mabel matiz

maya adlı albomu zirvəyə oynayan albomlardandı. ən sevdiyim 3 türk albomundan biridir. ondan öncə sırf bir neçə sinqlını dinləyib sevsəm də son albom necə lazımdı "oturub". qərb və şərqin sintezi ancaq bu qədər mükəmməl ola bilərdi deyirəm hər dinləyişdə. abi, (kalin: sarmaşık, fırtınadayım, mendilimdə kırmızım var, öyle kolaysa, pembe, comme un animal) mahnılarının hamısı bir-birinə o qədər yaxın, bir o qədər də uzaqdır ki, insan sadəcə o get-gəllərin içərisində yox olmaq istəyir. əksər musiqilərinin müəllifi də özüdür. keçən yenə işə gedirəm, qulaqcıqda (kalin: sarmaşık), öz-özümə elə bir güclü ehtirasla istədim ki, kaş gördüyüm bütün binalar böyük bir səsgücləndirici olsun, bütün dünya mahnıdakı bu sancını, eyni zamanda sevgini, mükəmməliyyəti hiss eləsin. hər mahnı insana belə hiss etdirmir.