adtapabilmedim


959   2   0   0
https://soz6.com/sds-uploads/avatars/b1294e2dc2fbfa1ecb1b8738e41d4e3e14806.png
5.nəsil yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15




"guy always thought it was life he was looking for. but it must have been death."




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

bütün zamanlarda yazdığı ən əjdaha entrylər:

qohum-əqraba evində qalmaq +54 əjdaha avatar
universitetin birinci kursunda oxuyanda 1-ci semestr ərzində atamın qardaşının evində qaldım. vaxtı zamanında atamın qardaşı da oxuyanda 4 il bizdə qalmışdı, hətta universiteti bitirdikdən sonra belə təzə işləməyə başlayanda 2 ildən artıq bizdə qalmışdı. dedim yəqin indi onun növbəsidir, gedim bir il qalım gələn il ev tutaram. ilk günlər xoş sifət göstərirdi amma 1 həftə qalandan sonra münasibəti dəyişirdi, hətta 2 dənə uşağı belə mənə sifət eləməyə başlamışdı. yediyim yarım qab yeməyi belə çox istehza ilə verirdi. özünün böyük miqdarda maaş almasına baxmayaraq mənə çoxlu borcu olduğunu, evə ərzağı belə çətinliklə aldığını deyirdi. atam vaxtı ilə qardaşına çox yardım eləmişdi 4 il ödəniş haqqını ödəmişdi, işə girməsi üçün rüşvət vermişdi və s. amma görünür o bunu dərk etməmişdi. özümü çox pis hiss edirdim, saat 9 olanda mənidə yatmağa göndərirdi çünki onun uşağı o vaxtı yatırdı mən yatmasan onun acığına gələrdi, nədə olsa onun evi idi. başa düşürəm adamın evinə çöktüm, düzənini pozdum amma axı o vaxtilə hər yay ailəsi ilə birgə 3 ay qalanda bizim düzənimiz pozulmurdu? 3 ay məcbur birtəhər qaldım dekabr ayının ortasında evə gələndə kolidorda paltar çantamı gördüm, dedi ki, güya şkafda güvə var ona görə yığıblar təkrar çantaya. mesajı nəhayət ki almışdım tüpürdüm evlərinə getdim dekabr ayının axırına kimi dostumun evində qaldım. gələn semestr ev tutdum. sizə tövsiyəm nə qədər yaxın olursa olsun qohum-əqraba evində qalmayın. küçədə yatın amma qohum evində qalmayın!

əsgərlik +45 əjdaha avatar
iyulun 8-i gedib, hal-hazırda andiçmə mərasimindən sonra buraxılışda olduğum üçün bu entry'ni yaza bilirəm.
Hələ 1 ayın əsgəri olsam da sanki 1 il keçmiş kimi gəlir. öz evimdə deyiləm hələ də, naxçıvandayam. Buraxılışda kəndə getdim. Özümü qəribə hiss edirəm, sanki nəsə çatışmır. Bu buraxılış deyilən şey yarımçıq azadlıqdır. Çünki bilirsən ki geri dönəcəksən bir neçə gün sonra. ona görə də özünə yer tapa bilmirsən. Buraxılışdan qabaq düşünürsən ki mülkiyə çıxsam onu edəcəm bunu edəcəm amma heç nəyin dadı yoxdur, ümumiyyətlə heç həvəs yoxdur nəsə etməyə. Çox pis haldır bu.
6-7 il bundan qabaq bibioğlum əsgərlikdən təzə gələndə ondan soruşmuşdum ki, bəs əsgərliyin mənası nədir; "mülki həyatın qədrini bilirsən" cavabını vermişdi mənə.
Kim deyirsə ki, əsgərlik vətəni qorumaq üçün təşkil edilmiş bir şeydir, yalan deyir. Burda ancaq rütbəlilərə xidmət edirsən.
Düşünürəm ki şablon və çox bilinən məlumatları yazmağın mənası yoxdur.
1 aydır telefonum sönülü idi, həvəslə açıb mesaj zad gəlməsini gözlədim amma heç azercelldən belə mesaj gəlmədi. dost tanışım yoxdur, bunu qəbul etmişəm amma adam yenə də gözləyir nəsə. Anama zəng etdim, ağlayırdım ara sıra ancaq mümkün qədər səsimi normal saxladım. indiyənə kimi 10 dəqiqədən artıq telefon ilə danışmayan mən 40 dəqiqə danışdım. insan sevdiklərinin dəyərini anlayır ay canım gözüm sözlük. Bəzən olurdu anam zəng edəndə açmırdım ya da tez bazar danışırdım, ancaq indi günlərlə danışmaq istəyirəm.
Kaş insanlarla daha yaxşı münasibət qura biləydim, universitetdə dostluqlar yarada bilərdim; indi tək qalmazdım bəlkə də. Ancaq özümdən asılı deyil, bacarmıram.
Adama qoyan şey sadəcə səndən aşağı səviyyəli ancaq rütbəcə üstün şəxslərdən gic gic əmrlər almaqdır. Höte'nin bir sözü var: "dəyəri yüksək olan şey heç vaxt dəyəri az olanın mərhəmətinə sığınmamalıdır." Zabitlərin əksəriyyəti cahildir, sanki cahillik burada kök salıb, meyvə verib elə bil. Elə əsgərlər var ki oxuma yazma bilmir. Əşi nəsə boş verin hərbi xidməti, əgər nə vaxtsa xidmət etmək fikriniz varsa, eləməyin yazıqsınız.
Sonda mənimlə maraqlanan bütün yazarlara təşəkkür edirəm, sağ olun. Çalışıb yola verib sağ salamat geri qayıdacam. Yaman günün ömrü az olur nədə olsa.

yeni il ab-havalı film və serial bölümləri +28 əjdaha avatar
yeni ili evdə keçirəcək olan mənim kimi asosial dostlarıma eləcə də evdə yeni ili keçirməyi sevənlər üçün film və serial bölümləri tövsiyələri, yanında kola və ya fanta eləcə də "staliçni" salat ilə izləməniz alacağınız bayram ab-havasını artıra bilər:
serial bölümləri:

friends - season 2, episode 9 (şəxsi favorimdir)

the big bang theory - season 2, episode 11

regular show - "the christmas special" - 20 dəqiqəlik xüsusi bölümdür.

batman the animated series - "christmas with the joker"

simpsons - season 1, episode 1 - "simpsons roasting on an open fire"

Simpsons - season 17, episode 9

South park - season 1 episode 9

How l met your mother - season 2, episode 11

it's always sunny in philadelphia - season 6, episode 13 - "a very sunny christmas"

taxi - "a full house for christmas"

arrested development - season 2, episode 6 - "afternoon delight "

curb your enthusiasm - season 3, episode 9 - "mary, joseph and larry"

filmlər:
(bax: Meet the parents) (favorim)
(bax: die hard)
(bax: it's a wonderful life)
(bax: a christmas story)
(bax: scrooged)
(bax: office christmas party) - jennifer aniston var.
(bax: batman returns)
(bax: better watch out)
(bax: joy)
(bax: groundhog day) (favorim)
(bax: the holiday)
(bax: about time) (favorim)
(bax: four christmases)
(bax: surviving christmas) (2004) - ben affleck var.
əlavə olaraq əyləncəli komediya filmləri də yazıram istəyən baxa bilər:
(bax: horrible bosses)
(bax: ted)
(bax: Happy death day)
(bax: we're the millers)
(bax: liar liar)
Qeyd: əzbər bilinən "home alone" siyahıda yer almayıb.
yeni iliniz mübarək! bu yeni ili də evdə keçirəcəyiniz üçün darıxmayın, çünki bilməlisiniz ki, yeni ili keçirəcək evi olmayan insanlar da var...

whatsapp-da yazışmağa adamın olmaması +28 əjdaha avatar
bugün etibarilə whatsapp hesabımı silməyə səbəb olan hadisədir. bir neçə dəfə 3-4 dənə dost tanışa yazdım gördüm ki, yola verir məndə daha yazmadım, gözlədim bəlkə biri yazar amma yox heç kim ipləmədi məni. (bir dəfə unidən biri yazdı ki deyərsən qayıb yazmasınlar) əsl həyatda da belədir heç kim məni ciddiyə almır ya da qulaq asmır. günahkarı özüməm yoxsa cəmiyyət? deyəsən özüməm.

altyazı tərcümə edəcəklərə tövsiyələr +26 əjdaha avatar
əvvəlcə onu deyim ki, bu iş asan deyil və qarşılığında heç bir maddi gəliri yoxdur. sadəcə xarici dil biliyinizi artırmaq və eləcə də xarici dil bilməyən izləyicilərə dəstək olmaq üçün altyazı tərcümə edə bilərsiniz.
işə başlamazdan əvvəl deyim ki azərbaycanca altyazı hazırlamayın, lazım deyil. əsas kütlə türkiyədən olduğuna görə elə türkcə hazırlayın. həm türkcə olanda azərbaycanda da başa düşülür. və altyazısını hazırlamaq istədiyiniz filmin türkcə altyazısı olmadığından əmin olun!

0. hər şeydən əvvəl turkcealtyazi.org ya da planetdp.org saytında qeydiyyatdan keçin. hər ikisindən keçməyə ehtiyac yoxdur. sadəcə birində altyazını yayımlayanda digər sayta da yükləyirlər.
1. əvvəlcə komputerinizə nikse firmasının istehsalı subtitle edit programını yükləyin. həmin programla kənarda filmi izləyə-izləyə praktiki olaraq altyazını tərcümə edə bilərsiniz. həmin program olduqca ağıllıdır, altyazı uzun olanda qırmızı olur, azərbaycanca hərfləri dəstəkləyir.
2. filmin "hd" versiyasına uyğun ingiliscə altyazısını tapın. əsas kütlə hd izlədiyinə görə bu daha məqsədəuyğundur.
3. tərcümədən qabaq mümkündürsə türkcə qrammatikasına göz atın. yazıda azərbaycanca və türkcə arasında həddən artıq çox fərq var. məs; azər: edə bilərəm; türk: yapabilirim.
4. çoxları deyir filmi başdan ayağa izləyin daha sonra tərcüməyə başlayın amma bu lazım deyil. onsuzda dəyərli olan vaxtınız tərcüməyə gedəcək və hətta sonda yoxlamaq üçün filmi izləmək də lazım olacaq.
5. altyazını mütləq filmi izləyə-izləyə tərcümə edin! (birinci tövsiyyə) əks təqdirdə biabırçılıq ola bilər!
6. altyazını tərcümə etdiniz və hazırdır. bir dəfə mütləq altyazı ilə filmi izləyin. mütləq xətalar olacaq, onları düzəldin.
7. hazırladığınız altyazını turkcealtyazi.org ya da planetdp.org saytına yükləyin. əgər altyazınız yaşıl olsa bu deməkdir ki, əla alınıb. sarı olsa kifayət dərəcədədir deməkdir. qırmızı olanda isə başqa altyazı tapılanda sizin altyazınız silinəcəkdir.
qeyd: əlavə suallarınız olsa mənə yazın, kömək edərəm.


ilham əliyev +29 əjdaha avatar
Öz yaratdığı hökümətin məmurlarını tənqid edən umbay. illərdir davam edən "özü yaxşıdır, ətrafı pis" nüansını artıq gündəlik nitqlərinə daxil edib. Özünün altından olan məmurların özbaşınalığından elə danışır ki, elə bil onları həmin vəzifələrə axc-müsavat təyin edib.
"...Kimsən sən? Sən get öz işinlə məşğul ol. Yenə də deyirəm, ucuz populyarlıq dalınca qaçanların axırı pis olur, bir. ikincisi, qayda-qanun var ölkədə. Heç kim özbaşınalıq edə bilməz. Əgər kimsə unudur, biz onun yadına salarıq."
Əlbəttə bu nitqlərin hamısı əhalidə "ilham yenə qırğın edir" fikrini formalaşdırmaq üçündür. Nə də olsa paşinyandan sonra söyməyə bir obyekt lazım idi.


kamil zeynallı +18 əjdaha avatar
qatı-milliyətçi, irqçi. birinci qarabağ müharibəsi vaxtı qadınlara, qocalara, uşaqlara zorakılıq edən erməni milliyətçilərindən heç bir fərqi yoxdur.
azərbaycan ermənistanla müharibə edə bilər amma bu sənin ermənilərə qarşı irqçilik edə biləcəyin mənasına gəlmir.
bu cür faşist insanın xalq arasında populyar olması isə ayrı bir biabırçılıqdır. instagram hesabı isə birdəfəlik silinməlidir.

18 oktyabrın iş günü olması +19 əjdaha avatar
yap hakimiyyətinin özündən əvvəlki tarixi silmək cəhdlərindən biridir. xalqımız üçün ən vacib olan günlərdən biri niyə bayram səviyyəsində qeyd olunmasın? həmin gün qəbul olunan konstitusiya aktı ilə azərbaycan 1920-ci ilin 28 aprelində itirdiyi müstəqilliyini bərpa etdi. gül bayramı, h.əliyevin ölüm günü, 15 iyun çevriliş yolu ilə hakimiyyət dəyişikliyi günü təntənəli şəkildə qeyd edilir amma ən vacib müstəqillik günü qeyd edilmir? çünki diktatorlar hər zaman xalqının müstəqillik tarixini unutdurmağa çalışır.

ikinci qarabağ müharibəsi +23 əjdaha avatar
donanımhaber forumda belə mükəmməl bir yekun analiz var. Buraya olduğu kimi əlavə edirəm:
Harita üzerinden ilerleyelim;

SARI ALAN:Anlaşma ile Ermenistan'ın çekileceği bölgeler.
KIRMIZI ALAN:Anlaşma Statüsü Bilinmeyen bölgeler.
MAVi ALAN:Askeri Harekat Sonucu ele geçirilen bölgeler.

Mavi alanlar savaşla kazanılan yerler,sarı olan yerler ise 1 aralığa kadar boşaltılıp Azerbaycana "masada teslim anlaşması imzalanarak verilen" bölgeler.

Burada kırmızı bölgelerin muallaklılığı tartışıldı,o bölgenin durumu ise şu;
Bu bölgelerde ermeni sivil yerleşimciler var yaklaşık 250 bin nüfusa sahip.Bu insanların Ermenistana göçü istenilmiyor ermeni yönetimi tarafından zira 30 yıldır o bölgeye zorla yerleştirilen insanların bulunduğu köyler ve şehirler var.Çok basit şekliyle rusya bu bölgeyi "ermeni ordusundan arındırıp" buradaki ermeni yerleşimcileri korumak ve 30 yıldır lojistik insani desteği veren (elektirik,yiyecek,sağlık) ermenistan bağlantısını güvene almak adına askeri kuvvet yolladı.Bu kırmızı alandaki rus gücü ise 5 yıl burada görev yapacak ve ardından Azerbaycan'ın isteği doğrultusunda istenmez ise ruslar geri çekilecek ve bu topraklar Azerbaycan'a resmen katılmış olacak.Bölge "ermenistan'ın artık değil"..Sadece ordaki ermeni nüfusunun 30 yıldır olan bağlantısını kesip büyük göç sorununun oluşmaması sağlanmak isteniliyor.Ayrıca bu bölgelere asıl sahipleri olan Azerbaycanlı göçmen halk geri döndürülecek,bu sosyolojik olarak sıkıntılı bir süreç çünkü azeri halkı ermenileri ,onlarda azeri halkını istemiyorlar.Orada tarafsız bir ordu gücü bu yöndende şarttı.Büyük ihtimallede ordaki ermeni halk bölgeden zaman içinde göç edecek zira statüleri yok artık..

işte bu noktada Azerbaycan barış gücü içerisinde Türk askerinide istiyor bu bölgede zira ermenistana güven yok.Her ne kadar ruslar klasik ateşkes metni ile asker gönderme durumuna girmişsede kazın ayağı öyle değil.Rusların zaten Ermenistan'da kocaman bir askeri üssü var. Ermeni askeri hava üslerini bile Ruslar koruyor. Barış Gücü ile buraya yerleşmek Rusya için çok da büyük bir askeri avantaj sağlamıyor.Ruslar için kritik olan şey Karabağ'a yerleşmek değil, Ermenistan'da var olmak,bunu bir kenara not edelim...

Ruslar, Ermenistan'ın dövülmesine izin vererek Rusya'dan uzaklaşmaya çalışan Paşinyan'ın iktidarını derinden zedeledi. Anlaşmadan sonra Başbakanlık sarayı bile basıldı.Ruslar da böyle olsun istemezlerdi. Türkiye'nin SiHA'larının Suriye ve Libya'dan sonra tekrar reklam olmasını, Türk-Azerbaycan ilişkilerinin bu savaş vesilesiyle bir yıl öncesine göre katlarca gelişmesini ve iki halkın yakınlaşmasını elbette rusların isteyecekleri bir şey değil.

Fakat Ruslar Ermenistan'daki üstünlüğü kaybetmektense, ki bu zamanı geldiğinde Rus askerlerinin de Ermenistan'dan çekilmesi anlamına gelebilir, Azerbaycan'ın Karabağ'da zafer kazanmasına ve Türkiye'nin SiHA'larının reklam olmasına Azerbaycan-Türkiye arasında çeşitli sosyolojik ve diplomatik yakınlaşmaların artmasına ruslar göz yummak zorunda kaldılar. Sonuç olarak Paşinyan'ın hatası Ermenistan'a kaybettirdi.

Bu savaşın sonuçları şunlardır bana göre;

- Ermeni ordusu işgal ettiği her yerden çıkacak, Ermenistan'a dönecek.
- işgal altındaki 7 rayonun tamamı 20 gün içinde kademeli olarak doğrudan Azerbaycan Ordusu nezaretine girecek.
- Azerbaycan Ordusu, Şuşa da dahil olmak üzere Karabağ'daki ele geçirdiği pozisyonlarında kalmaya devam edecek.
- Ermenistan ile Ermenilerin elindeki Hankendi ve diğer bölgeler arasındaki sivil ulaşım için 5 km genişliğinde güvenli bir karayolu koridoru açılacak.
- Laçin'de açılacak 5 km genişliğindeki karayolu koridorunun güvenliği için.
- Ermenilerin elindeki Hankendi ve diğer bölgeler ile Azerbaycan Ordusu'nun elindeki bölgeler arasındaki temas hattında ateşkesin uygulanması sağlanacak.
-Karabağ'ın siyasi ve hukuki statüsü Karabağ'ın tamamı Azerbaycan toprağı olarak kabul edilecek.
-Yönetimi diğer rayonlar gibi Bakü'ye bağlı olacak.
-Karabağ'ın tamamında Azerbaycan kanunları geçerli olacak ve Azerbaycan bayrağı altında sürdürülecek.
-Karabağın ayrıca bir statüsü olmayacak, eski statü bitmiştir.
-Azerbaycan, egemen ve müstakil bir devlettir. Dilerse ve gerek görürse Türk Ordusu'nu gözlemci olarak yukarıda sözünü ettiğim temas hattında bulunması için ülkesine çağırabilir.
-Bunun Ermenistan ve Azerbaycan arasında imzalanan mutabakat metninde olması GEREKLi DEĞiLDiR...
-Rusya, Ermenistan üzerindeki nüfuzunu arttırmıştır.
-Rusya, Ermenistan'ın çekildiği bölgelere ciddi olmasa da bir askeri güç yerleştirerek, kendi şartlarına uyulduğu taktirde Ermenistan'ın koruyuculuğuna devam edeceğini gösterdi.
-Rusya, dilediğinde Azerbaycan ve Ermenistan arasındaki çatışmayı durdurabileceğini göstererek bölgedeki nüfuzunu güçlendirdi.
-Azerbaycan, Karabağ'daki topraklarının büyük çoğunluğunu geri alarak milli özgüvenini pekiştirdi.Karabağ'ın %75 kadarını savaşarak,geri kalanınıda masada anlaşarak kazandı.O bölgeleride 5 yıllığına ruslar koruma altına aldı sivil halk ayaklanması riskine karşı.
-Azerbaycan ve Türkiye Cumhuriyetleri Halkları arasındaki bağ ve devletler arasındaki diplomatik ilişkiler daha da gelişti.
-Türk Dünyası uzun bir müddet sonra ilk defa Kafkasya'da toprak kazandı.
-Nahcivan üzerinden Karabağa yeni bir geçiş koridoru konusunda mütabakat sağlandı.Bu Türkiye'nin Azerbaycan'a direkt olarak kendi sınırından geçişi sağlamış olacak.Bu Türkiye açısında en büyük kazanım oldu.
-Rusya, Ermenistan üzerindeki hakimiyetini güçlendirmek için Azerbaycan'a toprak vermek ve Türkiye'nin bölgedeki askeri hareketliliğine göz yummak zorunda kaldı.
-Savaş, Rusya'nın Ermenistan'daki kaybolan hakimiyetini tekrar temin etmek için Azerbaycan'a toprak verilmesine göz yummasıyla akıllara kazınacaktır. Bu vesileyle, Rusya'nın kaybolan hakimiyeti temin etmek için güçlü taraf olarak ilk tavizi verdiği aşikardır.

Aliyev’in yaptığı açıklamadan da anladığım benim anladığım;
-Bir Türk-Rus Ortak gözlem gücü kurulacak.Bu anlaşma Türkiye-Rusya arasında ayrı bir özel anlaşma olarak sağlanacak.
-Türk askerleri burada olacak ancak Sahada görev yapmayacak.
-Türk ve Rus askerleri bu merkez ya da merkezlerde belirlenen takvimi, çekilmeyi, ateşkesi denetleyecek.


Bütün bu gelişmelere rağmen unutulmaması gereken çok önemli ve hayati bir noktada var;

44 gün süren bu savaş öncesi Azerbaycan'ın karabağ'da "hiç bir kazanımı ve uluslararası hakkı olmasına rağmen bir toprak alımı" dahi yoktu...
Üstüne üstlük Ermenistan karaba'ğı "kendi toprakları içinde bir bölge" olarak görüyordu..

Kısacası düne kadar Azerbaycan’ın elinde hiç bir şey yoktu. Bugün; Şuşa dahil 7 Rayon, Kazak’ın 7 köyü, Zengezur’da açılacak koridor, Ermenistan iddialarına rağmen statüsü belirsiz kalan bir Karabağ, gelecekte yapabileceği bir mücadelesi ve yükselişi var Azerbaycan'ın..

Mücadele bitmez, devam eder ve "Haritalar nihayi metinler" değildir,zamanla değişkenlik gösterir.

Burada asıl yenilgiyi sahada ermenistan ama jeopolitik yöndende rusya almıştır çünkü rusya'nın 100 yılı aşkın süredir karabağ ekseninde sürdürmek istediği politikalar daima çözümsüzlük üzerine olmuştur,bir kesime toprak verip çözüm üretme siyaseti içinde hareket etmemiştir.Karabağ savaşı sonucundada kazanılan toprakların Azerbaycan'a verilmesi bu denklemi bozmuştur.Karabağ'ın her yerinde Azerbaycan bayrağı dalgalanıyorsa bunun adı yenilgide değildir..44 günde elde edilen büyük bir toprak kazanımıdır..Öte tarafdan 1 tane ermeninin bu anlaşmaya sevindiğini de ben görmedim..

Son söz olarak Falih Rıfkı Atay'ın şu güzel değerlendirmesi ile bitireyim;
"Enver Paşa ile Atatürk'ün arasındaki en büyük fark şuydu; Enver Paşa izmir'i kurtarmış olsaydı hemen Musul'a geçip orayı da kurtarayım derken izmir'i tekrar kaybederdi."

Duracağınız yeri bilmesseniz elde ettiğiniz kazanımlarda elinizden uçup gider..Karabağ'daki son durumlara bu gözden bakılması daha mantıklı ve reailst olacakdır.

qiyas ibrahimov +17 əjdaha avatar
h.əliyevin heykəlinə "qul bayramınız mübarək" yazısını yazan nidaçılardan biri olan qiyas ibrahimov bugün keçirilən yekun məhkəmədə 10 il müddətinə azadlıqdan məhrum edilib. çox gülməli vəziyyətdir, xalqı soyanlar hakimiyyətdə, heykələ yazı yazanlar həbsdə.

ortada qalmaq +20 əjdaha avatar
nə uğurlu nə də uğursuz bir insan olmaqdır. həyatda bir yol seçə bilməməkdir. təhsil almayan insanlar işləyir, peşəyə yiyələnir, təhsil alanlar da mükəmməl təhsil alaraq öz həyatların qurmağa çalışır. amma ortada qalan insanlar nə çalışa bilir, nə də mükəmməl təhsil ala bilir. aşağı səviyyəli bir universitetə daxil olur, dərslərə çalışır amma yenə də sözün əsl mənasında təhsil almaqdan çox uzaqdadır.
tanıdıqlarımdan bir çoxu səviyyəli universitetlərə daxil oldu, bir çoxu xaricdə təhsillərini davam etdirir, bəziləri də xaricə getməyə hazırlaşır. bir çoxundan daha dünyagörüşlü, savadlı olsam da ortada qaldım, nə oxuyan kimi oxudum nə də oxumağın daşın atdım. bir sahə üzrə ustalaşa bilmədim. zirvəyə çıxmağa başladım amma zirvənin təpəsinə çata bilmədim, zirvənin ortasında ilişib qaldım.
cəsur olub həyatdan istədiklərimi ala bilmədim. indi xəyallar qururam ara-sıra ancaq onları həyata keçirəcək nə imkan var nə də güc. əslində ortada qalmağa real vəziyyət də səbəb ola bilər amma dərin düşünsək insanın özü ən böyük səbəbdir.

inkişaf etməmiş ölkədə yaşamağın dözülməz ağırlığı +14 əjdaha avatar
Dözülməz ağırlıq bir tərəfə insanın yaşam keyfiyyətini aşağı salan bir faktordur. Sən yaxşı pul qazanıb həyatdan zövq almağa çalışsan da ölkədə kasıbçılığın, sosial ədalətsizliyin yüksək həddə olduğunu düşünmən belə həyatdan aldığın zövqün içinə pox qoyur. Görəndəki aptekdə qoca pensiyaner ehtiyacı olan dərmanı ala bilmir, aptekçidən "bunun ucuzu var, əvəzedicisi var?" deyə soruşur, bu ölkəyə və həyatına nifrət edirsən. Yaxud da marketdə aldığı çörək və qatığa görə ödəməsi gərəkli əlavə 20 qəpik üçün cibini eşləyən görəndə də həmin hissləri keçirirsən. Eləcə də uşağına lazımı ləvazimatları ala bilməyən valideynlər, dilənçilər, salfetka satanlar, ali təhsilli fəhlələr və s. insanı həyatdan soyudur.
inkişaf etməmiş ölkədə ortabab bir ailədə doğulmusunuzsa müəyyən yetkinliyə çatanda görəcəksiniz ki, ailənizdə hər zaman "pul" müzakirə olunur. Pul bu ölkələrdə insandan daha dəyərlidir təəssüf ki, çünki insan çoxdur pul azdır.
Hələ rüşvəti demirəm bəh bəh.
Bu problemlər inkişaf etmiş ölkələrdə də var amma azdır, hərhalda inkişaf etməmiş ölkələrdəki kimi deyil, ən azından həmin ölkələrdə insanlar fəhləliklə belə normal pul qazanır.
Nəticə olaraq, inkişaf etməmiş ölkədə varlı olmaq da pox kimidir.

sözaltı respublikası +16 əjdaha avatar
sözaltı respublikası ali məclisi'nin sədri, sözaltı əjdaha partiyası'nın lideri, ölkə başçısı, zat-ı aliləri timidus yeni il münasibətilə sözaltı xalqına təbrik ünvanlayıb. təbrikdə deyilir:
"əziz həmvətənlər və ölkəmizin ziyarətçiləri, eləcə də ölkədən kənarda yaşayan sözaltı respublikası'nın keçmiş vətəndaşları; sizi 2021-ci ilin gəlişi münasibətilə təbrik edirəm.
2020-ci il respublika üçün ağır bir il olmuşdur.
Məlum olduğu kimi 2020-də dünyada yayılan koronavirus sözaltı respublikasından da yan keçmədi. Dəhşətli virus respublikada həyatı iflic vəziyyətinə saldı. iqtisadiyyat zəiflədi, iş yerləri bağlandı, inkişaf planları dayandırıldı. Virusla olan müharibəmiz 2021-ci ildə də davam edəcəkdir. Bunun üçün hazırlıqlı olmalıyıq.
2020-ci ilin ikinci yarısında sözlükistan respublikası silahlı qüvvələrinin təxribatları sözaltı kiber-hücumdan müdafiə qüvvələri tərəfindən uğurla alınmışdır. Qarşı tərəfə artıq sözaltı'nın müstəqilliyini tanımaq şərti qəti olaraq aydın olmuşdur.
Əziz həmvətənlər, Uzun müddətdir ki, ölkə ictimaiyyətdən kənarda qaldığım faktı bir sirr deyil. 2019-cu ilin ilk aylarından başlayaraq, Öz vəzifə səlahiyyətlərimin icrasını partiyanın yazarlarına tapşırmışdım. Buna səbəb hökümətdə baş verən qeyri-sabitliyə son vermək idi. Respublika konstitusiyasının partiya daxili ziddiyyətlər nəticəsində qəbul edilməməsi, eləcə də umbay partiyası'nın pozuculuq fəaliyyəti nəticəsində xalq itaətsizliyi riskinin qarşısını almaq məqsədi ilə bir müddətlik idarəetmədən uzaqlaşmaq qərarına gəlmişdim. Beləliklə hökumət istefaya getməmiş və ölkədə yarana biləcək xaosun qarşısı alınmışdır.
Mənə yenidən qüvvə verən isə gənc yazarların respublika adına gördükləri işlər olmuşdur. Gənclər mənə tunelin sonunda bir işıq olduğunu göstərdi.
Gələn il vəziyyəti sabitləşdirmək, əvvəlki üsul-idarəni bərpa etmək üçün mühüm addımlar atılacaqdır.
Bütün bunların fonunda qərara aldım ki, 31 dekabr "sözaltı xalqının birlik günü" kimi elan edilsin.
Bilgi gələcəkdir! Bilgi inkişafdır! Bilgi gücdür! Bilgi sözaltıdır!"

Sonda ölkə başçısı timidus "sözaltı xalqının birlik gününün elan edilməsi haqqında" sərəncamı imzaladı. Hökümət yazarlarına bu sərəncamdan irəli gələn digər məsələləri həll etmək vəzifəsini tapşırdı.

ilham əliyev +17 əjdaha avatar
17 oktyabr 2018'ci ildəki seçkilərdə 4'cü dəfə prezidentliyə namizədliyini açıqlayan 2003'cü ildən prezident postunu zəbt edən şəxs.
görünür, heç cürə prezidentliyi əldən vermək niyyətində deyil, belə bir vəziyyətdə əldən verməsi üçün axmaq olması lazımdır yəqin ki. haqqında çıxan xəbərlərə, (ofşor hesablar, panama papers) eləcə də açıq-aşkar hakimiyyət balansını pozan 26 sentyabr 2016 referendumundan sonra hələ bir də 21 fevral 2017 mehriban əliyevanın vitse prezident təyin edilməsindən sonra əməlli-başlı etirazın olmaması adamda ciddi özünə güvən yaradıb. lağ etdiyimiz, trump'ın "pox çuxuru" dediyi afrika ölkələrindən tək fərqimiz yerdən çıxan neftdir ki, o da xaricə axır.

yaraşıqlı oğlanların uğursuz olması +19 əjdaha avatar
bu sifarişi verən: la jolie fille
mənim kimi yaraşıqsız, əzik, çirkin oğlanların özünü təsəllisidir.
xoşladığın qıza özünü heç vaxt layiq bilmirsən, ona heç vaxt hisslərini açmırsan, onu daha yaraşıqlı birisinə layiq görürsən. asosial'sansa, cəmiyyətdən təcrid olunmusansa, dostun hətta tanışın yoxdursa və həm də çirkinsənsə özünü kitablara, seriallara, filmlərə, internetə adayırsan; bütün günü araşdırma aparırsan, öyrənirsən çünki onsuz da zamanını xərcləyəcəyin başqa məşğuliyyətin yoxdur. baxmayaraq ki, dünyagörüşün formalaşır, az-çox biliyə malik olursan amma onu istifadə etməyə imkanın olmur. çirkin sifətinə, yaraşıqsız bədəninə baxan səni ciddiyə almır. "carpe diem" sözünü deyirlər, istəyirsən ki, deyəsən "hə, bilirəm bu sözü, latın ədəbiyyatının nümayəndəsi horatius'un şeirində deyilir, mənası 'anı yaşa' deməkdir..." lakin deyə bilmirsən çünki hamı bu sözü dead poet society'dən eşidib. bilirsən ki, desən "whatever" deyib səni yola verəcəklər.
"tanrı hər şeyi sadəcə bir adama verməz. hərənin öz bacarığı olur. yaraşıqsız ola bilərsən amma ağıllı, varlı ola bilərsən." kimi bir fikir ağlına tez-tez gəlir. düşünürsən ki, yaraşıqlı birisi həm də bilikli olmaz, "mən yaraşıqsız olsam da bilikliyəm" deyirsən amma yaraşıqlı oğlanın qızlar ilə rahat ünsiyyət qurduğunu, çoxlu dostları olduğunu, axtarılan, istənilən olduğunu görürsən bütün fikirlərin alt-üst olur. sən bildiyin onca məlumat, film, serial haqqında danışa bilmirsən amma o, hamının diqqətini adicə bir məlumat ilə də çəkə bilir. əslində, onun boş-boş kompyuter arxasında oturub, araşdırma aparmağa, film və serial izləməyə vaxtı yoxdur, dostları ilə bayıra çıxır, sosial bir həyatı var. o, həyatını yaşayır, sən isə kompyuter ekranındakı həyatı. o yaraşıqlı oğlan həmişə səndən bir neçə addım qabaqdadır. bilikli olsan da onu məğlub edə bilmirsən. ölsən, bir neçə gün sonra xəbər tutarlar; amma o yaraşıqlı oğlan bir neçə dəqiqə geciksə "bəlkə nəsə olub?" deyərlər. whatsapp'da heç kim sənə yazmaz, yola verərlər səni; amma yaraşıqlı oğlan açdığı qrupda onlarla insan toplaşar. hərdən həyatına, uğursuzluğuna nifrət edərsən, platonik olaraq sevdiyin lakin heç vaxt hisslərini aça bilmədiyin qızı düşünərsən, lakin onu narahat etməmək, həm də gələcəkdə vicdan əzabı çəkməmək üçün ona əsla hisslərini açmazsan. beləcə günlər keçər, sənə ancaq kompyuter ekranındakı həyatlar qalar.

4 noyabr 2016 demirtaş və hdplilərin həbs olunması +14 əjdaha avatar
terror təşkilatı olan pkknın məclisdə olan qolu hdp-lilərin həbs olunması çox yaxşı bir hadisədir. pkk-lı şərəfsizlərin törətdiyi terror aktları nəticəsində minlərlə günahsız insan həlak olub, indi ona dəstək olan hdp-lilərin həbs olunmasına dırnaqarası baxanlar yəqin ki, sabah yapçıların həbs olunmasını da pisləyər. mənim üçün önəmli deyil ərdoğan və ya qeyrisi əsas olan pkk kimi şərəfsiz terror təşkilatlarına vurulan zərbədir.
hdp demokrat partiya deyənlər var amma sual olunur bəs niyə hdplilər həbs olunan kimi diyarbakırda pkk partlayış törətdi?
bu kürdlərə qarşı əməliyyat deyil kürd qılığına girən şərəfsizlərə qarşı əməliyyatdır, özüdə pkk terror fəaliyyətlərini kürdlər yaşayan ərazilərdə törədir. pkknın məhvi kürd xalqının da xeyrinədir.

çirkin olmaq +20 əjdaha avatar
həyat oyunu'na 1-0 geridə başlamaqdır. bir oğlanın başına gələ biləcək ən böyük şanssızlıqlardan biridir. özümdən bilirəm, ciddiyə alınmamağa; gülüş obyekti olmağa; sevgisiz qalmağa; asosiallığa; sındırılmış özgüvənə səbəb olur.
sosial fobiya'nın əsas səbəblərindən biri də məhz çirkin olmaqdır. məs: hərhansı tanımadığım bir yerə gedəndə, ünsiyyətə girəndə ağlıma çirkin olduğum reallığı gəlir və buna görə də kəskin şəkildə həyəcanlanıram. deyəcəyim söz yadımdan çıxır, dilim topuq atır və bu da təbii ki, nüfuzuma zərbə vurur, ciddiyətimi yox edir. hətta qohumlar arasında belə məni ciddi olaraq qəbul etmirlər, yola verirlər. məhz bunlar da sosial fobiya'ya, şəxsiyyət böhranı'na səbəb olur.

özümdən misal verəcəm:
hərdən bakı'nın mərkəzinə gedəndə bulvar'da gəzişən sevimli cütlüklər görürəm. bir-birlərinə necə sevgi ilə baxdıqlarını görürəm ki, bu da məni pis hiss etdirir. ağlıma gəlir ki, mənə heç vaxt kimsə belə sevgi ilə baxmayacaq... çünki sevgini pul ilə satın almaq olmur.
ictimai nəqliyyatı heç sevmirəm, insanların qəribə baxışlarına məruz qalıram. bilirəm, qəribə görünürəm, çirkin sifətim; böyük burnum; bərbad geyim tərzim var. həmin baxışlar da məni kəskin şəkildə narahat edir, sıxılıram, özümü görməyə gözüm qalmır.
heç məcburən tanış olmağa çalıştığınız bir insanın "bu nədi ala" deyər kimi gülümsəməsinə məruz qalmısınız? həmin an insanın içində olan bütün hər şey darmadağın olur. ümidin puç olur.
çoxları deyir, xarici görünüş önəmli deyil əsas olan daxili gözəllikdir. bu səhvdir. insanlar xarici görünüşü bərbad olan birinin əsla daxilini öyrənmək istəməz. belə deyim, birisi ilə danışmağa başlamazdan əvvəl o sizin sadəcə xarici görünüşünüzü görür. bəlkə də sizin yüksək dünyagörüşünüz var amma çirkin olsanız onu göstərmək üçün fürsətiniz olmayacaqdır.

banka gedirdim bir gün məcburən. yaxınlaşdım xidmət göstərən gözəl bir xanıma, salam verdikdən sonra göstərilməsi lazım olan xidməti deyirdim amma xanımın alçaldıcı gülümsəməsinə şahid oldum. mənə qulaq asırmış kimi davranırdı amma üzündə "bu nədi ala?!" deyər kimi bir gülümsəmə var idi. həmin an özümü bir şey olmamış kimi aparmağa çalışdımsa da içimdə sanki hər şey qırıldı, boğazım düyünləndi. onsuz xanım da məni ciddiyə almadı, həmin əməliyyatın bugün aparılmayacağını deyərək məni yola verdi.

sadəcə tanımadığım insanlar yox eyni zamanda tanışlarım da mənə gülür. məni görəndə alçaldıcı şəkildə gülümsəyirlər.

təkcə ictimai nəqliyyatda yox, eyni zamanda yolda gedərkən də insanların qəribə baxışlarına məruz qalıram. səbəbini yaxşı bilirəm, telefonumda bir dənə belə şəkli olmayan xarici görünüşümdür. o xarici görünüş ki, heç vaxt qaça bilməyəcəyim, hər gün aynada görəcəyim. bahalı bir maşına sahib belə olsam, içində yamaq kimi görünəcəyim xarici görünüşüm.

düzdü, daha pisləri var amma bu mənim vəziyyətimi yaxşılaşdırmır. şikayətlənmirəm, hannibal yaxşı deyib: "vəziyyətindən şikayətlənmə, əgər indiki vəziyyətdə olmasaydın daha pis vəziyyətdə olardın." dünya birliyi bu ədalətsizliyə hələ də dözür...

youtubedan milyonçu olmaq yolları +14 əjdaha avatar
əvvəlcə bunu deyim ki bu başlıqda sizə youtubedan milyonçu olmağın yollarını öyrədəcəm amma siz bu yollarla çox uzun müddətə milyonçu ola bilərsiniz, daha qısa yolu üçün buyurub mərkəzi bankı soyabilərsiniz. dünyada youtubedan milyonçu olan yüzlərlə adam var niyə biri də siz olmayasınız?
1-ci yol: kreativ olaraq ingilis dilində video hazırlamaq. bu yol nisbətən daha çətindir amma mümkünsüz deyil. maraqlı məlumatları internetdən götürüb daha sonra həmin məlumatlara görə maraqlı video hazırlasanız xeyli sayda abunə yığa bilərsiniz. video hazırlamaqdan başınız çıxmırsa bir dostunuzdan xahiş edin və ya dostunuzla ortaq kanal açın, bu daha asan olar.
2-ci yol: bu yol biraz illegaldır. youtube bilən kimi sizin kanalı banlayacaqdır amma youtube bilənə kimi siz pulu götürə bilərsiniz (adsense ayrı email ilə açılmalı olsa əgər) ingilis dilində olan çox abunəsi olmayan və izlənməsi 10-20 min arası olan kanal tapın, daha sonra həmin kanalın videolarını türk (tövsiyə eləmirəm), ərəb (reklam gəlirləri çoxdur), fransız (google translatedən istifadə edərək) vs dillərdə yükləyin, cəlbedici taglar (+18) ilə çox sayda baxış yığa bilərsiniz.
qeyd: cəlbedici tagları tapmağın yolu chromeda youtube tag deyə bir əlavə var onu yükləyin daha sonra izlənməsi 3-4 milyon olan erotik tərzdə video tapın həmin əlavə vasitəsilə tagları öz videonuzda istifadə edin (əvvəllər youtube keyvords vardı amma indi pulludur)
3-cü yol: bu yol çox daha asandır. rastgələ bir neçə videonu kanalınıza yükləyin (copyright olmasın). həmin videoda reklamların açıq olduğundan əmin olduqdan sonra çıxın internet kafelərə (hər kafeyə bir dəfə gedin çünki kompüterlər eyni modemdən bağlanır) öz videolarınızda olan reklamlara bir dəfə kilikləyin və açılan reklam saytlarında 1-2 dəq surf eliyin. bakıda xeyli sayda internet kafe olduğunu nəzərə alsaq sizin yenə də milyonçu olmaq şansınız var.

yaşından balaca görünmək +20 əjdaha avatar
əsasən fiziki görünüşə görə yaşından balaca görünmək mümkün olur. başa gələ biləcək şanssızlıqlardan biridir.
kassir qızın səndən kiçik olmasına baxmayaraq, sənə "qaqaş" deyə xitab etməsi adama zərbə vurur. ciddiyəti məhv edir. orta məktəbi bitirəli haradasa 3 il olsa belə yenə də təsadüfi bir bərbər'ə gedəndə "neçənci sinifdə oxuyursan?" sualını almaq da adamı dəliyə çevirir. cavab olaraq universitetdə oxuduğun kursu deyirsən və bərbər gülümsəyərək "hə? bağışlaye, tələbəyə oxşamırsan ona görə." deyir. adamın əhvalı pozulur, asosial olmağa davam edirsən. başqa bir problem də var ki, xarici görünüşə görə ciddiyə alınmırsan. hamı səni yola verir. yaxın hesab etdiyim adama (artıq yoxdur) ciddi bir şey haqqında danışırdım, sonra fikir verdim ki, bəs bu məni yola verir. əvvəl elə bilirdim problem məndə deyil amma çoxluğun məni yola verdiyini görəndə başa düşdüm ki, problem məndədir.
insan həyatının ən dəyərli dövrü olan gəncliyi belə yaşamağa imkan vermir, yaşından balaca görünmək. gəncliyinin ən yaxşı dövründəsən və artıq universiteti belə bitirirsən amma hələ də 11-ci sinifi bitirməyə hazırlaşan yeniyetmə kimi görünürsən. nazik qollar, içəri batmış bir qarın boşluğu, içində üzdüyün bir köynək; qısaca xərçəng xəstəsi kimi görünürsən. belə halda, səni kim ciddiyə alar? heç kim sənə yaxın belə durmaz çünki xaricdən narkotik istifadəçisinə oxşayırsan. keçən dəfə bulvardayam, oturmağa boş yer var idi amma yenə də ayaq üstə kənarda dayanmışam. çünki tək başımayam, əlbəttə ki, dost tanışım yoxdur, asosialam. tək başına da oturanda gəlib keçən cütlüklərin, qocaların "ala yeri niyə zanit eləmisən?" baxışlarına məruz qalırsan. məcburən ayaq üstə dayanıb telefonda pulsuz internet vasitəsilə house of cards'ın yeni sezonunu yükləyirəm. birdən yolda təsbeh sallayan qaqalara bənzəyən birisi "konturun olmaz, qaqaş?" dedi mən də yox cavabı verdim. gəldi yanımda durdu "ala yaman gündəyəme qaqa, sən başa düşən oğlana oxşayırsan." deyəndə bildim ki, işə düşdüm pul istəyəcək. sonra başladı mənə klassik "qaqa sözləri" deməyə, yəqin məni də o "qaqalara" bənzətdi çünki elə kənardan baxanda elə o "qaqalara" oxşayıram. bir də mənə yaxınlaşmasının səbəbi zəif fiziki görünüşüm idi. ibrətli "qaqa sözülərinə" məcburən qulaq asandan sonra məndən biraz pul istədi. cibimdə 60 qəpik var idi, 20 qəpiyini buna verdim. amma getmədi, mən də bilmirəm ki, nə deyim gedim. durdu mənim yanımda hələ bir nəfəri də çağırıb "qaqalar sözü" deyəndən sonra 1 manat aldı və mən isə yavaş-yavaş qorxurdum. çünki polis "pul yığan qaqaları" gördüyü anda bölməyə aparır. hələ bu "qaqa" mənə əvvəlki tutulmağından da danışırdı. bilmədim necə gedim, sonra bu dedi ki, gəl gedək tualetə biraz işim var. mən də çarəsiz qaldım bunun yanında gedirəm. tualetə bu girdi, mən isə gizlincə bayıra çıxaraq qaçdım. metroya özümü atdım və evin yolunu tutdum. bir dəfə də artıq bulvara tək başıma getmərəm. bu da o deməkdir ki, heç vaxt getməyəcəm. bu hekayəni sizə danışmaqda məqsədim odur ki, xarici görünüş çox şeyi müəyyən edir. məsələn, mən əgər zəif, cılız, xəstə kimi görünməsəydim həmin "qaqa" cürət edib yaxınlaşa bilməzdi.
təbii ki, bu hal insanın psixologiyasına da təsir edir, sosial fobiya yaradır, ən yaxşı halda asosiallığın təməlləri güclənir.
xarici görünüşü yaxşı olmayan, yaşından balaca görünənlər bəlkə də heç vaxt əsl sevgini yaşaya bilməyəcək. istər bütün dünya elmlərini əla bil amma heç kim xarici görünüşünü bəyənmədiyi kimsənin daxili ilə maraqlanmaz. əgər maraqlanırsa bilin ki, onu siz yox, başqa şey (pul, vəzifə) maraqlandırır.
amma çox da fikir etməyin, həyatdır. daha da pis vəziyyətdə ola bilərdik.

təyyarədə yer istəyən insan +16 əjdaha avatar
Ölkədaxili istiqamətlərə uçuş zamanı qarşınıza çıxan, rayon avtobusu ilə təyyarəni səhv salan insandır. Əsasən, yanında uşağı olan qadınlar bunu edir, hardasa başa düşmək olur. Bəzən isə bir xanım kişilərin yanında oturmamaq üçün xahiş edir; ölkədəki cinsi aclığı, sevgiyə ac şərq düşüncəli kişiləri nəzərə alıb məcbur yerini verirsən, bunu da hardasa başa düşmək olur. Amma pəncərə kənarında oturub ətrafı seyr etmək istəyən insan sırf bu səbəbdən yer istəyəndə başa düşmək olmur.

qiyas ibrahimov +13 əjdaha avatar
nəhayət ki, amnesty international qiyas və bayram haqqında bəyanat yayıb. bəyanatın qısa məzmunu aşağıdakı kimidir:

" biz inanırıq ki, gənclərin narkotik maddə üzrə həbs edilməsi hakimiyyət tərəfindən məqsədli şəkildə həyata keçirilib. biz gənclərin dərhal azad edilməsini və azərbaycan hakimiyyətini demokratik dəyərlərə sadiq olmağa çağırırıq. eyni zamanda bütün təşkilatları gənclərin azad edilməsi üçün azərbaycan hakimiyyətinə təzyiq göstərməyini tələb edirik. "

qısa məzmunu amnesty international-ın rəsmi saytından tərcümə etdim. daha ətraflı rəsmi saytdan oxumaq olar.

azərbaycandan rədd olub getmək +12 əjdaha avatar
universitetin birinci kursunda olanda yolda bir "qazel" saxladı. 40-50 yaş arasında olan bir kişi sürürdü. Sağolsun məni yolda qoymamışdı. Qısa tanışlıqdan sonra söhbət fırlandı gəldi ölkəyə.
"Adam kimi yaşamaq istəyirsənsə xaricə, avropaya get. Burada insanın dəyəri yoxdur. Buralar nədi axı, Əfqanıstana oxşayır. Oxu qurtar, qaç buralardan. Mən qaça bilmədim, indi it kimi peşmanam."
Bu şəkili də atmaq adətdəndir.

azərbaycan vətəndaşlığından çıxma +11 əjdaha avatar
vətəndaşın müraciəti əsasında aidiyyəti dövlət qurumları şəxsin vətəndaşlıqdan çıxma məsələsinə baxdıqdan sonra əgər bütün sənədlər qaydasındadırsa, prezidentin müvafiq sərəncamı əsasında şəxsin vətəndaşlığına xitam verilir.
vətəndaşlıqdan çıxmaq üçün şəxsin, azərbaycan respublikası qarşısında heç bir öhdəliyi olmamalıdır.
əlavə olaraq 60 dollar da dövlət rüsumu tələb olunur.

--spoiler--

azərbaycan respublikasının vətəndaşlığından çıxma üçün tələb olunan sənədlər
azərbaycan respublikası prezidentinin adına yazılmış ərizə-anket
4 ədəd 3x4 ölçüdə fotoşəkil;
yaşayış yerindən ailə tərkibi haqqında arayış;
dövlət qarşısında icra edilməmiş öhdəliklərinin olmaması və ya azərbaycan respublikasında hüquqi və fiziki şəxslərin mənafeləri ilə bağlı olan əmlak öhdəliklərinin olmaması barədə müvafiq sənədlər;
hərbi biletin surəti;
dövlət rüsumunun ödənilməsi barədə sənəd;
şəxsiyyəti təsdiq edən sənədin surəti;

--spoiler--