbaşa olaraq karantin düşərgələrinə aparır.
əslində, Vaksin tapılmasaydı filmdəki kimi qorxulu vəziyyətlərlə üz-üzə qala bilərdik.
azərbaycan əsgərlərinin erməni əsgərlərinə qarşı davranışı Cinayət məcəlləsinin 17-ci fəsilində MÜHARiBƏ CiNAYƏTLƏRi qeyd olunub. 115-ci maddədə girovlarla bağlı zorakılıq əməllərinə görə, onların öldürülməsinə görə 15 ilədək həbs nəzərdə tutulmuşdur.
116-cı maddənin 116.0.10. bəndində mülki əhaliyə və ya döyüşlərdə iştirak etməyən ayrı-ayrı mülki şəxslərə hücum etməyə görə 10 ildən 20 ilədək həbs nəzərdə tutulub.
iddia edilə bilər ki, bəs kim qarantiya verir ki, həmin başı kəsilən qoca 90-cı illərdə Azərbaycanlılara qarşı zorakılıq, cinayət törətməyib? Kim əmin ola bilər ki, törədib? Yəni həmin baş kəsən şəxsin (hərbçi adına layiq deyil) əlində bunu sübut edən 100 faizlik dəlil var idi? Biri də demir ki, ay insan sən hərbi qulluqçusan, sənin vəzifə borcun var. Sən dexter deyilsən. qohumların, qardaşın erməni vəhşiliyinə görə həlak olmuş, şəhid olmuş ola bilər amma bunun qisasını həmin mülki şəxslərdən, girovlardan almaq səni də müharibə cinayətkarı edir. Bunun ağ və ya qara olmaqla, ermənilərə hümanist yanaşma ilə bir əlaqəsi yoxdur.
"biscari qətliamı": 14 iyul 1943-cü ildə italiyada abş əsgərləri 73 nasist (71-i italyan, 2-si alman) hərbi girovunu güllələyərək öldürmüşdür. Həmin abş əsgərlərindən heç biri mühakimə zamanı ciddi bir cəza almamışdır.
(youtube: )

Bu cür hərbi cinayətlərə əslində bütün müharibələrdə az çox rast gəlmək olur amma heç bir halda onu müdafiə etmək düzgün deyil.
azərbaycan əsgərlərinin erməni əsgərlərinə qarşı davranışı dexter serialında olan bir səhnə tam yerinə düşür bu vəziyyətdə. Həmin səhnədə harry, dexter'i "iş" başında gördükdən sonra düşündüklərini dilə gətirir. Məncə qatı-milliyətçilər, qisasçılar, "erməni ilə sülh olmaz" deyənlər xüsusilə qocanın öldürüldüyü videodan sonra harry kimi şoka düşüblər. Çünki illərdir apardıqları qatı anti-erməni, qisasçılıq propaqandasının real əksini gördülər. "Erməni xalqı ilə düşmənçiliyimiz yoxdur, işğalçı ermənistan höküməti ilə var," sözü dildə yox əməldə aparılmalı idi. Faktiki Düşmən olaraq separatçı rejim seçilməliydi. Necə ki, müttəfiqlər üçün ikinci dünya müharibəsində əsas düşmən almanlar yox, nasistlər idi.
Həmin səhnə: https://streamable.com/2qhhhf
bina evində ailə ilə birlikdə yaşamaq insanın psixi sağlamlığına ciddi ziyan vura biləcək bir yaşam tərzi seçimidir. Fərdlərin şəxsi sahəsi minimum həddə olur. Hələ ki, Azərbaycanda ortalama bir bina evində 3-4 nəfərlik bir ailənin yaşaması üçün fərdlərin şəxsi sahəsindən tamamilə imtina etməsi lazım gəlir. Hətta 2 otaqlı evdə yaşayan 4-5 nəfərlik ailələrə də rast gəlmək olur. Bütün bunlar bir kənara əlavə olaraq da üst qonşunun gün ərzində yerinə yetirdiyi bütün fəaliyyətləri eşitməyə də məcbur olursan. Bina evləri ailə həyatı üçün nəzərdə tutulmamışdır.
inkişaf etməmiş ölkələrdə mərkəzi şəhərlərin dolub daşması nəticəsində harda gəldi, necə gəldi tikilən bina evlərində yaşamaq geniş vüsət almışdır.
daha pis vəziyyətə misal olaraq Hong Kong'da "qəfəs evlər"i misal göstərmək olar:
(youtube: )
azərbaycanda karantin rejimi 12 dekabrda Hərbi vəziyyətin ləğv olunmasından sonra yenidən sərtləşdirilməsi gündəmdədir. Bir neçə gün öncə keçirilən operativ qərargahın brifinqində iki həftəlik qapanmaya gediləcəyi ilə bağlı açıqlama verildi. Bu qapanmanın dekabrın 15-dən qüvvədə olacağı iddia edilir. Deputat Müşfiq Cəfərov bildirib ki, iki həftəlik sərt karantin rejimi tətbiq edilə bilər.
vaksin gəlib bizə çatana kimi bezərik artıq. Abş'da pfizer covid-19 vaksini ilə pandemiyanın aprel-may aylarında tamamilə bitəcəyi ehtimal edilir. Ancaq ekspertlər iddia edir ki, inkişaf etməmiş ölkələrin vaksinasiyası illər çəkə bilər.
azərbaycan əsgərlərinin erməni əsgərlərinə qarşı davranışı Baş Prokurorluq bu videolarla bağlı cinayət işinə başlandığını deyib.
“Faktla bağlı cinayət işi açılıb, bu, qeyd etdiyiniz başın kəsilməsi videosu da hazırda həmin cinayət işinin çərçivəsində araşdırılır. Əgər həqiqətən sübuta yetirilərsə ki, bunu törədənlər özümüzünkülərdir, çünki doğrudan da qeyri-insani rəftar görünür orda, o zaman onların məsuliyyət məsələsi ortaya çıxacaq,” deyə Günay Səlimzadə bildirib.
Belə bir məlumat bbc Azərbaycanca tərəfindən noyabrın 23-də yayımlanıb. Həmin vaxtdan indiyədək ictimaiyyətə hər-hansı bir məlumat verilməyib. Yəqin ki, məsələ araşdırılmayıb. Halbuki həmin şəxslər cinayət məcəlləsinin müvafiq maddələri ilə həbs edilməli idi. Təəssüf ki, məsələ mediada işıqlandırılmadığı üçün xalça altına süpürülüb.
bu qədər ölkə varkən azərbaycanda doğulmaq Hazırda Dünyada 34 inkişaf etmiş ölkə var, inkişaf etməkdə olan yüksək gəlirli ölkələri də bu siyahıya qatsaq bu rəqəm 82-ə yüksəlir.
Beynəlxalq olaraq tanınmış 193 ölkə bmt-nin tam hüquqlu üzvüdür. Əlavə olaraq 2 ölkə bmt-də müşahidəçi qismindədir. 6 ölkənin yarı-tanınmış statusu var. Və digər tanınmamış, və aktiv döyüş zonası olan 6 ölkə də var. Əlavə olaraq böyük dövlətlərin əraziləri kimi tanınan 61 ada ölkəsi var. Deməli, 268 ölkə varsa bunlardan cəmisi 34-ü inkişaf etmişdir. Biz bunu 82-ə çatdırırıq. Əslində bu siyahıdan bəzi ölkələri çıxarmaq lazımdır, pis həyat keyfiyyətinə, digər mənfi tendensiyalarına görə amma gəlin bunu etməyək və sizin "bu qədər ölkə"də doğulmaq şansınız cəmi 30.6 faiz təşkil edib. Doğulduğunuz ilə görə bu rəqəm 2-3 faiz aşağı və ya yuxarıdır. "coğrafiya taleyini müəyyən edir," qismən doğru olsa da hər şey insanın öz əlindədir. Çox kasıb olan ölkələrdən çıxan varlılar, varlı ölkələrdə küçədə yatanlar da var bu dünyada.
8 noyabr zəfər günü 10 noyabrın Türkiyədə Mustafa Kamal Atatürkün anım günü olduğunu nəzərə alaraq, Azərbaycan Respublikasının Prezidenti cənab ilham Əliyev Zəfər Gününün tarixinin dəyişdirilməsi barədə qərar qəbul edib.
Hər bir azərbaycanlı üçün əziz olan Qarabağın incisi Şuşa şəhərinin noyabrın 8-də iyirmi səkkiz illik əsarətdən qurtarılması müharibənin taleyində həlledici rol oynayıb, düşmənin siyasi-hərbi rəhbərliyinin məğlubiyyəti etiraf etməsinə və hərbi əməliyyatları dayandırmasına səbəb olub.
Şuşa şəhərinin və onun işğaldan azad edilməsinin tarixi əhəmiyyəti nəzərə alınaraq, xalqımızın döyüş əzminin və qüdrətinin təntənəsinə çevrilən, dövlətimizin gələcək inkişafı və nüfuzu baxımından müstəsna əhəmiyyət kəsb edən bu misilsiz qələbə - Zəfər Günü hər il noyabrın 8-də təntənəli şəkildə qeyd ediləcək.
Mənbə: müdafiə nazirliyi
laçın laçın dəhlizi laçın şəhərinin mərkəzindən keçdiyi üçün şəhərin Azərbaycana qaytarılması ancaq yeni dəhlizin inşasından sonra baş tutacaq. 10 noyabrda imzalanmış bəyanatda yeni dəhlizin inşasına 3 il vaxt verilib. ilham Əliyev qeyd etdi ki, biz bunu qısa zamanda inşa etmək fikrindəyik.
yeni il ab-havalı film və serial bölümləri Keçən il əsgərlikdə olduğum üçün heç kimin update etmədiyi səbəbilə və dekabrın da gəlişini rəhbər tutaraq başlığı canlandırıram:
filmlər:
(bax: last Christmas) - əsgərlikdə ən çox baxmaq istədiyim film idi; tərxis olan kimi ilk baxdığım filmlərdəndir. emilia clarke'ın ən sevdiyim filmidir.
(bax: the night before)
(bax: The Polar Express)
(bax: The Grinch)
(bax: Holidate) - emma Roberts'li 2020 netflix istehsalıdır.
(bax: Jingle All the Way) - arnold'un yeni il temalı filmi.
(bax: bad santa) - söyüş söyən, içən, çəkən, xanımlarla arası saz olan bir şaxta babanın filmi.
(bax: Serendipity) - yeni il ərəfəsində baş tutan bir sevgi hekayəsi.
(bax: While You Were Sleeping) - sandra bullock'un baş rolda olduğu romantik dram filmi.
(bax: Scrooged) - bill murray'in milad bayramı temalı filmi.
(bax: minions holiday special)
(bax: the Christmas Chronicles) - yaxın vaxtlarda netflix'də ikincisi də yayımlandı.

serial bölümləri:
(bax: friends)
Season 1, episode 9 - Thanksgiving temalıdır amma əla bayram abu havası var.
Season 3, Episode 10
Season 4, Episode 10
Season 5, Episode 10
Season 7, Episode 10
Season 8, Episode 11

(bax: the big bang theory)
Season 3, Episode 11
Season 6, Episode 11
Season 7, Episode 11
Season 10, Episode 12

(bax: modern family)
Season 1, episode 10

(bax: Bojack horseman)
Christmas special (xüsusi 25 dəqiqəlik seriyadır)

(bax: the amazing world of gumball)
Season 2, episode 15

(bax: family guy)
Season 3, Episode 16
Season 9, Episode 8
Season 12, Episode 8

(bax: Mr. Bean)
Merry Christmas Mr. Bean

(bax: Sesame Street)
Christmas Eve On Sesame Street

(bax: Buffy the Vampire Slayer)
Season 3, Episode 10

pandemiya səbəbilə hamımız bu yeni ili evdə keçirməyə məcburuq. Çoxlarımız üçün bu bir fürsətdir. Hər dəfə yeni ili şəhərdə şənliklərdə keçirənlər bu dəfə ailəsi ilə birlikdə daha yaxşı keçirə bilər. Gəlin, dəyərləndirək. Dünyanın gələn il hansı vəziyyətdə olacağı bilinmir, ona görə də bu yeni ili maksimum yadda qalan edək.

qeyd: başlığın ilk entry'sində qeyd etdiyim film və serial bölümləri bu entry'də yer almayıb.
əbülfəz elçibəy "azərbaycan və türkiyə ilə yaxınlığın kökü ideoloji və milli birlikdədir. Bugün türkiyə'nin elə bir nüfuz qazanması artıq hiss edilir ki, bizim taleyimizdə də böyük dəyişikliklərə yol olacaq," deyə 90-cı illərdə bildirib.
Mənbə: https://streamable.com/ylbtie
dexter 2021-ci ildə yenidən ekranlara geri dönəcəyi açıqlanan serial. 10 seriya olmaqla, baş rol aktyoru Michael C. Hall və ilk sezonların prodüseri Clyde Phillips də geri dönür.
hekayə olaraq nə ələ alınacaq hələ ki, bilinmir.
ümid edirəm ən azından flashbacklər olar. james doakes, lila west, Arthur Mitchell kimi əfsanə xarakterləri yenidən yad edərik.
1 oktyabr 2006-da "Tonight's The Night"la başlamışdı hər şey:
(youtube: )
1 2 3 4 5 6 7 8 9 10 11 12 13 14 15 16 17 18 19 20