yaşar nuri

xalq artisti, akademik milli dram teatrının aktyoru, milli kino və teatrda əvəzsiz rolların ifaçısı yaşar nuri uzun sürən xəstəlikdən sonra 61 yaşında vəfat edib. 1951-ci il sentyabrın 3-də bakıda anadan olan yaşar məmmədsadıq oğlu nuriyev azərbaycan dövlət incəsənət institutunun dram və kino aktyorluğu fakültəsində təhsil alıb. 1974-cü ildə akademik milli dram teatrının baş rejissoru tofiq kazımovun dəvətilə bu kollektivin aktyor truppasına qəbul olunub. . vaqif mustafayevin çəkdiyi “yaramaz” bədii filmindəki maşallah roluna görə azərbaycan respublikasının dövlət mükafatı laureatı adına layiq görülüb. azərbaycan dövlət televiziyasında hazırlanmış yüzdən çox tamaşada, bədii kompozisiyada, satirik səhnəciklərdə iştirak edib. istedadlı aktyor teatr sənətində böyük uğurlara görə azərbaycan respublikasının lenin komsomolu (1984), “qızıl dərviş” (1992 və 1996) mükafatları laureatıdır. səhnədə və ekranda yaratdığı parlaq obrazlara görə 1981-ci ildə azərbaycan respublikasının əməkdar artisti, 1989-cu ildə xalq artisti fəxri adlarına layiq görülüb. iki gün əvvəl respublika prezidentinin fərmanı ilə isteadlı aktyor “şöhrət” ordeni ilə təltif edilib.