xal

yaxın oturun. xallar barəsində yazacam. hərkəsin bilməsi gərəkən məlumatlardır bunlar. bəzi hallarda xallar bədxassəli törəmələrə((kalin: xərçəngə)) çevrilə bilir. erkən aşkarlayıb erkən müalicəyə başlamaq daha yaxşı nəticələr verər. özünüzü müayinə yollarını yazıram: 1- bədəninizin hər bir nöqtəsindəki xallardan agah olun və onları tanıyın. (kalin: üzünüzdə, baş dərinizdə, kürəyinizdə, qulaq arxalarında, barmaq aralarında, anal və cinsi bölgədə, boğazda, boyunda) və s. (bu zonalar əsasən etinasız yanaşılan yerlərdir.) 2 - müayinə edərkən əlinizi üzərinə sürtün, (kalin: qabarıq) və ya (kalin: hamar) olduğunu hiss edin. ağlınızda tutun. 3 - yeni peyda olduğunu düşündüyünüz xalı nəzarətə alın, müşahidə edin. hətta nəsildə kimdəsə(kalin: dəri xərçəngi), (kalin: melanoma) kimi xəstəliklər olmuşsa əgər, o xalın yanına xətkeş qoyub fotosunu çəkin, tarixi qeyd edin və o şəkildə müşahidəyə davam edin. zamanla dəyişikliklər(rəng dəyişmə, asimmetriya, qabarıqlaşma, xoralaşma, böyümə, formasının dəyişməsi) baş verdiyini gördüyünüz halda dərhal həkimə müraciət edin. əvvəl və sonrakı halı həkimə göstərib zamandan qazana biləsiniz deyə. müşahidənin (kalin: abcde) ilə yadda saxlaya bilərsiniz. bunlar melanoma üçün şübhə yaradan kriterialardır. (kalin: a = asymmetry) ==> asimmetrik xallar. (kalin: b = border) ==> nahamar, dağınıq kənarlı xallar. (kalin: c = color) ==> birdən artıq rəngi olan, bəzi hissələri qaralmış, tündləşmiş xallar. (kalin: d = diameter) ==> 6 mm-dən böyük xallar (kalin: e = evolving) ==> ölçüsü, forması, rəngi dəyişən xallar. google-da (kalin: melanoma) deyə axtarıb fotolara baxıb nəyə bənzədiyini görə bilərsiniz. qeyd: (kalin: “ət xallarınızdan”) evdə iplə və s. digər metodlarla qurtulmağa çalışmayın. dermatoloqa yaxınlaşın. bu iş mütəxəssis tərəfindən (kalin: krioterapiya) deyilən proseslə edilir.