Notice: Undefined variable: querycheckrows2 in /var/www/soz6/sds-themes/vengeful-light/header.php on line 161

son yazdıqları:










User123


66   2   0   0
User123
7.nəsil yazar
reytinq xalı: 312
entry sayı:66
karma xalı: 1126
izləyənlər: 5
sifariş sayı: 0






son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ataya demək istədiklərimiz Hər şeyi bilmirsən, bilə bilməzsən. Həmişə doğru deyilsən, ola bilməzsən. Mən də deyiləm. Bunu qəbul etmək lazımdı. Çətindi bilirəm, özümdən bilirəm -*
cavid ağa Özünü daimi izləməsəm də, başa düşdüyümə görə nə varsa onu dediyi, göstərdiyi üçün bəziləri tərəfindən sevilməyən adam. Deməli ölkəsində olan problemlərə diqqət çəkəndə vətənpərvər olmursanmış, yıxıb sürümək xoşuna gəlirmiş. Nə yalan deyim, hər gün yeni bir şey öyrənirəm. Bataqlıqda yaşayıb mərmər fasad göstərmək lazım imiş deməli, başqası görər biyabır olarıq(!)

(bax: admin sil sil )
azərbaycanlıların avtoritarizm və konservatizm sevgisi Azərbaycan xalqının əksəriyyətində müşahidə olunan tendensiya. Putin, erdoğan, lukaşenko, trump möhtəşəm liderlər kimi görülür. Dedikləri bir-iki söz, yaratdıqları persona, insanların konservativ fikirləri üstünə edilən populist çıxışları xoşlarına gəlib, olublar böyük lider. Xalqını sevirmiş, avropaya dirənirmiş(!), Pəh. Daha keçib, bizimkini də tərifləyin. Fərqləri nədir ki? Bizimki çox liberaldı yəqin, ona görə sevmirsiniz -* Hələ azərbaycanda oturub Trump pərəstişkarlığı edənlər var. Trump kimi bir adamı necə yaxşı şəxsiyyət, lider kimi görmək olar, başa düşə bilmirəm. Belə sevirsinizsə, bir öyrənin trumpın prezidentliyi, siyasəti haqqında, boş-boş danışmayın. Arada fikirləşirəm ki, sabah azad seçki olsa, bu xalq normal bir lider seçə bilməz.
elon musk Tesla səhmlərinin qiymətlərinin kəskin qalxması ilə təxmini 185 milyard sərvəti olan(sözdə) adam. tesla özü 500 milyard olaraq qiymətləndirilir. Bu nəyə əsaslanıb bilmirəm. mercedesdən, toyotadan çoxdur. Hansı ki toyota milyonlarla, tesla 500000 maşın hazırlayıb bu il. Balon kimi şişə şişə gedir səhmlərin qiyməti, nə deyim, axrı xeyir olsun.
determinizm və azad iradə ziddiyəti Məncə azad iradə ifadəsini sadəcə iradəyə dəyişsək ziddiyətini itirəcək problem.

Zehni fəalliyyətin fiziki əsasının olmasını qəbul etmək üçün yaxşı səbəblərimiz var. Bütün bədənimiz fiziki qanunauyğunluqlara uyğun olaraq işləyir, burada zehni ayrı tutmaq üçün bir səbəb görünmür. Məsələn, x, y neyronlar aktivləşdi deyə z ağlına gəldi? Yoxsa z ağlına gəldi deyə x,y aktivləşdi? Axı x,y aktivləşməsi bioloji prosesdir, özündən əvvəlki hadisələrlə bağlıdır və onların nəticəsidir. Deməli bu mükəmməl informasiyamız olsa, əvvəlcədən təxmin edə biləcəyimiz prosesdir. Z də bunu nəticəsi olaraq ortaya çıxır. Deməli x,y z-dən yox, z x,y-dən asılıdır. bunu qoyaq bir qırağa, biraz da ümumiləşdirib deyək. axı qərarlar səbəb-nəticə prinsipinə görə verilir(bəzən səbəblər aydın olmaya bilər amma bu səbəb yoxdur demək deyil), deməli nəticə(qərar) səbəbdən asılıdır.

Belə olanda, azad iradədəki azad nəyi ifadə edir? Nədən azad? Səbəb-nəticə qanunauyğunluğundan? Bəs onda qərarlar nəyə əsaslanıb veriləcək? (Not: random qərarlar da azad iradəyə ziddir) Mənim fikrimcə ümumi olaraq azad iradə anlayışı özü özlüyündə ziddiyətlidir. Azad iradə deyəndə biraz daha spesifik olmaq lazımdır. Məsələn insanın subyektiv hissini nəzərdə tuta bilərik, bizə elə gəlir ki azad qərar verdik, amma bu artıq ümumi işlədilən azad iradə anlayaşından fərqlənir. Ümumilikdə isə, azad iradəni iradə ilə əvəz etsək ziddiyət qalmır. Çünki iradə var, və biz iradəmizə görə qərar veririk, sadəcə hər şeyin olduğu kimi bu iradə də müəyyən proseslərin nəticəsidir, azad olması qeyri mümkündür çünki bütün hadisələr bir biriylə bağlı və bir birindən asılıdır.

(bax: azad iradə )
(bax: determinizm )
add Attention deficit disorder, yəni add, diqqət pozğunluğu/əksikliyi, hansısa bir tapşırığı yerinə yetirmək üçün motivasiya tapa bilməmək, həmin tapşırığın üstündə işləməyin(işləməyə başlamağın) çox çətin gəlməsi, unutqanlıq, əşyaları(açar, telefon kimi) tez tez itirmək və s. Kimi simptomları olan nevroloji pozuntu. Məktəb, universitet, işdə potensialdan aşağı nailiyyətlər və ya hər şeyi son ana saxlamaq kimi bir vərdişə də səbəb ola bilər. Həmçinin (bax: adhd )
adhd (bax: add )
Uşaq xəstəliyi deyil. Uşaqlarda da, həmin uşaqlar böyüyəndə böyüklərdə də rast gəlinən nevroloji Pozuntudur. Adhd ilə bağlı bir yanlış anlaşılma adhd-li hamının hiperaktiv, dəcəl uşaq olmasıdır. Bu belə deyil. Adhd-ni hal hazırda belə klassifikasiya edirlər: ADD , və ya adhd-inattentive type, yəni hiperaktivlik olmadan diqqət pozğunluğu/əksikliyi, adhd-hyperactive type, hiperaktivlik, və adhd-combined type, ikisi bir yerdə. Deməli götürüb bunların hamısına bir ümumi ad veriblər, Attention-Deficit / Hyperactivity Disorder (ADHD). Niyəsini bilmirəm. Belə olanda yuxarıda dediyim anlaşılmazlıq yaranır. Adhd-nin səbəbi tam bilinmir, genetik ola biləcəyi düşünülür. Adhd-li uşaqlarda dopaminin aşağı miqdarda olduğu, beyinin diqqət, sosial və hərəkəti idarə edən hissələrinin metabolizminin aşağı olduğu müşahidə edilirmiş(?) mənbə link
quran-i kərim Bir ayəsi digərilə uyğun gəlmir deməmişdən qabaq həmin ayələr konteksdə oxunmalıdır. Çünki cherry picking edib hər şeyi "səhv çıxarmaq" olar. Konteksdə oxuyub sonra razılaşmırsınızsa o ayrı məsələ, çünki doğrudan da bir çox sual yaradan mövzular var, amma onda argumentlər də daha uyğun olmalıdır(sayları kifayət qədərdir). "Quran Kafirləri öldür deyir, bu spesifik ayət obirinə uyğun gəlmir" məncə o qədər də yaxşı argumentlər deyil. Interpretasiya məsələsi də var. Fərqli insanlar eyni cümləni fərqli başa düşə bilər. Biri bu elmlə düz gəlmir deyər, digəri isə məsələn, əslində burada ziddiyyət yoxdur, sən çox hərfi mənada başa düşürsən deyər.

Sonda, inkar ya qəbul etmək hər bir insanın öz düşüncə prosessi nəticəsində qərar verəcəyi bir şeydir. Səhv və ya düz olmağını biz deyə bilmərik. Hər halda, milyard+ insanın müqəddəs gördüyü(kifayət qədər böyük hissəsinin oxumasa da) bir şeyə müəyyən hörmətlə yanaşılmalıdır(öz inanclarını sizə güclə tətbiq etməyə çalışmadıqları müddətcə). Tənqid və təhqir, lağ etmək ayrı şeylərdir bildiyiniz kimi.

Edit: entry konkret olaraq islamı müdafiə etmək üçün yazılmayıb. Hər hansı bir spesifik yazara da ünvanlanmayıb.
2021-ci il azərbaycan iqtisadi böhranı Koronavirus, karantin, müharibə, bütün problemlərin üstünə bir də yenidən devalvasiya, iqtisadi böhran gəlsin, jekpot udmuş olaq dediyim başlıq. Tez tez də uduruq.
intihar icra etmək üçün real istəyim olmasa da, həmişə haqqında düşünəndə(mənə elə gəlir hamı bu haqqda ömründə bir dəfə də olsa düşünür) ailəmi yadıma salan şey. Ailəmin belə bir şey ilə qarşılaşmasını təsəvvür edə bilmirəm. Bir ana, ata üçün bu nə deməkdir? Əminəm ki bir çox insanda da oxşar fikir yaranır. Kaş heç kimin ailəsi, dostları, sevdikləri, öz yaxınının hansısa mənfi səbəblərə görə intiharı ilə üzləşməzdi. Qocaldıqda isə, intihar daha cazibədar və mənalı görünür. Sanki həyatın qəddar bir zarafatı olaraq, getdikcə daha da əlacsız, əziyyətlə ölümünü gözləməkdənsə, kontrolu əlinə alırsan, öz həyatına özün son verirsən. Deməsi asandır...
2-ci qarabağ müharibəsinin şəhidləri Özlərinə və ailələrinə bütün Azərbaycan olaraq həmişə borclu qalacağımız, qalmalı olduğumuz insanlardır. Azərbaycan xalqının unutmamalı olduğu, bu xalq üçün ən böyük fədakarlığı etmiş insanlardır. Əgər hər hansı səbəbdən dövlət onların ailələrinin qeydinə yaxşı qala bilməzsə, xalq özü bunu etməlidir.
dədəbaba bu başlığdan tanıdığım qrup. keyfiyyətli iş görürlər. dinləyici sayısının az olması təəssüfləndirir. "molotov kotletinə" güldüm. məncə biraz daha az ironik və ya yumoristik mahnılar da yazsalar əla olar. mühit komediyadır, başa düşüləndir o da.
1 2 3 4 5 6 7 8 9 10 11 12 13 14 15 16 17 18 19 20