british shorthair

ənənəvi İngilis ev pişiyinin cins versiyasıdır. ən ağıllı, ən canayaxın və (u: cute) ovçu pişiklərdir. British Shorthair-in mənşəyi eramızın birinci əsrinə təsadüf edildiyi güman olunur və bu, onu dünyanın ən qədim pişik cinslərindən biri halına gətirir. Bu pişikləri ilk dəfə düşərgələri ilan, siçan və böcəklərdən uzaq tutmaq üçün saxlayan Romalılar sahiblənmişdir. daha sonra yerli Avropa vəhşi pişik populyasiyasına qarışmışdır. Əsrlər boyu təbii olaraq təcrid olunmuş nəsillər, doğma adalarındakı şərtlərə daha yaxşı tab gətirmək üçün qısa, lakin çox qalın tüklü böyük, möhkəm pişiklər halına gəldilər. Rəssamların təsvirlərinə əsasən demək olar ki, modern british shorthair-lər məhz bu cinsin nümayəndələridir. Tipin ən yaxşı nümunələrinin seçmə üsulu ilə yetişdirilməsi isə on doqquzuncu əsrdə "İngilis mavisi"(u: British blue) və ya "İngilis tipi"(u: english type) adlanan qeyri-adi mavi-boz variantının inkişaf etdirilməsi ilə başladı. British Shorthair nisbətən güclü görünüşlü, böyük bir pişikdir. yuvarlaq pəncələri, qalın ayaqları və orta uzunluqda bir quyruğu var. Baş nisbətən böyük və yuvarlaqdır. balaca ağız, geniş yanaqlar və adətən mis narıncı göz rənginə görə seçilir. amma tüklərinin rənginə uyğun olaraq göz rəngi də dəyişə bilər. british shorthair-in xarakteristik əlamətlərindən biri də onun tükləridir. çox sıx və qısa tüklərinin altında ikinci bir tük təbəqəsi yoxdur. buna görə də sığallayan zaman yumşaq və qabarıq yox, nisbətən cod hiss etdirrir və pişik hərəkət etdiyi zaman tüklərinin bəzi xətlərdə ayrıldığını görmək olur. ən məşhur british blue olmasına baxmayaraq bu cinsin qara, ağ, gümüşü, qızılı, narıncı və başqa rənglərdə nümayəndələri var. onlar asan yola gedən və ağırtəbiətlidir, bir çox başqa pişik cinsləri kimi aktiv və oynaq deyil. şirin xasiyyətli və sahiblərinə sadiqdirlər. Digər ev heyvanları və uşaqların ətrafında təhlükəsizdir. çünki ətraf təsirlərə qarşı kifayət qədər tolerantdırlar, lakin bir qayda olaraq ələ götürülməyi və ya qucaqda harasa aparılmağı sevmirlər. öz istədikləri zaman sığallanmağı isə çox sevirlər. amma buna baxmayaraq çox mehribandırlar və insanların ətrafında olmağa çalışırlar. İngiltərə cins komitəsi(u: The UK breed committee), British Shorthair-i uzun ömürlü, 14-20 il ömür sürən bir pişik hesab edir. İngiltərədəki veterinar klinikalarının məlumatlarına əsasən ortalama 11.8 il ömrə sahibdirlər. (gbax: Hipertrofik kardiomiopatiya (HCM)) bu cinsə xarakteristik olan əsas patologiyalardan biridir. Danimarkada 329 pişikdən çox yayılmış bir tədqiqat göstərir ki, erkəklərin 20,4%-i və dişilərin 2,1%-də HCM var. cinsin əsas xəstəlikləri (gbax: Kardiyomiyopatiya) və (gbax: Polikistik böyrək xəstəliyi)-dir. Bununla birlikdə, pəhrizlərinə diqqət yetirilmədiyi təqdirdə obezliyə meylli ola bilrlər.