kitab oxumaqla özünü bir şey zənn etmək

Sözlükdəki bəzi yazarların da əziyyət çəkdiyi hal, vəziyyət. İnsanı sözlükdən soyudan səbəb də desəm uyğun olar. Kitab oxumaq sənin dünyagörüşünü artırar, sənə həyat məktəbindən dərslər öyrədər. Fəqət bu yolda “mənim bildiyim gerçəklər gerçəklərdir” ab-havasına girib xoşuna gəlməyən hər fikrin sahibinə kitab qoxusundan uzaq cahil kimi baxmaq... nə bilim. Mənə görə sadəliyi itirdiyimiz an cahilliyə qovuşuruq. Oxuduğumuz kitabların sayını yarışdırıb kimdənsə üstün olduğumuza qərar verməzdən öncə dönüb bir az təvazökarlıq kitabından da səhifə çevirək. Yox, sənin dediyin hər şey həqiqət deyil. Yox, mənim heç vecimə deyil sən neçə kitab oxumusan. Çünki sən başa düşmürsən ki, fərqli insanlar, fərqli fikirlər və dünyagörüşləri var. Sözündə azadsan, hörmətdə məcbur. Kitab oxuyub özünüzü yığışdıra bilməyəcək səviyyəyə gələcəksinizsə, lütfən oxumayın. Ağzınızın ağ qatığını kitabların sarı səhifələri ilə səhv salmayın. Sadəcə başqalarına yuxarıdan aşağı baxmaq üçün və onlardan üstün olmaq üçün oxumayın. Çünki hələ ki bir kəs ola bilməmişik.