altı gün müharibəsi

Birinci gün: İlk hücum 5 iyun günü 07: 30-dan etibarən İsraildən gəldi. İsrail döyüş təyyarələri Misir, Suriya və İordaniya aerodromlarını bombalamağa başladılar. İsrail təyyarələri Misir radarlarına tutulmamaq üçün Aralıq dənizi üzərində çox alçaqdan uçaraq Misirin qərb sərhədlərinə çatdılar. 5 iyun axşamı olduğunda 16 Misir aerodromu yerlə bir edildi. 280 Misir təyyarəsi, 52 Suriya təyyarəsi, 20 İordaniya təyyarəsi və bir çox da İraq təyyarəsi hələ yerdəykən yararsız hala salındı. İsrail bu ani basqınla Ərəb ölkələrinin bütün hava qüvvələrini az qala yox etmiş oldu. Suriya, İraq, İordaniya, Əlcəzair, Yəmən, Sudan, Küveyt və Səudiyyə Ərəbistanı İsrailə müharibə açdı. ABŞ tərəfsizliyini elan etdi. İkinci gün: İsrail ordusu Qəzzanı mühasirəyə aldı və sonra da İordaniya cəbhəsindən Qəzzaya girdi. ABŞ ilə SSRİ-nin uzun sürən baş-başa görüşməsinin ardından BMT Təhlükəsizlik Şurası təcili atəşkəs istəyən bir qərar layihəsini yekdilliklə qəbul etdi. Üçüncü gün: İsrail ordusu Süveyş Kanalının şərq sahilini və Sina yarımadasını işğal etdi. İsrail donanması Şarm əş-Şeyxi mühasirəyə aldı və Aqaba körfəzini açdı. İordan çayının qərb sahilini və Şərqi Qüdsü itirən İordaniya atəşkəsi qəbul etdi. Dördüncü gün: İsrail-Suriya sərhədində top atışları yaşandı. Eyni gün Qahirə də atəşkəsi qəbul etdi. Beşinci gün: İsrail ordusu Qolan təpələrini girdi. Nasir gələn təzyiqlər üzərinə istefa etdi, amma qərarından imtina etdi. Altıncı gün: SSRİ İsrail ilə diplomatik əlaqələrini kəsdi. Şama 40 kilometr uzaqdakı əl-Kuneytranın düşməsi üzərinə Suriya də atəşkəsi qəbul etdi və qarşıdurmalara son verdi. Nəticədə, 6 gün ərzində israil iordaniya, fələstin, misir və suriya torpaqlarının, o cümlədən qüdsün (yerüsəlim) işğalı ilə sahəsini 4 dəfədən çox artırdı. bu qısa müharibə israilin yaxın şərqdə təkbaşına ağalığına şərait yaratdı və bütünlüklə ərəb ölkələrinin bir-bir siyasətlərini dəyişərək aralarında parçalanmasına gətirib çıxartdı. həmçinin ssri-dən aldıqları silah hesabına müharibədən qalib olacağını düşünən ərəb ölkələrində pan-ərəbizm siyasəti çökmüş oldu.