juzou_9


91   5   0   0
9.nəsil yazar
entry: 91
reytinq: 469
karma: 6,021 karma
izləyən: 11
oxunma: 17,230
sifariş sayı: 1




(youtube: )



stigmata

isa peyğəmbərin çarmıxa çəkilərkən əllərinə, ayaqlarına mismar ilə vurulan 4 yara və çarmıxda ölüb-ölmədiyinə yoxlamaq üçün gövdəsinə yeridilən nizə yarası ilə birlikdə ümumilikdə beş müqəddəs yaraya verilən ad.

Deməli, bu beş müqəddəs yaralar tarix boyu bəzi insanlarda meydana gəlib. Stigmatanın ilk simptomları biləklərdə başlayır. Daha sonra isə digər yaralar da açılaraq stiqmata tamamlanır. Stigmatanı qəbul edənləri Roma Papası birbaşa hüzuruna çağırıraq onu qəbul edir. Bu hadisə, nə hikmətsə, adi adamlardan daha çox dinə bağlı adamların başına gəlir. Bunun səbəbi onunla əlaqələndirilir ki, dinə bağlı olan adamları Allah mükafatlandırır və isanın beş müqəddəs yarası ilə içlərindəki pislikləri qusdurur.

Stigmata simptomlarının görüldüyü ən məşhur şəxslərdən biri Francesso Forgione və ya digər adı ilə Padre Piodur. 23 yaşında olarkən onun əllərində ilk yaralar meydana gəlməyə başlayır. 31 yaşında isə stigmatası tamamlanır. Stigmatanı qəbul etdiyini görə Francesso Forgione ruhani ata adını alır. Papanın hüzuruna qədər çıxır. Hətta bir ara xristianlar arasında papadan belə daha çox nüfuza sahib olur.

Hal-hazırda stigmata hadisələri mediyada yer-yer boy göstərir. Bunların yalan və doğru olmasını demək isə heç də asan deyil. Çünki stigmata hadisələrinin əksəriyyəti aldatmaca olur. Xüsusilə padre piodan sonra stigmatanı qəbul edənlərin necə böyük hörmət və qayğı gördüklərinin fərqinə varan insanlar öz əllərində və ayaqlarında müqəddəs yaraları açaraq özlərini stigmatanı keçirənlər kimi qələmə verirdilər.

Mənbələrə əsasən stigmata hadisələrinin sadəcə az bir qismi real, əksəriyyəti isə aldatmacadır. Buna görə stigmata hadisələrini araşdırmaq üçün Vatikanda xüsusi bir komissiya qurulur. Həmin komissiyanın gəldiyi qənaətə əsasən hadisənin stigmata olub-olmadığını aydınlaşdırmaq üçün aşadakı yol izlənilir:
1. ilk öncə yaralar dairəvi deyil, dördbucaq formasında olmalıdır
2. Yaralar ovuç içində deyil, biləkdə olmalıdır. Çünki isa peyğəmbər biləklərindən çarmıxa çəkilmişdi.
3. Ayaqdakı yaralar ayaq biləyinin biraz üstündə olmalıdır və yaralar olmasına baxmayaraq stigmatanı keçirən insan normal şəkildə yeriməyi bacarmalıdır.
4. Ən önəmlisi isə odur ki, yaralardan axan qan stigmatanı keçirən insanın qanı ilə eyni qan qrupuna aid olmamalıdır. Çünki axan qan həmin insanın qanı deyil isanın qanıdır.

Bunların hamısı stigmatanı keçirən insanda varsa, o artıq müqəddəs insan hesab olunur və ən qısa zamanda papanın hüzuruna çıxarılır.

Maraqlısı isə odur ki, bu qaydalar çıxandan sonra Papanın hüzuruna çıxarılan stigmata keçirən insanların sayında ciddi şəkildə azalma yaranır. Demək olar bütün stigmata keçirən insanların əslində stigmata keçirmədikləri, ya özlərinin bu yaranı açdıqları ya da ki hansısa dəri rahatsızlıqlarına malik olduqları aşkar olunur.

Bəlkə Padre Pioda da eyni vəziyyət idi. Çünki onun yaşadığı zamanda Vatikan stigmata ilə bağlı tələblərini müəyyən etməmişdi. Lakin bununla stigmatanın yalan olduğunu demək heç də doğru olmazdı. Stigmatanın doğru və yaxud yalan olduğu hələ də müəyyən edilməyib. Tarix boyu 700-dən çox stigmata hadisəsi baş verib. Bizə məlum olan ilk Stigmata hadisəsi 13-cü əsrdə olmuşdur. Bundan sonra isə tarix kitablarında yer-yer stigmata ilə bağlı məlumatlar öz əksini tapmışdır.

Eyni zamanda Stigmatanın tibbi bir açıqlaması yoxdur. Hər hansı bir xəstəlik olmadan dəri üzərində yaraların meydana gəlməsi real görünmür. Digər bir tərəfdən isə internetdə stigmata keçirən insanın video yazısına və yaraların açılması anına rast gəlmədim. Lakin çoxlu sayda şahid ifadəsi var idi. Arada qaldım, bilmədim inanım ya yox.

7 əjdaha! juzou_9

21.09.2021 - 17:37 #336947 mesaj facebook twitter

attestupa

Qədim dövrlərdə skandinaviya ölkələrində həyata keçirilən, hərfi mənası "intihar" olan riutal.

Skandinaviya ölkələrində yaşayan qədim sakinlər insan həyatını 4 fəslə bənzədirdilər;
1. Yaz fəsli, 1 yaşdan 18 yaşa qədər; insan böyüyür və öz məqsədini tapmağa çalışır.
2. Yay fəsli, 18 yaşdan 36 yaşa qədər; Artıq məqsədini tapmış insan öyrənməyə, özünü inkişaf etdirməyə çalışır.
3. Payız fəsli; 36 yaşdan 54 yaşa qədər; Bu dövr işləmək dövrüdür. Müəyyən bir sahə üzrə peşəkarlaşan insan artıq işləməyə başlayır.
4. Qış fəsli; 54 yaşdan 72 yaşa qədər. Mentorluq dövrü. Həyatı boyu yığdığı təcrübələrlə kamilləşən insan özündən kiçiklərə yol göstərir və nəyin yaxşı, nəyin pis olduğunu başa salır.

72 yaşında isə insan həyatdakı bütün məqsədlərinə çatır. Skandinaviyada yaşayanlara görə artıq bu yaşdan sonra insanın yer üzündəki vaxtı bitmiş sayılır. Buna görə attestupa adlanan ritualla insan həyatına son verirlər.

Bir insan 72 yaşına çatdıqda o, ya öz razılığı ilə, ya da ki zor güclə dik uçurumlardan aşağı atılır. Əgər uçurumdan aşağı düşəndə həmin adam ölməzsə, öz xalqı tərəfindən öldürülürdü. Bəzən belə uçurumların özünə də attestupa deyərlərdi. Onu da qeyd edim ki, bu yolla öz həyatını sona yetirmək çox şərəfli hərəkət sayılırdı. Əgər skandinaviyada yaşayan biri attestupa etməsə, həmin adam lənətlənmiş sayılır və xalq onu özündən təcrid edir.

Neftlix"də yayımlanan Norseman komediya serialında attestupa ritualı mizahi bir dillə göstərilmişdir.

(youtube: )


Eyni zamanda 2019-cu il istehsalı midsommar filmində də attestupa ritualına aid səhnəyə yer verilmişdir.
(youtube: )

10 əjdaha! juzou_9

20.09.2021 - 16:32 #336875 mesaj facebook twitter

taxation is theft

Qədim zamandan bəri dövlətlərin maliyyə cəhətdən əsas onurğa sütunu olan, həyatımızın hər məhləsində istəsək də, istəməsək də ödədiyimiz verginin soyğunçuluq olduğunu müdafiə edən libertarianların arasında yayılmış sloqan. Bunun bir digər versiyası isə "tax is a legalized theft"dir.

Ümumiyyətlə vergi məcburi, fərdi və əvəzsiz ödəniş kimi qəbul olunur. Bu bir çox ölkələrin qanunvericiliyində də öz əksini tapır. (bax: Vergi Məcəlləsi, 11-ci maddə) Yəni dövlət fərdi qaydada vətəndaşdan qarşılığında hər hansı bir şey ödəmədən və yaxud vermədən məcburi şəkildə pul alır. Doğurdan da belə dedikdə vergi ilə soyğunçuluq arasında fərq olmur. Çünki soyğunçuluq da eyni sistem ilə işləyir. Birinin malını/pulunu onun razılığı olmadan məcburi şəkildə alırsan və qarşılığında da isə heçnə vermirsən. Lakin tək fərq odur ki, vergi ödəyicilərin əksinə soyğunçuluğa məruz qalan şəxslərin sığınacaqları hüquq mühafizə orqanları var.

Dövlətin isə müdafiəsi budur ki, vergini yığmaqda əsas məqsəd dövlətin və bələdiyyələrin fəaliyyətinin maliyyə təminatıdır. Yəni, vergi yolların salınması, xəstəxanaların, məktəblərin və digər infrastruktur binaların tikilməsi, dövlət qulluqçularının maaşlarının ödənilməsi üçün lazım olan pul vəsatini qarşılamaq üçün vətəndaşlardan alınan ödənişdir.

Buna müəyyən qədər haqq qazandırmaq olar. Amma belə bir şey fikiləşək, tutaq ki, dövlətin vergiyə ehtiyacı yoxdur. Məsələn, dövlət təbii qaynaqlardan və yaxud digər sahələrdən əldə etdiyi gəlir ilə yuxarıda göstərilən maliyyə təminatını tam şəkildə qarşılayır. O zaman dövlətin yenə də əhalidən vergi almağı soyğunçuluq olmur? Və yaxud başqa bir ssenari deyək, dövlətin maliyyə təminatını 10% gəlir vergisi ödədiyi təqdirdə əhalidən 15% gəlir vergisi toplanılırsa, həmin artıq ödənilmiş 5% vergi soyğunçuluq olmurmu?

Birləşmiş Ərəb Əmirliklərində əhali üzərinə qoyulan gəlir vergisi sıfır faizdir. Bunun səbəbi isə dövlətin təbii qaynaqlardan əldə etdiyi gəliri və ölkədə fəaliyyət göstərən korporasiyalardan aldığı vergi ödənişi dövlətin maliyyə təminatını ödəyir. Buna görə dövlət əhali üzərinə hər hansı vergi təyin etməmişdir.

Vergi sistemi dövlətin əlində olan nəzarət edilməsi gərəkən bir sistemdir. Yəni vergi dərəcələri təyin olunarkən nəyə görə bu miqdarda təyin olunduğunu dair statistika, əsaslandırma və bu dərəcələrin müəyyən edilməsinə nəzarət edən müstəqil bir orqan olmalıdır.

Qeyd edim ki, Azərbaycanda gəlir vergisi 14% (fiziki şəxslərdən alınan vergi), mənfəət vergisi isə 20% (hüquqi şəxslərdən alınan vergi) kimi müəyyənləşmişdir. Bu göstəricilərlə Azərbaycan neft, qaz və digər faydalı qazıntılarla zəngin olan ölkələr arasında ən yüksək vergilərə sahib ölkələrin başında durur. Ümumiyyətlə neft, qaz ölkələrin əksəriyyətində vergilər yox deyiləsi qədər azdır.

Son olaraq deyə bilərik ki, haqqlı şəkildə təyin olunmuş vergi soyğunçuluq deyil, dövlətin fəaliyyətini təmin edən maliyyə vəsatətidir. Lakin əhalidən toplanılan vergi ehtiyac olmadığı halda toplanılırsa və ya bu vəsaitlə mənimsənilən pulların yeri doldurulmağa çalışılırsa, bunu rahat şəkildə soyğunçuluq adlandırmaq olar. sifarişi verən: cornelius fudge

16 əjdaha! juzou_9

15.09.2021 - 19:15 #336490 mesaj facebook twitter

snapping wrists with rubber bands

Tərcüməsi "biləyə rezin ilə vurmaq" olan, daha çox depresiyadan əziyyət çəkənlər tərəfindən tətbiq edilsə də, ümumiyyətlə pis verdişlərin qarşısını almaqda insana olduqca kömək edən metod.

Metoddan istifadə etmək üçün ilk öncə hər yerdə əldə edə biləciyimiz dairəvi rezini qolbaq kimi biləyə taxırıq. Daha sonra hər dəfə depresif fikirlər beyindən keçəndə rezini dartaraq biləyə zərbə vururuq. Zərbə nəticəsində ani ağrı yaranır. Hər dəfə bunu etdikdə isə beyin ağrı ilə depresif fikirləri əlaqələndirməyə başlayır. Beyin bir yerdən sonra elə zənn edir ki, ağrıya səbəb olan şey həmin depresif fikirlərdi. Çünki nə zaman belə düşüncələr haqqında fikirləşiləndə ani ağrı yaranır. Beləliklə, beyin belə düşüncələrdən bacardığı qədər uzaq durmağa çalışır.

Belə deyim, beynimiz bizi mənəvi ağrılardan qorumağa çalışmır, ümumiyyətlə mənəvi ağrılarımız beynimizin vecinə belə deyil. Bir insan mental olaraq nə qədər çökmüş olsa da, fiziki cəhətdən sağlamdırsa, beyinə görə hər şey okaydir. Lakin əgər beyin fərqinə varsa ki, bu fikirlər mənəvi ağrı ilə yanaşı fiziki ağrı da gətirir, bacardığı qədər belə fikirlərdən uzaq durmağa çalışacaq.

Bu bir çox psixoloqlar tərəfindən mental xəstələrə tətbiq edilən metoddur. Eyni zamanda bunu sadəcə depresiyadan əziyyət çəkənlər deyil, pis verdişlərdən qurtulmaq istəyənlər də istifadə edə bilər.

Tutaq kı siqareti tərgitmək istəyirsiniz. Təbii ki, bu zibili uzun illərdir çəkirsinizsə, bunu atmaq heç də asan olmayacaq. Siqareti tərgitməyə başladıqdan sonra isə nə vaxt siqaret çəkmə istəyi gəlsə, rezinlə qola bir dəfə vurursunuz. Bir müddətdən sonra yenə beyin siqaret çəkmə istəyi ilə ağrını əlaqələndirir. Bundan sonrası da artıq hamıya məlumdur.

17 əjdaha! juzou_9

14.09.2021 - 18:01 #336411 mesaj facebook twitter

universitetə girəcəklərə məsləhətlər

Sadəcə yeni daxil olan 1-ci kursların deyil, eyni zamanda keçən il qəbul olan 2-ci kursların da nəzərə almalı olduğu məsləhətlərdir. Çünki onlayn keçirilən universitet dərsləri ilə əyani keçirilən dərslər arasındakı fərqi 2-ci kurslar bu ilki dərs ilində tam şəkildə anlayacaqlar. Bir sözlə içində olduqları illuziyadan ayılacaqlar.

ilk öncə onu qeyd edim ki, sadəcə universitetin sizə verdiyi imkanlar ilə kifayətlənməyin. Davamlı olaraq alternativlərdən istifadə edin. Bu təcrübə proqramı, ixtisasınıza uyğun part-time iş ola bilər. Yəni bu dörd ili sadəcə universitet dərslərini oxumaqla, və univeritet məllimlərinin tapşırıqlarını yerinə yetirməklə kifayətlənməyin. Qiymətə və ballara görə isə stress və qorxu keçirməyin. inanın, o qiymətlərin və balların sizin gələcəyiniz üzərində hər hansı təsiri yoxdur. Ucu-bucağı görünməyən rus ədəbiyyatlarından ala yarımçıq tərcümə edilən mühazirə mətnlərini nöqtəbənöqtə əzbərləməkdənsə, sizə lazım olan şeyləri öyrənin. Məllimin buna görə sizə aşağı bal yazmasından isə çəkinməyin. Bilmirəm, niyə amma bu qəribə şəkildə adama biraz da olsa digərlərindən azad olduğunu hiss elətdirir. Belə alınan 5,6 bal mənə gecə-gündüz oxuyub əzbərlədiyim üçün alınan 9,10 baldan daha çox həzz verirdi.

Alternativlər faydalıdır, lakin universitetdən də bəzi şeyləri tələb etməyi unutmayın. O boyda əziyyəti bəzi insanların sırf fəlsəfə doktoru olsun deyə sizin vaxtınızı alması üçün çəkməmisiniz.

Sırf cv-də görünsün deyə könüllü olmayın. Könüllülük proqramının sizə nəsə qatacağını düşünürsüzsə, həmin proqrama qoşulun. Haqqınız verilmədiyi proqramlardan isə uzaq durun. Heçkimin sizi istismar etmək hüququ yoxdur. Mənim 5 ay könüllü kimi getdiyim yerlərdən sertifikat almadığım vaxt belə olub. Heç könüllülük proqramı da deyil idi. Sadəcə adam mənə işi öyrədirdi və mən nəsə öyrəndiyimi hiss edirdim. Yoxsa hər könüllülük proqramına "qoy buna da gedim, bundan da sertifikat alım" məntiqi ilə baxmayın.

imkanınız yoxdursa, ixtisasınıza aid olmayan işlərdə (ofisiant, kassir kimi) işləməkdən çəkinməyin. Bunun sizin gələcəkdəki kariyeranıza yaxından-uzaqdan təsiri yoxdur və yaxud gələcəkdə big four-da işləməyinizə hər hansı əngəl kəsb etmir. Əksinə bu vəziyyət sizi daha da püxtələşdirəcək.

Tam olaraq bu sahələrdə işləməyəcəksinizsə və yaxud bunları öyrənməyə ehtiyacınız yoxdursa, mühasibatlıq, MC Office proqramları, iT və dil kurslarına getməyin. Bunları özünüz öyrənməyə çalışın. bu kursların əksəriyyəti 3-4 ay, maksimum isə 6 aylıq olur. Kurs bitdikdən sonra isə tədricən öyrəndikləriniz yaddan çıxmağa başlayacaq. O qədər tanışlarım var ki, birinci kursda excell, mühasibatlıq kurslarına gedib axrıncı kurslarda öyrəndikləri yadlarından çıxıb. Deməyim odur ki, əgər bunlara ehtiyacınız yoxdursa, bu kurslara getmək zəruriyyət deyil. Ehtiyacınız olanda öyrənin ki, kursu bitirən kimi öyrəndiklərinizi tətbiq edə biləsiniz. Məsələn, mühasibatlıq işində çalışırsınızsa, onda həmin kurslar faydalıdır. Yoxsa universitetin birinci kursundan bunları etməyin hər hansı faydası yoxdur.

Son olaraq bir məlimimin sözünü qeyd etmək istəyirəm. Deməli bu adam hüquq fakültəsində dərsini oxumayan tələbələrə demək olar heçnə demirdi. Sadəcə aşağı qiymət yazıb yola salırdı. Bir dəfə yenə belə tələbəyə aşağı qiymət yazandan sonra döndü bizə dedi ki, "elə bilirsiz, bu tələbə gələcəkdə yaxşı yerdə olmayacaq? ən az sizin qədər yaxşı, sizin qədər olmasa da sizə yaxın bir yerdə olacaq. Bilirsiz niyə? çünki o, dərsini oxumasa da, hər gün bu auditoriyaya gəlib-gedir. Onun gələcəkdə adam olması üçün bu tələbə mühiti, bu auditoriyanın havası belə bəsdi."

Onu bilin ki, tələbəlik sizin həyatınızda unikal bir zaman kəsiyidir. Bu illərdə özünüzü çox gücə salıb kurslara gedərək, bütün günü dərs oxuyaraq keçirməyin. Tələbəlik elə tələbəlikdi. Sadəcə yaşayın. Elə o auditoriyanın havasını alsaz, bəsdi.

10 əjdaha! juzou_9

07.09.2021 - 18:00 #335811 mesaj facebook twitter

necə yəni millət acdı hamının özü boyda qarnı var

Azərbaycanda əhalinin həyat səviyyəsinin aşağı olduğunu bildirdikdə əksərən orta yaşlı insanlar tərəfindən deyilən ifadə. Bunun digər bir varinatı isə "pis yaşamırıq ki, ac deyil, yalavac deyilik, yeməyimiz, içməyimiz var."-dır.

Həqiqətən də, ölkədə əhalinin yeməyə kifayət qədər yeməyi və içməyə də suyu vardır. Əksəriyyət isə ac deyil. Yaxşı, gəlin baxaq görək Azərbaycanda əhali nə yeyir.

Deməli, statistikaya link əsasən Azərbaycanda il ərzində ortalama bir adam 3.20 kiloqram dəniz məhsulu istehlak edir. Dənizə çıxışı olmayan Zimbabvedə belə (3.73 kq) adam başına düşən dəniz məhsulu istehlakı Azərbaycandan çoxdur.

Eyni zamanda adam başına düşən qırmızı ət istehlakına görə Azərbaycan (adam başı 34.8 kq) Venezuella (40.94 kq), Oman (43.34 kq), Mərkəzi Afrika (35.90 kq) kimi ölkələrdən geri qalır. link

Toyuq və yumurta istehlakına görə də Azərbaycan dünya üzərindəki ortalamadan aşağıdır.

Bütün bunlara baxmayaraq Azərbaycanda artıq çəki problemi Avropa ölkələrinin əksəriyyətindən daha çox yayılmışdır. Bu statiskaya link əsasən, Azərbaycan əhalisinin 20% faizi artıq çəkidən əziyyət çəkir. Yəni hər 10 insandan 2-də artıq çəki, piylənmə problemi var.

Bunun əsas səbəbi isə düzgün və sağlam qidalanmama və davamlı olaraq karbonhidratla bəslənmədir. Düzgün və sağlam qidalanmamağın ən əsas səbəbi isə yoxsulluqdur. ABŞ-da edilən araşdırma nəticəsində məlum olub ki, yoxsulluq səviyyəsi artıqca artıq çəki problemi də artmağa başlayır. Artıq elə bir dövrdə yaşayırıq ki, yoxsulluq aclığa deyil, sağlam qidalanmamaqla artıq çəkiyə səbəb olur. Maddi vəziyyəti aşağı olan bir ailə ay ərzində yeməklə bərabər çörəkdən çox istifadə edir və bununla yanaşı makaron, kartof kimi ucuz amma karbonhidratla zəngin qidalarla bəslənir. Bu da öz növbəsində artıq çəki probleminə gətirib çıxarır. Bir sözlə inkişaf etməmiş ölkələrdə yoxsulluq artıq çəkiyə deyil, qıtlığa yol açır. Lakin nisbətdə inkişaf etmiş ölkələrdə bu problem insanlarda artıq çəki probleminin yaranmasına səbəb olur. Çünki sağlam olmayan və qida dəyəri aşağı olan qidalar daha ucuz olur.

Yəni sabah biri çıxıb "necə yəni millət acdı, hamının özü boyda qarnı var" desə, bunun səbəbi bəllidir. Çünki Azərbaycanda qidalanma vərdişi yox dərəcəsindədir.

Bu statiskaya link əsasən Azərbaycanda insanlar günlük enerji ehtiyatlarının 73 faizini karbonhidratlı qidalardan alır. Aşağıdakı alıntı isə hər şeyi izah edir:

This map shows contribution of carbohydrates in total dietary energy consumption.
- World: 63%
- Developed countries: 53%
- Developing World: 67%
- Sub-Saharan Africa: 72%
Göründüyü kimi Azərbaycan 73 faizlik göstərici ilə bu kateqoriyanın ən sonuncu hissəsi olan Sub-Saharan Africa hissəsinə daxil olur.

Karbonhidratlı qidaları üstünlük vermək Azərbaycanda olan artıq çəki və yoxsulluq problemini əslində izah edir.

Bunu da qeyd eləmək lazımdır ki, Azərbaycan tərəvəz istehlakına görə (bir il ərzində adam başı 159 kq) ortalama bir dövlətdir. Yəni əhali daha çox karbonhidrat və tərəvəz ilə qidalanır. link Tərəvəzlə qidalanmağı sağlam qidalanmaq kimi qələmə vermək isə heç də düzgün deyil. Çünki tərəvəzlə sağlam qidalanmaq hər gün kartof yemək mənasına gəlmir. Belə ki sağlam və düzgün tərəvəz diyeti bahalı prosedurdur.

Toyuq əti istehlakında da yenə Azərbaycan ortalama istehlakdan aşağıdır. link Yəni protein ehtiyacını toyuqla da qarşılaya bilmirik. Azərbaycanda nə ət, nə balıq, nə toyuq normal insanın protein ehtiyacını qarşılamağa kifayət edəcək qədər istehlak edilmir.

Son olaraq karbonhidratla çox qidalanmaq stress, yuxusuzluq, depressiya, hərəkətsizlik və ən əsası beynin yavaşlamasına səbəb olur. Buna görə gün ərzində balıq, cəviz, ət kimi proteinlə zəngin qidalarla bəslənən avropalı ilə enerjisinin 70 faizini karbonhidratlı qidalardan alan Azərbaycanlı arasında həmişə fərq olur. Bu faktor insanın həm mental, həm fiziki vəziyyətinə, eyni zamanda görülən işə verdiyi enerji və efforta güclü şəkildə təsir göstərir.

Azərbaycandaki market qiymətlərini nəzərə alaraq deyə bilərik ki, bir insanın bir ay ərzində sağlam və balanslı qidalanması üçün minimum 400-500 (bəlkə daha da çox lazımdır, mən ən minimumunu götürürəm) manat pul lazımdır. Bu isə ortalama Azərbaycan ailəsində mümkünsüz bir şeydir. Bu cümləni yazarkən belə aylıq 300 manata ailə saxlayan tanışlarım gözümün qabağına gəlir.

Bütün bunların nəticəsində isə boz bir cəmiyyət yaranır. Əksər insanların üzündən halsızlıq, yorğunluq hiss olunur və hamının başı öz məişət problemlərinə qarışır. Əksəriyyət nə siyasətlə maraqlanır, nə özünü inkişafa səy göstərir. Çünki onların həmişə bu mövzulardan daha böyük problemləri olur. Onsuzda qidalanması yerlərdə olan əhalini bir də işəgötürənlər artıq işlətməklə daha da betər vəziyyətə salırlar. Sonda isə yaşamaq üçün yaşayan yox, ölməmək üçün yaşayan cəmiyyət formalaşır.

37 əjdaha! juzou_9

20.08.2021 - 13:08 #334504 mesaj facebook twitter

taliban

Hal-hazırda paytaxt Kabul başda olmaqla Əfqanıstanı öz idarəsinə almağı bacaran terror təşkilatı. Taliban 70 min əsgər heyətinə malik olmasına baxmayaraq qısa zamanda 350 min nəfərlik əsgər və polis heyətinə malik olan, Abş-ın dəstəyi ilə milyardlar xərclənərək formalaşdırılan Əfqanıstan ordusuna qalib gəlməyi bacardı. Bəyaz Saraya görə, bunun əsas səbəbi, 20 il boyunca təlim görmüş və milyardlar xərclənmiş ordunun lazım olan anda ölkələri üçün vuruşmaq əvəzinə kütləvi şəkildə bu qarşıdurmada iştirak etməməkləri idi.

Əslində belə demək düz olmazdı. Əfqanıstan müqavimət göstərdi, lakin daxildə satqınlıqlar çox olduğuna görə ordu ruhdan düşdü və təslim oldu.

Abş ordusu Əfqanıstandan çıxdıqdan sonra Taliban hərbi strategiyasında köklü dəyişikliklər etdi. 20 il boyunca şimaldan hücum edən taliban bu dəfə cənuba üz tutdu və işğala oradan başladı. Taliban Əfqanıstanın cənubunda olan Şibirqan şəhərini ələ keçirməklə burada strateji üstünlüyü ələ aldı.

8 avqust tarixində Kunduz şəhərinin ələ keçirilməsi Talibanın Əfqanıstana vurduğu ilk güclü zərbə idi. Bununla Əfqanıstanda ruh düşkünlüyü yaranmışdı. Şəhərlərin bəziləri döyüşsüz şəkildə Talibana təslim olurdu.

Əfqanıstan prezidenti Əşrəf Qani şəhərlərin talibanın nəzərəti altına keçməsi ilə lokal komandirlərə müraciət edərək onlardan kömək istədi.

Edilən müraciət nəticəsində lokal komandirlərdən biri olan ismayıl Xan Əşrəf Qani ilə görüşür. Bu görüşdən sonra Herata gedərək Talibana qarşı döyüşən orduya yardım edir.

Deyilənə görə, bir zamanlar ismayıl Xan Əşrəf Qanininin qəbuluna düşməkdə çətinlik çəkirdi. Əşrəf Qani onu qəbul edəndə isə "məşğulam, beş dəqiqə vaxtım var, buyur" deyərək ismayıl xanı alçaltmışdır. Lakin döyüş vaxtı o, ismayıl Xanın köməyinə möhtac olmuşdur.

ismayıl Xanın köməyi ilə əfqan qoşunları Heratda Taliban üzərində uğurlar qazandı. Taliban geri çəkilməyə məcbur oldu.

Daha sonra ismayıl Xan xəyanət nəticəsində Taliban militanlarına əsir düşür. Belə ki, Əşrəf Qaninin adamlarından biri Talibanla özünün əf edilməsi şərti ilə ismayıl Xanın onlara təslim edilməsi barədə razılaşır. Həmin adam ismayıl Xanı görüşə çağırır. 8 nəfər ilə görüşə gələn ismayıl Xan həmin yeri mühasirəyə alan Taliban militanları tərəfindən əsir götürülür. ismayıl Xanın əsir düşməsi xəbəri Əfqanıstan əsgərlərinə mənəvi zərbə vurur.

12 avqust tarixində Taliban Kabil ilə Kandahar arasında olan anayolu ələ keçirir. Bu tarixə qədər Taliban artıq ölkə üzrə 11 şəhəri ələ keçirmişdi.

Taliban bundan sonra Məzarı-Şərif şəhərinə hücumlar edir. Məzarı-Şərifin müdafiəsinə Abdürrəşit Dostum və Məhəmməd Nur rəhbərlik edirdi. Bu iki şəxs dəfələrlə taliban üzərində qələbə qazanmışdı. Çoxlarına görə Taliban Məzarı-Şərifdən o yana gedə bilməyəcəkdi. Çünki talibanın bu iki komandiri məğlub etməsini heç kəs gözləmirdi. Lakin 14 avqust 2021-ci il tarixdə Abdürrəşit Dostum ilə Məhəmməd Nur Məzarı-Şərifdən qaçırlar. Ertəsi gün Taliban şəhərə nəzarəti ələ keçirir.

Bu tarixdən sonra Məhəmməd Nur twittter hesabında "Dostum"la birlikdə çox böyük bir oyunun qurbanı olduq. Güclü dirənişimizə baxmayaraq hökumət və ordu qorxaqcasına özünü talibana təslim etdi. Dostum ilə məni oyuna gətirmək istədilər lakin bacarmadılar. Biz indi təhlükəsiz yerə gedə bilmişik. Danışılmamış bir neçə hekayəm var. Vaxtı gələndə hamısını danışacam." deyə açıqlama yayıb.

Məzarı-Şərifin tutulması ilə şimal tamamilə Talibanın idarəsi altına keçmiş, xalq prezident Əşrəf Qaninin istefasını tələb etməyə başlamışdı.

Taliban Kabil ətrafındakı 4 şəhəri müqavimətsiz aldı. Bununla onlar Kabili mühasirəyə almağı bacarmışdılar.

Kabil mühasirədə olarkən Gani ölkədən ayrılaraq Tacikistana qaçdı. Daha sonra Kabil talibana təslim edildi. Taliban militanları prezident sarayına daxil oldular.

Mənbələrə görə, Əfqanıstanın əsas məğlubiyyətinin səbəbi ordu deyil, ordunu idarə edənlər idi. Ordu lazımınca mübarizə aparırdı, lakin başda oturanlar ya xəyanət edirdilər, ya da ki ölkədən qaçırdılar. Eyni zamanda Əşrəf Qaninin lokal komandirləri talibana satması və idarəyə gənç, təcrübəsiz adamları gətirməsi məğlubiyyətin əsas səbəblərindən bir neçəsi idi.

Bir sözlə, Əfqanıstan idarəçilər tərəfindən edilən xəyanət və səriştəsizliklər nəticəsində Talibana təslim edildi. Talibanın Əfqanıstan üzərindəki hakimiyyəti, çox güman ki, müvəqqəti xarakter daşıyır. Lakin hakimiyyəti talibandan almaq yenə ölkədə dağıntılara gətirib çıxaracaq. Olan yenə mülki əhaliyə olacaq.

23 əjdaha! juzou_9

17.08.2021 - 18:55 #334360 mesaj facebook twitter

cowboy

Amerika fermalarında atları və inəkləri əhilləşdirən, onlara lazımi qayğını göstərən adamlara verilən ad. Kovboylar bir növ çoban idilər. Adından da göründüyü kimi (cow-inək, boy-oğlan) bu peşənin sahibləri western kinolarında təsvir edildiyi kimi quldurluq, qaçaqçılıq və yaxud atışma ilə yox sahiblərinin atlarını, inəklərini qorumaq, əhilləşdirmək və onları yemləməklə məşğul idilər.

Western filmlərinin, demək olar, hamısında cowboylar ağ dərili kimi təsvir edilmişdi. Lakin ilk cowboyların hamısı zənci idi. Demək olar, ağ dərili cowboya çətinliklə rast gəlinirdi. Amerikanın həmin tarixi dövründə at üstündə olan ağ dərili birinə cowboy deyil, cowhand deyilirdi. Yalnız zəncilər cowboy işi ilə məşğul olurdu. Ağ dərililərin isə bu işlə yaxından-uzaqdan əlaqəsi yox idi. Çünki niyə də bu işlə məşğul olsunlar. Tabeliyində kölələr olan bir ağ dərili adam niyə özü gedib atları, inəkləri otarsın və yaxud onların qeydinə qalsın.

Zənci cowboylar bu peşə ilə məşğul olmaqla bir çox bacarıq əldə etmişdilər. Onlar at, inək sürülərini quldur və yırtıcı heyvanlardan qorumaq üçün özlərində silahdan mükəmməl istifadə bacarığı formalaşdırmışdılar.

Köləlik ləğv edildikdən sonra cowboyluqla məşğul olan zəncilərin bəziləri əvvəlki sahibləri tərəfindən işə alındılar, bəziləri isə işdən ayrılaraq quldurluq, tətikçilik və s. işləri ilə məşğul olmağa başladılar. Əslində quldurluqla, tətikçiliklə məşğul olan zəncilər artıq cowboy hesab edilmirdi. Lakin cowboy adı artıq onlara yapışıb qalmışdı. Buna görə, cowboy deyən zaman ağlımıza çoban deyil, quldur və ya tətikçi gəlir.

Western filmlərində gördüyümüz ağ dərili cowboyların əksəriyyəti real həyatda zənci olublar. Köləlik ləğv edildikdən sonra ağdərili cowboylar da meydana gəldi. Lakin zəncilər cowboyluqda daha peşakar idilər. Tarixdə peşəkar cowboy kimi ad salan Bill Pickett, Bose ikard, Bass Reeves kimi cowboylar zənci olub. Maraqlısı odur ki, bu tarixi şəxsiyyətlərdən ilhamlanaraq çəkilmiş kinolarda həmin adamları ağ dərili aktyorlar canlandırmışdır.

Elə buna görə internetdə cowboy sözünü axtaranda qarşımıza yalnız ağdərili cowboy şəkilləri çıxır. Hollywood effect"inin daha bir uğuru.

6 əjdaha! juzou_9

16.08.2021 - 19:07 #334300 mesaj facebook twitter

28 iyul 2021 türkiyədə meşə yanğınları

iyulun 28-i və 29-u baş verən, Türkiyənin 21 vilayətini əhatə edən, azı 4 nəfərin həlak olduğu, 63 meşədə başlanan yanğın. Yanğının ən şiddətli olduğu yerlər Antalyanın Manavqat, Marmaris şəhəri və Bodrumdur. Yanğınların bəziləri yaşayış məntəqələrinə yaxın olduğuna görə turizm obyektləri və kəndlər təxliyə edilib.

Güclü küləyin olması səbəbi ilə yanğın qısa zaman ərzində böyük miqyasda yayılmışdır. Minlərlə heyvanın yanğında tələf olduğu bildirilir.

Yanğın ilə bağlı 10 yaşlarında iki uşaq saxlanılıb. Onlar ifadələrində bildirmişdirlər ki "kitab yandırırdıq, alov çoxaldı. Söndürmək istədik. Sönmədi. Biz də qaçdıq". Lakin bu uşaqlar sadəcə marmaris yanğını üçün günahkar hesab edilə bilərlər. Yanan sadəcə Marmaris olsaydı inandırıcı ola bilərdi. Lakin yanğının eyni zamanda fərqli-fərqli yerlərdə və xüsusi ilə turizm bölgələrində baş verdiyinə görə bunu sabotaj kimi adlandıranlar xeyli çoxdur. Artıq meşə yanğınları ilə bağlı 5 nəfər şübhəli kimi saxlanılıb.

7 əjdaha! juzou_9

30.07.2021 - 13:17 #333239 mesaj facebook twitter

qara mühasibatlıq

Sahibkarların, şirkətlərin, bir sözlə vergi ödəyicilərinin aktivləri, passivləri, mənfəətləri, xərcləri ilə bağlı qeyri-rəsmi mühasibat sənədlərinin toplusu. Yəni qara mühasibatlıq əslində həmin vergi ödəyicisinin real mənfəətini və xərclərini göstərir, həmin ödəyicinin dövlətə verdiyi rəsmi vergi bəyannaməsində isə vergidən yayınmaq üçün ya xərclər çox göstərilir, ya da ki gəlir və yaxud mənfəət az göstərilir.

Əslində qarşısı alınmalı bir prosesdir. Lakin Azərbaycanda vergi orqanları səyyar vergi yoxlaması zamanı qara mühasibatlıq adı ilə vergi ödəyicisinə aid olduğunu hesab etdikləri dəftər, kitabça, və komputerdən və ya flash diskdən götürülən elektron fayla, bir sözlə mühasibat otağında üstündə rəqəm olan hər hansı kağıza və fayla istinad edərək həmin vergi ödəyicisinə əlavə vergi məbləği hesablayırlar.

Hansı ki, heç də düzgün yanaşma deyil. Qara mühasibatlıqla məşğul olan vergi ödəyicisinə etdiyi əmələ görə sanksiya verilə bilər. Bu sənədlər əsasında isə vergi hesablanması yalnız həmin sənədlərdə əks olunan halların tamamilə sübut olunması ilə qanuni sayıla bilər. Onu da qeyd edim ki, vergi orqanları qara mühasibatlıq sənədlərinə əsasən vergi hesablayarkən çox uçuq rəqəmlərlə vergi hesablayır. Bir dəfə vergi orqanı bir vergi ödəyicisinə səyyar vergi yoxlaması zamanı ələ keçirilən və qara mühasibatlıq sənədi kimi adlandırılan 40 vərəqliq dəftərə görə 1 milyona yaxın vergi hesablamışdı. Hansı ki həmin dəftərin doğrudan da bu vergi ödəyicisinə məxsus olması, məxsus olduğu təqdirdə hansı vergi dövrünə aid olması məlum deyil idi.

Qara mühasibatlıq sənədinə əsasən vergi hesablamağın hər hansı qanuni əsası yoxdur. Belə ki, Vergi Məcəlləsinin 67.1-ci maddəsinə əsasən vergi ödəyicisinin vergitutma obyektinin müəyyənləşdirilməsi hər hansı səbəblərdən mümkün olmadıqda, vergi orqanı ödənilməli olan verginin məbləğini əlaqəli məlumatlardan istifadə etməklə hesablamaq hüququ vardır. Həmin maddə həm də onu ehtiva edir ki, vergilərin hesablanması zamanı istifadə edilən məlumatlar yalnız rəsmi məlumatlar olmalıdır.

Gülməlisi isə budur ki, vergi orqanı ancaq gəliri təsdiqləyən qara mühasibatlıq sənədlərini səyyar vergi yoxlaması zamanı vergi hesablamaq üçün qəbul edir. Xərcləri ehtiva edən qara mühasibatlıq sənədini isə qeyri-rəsmi hesabat blankı olduğuna görə rədd edir. Yəni vergi orqanı gəlirə münasibətdə qeyri-rəsmi qara mühasibatlıq sənədlərini vergitutma bazası kimi qiymətləndirir. Lakin xərcə münasibətdə isə bunu etmir. Bunun səbəbi isə xərclərin ödəniləcək verginin azaltmağı, gəlirin isə artırmasıdır. Əslində bu hərəkəti ilə vergi orqanı özünü dolayı yolla təkzib edir.

Təbii ki, vergi orqanlarının belə qanunsuz hərəkətləri artarkən qəbul edilən inzibati aktlar məhkəmədə mübahisələndirilirdi. Son olaraq Ali Məhkəmə bu məsələ ilə bağlı qərar (16.06.2021-ci il tarixli 2-1(102)-970/2021-ci saylı) verdi. Deməli həmin qərarda qeyd olunur ki;

"Cavabdeh (burada cavabdeh deyəndə vergi orqanı nəzərdə tutulur) iddiaçının (iddiaçı da vergi ödəyicisidir) “qara mühasibatlıq” sənədləri əsasında dövriyyəsinin bəyan ediləndən daha artıq olması qənaətinə gəlmiş, başqa sözlə, bu əsasla mübahisələndirilən qərarın qəbul edilməsini zəruri edən faktiki şərtlərin mövcudluğunu sübut etməyə çalışmışdır. Lakin cavabdehin istinad etdiyi sənədlərin mötəbər sübut kimi qiymətləndirilməsi yolverilməzdir.

Cavabdeh tərəfindən götürülmüş və iş materiallarına əlavə edilmiş, cavabdehin “qara mühasibatlıq” sənədləri adlandırdığı materiallara nəzər yetirdikdə müəyyən olunur ki, həmin sənədlərdə iddiaçı müəssisənin rəhbərinə və ya digər səlahiyyətli şəxsinə aid imza, müəssisənin möhürü yoxdur. Həmçinin, həmin sənədlərdə malın təqdim edildiyi şəxsə dair də hər hansı rekvizitlər mövcud deyildir. Bundan əlavə, həmin sənədlərdə müəyyən rəqəmlər sadalanmış, həmin rəqəmlərlə riyazi əməliyyatlar aparılmışdır, lakin qeyd olunan məlumatlar konkret dövr üzrə real istehsal həcmini müəyyən etməyə imkan vermir. Belə ki, həmin məlumatlardan iddiaçının həqiqətən hər hansı əməliyyat aparmasını (məsələn: alqı-satqı, təhvil-təslim, xidmət göstərilməsi və s.) müəyyən etmək qeyri-mümkündür.

Cavabdeh inzibati orqan kimi yoxlama zamanı “qara mühasibatlıq” sənədləri ilə əldə etdiyi məlumatlarla kifayətlənməməli, həmin məlumatların həqiqililiyi istiqamətində əlavə araşdırma aparmalı (məsələn: alıcıları müəyyən etməli, izahat almalı, operativ vergi nəzarəti imkanlarından istifadə etməli və s.), başqa sözlə, iddiaçının real istehsal dövriyyəsinin artıq olması ilə bağlı mötəbər, şübhədən kənar sübutlar təqdim etməli idi.

Lakin, cavabdeh inzibati orqan bunu etməyərək, sadə riyazi hesablamaları özündə əks etdirən “kağızlara” istinad etməklə, əlavə araşdırma aparmadan, ekspert və mütəxəssisdən istifadə etmədən, apardığı hesablamanı əsaslandırmadan, beləliklə də, mübahisələndirilən inzibati aktın qəbul edilməsinin zəruri edən faktiki şərtləri sübuta yetirmədən qərar qəbul etmişdir.”

Ali Məhkəmənin bu qərarından sonra vergi orqanlarının qara mühasibatlıqla bağlı etdiyi qanunsuz hərəkətlər nisbətən səngidi. Lakin hələ də bəzi vergi orqanları bu yolla əlavə vergi məbləği hesablamağa davam edirlər.

7 əjdaha! juzou_9

29.07.2021 - 19:13 #333177 mesaj facebook twitter

spartacus: blood and sand

Real tarixi hadisəni ekranlaşdıran amerika istehsalı olduqca underrated serial. Spartacus serialının ilk bölümü 2010-cu ildə yayımlanmış və 3 sezondan ibarətdir. Eyni zamanda spartacus: gods of arena adlı ara sezonu da mövcuddur. 1-ci sezonda spartacus personajını canlandıran andy whitfield xəstəliyi ilə əlaqədar serialın cast"ından çıxmış, daha sonra isə həmin xəstəlikdən vəfat etmişdir. Buna görə ikinci sezon təxirə salınmışdır. Aradakı boşluğu doldurmaq üçün ara sezon olan gods of arena adlı 6 bölümlük sezon yayımlanır. Bu sezon obrazların keçmişindən bəhs edən spin-off idi.

2-ci sezon üçün spartacus roluna Liam McIntyre seçilir. Liam rəhmətlik Andy Whitfield kimi spartacus personajını canlandırmasa da, serial bu aktyor ilə baş rolun itkisini ən az zərərlə başa vurmuşdur.

Bugünə qədər xeyli tarixi seriala və filmə baxmışam amma bu serialın məndə yaratdığı hissləri heç bir serial yaratmayıb. Nə game of thrones, nə də vikings"də bu qədər həyəcanlandığımı, hadisələrin içinə bu qədər daxil olduğumu, bu qədər duyğulandığımı xatırlamıram. Serial adama elə hiss verir ki, sanki sən də spartacusun mübarizəsində iştirak edirsən. Bir müddət sonra Spartacus, Crixus, Agron, Gannicus obrazlarını döyüş yoldaşın kimi görürsən. Dialoqlar, aktyorlar, hadisələrin axıcılığı əla idi. Sadəcə bir mənfi cəhəti cgi effektinin zəif olmasıdır. O da ilk sezonlar nəzərə çarpır, sonraki sezonlarda həm cgi effekti biraz düzəlir, həm də izləyici artıq həmin effektlərə alışır.

Final səhnəsi isə ayrı bir möhtəşəm idi. Finalında bu qədər duyğulandığım serial yadıma gəlmir. Hələ ki, finalı ən çox xoşuma gələn seriallar six feet underbreaking bad idi. Lakin spartacusun finalı bu serialların finalını, mənə görə, kölgədə buraxdı.

5 əjdaha! juzou_9

29.07.2021 - 17:44 #333173 mesaj facebook twitter

polis

Əslində maraqlı və şərəfli peşə sayılsa da, Azərbaycanda mahiyyətcə tam tərsi olan, işləyərkən vicdanını kənara qoymağa məcbur edən peşə. Deməli, Azərbaycanda polis sistemi elə qurulub ki, bu peşəyə yiyələnən insan nə qədər vicdanlı olsa da, axır-əvvəl el arasında "it" kimi adlandırdığımız vəziyyətə gəlib çıxır.

Başdan ayağa rüşvət üstündə qurulan bu sistemdə adicə rütbə qalxarkən belə kiməsə şirinlik verməlisən. Onsuz işə girərkən verdiyin rüşvəti, eyni zamanda işdə vəzifən qaldırılarkən də verməlisən. Belə deyim, misalçün, daxili işlər nazirliyində işləyən baş leytenant 3 il sonra kapitan rütbəsini almalıdı. Lakin həmin şirinlik ünvana çatmayınca vəzifənin qaldırılması barədə təqdimat verilmir və cürbəcür bəhanə ilə bu proses yubadılır. Bu şirinlikləri isə sadəcə polis maaşı ilə vermək olmur. Ya ziyana işləməlisən, ya ərizəni yazıb çıxmalısan, ya da ki vətəndaşlardan rüşvət alıb "it" dediyimiz vəziyyətə gəlməlisən. Başqa cür bu vəzifədə işləmək mümkün deyil.

Hər vəzifəyə də ayrı qiymət qoyulub. Müstəntiqin öz qiyməti, tədqiqatçının öz qiyməti, əməliyyatçının isə öz qiyməti var.

Bunun hələ rəis qiyməti də var. Deməli polis rəisi təyin olunmaq üçün şirinliyin miqdarı əraziyə görə dəyişir. Bakıda, Sumqayıtda və Gəncədə bu qiymət ən yüksək həddədir. Bu vəzifəyə təyin olunmaq üçün isə yüzminlərlə şirinlik verməlisən. Sizcə bu qədər şirinlik verib rəis vəzifəsinə təyin olunan şəxs ayda 800 manata qane olar? Hər yeni təyinatda təzə rəis verdiyi şirinliyi çıxarmağa çalışır. Bunu isə polis vəzifələrini satmaqla, vətəndaşlardan külli miqdarda rüşvət almaqla edir.

Hələ elə rəislər var ki, polislərə verilən güzəştləri və təminatları belə özünə götürür. Bu yaxınlarda polis serjantı işləyən biri yaxınlaşmışdı. Rəisdən şikayət yazmaq istəyirdi. Dediyinə görə, rəis idarədə işləyən polislərə verilən təminatları, polis maşınlarına benzinin vurulması üçün verilən, hesabına mütəmadi olaraq pul yüklənən benzin kartlarını, həmçinin polislərə verilən maddi yardımları özünə götürür. idarənin adını çəkmək istəmirəm, amma həmin idarə işğalda olan rayonun polis idarəsi olduğuna görə, sözügedən idarənin ərazisi yox idi. Ərazisi olmadığına görə vətəndaş həmin idarəyə çox gəlib getmir. Buna görə rəis vəzifəyə təyin olunmaq üçün verdiyi pulu başqa yolla, idarədə işləyən polislərdən çıxardır.

Başqa sözlə desək, Azərbaycanda polis işləmək vicdanlı insanların görəcəyi bir iş deyil. Nə qədər vicdanlı olsan da, axır-əvvəl bu iş səni üzə durmağa, vətəndaşdan rüşvət almağa vadar edir. Çünki bu sistemin qayəsi rüşvətdi.

Bir tanışımın atası polis rəisi işləyirdi. Deməli, bu uşağın polisliyə hədsiz sevgisi var idi. Özü çalışdı, oxudu, lazımi balı da yığdı və polis akemiyasına sənəd verəndə atası qoymadı. Polis rəisi işləyən atası ona "nə işlə məşğul olursan ol, təki bu sistemə girmə, mən girmişəm, gördüyün kimi çıxa bilmirəm." demişdi. Həmişə də atası söz arasında "qəhbə qühbə ilə işləyirəm e bütün gün" deyirdi. Tanışımın atası bir qədər yaşlı biri idi. Hələ yadımdadır ki, bir gün onların ailəsində faciə deyə biləcəyimiz bir hadisə baş verdi. Həmin uşağın atası hadisə baş verəndə "elə elədiklərimin nəticəsidir ki, Allah qarşıma belə şeylər çıxarır." demişdi.

Bu peşədə işləyən, hüquqdan, polislikdən heçnə qanmayan, sadəcə pulun verib deyə işə qəbul olunan adamlar ayrı bir aləmdirlər. Bir dəfə bölməyə getmişdim. idarədə 7-8 nəfər toplaşıb bir protokol yaza bilmirdi. Hələ zəng vurub kimdənsə kömək istədilər, axır moment güclə protokolu ala-yarımçıq yazmağı bacardılar.

Hələ bir dəfə pul verib işə daxil olan bir müstəntiq oğurluq ilə bağlı cinayət işini yekunlaşdıra bilmirdi deyə zərərçəkmiş şəxsi çağırıb ona oğurlanan əşyanın əslində oğurlanmadığını və zərərçəkmiş şəxsin bu əşyanı itirdiyini ehtiva edən ərizə yazmasını tələb etmişdi. Zərərçəkmiş şəxs də bu tələbi rədd edəndə onu hədələmişdi. Çünki cinayət işi üzrə ittiham aktı qanunla müəyyənləşdirilmiş müddət ərzində yekunlaşmasa, bu, müstəntiqin səhlankarlığı kimi qiymətləndirilir və iş başqa müstəntiqə verilir.

Bir sözlə, vəzifəsi cəmiyyəti təhlükədən qorumaq olan bu şəxslər elə bir sistemdə yetişirlər ki, elə onların özü cəmiyyət üçün böyük bir təhlükəyə çevrilirlər.

12 əjdaha! juzou_9

28.07.2021 - 18:50 #333108 mesaj facebook twitter

əlavə dəyər vergisi

Adından da bəlli olduğu kimi mahiyyəti etibarilə təqdim edilən malların, görülən işlərin və göstərilən xidmətlərin dəyərinə əlavə edilən məbləğdən tutulan vergi növü.

Məsələn, bir şəxs digər bir şəxsdən 1000 manat dəyərində mal alır və daha sonra həmin malı 1200 manat məbləğinə satır. Bu halda ƏDV üçün vergiyə cəlb edilən məbləğ məhz malın dəyərinə əlavə edilmiş 200 (1200-1000) manatdır. Bir növ mala əlavə dəyər qazandırılır, və həmin qazandırılan əlavə dəyərdən vergi tutulur.

Artıq bir ilə yaxın yaxındır ki, alışveriş zamanı ədv-yə cəlb olunan malların satışında ədv-nin 10% faizi ödəyiciyə qaytarılır. Hökumət bunu vətəndaşın qara qaşına, qara gözünə görə etmir. Onsuz Ədv son istehlakçıdan tutulan vergidir, yəni vətəndaşdan pulu alır, onun 10%-da qaytarır. Sadəcə bunu etməkdə əsas məqsəd vətəndaşları alış veriş edərkən çeki almağa təşviq etməkdir. Bu yol vergidən yayınma hallarını xeyli miqdarda azaldır. Bir növ hökumət sahibkarlarla mübarizəyə vətəndaşları da cəlb edir.

Mahiyyət etibari ilə sadə mexanizmə malik olduğu görünsə də, hesablama və ödənilmə mexanizmi yuxarıda göstərilən misaldakı kimi sadə deyildir.

Belə ki, ƏDV ödəyicisi olan şəxslər üzərində nəzarəti təmin etmək, vergidən yayınma hallarının qarşısını almaq və ƏDV yükünün daşıyıcısını dəqiq müəyyən etmək məqsədilə, ƏDV-nin hesablanması zəncirvari xarakter daşıyır.

Daha yaxşı başa düşmək üçün ƏDV-nin hesablanması və ödənilməsi ilə bağlı prosedurlara mərhələləli şəkildə nəzər salmaq daha məqsədəuyğun olar. Bu prosedur mürəkkəb sistemə malik olsa da, çalışacam ki, bacardığım qədər sadə izahla başa salım.

ilk öncə qeyd edim ki, Vergi Məcəlləsinə əsasən ƏDV-nin dərəcəsi 18 faiz olduğundan, Azərbaycan ərazisində mal satılan və idxal olunan zaman həmin malın və idxalın dəyərindən 18 faiz dərəcə ilə ƏDV hesablanmalıdır.

Məsələn, bir şəxs digər şəxsə 1000 manat dəyərində mal təqdim edir. Bu zaman malı təqdim edən şəxs (satıcı) 180 manat məbləğində (1000x18%) ƏDV hesablanmalıdır.

Eyni zamanda satıcı sadəcə malın dəyərini deyil, həmin malın dəyərinə münasibətdə hesablanmış ƏDV məbləğini də alır.

Məsələn, A MMC B MMC-yə 1000 manat dəyərində mal satır. Bu zaman satıcı (A MMC) alıcıdan (B MMC-dən) həm 1000 manat malın dəyərini, həm də 180 manat ƏDV-ni (1000 x 18%), ümumilikdə 1180 manat ödənişi tələb edir.

Habelə ƏDV məqsədləri üçün qeydiyyatdan keçmiş alıcı malı alan və idxal edən zaman malın dəyəri ilə yanaşı ödədiyi ƏDV-ni, son istehlakçı olduğu hal istisna olmaqla, büdcədən geri tələb etmək hüququna malikdir. Bu vergi qanunvericiliyində “əvəzləşdirmə” adlandırılır.

Məsələn. yuxarıda göstərildiyi kimi B MMC A MMC-dən 1000 manat dəyərində mal almış və bunun müqabilində satıcıya malın dəyərini (1000 manat) və ona müvafiq ƏDV-ni (180 manat) ödəmişdir. Bu halda, alıcı B MMC malı alarkən ödədiyi 180 manat ƏDV-ni daha sonra büdcədən geri tələb etmək (əvəzləşdirmək) hüququna malikdir. Bu zaman B MMC son istehlakçı olmadığına görə ƏDV vergisindən azad olmuş sayılır. Çünki ƏDV istehlak vergisi hesab edildiyindən onun faktiki ödəyicisi istehlakçı hesab edilir. Başqa sözlə desək, malın, xidmətin və işin son istehlakçısı ƏDV-nin ödəyicisi, hesab edilir və mal alarkən ödədiyi ƏDV-ni büdcədən tələb etmək (əvəzləşdirmək) hüququ olmur. Son istehlakçıdan öncəki malın, xidmətin və işin alıcıları isə ƏDV-nin son istehlakçıdan tutulmasına xidmət edən vergi agenti qismində çıxış edir və onlar büdcədən ödədikləri ƏDV məbləğini geri tələb edə bilirlər.

Yuxarıda qeyd olunanları nəzərə alaraq, aşağıdakı əməliyyat üzrə A MMC, B MMC və C MMC-in may ayı üzrə ƏDV öhdəliyini müəyyən edək:
A MMC B MMC-dən may ayında 1000 manat dəyərində mal almış və daha sonra həmin malı may ayında 1200 manat dəyərində C MMC-yə satmışdır. C MMC isə həmin malı şəxsi məqsədləri üçün istifadə etmişdir. Buranı diqqətlə oxusaz, ƏDV mexanizmini rahat başa düşə biləcəksiniz.

ilk öncəgöstərilənlərə əsasən hər iki satış üzrə ƏDV məbləğini hesablayırıq:
1000 x 18% = 180

1200 x 18% = 216

Bu o deməkdir ki, A MMC B MMC-dən 1180 manat (1000 180), B MMC isə C MMC-dən 1416 manat (1200 216) ödəniş almışdır.

Daha sonra əvəzləşdirilməli (büdcədən tələb edilməli) ƏDV-nin məbləğini müəyyən edilir. B MMC mal alarkən 180 manat ödədiyindən həmin məbləği əvəzləşdirmək hüququna malikdir. C MMC isə malı şəxsi məqsədləri üçün istifadə etdiyindən son istehlakçı hesab edilir və bu səbəbdən mal alarkən ödədiyi 216 manat ƏDV məbləğini əvəzləşdirmək hüququna malik deyil.

Beləliklə, yuxarıdakı misalda Ədv öhdəlikləri belə olur:

Hər hansı əvəzləşdirməli ƏDV məbləği olmadığından və 1000 manat satışdan hesablanmış ƏDV-nin məbləği 180 manat təşkil etdiyindən, A MMC-nin ƏDV öhdəliyi 180 manat təşkil edir.

Əvəzləşdirilməli ƏDV məbləği 180 manat (A MMC-dən aldığı mala görə), hesablanmalı ƏDV məbləği isə 216 manat (C MMC-yə satıdğı mala görə) olduğundan, B MMC-nin ƏDV öhdəliyi 36 manat (216-180) təşkil edir.

Son istehlakçı kimi əvəzləşdirmə hüququ olmadığından və hər hansı satış həyata keçirmədiyindən (aldığı malı öz şəxsi məqsədləri üçün istifadə etdiyindən) C MMC-nin dövlət büdcəsi qarşısında hər hansı ƏDV öhdəliyi yaranmır.

15 əjdaha! juzou_9

28.07.2021 - 13:03 #333065 mesaj facebook twitter

marcus licinius crassus

Qədim romada yaşamış, yaşadığı dövrdə Romanın ən zəngin adamı ünvanına sahib olan, Roma Respublikasını Roma impretorluğuna çevrilməsində böyük rol oynayan romalı siyasətçi və general. Marcus ümumiyyətlə o qədər zəngin ailədə doğulmamışdır. Yəni sərvəti ailədən gəlmir. Doğulduğu ailə royal ailə olmasına baxmayaraq, ortabab ailə idi. Marcus sərvətinin, demək olar, hamısını özü qazanmışdır. Qeyd edim ki, Marcusun bugünki pul ilə 20 milyard dəyərində sərvəti var idi.

Yuxarıda qeyd etdiyim ki, Marcus sərvətini öz bacarığı hesabına artırmışdır. Marcus ömrünün ilk illərində pul qazanmaq üçün fərqli bir yola əl atmışdı. Belə ki, Qədim Romada evlərin hamısı taxta və odundan idi. Buna görə Romada evlər tez-tez yanırdı. Bu zaman Qədim Romada dövlətin yanğınsöndürən sistemi yox idi. Marcus bundan istifadə edir və özünün yanğınsöndürən birliyini yaradır. Romada yanğın olan kimi Marcusun adamları ora gedir və yanan evin sahibinə deyirdilər ki, müəyyənləşdirilmiş pulu verin, yanğını söndürək. Sahiblər ya pul verib Marcusun adamlarının xidmətlərindən yararlanırdılar, ya da ki onların təklifini rədd edirdilər. Təklif rədd edildikdən sonra Marcusun adamları yanan evin yanından uzaqlaşmırdılar. Ev yanıb kül olandan sonra, onlar kül olmuş evin sahibinə Marcus Crassus adından pul təklif edərək həmin evin alınmasını təklif edirdilər. Sahiblər isə əksər hallarda təklif ilə razılaşır və evi Marcusa satırdılar. Bu yol ilə Marcus həm sərvət qazanırdı, həm də Romanın əksər evlərini ələ keçirirdi. Ələ keçirdiyi evi isə kirayəyə verirdi. Eyni zamanda qazandığı pullar ilə mədənlər satın alır və sərvətini birə beş artırır.

Marcus Crassus sərvəti ilə yanaşı hərbi uğurları ilə də tanınırdı. Belə ki, Roma spartakusun başçılığı ilə olan kölə üsyanını yatırtmaqda çətinlik çəkdiyini görə Marcusdan kömək istəyir. Marcus isə öz hesabına tutduğu adamlar və bütün xərclərini öz üzərinə götürdüyü ordu ilə Spartakusu məğlub edir.

Marcus Crassus karr döyüşündə Parfiya tərəfindən məğlubiyyətə düçar olur. Sərvəti ilə öyünən Marcus Crassus Parfiyalılar tərəfindən ağzına əridilmiş qızıl tökülərək öldürülür.

6 əjdaha! juzou_9

27.07.2021 - 18:59 #333035 mesaj facebook twitter

xərçəng

Dənizlərdə yaşayan xərçəngkimilər yarımtipinə aid olan dəniz canlısı. Daha çox dənizin dibində olan qayaların içində və yaxud oyuqların arasında yaşayırlar. Dəniz canlıları arasında ən bahalı ətə malik olan xərçəng istehsalı xeyli gəlir gətirən sahə kimi tanınır. Eyni zamanda müdafiə bacarığı zəif olan dəniz canlısıdır. Belə ki qaçma bacarığı olduqca aşağı olan xərçənglər tutulanda, demək olar ki, qarşı qoymazlar.

Xərçəngin bişirilməsi isə bir qədər fərqli metodla həyata keçirilir. Belə ki, xərçəng bişirilməmişdən qabaq öldürülmür. Çünki xərçəng öldürüləndə onun orqanizması ətə bakteriya və xüsusi hormanlar ifraz edərək əti yenilməz hala gətirir. Hətta xərçəngi belə yemək ciddi zəhərlənməyə səbəb ola bilər. Buna görə xərçənglər canlı bişirilir. Çünki ani ölüm mütləqdir, əks halda yuxarda qeyd edilən hadisə baş verir. Bu yolla xərçənglər canlı-canlı suda qaynadılır.

Xərçənglərin səs telləri olmadığına görə, qızğın suya atılanda səs çıxara bilmirlər. Sadəcə ağrıya reaksiya olaraq qısqaçlarını bir-birinə vurmaqla kifayətlənirlər.

Xərçəngin belə bişirilməsinə qarşı olanlar da vardır. Məsələn, dünyanın ən yaxşı aşpazlarından biri olan Gordon Ramsay xərçəngi qızğın suya atmamışdan bir neçə saniyə əvvəl xüsusi metodla öldürür. Belə ki, xərçəngin boynunun arxasında xüsusi bir yer vardır. Gordan Ramsay həmin yerə bir bıçaq zərbəsi vuraraq ani ölümü həyata keçirir və xərçəngi qızğın suya atır. Bu yolla həm ət təzə qalır, həm də xərçəng boşu-boşuna əziyyət çəkmir.

(youtube: )
dəqiqə: 00:33

6 əjdaha! juzou_9

26.07.2021 - 20:03 #332965 mesaj facebook twitter

bo burnham inside

Amerikalı rejissor, ssenarist, komediyaçı Bo Burnham tərəfindən yazılan, çəkilən, filmə alınan, editlənən neftlixdə yayınlanmış stand-up şou. Qeyd edim ki, Bo Burnham artıq 5 il idi ki, öz kariyerasına ara vermişdi. Buna səbəb isə stand şouları zamanı səhnədə və səhnə aralarında keçirdiyi panik ataklar olmuşdur. Elə bu stand up şouda Bo Burnham deyir ki, "beş ildir səhnəyə çıxmadım və bu zamanda özümü emosianal mənada yaxşılaşdırmağa çalışdım. Nə oldu, bilirsiniz? Bacardım! Daha yaxşı oldum. Hətta o qədər yaxşı oldum ki, 2020-nin yanvar ayında fikirləşdim ki, təkrar səhnəyə çıxmağın lazımdır. Uzun zamandır, dünyadan gizlənirəm və artıq geri qayıtmağım lazımdır. Sonra çox gülməli bir şey oldu."

Bildiyiniz kimi 2020-nin yanvar ayından etibarən pandemiya başladığına görə, bütün səhnə performansları təxirə salınmış və yaxud ləğv edilmişdir. Elə buna görə də, Bo artıq səhnə performansı üçün deyil, evdə özünün çəkdiyi, filmə aldığı, musiqilərini özünün yazdığı 1 saat 35 dəqiqəlik uzunmetrajlı standup şou üçün çalışmağa başlayır.

Şou komediya janrında olsa da, baxarkən xeyli depresif hislər keçirdim. Onsuz Bo bundan əvvəlki "make happy" adlı stand up şousunda da özündə olan depresif hissləri artıq izləyiciyə də ötürməyə başlamışdır. Lakin bu sonuncu iş həqiqətən Bo"da olan depresifliyi dərindən hiss eləməyimizə səbəb olur. Buna baxmayaraq izlərkən dəfələrlə səsli güldürmüşdür. Xüsusi ilə white woman instagram,

(youtube: )
how the world works,
(youtube: )
facetime with mom,
(youtube: )
problematie,
(youtube: )
unpaid intern,
(youtube: )
sexting,
(youtube: )
all eyes on me
(youtube: )
treklərində güldürmək və düşündürməklə yanaşı, melodiya və musiqiləri ilə özlərini dinlətdirməyi bacarmışdır.

Dipnot kimi onu deyə bilərəm ki, baxdıqdan sonra təsirindən çıxmaq bir qədər çətin olur. Hər kəsin özündən qaçmasını, öz içində saxladıqlarını, sonda isə özü ilə üzləşdiyini, bir sözlə karantin vaxtı içinə düşdüyümüz vəziyyətin izahını musiqi və komediya ilə profesional şəkildə gözlər önünə sərir.

Eyni zamanda şou metaforlarla dolu idi. 1 ildən çoxdur ki, bu şounun üzərində çalışan Bo hər səhnəyə kiçik referenslər və detallar yerləşdirmişdir.

P.s. Bo burnham haqqında aylar öncə yazdığım entrini oxumaqla onun yaradıcılığı haqqında daha ətraflı məlumat ala bilərsiniz. (bax: bo burnham)

7 əjdaha! juzou_9

26.07.2021 - 13:29 #332940 mesaj facebook twitter

blood eagle

Azərbaycan dilində qan qartalı olaraq tərcümə olunan, vikinqlərə məxsus edam növü. Həddindən artıq ağrılı prosesə malik olan bu edam növü bir çoxları tərəfindən fiziki olaraq imkansız olduğu deyilməkdədir. Çünki onların fikrincə bu edam növü tətbiq olunarkən qurban ölə və yaxud ağrıdan huşunu itirə bilər.

Edamın tətbiqi. Deməli ilk öncə qurbanın belinin dərisi soyulur. Daha sonra edamı həyata keçirən adam balta ilə qurbanın qabırğalarını onurğadan ayıraraq qartal qanadı kimi yanlara açır. Bir növ onurğadan "qanad" düzəldirlər. Qabırğalar sökülüb yana ayrıldıqdan sonra qurbanın ağciyərləri bədəndən qoparılıb onun çiyinlərinə qoyulurdu.

Bu edam növü əksər hallarda ata qatillərinə və öz millətinə xəyanət edənlərə tətbiq olunurdu. Eyni zamanda bu edam növü ilə qurbanın etdiyi günahlar təmizlənirdi. Belə ki, vikinqlərin inancına görə, əgər bu ağrılı edam növü tətbiq olunarkən qurban səsini çıxartmazsa, onun günahları bağışlanar və vikinqlərin cənnəti olan Valhallaya getməyə haqq qazanardı.

Sözügedən edam növü Vikings serialında öz əksini tapmışdır. Serialda Ragnar tərəfindən Jarl Borg bu edam növü ilə öldürülür.

(youtube: )

5 əjdaha! juzou_9

23.07.2021 - 19:30 #332684 mesaj facebook twitter

decimation

Roma ordusunda istifadə edilən, qorxaq və asi əsgərləri cəzalandırmaq üçün tətbiq edilən disiplin cəzası. Desimasyon əksər hallarda romalı əsgərlər döyüş meydanından qaçanda ordunun başçısı tərəfindən tətbiq edilirdi. Başçının bu cəzanı tətbiq etməkdə əsas məqsədi əsgərlərin ondan qorxmasını və əmrlərinə tabe olmasını təmin etmək idi.

Cəzanın tətbiq olunması. Deməli, cəza tətbiq edilməmişdən qabaq əsgərlər 10 nəfərlik qruplara bölünürlər. Həmin 10 nəfərlik qrupa təqdim edilmək üçün 10 balaca daş hazırlanır. Hazırlanan 10 daşdan biri ağ, doqquzu isə qara rəngdə olur. Daha sonra daşlar torbaya qoyularaq əsgərlərdən bir-bir gəlib həmin torbadan daş seçmələri tələb olunur. Əsgərlər daşları seçdikdən sonra ağ daşın kimdə olduğu müəyyən olunur. Daha sonra ağ daşın sahibi olan əsgər digər 9 əsgər tərəfindən döyülərək öldürülür. Elə bu səbəbdəndir ki, desimasyon sözü latın dilində "onuncunun öldürülməsi" mənasına gəlir. Cəza bitdikdən sonra isə sağ qalan əsgərlərə Roma ordugahından kənarda yer verilir və onlara buğda yerinə arpa verilir. Qeyd edim ki, həmin 10 əsgər seçilərkən əsgərlərin bir-birinə yaxın olmaları faktı nəzərə alınır. Yəni bir-biriinə yaxın olan əsgərlərin eyni qrupa düşmələrinə üstünlük verilirdi. Bununla da ağ daşı seçən əsgərlər onlara ən yaxın olan əsgərlər tərəfindən döyülərək öldürülürdü.

Desimasyon cəzasını tətbiq edilməsi spartacus serialında geniş şəkildə göstərilmişdir. Belə ki, bu səhnənin olduğu bölümün adı belə "Decimation" idi. Serialda Spartacus ilə döyüşdən qaçan romalı əsgərlərə Marcus Crassus tərəfindən bu cəza tətbiq edilmişdir. Daha yaxşı təəssürat yaranması üçün həmin səhnəni izləməyinizi tövsiyə edirəm.

(youtube: )

5 əjdaha! juzou_9

23.07.2021 - 16:17 #332668 mesaj facebook twitter

3 əjdaha! juzou_9

24.01.2021 - 16:08 #318189 mesaj facebook twitter

ceyms kuk

Üç böyük ekspedisiyanı həyata keçirən bütün materiklərə ilk dəfə ayaq basmış ingilis dəniz səyyahı.

Kukun ekspedisiyaları və maraqlı həyatı ilə yanaşı onun ölümü də çoxları tərəfindən müzakirə olunur. Deməli, Kuk 3-cü ekspedisiyası üçün hawai adasına üz tutur. Bura gəlməkdə əsas məqsəd təbii ki müstəmləkəçilik idi. Lakin gözlənilməz bir hadisə baş verir. Kukun gəmiləri hawai adasına yaxınlaşan zaman hawaidəki yerli xalq Makahiki adlanan bayramı qeyd edirdilər. Yerlilərin inancına görə, Makahiki bayramında göylərə çəkilmiş Lono adlı tanrı adalara geri dönür. Lono isə öz növbəsində sülh və bərəkət tanrısıdır. Lono adaya geri dönəndə bütün müharibələr dayanar, yerlilər isə Lonoya öz ikramlarını təqdim edərlər. Makahiki bayramı qurtardıqdan sonra isə Lono yenə göylərə çəkilər.

Elə bayramın ən qızğın yerində Kuk öz ehtişamlı gəmiləri ilə bu adaya gəlir. Bu zaman yerli xalq elə zənn edir ki, Kuk onların tanrısı olan Lonodur. Buna görə də onlar Kuku çox mehribanlıqla qarşılayırlar. Yerli xalq ona çoxlu yeməklər təqdim edir, Kuk üçün dini rituallar təşkil edir, bir sözlə Kuka tanrı kimi rəftar edirlər.

Hər şey öz qaydasında gedərkən Makahiki bayramının sonu yaxınlaşır. Kuk da öz növbəsində heyəti ilə adanı tərk etmək qərarına gəlir və qısa zaman ərzində hazırlaşaraq yola düşürlər. Lakin yolda Kukun gəmisində problem yarandığına görə hawai adasına yenidən qayıtmağa məcbur olur. Yerlilər öz tanrıları olan Lononun qayıdışını görəndə xeyli təəcüblənirlər. Çünki onların inanclarına görə, Lono Makahiki bayramı bitdikdə göylərə çəkilməli idi. Buna görə də sözügedən qayıdış hawainin din adamları tərəfindən bəd əlamət kimi qiymətləndirilir. Bu zaman Kuk yenə yerlilər tərəfindən xoş rəftarla qarşılanacağını ümid edərək gəmidən sahilə enir. Yerlilər isə Kuku görən kimi üstünə hücum edərək onu öldürürlər.

Bir çox mənbələrdə habelə internetdə Kukun ölümü belə göstərilsə də, bəzi tarixçilər Kukun belə öldürülməsi faktını təkzib edərək bildirirlər ki, yuxarıda göstərilən versiya tamamilə fiksiyadır. Belə ki onlara görə Kuk üçüncü ekspedisiya zamanı müstəmləkəçilik üçün ayaq basdığı adaların birində yerli xalqla olan münaqişə zamanı öldürülmüşdür.

6 əjdaha! juzou_9

24.01.2021 - 16:07 #318188 mesaj facebook twitter

/ 20 »

blok -   başlıqlarını gizlət