cəmiyyətə heç bir faydası olmayan insan

azərbaycan gənclərinin yarıdan çoxunu misal göstərə biləcəyimiz insanlardır. sonrakılar əvvəlkilərin çiyinləri üzərində yüksəlir və beləcə cəmiyyət inkişaf edir. misal üçün kopernik olmasaydı yəqin heç qalileyin kilsəyə qarşı müdafiə ediləsi bir ideyası da olmayacaqdı, nyuton qalileydən əvvəl gələ bilməzdi və elə eynşteyn də nyuton mexaniki fizikası olmasaydı yəqin öz relyavistik fizikasını yarada bilməyəcəkdi. dəyərlər və cəmiyyəti inkişaf etdirən daxili dinamikalar birdən ortaya çıxmır, əsrlik zəhmət və keçmişlə, eləcə də mövcud sistemlə mübarizə tələb edir. keçmişinə aludə olan heç bir fərd nəyisə dəyişdirməyib tarixdə. ibn sina din adamlarının ölüm fətvalarından qorxub qəbirlərdən ölüləri çıxardıb yarmasaydı, o da həmdövrləri kimi tarixin qaranlıqlarında itib gedəcəkdi. əlimizdə olan elm qərbin əsrlər boyu mübarizəylə formalaşdırdığı dəyərlər üzərində yaranıb inkişaf edib. mən qərbdə oxumuşam amma onun dəyərlərini mənimsəməmişəm deyən biri sadəcə yalan deyir. indi bizdən sonra gələnlər gözünü açıb baxacaqlar ki kimin çiyninə ayağımızı qoyaq yüksələk amma qoyulacaq təmiz çiyin tapmayacaqlar və cəmiyyət getdikcə aşağıya düşəcək.