hacı şahin

Azərbaycan İslam camiəsində fikirlərinə hörmətlə yanaşdığım tək-tük insanlardan biri. Azərbaycanda İslam radikallığından uzaq birisidir məncə. Ağ-Qara verilişindəki müsahibəsinə baxandan sonra bir çox məsələlərdə fikirlərimizin üst-üstə düşdüyünü gördüm. Həmişə deyirdi ki, mən o günün həsrətindəyəm ki, hər bir dinlə məşğul olan adam elmli olsun. Elə gün gəlsin ki, dindar birini görəndə desinlər ki, hə onda deməli elmli insandır. Xurafatdan uzaq İslamı təbliğ edən din adamı da deyilə bilər onun haqqında. Soz6da ancaq şiə mollası, İran mollası kimi görülməyinə pis oldum biraz, düzü, amma gözləyirdim. İnsanlar çoxvaxt önyargı ilə qarşılayır din adamlarını. Elə bilirlər hamısı xurafatçı, İranın adamı, pulgir molladır. Amma Hacı Şahin Həsənli məncə elə insan deyil. Onun yazdığı şeirlərdən də eşq, aşiq, məşuq əlaqələrini görmək olar. hacishahin.az/sheirler/2 Mən də o günün həsrətindəyəm ki, insanlar özü ilə eyni ideologiyada olmayan insanlara, qüruhlara önyargısız şəkildə yanaşa bilsin.