tiktok

Xarici dil biləndən sonra sənə çox şey öyrədəcək, perspektivini genişləndirəcək, yeri gələndə özünü başa düşməyinə kömək olacaq application. Ölkəmizin millenialları bunu qəbul eləməlidirlər ki, artıq məhlədə top-top oynaya-oynaya böyümək vaxtı deyil, yeniyətmələr rahat özlərini ifadə edəcək platforma sahibdirlər görə, bu onları düşük eləmir. Tək fərq 90-cı illərdə olunan məhəllə davalarının ve hormonları aşıb-daşan balalarımızın bir birinə feromon dolu baxışlar atmasının indi ekranlarda yaşanmasıdır. Cavanlarınız yoxmuş kimi davranıb, "düşük insanlar tiktok çəkir" deyib onları uzaqlaşdırdıqca heç bir yerə gedə bilməyəcəyik. Sosial medianı inkar elədikcə dünya da sizi inkar eləyəcək. Axırda öz içimizdə bir-birimizi söyə-söyə oturacağıq. İmkan verək, insanlar səhv eləsin, öyrənsin, öyrətsin.