bakının get-gedə çirkinləşməsi

məncə bakı gözəlləşmək əvəzinə çirkinləşir. bunu məntiqi olaraq xırdalıyacam. dediklərimə görə mənə haqq verəssiniz. təxmini 1 ay əvvəl çıxmışdım avropa turuna. maşınnan avropanın 8 şəhərini ləzzətnən gəzdim. fikir verdim ki, hər şəhərin ayrı gözəlliyi, ayrı mədəniyyəti, infrastrukturu, inkişaf sahəsi var. hamısı bir-birindən gözəldi, amma frankfurt haqqında danışmaq istəyirəm. frankfurt almanyanın vacib şəhərlərindən biridi. məşhur filosofların çıxdığı yerdi. indiki dövrdə finans mərkəzidi və uca binalarıynan məşhurdu. almanyada hər şeyin konstruktor kimi, qurulduğunu gördüm. hər şeyin öz yeri var. bütün güclərini berlinə verməyiblər. düzdü federativ olmaqları bu adət ənənəni qədimdən gətirir. çünki, əvvəllərdən hər bölgənin kralları yarışırdılar, daha da gözəlləşdirirdilər şəhərlərini. gəl gələlim bakıda isə vəziyyət çox bərbaddı. 6-7 il əvvəl youtubeda bakıda tikiləcək uca binalara baxıb heyrətlənirdim ki, biz də inkişaf edirik gözəl binalarımız olacaq. böyüdükçə gördüm ki, elə deyil. bütün hər şeyi bakıya doldurublar. sizə deyirəm 10 il sonra bakı çox iyrənc yer olacaq. şəhərin eyforiyası itəcək. bakı əvəzinə dubay olacaq bura. bizim qanmazlar qanmırlar ki, bakının tarixi dubayın tarixiynən eyni deyil. dubay 40 il ərzində çöllük üzərində qurulmuş bir yerdi. bakı qədimi tarixi olan yerdi. uca binaları tikirsiz allah xeyrini versin, amma burda - bakıda tikməyin. dəniz vağzalı tərəf çox basırıqdı. dənizə açılan yerin sahilində 30 mərtəbəli binalar tikmək hansı məntiqə uyğundu? gedin mingəçevirdə, gəncədə tikin bunları. paytaxtı dəyişmək istiyirdiz. gedin başqa şəhərdə tikin bu binanı qoy orda da 100 min iş yeri açılsın. xaricilər ora gəlsin, yerli sahibkarlar inkişaf eləsin. allahın qazaxstanı belə astana kimi bir şəhər yaradıblar. bizim "ağıllılar" bunu belə fikirləşmirlər. regionların inkişafına ayrılmış milyardlarla pulu acgözlüknən yeyib bitiriblər. çox təəssüf ki, belə mədəniyyəti olmayan, bakını başa düşməyən adamlar şəhərin taleyini müəyyən edirlər. qədimi yollara formula 1 üçün asfalt çəkirlər, zövqsuz, plansız binaların tikilməyinə pul alıb icazə verirlər. allah axrımızı xeyrli eləsin.