Son yazılanlar









suzuki akira


823   51   2   1
9.nəsil yazar
entry: 823
reytinq: 3,462
karma: 10,616 karma
izləyən: 36
oxunma: 1,214,484
sifariş sayı: 7





bütün zamanlarda yazdığı ən əjdaha entrylər:




Siyasətdən çox danışan və hər gördüyümdə ağlıma ilham əliyevi gətirən yazar. Sözlüyə ilk gəldiyimdən bu yana heç gözüm tutmurdu onu şəxsən. Bu gün niyəsini fikirləşdim və turalın bir illuminati üzvü olduğu qərarına gəldim. Gəlin əsaslarımıza baxaq.

Əvvəl illuminati sözünün hərflərinə baxaq:
i-l-l-u-m-i-n-a-t-i
Neçə hərf var? Bəli 10.
Bəs sizcə turalın nickində neçə hərf var? Gəlin buna da baxaq:
T-u-r-a-l-b-a-i-j-a-n
Turalın da nickində 11 hərf var. illuminati sözündəki hərflərin sayından sadəcə 1 hərf çox! indi sizə turalın bu nick və hərf sayı ilə bizə nə demək istədiyini və beynimizə hansı subliminal mesajları vermək istədiyini göstərəcəm.
11-10=1 illuminatinin simvolu olan üçbucaq içindəki gözün sadəcə bir gözü var! Sizcə bu təsadüfdür? Məncə yox. Gəlin başqa dəlillərə baxaq. Əminəm ki bu səfər mənimlə həmfikir olacaqsız.
indi 11-10=1 yəni illuminatinin gözünü turalın adında sübut etmişdik. Bu 1 bizə lazım olacaq.

Turalın neçə gözü var? Bəli 2.
2 plus 1 neçə edir? Bəli 3. Üçbucağın neçə tərəfi, bucağı, təpə nöqtəsi var? Bəli 3. illuminati confirmed
Tural bizim beynimizi yuyaraq əvvəl öz təriqətinə, sonra isə illuminatiyə qatacaq bizi! Sənin oyununa gəlməyəcəyik cani adam!
(youtube: )


Linçə səbəb olmayacaq amma yazacaq başqa başlıq tapmadım deyə bura yazmaq qərarına gəldim.
Sözlükdə eyni başlıqları görməkdən artıq sıxıldım. Bir başlığın 5-10 fərqli versiyasına* yazılan bir-iki cümləlik* entrilər görməkdən sıxıldım artıq. Seksist başlıqlar görməkdən də sıxıldım. Kreativ olmayan başlıqlar/entrilər görməkdən də sıxıldım. Fərqli tip insanların olmamasından, hamının bir-birinin kopyası olmasından, originallığın olmamasından sıxıldım. Entrilərimi oxuyan hamı bilir ki sözlüyə bilgi vermək/almaq üçün girmirəm amma bu bilgi verici entrilərə qarşı olduğum mənasına da gəlməz. Əvvəlki kimi sözlükdə original yazılar görmək istəyirəm. Bilgili yazarların maraqlı entriləri ilə, yumor hissi güclü olan yazarların da güldürücü bəzən də dərs verici və maraqlı entriləri ilə sol frame'i bəzəməsini istəyirəm. Sıxıcı başlıqlardan qurtulaq istəyirəm. "Azərbaycanın elə olması" "Azərbaycanda filan şeylərin olmaması" "azərbaycanlı qızların oğlanlara nisbətdə filan olması" "oğlanların qızlara nisbətdə daha x olması" "Azərbaycanın avropaya nisbətdə daha x olması" tipli başlıqlar görəndə artıq sözlükdən çıxıb qusmağa getmək istəyirəm. Sözlük depressiya yuvası olub elə bil. Elə bil də yox e olub elə. Fikrimi dağıtmaq üçün sözlüyə girirəm və daha da sıxılıram. Geriyə dönüş yoxdur deyəsən. Elə pox yoluna doğru da gedirik sözlükcə*

Edit: yadımdan çıxdı yazmadım. *Yazarların hazırda düşündükləri* və *yazarların linçə səbəb olacaq fikirləri* başlıqlarından başqa içində "yazarların" sözü keçən hər başlıq ürəyimi sıxır və qusmaq istəyimi artırır


Mənə görə digər heyvanlardan fərqlənən heyvan. Digər heyvanlar ya çox qorxulu, vahiməli ya da çox şirin görsənir amma pişiklərin görünüşü türklər demiş "asil" görünüşdür. Həmişə baxışları ilə yarğılayırlarmış kimi görsənirlər mənə aq. Sirr dolu baxışları var ya da mənim pişiyim elədir.

Həyətimiz böyükdür deyə həyətə çıxdıqda həyətdə həmişə pişik görmək mümkündür. Pişik cənnətidir bizim həyət yəni. Adətən heç bir heyvanla işim olmaz. Pişiklərlə hələ heç olmaz. Heyvan sahiblənsə idim bu heyvan böyük ehtimalla it olardı deyə düşünürdüm. Ta ki o günə qədər.

Yay fəsli idi və gecə saat 12 zad olardı. Həyətdə oturmuşdum ki xalam mənə çən dolduqda ona xəbər verməyimi tapşırdı. Çünki gecələri oyaq qalan lox həmişə mən olmuşam. Adətim gərəyi qulaqcıqlarımı taxıb həyətdəki skamyada oturaraq mahnıya qulaq asırdım. Mahnı da ki mahnı ola da aq. Gedib metal seçmişəm ona da full səslə qulaq asıram. Yanıma mahnını açmamışdan qabaq bir pişik gəldi. Qara pişik idi və yemək verməyim üçün miyoldayırdı. Mən əvvəl vecimə almadım çünki deyirdim ki gedər yəqin amma pişik getmədi. Hər dəfə ayağımın altına gəlirdi ki neçə dəfə yıxılacaqdım. Axır bezdim və evdə pişiyə vermək üçün nə tapa biləcəyimə baxdım. Evdə uşaqların yeməyindən ət qalmışdı nə qədər. Mən də onları bir qaba yığıb pişiyə verdim. Çox vaxt bu pişiklərə yemək verdikdə yarımçıq qoyub gedirlər. Ona görə də hamısını yeyib qurtarması və bir də yanıma gəlib miyoldayanda o artıq qalmış yeməkləri göstərdiyimdə yeməməsinin qarşısını almaq üçün pişik yeyərkən başının üstündə durub onu izlədim. Pişik yeməyi yeyib qurtardıqdan sonra getmədi. Qonşunun damına dırmaşıb orda özünü yalayaraq təmizlədi. Sonra bir az ətrafı müşahidə etdi. Mən də qulaqcıqlarımı taxıb mahnıya qulaq asmağa başladım. Yenə heç nə eşitmirəm təbii ki. Bir müddət sonra pişik yenidən gəldi və qabağımı kəsməyə başladı. Dedim ki bu pişik məndən nə istəyir aq? Evdə olan yeməkləri də verdim doymadı? Mən pişiyin əlindən bezib həyətdəki skamyada oturdum. Pişik bu səfər miyoldayırdı. Dedim hayda işə düşmüşük də. Axır pişik üstümə cumdu və türklər demiş "neye uğradığıma şaşırdım". Əsəbləşib qulaqcıqlarımı çıxardım və cəld ayağa durdum. Pişik mən ayağa duran kimi hərəkətə keçdi və
mən də nə qədər belə şeylərə inanmasam da pişiyin dalınca düşdüm. Pişik məni elə bil harasa aparırdı. Axır gələ-gələ pişik məni çənin yanına gətirdi. Çən artıq nə qədər daşmışdı. Mən tez gedib xalama xəbər verdim və çəni bağladıq zad. Aq normalda insanları səhv başa düşdükdə olayı üzr istəmədən bağlayıram amma bu pişiyin yanında üzrxahlıq edəsim gəldi mq. Yazıq heyvanı səhv başa düşmüşəm kül mənim başıma aq. Nəysə o gündən bəri o pişik hər gecə bizim həyətimizə gələr və mən də ona yemək, su verərəm. Fav heyvanımdı artıq o pişik.

Bu gün isə ondan daha az qəribə bir hadisə oldu. O gün yapon şəhər əfsanələrini oxumuşdum deyə 2 gecədir qorxuram. Ona görə də saat 1 olanda evə gedirəm. Saat 1 olana qədər də pişik gəlir və ona yemək vverirəm. Bu gün isə bunu etmədim. Saat 12 idi və pişik hələ də gəlməmişdi. Mən də bu yanda qorxuram deyə evə keçdim ki yatım. Səhər yəni bu gün oyananda gördüm ki pişik həyətdə məni gözləyir. Deməli bu pişik gecə məni görmədən heç yerə getmirmiş aq. Məni gördü, bir az onunla oynadım sonra getdi. insanlardan görmədiyim qayğını pişikdən gördüm aq




Cümlələri beynimdə tam qurub ağzımdan yarımçıq çıxartmaq. insanı biabır edən şeydi və hələ də məndə niyə olduğunun səbəbini tapmamışam. indi açıqlayıram.
Deyək ki dükana borcumuz var və mənə borcu ödəmək üçün pul veriblər evdən. Mən marketə girməzdən qabaq düşünürəm ki, hə deyəcəm ki o gün aldıqlarımızın pulunu verməyə gəlmişəm. Dükandan içəri girəndə isə ağzımdan çıxanlar "verməyə gəlmişəm". *
Yada ki 9-cu sinifdə vinetka üçün pul yığılanda olan hadisə. Pulun qalığının paylanıb paylanmadığını soruşacaqdım və içimdən deyirdim ki, səadət pulu paylayacaqsan ya yox?. O an ağzımdan çıxanlar "paylayırsan ya yox?". Adamı yerin dibinə soxan şeydi bu. Hə bir də bunun başqa versiyası da var. Tutaq ki ağlıma keçmiş bir xatirəm (yaxşı ya da pis) gəlir. O an ona çaşıb səsli cavab verirəm və bunun fərqində olmuram. Yenə də ilkində olduğu kimi yanımdakilər mənə qəribə-qəribə baxır ki bu qız ağlını itirib? Səbəbini google'da axtarım deyirdim ki necə axtarışa verim bilmədim -*






2 saatdı itim yoxa çıxıb. Bütün qəsəbəni başdan aşağı gəzib axtardım amma tapmadım. indi qutab ilə şirinçay içib ağlayıram aq. Yaxın olduğum tək canlını da itirdim içini sikim


Not: tapıldı. indi də sevincdən qutab ilə şirin çay içirəm



Xalamın əri xalama xəyanət edir deyə xalama kişinin adından onlyfans açdırmaq. O qədər təriflədim ki onlyfans'ı bəs ayaq şəkillərinə neçə min dollar gəlir zad. Arvad da dedi ki gəl bu mənə ağrayan ayağının şəklini atmışdı bunu orda paylaşaq. Mən də dedim ki seni mi kırcam teyzecim? Hesabı açmağı öyrətdim. Gerisi şübhəli qaldı. Hesabın adını öyrənim gərək


Getdiyi gündən bəri sözlük sanki sakitliyə qapıldı aq. Artıq entrilərə əjdaha ya da favori gəlməsi üçün, sözlükdə yeni entri görmək üçün saatlarla gözləməli oluram(uq). "adsızinsan: #xxxx nömrəli entrini favori seçdim" mesajı üçün darıxdıq.
(bax: geri dönməsi ən çox istənilən yazarlar)



Ona dəyər verdiyini görəndə özünü bir pox sanması və səni özündən aşağı görməyə başlaması. Sonra da adam yerinə belə qoymamağa başlaması. 1-2 dəfə uzunmüddətli dostluqlarımda başıma gəlib və əlaqəni güclə kəsmişəm. Kəsməzdən qabaq da əlbəttə ki acığımı pis çıxmışam. Nə isə ki artıq belə bir şey başıma gəlmir*


Ağlına yolda xiyar-xiyar xatirələr və yaxud da izlədiyin gülməli videolar gəldiyində sənin o gülüşünü gizlədir. istəyirsən bütün yolu mal-mal gülə-gülə gəl, heç kim bilməyəcək. Akira təsdiqlədi



3 yaşım var idi. Otaqda nənə kompüterdə "Zuma"* oynayırdı. Mama da nənəyə gözdən qaçırdığı daşları göstərirdi. Mən də ürəyim darıxır deyə tək (həmişəki kimi) özüm üçün oynamağa çalışırdım. Uşaq vaxtı harasa dırmaşmağı, kimləsə dava etməyi zadı çox sevirdim. Sakit amma altdan-altdan iş çevirən uşaq idim. Nəysə bunlar gördüm mənə tərəf baxmır. Mən də idolüm olan spider-man kimi evdə harasa dırmaşmaq istəyirdim. Pəncərəni hədəf aldım. Çıxdım pəncərəyə və setkadan tutaraq sallanmaq istədim. Setka sən demə elə belə qoyulubmuş. Mən də arxa həyətə yıxıldım. Arxa həyətə açılan yerdə də daş, taxta qırıqları, şüşə qırıqları dolu idi deyə üzüm gözüm sifətim bütün yara olmuşdu. Ağlayırdım amma nənə ilə mama oyuna elə dalmışdılar ki səsimi belə eşitmirdilər. Axırda 1 saat sonra ümidimi itirəndə baba məni o biri pəncərədən ağlayan yerdə görüb qapını açdı mənə*. Evdəkilərə də özümü acındırıb şeytan işi olduğuna inandırdım*.

Digəri isə yenə super qəhrəman olmağa çalışaraq 5 yaşımda başıma açdığım işdir. Nədənsə uşaqlıqdan içimdə bir qəhrəman olma istəyi var aq. indilərdə də insanlara nifrət etsəm də haçansa varlı olub hamını xilas edəcəyim düşüncəsi var içimdə. Nəysə, bu səfər evdə məndən başqa 2 nəfər daha var idi. Nənəmin bacısı və qardaşı. Uşaq vaxtı nənəmin qardaşından zəhləm gedirdi çünki 50 yaşlı kişi mənə həmişə "mal" deyirdi*. Oturub oyuncaq maşınlarla, dinozavrlarla oynayarkən dedim ki, əgər hörümçək adam onu
hörümçək dişlədikdən sonra hörümçək adama çevrilirsə, Mən də elektrik gücünü alsam elektrik adama çevrilərəm*? Bunu düşündüm və əlimdə torpağı qazaraq tapdığım uzun mismar ilə digər otağa qaçıb* ordakı xarab prizə basdım mismarı. Bir tok vurdu ki ayaq baş barmağıma kimi hiss elədim. Ən pisi də elektrik adam zad olmadım.

Hələ bir dənəsi də bu ikisini yazarkən ağlıma gəldi. Uşaq vaxtı uçmaq istəyirdim yenə. Bir cizgi filmində (adı leonardo idi deyəsən. Da vinçiyə əsaslanan əyləncəli cizgi film idi.) baş obraz düşdüyü çətin situasiyalardan nəyisə icad edərək xilas olurdu. Belə çox sadə izah edirdi hər şeyi və favori çizgi filmim idi. Mənim bu səfərki qəhrəmanım da əlbəttə ki bu oğlan idi*. Gedib taxtalar və evdəki nazik örtülərdən özümə qanad düzəldəcəkdim. Taxtaları nənəm mənə soxdu
(youtube: )
- həmin cizgi filmindən görüntülər zad


Bir bismillah çəkin sonra girin aq

Bayaq *myers-briggs xarakter göstərgəsi* başlığına baxırdım və bəzi yazarların bunlara güvənmədiyini amma inanmaq istədiklərini qeyd etdiklərini gördüm. içimdən əlbəttə ki "gedin cognitive functions ilə tapın da aq" deyə keçirdim amma sonra dedim ki get başlıq aç yaz və daha çox insana bunları çatdır aq.

Cognitive functions yəni idrak funksiyaları carl gustav jung tərəfindən inkişaf etdirilmiş idrak prosesləri nəzəriyyəsinin bir parçasıdır.
indi danışacağım funksiyalar #309158 bu entridə yazılan funksiyalardan fərqlidir.

Sizin 16personalities saytından etdiyiniz testlər də yuxarıda qeyd etdiyim entriyə əsaslanaraq sizin xarakter tipinizi tapır. Çox səhvlərlə dolu, jung nəzəriyyəsindən uzaq olduğu və stereotiplərə görə xarakter tipinizi müəyyənləşdirdiyi üçün çox vaxt cavabları səhv tapır. Ona görə də jung nəzəriyyəsi ilə maraqlananlar yuxarıda qeyd etdiklərim ilə yox, 8 idrak funksiyasından istifadə edərək öz xarakter tiplərini tapırlar.
indi keçək 8 idrak funksiyasının nə olduğuna.
8 idrak funksiyası:
Se (extraverted sensing)
Si (introverted sensing)
Ne (extraverted intuition)
Ni (introverted intuition)
Te (extraverted thinking)
Ti (introverted thinking)
Fe (extraverted feeling)
Fi (introverted feeling) -dən ibarətdir.

Burada artıq diqqət edin. Çünki nümunə verərkən azərbaycandan nümunə verəcəyəm. Aze-dən o yana çıxmamışam ki avropalılardan örnək göstərim aq.

ilk se-dən başlayaq. Se-yə sahib olanlar anı yaşayan, uzun müddətli plan qura bilməyən, düşünmək yerinə etməyi üstün tutan, gələcəyə yaxud da keçmişə deyil də indiyə diqqətini verən insanlardır. Detalların fərqinə tez varırlar. Se-yə sahib insanlar introvert olsalar belə öz canlılıqları ilə seçilirlər. Se dom olan insanlar (se ilə idarə olunanlar) görünüşlərinə çox diqqət edir, insanların onlar haqqında nə düşündüklərinə çox önəm verir və təbii özünəinamlı olurlar. Bir qrup insanın olduğu otağa girdiyinizdə görünüşü cəlbedici olub, hamı ilə deyib-gülən, ətrafa enerji saçan, həddindən artıq ekstravert bir insan görsəniz bilin ki o 100% se dom-dur. Paltarınız və üzərinizdəki yeni aksesuarlardan tut tərk edib/qazandığınız vərdişlərə qədər hər detalın fərqinə varırlar. Ən son 2938393849383 il əvvəl getdiyi toyda gəlinin özündən tut orda olan hamının ənkə böyüyünün o toyda nə geyindiyini, hansı aksesuarları taxıb hansı ətri vurduqlarını və yaxud da kimdən tər iyisi gəldiyini xatırlayan bacılarımız da məhz se dom'dur. Bundan daha yaxşı se'ni başa sala bilən tapsanız gəlin məni tapın aq. soracağım hesaplar var

indi keçək si'yə. Si se'dən fərqli olaraq daha planlıdır. Si dom-lar keçmişdə ilişib qalmış olurlar çox vaxt. idrak funksiyalarında si olanlar planlı, keçmişdən dərs çıxaran, detallara diqqət edib onları əlaqələndirməyə çalışan, öyrədilmiş üsullara güvənərək yeni üsullara güvənməyən, həyatını dədə-babadan gördüyü kimi yaşamağı üstün tutan insanlardır. Si domları necə təsvir edim görəsən? Sensorlar intuitivlərdən çox olduğu üçün si domları da təsvir etsəm o saniyə tutacaqsız. Bir çox ana-ata si domdur məsələn. Bizim vaxtımızda belə şey yoxuydu deyib həyata gələn güncəlləmələri inkar edən, hər şeyi dədə-baba üsulu ilə etməyi üstün tutan, yenilikləri sevməyən insanlar ya si dom ya da idrak funksiyasında si olan bir insandır. Çox vaxt bunlar qətiyyən yenilikləri sevmir və biri bunlara yeni bir ideya ilə gəldikdə qətiyyən qarşı çıxırlar. Ata-anaya nəsə dedikdə "bizim vaxtımızda belə dölüdü" söhbətini açıb yarım saat öz vaxtlarından danışan və "bu tiktukdu istaqramdı fezbukdu hamısı cavannarın beynini yuyub aparır" deyən valideynlər və qocalar si dom-dur. Əlbəttə ki oxumuş si'lər də çoxdur. Məlum onlara görə təhsil=hər şey prinsipi vacibdir. Bir çox riyaziyyat müəllimləri ya da rəqəmlərlə bağlı elmləri öyrənən insanlar si-domdur çox vaxt.

Biraz da ne-dən danışaq. Ne deyilən kimi saniyəsində ehtimallar ağıla gəlir. Ne dom olan insanlar ehtimalları düşünməkdən zövq alır, keçmişdə yox, indiki zamanda yox gələcəkdə yaşayır, se'nin əksinə etmək yerinə düşünməyi üstün tutur, doğru nəticəyə gələnə qədər lazım gəldi-gəlmədi hər məlumatı toplayır, əşyalar, insanlar, məlumatlar və olaylar arasında bağ qurmağı və nəyəsə məna yükləməyi, nəyinsə mənasını çözməyi sevir. Bunlara misal olsun deyə sözlükdəki tipləri göstərə bilərik. Fəlsəfəni, bilinməzliyi, paradoksları və xəyal güclərini doyura biləcəkləri hər şeyi çox sevirlər bu tiplər. Adətən də xəyallarda yaşayır bu tiplər. Bütöv rəsmi görməyi bacarırlar və detallara o qədər də ilişmirlər. Sağlam ne'yə sahib olanlar bu xüsusiyyətlərini yaradıcı işlərə və yaxud da işlərinə gələcək hər yerə xərcləyə bilirlər amma ne'sini düzgün işlədə bilməyən tiplər elə o xəyal dünyasında da qalırlar. Ne'nin təbiəti gərəyi işləmək yerinə düşünməyi seçdikləri üçün də sağlam olmayan ne'lər tənbəlliyə və heç nə etmədən sadəcə xəyal qurmağa meyl edirlər. Uzun sözün qısası ne= ehtimallar, gələcəyə aid planlar, xəyallar və kreativlik

Ni. indi çatdıq oxuduğum saytlarda bu funksiyaya sahib olamayanların açıqlaya bilmədiyi o funksiyaya- ni.
Elə saytlar var idi ki ni funksiyasını elə qəliz izah edirdilər ki oxuduqlarımı yadımda saxlaya bilmirdim. Ni funksiyasını qısaca 6-cı hissə bənzətmək olar. Ni funksiyasını işlədənlər durduqları yerdə çoxdan fikirləşdikləri sualın cavabını birdən, gözləmədikləri anda ala bilirlər. Saytlarda aha! Moment deyə keçir. Hal-hazırda imtahan dönəmindəyik deyə testlərdən örnək vermək istəyirəm. Bir sualda ilişib qaldığınızı düşünün və o sualın cavabını çox düşündüyünüzü düşünün. O sualın cavabını tapa bilmirsiz uzun müddət. Yemək yeyən vaxtı durduq yerdə ağlınıza heç gözləmədiyiniz halda o sualın cavabı gəlir və biz buna aha moment deyirik. Bu örnəyi oxuyarkən də siz öz ni-nizi hərəkətə keçirmiş oldunuz. Hə bu arada ni də ne kimi gələcək üçün planlar qurmağı sevir. Hətta ni'nin qurduğu planlar ne'nin qurduğu planlardan daha uzun müddətli olur. Ni də anı yaşamaqda problemlər yaşayır və ni dom olanlar introvert olurlar.

Gəlirik te-yə. Te'lər qərar verərkən həm olaya həm də o olaya qarşı olan duyğularına baxır və o duyğuları daha məntiqli qərarlar vermək üçün kənarlaşdırır. Te'lərin iş əxlaqı çox sevilir. Te'lər işdə həm çox məsuliyyətli, həm çox əzmkar həm də çox rəqabətçi olurlar. Tənbəl insanlar ən sevmədikləri insanlardır. Qərar verərkən duyğuları kənarlaşdırdıqları üçün obyektiv və ədalətli qərar verirlər. Te'lər doğuşdan liderlərdir və buna görə də te-dom olan insanlar bəzən çox tələbkar yaxud da kobud ola bilərlər. Gözünüzün qabağına te'ni gətirmək üçün sinifdəki o əlaçı və uğur qazanan şagirdi düşünün. Hər gün hər dərsə hazır gəlib, çox çalışan, şagirdlərdən həmişə öndə olmağı istəyən və onu keçən biri olduğunda onu keçmək hissi ilə alışıb yanan bir şagird. Baxın bu şagird te istifadəçisidir. Onlar bütün həyatları boyu o dediyim şagird kimidirlər. Həyatda adətən uğurlu olurlar.

Ti. Ti deyilən kimi ağıla məntiq gəlir. Ti dom-lar məntiqli, obyektiv və analitikdirlər. Analiz etmə və kateqoriyalaşdırmada ustadırlar. Ti-domlar yeni bir mühitə düşdüklərində hər şeyi analiz edib anlamağa çalışırlar. Ti işlədən biri olayları analiz edib zəif və güclü nöqtələri, inkişaf etdirilməsi gərəkən nöqtələri asanlıqla tapa bilir. Çox düşünürlər bu tiplər və məntiqli olmağa çox önəm verirlər. Olayları olduğu kimi yox, analiz edib qarşılaşdıqları nəticələr ilə birgə izah edirlər. Bir mühitdə etdiyi müşahidələrə əsasən gəldikləri nəticələr ilə seçilirlər. Heç kimin ağlına gəlməyən kiçik detalların o üstün analiz qabiliyyətləri ilə fərqinə varırlar.

Keçək axırıncı ikisinə. Şükür qurtarır deyəsən aq. Ərinə-ərinə 2 saat səhər 2 saat da axşam yazaraq 4 saat ilə entri yazma müddəti rekordumu həmişəlik qırdım. Bir də qırsam mənim aq. Hə bir də üst tərəfdə nə isə səyləmişəmsə şey eləməyin. Yorğun başla yazmışam aq.

Fe. Fe'lər qərar verərkən həmin qərarın digər insanlar üzərində olacaq təsirlərini gözə alırlar. Məntiq ilə qərar verərək özləri də daxil olmaqla hamıya faydası toxunacaq qərarlar verirlər. Harmoniyaya önəm verirlər və bir mühitdə hamının yola getməsinə, xaos olmamasına görə çalışırlar. Fe-domlar da təbii liderlərdir. Fe-domu təsəvvür etməyiniz üçün yenə bir obraz yaradaq. Yenə bir mühit düşünün və o mühitdə hamı ilə yaxşı keçinən, dava, küsülülük olmamasına diqqət yetirən bir insan düşünün. Psixoloq kimi havaları olur bunların və şəfqətli bir ana təsviri yaradırlar sanki. insanlarla əlaqələri super olur və hamı bu insanlara güvənir. insnlar onlara dərdlərini danışır və onlar da onları diqqətlə dinləyib nə etmələri gərəkdiyini başa salır. Çox vaxt qızlardan çıxır bu fe-domlar. Tövsiyə barəsində ustadırlar yəni qısaca. Filmlərdə gördüyünüz o ədalətli, sevgi dolu, insanları incitmədən qərar verən super qəhrəmanlar məhz fe-dom olur.

uzun bir yemək-içmək arası

Fi. Fi-domlar qərarlarını öz hislərinə görə, öz dəyər verdikləri ünsürlərə görə verirlər. Məncə fi-lərə cəmiyyətimizdə çox rast gəlinir. Fi-domlar çox vaxt məntiq yerinə duyğuları ilə qərar verməyi seçən, olaylara duyğuları ilə reaksiya göstərən və duyğuları ilə də hərəkət edən tiplərdir. Doğru qərarları vermək üçün duyğularına qulaq asmağa üstünlük verirlər. Empatiya qabiliyyətləri yüksəkdir və heç olmamış ütopik bir olayı belə xəyal edib ağlaya bilirlər. Digər insanların ağrılarını, sevinclərini, bədbəxtliklərini öz hisləri kimi hiss edə bilirlər.

Qurtardı. indi sizə bu Koqnitiv funksiyaları necə sıralamalı olduğunuzu deyəcəm. Bir neçə qanun var. Məsələn se işlədirsizsə avtomatik ni də işlətmiş olursuz.
Se-ni
Si-ne
Ne-si
Ni-se
Te-fi
Ti-fe
Fe-ti
Fi-te
Bu cütlüklərdə bir funksiya dominant olduqda (bax: dom) digəri isə zəif olur (bax: inferior).
Se olan yerdə ne ola bilməz və fe olan yerdə te ola bilməz məsələn. Biri ekstravert olduqda digəri introvert funksiya olmalıdır mütləq.
indi funksiyaların yerləşdiyi yerə görə adlarını deyəcəm. Bir mbti tipini götürək. Misal üçün olsun entp. Entp'nin funksiya sırası ne-ti-fe-si'dir
Burda:
1-ci funksiya olan ne- dominant
2-ci funksiya olan ti- auxiliary
3-cü funksiya olan fe- tertiary
4-cü funksiya olan si- inferior funksiyadır.
işlətmə sıxlığınıza görə:
dominant funksiya gündəlik həyatınızın böyük bir hissəsində işlətdiyiniz funksiyadır.

Auxiliary funksiya ondan sonra ən çox işlətdiyiniz funksiyadır. Gününüzün 60%-də işlətdiyiniz funksiyadır.

Tertiary funksiya digərlərindən daha az işlətdiyiniz funksiyadır. Depressiv ya da pis bir gündə olarkən bu funksiya daha çox işlədilir bu arada. Təxminən beyninizin 10%-i tertiary funksiya ilə işləyir.

inferior funksiya isə ən az işlədilən və nadir hallarda işlədilən funksiyadır. Gündəlik həyatımızın 4-5%-də işlətdiyimiz funksiyadır.

Bu qədər. Bitti deyəsən. Yaza-yaza ürəyim çəkildi maye olub yerə dağıldım. Gedim ölüm aq bu nə yazıdır yazmışam belə.


Azərbaycandakı gənc qızların çoxu bunu istəyir nədənsə. Bir dostum hər hazırlıqdan birlikdə çıxdıqda mənə bir oğlandan danışırdı *. Deyir ki buna bir sevgilisi parfüm alıb və bu da çantasına atıb. Oğlanın yanından ayrılıb digər hazırlığına gedib və o hazırlıqdan çıxanda bundan xoşu gələn başqa bir oğlan bu qıza yaxınlaşıb. Çantasını alıb axtarıb və parfümü görəndə "bunu sənə kim verib?" deyə soruşub və sındırıb parfümü. Qız da bunları mənə danışır və ən axırda "az qısqanır daaa" dedi.
Qız son vaxtlar da bir oğlan haqqında çox danışmağa başlamışdı. Deyirdim ki yəqin yaraşıqlı oğlandır ki bu qızın bunun üçün ürəyi gedir *. Dünən mənə oğlanın insta hesabını atdı və bir an wtf? oldum. Tipə bax sifon çək amk. Xarakter də desən türklər demiş kıro adamdı. Qız mənimdi mən bilərəm, belə eləyərəm deyən tiplərdəndir. Oğlanı mıho ağaya oxşadıram sən öl. Realda görsəniz elə bilərsiniz ki eynisidir.


3 umbay: mıho ağa və tayfası


Ananın "dərslər üçün narahat olma, səni ora diplom üçün yox vaxtın maraqsız keçməsin deyə yollamışam" deməsi. Bir an yuxuda olduğumu düşünmədim deyil. Anacım yha



blok -   başlıqlarını gizlət

Son bəyənilənlər